#ახალიამბებისაქართველოს პრემიერ-მინისტრმა, გიორგი გახარიამ სრულიად საქართველოს კათოლიკოს-პატრიარქს, უწმინდესსა და უნეტარეს ილია მეორეს აღსაყდრების 42-ე წლისთავი მიულოცა და ჯანმრთელობა და დღეგრძელობა უსურვა. მისივე თქმით, ილია მეორის მწყემსობით ქვეყანა დღემდე გამარჯვებულია. "შეუძლებელია, შევაფასოთ პატრიარქის ღვაწლი ქვეყნის წინაშე; მისი ღვაწლი ეკლესიების მშენებლობაში, საგანმანათლებლო მიმართულებით და ქვეყანაში სიმშვიდისა და მშვიდობის შენარჩუნების საქმეში. დღეს საქართველო და სრულიად მართლმადიდებლური სამყარო აღნიშნავს ჩვენი პატრიარქის, ჩვენი უწმინდესის აღსაყდრების 42-ე წელს. 42 წლის წინ, როდესაც სვეტიცხოველში მოხდა პატრიარქის ინტრონიზაცია, მას შემდგომ ყველა წელი იყო უმძიმესი და მისი უწმინდესობის მწყემსობით ქვეყანა დღემდე გამარჯვებული მოვიდა. პატრიარქი არის ჩვენი მწყემსი და, რა თქმა უნდა, საქართველოს მთავრობის სახელით ვულოცავ მას ამ დიდ დღესასწაულს, ვულოცავ სრულიად საქართველოს, სრულიად მართლმადიდებლურ სამყაროს. ვუსურვებ მას ჯანმრთელობას”,- განაცხადა გიორგი გახარიამ. შეგახსენებთ, დღეს პატრიარქის აღსაყდრებიდან 42 წელი გავიდა. სვეტიცხოვლის საკათედრო ტაძარში ლიტურგია გაიმართა, რომელსაც გიორგი გახარია პოლიტიკური პარტია "ქართული ოცნება-დემოკრატიული საქართველოს” თავმჯდომარე ბიძინა ივანიშვილთან და პარლამენტის თავმჯდომარე არჩილ თალაკვაძესთან ერთად დაესწრო.
#ახალიამბებიოკუპირებული აფხაზეთის რკინიგზა მუდმივ ექსპლუატაციაში 1949 წელს იქნა მიღებული და ის კავკასიის რკინიგზის შემადგენლობაში შევიდა. რკინიგზის შენობა ორმოცდაათიან წლებში აშენდა. 1992-1993 წლების შეიარაღებული კონფლიქტის შედეგად, სოხუმის სადგურიდან მოძრაობა მთლიანად შეწყდა. 2004 წელს კი, სოხუმი-მოსკოვის მიმართულებით პირველმა მატარებელმა გაიარა. მიუხედავად იმისა, რომ სარკინიგზო მოძრაობა ნაწილობრივ აღდგა, სოხუმის რკინიგზის შენობა მიტოვებულად გამოიყურება. ვიდეოკადრები სოციალურ ქსელში ერთ-ერთმა მომხმარებელმა გაავრცელა.
შემთხვევა ბრაზილიაში რამდენიმე დღის წინ მოხდა, სათვალთვალო კამერამ დააფიქსირა თუ როგორ იხსნა ახალგაზრდა მამაკაცმა 4 წლის ბავშვი აგრესიული პიდბულისგან.
#ახალიამბებისაკრებულოს გარემოს დაცვის კომისიის სხდომაზე "ნაციონალური მოძრაობის“ წევრი ლევან ხაბეიშვილი და "ქართული ოცნების“ დეპუტატი გიორგი დოხტურიშვილი ერთმანეთს ფიზიკურად დაუპირისპირდნენ. ფიზიკური დაპირისპირება გიორგი დოხტურიშვილსა და ლევან ხაბეიშვილს შორის მას შემდეგ დაიწყო, რაც საკრებულოს დეპუტატები ერთმანეთისადმი მიმართვის ფორმებმა გააღიზიანა. "ბიჭოთი ნუ მელაპარაკები, შე უზრდელო", - მიმართა დოხტურიშვილმა ხაბეიშვილს. ლევან ხაბეიშვილი ითხოვდა კომისიის სხდომა დაეტოვებინა ერეკლე კუხიანიძეს, რომელიც სხდომას ესწრებოდა. ფიზიკური დაპირისპირების შემდეგ ლევან ხაბეიშვილმა სხდომა დატოვა.
#ახალიამბებიშინაგან საქმეთა სამინისტროს იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის ქუთაისის საქალაქო სამმართველოს, ცენტრალური კრიმინალური პოლიციის დეპარტამენტის ძებნის სამმართველოს და განსაკუთრებულ დავალებათა დეპარტამენტის იმერეთის სამმართველოს თანამშრომლებმა ქუთაისში მძიმე დანაშაულის ჩადენისთვის ძებნილი პირი დააკავეს. სამართალდამცველების მიერ ჩატარებული სპეციალური ოპერატიული ღონისძიების შედეგად, დაკავებულია 1969 წელს დაბადებული, წარსულში მრავალჯერ ნასამართლევი მ.ზ. დაკავებულს 2018 წლის 30 სექტემბერს, ქუთაისში, სასაფლაოზე მომხდარი მკვლელობის ფაქტზე ბრალი 2018 წლის 4 ოქტომბერს, საქართველოს საქართველოს სისხლის სამართლის კოდექსის 108-ე მუხლით, დაუსწრებლად წარედგინა. 5 ოქტომბერს კი მ.ზ.-ს აღკვეთის ღონისძიების სახით, ასევე დაუსწრებლად შეეფარდა პატიმრობა და იმავე დღეს მასზე ძებნა გამოცხადდა. გამოძიებით დადგენილია, რომ ბრალდებულმა 2018 წლის 30 სექტემბერს, ქუთაისში, სასაფლაოზე, ურთიერთშელაპარაკების დროს, ,,ტტ“-ს სისტემის არარეგისტრირებული ცეცხლსასროლი იარაღიდან გასროლით მოკლა 1974 წელს დაბადებული გ.ს. ჩადენილი დანაშაული 7-დან 15 წლამდე ვადით თავისუფლების აღკვეთას ითვალისწინებს.
