იაპონურმა საავტომობილო გიგანტმა Toyota მსოფლიოში პირველი წყალბადის მანქანის მასობრივი წარმოება დაიწყო. ახალი სედანი «Mirai» მხოლოდ წყალბადზე მუშაობს, ხოლო ნაცვლად მავნე გამონაბოლქვისა აწარმოებს სუფთა წყალს.
მანქანის ღირებულება დაახლოებით 60 000 დოლარი იქნება, ამასთან, მთავრობის განცხადებით, ეკოლოგიური სედანების ყველა მყიდველი სახელმწიფოსგან მიიღებს $ 17 ათასის სუბსიდიას.
ავტომობილი სავსე ავზით (რომლის ავსებაც 3 წუთშია შესაძლებელი) 650 კილომეტრს გაივლის. საწვავის ფასი გადაანგარიშებულია ერთ კილომეტრზე დაახლოებით 0.09 ცენტი.
იაპონური საავტომობილო ქარხანა Toyota პირველი წყალბადის სედანის გაყიდვებს ქვეყნის შიგნით დეკემბერში დაიწყებს, აშშ-ში კი მიის ყიდვა 2016 წლიდან იქნება შესაძლებელი.
უნიკალური ავტომობილი, ენერგიას წარმოქმნის ელექტროქიმიურ გენერატორში წყალბადის ჟანგვის შედეგად. „ტოიოტას" ცნობით, მის ძრავის სიმძლავრე 136 ცხენის ძალაა.
უახლოეს მომავალში, წყალბადის მანქანების წარმოებას მეორე იაპონური კონცერნი ჰონდაც აპირებს.
წყარო: info9.ge