ინფო 9

#ინფო9 #NEWS #info9 #შსს შინაგან საქმეთა სამინისტრომ, დანაშაულის პრევენციისა და საზოგადოებრივი წესრიგის დაცვის მიზნით, „პოლიციის შესახებ“ საქართველოს კანონის შესაბამისად, მთელი ქვეყნის მასშტაბით, სპეციალური საპოლიციო კონტროლი განახორციელა. უწყების ინფორმაციით, 21-22 თებერვალს, საპოლიციო კონტროლის დროს, სამართალდამცველების მიერ სისხლის სამართლის 80 დანაშაული გამოვლინდა, მათ შორის: ცეცხლსასროლი იარაღის მართლსაწინააღმდეგო შეძენა-შენახვისა და ტარების (სსკ-ს 236-ე მუხლი) – 21 ფაქტი; ნარკოტიკების უკანონო შეძენა-შენახვა-გასაღების (სსკ-ს 260-ე მუხლი) – 15 ფაქტი; ქურდობის (სსკ-ს 177-ე მუხლი) – 11 ფაქტი; გამოვლენილია ჯანმრთელობის დაზიანების (სსკ-ს 117-ე და 118-ე მუხლები) – ორი ფაქტი; სხვისი ნივთის დაზიანების (სსკ-ს 187-ე მუხლი) – ერთი ფაქტი;ძალადობის (სსკ-ს 126-ე მუხლი) – ხუთი ფაქტი; ცივი იარაღის ტარების (სსკ-ს 238-ე პრიმა მუხლი) – ორი ფაქტი; პოლიციამ ორი ძებნილი პირი დააკავა. დაფიქსირდა ადმინისტრაციული სამართალდარღვევის 1182 შემთხვევა, მათ შორის: წვრილმანი ხულიგნობის (ასკ-ს 166-ე მუხლი) - ხუთი ფაქტი; პოლიციისადმი დაუმორჩილებლობის (ასკ-ს 173-ე მუხლი) - 24 ფაქტი; პოლიციისადმი დაუმორჩილებლობისა და წვრილმანი ხულიგნობის (ასკ-ს 173-ე და 166-ე მუხლები) - 18 ფაქტი; ცივი იარაღის ტარების (ასკ-ს 181-პრიმა მუხლი) – 18 ფაქტი. საპოლიციო კონტროლის მიმდინარეობისას, პოლიციამ უკანონო ბრუნვიდან ამოიღო სხვადასხვა სახის ცეცხლსასროლი იარაღი და საბრძოლო მასალა, მათ შორის: ერთი ავტომატური ცეცხლსასროლი იარაღი, შვიდი პისტოლეტი, ერთი შაშხანა, ორი გადაჭრილი სანადირო თოფი, ხუთი სანადირო თოფი, 72 კაფსულ-დეტონატორი და სხვადასხვა კალიბრის 169 საბრძოლო ვაზნა. ასევე, ამოღებულია სხვადასხვა სახის ნარკოტიკული საშუალება, მათ შორის: სამი შეკვრა ჰეროინი, 125 აბი „სუბოქსინი“, 1 შეკვრა ე.წ. „ბიო“ და სხვა. საპოლიციო კონტროლის დროს, სამართალდამცველებმა ჩადენილი სისხლის სამართლის დანაშაულისთვის - 19, ხოლო ადმინისტრაციული სამართალდარღვევისთვის – 38 პირი დააკავეს.

#ინფო9 #NEWS #info9 რუსუდან გოცირიძე ქართლში, ევანგელურ-ბაპტისტური ეკლესიის ეპისკოპოსია. საკუთარი ბავშვობისა და ბაპტისტური ნათლობის შესახებ მან „ნანუკას შოუში“ ისაუბრა.

#ინფო9 #NEWS #info9 დედა სიდონიას თქმით, მას ავთვისებიანი სიმსივნე ჰქონდა და რამდენიმე რთული ოპერაცია ჩაუტარდა. როგორც „ნანუკას შოუში“ დედა სიდონიამ აღნიშნა, ყველა დარწმუნებული იყო, რომ ის გარდაიცვლებოდა.

#ინფო9 #NEWS #info9 #ცხოველები ჩინეთის პროვინცია შანსუს ვეტერინარულ კლინიკაში, ციმბირული ჰასკის ჯიშის ძაღლმა თავისი გალია გატეხა, მაგრამ სანამ გაიქცეოდა, სხვა ძაღლებიც გაათავისუფლა. ძაღლმა შეძლო გალიის საკეტის მოხსნა, მაგრამ ოთახის დატოვება კოდირებული კარების გამო ვერ მოახერხა. ამის შემდეგ, გვერდზე გასწია კატების გალია და გაითავისუფლა გზა სხვა ძაღლებისკენ. „აქ უკვე 7 წელია ვმუშაობ, მაგრამ არასდროს მსგავსი არ მომხდარა“, - განაცხადა კლინიკის დირექტორმა. ცხოველებმა შენობიდან გაქცევა მაინც ვერ მოახერხეს, „დამნაშავე“ ჰასკი კი უფრო სქელ გალიაში გადაიყვანეს.

#ინფო9 #NEWS #info9 #საპატრიარქო ცურტაველი მიტროპოლიტი, მეუფე ვახტანგი საპატრიარქოს ირგვლივ განვითარებულ მოვლენებს ეკლესიის წინააღმდეგ „შეთქმულებას“ უწოდებს. „რაც დღეს ეკლესიაში ხდება, ეს ეკლესიის წინაშე შეთქმულებაა. ეს არის და ეს, მაგრამ მადლობა ღმერთს, პატრიარქი კარგად არის და დაბრუნდა. ყველაფერი დალაგდება, გაირკვევა და ყველას თავისი ადგილი ექნება ამ ქვეყანაზე“, - განაცხადა მეუფე ვახტანგმა. მისივე თქმით, ბრალდებული მამა გიორგი მამალაძე მოწამე არ არის, ის რიგითი სასულიერო პირია და სიმართლე აუცილებლად უნდა გაირკვეს. „ნუ გავხადეთ მამა გიორგი მოწამე, ჩვეულებრივი რიგითი სასულიერო პირია, როგორც ყველა. გაირკვევა სიმართლე. ჩვენ ვერ დავადანაშაულებთ, მაგრამ გაირკვევა ყველაფერი და დალაგდება“, - აღნიშნა ცურტაველმა მიტროპოლიტმა. მან ასევე ჟურნალისტებს მოუწოდა, რომ სენსაციებისგან თავი შეიკავონ. „არ გვინდა ეს სენსაციებით აგება, ავაგოთ ვიღაცის რაღაც კომპრომატები და ა.შ. ყველაფერი კარგად იქნება“, - განაცხადა მეუფე ვახტანგმა. დეკანოზი გიორგი მამალაძე მაღალი იერარქიის სასულიერო პირის მკვლელობის მომზადების ბრალდებით არის დაკავებული. აღნიშნულ თემასთან დაკავშირებით, საპატრიარქოში სასულიერო პირების შეხვედრა მიმდინარეობს. სასულიერო პირების შეხვედრას სრულიად საქართველოს კათოლიკოს-პატრიარქი ხელმძღვანელობს, რომელიც სამშობლოში გერმანიიდან გუშინ დაბრუნდა.

#ინფო9 #NEWS #info9 ყოფილი ტელეწამყვანის ხატია სიჭინავას თქმით, მეუღლემ, მოკრივე რამაზ ნოზაძემ სიურპრიზი გაუკეთა და მანქანა აჩუქა. „დარწმუნებული ვიყავი, ბიჭს რომ გავაჩენდი ახალ მანქანას აუცილებლად მიყიდდა. ერთი წამით კიდევაც დავფიქრდი, ბიჭი ხომ არ გავაჩინო-თქო, მაგრამ ახლა არ ველოდი. არანაირი წინაპირობა არ გვქონდა“, - აღნიშნავს სიჭინავა გადაცემა „მარაოში“. მისივე თქმით, მიმდინარე წელს ბიჭის გაჩენას აპირებს. „2018-ში დაგეგმილი მაქვს, რომ აუცილებლად ბიჭი უნდა გავაჩინო, არ მაინტერესებს. გოგო რომ მეყოლოს, არ ვიცი რას ვიზამ“, - აცხადებს სიჭინავა. ხატია სიჭინავასა და რამაზ ნოზაძეს სამი ქალიშვილი ჰყავთ.

