ამერიკული სამხედრო ჯავშანტექნიკა ხაშურშია გაჩერებული

ამერიკული ჯავშანმანქანების რამდენიმესაათიანი მარში საქართველოს ტერიტორიაზე სენაკიდან დაიწყო და მისი საბოლოო მისამართი ვაზიანის სამხედრო პოლიგონია.დღეიდან ქართველი და უცხოელი სამხედროები თბილისის შემოგარენში სწავლებას იწყებენ. საქართველოს ღირსეული პარტნიორები, რომელთაგან 5 ნატოელია, ვაზიანის პოლიგონზე უახლოესი ორი კვირის განმავლობაში ივარჯიშებენ.მანამდე სამხედრო კოლონა დროებით ქუთაისსა და ხაშურში გაჩერდა.„ჩვენთვის მნიშვნელოვანია ჩვენს პარტნიორებთან მეტი დაახლოება, მეტი თავსებადობა, რომელიც, საბოლოო ჯამში, მოემსახურება ქვეყნის თავდაცვისუნარიანობის დაცვას და გაძლიერებას. პირველად მონაწილეობენ ამ სწავლებაში და საქართველოში პირველად არიან ამერიკული სტრაიკერები, რომლებიც წარმოადგენენ ძირითად კომპონენტს ამ კონვოის საგზაო მარშის ნაწილისა,“ - აცხადებს გენერალური შტაბის საზოგადოებრივ საქმეთა უფროსი ოფიცერი, ემზარ სვანიძე.