რამდენიმე თვეა, რაც თბილისის ძველ უბანში, სოლოლაკში, ლერმონტოვის ქუჩაზე ახალი სასტუმრო - "მაქმანი" გაიხსნა. თუმცა სასტუმროს ისტორია რამდენიმე თვეს სულაც არ ითვლის. "მაქმანის" შენობას, ალბათ ისეთივე დიდი ისტორია აქვს, როგორც სოლოლაკს. ის 1847 წელს აშენდა, 1927 წელს კი დღევანდელი „მაქამანის“ სასტუმროს დამფუძნებლის წინაპრებმა შეიძინეს. შენობა დაზიანდა და აღდგენას საჭიროებდა. წლების შემდეგ, მამუკა ჯანგავაძეს გაუჩნდა იდეა, აღედგინა წინაპრების დანატოვარი, ოღონდ ისე, რომ მისი პირვანდელი სახე მაქსიმალურად შეენარჩუნებინათ. კვლევების, რამდენიმე წლის განმავლობაში სხვადასხვა ეტაპის გავლის შემდეგ, შენობა აღადგინეს. საქმეს საკმაოდ დიდი ინვესტიციაც დასჭირდა, თუმცა დღეს ის უკვე ერთ-ერთი გამორჩეული განთავსების ობიექტია, რომელიც რესტორანს, ტერასებს, ეზოსა და სხვა სივრცეებს აერთიანებს. უნდა აღინიშნოს ისიც, რომ ეს არის პირველი პრეცედენტი, როდესაც არქიტექტურული ძეგლის მატარებელ შენობას უფლება მიეცა ნაწილობრივი დემონტაჟისა და აღდგენის. წარმატებულ პროექტს შესაბამისი აღიარებაც მოჰყვა. ნამუშევარმა საერთაშორისო არქიტექტურული პრემია მიიღო, როგორც საუკეთესოდ აღდგენილი ძველი შენობა. ➡️მამუკა ჯანგავაძე - სასტუმრო „მაქმანი“, დამფუძნებელი; #ახალიამბები #BusinessMediaGeorgia
XIX საუკუნის მეორე ნახევარში, როგორც ტფილისში, ისე საქართველოს სხვადასხვა ქალაქებსა და სოფლებში, ქალ ექიმთა სიმცირის გამო, არაერთი უბედურება ხდებოდა, რადგან როგორც თავად სნეული ქალები, ისე მათი ოჯახის წევრები, მამაკაცი ექიმებისგან სამედიცინო მომსახურების მიღებას ერიდებოდნენ.შედეგად, სამედიცინო სფეროში დასაქმებულ ქალთა სიმცირის და არაპროფესიონალი, თვითმარქვია ექიმების გამოისობით, მკურნალობა უმეტესად სავალალოდ, ან სულაც ლეტალური შედეგით სრულდებოდა. ➡️გიორგი ჭეიშვილის საავტორო გადაცემა; #ახალიამბები #BusinessMediaGeorgia
ფედერაცია "ქალები მომავავლისთვის” ეგიდით წარმოგიდგენთ ფედერაციის ბორდის წევრს, კიდევ ერთ წარმატებულ ქალს, AVON Georgia-ს დირექტორს - ანა ცხადაძეს. ანა ცხადაძე - "AVON საქართველო", დირექტორი; #ახალიამბები #BusinessMediaGeorgia
გათბობა-გაგრილებისა და ვენტილაციის ტექნოლოგიების მწარმოებელი კომპანია "Hisense HVAC" საქართველოს ბაზარზე ოფიციალურად შემოვიდა. ამის აღსანიშნად, პარასკევს კომპანიამ ბრენდ ლანჩ ღონისძიება გამართა, სადაც ბრენდის პრეზენტაცია, კონფერენცია, შემდეგ კი, გალა ვახშამი გაიმართა. სწორედ აქ დაანონსდა კომპანიის სამოქმედო გეგმები, რომელიც პარტნიორი კომპანიის წარმომადგენლებს გაუზიარეს. #ახალიამბები #BusinessMediaGeorgia
თანამედროვე სამყარო სერვისების გაციფრულებისკენ სწრაფი ტემპით მიიწევს. შესაბამისად, საქართველოც არ ჩამორჩება ამ ტენდენციას. საინტერესოა, რა პოტენციალი აქვს ქვეყანაში ელექტრონულ კომერციას და რა გამოწვევების წინაშე დგას სექტორი. #ახალიამბები #BusinessMediaGeorgia
უცხოელი სტუდენტების დაინტერესება ქართული უნივერსიტეტებისადმი სულ უფრო იზრდება. ოფიციალური მონაცემებით, 2023-2024 წლებში საგანმანათლებლო დაწესებულებებში მათმა რაოდენობამ 30.7 ათასი შეადგინა, რაც 22.5 პროცენტით მეტია წინა წლის ანალოგიურ პერიოდთან შედარებით. განსაკუთრებული მოთხოვნა ჯანდაცვის მიმართულებებზე ფიქსირდება. Galt & Taggar-ის კვლევის თანახმად, მიმდინარე წელს მათი დანახარჯები 800 მლნ ლარს გადააჭარბებს. გაზრდილი მოთხოვნის პარალელურად, სფეროში არსებულ გამოწვევებზე საუბრობენ სპეციალისტები, თუმცა აღნიშნავენ, რომ ქვეყანას აქვს რესურსი განათლების ექსპორტი გაზარდოს და მეტი შემოსავალი მიიღოს. #ახალიამბები #BusinessMediaGeorgia