#ინფო9 #NEWS #info9 მდინარე მტკვრის მასშტაბური გაწმენდითი სამუშაოები ინტენსიურ რეჟიმში მიმდინარეობს. თბილისის მერი დავით ნარმანია მოადგილე გიგა ნიკოლეიშვილთან, საგანგებო სიტუაციების მართვის სააგენტოს დირექტორ ზვიად ქაწაშვილთან ერთად, დღეს, ლოკაციებზე პირადად იმყოფებოდა და სამუშაოების მიმდინარეობას ადგილზე გაეცნო. „დავიწყეთ მტკვირს გაწმენდითი სამუშაოები, აქ არის მდინარის მიერ ჩამოტანილი ნარჩენები, ისევე როგორც, გასასხლავია ხე-მცენარეები, ამიტომაც პარალელურ რეჟიმში მიმდინარეობს პროცესი, რომელშიც მერიის ყველა ძირითად სამსახურთან ერთად ჩართულია შსს-ს შესაბამისი სამსახურები. ერთობლივი ძალსხმევით უახლოესი შემდგომი ერთი კვირის, ან ათი დღის განმავლობაში ვიმუშავებთ ინტენსიურად და გავასუფთავებთ მტკვრის კალაპოტს, რათა ერთის მხრივ, გარემოსდაცვითი და ეკოლოგიური თვალსაზრისით იყოს მოწესრიგებული და, მეორეს მხრივ, ტურისტებისთვის, ვიზიტორებისთვის, ჩვენი თანამოქალაქეებისთვის სანახაობრივად ეს ყველაფერი იყოს სუფთა“, - განაცხადა დავით ნარმანიამ. მტკვარი და მისი მიმდებარე ტერიტორია სპეციალური ტექნიკის საშუალებით იწმინდება წლების განმავლობაში დაგროვილი სხვადასხვა სახის ნარჩენისგან, ლამისგან, ლაქაშისგან და სხვა. მიმდინარეობს ხეების სხვლა-ფორმირება, ის ხე-მცენარეები კი, რომლებიც გამხმარია, ან მტკვრის ჯებირს აზიანებენ, იჭრება. სამუშაოებში თბილისის მერიის კეთილმოწყობისა და გამწვანების საქალაქო სამსახურის თანამშრომლები, შპს „თბილსერვის ჯგუფის“ წარმომადგენლები, ასევე, შსს-ს შესაბამისი სამსახურების თანამშრომლები, მათ შორის ალპინისტები არიან ჩართულნი. მტკვრის მასშტაბური გაწმენდითი სამუშაოები პერმანენტული ხასიათისაა და რამდენიმე დღეს გასტანს. ჯამში, დაახლოებით, 10 კმ-იანი მონაკვეთი დასუფთავდება. გაწმენდითი სამუშაოები თავდაპირველად ორ ლოკაციაზე მიმდინარეობს - ორთაჭალის ჰესთან და მარცხენა სანაპიროზე მდებარე ერთ-ერთ გზაჯვარედინთან (რესტორანი „აფხაზეთი“-ს მიმდებარედ). საგზაო შეფერხებების თავიდან აცილების მიზნით, სამუშაოები 11:00-დან 16:00 საათამდე გასტანს. დაცულია უსაფრთხოების ყველა ზომა, რომელსაც შსს-სთან ერთად მერიის შესაბამისი სამსახურები უზრუნველყოფენ.

#ინფო9 #NEWS #info9 #შტორმი #სტიქია ჭარის შავიზღვისპირეთში, ხუთბალიან შტორმს ელოდებიან, რის გამოც, ქობულეთის თამარის სანაპიროზე, ნაპირსამაგრი სამუშაოები ინტენსიურად მიმდინარეობს. მძიმე ტექნიკით ხდება ზღვასთან ინერტული მასალის მიტანა და ნაპირის გამაგრება, რათა მოსალოდნელმა შტორმმა ნაპირსამაგრი ჯებირები არ დააზიანოს და მოსახლეობას საფრთხე არ შეუქმნას. ქვა-ღორღის მდინარე კინტრიშიდან ხდება მოპოვება. სამუშაოებს ქობულეთის მუნიციპალიტეტის გამგეობა ახორციელებს. გარემოს ეროვნული სააგენტოს ინფორმაციით, უახლოესი რამდენიმე დღის განმავლობაში, შავი ზღვის სანაპიროზე ოთხ-ხუთ ბალიანი შტორმია მოსალოდნელი

#ინფო9 #NEWS #info9 #პატრიარქი #საპატრიარქო ბერლინის კლინიკა HELIOS Klinikum Berlin-Buch-ში მოთავსებული სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე პალატაში გადაიყვანეს. საზოგადოებრივი მაუწყებელმა ბერლინის კლინიკაში პატრიარქის პირველი კადრები გადაიღო. „მადლობელი ვარ, რომ შემოხვედით. ყველაფერი კარგად იქნება“, - აცხადებს პატრიარქი ვიდეოში. პატრიარქის ექიმის შალვა პეტრიაშვილის განცხადებით, უწმინდესს სურს, საქართველოში რაც შეიძლება მალე ჩავიდეს. პატრიარქი კლინიკას სავარაუდოდ, ერთ კვირაში დატოვებს. მას ნაღვლის ბუშტის ოპერაცია გუშინ ჩაუტარდა.

#ინფო9 #NEWS #info9 #გვარამია #რუსთავი2ისსაქმე #რუსთავი2 #რუსთავი2 #პოლიტიკა სამაუწყებლო კომპანია „რუსთავი 2“-ის გენერალური დირექტორის მოადგილე ზაალ უდუმაშვილი თბილისის საქალაქო სასამართლოს ყოფილი თავმჯდომარის მამუკა ახვლედიანის საუბრის ამსახველი ფარული ჩანაწერის საქმეზე „რუსთავი 2“-ის გენერალური დირექტორის დაკავებას არ გამორიცხავს. უდუმაშვილის თქმით, ნიკა გვარამიას დაკავებით, ან დროებითი განეიტრალებით ხელისუფლება „რუსთავი 2“-ს ხონჩით მაინც ვერ მიიღებს“. „ხელისუფლების მხრიდან არაფერს აღარ გამოვრიცხავ, მითუმეტეს, იმ ფონზე, როდესაც ყველა ვხვდებით, რომ „რუსთავი 2“-ის საკითხის გადაწყვეტა ბოლო სტადიაშია. არაფერს გამოვრიცხავ, მათ შორის, არც „რუსთავი 2“-ის გენერალური დირექტორის დაკავებასაც. ამ შემთხვევაში, მინდა მივმართო ხელისუფლებას და იმ პრიმიტიულ ადამიანებს, რომლებმაც ასეთი სცენარი მოიფიქრეს - ბატონებო, თქვენ თუ გგონიათ, რომ ნიკა გვარამიას დაკავებით, ან თუნდაც დროებითი განეიტრალებით, „რუსთავი 2“-ს ხონჩაზე მიიღებთ, ძალიან ცდებით“, - განაცხადა უდუმაშვილმა. მისივე თქმით, „რუსთავი 2“-ში 1 000-მდე ადამიანი მუშაობს, რომელიც ტელეკომპანიისთვის სისხლის უკანასკნელ წვეთამდე იბრძოლებს. ტელეკომპანია „რუსთავი 2“-ის გენერალური დირექტორი შინაგან საქმეთა სამინისტროში გამოკითხვაზეა დაბარებული. მოწმის სტატუსით მისი დაბარება ნიკა გვარამიასა და თბილისის საქალაქო სასამართლოს ყოფილი თავმჯდომარის მამუკა ახვლედიანის საუბრის ამსახველი ფარული ჩანაწერის შესახებ მიმდინარე გამოძიებას უკავშირდება. შსს-ს ინფორმაციით, ნიკა გვარამიასა და მამუკა ახვლედიანის საუბრის ჩანაწერი უწყვეტი და ავთენტურია. ახვლედიანსა და გვარამიას შორის საუბრის ფარული ჩანაწერი 3 ოქტომბერს გავრცელდა. ნიკა გვარამიას განცხადებით, ის შინაგან საქმეთა სამინისტროში გამოკითხვაზე მისვლას არ აპირებს. მისი თქმით, ის შსს-ს არ ენდობა და დაკითხვას სასამართლოს მეშვეობით ითხოვს.

#ინფო9 #NEWS #info9 #კინო #ფილმი ბერლინში, 15 თებერვალს რეზო გიგინეიშვილის ფილმ „მძევლების“ მსოფლიო პრემიერა გაიმართება. სურათი, რომელიც 80-იანი წლების ყველაზე ხმაურიან გატაცებას ასახავს, შვიდი წლის განმავლობაში მზადდებოდა. ფილმი თანამედროვე ქართული კინოს ისტორიაში ერთ-ერთი ყველაზე მასშტაბურია. გადაღებები თბილისში, ქუთაისსა და მოსკოვში მიმდინარეობდა. რეჟისორი ამბავს მაქსიმალურად რეალურად ასახავს, თუმცა იმავდროულად, მაყურებელს აჩვენებს, რომ ორივე მხარეს თავისი სიმართლე აქვს. რეჟისორთან ერთად, სცენარზე მწერალმა ლაშა ბუღაძემ იმუშავა. ფილმში მთავარ როლებს თინა დალაქიშვილი, ირაკლი კვირიკაძე, გიგა დათიაშვილი, გიორგი გრძელიძე, ბექა ლემონჯავა, გიორგი ტაბიძე, გიორგი ხურცილავა, ვახტანგ ჩაჩანიძე, ეკატერინე კალატოზიშვილი, დარეჯან ხარშილაძე, მერაბ ნინიძე, ავთანდილ მახარაძე და მიშა გომიაშვილი ასრულებენ.

#ინფო9 #NEWS #info9 #საპატრიარქო #პატრიარქი - ტელეკომპანია „რუსთავი 2“-მა დეკანოზ გიორგი მამალაძის წერილი მოიპოვა, რომელიც მან სრულიად საქართველოს კათოლიკოს პატრიარქს, უწმინდესსა და უნეტარესს, ილია მეორეს ორი თვის წინ გაუგზავნა. წერილში საპატრიარქოს მფლობელობაში არსებული ქონების შესაძლო მითვისებაზეა საუბარი. „თქვენო უწმინდესობავ! მოგესალმებით, მადლობას მოგახსენებთ ჩემს მოსასმენად გამოყოფილი დროისთვის და საწყისშივე გიდასტურებთ ჩემს მორჩილებას წმინდა მართლმადიდებელი ეკლესიის წინაშე.

