მარათონი სიცოცხლის გადასარჩენად" - მკერდის კიბოს შესახებ საზოგადოების ცნობიერების ამაღლების მიზნით, თბილისში აქცია გაიმართება. ღონისძიება დაავადებათა კონტროლის ეროვნული ცენტრის ახალი კამპანიის ფარგლებში დაიგეგმა, რაც მკერდის კიბოს ადრეული დიაგნოსტიკის პოპულარიზაციას ითვალისწინებს. ჯანდაცვის სამინისტროსთან ერთად, ცენტრმა დაავადების წინააღმდეგ ბრძოლის ახალი სტრატეგიაც წარადგინა. სამოქმედო გეგმა ონკოსპეციალისტების გადამზადებას და დაავადების ზუსტი სტატისტიკის შექმნას გულისხმობს.