დღეს ეროვნული გმირის, გიორგი ანწუხელიძის დაბადების დღეა!

დღეს ეროვნული გმირის გიორგი ანწუხელიძის დაბადების დღეა. მას 33 წელი შეუსრულდებოდა. თავდაცვის მინისტრმა ლევან იზორიამ, გენერალური შტაბის უფროსმა, გენერალ-მაიორმა ვლადიმერ ჩაჩიბაიამ და უწყების სხვა ხელმძღვანელმა პირებმა ანწუხელიძის ხსოვნას პატივი, მშობლიურ სოფელ ქვემო ალვანში მდებარე მემორიალთან მიაგეს.ეროვნული გმირის დაბადების დღესთან დაკავშირებით, დღეს პირველად შეიარაღებული ძალების ისტორიაში, 13 სამხედრო მოსამსახურე სამინისტროს უწყებრივი მედლით „გიორგი ანწუხელიძე“ დაჯილდოვდა.„გიორგი ანწუხელიძე, ეროვნული გმირი, რომელმაც მთელს მსოფლიოს უჩვენა თუ რა არის ქართველი კაცისთვის ყველაზე საპატიო მისია, თავისი თავგანწირვის ფასად დაიცვას ქვეყნის ღირსება და მთელ მსოფლიოს და განსაკუთრებით მოწინააღმდეგეს გასაგონად თქვა თავისი გმირული საქციელით, რომ ქართველმა კაცმა შეიძლება დროებით დაკარგოს ტერიტორიები, მაგრამ არასდროს არ დაკარგავს თავის ღირსებას,“ - განაცხადა ლევან იზორიამ.