#ინფო9 #NEWS #info9 #საპატრიარქო #პატრიარქი - ჭყონდიდის მიტროპოლიტის, მეუფე პეტრეს თქმით, გამორიცხული არ არის, რომ დეკანოზი გიორგი მამალაძე პროვოკაციას წამოეგო. როგორც მეუფე პეტრემ „იმედის“ ეთერში აღნიშნა, საპატრიარქოში არსებული პრობლემების სათავე კათოლიკოს-პატრიარქის მდივან-რეფერენტი შორენა თეთრუაშვილია. „არ გამოვრიცხავ, რომ პროვოკაციას თვით მამა გიორგი წამოეგო. ეს არის საქართველოს ეკლესიის მტრული ძალები. არ გამოვრიცხავ მამა გიორგი თავისი ახალგაზრდობით, გამოუცდელობით, რაღაც სცენარის მონაწილე გახდა, ამიტომ ვფიქრობ , ის დუმილს დაარღვევს“,- აღნიშნა მეუფე პეტრე. მთავარი პროკურატურის ინფორმაციით, მაღალი იერარქიის სასულიერო პირის მკვლელობის მომზადების ფაქტზე, ბრალდებულის სახით, დეკანოზი გიორგი მამალაძე დააკავეს. აღნიშნულ დანაშაულს სისხლის სამართლის კოდექსის 18-108-ე მუხლი ითვალისწინებს. გუშინ, პროკურატურის შუამდგომლობის საფუძველზე, თბილისის საქალაქო სასამართლოს განჩინებით, გიორგი მამალაძეს აღკვეთის ღონისძიების სახით პატიმრობა შეეფარდა. დაკავებული წარდგენილ ბრალდებას არ აღიარებს.

#ინფო9 #NEWS #info9 #საპატრიარქო #პოლიტიკა - პარლამენტის თავმჯდომარე ირაკლი კობახიძე სრულიად საქართველოს კათოლიკოს პატრიარქს, უწმინდესსა და უნეტარესს, ილია მეორეს ჯანმრთელობას უსურვებს. ირაკლი კობახიძე პატრიარქის გარშემო განვითარებულ პროცესებს პარლამენტის ბიუროს დღევანდელ სხდომაზე გამოეხმაურა და აღნიშნა, რომ კარგია, რომ ოპერაციამ წარმატებით ჩაიარა. „მადლობა მინდა გადავუხადო სამართალდამცავ ორგანოებს ძალიან მძიმე დანაშაულის გახსნისთვის. იმედი მინდა გამოვთქვა, რომ ძალიან მალე, ბოლომდე მივა ეს გამოძიება და საბოლოოდ გაიხსნება ეს ძალიან მნიშვნელოვანი საქმე. ძალიან კარგია, რომ წარმატებით ჩაიარა ოპერაციამ და მინდა პატრიარქს, უწმინდესს და უნეტარესს ოპერაციის შემდეგ მალე გამოჯანმრთელება ვუსურვო“, - განაცხადა ირაკლი კობახიძემ. მთავარი პროკურატურის ინფორმაციით, მაღალი იერარქიის სასულიერო პირის მკვლელობის მომზადების ფაქტზე, ბრალდებულის სახით, დეკანოზი გიორგი მამალაძე დააკავეს. აღნიშნულ დანაშაულს სისხლის სამართლის კოდექსის 18-108-ე მუხლი ითვალისწინებს. გუშინ, პროკურატურის შუამდგომლობის საფუძველზე, თბილისის საქალაქო სასამართლოს განჩინებით, გიორგი მამალაძეს აღკვეთის ღონისძიების სახით პატიმრობა შეეფარდა. დაკავებული წარდგენილ ბრალდებას არ აღიარებს.

#ინფო9 #NEWS #info9 #საპატრიარქო ბათუმის წმინდა ბარბარეს სახელობის ტაძრის წინაღმძღვარს, დეკანოზ შიო პაიჭაძეს დეკანოზ გიორგი მამალაძის ბრალეულობის არ სჯერა. როგორც დეკანოზმა შიო პაიჭაძემ „რუსთავი 2“-ს განუცხადა, „გაურკვეველი მდგომარეობაა, რომელიც თავის დროზე გაირკვევა“. „არ მჯერა ამ ფაქტის. ეს ისეთი რამეა, მაშინ უნდა ვთქვათ, რომ ეს ადამიანი პოტენციური მკვლელია. რა მნიშვნელობა აქვს მოკლა თუ არა, ეს ძალიან რთული ბრალდებაა. ჩვენს სპეცსამსახურებს არ გავაკრიტიკებ. აქ რაღაც სხვა სიტუაციაა. ალბათ უფრო გაურკვეველი მდგომარეობაა და თავის დროზე გაირკვევა“, - აღნიშნავს დეკანოზი. მისივე თქმით, დეკანოზ გიორგი მამალაძეს პატრიარქი ძალიან უყვარდა და მის მიმართ მამობრივი დამოკიდებულება ჰქონდა. „წარმოუდგენელია, სასულიერო პირმა მსგავსი რამ იკადროს, არ მჯერა. ძალიან უყვარდა პატრიარქი, პატრიარქი ენდობოდა მას და მინახავს, რომ საჭმელი თავისი ხელით შეჰქონდა. მამობრივი დამოკიდებულება ჰქონდა და ასეთი ბრალდება წარმოუდგენელია“, - აღნიშნავს დეკანოზი შიო პაიჭაძე. მთავარი პროკურატურის ინფორმაციით, მაღალი იერარქიის სასულიერო პირის მკვლელობის მომზადების ფაქტზე, ბრალდებულის სახით, დეკანოზი გიორგი მამალაძე დააკავეს. აღნიშნულ დანაშაულს სისხლის სამართლის კოდექსის 18-108-ე მუხლი ითვალისწინებს. გუშინ, პროკურატურის შუამდგომლობის საფუძველზე, თბილისის საქალაქო სასამართლოს განჩინებით, გიორგი მამალაძეს აღკვეთის ღონისძიების სახით პატიმრობა შეეფარდა. დაკავებული წარდგენილ ბრალდებას არ აღიარებს.

#ინფო9 #NEWS #info9 #პოლიტიკა #საპატრიარქო #პატრიარქი #ეკლესია #თავდასხმა #პრემიერი #მინისტრი - პრემიერ-მინისტრ გიორგი კვირიკაშვილის შეფასებით, ქვეყანამ უდიდესი უბედურება აიცილა თავიდან, რადგანაც ეკლესიის წინააღმდეგ დაგეგმილი თავდასხმა აღკვეთილია. ამის შესახებ პრემიერი განცხადებას ავრცელებს და დეკანოზ გიორგი მამალაძის დაკავების ფაქტს ეხმაურება. „უპირველეს ყოვლისა, მინდა გითხრათ, რომ ჩვენ, ყველამ უდიდესი უბედურება ავიცილეთ თავიდან; აღკვეთილია ჩვენი ქვეყნის წინააღმდეგ დაგეგმილი დანაშაული - ეკლესიის წინააღმდეგ ვერაგული თავდასხმა. მინდა, დიდი მადლობა გადავუხადო სამართალდამცავ სტრუქტურებს, რომ იმუშავეს ოპერატიულად, ეფექტურად, ზედმეტი ხმაურის გარეშე და მათ თავიდან აგვაცილეს ეს დიდი უბედურება. პირველივე წუთებიდან, როგორც კი სამართალდამცავებმა მომაწოდეს ინფორმაცია, ეს საქმე, ბუნებრივია, აყვანილი მაქვს პირად კონტროლზე და პრაქტიკულად, უწყვეტ რეჟიმში ვიღებ ინფორმაციას. გამომდინარე შექმნილი არაორდინარული ვითარებიდან, ბერლინში გავაგზავნე ჩემი პირადი დაცვის წევრები, დაცვის სპეციალური სამსახურის უფროსთან ერთად, რათა ადგილზე გაძლიერებული ყოფილიყო უსაფრთხოების ზომები. ძალიან მნიშვნელოვანია გამოძიების პროფესიონალურად წარმართვა და ბოლომდე მიყვანა. მთავარია, რომ ექიმების განცხადებით, ოპერაციამ კარგად ჩაიარა და პატრიარქი თავს კარგად გრძნობს. მთელი გულით ვუსურვებ მას მალე გამოჯანმრთელებას, დიდხანს სიცოცხლეს ჩვენი ხალხისა და ქვეყნის საკეთილდღეოდ. ვაპირებ, მიუნხენის უსაფრთხოების კონფერენციამდე, დაგეგმილზე ადრე გავემგზავრო გერმანიაში და პირადად ბერლინში მოვინახულო მისი უწმინდესობა“, - ნათქვამია პრემიერის განცხადებაში. მთავარი პროკურატურის ინფორმაციით, მაღალი იერარქიის სასულიერო პირის მკვლელობის მომზადების ფაქტზე, ბრალდებულის სახით, დეკანოზი გიორგი მამალაძე დააკავეს. აღნიშნულ დანაშაულს სისხლის სამართლის კოდექსის 18-108-ე მუხლი ითვალისწინებს. გამოძიების ამ ეტაპზე მოპოვებული მტკიცებულებების საფუძველზე, მთავარი პროკურატურა რამდენიმე ვერსიაზე მუშაობს.

