საქართველოში 2017 წლის განმავლობაში ხანძრების შედეგად 79 ადამიანი დაიღუპა, რაც 2016 წლის მონაცემებთან შედარებით 61,2%-ით მეტია. საქსტატის ინფორმაციით, საქართველოს ტერიტორიაზე გასულ წელს მთლიანობაში 15 222 ხანძარი დაფიქსირდა, რაც 2016 წლის მაჩვენებელთან შედარებით 39%-ით მეტია. ხანძრების შედეგად სიკვდილიანობის ზრდის ფონზე შემცირდა ხანძრის შედეგად დაშავებულთა რიცხვი. 2017 წელს საქართველოში ხანძრის შედეგად 224 ადამიანი დაშავდა, ხოლო 2016 წელს - 249 ადამიანი. რაც შეეხება ხანძრის შედეგად განადგურებულ შენობებს, 2017 წელს მათი რაოდენობა 543 იყო, რაც 2016 წლის მაჩვენებელთან შედარებით 16%-ით მეტია. 2016 წელს ხანძარმა 468 შენობა გაანადგურა.

ეს მშრალი სტატისტიკაა. თუცა არაფრით შეიძლება იყოს მსხვერპლსა თუ ზარალზე რაიე სახის მონაცემი მხოლოდ მონაცემი. ხანძრებს ერთი მახასიათებელი აქვს, ქართულ რეალობაში ყოველ შემთხვევაში იშვიათად მახსენდება შემთხვევები,რ ოცა ხანძრის გამომწვევი მიზეზები დადგინდა და კონკრეტულ კითხვებს პასუხი გაეცა. გადაცემის დასაწყისშიც აღვნიშნე, გასული წლის ხანძრების ქრონოლოგია ფაქტობრივად ბავშვთა სამყაროს ხანძრით დაიწყო და ისევე როგორც უმეტეს შემთხვევებში აქაც ბევრი გაურკვეველი და პასუხგაუცემელი კითხვაა დარჩენილი.

სტუმარი: გია მაჭავარიანი - სს „ბავშვთა სამყარო“, აღმასრულებელი დირექტორი

29.05.2018