7 860 914
ნახვა
192
ვიდეო

ზაალ უდუმაშვილი: თუ გგონიათ, რომ ნიკა გვარამიას დაკავებით „რუსთავი 2“-ს ხონჩაზე მიიღებთ, ცდებით

გაზიარება შექმენი ლუპი
თებერვალი 14, 2017
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია
3 - მომწონს
4 - არ მომწონს

#ინფო9 #NEWS #info9 #გვარამია #რუსთავი2ისსაქმე #რუსთავი2
სამაუწყებლო კომპანია „რუსთავი 2“-ის გენერალური დირექტორის მოადგილე ზაალ უდუმაშვილი თბილისის საქალაქო სასამართლოს ყოფილი თავმჯდომარის მამუკა ახვლედიანის საუბრის ამსახველი ფარული ჩანაწერის საქმეზე „რუსთავი 2“-ის გენერალური დირექტორის დაკავებას არ გამორიცხავს.

უდუმაშვილის თქმით, ნიკა გვარამიას დაკავებით, ან დროებითი განეიტრალებით ხელისუფლება „რუსთავი 2“-ს ხონჩით მაინც ვერ მიიღებს“.

„ხელისუფლების მხრიდან არაფერს აღარ გამოვრიცხავ, მითუმეტეს, იმ ფონზე, როდესაც ყველა ვხვდებით, რომ „რუსთავი 2“-ის საკითხის გადაწყვეტა ბოლო სტადიაშია. არაფერს გამოვრიცხავ, მათ შორის, არც „რუსთავი 2“-ის გენერალური დირექტორის დაკავებასაც. ამ შემთხვევაში, მინდა მივმართო ხელისუფლებას და იმ პრიმიტიულ ადამიანებს, რომლებმაც ასეთი სცენარი მოიფიქრეს - ბატონებო, თქვენ თუ გგონიათ, რომ ნიკა გვარამიას დაკავებით, ან თუნდაც დროებითი განეიტრალებით, „რუსთავი 2“-ს ხონჩაზე მიიღებთ, ძალიან ცდებით“, - განაცხადა უდუმაშვილმა.

მისივე თქმით, „რუსთავი 2“-ში 1 000-მდე ადამიანი მუშაობს, რომელიც ტელეკომპანიისთვის სისხლის უკანასკნელ წვეთამდე იბრძოლებს.

ტელეკომპანია „რუსთავი 2“-ის გენერალური დირექტორი შინაგან საქმეთა სამინისტროში გამოკითხვაზეა დაბარებული. მოწმის სტატუსით მისი დაბარება ნიკა გვარამიასა და თბილისის საქალაქო სასამართლოს ყოფილი თავმჯდომარის მამუკა ახვლედიანის საუბრის ამსახველი ფარული ჩანაწერის შესახებ მიმდინარე გამოძიებას უკავშირდება.

შსს-ს ინფორმაციით, ნიკა გვარამიასა და მამუკა ახვლედიანის საუბრის ჩანაწერი უწყვეტი და ავთენტურია. ახვლედიანსა და გვარამიას შორის საუბრის ფარული ჩანაწერი 3 ოქტომბერს გავრცელდა.

ნიკა გვარამიას განცხადებით, ის შინაგან საქმეთა სამინისტროში გამოკითხვაზე მისვლას არ აპირებს. მისი თქმით, ის შსს-ს არ ენდობა და დაკითხვას სასამართლოს მეშვეობით ითხოვს.

მაჩვენე მეტი
ტეგები : #news #პოლიტიკა