შავ ზღვაში რუსეთის თავდაცვის სამინისტროს თვითმფრინავის ჩამოვარდნის შედეგად დაღუპულებს ეძებენ.
კატასტროფის ადგილზე მობილიზებული არიან მაშველები, მყვინთავები და სპეცტექნიკა. გავრცელებული ცნობით, 92 ადამიანი იმყოფებოდა რუსული თვთმფრინავის ბორტზე, რომელიც საქართველოს საზღვართან ახლოს ჩამოვარდა.
სოჭში საწვავის შევსების შემდეგ, აფრენიდან 20 წუთში თვითმფრინავი რადარებიდან გაქრა. ხომალდი, რომელსაც ადლერიდან სირიაში რუსი ჟურნალისტები და მუსიკოსები გადაჰყდა, აფხაზეთის მონაკვეთთან ახლოს, შავ ზღვაში ჩავარდა.
„ტუ 154-ის" ბორტზე ჯარისკაცები, მუსიკოსები და ჟურნალისტები იმყოფებოდნენ. რუსეთის თავდაცვის სამინისტროს ორკესტრი, სირიაში რუსულ სამხედრო ბაზაზე, საახალწლო კონცეტრის გასამართად გადაჰყვდათ.
ავიაკტასტროფის მიზეზად ამ ეტაპზე ტექნიკური გაუმართაობის ვერსია განიხილება. რუსული მედია ტერაქტის ვერსიასაც არ გამორიცხავს.