საქართველოში ახალ რეგულაციებზე ფიქრობენ და ეს თემა ინფლუენსერებს, ანუ საზოგადოებისთვის მნიშვნელოვანი და აქტიური პირების რეგულაციას ეხება, თუმცა ღირს აღნიშვნად, რომ ამ რეგულაციას თავად ინფლუენსერებიც და ინდუსტრიის პროფესიონალები ერთხმად ნამდვილად არ ეწინააღმდეგებიან #ახალიამბები #BusinessMediaGeorgia
სოფიო მაჭარაშვილის წლების უკან დაწყებული პროფესიული კარიერა დღემდე განათლების სფეროს უკავშირდება. პროფესიით ექიმ-პედიატრი უნივერსიტეტის დასრულებისთანავე სამუშაოდ, მამის მიერ 1992 წელს დაფუძნებულ, პროფესიულ კოლეჯში წავიდა და ოჯახურ ბიზნესს განვითარების მეტი საშუალება მისცა. 2014 წლიდან კი დამოუკიდებლად საქმიანობის გაგრძელება გადაწყვიტა და დღეს ბიზნესისა და ტექნოლოგიების აკადემიის დამფუძნებლის რანგში გვევლინება. ➡️სოფიო მაჭარაშვილი - ბიზნესისა და ტექნოლოგიების აკადემიის დამფუძნებელი; ბიზნესის ადმინისტრირების დოქტორი; #ახალიამბები #BusinessMediaGeorgia
სამეგრელოში, მარტვილის სოფელ ტალერში მდებარეობს ავეჯის კომპანია "ალებური" რომელიც, მასიურ ხის ავეჯს აწარმოებს. ინფრასტრუქტურა საკმაოდ მძლავრია და ის ყველა საჭირო ტექნიკასა თუ ტექნოლოგიას ფლობს, ანუ წარმოებისთვის საჭირო ინვენტარ-დანადგარს, რაც მაღალი ხარისხის ავეჯის დამზადებისთვის არის საჭირო. მეგრულ ავეჯს საქართველოს შემდეგ უკვე ევროპა ელოდება. კონკრეტული ქვეყნისკენაც გეზი უკვე აღებული აქვთ. "ალებური" დღეს უკვე 70 ადგილობრივს ასაქმებს და კომპანიის ამბიციურ გეგმებთან და მიზნებთან ერთად, თანამშრომელთა რაოდენობაც მზარდია. ➡️გოგა სილაგავა - “ალებური” დირექტორი, თანადამფუძნებელი; #ახალიამბები #BusinessMediaGeorgia
კვირის მანძილზე დავიგეგმეთ და TBC-ს კორპორატიულ მიმართულებასთან ერთად გადავიწყვიტეთ და განვაახლეთ მათი ბიზნეს პარტნიორების მოკითხვა-მონახულება, იმ ბიზნეს პროექტების გაცნობა, რომელიც TBC მიერ არის დაფინანსებული. გიორგი დარჩიაშვილი ჩვეული ენთუზიაზმით ამყვა და ერთ დღეს, ერთდროულად რამდენიმე კომპანიას მივაკითხეთ. ➡️გიორგი დარჩიაშვილი - "თიბისი", მსხვილი და საშუალო კორპორატიული კლიენტების მომსახურების დეპარტამენტის დირექტორი; ➡️გიორგი გაბუნია - Construction Service, დირექტორი; ➡️პაატა კოკაია - Alutech Georgia, დამფუძნებელი; ➡️დავით ჯანიაშვილი - Alutech Georgia, დირექტორი; ➡️გიორგი ისაკაძე - BMG, გენერალური პროდიუსერი; #ახალიამბები #BusinessMediaGeorgia
მომავალი კვირა განსაკუთრებით დატვირთული ევროკავშირისთვის იქნება. ორშაბათს სიტყვით უნდა გამოვიდეს ევროპის ცენტრალური ბანკის ხელმძღვანელი კრისტინ ლაგარდი, რომელმაც მონეტარულ პოლიტიკაზე უნდა ისაუბროს. გარდა ამისა, მომავალ კვირას ცნობილი გახდება ევროზონის ინფლაციური სტატისტიკა. ანალიტიკოსების პროგნოზით, სამომხმარებლო ფასების დონე 2.5%-მდე იქნება შემცირებული. ასევე გავიგებთ იმას, თუ რა ბედი ეწია უმუშევრობის სტატისტიკას და გაიზარდა თუ არა დასაქმებულთა რაოდენობა. საინტერესო სტატისტიკურ მონაცემებს გაასაჯაროებენ გერმანიის, საფრანგეთის, იტალიის, ესპანეთის, პორტუგალიის და სხვა ევროპული სახელმწიფოების მთავრობებიც. საერთო ჯამში, შეძლება ითქვას, რომ მომავალი კვირა ევროპული სიახლეებით იქნება დატვირთული. #ახალიამბები #BusinessMediaGeorgia
კომპანია ,,აჭარისწყალი ჯორჯია’’, რომელიც ფლობს 187 მგვტ სიმძლავრის შუახევის ჰესების კასკადს, იყო პირველი კომპანია ქართულ ენერგო სექტორში, რომელმაც მაღალი კორპორაციული პასუხისმგებლობის სტანდარტი შექმნა. უფრო კონკრეტულად რომ ვისაუბროთ, კომპანიამ ჯერ კიდევ "შუახევი ჰესის" მშენებლობის დაწყებამდე შეისწავლა რეგიონის საჭიროებები და შედეგებზე დაყრდნობით შეიმუშავა გრძელვადიანი კორპორაციული პასუხისმგებლობის სტრატეგია, სადაც სამი მთავარი მიმართულება განსაზღვრა: განათლების მხარდაჭერა და ცნობიერების ამაღლება, ადგილობრივი თემების მხარდაჭერა - მცირე ბიზნესის დაფინანსება და ინფრასტრუქტურული განვითარება. შუახევის ჰესების კასკადის მშენებლობის დაწყებიდან ოპერირების ეტაპის ჩათვლით, ასობით სოციალური პროექტი განხორციელდა და რაც ყველაზე მნიშვნელოვანია, პირველი - ყველა პროექტი იყო გრძელვადიან მიზნებზე ორიენტირებული და მეორე - ყველა პროექტი იგეგმებოდა და ხორციელდებოდა უშუალოდ ადგილობრივი მოსახლეობისა და მუნიციპალიტეტების მონაწილეობით. #ახალიამბები #BusinessMediaGeorgia
