იმისთვის, რომ ჩემპიონატის ჩატარების უფლება მიენიჭებინათ, კომიტეტის წევრებმა გერმანია და თურქეთი რამდენიმე კრიტერიუმის მიხედვით შეაფასეს და შეადარეს.
ეს კრიტერიუმებია: საფეხბურთო ტურნირების ორგანიზების გამოცდილება - რომელ ქვეყანას აქვს ამ ტიპის ტურნების ორგანიზების მეტი გამოცდილება - რა თქმა უნდა, გერმანიას. გერმანიაში გაიმართა მსოფლიოს ჩემპიონატები 1974 და 2006 წლებში, ევროპის ჩემპიონატი კი 1998 წელს, ასევე მსოფლიო ჩემპიონატი ქალთა ფეხბურთში - 2011 წელს. ამ მხრივ თურქეთის გამოცდილება ძალიან მწირია - აქ 2013 წელს ახალგაზრდული ნაკრებების მსოფლიო ჩემპიონატი გაიმართა.

5 წლისწინანდელი გამოცდილება თურქეთისთვის საკმარისი არ აღმოჩნდა და ამ რბოლაში გამარჯვება გერმანიას დარჩა. 2024 წელს ტურნირის მასპინძელი ქვეყანა სწორედ გერმანია იქნება. კონკურენტი თურქეთი 12 ხმით, 4 ის წინააღმდეგ, დამარცხებულია.. ევრო 2024-ის მასპინძლობისთვის გერმანიამ 10 ქალაქი შეარჩია: ბერლინი, მიუნხენი, დორტმუნდი, გელზენკირხენი, შტუტგარტი, ჰამბურგი, დიუსელდორფი, კიოლნი, ლაიფციგი და ფრანკფურტი.

მეზობელ თურქეთს გერმანიამ ფაქტია ინფრასტრუქტურული გამართულობით აჯობა.

UEFA-ს კომისიამ გერმანიის 10-ივე სტადიონს მაღალი შეფასება მისცა. მეორეს მხრივ , გერმანია ევროპის ცენტრში მდებარეობს და სხვა ქვეყნის გულშემატკივრებს მატჩზე დასასწრებად ნაკლები გზის გავლა მოუწევთ.

28.09.2018