#ახალიამბებისაქართველო-აზერბაიჯანის მთავრობათაშორისი ეკონომიკური კომისიის სხდომების განახლება მომავალი წლიდან იგეგმება, - ამის შესახებ საქართველოს პრემიერ-მინისტრ გიორგი გახარიასა და აზერბაიჯანის რესპუბლიკის საგარეო საქმეთა მინისტრ ელმარ მამედიაროვის შეხვედრისას აღინიშნა. ხაზი გაესვა ორი ქვეყნის სტრატეგიულ პარტნიორობას და კეთილმეზობლურ ურთიერთობებს, ასევე - პრემიერ-მინისტრის ოფიციალურ ვიზიტს აზერბაიჯანში, რომელიც მხარეებმა პროდუქტიულად შეაფასეს. საქართველოს პრემიერ-მინისტრისა და აზერბაიჯანის რესპუბლიკის საგარეო საქმეთა მინისტრის შეხვედრისას ყურადღება გამახვილდა საქართველოსა და აზერბაიჯანის სახელმწიფო საზღვრის დელიმიტაციის პროცესზე. აღინიშნა, რომ პროცესი ორი ქვეყნის სტრატეგიული პარტნიორობის ჭრილში, ორივე სახელმწიფოს ინტერესებისა და მეგობრობის გათვალისწინებით უნდა განვითარდეს. საუბარი შეეხო სატრანსპორტო დერეფნის ეფექტიანობისა და კონკურენტუნარიანობის გაზრდის, ასევე ორი ქვეყნის სატრანზიტო პოტენციალის ათვისების კუთხით ერთობლივი ძალისხმევის გაგრძელების აუცილებლობას. ამ კონტექსტში პოზიტიურად შეფასდა სამხრეთის გაზის დერეფნის ერთ-ერთი უმნიშვნელოვანესი კომპონენტის - ტრანსანატოლიური ბუნებრივი აირის მილსადენის (TANAP) გახსნა. შეხვედრაზე ყურადღება დაეთმო საქართველოს ოკუპირებულ ტერიტორიებზე არსებულ მძიმე ჰუმანიტარულ მდგომარეობას. პრემიერ-მინისტრმა ისაუბრა ოკუპირებულ ტერიტორიაზე ექიმ ვაჟა გაფრინდაშვილის უკანონო პატიმრობის შესახებ და ხაზი გაუსვა მეგობარი სახელმწიფოების ძალისხმევის მნიშვნელობას მისი დროულად გათავისუფლების პროცესში. გიორგი გახარიამ აზერბაიჯანის რესპუბლიკას საქართველოს ტერიტორიული მთლიანობისაა და სუვერენიტეტის მტკიცე მხარდაჭერისთვის მადლობა გადაუხადა. ელმარ მამედიაროვი თბილისს საქართველოს, თურქეთისა და აზერბაიჯანის საგარეო საქმეთა მინისტრების რიგით მე-8 შეხვედრაში მონაწილეობის მისაღებად ეწვია, რომელიც ქვეყნებს შორის მოქმედი სამმხრივი ფორმატის ფარგლებში გაიმართა.
#ახალიამბები ახალციხის მუნიციპალიტეტის მერიამ იძულებით გადაადგილებულ პირებსა და შეჭირვებულ ოჯახებს სურსათი გადასცა. ზეთი, ფქვილი, შაქარი, წიწიბურა და ბრინჯი 200-მა ბენეფიციარმა უკვე მიიღო.
ასტროლოგი მიხეილ ცაგარელი ზოდიაქოს ნიშნებს აფრთხილებს. მისი თქმით, 26 დეკემბერი განსაკუთრებით ფრთხილად უნდა განვლონ ადამიანებმა, რადგან ერთდროულად არის ახალმთვარეობა და მზის დაბნელება. 23 დეკემბერი კი არის საკრალური დღე და რაც შეიძლება მეტი უნდა იოცნებონ ზოდიაქოს ნიშნებმა.
როგორია ქართველი პოპულარული მომღერლის, ლელა წურწუმიას დილა?! – ვარსკვლავს „მთავარი არხი“ ესტუმრა. როგორც მომღერალმა განაცხადა, მას საუზმეს ძირითადად მეუღლე, პროდუსერი მამულიჩა უმზადებს და სასთუმალთან ახვედრებს.
#ახალიამბებიბავშვთა და მოზარდთა ფსიქოლოგი ნატა მეფარიშვილი საკუთარ პრაქტიკაზე დაყრდნობით ამბობს, რომ მოზარდებთან მუშაობისას ყველაზე მკვეთრი პრობლემა სისტემასთან შეჯახებაა. ფსიქოლოგის თქმით, ქვეყანაში სისტემა შესაცვლელი კიარა, შესაქმნელია, რომელიც განათლებას უნდა დაეფუძნოს. ამასთანავე, ის მიიჩნევს, რომ ადამიანები, რომლებსაც ბავშვთან პირველადი შეხება აქვთ, მათთან ურთიერთობისთვის შესაბამისად მომზადებულები უნდა იყვნენ. "მსხვერპლი არის სამწუხარო. ვფიქრობ, ერს ჰყავს გონიერი ადამიანები, რომლებმაც დასკვნა უნდა გააკეთონ და მიხვდნენ, რამდენი სამუშაო გვაქვს წინ. ამ შემთხვევამ გვაჩვენა, რომ სისტემა არანაირ დონეზე არ მუშაობს. სისტემის ცვლილებაზე კი არაა საუბარი, სისტემა გვაქვს შესაქმნელი. პრაქტიკაში მოზარდებთან ურთიერთობისას ყველაზე მეტად გამოკვეთილი პრობლემა უსისტემობასთან შეჯახებაა. აკეთო შენი საქმე, როდესაც სისტემის დონეზე მხარდაჭერას ვერ გრძნობ, გიტოვებს განცდას, რომ საქმე ფუჭია. გამოსავალს, პირველ რიგში, ვხედავ განათლებაში, რომელიც აბსოლუტურად ყველა დონეზეა დასაგეგმი და შესაცვლელი. ვფიქრობ, რომ ფსიქოლოგებიც, ფსიქიატრებიც... კომპონენტი არის გასაძლიერებელი და სხვა კუთხით დასანახი. სკოლები მაქსიმალურად უნდა აღიჭურვონ სპეციალისტებით, რომლებსაც კარგად ესმით მოზარდების ფსიქოლოგია. პირველი შეხება ვისთანაც ადამიანს აქვს, ესენი არიან მშობლები, მასწავლებლები და შესაძლოა, სკოლის ნებისმიერი თანამშრომლებიც, ამ პირველად შემხებ ადამიანებთან გვაქვს საფუძვლიანად სამუშაო", - განაცხადა ფსიქოლოგმა ნატა მეფარიშვილმა.