Tax Justice Network-მა ქონების საიმედოდ და საიდუმლოდ შენახვის შესაძლებლობის მქონე ქვეყნების რეიტინგი გამოაქვეყნა. ორგანიზაცია ამ რეიტინგს ყოველ ორ წელიწადში ერთხელ აახლებს და ამჯერად ბოლო პუბლიკაცია, 2022 წლის მონაცემებს მიმოიხილავს. #ახალიამბები #BusinessMediaGeorgia
გასული წლის მონაცემებით, უკრაინამ საკუთარი ეკონომიკის მესამედი შესწირა სამამულო ომსა და დამოუკიდებლობისთვის ბრძოლას. მისი შემოსავლები მეტწილად სრულად დასავლეთის დახმარებაზეა ჩამოკიდებული. უკრაინა, უახლოეს დღეებში, სავალუტო ფონდისგან ვალუტის მხარდასაჭერად და მაკროეკონომიკური სტაბილურობისთვის დამატებით 900 მლნ დოლარს შეივსებს. უკრაინისთვის სამხედრო და ფინანსური დახმარების მნიშვნელოვანი ფონდებით გამოდიან - მარტო დანიის გადაწყვეტილება რად ღირს, რომელიც ფაქტობრივად სრულად, მის საკუთრებაში არსებულ საარტილერიო და მძიმე ტექნიკის არსენალს უკრაინას გადასცემს. რაც შეეხება, ოკუპანტი ქვეყნის ეკონომიკას, აქ ვითარება უფრო რთული და სიღრმისეულია. რუსეთი სრულად ეწყობა სამხედრო ეკონომიკის მოდელზე რაც ნიშნავს, რომ სწორედ სამხედრო წარმოება და სწორედ ამ მიმართულებით ინვესტირება ზრდის რუსეთის ეკონომიკას. #ახალიამბები #BusinessMediaGeorgia
კვირა სრულიად დამსახურებულად მნიშვნელოვანი ზრდით ჩახურეს ქართულმა კომპანიებმა ლონდონის საფონდო ბირჟაზე, ცხადია ლოკომოტივი ზრდისა საქართველოს ბანკია, რომელმაც დახურა გარიგება სომხეთის წამყვანი კომერციული ბანკის "ამერიაბანკის" 303 მლნ დოლარად შეძენის შესახებ. "საქართველოს ბანკის" (BGEO) აქციების ფასი 15.01%-ით გაიზარდა და ამჟამად ერთი აქციის ღირებულება 45.60 გირვანქა სტერლინგს შეადგენს. კომპანიის საბაზრო კაპიტალიზაცია ამჟამად 2.24 მილიარდ სტერლინგს აღწევს. ბოლო ექვს თვეში "საქართველოს ბანკის" აქციების მატება 43.6%-ია. TBC PLC-ის აქციების ღირებულება ერთკვირიან ჭრილში 7.01%-ით გაიზარდა. ბანკის ერთი აქცია 30.55 გირვანქა სტერლინგი ღირს. კომპანიის საბაზრო კაპიტალიზაცია ამჟამად 1.68 მილიარდ გირვანქა სტერლინგს შეადგენს. ბოლო ექვს თვეში "თიბისის" აქციების ფასი 21.7%-ითაა გაზრდილი. "საქართველოს კაპიტალის” (CGEO) აქციების ღირებულება 9.77%-ით გაიზარდა, შედეგად ერთი აქციის ფასი 12.36 გირვანქა სტერლინგი გახდა. შედეგად, კომპანიის საბაზრო კაპიტალიზაცია ამჟამად 575 მილიონ გირვანქა სტერლინგს შეადგენს. ბოლო ექვს თვეში კომპანიის აქციების ფასი 37.6%-ითაა გაზრდილი. #ახალიამბები #BusinessMediaGeorgia
"#ბიზნესისკვირეული - გიორგი ისაკაძის პროლოგი / 25.02.2024 #ახალიამბები #BusinessMediaGeorgia
კომპანია "გუმბათი ჯგუფმა" გონიო-კვარიათის სანაპირო ზოლზე მორიგი პროექტის მშენებლობა დააანონსა. საუბარია მრავალფუნქციურ სასტუმრო ტიპის პროექტ "მონტემარზე", რომელიც 16 სართულისგან შედგება და a, b და c ბლოკებს აერთიანებს. მულტიფუნქციური კომპლექსი - კომერციულ, გასართობ და დასასვენებელ სივრცეებს მოიცავს და განკუთვნილი იქნება როგორც საცხოვრებლად, ასევე დასვენების და ინვესტიციის მისაღებად. პროექტი მოიცავს ღია აუზს ტერასაზე, ბარს, ფიტნეს და სპა ცენტრს, გასართობი სივრცეებს ბავშვებისთვის და მოზარდებისთვის, საკონფერენციო სივრცეს, რესტორანს, მულტიფუნქციური რესეფშენსა და პარკინგს. აპარტამენტები მომავალ მობინადრეებს ბარდებათ პრემიუმ კარკასის მდგომარეობაში და სრული რემონტით. სტუმარი: ნიკოლოზ შამილაძე - "გუმბათი ჯგუფის" ბიზნესის განვითარების მენეჯერი; #ახალიამბები #BusinessMediaGeorgia
დეველოპერულმა კომპანია მეტროპოლმა ქავთარაძეზე მულტიფუნქციური კომპლექსის მშენებლობა დაიწყო. მშენებლობის ადგილას, შენობის საძირკველში სიმბოლური კაფსული კომპანიის ხელმძღვანელებმა მცხოვრებლებთან ერთად ჩადეს, რომელსაც მათი ხელმოწერა ახლავს თან. „მეტროპოლ ქავთარაძის“ მასშტაბური პროექტი, ჯამურად, 16 490 მ2 ფართობს მოიცავს და დედაქალაქში ერთ-ერთი ყველაზე დიდი სარეკრეაციო ზონით გამოირჩევა. კომპლექსის მშენებლობის დასრულება 2026 წლისათვის არის განსაზღვრული, შედეგად თბილისს ახალი საცხოვრებელი სივრცე შეემატება ერთი ჰექტარი გამწვანებული ტერიტორიით. ორი 25-სართულიანი საცხოვრებელი კორპუსის მცხოვრებლებისათვის მოეწყობა სპორტული მოედნები, სკვერები და საფეხმავლო ბილიკები. გათვალისწინებულია სოციალიზაციის სხვა სივრცეებიც, მათ შორის საბავშვო ბაღი. ქავთარაძის მშენებლობაზე „მეტროპოლი“ 400-მდე ადამიანს დაასაქმებს. ჯამურად, პროექტის ფარგლებში, ბიუჯეტში 20 მილიონ ლარზე მეტი დაგენერირდება. სტუმარი: მამუკა იმედაშვილი-"მეტროპოლის" გენერალური დირექტორის მოადგილე; #ახალიამბები #BusinessMediaGeorgia