მშენებლობა და დეველოპმენტი, ისევე როგორც ინფრასტრუქტურული განვითარება ზოგადად, რჩება ეკონომიკის ზრდის უმთავრესს ფაქტორად და ვიდრე, მშენებლობის ღირებულის განახლებული ინდექსი გამოქვეყნდება, წარმოგიდგენთ, ჩვენი პარტნიორი კომპანიის, "აპექს დეველოპმენტის" კომერციულ დირექტორ, გიორგი ბაქრაძეს. სტუმარი: ➡️გიორგი ბაქრაძე - „ აპექს დეველოპმენტი“ კომერციული დირექტორი; ➡️გიორგი ისაკაძე - BMG, გენერალური პროდიუსერი; #ახალიამბები #BusinessMediaGeorgia
ყველაზე მეტ სიახლეს რუსეთის ფედერაციის მხრიდან შევიტყობთ, რომელმაც ეკონომიკურ ზრდასთან დაკავშირებით დაზუსტებული მონაცემები უნდა გამოაქვეყნოს. ანალიტიკოსების პროგნოზით, წინა კვარტალთან მიმართებით რუსეთის მთლიანი შიდა პროდუქტის ზრდის მაჩვენებელი 5.5% იქნება, რაც მნიშვნელოვნად აჭარბებს თავად მთავრობის პროგნოზს და იმაზე მიუთითებს, რომ ქვეყნის ეკონომიკა სანქციების პირობებში მაინც იზრდება. გარდა ამისა, მომავალ კვირას ცნობილი გახდება რუსეთის მასშტაბით უმუშევრობის უახლეს სტატისტიკა. მომავალ კვირას ინვესტორების ყურადღების ცენტრში იქნება მეზობელი თურქეთიც. 3 აპრილს ცნობილი გახდება, თუ რა ბედი ეწია ქვეყანაში ინფლაციას. ალბათ, არავისთვის გასაკვირი არ იქნება, რომ სამომხმარებლო ფასების ზრდის ტემპი კიდევ უფრო მეტად დაჩქარდეს. ანალიტიკოსებსაც სწორედ ეს მოლოდინი აქვთ და ისინი ინფლაციის დონის 69%-მდე ზრდას პროგნოზირებენ. #ახალიამბები #BusinessMediaGeorgia
გარდა იმისა რომ ტრამპმა შეთანხმებას მიაღწია სასამართლოში ჯარიმის თანხის კორექციაზე, კაპიტოლიუმის შენობაზე მისი მხარდამჭერების მიტანილი იერიშის შემდეგ, ტექნოლოგიურმა გიგანტებმა პრეზიდენტი ტრამპი სოციალური ქსელებიდან ფაქტობრივად გააძევეს. ამგვარი ნაბიჯისა და მისდამი ცენზურის საპასუხოდ, ტრამპმა საკუთარი სოციალური ქსელი Truth Social-ი შექმნა, რომელიც გასულ კვირას საფონდო ბირჟაზე დაილისტა. IPO-ს წყალობით საპრეზიდენტო რბოლაში ჩართული ტრამპის ქონება რეკორდულ ნიშნულამდე გაიზარდა, რამაც, შესაძლოა, ამერიკაში საპრეზიდენტო არჩევნების ბედ-იღბალი შეცვალოს #ახალიამბები #BusinessMediaGeorgia
ერთ-ერთი ყველაზე რეიტინგული ამერიკული გამოცემა CNN მსოფლიოს საუკეთესო “დამპლინგების” რეიტინგს აქვეყნებს, რომელშიც 34 სხვა კერძთან ერთად, ხინკალიც მოხვდა. გამოცემა “დამპლინგს” განმარტავს, როგორც ცომს, რომელიც რამე ტიპის მარილიანი ან ტკბილი შიგთავსით მზადდება. “გასაკვირი არ არის, რომ აღმოსავლეთ ევროპით, რუსეთითა და ცენტრალური აზიით გარშემორტყმულ საქართველოს თავისი “დამპლინგი” აქვს. ხინკალი აზიურ სიაო-ლონგ-ბაოს ჰგავს. იგი ცომის კიდეებისთვის თავის მოკვრით, შენელებული საქონლისა და ღორის ხორცის შიგთავსით მზადდება. ხინკალს, როგორც წესი, შავ წიწაკასთან ერთად მიირთმევენ”, - წერს CNN. აღსანიშნავია, რომ “საუკეთესო დამპლინგების” ჩამონათვალში, აღმოსავლურ აზიურ კერძებთან ერთად, ასევე მოხვდა იტალიური ნიოკი და რავიოლი, რუსული პილმენი, სამხრეთ აზიური სამოსა, აზერბაიჯანული დუშბარა და გერმანული kartoffelknoedel (კარტოფილის დამპლინგი). #ახალიამბები #BusinessMediaGeorgia
უკრაინის სტატისტიკის სამსახურის მონაცემებით, ქვეყნის ეკონომიკა 2023 წელს 5.3%-ით გაიზარდა. აღნიშნული ზრდა ყურადსაღებია იმის ფონზე, რომ რუსეთის უკრაინაში შეჭრის პირველ წელს ქვეყნის ეკონომიკა თითქმის მესამედით შემცირდა. 2023 წელს უკრაინის მთლიანი შიდა პროდუქტის ზრდა დაგეგმილზე (5%) მცირედით მეტი აღმოჩნდა. უკრაინის სტატისტიკის სამსახური არ საუბრობს ზრდის განმაპირობებლებზე, გამოქვეყნებული განცხადება მხოლოდ ზრდის პროცენტს ასახავს. არაოფიციალური მონაცემებითა და უკრაინის ოფიციალურ პირებზე დაყრდნობით, 2022 წელს უკრაინის მშპ 28.8%-ით შემცირდა. წელს კი მშპ-ის 4.6%-იან ზრდას ვარაუდობენ. #ახალიამბები #BusinessMediaGeorgia