#ახალიამბებისაქართველოს საპარლამენტო დელეგაციამ ვაშინგტონში მაღალი რანგის შეხვედრები გამართა. ქართველი პარლამენტარები ამერიკის შეერთებული შტატების სახელმწიფო მდივნის თანაშემწის მოადგილეს ევროპისა და აზიის საკითხებში, ჯორჯ კენტს და ამერიკის სახელმწიფო მდივნის თანაშემწის მოადგილეს ალან პარცელს შეხვდნენ. ვიზიტის ფარგლებში გამართულ შეხვედრებზე ორმხრივი ურთიერთობების პრიორიტეტული საკითხების, საქართველოში მიმდინარე რეფორმებისა და ჩვენი ქვეყნის წინაშე არსებული გამოწვევების შესახებ იმსჯელეს. ქართულმა მხარემ ამერიკელ პარტნიორებს მიაწოდა ინფორმაცია საქართველოში ბოლო დროს განვითარებული პროცესების შესახებ. დღესვე, საქართველოს საპარლამენტო დელეგაციის წევრები ეროვნულ-დემოკრატიული ინსტიტუტის (NDI) პრეზიდენტს, დერეკ მიტჩელს შეხვდნენ და საქართველოში არსებული წინასაარჩევნო გარემო, ქვეყანაში განხორციელებული დემოკრატიული რეფორმები და საქართველო-აშშ-ის ურთიერთობები განიხილეს. „საუბარი გვქონდა ორმხრივ ურთიერთობებზე ამერიკასა და საქართველოს შორის, ასევე ვისაუბრეთ იმ ვითარებაზე, პოლიტიკურ პროცესებზე, რომელიც ვითარდება საქართველოში. ჩვენ მივაწოდეთ ზუსტი, ამომწურავი ინფორმაცია ჩვენს მეგობრებს ამ პროცესებთან დაკავშირებით. შედგა ძალიან საინტერესო დისკუსიები და ვფიქრობ ეს შეხვედრები ძალიან მნიშვნელოვან წვლილს შეიტანს ჩვენი ურთიერთობების შემდგომ განვითარებაში“-განაცხადა საპარლამენტო უმრავლესობის წევრმა, ირაკლი კობახიძემ. „მნიშვნელოვანი იყო მათ დაეფიქსირებინათ განსაკუთრებული პოზიციები, მაგალითად ის, რომ აუცილებელია შენარჩუნებული იქნას პროტესტის გამოხატვის მშვიდობიანი ფორმები, რომ მიეცეს ყველა სახელმწიფო ინსტიტუტს მუშაობის და ფუნქციონირების საშუალება. რა თქმა უნდა, გამოთქვამენ იმედს, რომ იქნება მიღწეული შედეგები და შეთანხმება საარჩევნო სისტემასთან დაკავშირებით“,-განაცხადა საქართველოს საპარლამენტო დელეგაციის ხელმძღვანელმა, პარლამენტის თავმჯდომარის მოადგილემ კახა კუჭავამ შეხვედრების დასრულების შემდეგ. საპარლამენტო დელეგაციის შემადგენლობაში საქართველოს პარლამენტის ვიცე სპიკერი კახა კუჭავას საპარლამენტო უმრავლესობის წევრი, „ქართული ოცნება დემოკრატიული საქართველოს“ აღმასრულებელი მდივანი ირაკლი კობახი
#ახალიამბები
#ახალიამბებისამართალდამცავების ფუნქცია არის წინასწარ აღკვეთოს და ადამიანმა, დამნაშავემ, არ გაივლოს თავში ასეთი ქმედების ჩადენა, - ასე გამოეხმაურა "ახალი საქართველოს" ლიდერი გიორგი ვაშაძე ცოტნე გამსახურდიას დაჭრის ფაქტს. როგორც მან ტელეკომპანია "პირველის" ეთერში განაცხადა, საქართველო უნდა იყოს ისეთი ქვეყანა, სადაც ასეთ დანაშაულზე არც კი გაიფიქრებს არავინ. "რამდენი ხანი უნდა ვიცხოვროთ ასეთ ქვეყანაში, სადაც ქუჩაში გასვლის უნდა შეეშინდეს ადამიანს. საქართველო უნდა იყოს ისეთი ქვეყანა, სადაც ასეთ დანაშაულზე არც კი გაიფიქრებს არავინ. აბა, რა არის სამართალდამცავი ორგანოების როლი, მხოლოდ ის, რომ დაედევნოს მკვლელს და დააკავოს? არა, ბატონებო, სამართალდამცავების ფუნქცია არის წინასწარ აღკვეთოს და ადამიანმა, დამნაშავემ, არ გაივლოს თავში ასეთი ქმედების ჩადენა, მითუმეტეს ჯგუფურად თავდასხმა მოხდაო ცოტნე გამსახურდიაზე, როგორც თვითმხილველები ამბობენ,"- განაცხადა გიორგი ვაშაძემ. პირველი პრეზიდენტის შვილი, ცოტნე გამსახურდია, წუხელ, ვერაზე დაჭრეს. ექიმების ინფორმაციით, ის მძიმე მდგომარეობაში იმყოფება და ამ დრომდე რეანიმაციულ განყოფილებაში რჩება.
#ახალიამბებიმოსკოვის ცენტრში, ფედერალური საგამოძიებო ბიუროსთან (ФСБ) 19 დეკემბერს, ცეცხლი 39 წლის ევგენი მანიუროვმა გახსნა. თუმცა, მედიის მიერ გავრცელებული ეს ინფორმაცია საგამოძიებო კომიტეტს ჯერ არ დაუდასტურებია. გამოძიება „სამართალადამცველების სიცოცხლის ხელყოფის“ფაქტზე მიმდინარეობს. „კომსომოლსკაია პრავდა“ წერს, რომ სამართალდამცველებმა მსროლელის სახლში პოდოლსკში ჩხრეკა ჩაატარეს საიდანაც იარაღის შვიდი ერთეული იქნა ამოღებული. ყველა მათგანი ოფიციალურია და არის მის მფლობელზე გაფორმებული. როგორც მედიას მანიუროვის დედამ განუცხადა, მისი შვილი რამდენიმე ფირმაში დაცვის სამსახურში მუშაობდა, თუმცა ბოლოს ყველა მათგანი დატოვა. „ბოლო დროს ის არ მუშაობდა, ტელეფონით ვიღაც არაბებთან კონტაქტობდა, არაფერს ვიგებდი საუბრიდან, ინგლისურად ლაპარაკობდნენ“, - აცხადებს მანიუროვის დედა. მოსკოვის ცენტრში სროლა გუშინ მოხდა, რომლის დროს ФСБ-ს ერთი თანამშრომელი დაიღუპა, ხუთი დაიჭრა. თავდამსხმელი ლიკვიდირებულია.
