tags: #GDNEWS #სერგი #კაკალაშვილი #პოეზია ● გურჯაანის კულტურის სახლში სერგი კაკალაშვილის პოეზიის საღამო გაიმართა. მოწვეულ სტუმრებს შორის პარლამენტის წევრი ნუგზარ ერგემლიძე, პრეზიდენტის მრჩეველი ნოდარ გრიგალაშვილი და სერგი კაკალაშვილის სხვა მეგობრები იყვნენ. ღონისძიების ორგანიზება გურჯაანის მოსწავლე ახალგაზრდობის შემოქმედებითი ცენტრის დირექტორმა მარინა დოლენჯაშვილმა მოახდინა. ამავე ცენტრის მოსწავლეებმა სტუმრებს გააცნეს სერგი კაკალაშვილის ლექსები, რომელიც ერთ კრებულად გაერთიანებულია და წიგნის სახით უკვე არსებობს. ღონისძიების დასასრულს სიტყვით გამოვიდნენ ჟურნალ `ცისკარის~ რედაქტორი ბაღათერ არაბული, რომელმაც მადლობა გადაუხადა სერგი კაკალაშვილს ჟურნალის გამოცემისთვის გაწეული დახმარებისთვის. გამომსვლელებს შორის მსახიობი ზურაბ ცინცქილაძეც იყო, რომელმაც კაკალაშვილის ლექსი წაიკითხა. ნუგზარ ერგემლიძემ კი სტუმრებისთვის მის ლექსზე შექმნილი სიმღერა შეასრულა. საქართველოს პრეზიდენტის მრჩეველის ნოდარ გრიგალაშვილის თქმით, სერგი კაკალაშვილი იმ ადამიანების რიცხვს მიეკუთვნება, რომელიც `მიწის გარდა ცაშიც იცქირება.~ მისივე თქმით, ის გახარებულია იმ ფაქტით, რომ ღონისძიებას ბევრი ადამიანი ესწრება: “რატომღაც აღიქმება, რომ კახელი კაცი მხოლოდ მიწათმოქმედი და მატერიალური დოვლათის შემქნელია, ეს ასეც არის, მაგრამ დღევანდელი შეხვედრით დამტკიცდა, რომ მათ რომანტიკაც კარგად ესმით და ცისკენაც იყურებიან. ძალიან მიხარია კახეთში ამდენი პოეზიის მოყვარული ადამიანი რომ არის,” _ გვითხრა ნოდარ გრიგალაშვილმა. ღონისძიების დასასრულს სერგი კაკალაშვილმა სტუმრებს საკუთარი ლექსების კრებული საჩუქრად გადასცა.

➡ www.GDNews.ge
➡ www.myvideo.ge/GDN
➡ E-mail: [email protected]
➡ www.myvideo.ge/GDNexclusive
➡ GDNEWS (iOS) აპლიკაცია - http://goo.gl/fX56iy
➡ GDNEWS (Android) აპლიკაცია - https://goo.gl/D0GWp4
➡ მოგვაწოდეთ ვიდეო და გახადეთ პოპულარული

© Georgian Daily News 2008-2015 ● ჯი-დი-ენ - მედია ვიდეო პორტალი | GDNEWS ᴴᴰ