უძრავი ქონების კვირის მიმოხილვა - #უძრავიქონებისპროსპექტი:
18 თებერვალს, UFC-ის ორმა ქართველმა მებრძოლმა ილია თოფურიამ და მერაბ დვალიშვილმა უმნიშვნელოვანესი გამარჯვებები მოიპოვეს. ილიამ ალექსანდრ ვოლკანოვსკი დაამარცხა და საჩემპიონო ქამარი მიიღო, მერაბმა კი სეხუდოს სძლია და სატიტულო ბრძოლისკენ უმნიშვნელოვანესი ნაბიჯი გადადგა. როგორც UFC-ის პრეზიდენტმა დანა უაითმა განაცხადა, დვალიშვილის შემდეგი ბრძოლა საჩემპიონო იქნება. ამერიკული შერეული საბრძოლო ხელოვნების გამოცემა mmafighting.com-ის და Yahoo Sport-ის მიხედვით, თოფურიამ ვოლკანოვსკის დამარცხებისთვის 350 000 დოლარი მიიღო. რაც შეეხება მერაბ დვალიშვილს, მან სეხუდოს დამარცხებისთვის 210 000 დოლარი მიიღო. და ცხადია, ეს მხოლოდ ცალკეული წყაროებზე დაყრდნობით - ინტერნეტში იპოვით ინფორმაციას იმის თაობაზეც, რომ იუფსის ჩემპიონების ანაზღაურები სხვდასხვაგვარია და ფანების რაოდენობაზე, ბრძოლის მაყურებლების რაოდენბაზე და გამოხმაურებებზე დაყრდნობით, ის მინიმუმ ნახევარი მილიონიდან იწყება და ზევით. ბარაქა და ჯანმრთელობა ბიჭებო, მადლობა თქვენ და თქვენს ოჯახებს ქართველობის ასეთი გაბედნიერებისთვის. მსოფლიოს ერთერთი უმდიდრესი და გამორჩეეულად გავლენიანი ადამიანის, მარკ ცაკერბერგის ინსტრაგრამში განთავსებული ამბავია, სადაც მარკ ზაკერბერგმა, ქართველი მებრძოლის, მერაბ დვალიშვილის გამარჯვება უყურადღებოდ არ დატოვა და Instagram სთორიში ფოტო გამოაქვეყნა, სადაც ის ქართველ მებრძოლს გამარჯვებას ულოცავს. #ახალიამბები #BusinessMediaGeorgia
Lovely Roses არის ყვავილების კომპანია, რომელიც ემსახურება როგორც ადგილობრივ, ასევე საერთაშორისო მომხმარებლებს არამარტო ლამაზად შეფუთული პრემიუმ პროდუქტით, არამედ ცდილობენ შექმნან განსაკუთრებით მაღალი კლასის მომსახურების გამოცდილება. 2019 წელს გახსნილმა სალონმა წლების განმავლობაში ზრდა და 7000-ზე მეტი ადამიანისგან შემდგარ მომხმარებელთა ბაზის შეგროვება მოახერხა. ➡️ლალი სიჭინავა - Lovely Rose, დამფუძნებელი; #ახალიამბები #BusinessMediaGeorgia
ე.წ. მეორეული ტანსაცმლის ინდუსტრია გლობალურად სულ უფრო იზრდება და პოპულარული ხდება. გაზრდილი მოთხოვნის შესაბამისად, საქართველოში წლიდან წლამდე მატულობს ქვეყანაში მეორეული ტანსაცმლის იმპორტი. ბოლო პერიოდში კი, მის ღირებულებაშიც მზარდი ტენდენცია შეინიშნება. საქართველოს სტატისტიკის ეროვნული სამსახურის თანახმად, გასულ წელს საქართველოში 40 მლნ 745 ათასი დოლარის ღირებულების 10 642 ტონა მეორეული ტანსაცმელი შემოვიდა. რაც ნიშნავს იმას, რომ იმპორტირებული ტანსაცმლის ღირებულებამ, 2022 წლის მონაცემებს 18%-ით გადააჭარბა. ➡️მარიკა ტაველიძე - „შოპ მარინას“ დამფუძნებელი; ➡️შოკო ჩაჩუა - „ვინტილატორის“ დამფუძნებელი; ➡️თეა ჩივაძე - ინდ. მეწარმე; #ახალიამბები #BusinessMediaGeorgia
დისკუსია ბახმაროს კურორტის განვითარებაზე Wilkinson Eyre პროექტები მსოფლიოში & ბრიტანეთში 40 შესრულებული პროექტი ოთხი ათწლეულის განმავლობაში და არაერთი აღიარება- რა პროექტები აქვს შესრულებული კომპანიას, რომელსაც “ორბი ჯგუფმა” ბახმაროს პროექტის შექმნა დაუკვეთა. როგორ უნდა განვითარდეს კურორტი, თემაზე BMG სხვადასხვა მხარის ჩართულობით განხილვებს სატელევიზიო ფორმატში შემოგთავაზებთ. #ახალიამბები #BusinessMediaGeorgia
საქართველოს სტარტაპ ეკოსისტემა განვითარების ადრეულ ეტაპზეა. დიდი შრომის შედეგია, ის რომ ქართული სტარტაპები არაერთ წარმატებას აღწევენ და საერთაშორისო ბაზრებზეც მეტ-ნაკლებად სტაბილურად ოპერირებენ. ეკოსისტემის განვითარების მიზნით, მნიშვნელოვანია მხარდამჭერი პროექტები, რომლითაც სტარტაპები ინვესტიციების მოზიდვასაც ახერხებენ. აღნიშნულთან დაკავშირებით, კობახიძის მთავრობასაც აქვს ხედვა. #ახალიამბები #BusinessMediaGeorgia
2023 წლის დეკემბერში, საქართველოს ეროვნულმა ბანკმა "პეივ ჯორჯიას” ციფრული ბანკის ლიცენზია მიანიჭა, რითაც საქართველოს საფინანსო სისტემას რიგით მე-3 ციფრული და რიგით მე-17 კომერციული ბანკი შეემატა. როგორც თავდაპირველად გახდა ცნობილი, "პეივ ჯორჯია” ფინანსური პროდუქტების გაერთიანებას და მათ ციფრულ აქტივებთან და ანგარიშების პროგრამირებადობასთან დაკავშირებას გეგმავს და მიზნად ისახავს, ტექნოლოგიურ კომპანიებს მოემსახუროს. საბანკო ლიცენზიის მიღებიდან შვიდი თვის განმავლობაში “პეივ ჯორჯია” სატესტო რეჟიმში იმუშავებს და რეალურ გარემოში საბანკო საქმიანობის განხორციელება შეზღუდული ექნება. ➡️სალიმ დანანი - “პეივ ბანკის” გენერალური დირექტორი; ➡️გიორგი არონია - “საქმიანი საღამოს” და TECH INFORM-ის ავტორი #ახალიამბები #BusinessMediaGeorgia