#ახალიამბები ქუთაისში რესტორანი „დებიში” – გაეროს მოსახლეობის ფონდის (UNFPA) საქართველოს ოფისის, ქუთაისის მერიის და ქუთაისის ახალგაზრდული ცენტრის თანამშრომლობით, „60 + კლუბი ჯანსაღი და აქტიური ცხოვრებისთვის“ მუშაობას იწყებს.
#ახალიამბები ექიმ ვაჟა გაფრინდაშვილის გათავისუფლების მოთხოვნით საქართველოს ადვოკატთა ასოციაციის აქციას რეგიონებიდან ადვოკატებმა სოლიდარობა გამოუცხადეს. მხარდამჭერი აქციები პარალელურად გაიმართა ზუდიდში, ქუთაისში, თელავსა და ახალციხეში.
#ახალიამბები
#ახალიამბებისაკრებულოს უმრავლესობიდან გარიცხული ერეკლე კუხიანიძე საოკუპაციო ხაზთან მდებარე სოფელ საკორინთლოსთან ჩავიდა და ოკუპირებულ ტერიტორიაზე გადასვლა სცადა. როგორც მან ჟურნალისტებთან საუბრისას განაცხადა, რომ საზღვარზე გადასვლის მცდელობისას ტყეში დაიკარგა და იძულებული გახდა უკან დაბრუნებულიყო. "გუშინ ვცადე მე ეს განმეხორციელებინა, მაგრამ ვითომ რაღაც სხვა მიმართულებით გამიშვა და სადღაც ტყეში ვიბოდიალე და რაღაც მავთულხლართებში გავიჭედე. დღეს უკვე ეს ამბავი გახმაურდა და ახლა არ მინდა რაღაც ცირკს დაემსგავსოს, მაგრამ გამოუვალი ის მაქვს და გახმოვანდება ჩემი სურვილი. მინდოდა, მიმემართა ბატონი ბიბილოვისთვის,"- განაცხადა კუხიანიძემ. კუხიანიძემ აღნიშნა, რომ ოკუპირებულ ტერიტორიაზე გადასვლა დღესაც სცადა, მაგრამ ამჯერად ამის უფლება სამართალდამაცველებმა და უშიშროების სამსახურის წარმომადგენლებმა არ მისცეს. დღეს ცნობილი გახდა, რომ თბილისის საკრებულოს გარემოს დაცვის კომისიის თავმჯდომარეს ერეკლე კუხიანიძეს უმრავლესობა დაატოვებინეს. 16 დეკემბერს ერეკლე კუხიანიძემ ვაჟა გაფრინდაშვილისა და მისი ოჯახის მიმართ შეურაცხყოფის გამო ბოდიში მოიხადა და სოციალურ ქსელში გამოყვეყნებული პოსტი ემოციურ მდგომარეობას დაუკავშირა.
#ახალიამბებიფსიქოლოგ ქეთი კობალაძის თქმით, სოციალურ ქსელში გავრცელებული უკიდურესი რეაქციები და გამოუვალობის ფრქვევა დანარჩენ ბავშვებზე ცუდად მოქმედებს. მან ამის შესახებ ტელეკომპანია "პირველის" ეთერში 15 წლის ლუკა სირაძის გარდაცვალების ფაქტთან დაკავშირებით ისაუბრა. ფსიქოლოგი ასევე აღნიშნავს, რომ ბავშვმა თავი დაცულად უნდა იგრძნოს, არსებობდეს შესაბამისი განათლება და ისეთი დაწესებულებები, რომელიც ბავშვებს აგრძნობინებს, რომ მარტო არ არიან. "საოცარი ნეგატიური რეაქციებია, ყველა თავის აზრს წერს სოციალურ ქსელში და ჩვენ ამას ვკითხულობთ. ამ დროს ყველას მიღმა რჩებიან სკოლის დანარჩენი ბავშვები, მათი სოციუმი. არ შეიძლება უფროსების მხრიდან ამდენი უსასოობის, გამოუვალობის ფრქვევა. დანარჩენ ბავშვებზე, ურთულეს ასაკში მყოფ თინეიჯერებზე უნდა ვიფიქროთ. როცა ცუდად ხარ, გჩაგრავენ, როგორ უნდა მოიქცეს, ეს ბავშვმა უნდა იცოდეს და არსებობდეს შესაბამისი განათლება და ისეთი დაწესებულებები, რომელიც ბავშვებს აგრძნობინებს, რომ მარტო არ არიან," - აცხადებს ქეთი კობალაძე. 15 წლის ლუკა სირაძე, რომელმაც თვითმკვლელობა სავარაუდოდ პოლიციაში მასზე განხორციელებული ფსიქოლოგიური ძალადობის გამო სცადა, იაშვილის კლინიკაში გუშინ გარდაიცვალა. სახელმწიფო ინსპექტორის სამსახურმა მოზარდის თვითმკვლელობის საქმეზე გამომძიებელი მარიანა ჩოლოიანი დააკავა. გამომძიებელი სისხლის სამართლის კოდექსის 335-ე მუხლით გათვალისწინებული დანაშაულის ბრალდებით არის დაკავებული, რაც ჩვენების მიცემის იძულებას გულისხმობს. ლუკა სირაძეს პოლიცია „მწვანე სკოლის“ შენობაში შეპარვასა და კედელზე წარწერის „ამ ცხოვრების დედაც“ გაკეთებას ედავებოდა.
