შემზარავი ვიდეოკადრები - თბილისში, მძღოლმა პარკირებისას შემთხვევით მწოლიარე ძაღლს მანქანით გადაუარა

სოციალურ ქსელში შემზარავი ვიდეო გავრცელდა, სადაც ჩანს თუ როგორ უვლის მძღოლი მანქანით კუთხეში მწოლიარე ძაღლს. ვიდეო ფესიბუქის მომხმარებლებში შეშფოთება და პროტესტი გამოიწვია.
„SOS! არ შეიძლება ადამიანი რომელიც ქუჩის კუთხეში მიწოლილ ძაღლს მიზანმიმართულად მანქანით გადაუვლის ცხოვრობდეს მშვიდად ჩვენს გვერდით. შეგნებულად არ ვაზიარებ უმძიმეს ვიდეოს, რომელსაც მეც ვერ ვუყურე. ჩანს მანქანაც და ჩანს ნომერიც.

ძაღლი მოკვდა.

შინაგან საქმეთა სამინისტრო / Ministry of Internal Affairs of Georgia ვიდრე არ გვექნება დასჯის ერთი და სამაგალითო შემთხვევა, ეს არ დამთავრდება.

პასუხი აგოს მანიაკმა!

საშიშია საზოგადოებისთვის“ - წერს ჟურნალისტი თეონა ცხომელიძე.