#ინფო9 #NEWS #info9 #აქცია #მერი #ნარმანია „ნაციონალური მოძრაობის“ პოლიტსაბჭოს თავმჯდომარის ნიკა მელიას განცხადებით, საკოორდინაციო საბჭოს წევრები დედაქალაქის მერს დავით ნარმანიას მათთან შესახვედრად, რამდენიმე საათს აძლევენ. წინააღმდეგ შემთხვევაში, ისინი დედაქალაქის მერიის შესასვლელის პიკეტირებითა და მასშტაბური აქციით იმუქრებიან. მელიას თქმით, შეუქცევადი პროცესებია დაწყებული და თუ ნარმანია აქციის მონაწილეებთან სასაუბროდ არ გამოვა, ეს მისთვის ცუდად დამთავრდება. „თბილისის მერს რამდენიმე საათს ვაძლევთ, რომ ჩამობრძანდეს და პასუხი გაგვცეს. წინააღმდეგ შემთხვევაში, ნარმანია ივანიშვილთან ერთად, საკუთარი თვალებით დაინახავს, აქ შეკრებილი ხალხი როგორ აზვირთდება და თავად დაუკეტავს კარებს. ნარმანიას კადნიერება ეყო და მილიონი მისცა ნაზღაიძის ოჯახს. ამაზე პასუხს არათუ არ გვცემს, ქალაქის მერიის ცენტრალურ შესასვლელსაც კეტავს. მერიის შენობა ივანიშვილის სასახლე ხომ არ არის?!“, - განაცხადა ნიკა მელიამ. მისი თქმით, აქციის მონაწილეები დაშლას არ აპირებენ. „ნარმანიამ რუბიკონი გადალახა. შეუქცევადი პროცესებია დაწყებული და ეს ყველაფერი მისთვის ცუდად დამთავრდება“, - აღნიშნა მელიამ. რვა პარტიის ფარგლებში შექმნილი საკოორდინაციო საბჭოს წევრები და აქციის მონაწილეები დედაქალაქის მერიის შენობაში შესვლას ითხოვენ მერიის შესავლელი ბლოკირებულია, სამართალდამცველები და მერიის უსაფრთხოების სამსახური აქციის მონაწილეეგბს შესვლის უფლებას არ აძლევს. საკოორდინაციო საბჭო ქალაქის მერის პასუხისმგებლობის საკითხს აყენებს და თბილისისთვის იმ მრავალმილიონიანი ქონების დაბრუნებას მოითხოვს, რომელიც 24 დეკემბერს, მოსამართლე ნატა ნაზღაიძის ოჯახს გადაეცა.

#ინფო9 #NEWS #info9 პოლიტიკა #აქცია #დაპირისპირება #რუსთავი2ისსაქმე ტელეკომპანია „რუსთავი 2“-სა და სიტყვის თავისუფლების მხარდასაჭერი აქცია თბილისის მერიასთან სიტყვიერი და ფიზიკური დაპირისპირების ფონზე მიმდინარეობს. აქცია პოლიტიკური პარტიების საკოორდინაციო საბჭოს მიერაა ორგანიზებული და მისი მონაწილეები მერიის შენობაში შესვლას ითხოვენ, რის საშუალებასაც, მათ სამართალდამცველები და მერიის უსაფრთხოების სამსახურის წარმომადგენლები არ აძლევენ. ისინი ითხოვენ პასუხს, რატომ დაიდო კორუფციული გარიგება და რატომ აღმოჩნდა „რუსთავი 2“-ის საქმის განმხილველი ერთ-ერთი მოსამართლის ნატალია ნაზღაიძის ოჯახი სხვა დაზარალებულებისგან განსხვავებით პრივილეგირებულ მდგომარეობაში. საკოორდინაციო საბჭო ქალაქის მერის პასუხისმგებლობის საკითხს აყენებს და თბილისისთვის იმ მრავალმილიონიანი ქონების დაბრუნებას მოითხოვს, რომელიც 24 დეკემბერს, მოსამართლე ნატა ნაზღაიძის ოჯახს გადაეცა.

#ინფო9 #NEWS #info9 #აქცია #რუსთავი2ისსაქმე რვა პარტიის ფარგლებში შექმნილი საკოორდინაციო საბჭოს წევრები და აქციის მონაწილეები დედაქალაქის მერიის შენობაში შესვლას ცდილობენ. მერიის შესავლელი ბლოკირებულია. უსაფრთხოების სამსახური აქციის მონაწილეებს შენობაში შესვლის უფლებას არ აძლევს. აქციის მონაწილეებსა და სამართალდამცველებს შორის რამდენჯერმე სიტყვიერი და ფიზიკური დაპირისპირება მოხდა. „ნაციონალური მოძრაობის“ პოლიტსაბჭოს თავმჯდომარის ნიკა მელიას განცხადებით, სახელმწიფო უსაფრთხოების სამსახური მობილიზებულია და მათ საჯარო სივრცეში შესვლის უფლებას არ აძლევს. „წარმოუდგენელია, მთელი სუს-ი მერიასთან არის მობილიზებული. გომელაურის მთელი სამსახური, პოლიტიკური პოლიციის მთელი შემადგენლობა აქ არის. მერიის შენობა ჩაკეტეს და არავის უშვებენ საჯარო სივრცეში, სადაც შესვლის უფლება ნებისმიერ მოქალაქეს აქვს“, - განაცხადა მელიამ. მისივე თქმით, თუ ქალაქის მერი დავით ნარმანია აქციის მონაწილეებს არ შეხვდება, ის რამდენიმე დღეში, თავის მოვალეობას ვეღარ შეასრულებს. „თუ ნარმანია არ ჩამოვა და არ შეგვხვდება, ის რამდენიმე დღეში ამ შენობაში ვერ შევა“, - განაცხადა მელიამ. აქციის მონაწილეები შეძახილებით თბილისის მერის გადადგომას მოითხოვენ. პოლიტიკური პარტიების საკოორდინაციო საბჭო ქალაქის მერის პასუხისმგებლობის საკითხს აყენებს და თბილისისთვის იმ მრავალმილიონიანი ქონების დაბრუნებას მოითხოვს, რომელიც 24 დეკემბერს მოსამართლე ნატა ნაზღაიძის ოჯახს გადაეცა.

#ინფო9 #NEWS #info9 #პატრიარქი #საპატრიარქო საქართველოს კათოლიკოს-პატრიარქი, უწმინდესი და უნეტარესი ილია მეორე საოპერაციოდ შეიყვანეს. პატრიარქს ოპერაცია ნაღვლის ბუშტზე, ბერლინის ერთ-ერთ კლინიკაში უტარდება. კლინიკაში სასულიერო პირები და წმინდა სინოდის წევრები იმყოფებიან, რომლებმაც ჯანმრთელობის პარაკლისი გადაიხადეს. შესაბამის კადრებს ტელეკომპანია „რუსთავი 2“ ავრცელებს. ჯერჯერობით უცნობია, რამდენ ხანს გაგრძელდება პატრიარქის ოპერაცია. უწმინდესი და უნეტარესი ილია მეორე გერმანიაში სამკურნალოდ 2 თებერვალს გაემგზავრა. სრულიად საქართველოს კათოლიკოს-პატრიარქს გერმანიაში საპატრიარქოს ჯანმრთელობის დაცვის დეპარტამენტის თავმჯდომარის მოადგილე ცისანა შარტავა და კარდიოლოგი შალვა პეტრიაშვილი გაყვა. პატრიარქი თბილისის საერთაშორისო აეროპორტიდან პრემიერ-მინისტრმა გიორგი კვირიკაშვილმა გააცილა.

#ინფო9 #NEWS #info9 #პატრიარქი #საპატრიარქო საქართველოს პატრიარქის უსაფრთხოების სამსახურის უფროსის სოსო ოხანაშვილის თქმით, ის ბერლინში, ილია მეორესთან ერთად იმყოფება და საკუთარი მოვალეობის შესრულებას აგრძელებს. „რუსთავი 2“-ის კითხვაზე: იმყოფებოდა თუ არა, საქართველოს მთავარ პროკურატურაში დაკითხვაზე, ოხანაშვილი არ პასუხობს და აღნიშნავს, რომ საქართველოში საქმეზე იყო, რის შემდეგაც ისევ უკან, ბერლინში გაფრინდა. „ვიმყოფები ბერლინში. ვაგრძელებ ჩემი მოვალეობის შესრულებას. სხვა არაფერი შემიძლია გითხრათ“, - აღნიშნა ოხანაშვილმა. „რუსთავი 2”-ის ცნობით, საპატრიარქოს ქონების მართვის სამსახურის ხელმძღვანელი და წმინდა იოაკიმესა და ანას სახელობის სამედიცინო ცენტრის დირექტორი, მამა გიორგი მამალაძე დააკავეს. მამალაძის დაკავებიდან რამდენიმე საათში ბერლინში საქართველოს სახელმწიფო დაცვის სპეციალური სამსახურის ხელმძღვანელი ანზორ ჩუბინიძე ჩავიდა, რომელმაც პატრიარქის უსაფრთხოების სამსახურის უფროსს, იოსებ ოხანაშვილს საქართველოში დაბრუნება მოსთხოვა, რადგან მთავარ პროკურატურას ოხანაშვილთან კითხვები ჰქონდა. ტელეკომპანიის ცნობით, სოსო ოხანაშვილი საქართველოს მთავარ პროკურატურაში ჩვენების მისაცემად შაბათს გამოცხადდა და მისი ოთხსაათიანი დაკითხვა გრიფით "საიდუმლო" საქმეზე მიმდინარეობდა, ხოლო კითხვები პატრიარქის უსაფრთხოების დაცვას ეხებოდა.