რატომ გაიზარდა საქართველოს ეკონომიკა ასეთი ვეებერთელა ციფრით, თან თებერვალში და რასთან გვაქვს საქმე, რით შეიძლება გამყარდეს ეს არაჩვეულებრივი სტატისტიკური მონაცემები, რომელიც ეკონომიკას რეგიონში ერთ-ერთ ყველაზე მზარდ ქვეყნად წარმოაჩენს? ამის ახსნა შეიძლება ორი მომენტით: პირველი უკავშირდება ემოციასა და ნდობას, ანუ როგორც ხშირად გაგვიგია ბიზნესის განწყობები, ანუ მოლოდინები და მისი მართვა. საქართველო სტაბილურობას ამ კუთხითაც ინარჩუნებს, და მიუხედავად, ე.წ მიგრანტების ეფექტის მილევისა, ანუ საუბარია, რუსეთიდან გადმოხვეწილი მიგრანტების გარკვეული ნაწილის რეკოლაციაზე ანუ გადაადგილებაზე და საქართველოს დატოვებაზე, ბაზისური პარამეტრები მაინც მწყობრშია. #ახალიამბები #BusinessMediaGeorgia
#ბიზნესისკვირეული - გიორგი ისაკაძის პროლოგი / 31.03.2024 #ახალიამბები #BusinessMediaGeorgia
ამერიკის შეერთებული შტატების გამორჩეული სიმაღლის საკულტო ნაგებობის, Empire State Building -ის ისტორიაზე მოგიყვებით. ამერიკის გამორჩეული არქიტექტურული ძეგლი გასული საუკუნის 30-იან წლებში, უფრო დაზუსტებით, 1931 წელს აშენდა და მშენებლობის ისტორია სრულად ამერიკის დიდ დეპრესიასა და მასთან დაპირისპირებას უკავშირდება. #ახალიამბები #BusinessMediaGeorgia
„ლაღიძის წყლების“ ისტორია საუკუნის უკან იწყება. 137 წლის წინ, მიტროფანე ლაღიძემ ნატურალური ნედლეულისგან ქართული ლიმონათი შექმნა, რომლის აღიარებაც მსოფლიო მასშტაბებს მისწვდა. კომპანიამ ძალიან საინტერესო, სირთულეებითა და წარმატებით სავსე გზა გაიარა და დღეს ჩვენამდე უცვლელი გემოთი და ხარისხით მოაღწია. საბოლოოდ, "ლაღიძის წყლები" საქართველოს სავიზიტო ბარათია. ბიზნესი ოპერირებას აგრძელებს და ახლა მას მიტროფანეს შვილთაშვილი, თინათინ ლაღიძე, ხელმძღვანელობს. ➡️თინათინ ლაღიძე - „ლაღიძის წყლები“, სამეთვალყურეო საბჭოს თავმჯდომარე; #ახალიამბები #BusinessMediaGeorgia
ძველ თბილისში ქალთა დასაქმების საკითხი რთული და კომპლექსური თემა გახლდათ, რომელსაც არაერთი თავისებურება ახასიათებდა. ამა თუ იმ სფეროში ქალთა დასაქმების მოწინააღმდეგეთა მთავარ არგუმენტს - „ქალი სუსტი არსებააო“ თავი რომ დავანებოთ, ტფილისელ, თუ ქალაქში დასაქმების იმედად ჩამოსულ ქალებს წინაღობა სხვაც ბევრი ხვდებოდათ. ➡️გიორგი ჭეიშვილის საავტორო გადაცემა; #ახალიამბები #BusinessMediaGeorgia
მსოფლიო ისეთ სამუშაო პრინციპზე გადადის, სადაც სრულიად უცხო, განსხვავებული პროფესიის ადამიანებს კედლები არ აშორებთ და ღია, გახსნილ სივრცეში უწევთ მუშაობა. პანდემიისა და მის შემდგომ პერიოდში საქართველოშიც აქტუალური იყო თანამუშაობის სივრცეებში მუშაობა, თუმცა გასულ წელს ქვეყანაში უკვე მოთხოვნის შემცირება შეინიშნებოდა. #ახალიამბები #BusinessMediaGeorgia
გამორჩეული შედეგები არის პოლიგრაფიის, ასევე ოფსეტური ბეჭდვის მიმართულებითაც. ქართული კომპანიების ნაწილი საკუთარი პროდუქციითა და სერვისებით უკვე არა მხოლოდ მზარდ ადგილობრივ მოთხოვნას აკმაყოფილებენ, არამედ, იწყებენ და ცალკეულ შემთხვევებშიც აწვდიან საქართველოში წარმოებულ პროდუქციას ჩვენს რეგიონს და მთლიანად მსოფლიოს. წარმოგიდგენთ, “კოლორ პაკსა” და “ფავორიტ სტილს”. საკუთარ მიმართულებებში ლიდერმა ამ კომპანიებმა, რამდენიმე ხნის წინ გააერთიანეს ძალები, მოიზიდეს ინვესტიციები, როგორც საკუთარი, ასევე სახელმწიფო რესურსების გამოყენებით, და სრულიად თანამედროვე მანქანა დანადგარების გარდა, ახერხებენ ახალი წარმოების აშენებასაც, რომელიც რამდენიმე თვეში გაეშვება. სტუმრები: ➡️სანდრო გახელაძე - ”ფავორიტი სტილი” ფინანსისტი & “კოლორ პაკი”, გენერალური დირექტორი; ➡️ნუცა ქავთარაძე - “ფავორიტი სტილი” & “კოლორ პაკი”, მარკეტინგის გუნდის ხელმძღვანელი; ➡️გიორგი ისაკაძე - BMG, გენერალური პროდიუსერი; #ახალიამბები #BusinessMediaGeorgia
