► გამოიწერეთ ჩვენი არხი: https://www.youtube.com/channel/UCRIeld-j8vxhnUFaWu2KIhQ?sub_confirmation=1
► დაალაიქეთ FB გვერდი: https://www.facebook.com/topfaqtebi
► მაივიდეო: http://myvideo.ge/TopFaqtebi
► ინსტაგრამი: https://www.instagram.com/top_faqtebi/
----------
მეოცე საუკუნე კაცობრიობისთვის უმნიშვნელოვანესი ტექნოლოგიური და სამეცნიერო მიღწევების სიმრავლით გამოირჩევა და ძნელია მათგან ყველაზე მნიშვნელოვანი ათეულის ამორჩევა, მაგრამ დღევანდელ ვიდეოში ზუსტად ამის გაკეთებას შევეცდებით.
10. ბირთვული ენერგია
მეოცე საუკუნისთვის ბირთვული ენერგია იგივე იყო, რაც მეცხრამეტე საუკუნისთვის - ორთქლის ენერგია. უეცრად კაცობრიობას ენერგიის ახალი წყარო გამოუჩნდა, რომელიც გარემოს არ აბინძურებდა, ეფექტური იყო და პრაქტიკულად არასდროს გამოილეოდა, თუმცა ადამიანური დაუდევრობის წყალობით ორპირა ხანჯლად გადაიქცა და მიუხედავად მავნე გამონაბოლქვის არარსებობისა, მთელი რეგიონები და ქალაქები გადააქცია რადიოაქტიურ, უკაცრიელ ნასახლარებად. მიუხედავად ამისა, ძნელია ბირთვული ენერგიის ჯამური დადებითი მხარეებისა და მისი სიიაფის უარყოფა, სხვა საკითხია რამდენად მზადაა კაცობრიობა მის გამოსაყენებლად.
9. პერსონალური კომპიუტერი
ძნელია სამყაროს კომპიუტერების გარეშე წარმოდგენა. ზოგადად კომპიუტერი მეორე მსოფლიო ომიდან მოყოლებული არსებობს, მაგრამ მაშინდელი აპარატები უძვირესი, მოუხერხებელი მანქანები იყო, რომლებსაც მთელი ოთახები ეკავა. 1970-იანი წლების შუაში ჯობსისა და ვოზნიაკის წყალობით სიტუაცია შეიცვალა და კომპიუტერი დღეს-დღეობით ყველანაირ სიტუაციაში აუცილებლობას, ბევრისთვის კი შემოსავლის ერთადერთ წყაროს წარმოადგენს. კომპიუტერები გამოიყენება ყველაფერში: ფინანსების სამართავად, წიგნების საწერად, დიზაინში თუ უძრავი ქონებით ვაჭრობაში. PC-მ აგრეთვე ტელევიზიის ჩანაცვლებაც დაიწყო და ბევრისთვის ფილმების და სერიალების ყურებისა და მუსიკის მოსმენის ძირითად საშუალებას წარმოადგენს.
8. თვითმფრინავი
ისევე, როგორც მე...