#ინფო9 #NEWS #info9 #პატრიარქი #საპატრიარქო საქართველოს კათოლიკოს-პატრიარქის ქორეპისკოპოსის, მეუფე იაკობის თქმით, მისთვის უცნობია, ვინ იცავს ამჟამად სრულიად საქართველოს კათოლიკოს-პატრიარქსს, უწმინდესსა და უნეტარეს ილია მეორეს. მეუფე იაკობი „რუსთავი 2“-ის შეკითხვას, თუ "ვინ იცავს ახლა პატრიარქს", პასუხობს, რომ მას ავაზაკებისგან ღმერთი იცავს. „ახლა იქ იმდენი ეპისკოპოსია, რაში სჭირდება ან ოხანაშვილი და ოხანაშვილის დაცვის ბიჭები. ბევრი ეპისკოპოსია, ისინი ახლობლები არიან. იმათ თვითონ აქვთ თავი დასაცავი, ვინ უნდა დაიცვან“, - განაცხადა მეუფე იაკობმა. რაც შეეხება ილია მეორის შესაძლო მოწამვლის ფაქტს, მეუფე იაკობი აღნიშნავს, რომ „ჭორაობა“ არ სურს და აღნიშნულ თემაზე საქართველოში დაბრუნების შემდეგ ისაუბრებს.

#პატრიარქი #საპატრიარქო ახალქალაქისა და კუმურდოს მიტროპოლიტი მამა ნიკოლოზი აცხადებს, რომ დაუჯერებელია, ვინმეს კათოლიკოს-პატრიარქის მოწამვლა აზრად მოუვიდეს და ამის თავად პატრიარქსაც არ სჯერა. „ჩემს აზრსაც გეტყვით და თვითონ პატრიარქისაც. არ მჯერა, რომ საქართველოში არსებობს ადამიანი, რომელსაც პატრიარქის მოწამვლა აზრად მოუვიდეს. რა მოხდა, არავინ იცის, მაგრამ პატრიარქს არ სჯერა, რომ ვინმე მის მოწამვლას აპირებს. მსგავსი რამ საერთოდ არ გამიგია. მხოლოდ წიგნებში წამიკითხავს, რომ ვინმეს ვინმე მოეწამლოს“, - განაცხადა მიტროპოლიტმა ნიკოლოზმა. მამა ნიკოლოზი, რომელიც გერმანიაში კათოლიკოს-პატრიარქთან ერთად იმყოფება, პატრიარქის უსაფრთხოების საკითხსაც გამოეხმაურა. მისი თქმით, ბერლინიდან პატრიარქის დაცვის უფროსის სოსო ოხანაშვილის თბილისში ჩასვლა და გამოძიებისთვის ჩვენების მიცემა სწორი იყო. „ვფიქრობ, ძალიან კარგი გააკეთა, რომ იგი ჩავიდა, დაეხმარა გამოძიებას. ჩვენმა აქ ჩამოსვლამ კი, ხელი შეუწყო ამ სამსახურის ფუნქციონირებას”, - აღნიშნა მამა ნიკოლოზმა. საქართველოს საპატრიარქოს ქონების მართვის სამსახურის ხელმძღვანელი და წმინდა იოაკიმესა და ანას სახელობის სამედიცინო ცენტრის დირექტორი, მამა გიორგი მამალაძე 10 თებერვალს, გამთენიისას, თბილისის საერთაშორისო აეროპორტში დააკავეს. ის ბერლინში, კათოლიკოს-პატრიარქთან გამგზავრებას გეგმავდა. როგორც „ინფო 9“-ს შინაგან საქმეთა სამინისტროში განუცხადეს, მამა გიორგის დაკავების ოპერაცია მათ არ ჩაუტარებიათ. კონკრეტულად რას უკავშირდება მისი დაკავება, უცნობია, ვინაიდან, ოფიციალურ უწყებებს აღნიშნულთან დაკავშირებით კომენტარი ჯერჯერობით არ გაუკეთებიათ. გავრცელებული ინფორმაციით, ამავე საქმეზე, საქართველოს მთავარმა პროკურატურამ, საპატრიარქოს უსაფრთხოების სამსახურის უფროსი სოსო ოხანაშვილი დაკითხა.

#ინფო9 #NEWS #info9 ”#რუსთავი2ისსაქმის განმხილველი კოლეგიის თავმჯდომარე, მოსამართლე ნატა ნაზღაიძე მისი ძმის ბიზნესსაქმიანობასთან რაიმე კავშირს გამორიცხავს. როგორც მოსამართლე „იმედთან“ ინტერვიუში აღნიშნავს, ის და ზვიად ნაზღაიძე ერთად ცხოვრობს, თუმცა ძმის ქონების დეტალებით არ ინტერესდება. „ერთად ვცხოვრობთ, მაგრამ როგორც მან არ იცის მე რა საქმეს ვიხილავ, რა დეტალია, ასე ვარ მასთან ურთიერთობაშიც. ვიცი რომ რაღაც შეიძინა, მაგრამ კონკრეტული პირობა, ვისთან როგორ, ეს ინფორმაცია არ არის ჩემთვის ცნობილი“,- აცხადებს ნაზღაიძე. მისივე თქმით, „რუსთავი 2“-ის საქმის განხილვის გამო, ის და მისი კოლეგები ცილისმწამებლური განცხადებების მსხვერპლი არაერთხელ აღმოჩნდნენ. „აქ ერთი დასკვნა. აშკარაა, რომ აქ სხვა დასკვნა არ არსებობს. რომ ეს არის მიზანმიმართული კამპანია ჩემი როგორც მოსამართლის, არ როგორც ზოგადად, არამედ როგორც კონკრეტულად „რუსთავი ორის“ საქმის მოსამართლის მიმართ“,- აღნიშნავს ნაზღაიძე. ტელეკომპანია ”რუსთავი 2”-ის ინფორმაციით, სააპელაციო სასამართლოში, ”რუსთავი 2”-ის საქმის განმხილველი კოლეგიის თავმჯდომარის, მოსამართლე ნატა ნაზღაიძის ძმას, ზვიად ნაზღაიძეს თბილისის მერიამ სახელმწიფოს კუთვნილი 1 მილიონი ლარის ქონება გადასცა. თბილისის მერის მოადგილე ირაკლი ლექვინაძემ აღნიშნულ თემაზე განაცხადა, რომ ნატა ნაზღაიძის ძმას, თბილისის მერიამ სახელმწიფოს კუთვნილი თანხა კანონის დაცვით გადაურიცხა.

#ინფო9 #NEWS #info9 ლანჩხუთის მუნიციპალიტეტის სოფელ ჩოჩხათში მომხდარ ყაჩაღობასთან დაკავშირებით ახალი დეტალები ხდება ცნობილი. „რუსთავი 2“-ის ინფორმაციით, სამი შეიარაღებული პირი გურგენაძეების ოჯახს დაესხა თავს და ცოლ-ქმარს ფიზიკური შეურაცხყოფა მიაყენა. ერთ-ერთმა გაქცევა მოახერხა, თუმცა თავდამსხმელები მას გაეკიდნენ, ცემეს და მდინარეში ჩააგდეს. ეკა ჭითაშვილმა გონს მოსვლა ნახევარი საათის შემდეგ მოახერხა. არსებული ინფორმაციით, თავდამსხმელებმა 220 ლარის წაღება მოახერხეს. დაზარალებულები საავადმყოფოში არიან გადაყვანილები. ექიმის განმარტებით, ცოლ-ქმარს მრავლობითი დაჟეჟილობები თავისა და სახის არეში აღენიშნებათ. როგორც „ინფო 9"-ს შინაგან საქმეთა სამინისტროს პრესსამსახურში განუცხადეს, საქმეზე გამოძიება სისხლის სამართლის კოდექსის 179-ე მუხლით დაიწყო, რაც ყაჩაღობას გულისხმობს.

#ინფო9 #NEWS #info9 #აქცია #რუსთავი2 „ნაციონალური მოძრაობის“ პოლიტსაბჭოს თავმჯდომარის ნიკა მელიას განცხადებით, ხელისუფლებას ქვეყანაში თავისუფალი მედიის ჩახშობა სურს. როგორც მელიამ ტელეკომპანია „რუსთავი 2“-ის მხარდამჭერ აქციაზე „ინფო 9“-ს განუცხადა, იმ შემთხვევაში, თუ ხელისუფლება თავისუფალი აზრის გამავრცელებელ ტელეკომპანიას ჩაახშობს, აქცია მეტად მასშტაბურ ხასიათს მიიღებს. „ერთი დღით ადრე დაგეგმილ აქციაზე ხედავთ, რამდენი ადამიანია გამოსული. ეს უნდა იყოს ნიშანი და სიგნალი ხელისუფლებისთვის, რომ თუ ის თავისუფალი აზრის გამავრცელებელ ტელეკომპანიას ჩაახშობს, ასეთ შემთხვევაში, ბუნებრივია, 30 და 40-ჯერ მეტი ადამიანი გამოვა. ეს გამაფრთხილებელი აქციაა“, - აღნიშნავს მელია. ტელეკომპანია „რუსთავი 2“-ის მხარდასაჭერი აქცია მეტროსადგურ „რუსთაველთან“ დაიწყო და მსვლელობით, უზენაეს სასამართლოსთან გადაინაცვლა.

