#თინა #ხიდაშელი #სამინისტრო #მინისტრი ● საქართველოს თავდაცვის მინისტრმა თინათინ ხიდაშელმა შეიარაღებული ძალების პირად შემადგენლობას გიორგობის დღესასწაული თავდაცვის სამინისტროს მართვის ცენტრიდან მიულოცა. თავდაცვის უწყების ხელმძღვანელმა ტელეხიდით ავღანეთში სამშვიდობო მისიით მყოფ ქართველ ჯარისკაცებსა და საქართველოში დისლოცირებულ ყველა სამხედრო ნაწილს მიმართა. თინათინ ხიდაშელმა საქართველოს შეიარაღებული ძალების სამხედრო მოსამსახურეებს მადლობა ქვეყნის წინაშე გაწეულის სამსახურისთვის გადაუხადა და განაცხადა, რომ მისი სახით ჯარისკაცებს ეყოლებათ მეგობარი, მათი უფლებებისა და ინტერესებისთვის მებრძოლი. „მინდა, მადლობა გითხრათ იმ სამსახურისთვის, რომელსაც ეწევით ჩვენი ქვეყნის და საერთაშორისო მშვიდობის უზრუნველსაყოფად. საქართველოსთვის ძალიან მნიშვნელოვანია საერთაშორისო ოპერაციებში მონაწილეობა. ნიშვნელოვანია ჩვენი ჯარისთვის და იმისთვის, რომ ყველამ - ჩვენმა პარტნიორებმა, მეგობრებმა იცოდნენ, დარწმუნებული იყვნენ, რომ ჩვენ მუდმივად მშვიდობის დასამყარებლად ვიბრძოლებთ მათთან ერთად. ჩვენი იმედი შეუძლიათ ჰქონდეთ, ისევე, როგორც ჩვენ ვართ მათ იმედად პრობლემის გაჩენის შემთხვევაში. თქვენი ყოველდღიურობა გაცილებით უფრო მძიმეა, მაგრამ ამის გამო გაცილებით საამაყო და მნიშვნელოვანი ყველა ჩვენგანისთვის. იცოდეთ, რომ ვიქნები თქვენი მეგობარი, თქვენთვის მებრძოლი, თქვენი უფლებებისთვის, თქვენი ინტერესებისთვის... იმისთვის, რომ ყველა ქართველი ჯარისკაცი, სადაც არ უნდა იყოს ის - ქართულ თუ არაქართულ მიწაზე ქართული საქმის დასაცავად, არის ჩემთვის მთავარი და პრიორიტეტული. თქვენი ღირსეული პირობები ჩემთვის ყველაზე მთავარი“ - აღნიშნა თავდაცვის მინისტრმა.


¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯

■ გამოგვიგზავნეთ ვიდეო ელ-ფოსტაზე ან facebook-ის გვერდზე

➡ ჩვენიაპლიკაცია (iOS) - http://goo.gl/fX56iy

➡ www.GDNews.ge
➡ www.myvideo.ge/GDN
➡ E-mail: [email protected]
➡ www.myvideo.ge/GDNexclusive

tags: #GDNEWS #GeorgianDailyNews
© Georgian Daily News 2008-2014 ● ჯი-დი-ენ - მედია ვიდეო პორტალი | GDNEWS ᴴᴰ