''ნამდვილი პუტინი დიდი ხანია, მოკვდა'' - რუსული ინტერნეტსივრცე არასარწმუნო, თუმცა სკანდალურმა თეორიამ მოიცვა

#პოლიტიკა #პუტინი ინტერვიუ ლუდმილა პუტინასთან, სათაურით - "ჩემი მეუღლე, სამწუხაროდ, უკვე დიდი ხანია აღარაა ცოცხალი", რუსულ ინტერნეტპორტალებზე დიდი პოპულარობით სარგებლობს. სტატია ქართულ ინტერნეტაუდიტორიაშიც გავრცელდა.

რუსული პორტალები, მეტწილად კი, რამდენიმე ბლოგერი და ვიდეობლოგერი, რომლებიც აღნიშნულ ინტერვიუს ავრცელებენ, ირწმუნებიან, რომ ლუდმილა პუტინამ ამის შესახებ გერმანულ გამოცემა Die Welt-თან ისაუბრა, თუმცა აღნიშნულ საიტზე ინტერვიუს დედანი არ იძებნება.

აღსანიშნავია, რომ ლუდმილა პუტინას მსგავსი შინაარსის განცხადება არც ერთ სანდო წყაროზე არ იძებნება. ამის მიუხედავად, ბლოგერები თუ ვლოგერები აქტიურად ავითარებენ მოსაზრებას პუტინის ორეულის შესახებ. მეტი დამაჯერებლობისთვის, ისინი რუსეთის პრეზიდენტის საარქივო ფოტო და ვიდეომასალების შედარებას მიმართავენ, ერთ-ერთი არგუმენტი კი მისი გერმანულიც არის.