#ინფო9 #NEWS #info9 #აქცია „ნაციონალური მოძრაობის“ მიერ ორგანიზებული აქციის მონაწილეებმა მეტროსადგურ „რუსთაველიდან“ მსვლელობა დაიწყეს. ისინი უზენაესი სასამართლოსკენ მიემართებიან. მსვლელობის გამო, რუსთაველის გამზირზე საავტომობილო მოძრაობა შეზღუდულია. აქციის მონაწილეები „რუსთავი 2“-ის წინააღმდეგ არსებულ სასამართლო დავას აპროტესტებენ. მათი განცხადებით, ყოფილი პრემიერ-მინისტრი ბიძინა ივანიშვილი სახელმწიფო საქმიანობაში უხეშად ერევა და მას სასამართლოსა და მედიის ხელში ჩაგდება სურს

#ინფო9 #NEWS #info9 #პოლიტიკა #ქუცნაშვილი #კომინიზმი პარლამენტის იურიდიულ საკითხთა კომიტეტის წევრები დეპუტატ ზაქარია ქუცნაშვილის გამოსვლამ გაამხიარულა. როგორც ქუცნაშვილმა კომიტეტის სხდომაზე აღნიშნა, საქართველოს რამდენიმე მეასედი პროცენტი დააკლდა იმისთვის, რომ ნახევრად თავისუფალი ქვეყნების სიიდან, თავისუფალი ქვეყნების რიგებში გადაენაცვლა. მისი თქმით, აზროვნების თავისუფლება საზოგადოებას ავალდებულებს, რომ გადმოსახედის სუბიექტივიზმიდან მაქსიმალურად იყოს დაცლილი. „როგორ შეიძლება ვიფიქროთ, რომ ერთიანი სახელმწიფოს მშენებლობაზე შეთანხმებულმა საზოგადოებამ შეიძლება დაუშვას, რომ მართლმსაჯულებამ, გამოძიებამ, სისხლისსამართლებრივმა დევნამ საბიუჯეტო პროცესი სამართავად კერძო პირებს გადასცეს? ჩვენ ხომ კომუნისტურ სისტემაში გვაცხოვრეს და ვიცით, რომ სოსისიდან, მოწოწნიკიდან დაწყებული რესტორნით დამთავრებული, ყველაფერს სახელმწიფო არეგულირებდა. ახლა გვთავაზობენ, რომ ისევ დავბრუნდეთ იმ რეჟიმში, რომ არაფერში არ ჩაერიოს საზოგადოების მიერ ორგანიზებული სახელმწიფო. ეს ხომ მოწოწნიკობაა, მეტი არაფერი“, - განაცხადა ზაქარია ქუცნაშვილმა. მისივე თქმით, სახელმწიფომ საზოგადოება თავისუფალ აზროვნებას უნდა მიაჩვიოს. იურიდიულ საკითხთა კომიტეტის სხდომაზე, დეპუტატები ე.წ. მოსმენებთან დაკავშირებით მომზადებულ კანონპროექტზე მსჯელობენ.

#ინფო9 #NEWS #info9 #კომუნიზმი ნათია ბაბუნაშვილმა შვილები „საქართველოს ერთიან კომუნისტურ პარტიაში“ გააწევრიანა. როგორც თოქ-შოუ „პროფილში“ ბაბუნაშვილი აღნიშნავს, შვილები ორი წელია კომუნისტური პარტიის რიგებში არიან, წითელ ყელსახვევსაც ატარებენ და პარტიის აქციებშიც მონაწილეობენ. „ვარ კომუნისტი და ვიყავი კომუნისტი მთელი იმ 25 წლის მანძილზე, როდესაც ქართველები ჩვენ ქვეყანას დამოუკიდებელს ვუწოდებდით. მახსოვს ის, რომ 12 წლამდე ბედნიერი ბავშვი ვიყავი, არ მახსოვს ოდესმე ოჯახში პრობლემა ყოფილიყოს, ბჭობა ყოფილიყოს რა უნდა გავაკეთოთ ხვალ, რომ შვილები მშიერი არ გვყავდეს, შვილებმა მიიღონ განათლება. ეს ყველაფერი თავისთავად იყო“, - აღნიშნავს ბაბუნაშვილი.

#ინფო9 #NEWS #info9 #ჯაჯანიძე #შოუ #კოშკელიშვილი გადაცემაში „სხვა რაკურსი გია ჯაჯანიძესთან ერთად“ საქართველოში ქორწინებების შემცირებულ რიცხვსა და დემოგრაფიულ მდგომარეობაზე ისაუბრეს. გადაცემაში ყოფილი ტელეწამყვანი ნუკი კოშკელიშვილი და მოდელი გიორგი ნაზღაიძე ერთმანეთს დაუპირისპირდნენ. გიორგი ნაზღაიძძემ მას მიმართა, თუ რატომ არ ჰყავდა ქართველი მამაკაცი გვერდით, რაზეც კოშკელიშვილმა უპასუხა, რომ მსგავსი კითხვა გასაკვირია იმ ადამიანისგან, რომელიც ამერიკაში წასასვლელად მიისწრაფვოდა, თუმცა გარიგებული ქორწილი არ გამოუვიდა. ნუკი კოშკელიშვილი რამდენიმე წელია ამერიკელ რადიოლოგ ბენ ხაიმზეა დაქორწინებული.

#ინფო9 #NEWS #info9 ოჯახურ დანაშაულში, კერძოდ, დამამძიმებელ გარემოებებში, მეუღლისა და მცირეწლოვანი შვილის განზრახ მკვლელობის ჩადენაში ბრალდებული მაგდა პაპიძე შვილისა და მეუღლის გარდაცვალების დღეს კიდევ ერთხელ იხსენებს. სასჯელაღსრულების დაწესებულებიდან, „ნანუკა ჟორჟოლიანის შოუსთვის“ მიცემულ სატელეფონო ინტერვიუში მაგდა პაპიძემ დეტალებზე ისაუბრა. 2016 წელს ერთ-ერთ ყველაზე გახმაურებულ საქმედ მაგდა პაპიძის სასამართლო პროცესები იქცა. 26 წლის ქალი 2015 წლის 20 დეკემბერს საკუთარი ქმრის ომარ ქაფიაშვილისა და მცირეწლოვანი შვილის თორნიკე ქაფიაშვილის სასტიკი მკვლელობის ბრალდებით დააკავეს. 2016 წლის 4 ივლისს, თბილისის საქალაქო სასამართლომ, ნაფიცი მსაჯულების ვერდიქტის საფუძველზე, ახალგაზრდა ქალს სასჯელის სახედ და ზომად უვადო პატიმრობა მიუსაჯა.

#ინფო9 #NEWS #info9 მომღერალ მალიბუ ტუღუშის ახალ კლიპში გენდერული იდენტობის თემაა წარმოჩენილი. როგორც 18 წლის მომღერალმა „ნანუკა ჟორჟოლიანის შოუში“ განაცხადა, აღნიშნული კლიპით იმის თქმა სურს, რომ „ადამიანი უნდა იყოს ის, რაც არის და ხალხის კრიტიკას ყურადღება არ მიაქციოს“. „ამდენი ხნის განმავლობაში, ყოველთვის ბიჭები მომწონდა. არასდროს მიფიქრია, რომ გოგო მომეწონება, თუმცა შეიძლება ერთ დღეს გავიღვიძო და ვიყო ქალთან. არაფერია გამორიცხული, მითუმეტეს, ჩემს ცხოვრებაში. ყოველთვის ისეთ რაღაცებს ვაკეთებდი, რომელიც ყველას უკვირდა“, - აცხადებს მომღერალი.

#ინფო9 #NEWS #info9 #პოლიტიკა პარლამენტის საგაზაფხულო სესიის პირველ პლენარულ სხდომაზე მანანა კობახიძე საკონსტიტუციო სასამართლოს წევრად აირჩიეს. აღნიშნულ კანდიდატურას 101 მომხრე ხმით ათის წინააღმდეგ უყარეს კენჭი. „ვულოცავთ ქალბატონ მანანა კობახიძეს საკონსტიტუციო სასამართლოს წევრად არჩევას და ვუსურვებთ წარმატებულ მუშაობას ამ საპატიო თანამდებობაზე“, - აღნიშნა პარლამენტის თავმჯდომარე ირაკლი კობახიძემ. მეცხრე მოწვევის პარლამენტის საგაზაფხულო სესია დღეს, პლენარული სხდომით გაიხსნა.

