#იბერია #ტელევიზია

➲ [აღწერა] ბათუმში უპრეცედენტო პროექტის გახსნამდე ზუსტად 1 დღე რჩება. ზღვისპირა ქალაქში „ომეგა მოტორსის“ BMW-სა და MINI-ს სადილერო ცენტრები გაიხსნება. სამზადისი თითქმის დასრულებულია. მელიქიშვილისა და რუსთაველის ქუჩებზე, გახსნის გრანდიოზული ცერემონიაზე, ორი ავტომობილის - BMW 5 სერიისა და MINI COUNTRYMAN-ის შოუს ელემენტებით გაფორმებული შთამბეჭდავი პრეზენტაციები მოეწყობა. მედიის წარმომადგენლებსა და მოწვეულ სტუმრებს შესაძლებლობა ექნებათ, თავად გაეცნონ ამ განსაკუთრებულ ავტომობილებსა და მათ ტექნოლოგიურ სიახლეებს. შოურუმში წარმოდგენიი იქნება ახალი მე-5 სერია G30, რომელიც ცნობილია, როგორც„ბიზნეს-ათლეტი“ და კონკურეტებთან შედარებით ერთ-ერთი ყველაზე ეკონომიური და ეკოლოგიური ავტომობილი. BMW 5 სერიაში გამოყენებულია ყველა ის ინოვაცია, რომელიც უკვე აქვს ლუქსკლასის სედან 7სერიას. რაც შეეხება ახალი MINI COUNTRYMAN-ს, ბრენდის 57-წლიან ისტორიაში ყველაზე დიდი მოცულობის გამორჩეული მოდელია, რომელიც ახლა უკვე ჰიბრიდული ამძრაობითაცაა ხელმისაწვდომი. სპეციალურად BMW-სა და MINI-ს სადილერო ცენტრების გახსნის გამო ბათუმის მერიის გადაწყვეტილებით ცენტრის წინ არსებულ ავტობუსების გაჩერება სხვა ადგილას გადაიტანეს. პრეზენტაციას, რომელიც 20:00 საათზე დაიწყება, ტელეკომპანია „იბერია“ პირდაპირ ეთერში გადასცემს.

ბათუმში „ომეგა მოტორსის“ სადილერო ცენტრების გახსნასთან დაკავშირებით, თბილისში გერმანიიდან კომპანია BMW-ს მაღალი რანგის წარმომადგენლები ჩამოვიდნენ. გახსნის ცერემონიას დაესწრებიან აფრიკის, კარიბის და აღმოსავლეთ ევროპის რეგიონის ოფისის მმართველი დირექტორი დოქტორი თომას რინი; აფრიკის, კარიბისა და აღმოსავლეთ ევროპის იმპორტიორთა რეგიონის გაყიდვების დირექტორი კონრად ბაუმგარტნერი, MINI-ს დირექტორი ფრედერიკ დორაისი და რეგიონის მენეჯერი ვიქტორ აიზენბრაუნი. მათი თქმით „ომეგა მოტორსის“ ახალი ფილიალი საკმაოდ წარმატებული იქნება და მომხმარებელიც კმაყოფილი დარჩება.