კვირის მთავარი თემები - გიორგი ისაკაძის პროლოგი / 24.03.2024 #ახალიამბები #BusinessMediaGeorgia
"ეს აბსოლუტური არარაობა პუტინი!" - ვოლოდიმირ ზელენსკი რა კავშირი აქვს უკრაინას მოსკოვის ტერაქტთან? თავისი თემის,მრევლის,ტომის თუ მხარდაჭერებისგან განსხვავებით, ლამის მთელი დღე ღამე და მეორე დღე დასჭირდა რუსეთის პრეზიდენტს მიემართა ხალხისთვის. იდეაში, ვინც ვლადიმირ პუტინის ამ განცხადებას გაეცნო - მისი საჯარო გამოჩენის დაყოვნების მიზანიც იოლად იკითხება. თემის პრელუდიისა და რუსეთის იმპერიალისტური იდეოლოგიის ავტორების ხმას, ტერაქტიდან 19 საათში დაემატა რუსეთის მოქმედი პრეზიდენტიც, რომელმაც სიტყვა თქვა მას შემდეგ, რაც ოთხივე მსროლელი ტერორისტი დააკავეს და მათ გარდა კიდევ 7 პირი, რომელიც პრეზიდენტის ინფორმაციით, უკრაინის მიმართულებით მიმალვას ცდილობდნენ, სადაც მათ წინასწარი მონაცემებით, უკრაინის მხარე მათთვის სახელმწიფო საზღვრის გადასაკვეთად ფანჯარას ამზადებდა. სულ 11 ადამიანია დაკავებული, - განაცხადა ვლადიმერ პუტინმა. ცხადია, არ დააყოვნა აღნიშნულზე უკრაინის განცხადებებმაც. პუტინის საჯარო გამოჩენამდე, უკრაინამ უარყო აღნიშნული კავშირი ტერაქტთან, თუმცა საკმაოდ ემოციური და პირდაპირი იყო შაბათს ღამე პრეზიდენტი ზელენსკი. #ახალიამბები #BusinessMediaGeorgia
ტერაქტი მოსკოვში - ტრაგედიის დეტალები აღალაროვების ოჯახი , კავშირები ტრამპთან, რუსეთის პროპაგანდა პარასკევს საღამოს, მთელი მსოფლიოს ყურადღება მოსკოვისკენ იყო მიმართული, სადაც ადგილობრივი დროით საღამოს 8 საათზე, ერთ-ერთ ყველაზე პოპულარულ ცენტრში სროლის ხმები გაისმა. "კროკუს სითი ჰოლი", რომლის მხოლოდ საკონცერტო დარბაზი 6000 ადამიანს იტევს, ტერორისტების სამიზნე გახდა. ბოლო მონაცემებით, უფრო სწორად დახვრეტილია 133 და დაშავებულია 154 ადამიანი. ტერაქტზე პასუხისმგებლობა ტერორისტულმა ორგანიზაცია - ისლამურმა სახელმწიფომ აიღო. დაახლოებით 7-8 საათში ტრაგედიიდან, რუსეთის სპეცსამსახურებმა გამოაცხადეს ყველა ტერორისტის და ოპერაციის დაგეგმვაში ეჭვმიტანილის ვინაობა, სულ 11 ადამიანია დაკავებული. მათი უმრავლესობა, თუ ყველა არა, ტაჯიკეთის რესპუბლიკის მოქალაქეებს წარმოადგენენ. "კროკუს სითი ჰოლის" საკონცერტო დარბაზი სრულად დამწვარი და ჩამოშლილია. #ახალიამბები #BusinessMediaGeorgia
ქალთა უფლებებზე მომუშავე ორგანიზაციების წარმომადგენლები აცხადებენ, რომ სამუშაო პროცესში ხშირად არათანაბარი პირობები იკვეთება და ვლინდება დისკრიმინაციის ნიშნებიც. ისინი თვლიან, რომ ქალების შრომის ბაზარზე მეტად ჩართვისთვის, როგორც სახელმწიფოს, ისე ბიზნესის მხრიდან მეტი წამახალისებელი ღონისძიებების გატარებაა საჭირო. #ახალიამბები #BusinessMediaGeorgia
რუსული მედიის მითებსა და ლეგენდებს შორის, არის კიდევ ერთი რის ტირაჟირებასაც რუსულ პროპაგანდაში ბოლო თვეებია აქტიურად ცდილობენ, რომ ამერიკული დოლარის ჰეგემონია დასრულდა, ჩინეთმა და სხვა ვალუტებმა მასზე აიღეს ლიდერობა. მოკლედ, ეკონომიკური ნონსენსის კასკადი რაც თანმდევია რუსული პროპაგანდისთვის, არადა - რა რა, და ყველაფერი დათვლადია, მითუმეტეს რაც ეკონომიკასა და ფინანსებს ეხება. მიუხედავად იმისა, რომ როგორც მეცნიერება, ეკონომიკა ნამდვილად არ არის ზუსტი, და უფრო დაშვებებსა და ლოგიკაზე აგებული სამეცნიერო მიმართულებაა. #ახალიამბები #BusinessMediaGeorgia
უძრავი ქონებაზე გაზრდილი მოთხოვნიდან გამომდინარე ქართულ ბაზარზე არაერთი ახალი კომპანია გამოჩნდა, რომელთა შორის საკმაოდ ამბიციური გეგმებით და მასშტაბური ინვესტიციის წყალობით გამორჩეულია "ბიოგრაფი ლივინგი." კომპანია მომდევნო 5 წლის განმავლობაში, ვაჟა-ფშაველას, ქეთევან დედოფლისა და წერეთლის გამზირებზე სამ მრავალფუნქციურ კომპლექსს ააშენებს, რომლებიც საცხოვრებელ, კომერციულ და საოფისე სივრცეებს მოიცავს. „საკენი“, „მატიანი“, „ჰისნი“ მრავალსართულიანი, თანამედროვე არქიტექტურისა და დიზაინის მქონე კომპლექსები იქნება. როგორც კომპანიაში განმარტავენ, სამივე პროექტის ჯამური საინვესტიციო ღირებულება 300 მილიონი დოლარი იქნება. თითოეული პროექტი კი, მშენებლობის დაწყებიდან 42 თვეში დასრულდება. სტუმარი: ვასილ ფხაკაძე - “ბიოგრაფი ლივინგის” აღმასრულებელი დირექტორი; #ახალიამბები #BusinessMediaGeorgia