#ინფო9 #movies #info9 #ტრეილერი #კინო #ფილმიე

#ინფო9 #NEWS #info9 #ავარია #მსხვერპლი - ზუგდიდი-სენაკის ცენტრალურ ავტომაგისტრალზე მომხდარი ავტოსაგზაო შემთხვევის შედეგად დაშავებული ახალგაზრდა მამაკაცი გარდაიცვალა. დაშავებული ზუგდიდის რეფერალურ საავადმყოფოში გადაიყვანეს, თუმცა პაციენტი კლინიკაში მიყვანიდან რამდენიმე საათში გარდაიცვალა. ექიმების განცხადებით, სიცოცხლისთვის შეუთავსებელი დაზიანებების გამო, მისი გადარჩენა ვერ მოხერხდა. სოფელ ცაიშის ხიდთან გადავარდნილი ავტომობილიდან მძღოლის ამოყვანის სამაშველო ოპერაცია დაახლოებით, ერთი საათის განმავლობაში მიმდინარეობდა. როგორც „ინფო 9“-ს შინაგან საქმეთა სამინისტროს პრესამსახურში განუცხადეს, მომხდართან დაკავშირებით გამოძიება სისხლის სამართლის კოდექსის 276-ე მუხლის მეხუთე ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევა გულისხმობს, რამაც ადამიანის სიცოცხლის მოსპობა გამოიწვია. ავარიის გამომწვევ მიზეზებს გამოძიება დაადგენს, თუმცა წინასწარი ინფორმაციით, ავტოსაგზაო შემთხვევა გადაჭარბებულმა სიჩქარემ გამოიწვია.

#ინფო9 #NEWS #info9 #შსს #უკანონო შინაგან საქმეთა სამინისტროს ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს ტრეფიკინგის და უკანონო მიგრაციის წინააღმდეგ ბრძოლის სამმართველოს თანამშრომლებმა, ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის ბრალდებით, 1994 წელს დაბადებული გ.ლ. თბილისში, წყნეთის გზატკეცილზე დააკავეს. სამართალდამცველებმა, დაკავებულის საცხოვრებელი ბინის ჩხრეკისას, მაკაროვის სისტემის არარეგისტრირებული პისტოლეტი, „ნაგანის“ ტიპის არარეგისტრირებული პისტოლეტი, მჭიდი და 8 საბრძოლო ვაზნა ამოიღეს. გამოძიება ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის ფაქტზე, სისხლის სამართლის კოდექსის 236-ე მუხლის მეორე ნაწილით მიმდინარეობს.

#ინფო9 #NEWS #info9 #სტიქია #დიდთოვლობა #მსხვერპლი ავღანეთსა და პაკისტანში დიდთოვლობას 100 ადამიანის სიცოცხლე ემსხვერპლა. პოლიციამ და სამხედრო მოსამსახურეებმა 250-ზე მეტი ადამიანის გადარჩენა შეძლეს. თოვლის ქვეშ რამდენიმე სოფელია მოყოლილი. სამაშველო სამუშაოები ამ დრომდე მიმდინარეობს.

#ინფო9 #NEWS #info9 #ასტროლოგია #ცაგარელი #ტელევიზია ასტროლოგმა მიხეილ ცაგარელმა „იმედის დილაში“ მიმდინარე კვირის ჰოროსკოპზე ისაუბრა. მისი თქმით, 11 თებერვალს მთვარის დაბნელებაა, რომელსაც საგანგებო ყურადღება უნდა მიექცეს.

#ინფო9 #NEWS #info9 #პოლიტიკა ტელეკომპანია „რუსთავი 2“-ის გენერალური დირექტორი ნიკა გვარამია აცხადებს, რომ საუბრის ის ჩანაწერი, რომელიც უკრაინულმა მედიამ გაავრცელა, დამონტაჟებულია. ამის შესახებ მან დღეს გამართულ ბრიფინგზე განაცხადა და აღნიშნა, რომ გავრცელებულ ფარულ ჩანაწერში სხვადასხვა საუბრიდან მისი ხმაა აღებული. „მადლობას ვერ მოვახსენებ სახელმწიფო უშიშროების სამსახურს ასეთი ყურადღებისთვის. ის დანაშაულია, რასაც ისინი ჩადიან“, - განაცხადა ნიკა გვარამიამ. მისი თქმით, ადეიშვილთან ტელეფონით დაახლოებით, ბოლო ორი წელია არ უსაუბრია. "ეს არ არის ჩემი და ბატონი ადეიშვილის საუბარი. ეს არის ჩემი საუბრის კომპილაცია სხვადასხვა საუბრიდან. ბატონი ადეიშვილის ხმა არის თუ არა, ამას ვერც დავადასტურებ და ვერც უარვყოფ. თუ არის ბატონი ადეიშვილის საუბარი, ისიც აღებულია, როგორც ჩანს სხვადასხვა საუბრიდან. ეს უმოწყალო მონტაჟია", - აცხადებს „რუსთავი 2“-ის გენერალური დირექტორი. ნიკა გვარამიამ მამუკა ახვლედიანზეც ისაუბრა და აღნიშნა, რომ მას „რუსთავი 2“-ის საქმესთან შეხება არ ჰქონია. „როგორც ჩანს, უფრო აქეთ წაიყვანს სახელმწიფო საუბარს, რომ მე ახვლედიანს ქრთამი მივეცი. ახვლედიანს ეს საქმე არც ერთ ინსტანციაში განუხილავს“, - აღნიშნა გვარამიამ. უკრაინული გამოცემა "უკრაინული რევოლუცია" სავარაუდოდ, საქართველოს ყოფილი გენერალური პროკურორის ზურაბ ადეიშვილისა და ტელეკომპანია "რუსთავი 2"-ის გენერალური დირექტორის ნიკა გვარამიას სატელეფონო ჩანაწერს აქვეყნებს. ჩანაწერში მოსამართლეებზე ზეწოლასა და ქრთამის სახით, სამი მილიონი დოლარის მიცემაზეა საუბარი. საუბარში ნახსენებია საქალაქო სასამართლოს ყოფილი თავმჯდომარე მამუკა ახვლედიანი.

#ინფო9 #NEWS #info9 სოციალურ ქსელ „ინსტაგრამის" ერთ-ერთმა მომხმარებელმა აფხაზეთში, ბედიის მე-10 საუკუნის მონასტრის სარესტავრაციო სამუშაოების ამსახველი ვიდეოკადრები გამოაქვეყნა. სამუშაოებს აფხაზეთის დეფაქტო ხელისუფლება სარესტავრაციო სამუშაოებს ატარებს. სოციალური ქსელის მომხმარებლები ვარაუდობენ, რომ ქართული კულტურული ძეგლების მიზანმიმართულ ნგრევა მიმდინარეობს.

#ინფო9 #NEWS #info9 თერჯოლის რაიონში მცხოვრები 15 წლის გოგონა, რომელიც სკოლის მანდატურისგან არის ორსულად, ამბობს, რომ გაუპატიურებას ადგილი არ ჰქონია და სქესობრივი კავშირი თავისი სკოლის მანდატურთან სურვილით დაამყარა. გოგონა ტოქ-შოუ „პროფილმა“ ჩაწერა. „დედამ ჩააბარა ჩემი თავი და ყოველდღე სკოლაში დავყვებოდი მანქანით. ერთი წელი არაფერი მომხდარა, შემდეგ კი, ძალადობას ადგილი არ ჰქონია, ორივეს სურვილი იყო რაც მოხდა. ერთმანეთს მყუდრო ადგილას ვხვდებოდით, რომ არავის შევეწუხებინეთ. ახლა 4.5 თვის ფეხმძიმე ვარ. მოგვწონს ერთმანეთი, მიჩვეულები ვართ. ის იყო ჩემთვის პირველი მამაკაცი და თავის პრობლემებს რომ მოაგვარებს, ვაპირებთ ოჯახის შექმნას“, - აცხადებს გოგონა. პროკურატურამ სკოლის უკვე ყოფილ მანდატურს, საქართველოს სისხლის სამართლის კოდექსის 140-ე მუხლით წარუდგინა. ბრალდება წარუდგინა.

#ინფო9 #NEWS #info9 ფინანსთა სამინისტროს საგამოძიებო სამსახურმა, შემოსავლების სამსახურის საბაჟო დეპარტამენტთან ერთობლივად გატარებული საგამოძიებო და ოპერატიული მოქმედებების შედეგად, მარკირებას დაქვემდებარებული თამბაქოს ნაწარმის აქციზური მარკის გარეშე გადაზიდვის ფაქტზე, სომხეთის რესპუბლიკის მოქალაქე დააკავა. საგამოძიებო სამსახურის ინფორმაციით, საქმეზე ჩატარებული გამოძიებით დადგინდა, რომ ბრალდებულმა, ავტომანქანაში სპეციალურად მოწყობილი სამალავებით, საბაჟო-გამშვებ პუნქტ „ნინოწმინდის“ გავლით, საქართველოს ტერიტორიაზე შემოიტანა აქციზური მარკის სავალდებულო დართვას დაქვემდებარებული, სხვადასხვა სახეობის, დიდი ოდენობით უაქციზო სიგარეტი. საგამოძიებო სამსახურმა ბრალდებული საბაჟო-გამშვებ პუნქტზე დააკავა, ხოლო უაქციზო თამბაქოს ნაწარმი ამოღებულია ნივთმტკიცების სახით. დაკავებულს ასევე, ჩამოერთვა ავტომანქანა, რომლითაც მან უაქციზო სიგარეტი შემოიტანა საქართველოს ტერიტორიაზე. საქმეზე გამოძიება სისხლის სამართლის კოდექსის მე-200 მუხლის პირველი ნაწილით მიმდინარეობს, რაც სასჯელის სახით ორიდან ოთხ წლამდე ვადით თავისუფლების აღკვეთას ითვალისწინებს.

