1 ივლისიდან მცირე ბიზნესის სტატუსის მქონე პირის შემოსავალი მანამდე არსებული 5%-ის ნაცვლად 1%-იანი განაკვეთით იბეგრება. მცირე ბიზნესის სტატუსი კი იმ პირებს მიენიჭებათ, რომელთა ერთობლივი შემოსავალი 100 ათასი ლარის ნაცვლად, 500 ათას ლარამდე იქნება. ამასთან, აღსანიშნავია, რომ ცვლილებების თანახმად, მცირე ბიზნესის სტატუსის გაუქმების საფუძველი აღარ იქნება მეწარმე ფიზიკური პირის დამატებული ღირებულების გადასახადის გადამხდელად რეგისტრაციის ფაქტი.
ამ საკითხთან დაკავშირებით გუშინ ორი ბრიფინგი გაიმართა. შეღავათების შესახებ ჯერ ფინანსთა სამინისტროში, ფინანსთა მინისტრის მოადგილემ გიორგი თაბუაშვილმა, დღის ბოლოს კი კანცელარიაში, პრემიერმა ბახტაძემ ისაუბრა.

03.07.2018