„გროს ენერჯი გრუპი“; „გეფერინი“; „თიერსი“ ; „Ecotour Georgia“ ; „სანტა“ ; „ჯეო მულჩი“ - ეს ის კომპანიებიც რომლებიც ,,თიბისი ბანკის” ბიზნესდაჯილდოების ფინალში მოხვედრილი 18 კომპანიიდან გამარჯვებულებად დასახელდნენ. ბიზნესდაჯილდოება 2018-ის მიმდინარეობისას პროექტის მთავარი პარტნიორი ევროპული ფონდი სამხრეთ-აღმოსავლეთ ევროპისთვისიყო, დანარჩენი პარტნიორები კი: ევროპის რეკონსტრუქციისა და განვითარების ბანკი – EBRD, Impact Hub Tbilisi და სააგენტო „აწარმოე საქართველოში“.
წელს პირველად, ბიზნესდაჯილდოების გამარჯვებულებისათვის სამი კატეგორიის ჯილდო იყო დაწესებული. გამარჯვებული კომპანიები საკუთარი ბიზნესსაჭიროებიდან გამომდინარე თავად აირჩევენ სამიდან ერთ-ერთს: ციფრულ სტრატეგიასა და ახალ ვებ-გვერდს, ბრენდ სტრატეგიასა და საიმიჯო კამპანიას, ან პროგრამულ უზრუნველყოფას.

„გეფერინი“ – კომპანია, რომელმაც 2014 წელს, საქართველოში ჩანთების მასიური წარმოება დაიწყო, რასაც ეტაპობრივად საფულეების, ქამრების, აქსესუარებისა და ფეხსაცმელების წარმოებაც დაემატა. დღეს „გეფერინი“-ს პროდუქცია მსოფლიოს 9 ქვეყანაში გადის.
„თიერსი“ ეკოლოგიისათვის სასარგებლო, საბურავების გადამამუშავებელი კომპანიაა, რომლის მიზანია მწყობრიდან გამოსული უვარგისი საბურავი გადაამუშაოს და მისგან ისეთი სასარგებლო პროდუქტი მიიღოს, როგორიცაა: კაუჩუკის გრანული და ფოლადის ბოჭკო.
"გროს ენერჯი გრუპი“ – კომპანიის ძირითადი საქმიანობა საინჟინრო-საკონსულტაციო მომსახურებაა, რაც ითვალისწინებს ნებისმიერი პროექტის დამუშავებას კონცეპტუალური ეტაპიდან ექსპლუატაციაში მიღებამდე. მომსახურება ითვალისწინებს როგორც ტექნიკურ, ასევე იურიდიულ მხარეს.

სტუმრები: ილია გეფერიძე - "გეფერინი", დამფუძნებელი;
დავით ტყებუჩავა - "გროს ენერჯი ჯგუფი", საოპერაციო დირექტორი;
ზურაბ ბაზღაძე - "თი ერ სი", აღმასრულებელი დირექტორი

17.12.2018