#ინფო9 #NEWS #info9 შინაგან საქმეთა სამინისტროს საპატრულო პოლიციის დეპარტამენტის საგამოძიებო სამმართველოს თანამშრომლებმა მიმდინარე წლის 24 იანვარს, თბილისში, რუსთაველის გამზირზე მომხდარ ავტოსაგზაო შემთხვევაში მონაწილე მძღოლი, 1993 წელს დაბადებული გიორგი ჯ. ბრალდებულის სახით დააკავეს. გამოძიების ფარგლებში დანიშნული ტრასოლოგიური, ავტოტექნიკური და სასამართლო-სამედიცინო ექსპერტიზების დასკვნების საფუძველზე დადგინდა, რომ „მერსედესის“ მარკის ავტომანქანა, რომელსაც გიორგი ჯ. მართავდა, საპირისპირო ზოლში გადავიდა და შემხვედრი მიმართულებით მოძრავ „ოპელისა“ და „მერსედესის“ მარკის ავტომანქანებს შეეჯახა. შეჯახების შედეგად, ადგილზე გარდაიცვალა „ოპელის“ მგზავრი სოფო ბ. და დაშავდა ოთხი ადამიანი. საპატრულო პოლიციამ გიორგი ჯ. თბილისის საქალაქო სასამართლოს განჩინების საფუძველზე დააკავა. გამოძიება ტრანსპორტის მოძრაობის უსაფრთხოების ან ექსპლუატაციის წესის დარღვევის ფაქტზე მიმდინარეობს, რამაც ერთი ადამიანის სიცოცხლის მოსპობა და ჯანმრთელობის ნაკლებად მძიმე და მძიმე დაზიანება გამოიწვია.

#ინფო9 #NEWS #info9 #ხანძარი #დაპირისპირება სავაჭრო ცენტრ „ბავშვთა სამყაროში“ გაჩენილი ხანძრის შედეგად დაზარალებულ მოვაჭრეებსა და სამართალდამცველებს შორის სიტყვიერი შელაპარაკება ფიზიკურ დაპირისპირებაში გადაიზარდა. სამართალდამცველებმა აქციის მონაწილე რამდენიმე პირი დააკავეს. ინციდენტი, „ბავშვთა სამყაროში“ გაჩენილი ხანძრის შედეგად დაზარალებული მოვაჭრეების მიერ თამარ მეფის გამზირის სავალი ნაწილის გადაკეტვას მოჰყვა. მოვაჭრეები ადგილზე თბილისის მერიის წარმომადგენლების მისვლასა და საკუთარი ნივთების გამოტანის მიზნით, სავაჭრო ცენტრში შესვლას მოითხოვდნენ. სავაჭრო ცენტრ „ბავშვთა სამყაროში“ გაჩენილი ხანძრის შედეგად დაზარალებული მოვაჭრეები აცხადებენ, რომ თუ დღეს მათი შენობაში შეყვანა არ მოხდება, ისინი კუთვნილი ძვირფასი ნივთების გამოსატანად ტერიტორიაზე ძალის გამოყენებით შევლენ. მათივე თქმით, ადგილობრივი ხელისუფლების წარმომადგენლები მოვაჭრეებს დაპირდნენ, რომ დამწვარ შენობაში შესვლის უფლებას დღეს მისცემდნენ, თუმცა ჯერ რეაგირება არავის მოუხდენია. ამ დროისთვის სამართალდამცველებმა გზის სავალი ნაწილის გათავისუფლება შეძლეს.

#ინფო9 #NEWS #info9 გადაცემაში „სხვა რაკურსი გია ჯაჯანიძესთან ერთად“ ექსპერიმენტი ჩაატარეს და გაზიანი სასმელისგან, „კოკა-კოლისგან“, დალაქავებული და ჭუჭყიანი აბაზანა გახეხეს.

#ინფო9 #NEWS #info9 #ვიზალიბერალიზაცია #ევროკავშირი საქართველოს მთავრობის ადმინისტრაცია დრონით გადაღებულ ვიდეორგოლს ავრცელებს, რომელშიც საქართველოს სხვადასხვა კუთხეები ევროკავშირის დროშის ფერებშია განათებული.

#ინფო9 #NEWS #info9 #ვიზალიბერალიზაცია ევროპარლამენტმა საქართველოსთვის ვიზალიბერალიზიის შემოღების საკითხს მხარი დაუჭირა. ევროპარლამენტის პლენარულ სხდომაზე, რომელსაც საქართველოს პარლამენტის დელეგაციაც ესწრებოდა, საკითხს კენჭი უყარეს. ევროპასთან უვიზო მიმოსვლის მინიჭებას მხარი ევროპარლამენტის 647 წევრიდან 553-მა დეპუტატმა დაუჭირა. წინააღმდეგ 66 დეპუტატი წავიდა, ხოლო ხმის მიცემისგან თავი 28 დეპუტატმა შეიკავა. როგორც ევროპარლამენტარებმა საკითხის კენჭისყრამდე აღნიშნეს, საქართველომ ევროკავშირთან უვიზო მიმოსვლა დაიმსახურა. ისინი აღნიშნულ გადაწყვეტილებას ოვაციებით შეხვდნენ. მიმდინარე წლის 12 იანვარს, ევროპარლამენტის სამოქალაქო თავისუფლების, მართლმსაჯულების და საშინაო საკითხების კომიტეტში (LIBE) საქართველოსთან სავიზო რეჟიმის ლიბერალიზაციის საკითხს კენჭი ეყარა და შესაბამისი რეგულაციის საბოლოო ტექსტი დამტკიცდა. კენჭისყრაში 45-მა დეპუტატმა მიიღო მონაწილეობა, რომელთაგან 42-მა საქართველოს ვიზალიბერალიზაცის მხარი დაუჭირა, ორი კი, საკითხის წინააღმდეგ წავიდა. ერთმა დეპუტატმა კენჭისყრაში მონაწილეობისგან თავი შეიკავა.

#ინფო9 #NEWS #info9 ქალაქ ომსკის გარეუბანში მდებარე კერძო სახლში ყოფილი პატიმარი შეიჭრა და 13 წლის გოგონა მძევლად აიყვანა. რუსული მედიის ინფორმაციით, სახლში მოზარდის ბებიაც იმყოფებოდა, რომელმაც ეზოში გამოსვლა მოასწრო. ბოროტმოქმედი მოზარდს ნარკოტიკებისთვის ფულს სთხოვდა და დანით ემუქრებოდა. 13 წლის გოგონამ სამაშველო სამსახურთან მობილური ტელეფონით დაკავშირება მოახერხა, თუმცა ოპერატორისთვის მხოლოდ მისამართის თქმა შეძლო. რამდენიმე წუთში პოლიციელები ადგილზე მივიდნენ და მძევლის გათავისუფლების ოპერაცია დაიწყო. სამართალდამცველებმა მოზარდი ტყვეობიდან მალევე გაათავისუფლეს. 13 წლის გოგონასთან ფსიქოლოგები მუშაობენ. ბოროტმოქმედი დაკავებულია.

#ინფო9 #NEWS #info9 #ხანძარი სავაჭრო ცენტრ „ბავშვთა სამყაროს“ შენობის დემონტაჟი დღეს დაიწყება. არსებული ინფორმაციით, დემონტაჟს ე.წ. ოქროს ბირჟის ტერიტორიიდან დაიწყებენ. შენობის აღნიშნული ნაწილის მოხსნის შემდეგ, ხანძრის შედეგად დაზარალებულ მოვაჭრეებს სავაჭრო ცენტრში შეუშვებენ და კუთვნილი ნივთების გამოტანის უფლებას მისცემენ. ადგილზე შეკრებილი დაზარალებულები დემონტაჟის წინააღმდეგი არიან. მათი მოთხოვნაა, შენობაში დემონტაჟის დაწყებამდე შეუშვან და საკუთარი საქონელის გამოტანის უფლება მისცენ. როგორც ისინი განმარტავენ, დემონტაჟის შემდეგ, ნივთების გადარჩენა უფრო გართულდება. „შეგვახედონ, რომ ერთი თვალით დავინახოთ, ჩვენი ადგილები თუ არსებობს. დემონტაჟის შემდეგ, სულ განადგურდება და გაიფლანგება ჩვენი ფასეულობები. ძვირფასი ლითონები ცეცხლს უძლებს. რა თქმა უნდა, დაზიანებული იქნება, მაგრამ გადარჩენილი. ჯართის სახით ჩავაბარებთ და ორ კაპიკს ამოვიღებთ. იმედი დაკარგული გვაქვს, მაგრამ ჩვენ აქ ვიქნებით მაინც დღეები, კვირეები, რომ იმ ნაგვიდან რაღაც მაინც ამოვიღოთ“, - აცხადებს ერთ-ერთი დაზარალებული. სავაჭრო ცენტრის დემონტაჟს სააქციო საზოგადოება „ბავშვთა სამყაროს“ აქციონერების ნაწილიც ეწინააღმდეგება. „ბავშვთა სამყაროს“ ტერიტორიაზე სამართალდამცველები არიან მობილიზებული. ისინი უსაფრთხოების დაცვის მიზნით, მოვაჭრეებს შენობასთან ახლოს მისვლის უფლებას არ აძლევენ. „ბავშვთა სამყაროს“ ტერიტორიაზე ხანძარი რამდენიმე დღის წინ გაჩნდა. დამწვარია 15 000 კვადრატული მეტრის ფართი. ადგილზე დასაქმებული მოვაჭრეები ხანძრის ხელოვნურად გაჩენის ფაქტს არ გამორიცხავენ.

#ხანძარი