TBC Capital საერთაშორისო კონფერენცია ინტერვიუ - მერი ჩაჩანიძე,TBC Capital მმართველი დირექტორი ორშაბათს, საქართველოს საქმიან საზოგადოებას მიეცემა შანსი და საშუალება დაესწროს "თიბისი კაპიტალის" ეკონომისტების მნიშვნელოვან კვლევებს, რომელიც ცალსახად დაგეხმარებათ 2024 რთული წლის დაგეგმვასა და შესაბამისი, სწორი გადაწყვეტილებების მიღებაში. TBC კაპიტალის გუნდი, სასტუმრო სტამბაში ხვალ 5 მთავარ თემას წარმოადგენს საზოგადოების სამსჯავროზე, ეს არის არჩევნების ციებ-ცხელება, მსოფლიოში მოგეხსენებათ, 70-ზე მეტი არჩევები ტარდება პლანეტაზე და მნიშვნელოვანია ვიცოდეთ რა მოლოდინებთან გვაქვს საქმე. ცალკე თემა იქნება რთული გეოპოლიტიკური გარემო; ასევე, იქნება დისკუსია საქართველოში მიგრაციული ნაკადების ცვლილებაზე საპროცენტო განაკვეთებზე და ინფლაციაზე, ცხადია ერთ-ერთ მთავარ პრობლემასთან ერთად, სამუშაო ძალის დეფიციტზე. წარმოგიდგენთ, ინტერვიუს TBC კაპიტალის მმართველ დირექტორთან, მერი ჩაჩანიძესთან, რომელიც საერთაშორისო კონფერენციაზე საუბრობს. #ახალიამბები #BusinessMediaGeorgia
მომავალი კვირა მონეტარული პოლიტიკის მიმართულებით საკმაოდ დატვირთული იქნება. პირველ რიგში, საზოგადოებას თავის გადაწყვეტილებას ამერიკის შეერთებული შტატების ფედერალური რეზერვი გააცნობს, რომელიც, სავარაუდოდ, რეფინანსირების განაკვეთს უცვლელად, 5.5%-იან ნიშნულზე დატოვებს. უშუალოდ გადაწყვეტილებასთან ერთად, საჯაროდ ცნობილი გახდება FED-ის სამომავლო სტრატეგიაც, რასაც ინვესტორები განსაკუთრებით დიდ ყურადღებას აქცევენ. გავიგებთ იმასაც, თუ რა ბედი ეწია ამერიკაში ინფლაციას და გაიზარდა თუ არა დასაქმებულების რაოდენობა. მომავალ კვირას კვარტალურ ანგარიშგებებს და ფინანსურს შედეგებს შემდეგი მსხვილი კომპანიები წარმოადგენენ: Nvidia, Walmart, Home Depot, Nestle და HSBC. #ახალიამბები #BusinessMediaGeorgia
გრანტები ბიზნესის განვითარებისთვის რა ვიცით საგრანტო შესაძლებლობაზე? ევროკავშირისკენ მიმავალ, აწ უკვე კანდიდატის სტატუსით საკმაოდ რთულ გზაზე, საქართველოს ბევრი ვალდებულება გაუჩნდა რის შესასრულებლადაც ვადებიც გაწერილი გვაქვს. ახლა მთავარია ვიმოქმედოთ და გავზარდოთ ჩვენი ეფექტიანობა რაც შეიძლება ბევრი მიმართულებით. მათ შორის, მნიშვნელოვანი რეფორმებით ვაჩვენოთ პროგრესი საერთაშორისო ორგანიზაციებს, მათ ვისგანაც მილიარდობით დაფინანსებას ვიღებთ, ხშირად გრანტის სახით,სხვადასხვა პროგრამების, სესხების თუ ფინანსებზე ხელმისაწვდომობის მრავალფეროვან კომპონენტებში. #ახალიამბები #BusinessMediaGeorgia
ენერგეტიკის თვალსაზრისით ეს კვირეულიც ძალიან მნიშვნელოვანი იყო,როცა განახლებადი წყაროებიდან ელექტროსადგურის მიერ ელექტროენერგიის წარმოების სიმძლავრის მეორე აუქციონში სამინისტროში შესული განაცხადების სიმძლავრე გამოცხადებულს 1077 მგვტ-ით აღემატება - ამის შესახებ ინფორმაციას ეკონომიკის სამინისტრო ავრცელებს და დახურული სახით შემოსული წინადადებების გახსნის შედეგად 1877 მგვტ ჯამური სიმძლავრის 147 პროექტი შემოვიდა, რაც 1077 მგვტ-ით მეტია აუქციონით გამოცხადებულ მაჩვენებელზე“.ღირს აღნიშვნად, რომ საპროექტო შეთავაზებების რაოდენობაც, ორჯერ აღემატება პირველ აუქციონში არსებულ საპროექტოო წინადადებების რაოდენობას. სიმძლავრის მეორე აუქციონის ჯამური დადგმული სიმძლავრე 800 მგვტ.-ს შეადგენს. #ახალიამბები #BusinessMediaGeorgia
Financial Times ჯგუფის წევრმა fDi Intelligence-მა „ევროპის მომავლის ქალაქებისა და რეგიონების“ 2024 წლის რეიტინგი გამოაქვეყნა, სადაც საქართველოს დედაქალაქი ორ კატეგორიაში, ათეულში აღმოჩნდა. თბილისი „ხარჯთეფექტიანობის“ კატეგორიაში, ევროპის წამყვან ქალაქებს შორის, მეექვსე ადგილზე, ხოლო „პირდაპირი უცხოური ინვესტიციების მოზიდვის სტრატეგიის“ ნომინაციაში მეცხრე ადგილზე დასახელდა. ანგარიშის მიხედვით, „ხარჯთეფექტიანობის“ კატეგორიაში, თბილისთან ერთად, საუკეთესო ქალაქებია: ანკარა, სოფია, ბუქარესტი, კიევი, სტამბოლი, ვარშავა, ბუდაპეშტი, პრაღა და ზაგრები. „პირდაპირი უცხოური ინვესტიციების მოზიდვის სტრატეგიის“ მიმართულებით კი, ნომინაციის ათეულში თბილისთან ერთად, დასახელებულია ბარსელონა, ლონდონი, ბერლინი, დუბლინი, მადრიდი. მნიშვნელოვანია, რომ აღნიშნული რეიტინგის შედგენისას, ავტორებმა ევროპის მასშტაბით 509 ლოკაცია შეისწავლეს. შეფასება სულ ექვს კატეგორიას მოიცავს. ესენია: ეკონომიკური პოტენციალი, ადამიანური კაპიტალი და ცხოვრების წესი, ხარჯთეფექტიანობა, დაკავშირებულობა, ხელსაყრელი ბიზნესგარემო და პირდაპირი უცხოური ინვესტიციების მოზიდვის სტრატეგია. #ახალიამბები #BusinessMediaGeorgia
