პრემიერლიგის მე-8 ტურში, "მიდლსბრომ" საკუთარ არენაზე "უოტფორდს" უმასპინძლა და მინიმალური ანგარიშით 0:1 დამარცხდა.

მატჩის ერთადერთი გოლი 54-ე წუთზე გავიდა. "უოტფორდელი" აიზეკ საქსესი მეტოქის საჯარიმოში წაიქცა, მაგრამ მსაჯმა თერთმეტმეტრიანი არ დანიშნა. მცველის მიერ მოგერიებულ ბურთთან პირველი ხოსე ხოლებასი აღმოჩნდა, რომელმაც მარცხენა ფეხით ეფექტური და მატჩში ერთადერთი გოლის გატანა მოახერხა.

ხოლებასი "უოტფორდში" 2015 წლის ივლისში გადმოვიდა, მანამდე ის "ვიქტორიას", "მიუნხენ 1860-ის", "ოლინპიაკოსისა" და "რომას" ღირსებას იცავდა. მისი გუნდი ამჟამად მე-9 პოზიციაზეა.

#სპორტი