ეპილოგის თემა ბოლო წლების გამორჩეული ავტორის, საიმონ სინეკის წიგნი უსასრულო თამაშია (The Infinite Game) "თუ იმ სამყაროს არსებობას ვირწმუნებთ, სადაც ყოველდღე შთაგონებულად, დაცულად, და რეალიზებულად ვიგრძნობთ თავს-თუ ვირწმუნებთ, რომ ნამდვილი ლიდერები ისინი არიან, ვისაც ამ ხედვის ხორცშესხმა შეუძლია, მაშინ ჩვენი საერთო, კოლექტიური პასუხისმგებლობა იქნება სათანადო შემართების მქონე ადამიანები ვიპოვოთ, დავაკვალიანოთ და მხარი დავუჭიროთ მათ, გაგვიძღვნენ იმგვარად, რომ ამ ხედვის განხორციელების მეტი შანსი გვქონდეს. ხოლო, იმ ნაბიჯთაგან ერთ-ერთი, რომელიც უნდა გადავდგათ არის სწავლა." #ახალიამბები #BusinessMediaGeorgia
თბილისის სავიზიტო ბარათად ქცეული აბანოების ისტორია ყველასთვის ცნობილია, ბევრი ლეგენდაც გაგვიგია მათ შესახებ, თუმცა, საინტერესოა, როგორ ვითარდება ეს მიმდინარეობა, რა პოტენციალი აქვს და როგორია მიმართვიანობა. ჯაბა მამაცაშვილი - "ჭრელი აბანო & სპა", დირექტორი; #ახალიამბები #BusinessMediaGeorgia
ღვინის სამშობლოში, ქართული ლუდის ბაზარი ყოველწლიურად იზრდება და მისი წარმოებაც იხვეწება. კვლევებით, 2016-23 წლებში, საქართველოში ლუდის მოხმარება, წლიურად საშუალოდ 5.1%-ით გაიზარდა და მკვლევრების მოსაზრებით, ეს მაჩვენებლები, მიმდინარე წელს კიდევ უნდა გაიზარდოს. დღეის მდგომარეობით კი, ქვეყანაში 4 მსხვილი და 42 მცირე საწარმოა, რომლებიც ქართულ ლუდს აწარმოებენ. #ახალიამბები #BusinessMediaGeorgia
გიყვებით "გლობალ ბენეფიტს" საქართველოს სამეთვალყურეო საბჭოს თავმჯდომარის მოადგილეზე და თავად ბიზნეს ფედერაცია "ქალები მომავლისთვის" დამფუძნებელზე. ნინა კობახიძეს საქმიანი საზოგადოება კარგად იცნობს, მან საჯარო სამსახური წლების წინ დატოვა და სადაზღვევო ბიზნესში გააგრძელა კარიერა. #ახალიამბები #BusinessMediaGeorgia
საოცარ ზრდაც აჩვენებს ბოლო კვირები ბიტკოინი, რომელსაც ამ კვირაში მცირედი ჩავარდნები ჰქონდა, თუმცა ისევ მედგრად მიიწევს წინ. საკმაოდ წინააღმდეგობრივი კომენტარები ახლავს ბიტკოინის აღმასვლას თან, და მსოფლიოს ბიზნესმედია ნამდვილად არ რჩება მიმდევრებთან ვალში გააცნოს ცნობილი ადამიანების დამოკიდებულება ერთ-ერთი ყველაზე მოთხოვნადი აქტივის მიმართ, რომელმაც კაპიტალიზაციით წამყვან მსოფლიო კომპანიებსა და სახელმწიფოებსაც აჯობა. #ახალიამბები #BusinessMediaGeorgia
#ბიზნესისკვირეული - გიორგი ისაკაძის პროლოგი / 17.03.2024 #ახალიამბები #BusinessMediaGeorgia
საინტერესოა, რას საქმიანობს და როგორ აჯამებს ოპერირების პირველ სამ თვეს BMG-ის ბაქოს ოფისი. #ახალიამბები #BusinessMediaGeorgia
გასული კვირეულის გამორჩეული ამბავი იყო "თიბისი კაპიტალის" მიერ დაორგანიზებული საერთაშორისო კონფერენცია, რომელიც ადგილობრივი კაპიტალის ბაზრის სწრაფ განვითარებას ეხმაურება. და ეს საქართველოში კაპიტალის ბაზრის პირველი საერთაშორისო კონფერენცია გახლდათ. მასში მონაწილეობა მიიღეს ადგილობრივი და საერთაშორისო კაპიტალის ბაზრის წამყვანმა მოთამაშეებმა: J.P. Morgan, Citi, Fidelity Investments, საქართველოს ეროვნულმა ბანკმა, საქართველოს ეკონომიკისა და მდგრადი განვითარების სამინისტრომ, Baker McKenzie, Dentons, BLC Law, Amundi, ADB, EBRD, IFC, ქართველი ემიტენტები და სხვა. კონფერენციის მონაწილე მსოფლიოში წამყვანმა ექსპერტებმა, "თიბისი კაპიტალის" გუნდთან ერთად, საკუთარი გამოცდილება, ბაზრის ტენდენციები და განვითარების პერსპექტივები გააზიარეს. წარმოგიდგენთ ინტერვიუს სტეფან ვალერთან . ბატონი ვაილერი ბევრ თემას შეეხო. მათ შორის, საქართველოს ფინანსურ ჰაბად ქცევის პერსპექტივებსაც, რაზედაც არანაირი ინფორმაცია არ გვაქვს საქართველოს მთავრობისგან, რომელმაც ამისთვის თავის დროზე ავტორიტეტული როტშილდების ფონდი დააკონტრაქტა. ➡️გიორგი არონია - “საქმიანი საღამო” & TECH INFORM-ის ავტორი; #ახალიამბები #BusinessMediaGeorgia
