ფილიპინელი, რომელსაც 32 წელია ჯვარს აკრავენ, ტკივილს ვეღარ გრძნობს (+18)

ფილიპინელი, რომელსაც უკვე 32 წელია ვნების შვიდეულში ჯვარს აკრავენ, აცხადებს, რომ ჭრილობები აღარ სტკივა.

58 წლის კათოლიკე რუბენ ენახე კვლავ ჯვარზე გააკრეს იმ ტრადიციის მიხედვით, რომელიც სოფელ კუთუდში ყოველწლიურად აღესრულება.

„გასულ წლებში სახლში კოჭლობით ვბრუნდებოდი და ტკივილებს ვგრძნობდი, მაგრამ ახლა მშვენივრად ვგრძნობ თავს“ – ამბობს ფილიპინელი, რომელიც მიჩნევს, რომ ამაში რწმენა დაეხმარა.

მისივე თქმით, კვლავაც შემორჩა ძალები, რომ ეს ტრადიცია კიდევ ორი-სამი წლის განმავლობაში შეასრულოს.

ფილიპინებზე კათოლიკურმა ეკლესიამ არაერთხელ განაცხადა, რომ არ მიესალმება ასეთ სისხლიან რიტუალს და ის რწმენის ცრუ გადმოცემაა. თუმცა, ეკლესია აღნიშნული სახის ჯვარცმას აქტიურად არ ებრძვის.


ტექსტი მომზადებულია dogma.ge-ს მიხედვით