რა ვითარებასა და მოქმედებას აქვს ადგილი მსოფლიო საფინანსო და საფონდო ბაზრებზე? რატომ არის, რომ პროფესიონალი ფინანსისტებისთვის და ბირჟაზე მოვაჭრეებისთვის ხშირად ალოგიკურია რეალობა, რომელიც მსოფლიო ბიზნესში შეიქმნა? გასული წლის ბოლოდან მოყოლებული ვიდრე დღემდე, ხშირად ადგილი აქვს ვითარებას, რომელიც წინააღმდეგობაში მოდის ეკონომიკური და ფინანსური სახელმძღვანელოების ბაზისებთანაც, რომელსაც წლების განმავლობაში ვენდობით და სწორედ, ამ ეკონომიკური ლიტერატურით მივიღეთ ის ცოდნა, რაც გვაქვს. რა იცვლება და რაც მთავარია, რატომ იცვლება მსოფლიო საფონდო ბაზარი და გლობალური ეკონომიკა იმგვარად, რომ ხშირად, ეკონომიკის ლოგიკასაც არ ექვემდებარება? #ახალიამბები #BusinessMediaGeorgia
რეცესია ფიქსირდება დაბრექსიტებული ბრიტანეთის ეკონომიკაში, ანალოგიურს ადასტურებს გერმანიის ეკონომიკის სტატისტიკური შედეგები. ანალიტიკოსებისთვის გასაკვირი არ იყო ამბავი რომ გასული წლის ბოლოს იაპონიის ეკონომიკამ მოულოდნელი რეცესია განიცადა, რითაც მსოფლიოში სიდიდით მესამე ეკონომიკის პოზიციაზე ის გერმანიამ ჩაანაცვლა. გასული სამუშაო კვირა ამერიკული საფონდო ბირჟისთვის ნეიტრალური აღმოჩნდა. Dow Jones-ისა და S&P500;-ის ინდექსები ფაქტობრივად არ შეცვლილა. Nasdaq-ის ინდექსს ნეგატიური შედეგი ჰქონდა და მისი მოცულობა 1.3%-ით დაეცა. ევროკავშირის მასშტაბით ვითარება თითქმის უცვლელი იყო, რადგან STOXX 600-ის ფლაგმანური ინდექსი, რომელიც უმსხვილეს ევროპულ კომპანიებს აერთიანებს, საშუალოდ მხოლოდ 1%-ით გაიზარდა. დასავლეთისგან განსხვავებით, განსაკუთრებით კარგი შედეგი იაპონურ Nikkei 225 ინდექსს ჰქონდა, რომელიც ერთ კვირაში თითქმის 4.3%-ით გაიზარდა. რაც შეეხება, ენერგეტიკულ ბირჟას, Brent-ის მარკის ნავთობის ფასი მთელი კვირის განმავლობაში 83 დოლარის ფარგლებში მერყეობდა, WTI კი დაახლოებით 79 დოლარად ივაჭრებოდა, რაც ერთ კვირაში 1.5%-ით გაზრდილი მაჩვენებელია. რუსულ ნავთობს რაც შეეხება, ბარელი Urals-ის ფასი ისევ 73 დოლარის ფარგლებშია, ერთ კვირაში კი ცვლილება 2%-ია. #ახალიამბები #BusinessMediaGeorgia
BOGG PLC “AMERIABANK”-ის შეძენაზე მოლაპარაკებებს ადასტურებს; ქართული კომპანიების კვირეული LSE-ზე; კვირის მეორე მთავარი მოვლენა ბიზნესისთვის - ეს ამბავი დიდი ალბათობით მთელი წლის მთავარი მოვლენა იქნება, როცა დადასტურდება, რომ BOGG სომხეთის უმსხვილეს “AMERIABANK”-ს შეიძენს. საქართველოს ბანკის ჯგუფი მზარდი ეკონომიკური მაჩვენებლების გათვალისწინებით, სომხეთს პოტენციური გაფართოებისთვის საინტერესო ბაზრად მიიჩნევს. თავად “AMERIABANK” წამყვანი უნივერსალური ბანკია, რომელიც მრავალფეროვანი არხებისა და ციფრული პლატფორმების საშუალებით, ფიზიკურ და იურიდიულ პირებს სხვადასხვა საბანკო პროდუქტებსა და სერვისებს სთავაზობს. ის ყველაზე მსხვილი ფინანსური ინსტიტუტია სომხეთში. აღსანიშნავია, რომ მოლაპარაკების დასრულების შემდეგ ეს ტრანზაქცია იქნება სომხეთში განხორციელებული ყველაზე დიდი დასავლური ინვესტიცია BOGG PLC-ის მიერ რომლის აქციონერებიც არიან მსოფლიოს წამყვანი ისეთი საინვესტიციო ორგანიზაციები როგორიცაა: JP Morgan, BlackRock, Vanguard. ძალიან მნიშვნელოვანია, რომ საქართველოში მოქმედი საინვესტიციო ჯგუფი ასეთ მნიშვნელოვან ბაზარზე ინტერვენციას ახორციელებს, რაც ბიზნესის თვალსაზრისითაც და გეოპოლიტიკური დანიშნულებითაც ჩვენს ქვეყანას რეგიონში დასავლური ინსტიტუციური ინვესტიციების ლოკომოტივად აქცევს. #ახალიამბები #BusinessMediaGeorgia
ეს კვირეული საკმაოდ საინტერესო და აქტიური გამოდგა ბიზნესისთვის, საქართველოში, რეგიონსა და მსოფლიოში. კვირის მთავარი მოვლენებიდან მაინც გამოვყოთ ორი, ეს არის საქართველოს მთავრობის მხრიდან, გადასახადის გადამხდელების წინაშე ანგარიშვალდებულების აღდგენა, გამოხატული მათ მიერ მიღებული ნებისმიერი ტიპის ნორმატიული აქტების გამოქვეყნებით. წელსაც საქართველო რჩება “ჰიბრიდული რეჟიმების” ქვეყანათა სიაში, აქ ჩვენი პოზიციები არ გაუმჯობესებულა და არც გაუარესებულა, წლევანდელი რეიტინგში პოზიციები იგივეა, რომელსაც ავტორიტეტული Economist Intelligence Unit აქვეყნებს. ეს ანალიტიკური ცენტრი ქვეყნების დემოკრატიებს 5 კრიტერიუმით აფასებს. ესენია: საარჩევნო პროცესი და პლურალიზმი, ხელისუფლების ფუნქციონირება, პოლიტიკური მონაწილეობა, პოლიტიკური კულტურა და სამოქალაქო თავისუფლება. არის შანსი რომ ამგვარი ნაბიჯებით და უმაღლეს დონეზე ჩატარებული არჩევნებით, შეგვიძლია გავიუმჯობესოთ პოზიციები. #ახალიამბები #BusinessMediaGeorgia