რაც შეეხება ვითარებას საქართველოს ეკონომიკაში, აქ ყველა ძირითადი მაკროპარამეტრი წესრიგშია, ისევე როგორც ამის მონიტორინგს აგრძელებს სავალუტო ფონდის მისია, რომელიც გასული კვირის განმავლობაში მუშაობდა და ხვდებოდა საქართველოს ხელისუფლების წარმომადგენლებს. ჩვენს გაკვირვებას იწვევს რამდენიმე საკითხი, რომელიც უკავშირდება ერთის მხრივ, ლოგიკურ გადაწყვეტილებას შემცირებულიყო რეფინანსირების განაკვეთი საქართველოში და ის 8,25% ზეა. საქართველოს ეროვნული ბანკის მონაცემებით, 2024 წლის თებერვალში ქვეყანაში შემოსული ფულადი გზავნილების ნაკადების მოცულობამ 272.3 მლნ აშშ დოლარი (723.2 მლნ ლარი) შეადგინა, რაც 26.9%-ით ნაკლებია 2023 წლის თებერვლის ანალოგიურ მაჩვენებელზე. მსოფლიო ბანკის ინფორმაციით, საქართველო ფულად გზავნილებზე დამოკიდებული ქვეყნების რეიტინგში 21-ე ადგილზეა, რაც იმაზე მიუთითებს, რომ ქვეყნის ეკონომიკის მნიშვნელოვანი ნაწილი უცხოეთში დასაქმებული ქართველების მიერ გამოგზავნილ თანხებზეა დამოკიდებული. და ეს სტატისტიკა ცხადყოფს, რომ ქვეყნის ეკონომიკის ფულად გზავნილებზე დამოკიდებულების მაჩვენებელი ყველაზე მაღალი შედარებით დაბალშემოსავლიან ქვეყნებშია. #ახალიამბები #BusinessMediaGeorgia
ამ კვირაში ევროპის პოლიტიკური ელიტა მნიშვნელოვნად გააქტიურდა უკრაინის მხარდამჭერი მიმართულებით, მთავარი ტონის მიმცემი საფრანგეთის პრეზიდენტი მაკრონია. ის აცხადებს, რომ მიზანია რუსეთმა არ მოიგოს ომი და ევროპაში დაისადგუროს მშვიდობამ. უკრაინამ უნდა იაროს მომენტუმისკენ, როცა სამშვიდობო მოლაპარაკებები იქნება შესაძლებელი, თუმცა მოლაპარაკებები უკრაინის ტერიტორიული მთლიანობის ხარჯზე არ შედგება. საბოლოო მოლაპარაკებები ზელენსკისა და პუტინის გასამართია. #ახალიამბები #BusinessMediaGeorgia
2023 წლის ყველაზე მაღალ ანაზღაურებადი მსახიობები #ახალიამბები #BusinessMediaGeorgia
“თიბისი კაპიტალის” მონაცემებით, გასულ წელს ქუჩის გასაქირავებელი სავაჭრო ობიექტების ფასები 11%-ით გაიზარდა. კომერციული ფართები ყველაზე ძვირი ვაკეში იყო, სადაც ქუჩის სავაჭრო ობიექტის ღირებულება კვადრატულ მეტრზე $27.2 -ს აღწევდა. ღირებულების მიხედვით, $26.8-ით, მეორე ადგილზეა ჩუღურეთი. ყველაზე იაფი კომერციული კი ობიექტი ნაძალადევსა და სამგორში ღირდა. ფასი ამ ორ უბანში 15$-ის ფარგლებში მერყეობდა. კომერციული ფართების გაქირავება გასულ წელს სავაჭრო ცენტრებშიც გაძვირდა. კვადრატულ მეტრზე სავაჭრო ცენტრებში ფასი გაზრდილი იყო დაახლოებით 8%-ით. ამასთან მნიშვნელოვანი ზრდა იყო საოფისე ფართებზეც. საოფისე ფართების ფასი ყველაზე მეტად ვაკეში გაიზარდა 66%-ით, 45%-იანი ნიშნულით კი საბურთალოს ცენტრებში დაფიქსირდა. #ახალიამბები #BusinessMediaGeorgia
დღეს და ხვალ თიბისი კონცეფტში ამერიკის რეალტორთა ასოციაციის ტრენერი ჯონ ლათერონი საერთაშორისო ტრენინგს მართავს. კურსის ფარგლებში ქართველ მსმენელებს შესაძლებლობა აქვთ გაიუმჯობესონ პროფესიული სტანდარტები და შეისწავლონ თუ როგორ მოიპოვონ და მართონ ექსკლუზიური უძრავი ქონება. SRS კურსი, რეალტორთა ასოციაციის მიერაა შექმნილი, რომელიც რების, იგივე უძრავი ქონების ბიზნესის ინსტიტუტის ეგიდით ჩატარდა. გენერალური სპონსორი კი დეველოპერული კომპანია Elt Buildin-ია. #ახალიამბები #BusinessMediaGeorgia
