რუსეთის პრეზიდენტის ვლადიმერ პუტინის ავტომანქანა ავარიაში მოყვა, რა დროსაც, მისი საყვარელი მძღოლი დაიღუპა - ამის შესახებ The Daily Mail წერს და ვიდეომასალას ავრცელებს.

ბრიტანული გამოცემა ირწმუნება, რომ მოსკოვში, კუტუზოვსკის პროსპექტზე 2 სექტემბერს მომხდარ ავარიას სწორედ პუტინის მძღოლი შეეწირა, რომელსაც მუშაობის 40-წლიანი სტაჟი ჰქონდა. The Daily Mail წერს, რომ დაჯავშნილი BMW-ს მარკის ავტომანქანა Mercedes-ს შეასკდა, რომელიც შემხვედრი მიმართულებით მოძრაობდა. მეორე მანქანის მძღოლი კლინიკაში გადაიყვანეს.