#ბიზნესისკვირეული - გიორგი ისაკაძის პროლოგი / 18.02.2024 #ახალიამბები #BusinessMediaGeorgia
როგორია Apple Vision Pro? - გიორგი არონიას განხილვა #TECHINFORM #ახალიამბები #BusinessMediaGeorgia
უძრავი ქონების სფერო ერთ-ერთი ყველაზე მზარდი ინდუსტრიაა ქვეყანაში. ეს ძალიან კარგად არის გამოხატული ციფრებსა და სტატისტიკაში. მაგრამ საინტერესოა ასეთივე ზრდა და განვითარება თუ არსებობს ამ სფეროში მაგალითად: ტექნოლოგიებში, ორგანიზაციულ მოწყობაში, სამშენებლო ტექნიკის კუთხით, მშენებლობის ხარისხში, ინტერიერის თუ ექსტერიერის დიზაინში, არქიტექტურაში, სამშენებლო მასალებში და ა.შ. სტუმარი: ლევან ფაილოძე - იუთუბერი, უძრავი ქონების სააგენტო "ბინერი" დამფუძნებელი; ანანო მეგრელიშვილი - ინტერიერის დიზაინერი "კონცეფტ დიზაინ სტუდიოს" დამფუძნებელი; #ახალიამბები #BusinessMediaGeorgia
"უძრავი ქონების პროსპექტის" & "Galt & Taggart" პარტნიორობას იწყებენ; "2023 წელს ბათუმში 15,758 ბინა გაიყიდა"; 2022-თან შედარებით ბათუმში ბინების გაყიდვების რაოდენობა 7.5%-ით შემცირდა; "2023 წელს ბათუმში ბინების ფასების წლიური ზრდა პირველად ბაზარზე +20-ია"; როგორ ვითარდება აჭარის უძრავი ქონების ბაზარი; "2023 წელს ქობულეთში ბინების გაყიდვები +59.5%-ით გაიზარდა"; სტუმარი: კახა სამყურაშვილი - Galt & Taggart-ის სექტორული კვლევების განყოფილების უფროსი #უძრავიქონებისპრსოპექტი თათია ჩაფიჩაძე და გუგა კობახიძესთან ერთად
მუდმივად მოთხოვნადი ნივთისა და აქსესუარის ყველაზე ავტორიტეტული მწარმოებელი ქვეყანა კვლავ შვეიცარიაა, სადაც ადგილობრივი ხელოსნების შექმნილი ნამდვილი შედევრები, ყოველწლიურად ფასისა და მოთხოვნის ახალ მწვერვალებს იპყრობენ. შარშანდელი წელიც რეკორდული ჰქონდა შვეიცარიას - 31 მლრდ დოლარის საათები გაყიდეს. რითაც, 2022 წელს დაახლოებით 8 პროცენტიანი ზრდით აჯობეს. #ახალიამბები #BusinessMediaGeorgia
ტაკერ კარლსონის ახლო ურთიერთობები ელონ მასკთან ტრანსფორმირდა “X-ზე” ანუ ტვიტერზე მისი არხის მუდმივ წარმომადგენლობაში, რომელიც მილიონობით მაყურებელს აგროვებს. ამერიკელი ჟურნალისტი არ მალავს თავის სიმპათიებს რესპუბლიკური პარტიის პრეზიდენტობის კანდიდატის, დონალდ ტრამპის მიმართ, რომელსაც ხშირად ახლავს სხვადასხვა საჯარო შეხვედრებზე, და დასავლურ მედიაში არაერთხელ დაწერილა შესაძლებლობაზე, რომ ტაკერ კარსლონი შეიძლება ტრამპის გამარჯვების შემთხვევაში ამერიკის ვიცე პრეზიდენტად ან მინიმუმ თეთრი სახლის მომავალ ადმინისტრაციაში ვიხილოთ. რაც შეეხება თავად ინტერვიუს, რომელიც უფრო ორი თანამოაზრის საუბარს წააგავდა, რისი უფლებაც ცხადია ისეთ ავტორიტეტულ ჟურნალისტსაც აქვს როგორც კარსონია - ის გაჯერებული იყო გზავნილებით, რომელსაც არც ისტორიასთან და არც რეალობასთან აქვს საერთო. #ახალიამბები #BusinessMediaGeorgia
კვირის მანძილზე დადასტურდა წამყვანი თურქული კომპანიის ბაირაქტარის მიმართება უკრაინაში ქარხნის გახსნასთან დაკავშირებით, მეტიც - დაიდო კონკრეტული ვადებიც, მოცულობები და ინვესტიციები. ცხადია, ასეთ მნიშვნელოვან თემას აქვს მრავალმხრივი მიმართება და გავლენა, მათ შორის გეოპოლიტიკურიც. მნიშვნელოვანი დეტალია, რომ ამ კომპანიის ავანგარდში, მმართველობასა და აქციონერებში პრეზიდენტ ერდოღანის ოჯახის წევრები არიან. #ახალიამბები #BusinessMediaGeorgia
2021 წელს შვეიცარიული საათების ფრანგული ბრენდი "დეგიღე" ამოქმედდა. ბრენდის დამფუძნებელმა ლუკას ღუაიემ კი საათების დიზაინის შექმნა სრულად ტიხრული მინანქრის ქართველ დიზაინერებს ნიკოლოზ ფანჩულიძესა და ლიკა მესხს მიანდო. გავიდა წლები და დღემდე არაფერი შეცვლილა - ფრანგული ბრენდისთვის კვლავ მხოლოდ ქართველი დიზაინერები მუშაობენ. საათები მთელი მსოფლიოს მასშტაბით, ჯერ-ჯერობით, ონლაინ იყიდება, თუმცა ბრენდს დიდი გეგმები აქვს, მათ შორის მაღაზია-ბუტიკის თბილისში გახსნაც, რაც, ცალსახად, ქართველი დიზაინერების ჩართულობის გავლენაა. ➡️ნიკოლოზ ფანჩულიძე - ტიხრული მინანქრის დიზაინერი; #ახალიამბები #BusinessMediaGeorgia
