გაეროს მოსახლეობის ფონდის საქართველოს ოფისის, არასამთავრობო ორგანიზაცია We Care-ისა და საქართველოს ფეხბურთის ფედერაციის ინიციატივით, კამპანიის „კაცები ზრუნავენ“ ფარგლებში, დავით პეტრიაშვილის არენაზე მამებისა და შვილების საფეხბურთო ჩემპიონატი წელს მეორედ ჩატარდა. ჩემპიონატში მონაწილეობა 22 გუნდმა მიიღო. მამები, რომლებიც მწვრთნელების ამპლუაში იყვნენ, თამაშზე გუნდები გოგონებისა და ბიჭების თანაბარი რაოდენობით წარმოადგინეს. ჩემპიონატი გაეროს მოსახლეობის ფონდის საქართველოს ოფისსა და საქართველოს ფეხბურთის ფედერაციას შორის არსებული თანამშრომლობის ნაწილია. მისი მთავარი მიზანი, კამპანიის „კაცები ზრუნავენ“ ფარგლებში საზოგადოებაში ჯანსაღი ცხოვრების წესის პოპულარიზაციაა.