კოსოვოს ეროვნული საფეხბურთო ნაკრები პირველი ოფიციალური საშინაო შეხვედრისთვის ემზადება. მსოფლიოს 2018 წლის ჩემპიონატის შესარჩევი ციკლის პირველ შეხვედრაში კოსოვოელებმა ფინეთიდან ქულა წამოიღეს და იმედი აქვთ, რომ ხუთშაბათს ხორვატიასთანაც დადებით შედეგს მიაღწევენ.
თუმცა, პრისტინას სტადიონზე სარემონტო სამუშაოები მიმდინარეობს და კოსოვოელებს ისტორიაში პირველი საშინაო შეხვედრის გამართვა პრისტინადან 150 კილომეტრის დაშორებით მდებარე ალბანურ ქალაქში მოუწევთ.
კოსოვოელი გულშემატკივრები დილიდან ბილეთების რიგში დგანან. ისტორიული მატჩის გამოტოვება არავის უნდა და სიშორის მიუხედავად, სტადიონზე წასვლას აპირებენ.
ბილეთებზე დიდი მოთხოვნაა. თუმცა, კოსოვოს მხარე აცხადებს, რომ გულშემატკივართა დიდი ნაწილის დაკმაყოფილებას შეძლებენ. ახლადაღიარებული ქვეყანა საშინაო საფეხბურთო დებიუტის მოლოდინშია.
#სპორტი