მალე Swissotel თბილისში ადგილობრივ და უცხოელ სტუმრებს უმასპინძლებს. ის წარმოადგენს კომპანიათა ჯგუფს, რომლებიც საქართველოს ეკონომიკის ძირითად სექტორებში საინვესტიციო პროექტებს ახორციელებენ. საქართველოში განხორციელებული ინვესტიციების მოცულობით „MAQRO GROUP“ ხუთიდან ერთ-ერთ წამყვანი ინვესტორი კომპანიაა. პირდაპირი ინვესტიციების ოდენობა 270 მლნ. აშშ დოლარს აჭარბებს. Swissotel Tbilisi კი MAQRO GROUP-თან პარტნიორობით შედგა და ცხადია, ეს ყველაფერი ვერ მოხდება რომ არა საიმედო ადგილობრივი პარტნიორები, TBC-ს სახით. ➡️ერდოღან შაჰინი - სასტუმრო „Mercure“ & „Swissotel Tbilisi“, გენერალური მენეჯერი; ➡️ნათია სონიშვილი - "თიბისი", კორპორატიული კლიენტების მომსახურების დეპარტამენტის უფროსი, ვიცე-პრეზიდენტი; ➡️გიორგი ისაკაძე - BMG, გენერალური პროდიუსერი; #ახალიამბები #BusinessMediaGeorgia
ელექტროენერგიის დაზოგვის მიზნით, მსოფლიოში არაერთი ქვეყანა ე.წ. ზაფხულის დროის ეკონომიკას იყენებს. მსოფლიო საზოგადოება დღემდე კამათობს, საჭიროა თუ არა წელიწადში ორჯერ დროის გადაწევა და ამის გამო, სულ უფრო მცირდება იმ ქვეყნების რაოდენობა, რომლებიც საათს მარტის ბოლო კვირას ერთი საათით წინ წევენ, ხოლო ოქტომბრის ბოლო კვირას საათის ისრებს უკან აბრუნებენ და ზამთრის დროს უბრუნდებიან. #ახალიამბები #BusinessMediaGeorgia
კომპანია McDonald’s-ს საქართველოში არსებობის 25 წელი შესრულდა. კომპანიის მესვეურებმა დაბადების დღე თანამშრომლებთან და მოწვეულ სტუმრებთან ერთად მათ პირველ რესტორანში, რუსთაველის გამზირზე, ზემელზე აღნიშნეს. კომპანია დღემდე ორიათასამდე ახალგაზრდას ასაქმებს თავის რესტორნებში, შარშან ბიუჯეტში 33 მლნ ლარი, ხოლო წლევანდელი შენატანები სავარაუდოდო 40 მლნ ლარს მიუახლოვდება, რადგან კომპანია იზრდება და წლევანდელი საინვესტიციო გეგმა 30 მლნ ლარის ინვესტირებას ითვალისწინებს. ჯამურად, დაარსების დღიდან კომპანიამ საქართველოს ეკონომიკაში 150 მლნ ლარზე მეტი ინვესტირება განახორციელა და გადაჭარბების გარეშე, ეს არის დამოუკიდებელი საქართველოს არსებობის ისტორიაში ერთ-ერთი გამორჩეული ბიზნეს ისტორია. ➡️თემურ ჭყონია - “მაკდონალდს საქართველოს” პრეზიდენტი; #ახალიამბები #BusinessMediaGeorgia
ციფრული ლარის საპილოტე პროექტი ინტერვიუ: Ripple ვიცე-პრეზიდენტი, ჯეიმს უოლისი; ძალიან საინტერესოა პროცესი, რომელსაც საქართველოს ეროვნული ბანკი წარმართავს და მას ციფრული ლარის საპილოტე პროექტი ჰქვია. საქართველოს წამყვანმა ფინანსურმა უწყებამ პარტნიორად ამ საპილოტე პროექტში მსოფლიოში ცნობილი ციფრული ვალუტის პლატფორმა, Ripple აარჩია. კომპანიის წარმომადგენლები და ექსპერტები ხშირად სტუმრობენ საქართველოს, არიან მუდმივ კავშირზე ეროვნულ ბანკთან. ღირს აღნიშვნად, რომ ციფრული ვალუტის დამკვიდრება მსოფლიოს უმეტეს ქვეყანაში, ჯერჯერობით, საპილოტე ანუ სატესტო რეჟიმში რჩება. წარმოგიდგენთ, ინტერვიუს კომპანია Ripple-ის ერთ-ერთ მაღალჩინოსანთან, ცენტრალური ბანკებთან ჩართულობის მიმართულების ვიცე პრეზიდენტ ჯეიმს უოლისთან. ➡️ჯეიმს უოლისი - Ripple, ვიცე-პრეზიდენტი; ➡️გიორგი ისაკაძე - BMG, გენერალური პროდიუსერი; #ახალიამბები #BusinessMediaGeorgia
სტიქიური მოვლენები & საქართველო რა ვისწავლეთ წარსული ტრაგედიებიდან? ხაშურის მუნიციპალიტეტის სოფელ ტაშისკართან, მთის ფერდობიდან ღელეს მიმართულებით, მიწის მასა და ხეები ჩამოიშალა. ისმის კითხვა, რამდენად მზად ვართ სისტემურ დონეზე პრევენციებისთვის, ანუ შევძლოთ არსებული რეალობის პირობებში მაქსიმუმი და დავიცვათ თავი, სიცოცხლე შესაძლო ტრაგედიებისგან? ვისწავლეთ თუ არა შეცდომებზე ამ მიმართულებით? #ახალიამბები #BusinessMediaGeorgia
მინისტრების თანამდებობებზე დანიშვნის შემდეგ საკადრო ცვლილებები ორ სამინისტროში - თავდაცვის, ეკონომიკისა და მდგრადი განვითარებისა სამინისტროებში განხორციელდა. პირველი ვიცე-პრემიერის, ეკონომიკისა და მდგრადი განვითარების მინისტრის - ლევან დავითაშვილის პირველი მოადგილე, რომეო მიქაუტაძე, ნინო ენუქიძემ ჩაანაცვლა, რომელიც მანამდე მოადგილის თანამდებობას იკავებდა. ახლად დანიშნული თავდაცვის მინისტრის - ირაკლი ჩიქოვანის მოადგილე, გიორგი ხაინდრავა, სერგო ჯანელიძემ ჩაანაცვლა. თავდაცვის მინისტრის პირველი მოადგილის პოზიცია დატოვა ლელა ჩიქოვანმა და მოადგილემ - გიორგი ბუბუნაურმა. ირაკლი ჩიქოვანის მოადგილეების პოსტებზე მუშაობას განაგრძობენ - დავით სუჯაშვილი და გრიგოლ გიორგაძე. #ახალიამბები #BusinessMediaGeorgia
