აფხაზეთის არაღიარებული რესპუბლიკის პრეზიდენტი რაულ ხაჯიმბა ოპოზიციის მოთხოვნას არ ეთანხმება და ე.წ. ქვეყნის მეთაურის არჩევნების გადადებასთან დაკავშირებული რეფერენდუმის თარიღის გადატანას არ აპირებს. ამის შესახებ «Кавказский узел» იუწყება.

​ხაჯიმბამ განაცხადა, რომ ე.წ. შს სამინისტროსთან მოწყობილი აქციები დესტაბილიზაციის მცდელობაა. ამის მიუხედავად, მან აქციის მონაწილეების მოთხოვნის გამო, ე.წ. შს მინისტრი თანამდებობას ჩამოაშორა.

რეფერენდუმი 10 ივლისსაა დაგეგმილი.