NBA-ს პლეი ოფის პირველი წრის მეორე მატჩში ზაზა ფაჩულიას "მილუოკი" "ჩიკაგოს" ესტუმრა და 82:91 დამარცხდა. ამ შეხვედრაში ქართველი ცენტრი მოედნიდან გააძევეს.
ორი მატჩის შემდეგ "ჩიკაგო" 2:0 ლიდერობს, "მილუოკის" კი, შესაძლოა, კიდევ უფრო გაუჭირდეს, რადგან ფაჩულიას დისკვალიფიკაციაც ელის.
ბოლო მეოთხედში ფარიდან ასხლეტილი ბურთისთვის ბრძოლაში ზაზამ იდაყვი უთავაზა "ჩიკაგოს" ესპანელ კალათბურთელ ნიკოლა მიროტიჩს და პირველი ტექნიკური ჯარიმა მიიღო.
ერთ წუთში მეორე ეპიზოდი მოხდა ამ კალათბურთელების მონაწილეობით, როცა მიროტიჩმა აშკარად პროვოკაციაზე წამოაგო ჩვენებური და მათ შორის ლამის ხელჩართული ჩხუბი გაიმართა. ზაზამ მეორე ტექნიკური
ჯარიმა მიიღო და ის მოედნიდან გააძევეს. მიროტიჩმა ამ ეპიზოდში ტექნიკური მიიღო, მაგრამ ის არ გაუძევებიათ, რადგან მისთვის ეს პირველი შენიშვნა იყო.
ნიკოლა მიროტიჩი 24 წლის მძიმე ფორვარდია, რომელიც წარმოშობით ჩერნოგორიელია.
გაძევებამდე ფაჩულიას ანგარიშზე 7 ქულა და 6 მოხსნა იყო.

"ჩიკაგო" აცხადებს, რომ მიტროვიჩს ოთხთავა კუნთი და მუხლი აქვს დაზიანებული.

#ფაჩულია #მილუოკი #ჩიკაგო