#ახალიამბები"ინდიგოს" რედაქტორმა, ნინო ლომაძემ ტელეკომპანია "პირველის" ეთერში 15 წლის ლუკა სირაძის გარდაცვალების ამბავთან დაკავშირებით ისაუბრა და აღნიშნა, რომ გზავნილი "ამ ცხოვრების დედაც", როცა ქუჩაში ვრცელდება, იქცევა მოცემულობად და კონტექსტს იცვლის. ნინო ლომაძის თქმით, მსგავსი გზავნილების ტირაჟირებამ საზოგადოებაში ქცევის ცვლილება შეიძლება გამოიწვიოს. "ბავშვის ფრაზა, რომელიც ბავშვმა დატოვა მეხსიერებად, გზავნილად, სიგნალად ჩვენთვის, როგორც კი ხვდება ქუჩებში, კედლებზე, ის მოცემულობად იქცევა, კონტექსტს იცვლის, ეს აღარ იკითხება. ეს არის სასოწარკვეთის პიკზე მყოფი ადამიანის ამოძახილი, რომელიც ბევრნაირად შეიძლება გავშიფროთ. ცოტა რამ ვიცით, მაგრამ ვავრცელებთ ამ გზავნილს, რომელიც სულ სხვანაირად იკითხება, რადგან იცვლის შინაარსს," - განაცხადა ნინო ლომაძემ. 15 წლის ლუკა სირაძე, რომელმაც თვითმკვლელობა სავარაუდოდ პოლიციაში მასზე განხორციელებული ფსიქოლოგიური ძალადობის გამო სცადა, იაშვილის კლინიკაში გუშინ გარდაიცვალა. სახელმწიფო ინსპექტორის სამსახურმა მოზარდის თვითმკვლელობის საქმეზე გამომძიებელი მარიანა ჩოლოიანი დააკავა. გამომძიებელი სისხლის სამართლის კოდექსის 335-ე მუხლით გათვალისწინებული დანაშაულის ბრალდებით არის დაკავებული, რაც ჩვენების მიცემის იძულებას გულისხმობს. ლუკა სირაძეს პოლიცია „მწვანე სკოლის“ შენობაში შეპარვასა და კედელზე წარწერის „ამ ცხოვრების დედაც“ გაკეთებას ედავებოდა.
#ახალიამბები
#ახალიამბები,,ერუდიტის" დირექტორი, პედაგოგი თამარ ხელაძე სოციალურ ქსელში 15 წლის მოზარდის, ლუკა სირაძის გარდაცვალების ფაქტს ეხმაურება. შეგახსენებთ რომ "მწვანე სკოლაში" მომხდარი ინციდენტის შემდეგ რაც სკოლის კედლების მოხატვასეხებოდა. 15 წლის მოზარდმა ლუკა სირაძემ თვითმკვლელობა სცადა ის რამდენიმე დღე ებრძოდა სიკვდილს სამწუხაროდ მისი გადარჩენა ვერ მოხერხდეა.
#ახალიამბები
#ახალიამბები
#ახალიამბები გახმაურებული და შემზარავი ამბის დამატებითი დეტალები "რეგიონულმა კვირამ" გამოარკვია და მეურვის თანხმობით ერთ-ერთი ის მოზარდი ჩაწერა, რომლის მშობლებიც პოლიციამ არასრულწლოვნების პორნოგრაფიის უკანონოდ დამზადება-გასაღებისა და ტრეფიკინგის ორგანიზებული დანაშაულის ბრალდებით 5 დეკემბერს დააკავა.
#ახალიამბებისაფრანგეთის პოლიციამ ქალაქ ნანტში აქციის მონაწილეთა წინააღმდეგ ცრემლსადენი გაზი გამოიყენა. დღეს, გაფიცვის მე-13 დღეა. შეკრებილები მთავრობის საპენსიო რეფორმას აპროტესტებენ. ქალაქ ლილეში, აქციის ერთ-ერთმა მონაწილემ სამართალდამცველების მისამართით ბოთლი ისროლა, რომელშიც მჟავა იყო. მომხდარის შედეგად არავინ დაშავებულა. საპროტესტო მუხტის მიუხედავად, დღეს, საფრანგეთის პრემიერმა ედუარდ ფილიპმა განაცხადა, რომ მთავრობა საპენსიო რეფორმაზე უარს არ იტყვის. რამდენიმე დღის წინ, საფრანგეთის პრეზიდენტმა ემანუელ მაკრონმა განაცხადა, რომ სურს „მთავრობამ საპენსიო ცვლილებებთან დაკავშირებით მუშაობა გააგრძელოს“.
#ახალიამბებისაქართველოსა და ამერიკას შორის სტრატეგიული პარტნიორობის ის დონე, რომელიც ჩვენ გვაქვს, არასოდეს გვქონია. რაც უფრო მეტ შედეგებს ვაღწევთ, ჩვენი მეგობრები და პარტნიორები ჩვენგან მეტს ითხოვენ და მეტი მოლოდინები აქვთ, - ამის შესახებ საქართველოს პრემიერ-მინისტრმა გიორგი გახარიამ ამერიკელი კონგრესმენების წერილთან დაკავშირებით განაცხადა. მთავრობის მეთაურის შეფასებით, კონგრესმენები არიან საქართველოს მეგობრობის ჯგუფის ხელმძღვანელები და მათგან ყველა სახის კრიტიკას მთავრობა სამუშაო რეჟიმში იღებს. „ამერიკის შეერთებული შტატები არის ჩვენი ქვეყნის სტრატეგიული პარტნიორი. საქართველოს მეგობრობის ჯგუფის ხელმძღვანელებისგან, მეგობრებისგან და სტრატეგიული პარტნიორებისგან ყველა სახის კრიტიკას სამუშაო რეჟიმში ვიღებთ და აქ ვერანაირ პრობლემას ვერ ვხედავთ. ამასთანავე, რა თქმა უნდა, ამაზე ჩვენი პოზიცია გვაქვს. არსებობს გარკვეული შეკითხვები, ჩვენ ამ შეკითხვებს ვუპასუხებთ და ეს არის სწორედ, პოზიტიური თანამშრომლობის, პოზიტიური მეგობრობის და პოზიტიური სტრატეგიული თანამშრომლობის ნაწილი. აქ არანაირი პრობლემა არ არის", - განაცხადა გიორგი გახარიამ. რაც შეეხება არჩევნების პროპორციული სისტემით ჩატარებასთან დაკავშირებულ ინიციატივაზე მიღებულ გადაწყვეტილებას, მთავრობის მეთაურმა აღნიშნა, რომ შესაბამისი პროცედურები პარლამენტში უკვე გავლილია და ხალხის მიერ არჩეული საკანონმდებლო ორგანოს გადაწყვეტილებას კითხვის ნიშნის ქვეშ ვერავინ დააყენებს. "სხვა ყველაფერი არის პოლიტიკური პროცესი. როგორც იცით, ელჩების მეშვეობით ეს დიალოგი მიმდინარეობს. საქართველოს მთავრობას, ჩვენს სტრატეგიულ პარტნიორს, ჩვენს მეგობრებს, ჩვენ ყველას გვაღელვებს ერთი რამ, ქვეყნის შემდგომი დემოკრატიული განვითარება, რაშიც ეჭვი არავის ეპარება. საქართველოსა და ამერიკას შორის სტრატეგიული პარტნიორობის ის დონე, რომელიც ჩვენ გვაქვს, არ გვქონია არასოდეს. საქართველოს არასოდეს ჰქონია ასეთი მნიშვნელოვანი პროგრესი ევროატლანტიკური ინტეგრაციის ნაწილში. ეს ყველაფერი ჩვენი დღევანდელი დღეა. ყველაზე მნიშვნელოვანია ის პროგრესი, რომელიც ჩვენ გვაქვს. ჩვენი პოლიტიკური გადაწყვეტილება იყო, რომ პროპორციული არჩევნები ყოფილიყო 2020-ში, მაგრამ ეს არის პოლიტიკური
#ახალიამბებისოციალურ ქსელში ვრცელდება ვიდეო, სადაც ჩანს თუ როგორ დაიარება ვირთხა საკონდიტრო ნაწარმზე. მომხმარებელი არ აკონკრეტებს თუ რომელ მაღაზიაზეა საუბარი, თუმცა აკეთებს მინაწერს: „ვირთხის წელი მოდის“.
