გელა აფრასიძის ლელო წლის საუკეთესოს ნომინაციაზე წარადგინეს

მსოფლიო რაგბის დაჯილდოვების ყოველწლიურ საღამოზე, რომელიც წელს მონაკოში გაიმართება, წლის საუკეთესო ლელოს ავტორს გამოავლენენ - IRPA Try of The Year (მორაგბეთა საერთაშორისო ასოციაციის წლის საუკეთესო ლელო).

წელს გამარჯვებისთვის ოთხი ნომინანტი იბრძოლებს. მათ შორის ერთ-ერთია გელა აფრასიძის ლელო, რომელიც მან საქართველოში გამართულ 20 წლამდელთა მსოფლიო ჩემპიონატზე ირლანდიის წინააღმდეგ დადო.

ხმის მიცემა მხოლოდ თვითერზე მიმდინარეობს. იმისათვის, რომ გელას ლელოს ხმა მისცეთ 9 ნოემბრიდან 26 ნოემბრის ჩათვლით ამ ბმულის მეშვეობით შებრაძანდით მსოფლიო რაგბის თვითერის გვერდზე Twitter.com/WorldRugby მიმაგრებულ პოსტში დააჭირეთ ღილაკს Tweet #VoteAprasidze. ამის შემდეგ დააჭირეთ ღილაკს TWEET

ხმის მიცემა მხოლოდ ამ პროცედურითაა შესაძლებელი.

აფრასიძის გარდა მსოფლიო რაგბის წლის საუკეთესო ლელოს ჯილდოზე ასევე წარდგენილნი არიან:

ირლანდიის ნაკრების და ბრიტანელი და ირლანდიელი ლომების მესამე ხაზელის, შონ ობრაიანის ლელო ახალი ზელანდიის წინააღდეგ;

პუმების ფულბეკის, ჰუაკინ ტუკულეტის ლელო ინგლისის წინააღმდეგ;

ბლექფერნის, ახალი ზელანდიის ქალთა ნაკრების ფულბეკის, ფორშა ვუდმენის ლელო აშშ-ს წინააღმდეგ ქალთა მსოფლიო თასის ნახევარფინალში.

მსოფლიო რაგბის წლის საუკეთესო ლელო სარაგბო სამყაროში ერთ-ერთი ყველაზე პრესტიჟული ჯილდოა, რომელიც აქამდე მიენიჭათ:

2016 - ჯეიმი ჰისლიფს (ირლანდია)

2015 - ჯულიან სავეა (ახალი ზელანდია)

2014 - ფრანსუა ჰოუჰარდი (სამხრეთ აფრიკა)

2013 - ბიდენ ბარეტი (ახალი ზელანდია)

2012 - ბრაიან ჰაბანა (სამხრეთ აფრიკა)

2011 - რედიკი სამო (ავსტრალია)

2010 - ქრის ეშტონი (ინგლისი)

2009 - ჟაკ ფური (სამხრეთ აფრიკა)

2008 - ბრაიან ოდრისქოლი (ირლანდია)

2007 - ზი ნგვენია (აშშ)