საქართველოს მთავრობა კვირის ბოლოს დამტკიცდა, და უმეტესწილად ძველი შემადგენლობის მინისტრთა კაბინეტს მმართველი პოლიტიკური პარტიის ყოფილი თავმჯდომარე, ირაკლი კობახიძე უხელმძღვანელებს. მას პოლიტიკური მემკვიდრის სტატუსი პარტიაში მისი დამფუძნებლისგან, ბიძინა ივანიშვილისგან ერგო, რომლის საპატიო თავმჯდომარედ არჩევას უკვე კობახიძის გაპრემიერებაც მოჰყვა. #ახალიამბები #BusinessMediaGeorgia
#ბიზნესისკვირეული - გიორგი ისაკაძის პროლოგი / 11.02.2024 #ახალიამბები #BusinessMediaGeorgia
ყველაფერი გრემის 66-ე დაჯილდოების შესახებ #ახალიამბები #BusinessMediaGeorgia
სარეკლამო ინდუსტრიაში სატელევიზიო რეკლამები მნიშვნელობას არ კარგავს და მისი წილი კვლავაც დიდია. 2023 წელს, წინა წელთან შედარებით, ჯამურად სარეკლამო ბაზრის 16% -იანი ზრდა დაფიქსირდა. აქტიურობის კუთხით გამოირჩეოდნენ უძრავი ქონების, კვების, სილამაზისა და ჯანმრთელობის კატეგორიის ბრენდები. განსაკუთრებული ზრდა დაფიქსირდა სამშენებლო კომპანიების კატეგორიაში და მათ მთლიან სატელევიზიო სარეკლამო ბაზრის 8% დაიკავეს. დეველოპერულ კომპანიებს შორის ტოპ განმთავსებელი “არქი ჯგუფია”, რომელსაც შესაბამის კლასტერში 30%-იანი წილი უჭირავს. ტრადიციული მედიის მაყურებელი უფრო მაღალ ასაკობრივ ჯგუფებში შეიმჩნევა, თუმცა, შეინიშნება ახალგაზრდა აუდიტორიის ინტერესიც. ტელეყურებადობაში მნიშვნელოვან წილს, 43%-ს იკავებს სერიალები, რომელსაც 22%-იანი წილით საინფორმაციო გამოშვებები მოჰყვება. საქართველოში, ტელევიზიას ყველაზე დიდი აუდიტორია იანვარსა და თებერვალში ჰყავდა, ყველაზე მცირე კი – ივლისსა და აგვისტოში, რაც გლობალური ტრენდის ანალოგიურია. სტუმრები: რუსუდან ბერიანიძე - betterfly media-ს მედია დირექტორი; თემურ ბლიუმგარდტი - McCann group-ის გენერალური მენეჯერი; ელენე ბარათაშვილი - კომპანია "არქის" მარკეტინგის ხელმძღვანელი; #ახალიამბები #BusinessMediaGeorgia
ფასეული უძრავი ქონების კომპანია "სიმეტრიას" პრემიუმ კლასის პროექტის, "სიმეტრია პარკის" მშენებლობა დასკვნით ეტაპზეა. ოქროყანაში მდებარე უბნის 60% უკვე აშენებული, პროექტის 75% კი გაყიდულია. "სიმეტრია პარკი" 20 000 კვ/მ ფართობზეა განთავსებული და იგი 39 ბინასა და 31 კერძო, ინდივიდუალურ სახლს აერთიანებს. თითოეულ ინდივიდუალურ სახლს პარკინგი და დამოუკიდებელი შიდა ეზო აქვს. ბინები ადაპტირებულია შეზღუდული შესაძლებლობის მქონე პირებისთვის. გარდა ამისა, "სიმეტრია პარკის" მობინადრეებისთვის გათვალისწინებულია დამატებითი ინფრასტრუქტურა და სერვისები, მათ შორის სპორტული დარბაზი, სპა ცენტრი, მრავალფუნქციური ღია და დახურული საბავშვო მოედანი, ცენტრალური პარკი, გამწვანებული ქუჩები, საფეხმავლო და ველობილიკები, მისაღები სივრცე და კონსიერჟი, შეხვედრების ოთახი და ბიბლიოთეკა, ტერიტორიის 24 საათიანი დაცვა, ვიდეოუსაფრთხოების სისტემა, საერთო სივრცეების მოვლა და ტერიტორიაზე კომერციული ობიექტები. სტუმარი: დავით ბუაძე - "სიმეტრია პარკის" გაყიდვების ხელმძღვანელი #ახალიამბები #BusinessMediaGeorgia
კომპანია „ ორბი ჯგუფმა" ბახმაროში, 350 პრემიუმ კლასის ნომერზე გათვლილი, მრავალფუნქციური სასტუმროს მშენებლობა და გაყიდვები დაიწყო. აპარტამენტების მინიმალური ფასი კვადრატულ მეტრზე 1 500 დოლარიდან იწყება, მაქსიმალური ღირებულება კი, 5000 დოლარს აღწევს. მრავალფუნქციური კომპლექსი გააერთიანებს სპორტულ მოედნებს, რესტორნებს, კაფეებს, სპა და სპორტულ გამაჯანსაღებელ ცენტრებს, მოეწყობა ასევე დასასვენებელი პარკი, ატრაქციონები, რეკრეაციული ზონები, ბავშვთა გასართობი ცენტრი, კინო-თეატრი, საცურაო აუზი და პარკინგი, რაც კურორტს საშუალებას მისცემს ყოველწლიურად 300 000-ზე მეტ ტურისტს მოემსახუროს. ბახმაროში არსებული მკაცრი კლიმატური პირობებიდან გამომდინარე, მშენებლობის ხანგრძლივობა დაახლოებით 2 წლის ვადაზეა გათვლილი და 2025 წლის ბოლომდე დასრულდება. კომპანია "ორბიში" ირწმუნებიან, რომ სასტუმრო კომპლექსი ადაპტირებული იქნება ადგილობრივ ლანდშაფტთან, თუმცა პროექტის დღის სინათლეზე გამოტანისთანავე საზოგადოებაში მას დიდი ვნებათაღელვა მოჰყვა. ურბანისტები და არქიტექტორები აცხადებენ, რომ პროექტი წინააღმდეგობაშია გაეროს მდგრადი განვითარების მიზნებთან. სტუმარი: ანი ბიბილაშვილი - Urban Development Institute • ურბანული განვითარების ინსტიტუტი-ის დამფუძნებელი და ხელმძღვანელი; #ახალიამბები #BusinessMediaGeorgia
საუკუნის ტრანსფერი ფორმულა 1-ში - ლუის ჰამილტონი მომდევნო სეზონიდან “ფერარის” პილოტი იქნება #ახალიამბები #BusinessMediaGeorgia