#ახალიამბებილევან ხაბეიშვილი ერეკლე კუხიანიძეზე
#ახალიამბებიოპოზიციონერ დეპუტატებს თინა ბოკუჩავას და სერგო რატიანს ბიუროს სხდომა დაატოვებინეს. სხდომაზე დაპირისპირება მას შემდეგ მოხდა, რაც ოპოზიციონერმა დეპუტატებმა 20 ივნისის საქმეზე დაკავებულების მონახულება მოითხოვეს. მათი თქმით, პარლამენტის თავმჯდომარე ამ უფლებას უზღუდავთ. "ახლა აგიხსნით, დამნაშავე ვინ არის. ორ წამში აგიხსნით. დავიწყოთ ახლა იმით, რომ პირველ რიგში, თქვენ ხართ ის ხალხი, ვინც თან ბოიკოტის წერილებს წერთ, თან პარლამენტში ბიუროს სხდომას ესწრებით. ჩამოყალიბდით. არ ესწრებიან, მეგობრებო, ბიუროს სხდომას არ ესწრებიან. პასუხი მოისმინეთ და ეპატაჟი დაასრულეთ. ადგილზე დაბრძანდით, თითს ნუ მიქნევ. დაჯექი თავის ადგილას. გაიყვანეთ აქედან, თუ შეიძლება, ქალბატონი ბოკუჩავა. ეპატაჟი დაასრულე და დამელოდე. მაშინ მიბრძანდი სხდომიდან. კითხვაზე გინდათ პასუხი? დაჯექი და აგიხსნი, დაბრძანდი, ვერავის შეაშინებ ფეხზე წამოდგომით. დაბრძანდით თქვენს ადგილზე და ღვედები შეიკარით. დაბრძანდით თქვენს ადგილას. სავარძელში დაბრძანდით და ღვედები შეიკარით, გირჩევთ“, – მიმართა არჩილ თალაკვაძემ თინა ბოკუჩავას. პარლამენტის თავმჯდომარემ აქვე აღნიშნა, რომ ოპოზიცია თან ბოიკოტის რეჟიმშია და თან ბიუროს სხდომებს ესწრება. თალაკვაძის ამ განცხადებამ თინა ბოკუჩავას გაღიზიანება გამოიწვია და არჩილ თალაკვაძეს ფურცლები დაუხია. პარლამენტის თავმჯდომარემ ოპოზიციონერ დეპუტატებს ბიუროს სხდომის დატოვებისკენ რამდენჯერმე მოუწოდა, ბოლოს კი დეპუტატებს ბიურო მანდატურმა დაატოვებინა.
#ახალიამბებისაქართველოს პრეზიდენტმა სალომე ზურბიშვილმა ჟურნალისტებთან საუბრისას მის მიერ ბოლოდროინდელი აქტივობებისა და კომენტარების ირგვლივ განვითარებულ ამბებზე ისაუბრა და აღნიშნა რომ ის იქნება ყველაგან სადაც საჭიროა.
#ახალიამბებიგამომძიებელი მარიანა ჩოლოიანი "მწვანე სკოლის" კედლების მოხატვის ფაქტზე მოზარდის დაკითხვასთან დაკავშირებით, მოსწავლის განმარტოებით გაყვანის და დაკითხვის ფაქტს სიცრუეს უწოდებს. მისი თქმით, მოზარდი დაკითხვისა და საგამოძიებო მოქმედებების მიმდინარეობის პროცესში მუდმივად დედასთან ერთად იმყოფებოდა. "კომუნიკაცია ბავშვთან ხდებოდა დედის მონაწილეობით, მოზარდი არ ყოფილა დედის გარეშე, საგამოძიებო მოქმედებების ჩატარებასაც ესწრებოდა დედა. როგორც გაჟღერდა, რომ სამი საათის განმავლობაში იყო გაყვანილი დაკითხვაზე მარტო და საგამოძიებო მოქმედებები ტარდებოდა, სიმართლეს არ შეესაბამება. არსად არ ყოფილა ცალკე გაყვანილი," - განაცხადა გამომძიებელმა. გამომძიებელმა განმარტა, რომ ერთადერთი შემთხვევა იყო, როცა პოლიციელს მოზარდის განცალკევება მოუწია, ოღონდ იმავე სივრცეში. ამის მიზეზი, როგორც გამომძიებელი ამბობს, დედასა და შვილს შორის უთანხმოება გახდა. "უთანხმოებაზე განყოფილების ერთ-ერთმა ხელმძღვანელმა გამოიწვია მოზარდი გვერდზე და განუმარტა, რომ უნდა მოქცეულიყო წესიერად, მოუწოდა წესრიგისკენ. მეორე დღეს მე მქონდა კომუნიკაცია, დამიკავშირდა დედა და მითხრა, რომ მოზარდს უნდოდა ახალი ჩვენების მიცემა, სადაც იტყოდა სიმართლეს. შევთანხმდით, რომ გამოცხადდებოდნენ ისევ პოლიციის განყოფილებაში 11 საათზე, სადაც უშუალოდ მე დავხვდებოდი. გამოცხადდნენ, შევხვდით ერთმანეთს, გავესაუბრე მოზარდს ახალ დეტალებთან დაკავშირებით და მან ახალი ინფორმაცია არ მომაწოდა, ამიტომ გამოკითხვა აღარ ჩატარდა და გაშვებული იქნა პოლიციის განყოფილებიდან დედასთან ერთად," - განაცხადა მარიანა ჩოლოიანმა.
