დახარჯული 9 მილიონ ლარამდე, 350 განკურნებული ბავშვი და 22 წლამდე ახალგაზრდა - სოლიდარობის ფონდმა დაფუძნებიდან ამ დრომდე 350 ბავშვისა და ახალგაზრდის მკურნალობა დააფინანსა როგორც საქართველოში, ასევე საზღვარგარეთ. ფონდი სიმსივნით დაავადებულ ბავშვებს ეხმარება. თუმცა, მიმართვიანობის მაჩვენებლის მატებიდან გამომდინარე, არსებული შენატანებით ფონდი ყველა ბენეფიციარის დაფინანსებას ვეღარ ახერხებს. მომავალი წლიდან ფონდი ბავშვების მკურნალობას ჯანდაცვის სამინისტროსა და თბილისის მერიის თანადაფინანსებით და ყველა იმ კომპანიის დახმარებით კვლავაც მოახერხებს, რომელთაც თანხა შეაქვთ. გახსოვდეთ, სიკეთე გადამდებია და კიდევ უფრო მეტი ადამიანის, კომპანიის დახმარებაა საჭირო. ლიკა ალელიშვილი გიამბობთ მათზე, ვისთვისაც მოწოდება - სიკეთე გადამდებია - ყოველდღიურობაა და ვისი დახმარებითაც, უმძიმესი დაავადება მარცხდება. ლიკა გისმენთ.
#GDS #GDS2030 #NEWS #ახალიამბები