თებერვალში პირველად ბაზარზე ტრანზაქციების რაოდენობა გაიზარდა. Galt&Taggart;-ის თებერვლის განახლებული მონაცემების თანახმად, გასულ თვეში თბილისში 3,444 ბინა გაიყიდა, რაც წლიურად 0.9%-იანი ზრდაა. ზრდა მთლიანად გამოწვეული იყო პირველად ბაზარზე გაზრდილი ტრანზაქციების რაოდენობით, მაშინ როცა მეორად ბაზარზე გაყიდვები წლიურად 7.5%-ით შემცირდა. რაც შეეხება ფასებს, 2024 წლის თებერვალში ბინის ფასების ზრდის დინამიკა პირველად ბაზარზე შენარჩუნდა, თვიური 0.8%-იანი და წლიური 16.5%-იანი ზრდით. სტუმრები: კახა სამყურაშვილი - Galt&Taggart;-ის სექტორული კვლევების მიმართულების უფროსი; ზურაბ თავყელიშვილი - Galt&Taggart;-ის ანალიტიკოსი; უძრავიქონებისპროსპექტი თათია ჩაფიჩაძესა და გუგა კობახიძესთან ერთად #ახალიამბები #BusinessMediaGeorgia
ფოთის წყალარინების (კანალიზაციის) მშენებლობის პროექტი ჩავარდა მთავრობა კონტრაქტორს არბიტრაჟში უჩივის ფოთში, წყალარინების ანუ კანალიზაციის სისტემა უნდა აშენებულიყო, რომელზეც საქართველოს მთავრობამ და შესყიდვების შესაბამისმა სისტემამ თავის დროზე შეარჩია 2017 წელს ნიდერლანდებში რეგისტრირებული საინჟინრო კომპანია Tahal Group BV. ხელშეკრულების თავდაპირველი ღირებულება 35.3 მილიონი დოლარი იყო და მის ფარგლებში კომპანიას სამშენებლო სამუშაოები 2020 წლის 31 ივლისს უნდა დაესრულებინა ანუ არასრული 4 წლის წინ. პროექტი აზიის განვითარების ბანკის კრედიტით ფინანსდება. თუმცა, კომპანიის დაბალი პროგრესის გამო, მასთან ხელშეკრულება შეწყდა. #ახალიამბები #BusinessMediaGeorgia
SpaceBox - ეს არის ხელნაკეთი შოკოლადების მცირე საწარმო, რომელმაც სტარტი პანდემიის პერიოდში აიღო. თავდაპირველად კომპანიას წარმოება აუთსორსზე ჰქონდა, თუმცა მალევე გაზრდა და საკუთარი წარმოების ამოქმედებაც მოახერხეს. SpaceBox - ის მთავარი მიმდინარეობა კოსმოსის თემატიკაზე შექმნილი შოკოლადებია. ➡️ანუკა კაკაბაძე - SpaceBox-ის დამფუძნებელი #ახალიამბები #BusinessMediaGeorgia
წარმოგიდგენთ, 28 წლის წინ, ბნელ საქართველოში დაბადებულ კომპანიას, ყველასთვის საყვარელ "დიოს" - ანუ, დაუშვილების ოჯახის ბიზნესს, რომელიც სათავეს 1996 წლიდან იღებს და დღემდე კი ვხედავთ, რამდენად წარმატებულად მოვიდა და აგრძელებს მუდმივ განვითარებას. გიყვებით "დიოს" ერთ-ერთ თანადამფუძნებელზე, დაუშვილების შუათანა დაზე - თამარ დაუშვილზე, რომელმაც "დიოს" ფინანსური განყოფილება, ჯერ კიდევ, მაშინ ჩაიბარა, როცა ის 26 წლის გახლდათ და დღემდე ამ პოზიციის ერთგულად დარჩა. #ახალიამბები #BusinessMediaGeorgia
კოსმეტიკურ პროდუქციასთან დაკავშირებული საქმიანობა შესაძლოა, მარეგულირებელ ჩარჩოში მოექცეს. ჯანდაცვის სამინისტრო მუშაობს კანონპროექტზე, რომლის თანახმად, ტექნიკური რეგლამენტით განისაზღვრება ბაზარზე განთავსებამდე და განთავსების შემდეგ ადმინისტრირების საკითხები და მასზე პასუხისმგებელი უწყებები. კანონპროექტი ასევე ითვალისწინებს, ეკონომიკური ოპერატორების როლის და ვალდებულებების დარეგულირებასაც. #ახალიამბები #BusinessMediaGeorgia
საქართველოში რეგულირების ქვეშ ქიმწმენდის ობიექტების საქმიანობა მოექცევა. ობიექტების ფუნქციონირება წლების განმავლობაში უკონტროლო იყო. სექტემბრიდან კი ახალი წესები ამოქმედდება, რომელთა აღსრულებას შრომის ინსპექცია და გარემოს ზედამხედველობის სამსახური გააკონტროლებენ. მკაცრად გაკონტროლდება ობიექტების მიერ გამოყოფილი მავნე ნივთიერებების რაოდენობა და დასაქმებულთა უსაფრთხოებასთან დაკავშირებული სტანდარტები.ჯანმრთელობისთვის საშიში ნივთიერებების კონცენტრაციის მონიტორინგი მას შემდეგ გადაწყდა, რაც ქიმწმენდის თანამშრომლებისა და ახლოს მცხოვრები ადამიანების ინტოქსიკაციის არაერთი შემთხვევა დაფიქსირდა. #ახალიამბები #BusinessMediaGeorgia