#ახალიამბებივინ არის ქალბატონი, რომელიც 14 დეკემბერს "ქართული ოცნების" მიერ ორგანიზებულ აქციაზე არ ყოფნის გამო თითქოს მოქალაქეს "სამსახურის დაკარგვით ემუქრება"? "იმედის კვირამ" გაარკვია, რომ ქალი, რომელიც პარლამენტის შენობის წინ საკმაოდ ხმამაღლა საუბრობდა, ვინმე ბელა ტლაშაძეა. მისი საუბარი თითქოსდა აქციაზე არყოფნის გამო სამსახურის დაკარგვის შესახებ ტელეეთერშიც მოხვდა, თუმცა "იმედის კვირამ" გაარკვია, რომ კამერის წინ მოსაუბრე ქალს არანაირი შეხება არ აქვს ქუთაისთან, როგორც ეს მედიაში იყო გაშუქებული, ის ბოლო წლებია არსადაა დასაქმებული და შესაბამისად, არც ქუთაისის გამგეობაში. ცნობისთვის, ტელეეთერში გასულ კადრებში ჩანს, თუ როგორ ურეკავს ეს ქალბატონი ვითომ საჯარო მოხელეებს და ეუბნება - "რატომ არ წამოხვედი, ეხლა სამსახურს დაკარგავ, იცი, შენ რომ სამსახურს დაკარგავ? შენ იცი, რომ სამსახური აღარ გექნება ეხლა, რომ არ წამოხვედი?" ბელა ტლაშაძის სიძემ, ვახტანგ ჩაჩანიძემ "იმედის კვირასთან" სატელეფონო საუბარში განაცხადა, რომ მედიაში გავრცელებული ამბავი სიმართლეს არ შეესაბამება, მისი სიდედრი აქციაზე არ ყოფილა, "უბრალოდ რუსთაველზე გაიარეს, ტელეფონზე კი თავის ბიძაშვილს "ეღადავებოდა" . "ვინ დაავალა, თავის ბიძაშვილს ეღადავება, რომელიც რაღაცა პოლიტიკურ პარტიას უჭერს მხარს. სხვათა შორის იმ კატეგორიას განეკუთვნება ბელა ტლაშაძე, რომელმაც 41 შემოხაზა და ახლა თავში ირტყამენ ხელს. არ იყო აქციაზე, უბრალოდ რუსთაველი გაიარეს და ამ ამბავზე იხუმრა თავის ნათესავთან. არც "ოცნების" ბრიგადირია, არც "ნაცების" ბრიგადირია. ხუმრობდა, მართლა ხუმრობდა და აიღებენ ამ ვიდეოს, შეცდომა მოუვიდა „მთავარს, " - განუცხადა იმედის კვირას ბელა ტლაშაძის სიძემ. თავად ბელა ტლაშაძემ და მისმა შვილმა თამთა მასურაშვილმა, "იმედის კვირასთან" საუბარი არ ისურვეს. წყარო: pia.ge
#ახალიამბები ზუგდიდში, გამსახურდიას ქუჩაზე გზის რეაბილიტაციის სამუშაოებისას მუშა დაშავდა. სასწრაფო სამედიცინო დახმარების ბრიგადამ დაშავებული ზუგდიდის რეფერალურ საავადმყოფოში გადაიყვანა.
#ახალიამბებილონდონმა "მის მსოფლიო 2019"- ის კონკურსს უმასპინძლა, რომლის გამარჯვებულიც იამაიკელი გოგონა ტონი ემ სინგი გახდა. იამაიკში დაბადებული გოგონა, ცხრა წლის ასაკში საცხოვრებლად აშშ-ში, კერძოდ ფლორიდაში გადავიდა. 23 წლისამ დაამთავრა ფლორიდის შტატის უნივერსიტეტი ის ფსიქოლოგია. გოგონა თავისუფალ დროს მღერის, მან კონკურსზე უიტნი ჰიუსტონის სიმღერა შეასრულა. ტონი ემ სინგიმ კონკურისი დაწყებამდე ერთი დღით ადრე ტვიტერის საშუალებით მსოფლიოს და იამაიკელ გოგონებს მიმართა: "მივმართავ იამაიკელი გოგონებს და ასევე გოგონებს მთელს მსოფლიოში - გჯეროდეთ საკუთარი თავის. იცოდეთ, რომ შეგიძლია ოცნებების ახდენა". სილამაზის კონკურსზე მეორე ადგილი ფრანგმა ოფელია მეზინომ დაიკავა, ხოლო მესამე ადგილზე ინდოელი სუმან რაოა გავიდა. საქართველოს კი "მის მსოფლიოზე" ნინი გოგიჩაიშვილი წარადგენდა.
#ახალიამბები
#ახალიამბები
#ახალიამბები წალენჯიხის მუნიციპალიტეტში, ქალაქ ჯვარში ახალი სამოქალაქო მოძრაობა “ხმა”დაფუძნდა. ორგანიზაციის მიზნებისა და სამომავლო გეგმების პრეზენტაციაზე შეკრებილ საზოგადოებას სკაიპით საქართველოს მესამე პრეზიდენტი მიხეილ სააკაშვილიც ჩაერთო.
#ახალიამბებიშინაგან საქმეთა სამინისტროსა და ევროპელი სამართალდამცველების თანამშრომლობის შედეგად, ირლანდიასა და ესპანეთში დაკავებულია ქართული ორგანიზებული დანაშაულებრივი ჯგუფის 5 წევრი, - ამის შესახებ შსს-ს მიერ გავრცელებულ ინფორმაციაშია აღნიშნული, რომელსაც "კვირა" უცვლელად გთავაზობთ: "საქართველოს შინაგან საქმეთა სამინისტრო, საერთაშორისო ორგანიზებული დანაშაულის წინააღმდეგ ეფექტიანი ბრძოლის მიზნით, ევროპის ქვეყნებში წარგზავნილი პოლიციის ატაშეების მეშვეობით, კვლავ აქტიურად განაგრძობს თანამშრომლობას ევროკავშირის წევრი ქვეყნების სამართალდამცავ უწყებებთან, ინტერპოლთან და ევროპოლთან. ქართველმა, ირლანდიელმა და ესპანელმა სამართალდამცველებმა, რამდენიმეთვიანი ინტენსიური თანამშრომლობის შედეგად, მიმდინარე წლის 9 დეკემბერს, დუბლინსა და ბარსელონაში ერთობლივად ჩატარებული სპეცოპერაციისას, ქართული ორგანიზებული დანაშაულებრივი ჯგუფის წევრები - საქართველოს 5 მოქალაქე დააკავეს. სპეცოპერაცია „ნანდი-მომბასას“ შედეგად, ირლანდიის ქალაქ დუბლინში დაკავებული არიან: 1972 წელს დაბადებული ვ.ჯ., 1974 წელს დაბადებული ს.გ. და 1997 წელს დაბადებული თ.ბ., ესპანეთის ქალაქ ბარსელონაში კი - 1980 წელს დაბადებული დ.მ. და 1972 წელს დაბადებული მ.მ. დაკავებულებს ბრალად ედებათ ორგანიზებული დანაშაულებრივი ჯგუფის წევრობა, ყალბი საბუთების შეძენა-შენახვა-დამზადება და უკანონო მიგრაციის ხელშეწყობა. საქართველოს მოქალაქეების მიერ ჩადენილი დანაშაულისთვის ესპანეთის კანონმდებლობით გათვალისწინებულია 8 წლამდე ვადით თავისუფლების აღკვეთა. სამართალდამცველებმა ბრალდებულების დროებითი საცხოვრებელი ბინების ჩხრეკისას ნივთმტკიცებად ამოიღეს დიდი ოდენობით პირადობის დამადასტურებელი ყალბი დოკუმენტები. გამოძიებით დადგინდა, რომ ბრალდებულები დუბლინიდან ესპანეთის სხვადასხვა ქალაქში პერიოდულად აგზავნიდნენ ამანათებს (პირადობის დამადასტურებელ ყალბ საბუთებს), რომლებსაც საქართველოს ასეულობით მოქალაქე ირლანდიასა და ევროპის სხვა ქვეყნებში გადაადგილების მიზნით იყენებდა. აღსანიშნავია, რომ ორგანიზებული დანაშაულებრივი ჯგუფის წევრების გამოვლენის, ასევე, მათი კავშირების დადგენის და ოპერაციის დაგეგმვის მიზნით, საქართველოს შინაგან საქმეთა სამინისტროს ცე
#ახალიამბებითბილისში ლგბტქ უფლებების დამცველი აქტივისტებისა და მხარდამჭერების დაჯილდოების ცერემონია გაიმართა. “თანასწორობის ჯილდოს” მფლობელი 9 აქტივისტი გახდა, მათ შორის არიან ფილმის "და ჩვენ ვიცეკვეთ" მსახიობი და პროდიუსერი და ასევე, 24 წლის, გარდაცვლილი ტრანსგენდერის ლიკას ბაბუა
#ახალიამბებიშინაგან საქმეთა სამინისტროს აკადემიას, სამოქალაქო უსაფრთხოების მიმართულებით სწავლების განვითარების მიზნით, პოლონეთისგან სასწავლო აღჭურვილობა გადაეცა. პოლონეთის ელჩმა საქართველოში მარიუშ მაშკიევიჩმა შინაგან საქმეთა მინისტრის მოადგილეს - ვლადიმერ ბორცვაძეს აღჭურვილობის ჩუქების სერტიფიკატი საზეიმო ვითარებაში გადასცა. საქართველოს შინაგან საქმეთა მინისტრის მოადგილემ პოლონურ მხარეს სამოქალაქო უსაფრთხოების სფეროში შეტანილი წვლილისთვის მადლობა გადაუხადა. „დიდი მადლობა მინდა გადავუხადო ჩვენს პოლონელ პარტნიორებს სამოქალაქო უსაფრთხოების სფეროში შეტანილი წვლილისთვის. თანამედროვე სტანდარტების ინფრასტრუქტურა ხელს შეუწყობს ახალი სასწავლო პროგრამების განხორციელებას და დაეხმარება ჩვენს მეხანძრე-მაშველებს კვალიფიკაციის ამაღლებაში.“ - განაცხადა ვლადიმერ ბორცვაძემ. აღჭურვილობის გადაცემის ღონისძიება შინაგან საქმეთა სამინისტროს საგანგებო სიტუაციების მართვის სამსახურის განსაკუთრებულ სიტუაციებზე რეაგირების მთავარი სამმართველოს ბაზაზე გაიმართა. ღონისძიებას, ასევე, ესწრებოდნენ პოლონეთის საგარეო საქმეთა სამინისტროს განვითარების თანამშრომლობის დეპარტამენტის დირექტორის მოადგილე, პოლონეთის რესპუბლიკის საელჩოს კონსული, პროექტის ხელმძღვანელის მოადგილე, ვარშავის მთავარი სახანძრო სკოლის ინსტრუქტორები და შინაგან საქმეთა სამინისტროს წარმომადგენლები. საქართველოს შინაგან საქმეთა სამინისტროს აკადემიას სასწავლო აღჭურვილობა პოლონეთის რესპუბლიკის საგარეო საქმეთა სამინისტროს ინიციატივით, პოლონეთის რესპუბლიკის საელჩოსა და ვარშავის მთავარი სახანძრო სკოლის დახმარებით განხორციელებული პროექტის - „შსს-ს აკადემიის სამოქალაქო უსაფრთხოების საკითხებში მომზადების სამმართველოს შესაძლებლობების განვითარება“ - ფარგლებში გადაეცა. პროექტი მოიცავს პრაქტიკული სწავლებისთვის განკუთვნილ მრავალფუნქციურ სახანძრო-სამაშველო სიმულატორს, 17 ინსტრუქტორისთვის განკუთვნილ სრულ სახანძრო ეკიპირებასა და შესაბამის სასწავლო აღჭურვილობას. ღონისძიების ოფიციალური ნაწილის დასრულების შემდეგ, ახალგადმოცემული აღჭურვილობის გამოყენებით, საჩვენებელი სასწავლო სესია გაიმართა. უახლოეს მომავალში ვარშავის მთავარი სახანძრო სკოლის ინსტრუქტორები სა
#ახალიამბები