გასული თვის მიწურულს, Berkshire Hathaway-ის აღმასრულებელმა დირექტორმა, მილიარდერმა, უორენ ბაფეტმა, აქციონერებისთვის განკუთვნილი ყოველწლიური წერილი გამოაქვეყნა. ინვესტორმა წლევანდელ მიმართვაში ყურადღება კომპანიის საქმიანობასა და სამომავლო გეგმებზე, რეკორდულ მოგებასა და საფონდო ბაზრის სპეკულაციებთან დაკავშირებით თავის ხედვაზე გაამახვილა. ამასთან, ბაფეტმა 152-გვერდიან ანგარიშში აქციონერებს რამდენიმე მნიშვნელოვანი რჩევაც გაუზიარა. #ახალიამბები #BusinessMediaGeorgia
საერთაშორისო ბრენდი Konica Minolta, რომელიც გლობალურ ბაზარზე ოპერირებს 150 წელს ითვლის, კავკასიის რეგიონში 2019 წლიდან გამოჩნდა და თბილისში ბეჭდვის სრულიად ახლებური დანადგარების წარმოება დაიწყო. 20 თებერვალს კი რეგიონულ ბაზარს ეტიკეტების ბეჭდვის უნიკალური და თანამედროვე ტექნოლოგია წარუდგინა. Konica Minolta Georgia-ს გუნდი "AdWise ჯგუფთან" თანამშრომლობით ციფრული ბეჭდვის ახალ მანქანაზე მუშაობას დაახლოებით ორი თვის წინ შეუდგა. სპეციალისტებმა უნგრეთის, ჩეხეთისა და უკრაინის ინჟინერთა გუნდის მხარდაჭერით AccurioLabel 400 roll-to-roll ციფრული ბეჭდვის მანქანა და MGI JETvarnish 3D აამოქმედეს. აღსანიშნავია, რომ მსგავსი დანადგარი მსოფლიოს მასშტაბით მხოლოდ რამდენიმე ქვეყანაშია წარმოდგენილი, კავკასიის რეგიონისთვის კი პირველია, რომელიც "AdWise"-ის სტამბაში დაინსტალირდა. სტუმრები: ➡️რევაზ ჯამაგიძე - „კონიკა მინოლტა საქართველო“, გენერალური დირექტორი; ➡️გიორგი გალუაშვილი - „კონიკა მინოლტა საქართველო“, სერვისისა და IPP მიმართულების ხელმძღვანელი; #ახალიამბები #BusinessMediaGeorgia
#ბიზნესისკვირეული - გიორგი ისაკაძის პროლოგი / 10.03.2024 #ახალიამბები #BusinessMediaGeorgia
BMG-ი ბიურო სომხეთშიც (ერევანი) ამოქმედდა / “ბიზნესმედია საქართველო” საერთაშორისო წარმომადგენლობას აფართოებს; ზრდას BMG განაგრძობს. ვცდილობთ კიდევ ერთი ქართული ბრენდით შევავსოთ რეგიონის პალიტრა და დავფიქსირდეთ იმ ქვეყნებში, სადაც საქმიანი ურთიერთობები ქვეყნებში შორის გამორჩეულად აქტიურია და ინვესტირების პოტენციალიც დიდი. რამდენიმე კვირიანი სატესტო რეჟიმში მუშაობის შემდეგ, სრულფასოვნად ამუშავდა BMG-ის სომხეთის ბიურო ერევანში და მას გამორჩეული ჟურნალისტი, არშალუის მღდესიანი გაუძღვება. #ახალიამბები #BusinessMediaGeorgia
საინტერესოა, რა გარემოებასა და ვითარებაში აჩვენებენ ზრდას მსოფლიოს წამყვანი ბირჟები გათვალისწინებით იმისა რომ, არც ვითარება შეცვლილა ნორმალიზების კუთხით მიმდინარე ომების ფონზე და მეორეს მხრივ, სახეზეა პრობლემური ვითარებები მსოფლიოს წამყვან ეკონომიკებში, სადაც ზოგიერთ ქვეყანაში ეპიზოდური სტაგნაცია ფიქსირდება; რთულად და არაჯეროვნად იზრდება მსოფლიოს ნომერ მეორე ეკონომიკა ჩინეთის სახით. კიდევ ბევრი არჩევნები რჩება ჩასატარებელი მსოფლიოში, რომელიც წინააღმდეგობრივ შედეგებს დადებს. #ახალიამბები #BusinessMediaGeorgia
წარმოგიდგენთ, წამყვანი ქართული კომპანიების შედეგებს ლონდონის საფონდო ბირჟაზე და გასული კვირეულის მონაგარს: "საქართველოს ბანკის" (BGEO) აქციების ფასი 2.58%-ით გაიზარდა და ამჟამად ერთი აქციის ღირებულება 51.60 გირვანქა სტერლინგს შეადგენს. კომპანიის საბაზრო კაპიტალიზაცია ამჟამად 2.34 მილიარდ სტერლინგს აღწევს. TBC PLC-ის აქციების ღირებულება ერთკვირიან ჭრილში 4.27%-ით გაიზარდა. ბანკის ერთი აქცია 33.00 გირვანქა სტერლინგი ღირს. კომპანიის საბაზრო კაპიტალიზაცია ამჟამად 1.82 მილიარდ გირვანქა სტერლინგს შეადგენს. "საქართველოს კაპიტალის” (CGEO) აქციების ღირებულება 0.48%-ით გაიზარდა, შედეგად ერთი აქციის ფასი 12.60 გირვანქა სტერლინგი გახდა. შედეგად, კომპანიის საბაზრო კაპიტალიზაცია ამჟამად 534 მილიონ გირვანქა სტერლინგს შეადგენს. #ახალიამბები #BusinessMediaGeorgia