ციფრული ტექნოლოგიების ბატონობის სამყაროში, განსაკუთრებით აქტუალური ის ქვეყნები გახდა რომელთაც შეუძლია ყველაზე მეტად მოიზიდოს ადამიანები, ვინც ოფისში არ მუშაობენ და კონტრაქტით გათვალისწინებულ ვალდებულებებს დამსაქმებელთან შეთანხმებით, დისტანციურად ასრულებენ. დისტანციური შესრულება ვალდებულებისა, სულაც არ გულისხმობს, რომ დასაქმებული ფიზიკურად იყოს წარმოდგენილი იმ ქვეყანაში სადაც მას კონტრაქტი დაუდეს. ამან სწორედ კოვიდ პანდემიის შემდეგ გააჩინა ქვეყნები და ქალაქები, რომლებიც დღენიადაგ ზრუნავენ, რომ ასეთი ადამიანები, რომლებიც ასიათასობით არიან უკვე მსოფლიოში, თავისკენ მოიზიდონ. ასეთ ადამიანებს ბიზნესი ნომადებს ეძახის. #ახალიამბები #BusinessMediaGeorgia
დღეს მხოლოდ ქართულის რუბრიკაში კომპანია - "აა პლასტის" შესახებ გიყვებით, რომელიც წლებია ქართულ ბაზარს პოლიეთილენის ნაწარმს აწვდის. სამი წლის წინ, კი კომპანიამ ახალი პროექტები აამოქმედა, რომელიც სარწყავი არხების წარმოებას მოიცავს. რამდენიმე მილიონიანი ინვესტიციის განხორციელების შემდეგ, სიმძლავრეები გამართეს და სრულად ქართული, სოფლის მეურნეობის პროდუქტის წარმოებასაც აქტიურად შეუდგნენ. #ახალიამბები #BusinessMediaGeorgia
რამდენიმე კვირის წინ,წლევანდელ საკმაოდ ცივ ზამთარში თბილისის 150 000 აბონენტი ანუ 150.000 ოჯახი გაზის, ბუნებრივი აირის გარეშე დარჩა-მიზეზი გაზსადენი მილის დაზიანება იყო. "თბილისის ენერჯიმ" მიმდინარე კვირაში სემეკში საჯაროდ წარმოადგინა ფაქტები, რომელიც ადასტურებს, რომ დაზიანებული მილსადენის ტერიტორიაზე მძიმე ტექნიკა მოძრაობს, რამაც შესაძლოა გაზსადენის დაზიანება გამოიწვია. მათი შეფასებით, ადგილზე აქტიური განაშენიანების პროცესია, დადგენილ წესებს კი არავინ იცავს. #ახალიამბები #BusinessMediaGeorgia
გიყვებით, საქართველოს ეკონომიკის გამორჩეული ინდუსტრიის ასევე, საკმაოდ გამორჩეულ და ამბიციურ მოთამაშეზე. ის ბაზარზე შედარებით ახალბედაა, თუმცა შეძლო საკუთარი თავის დამკვიდრებაც და პარტნიორთა მნიშვნელოვანი პორტფელის შეკვრაც. ბიზნესის უწყვეტობა, მრავალფეროვანი არჩევანი, მაღალი ხარისხი და სანდოობა, ის მთავარი ფაქტორებია, რაც „მეტროპოლის“ აღმასრულებელ გუნდს კომპანიის უპირატესობად მიაჩნია. ამ კვირაში გადავწყვიტეთ ამ კომპანიას ვწვეოდით და დეტალებში გვემსჯელა თემებზე და არცთუ დიდი ხნის წინ დაარსებული კომპანიის მისიაზე. კომპანიის მენეჯმენტის თქმით, ბიზნესის წარმოების არჩეული ხედვა არც მიმდინარე წელს შეიცვლება. მამუკა იმედაშვილი „მეტროპოლის“ გასული წლის შედეგებს აჯამებს და დაგეგმილ სიახლეებზე საუბრობს. #ახალიამბები #BusinessMediaGeorgia
USAID-ის ბედი კვლავ ბუნდოვანია. ამ დროისთვის მხოლოდ ის ვიცით, რომ აშშ-ის საერთაშორისო განვითარების სააგენტო სახელმწიფო დეპარტამენტის ზედამხედველობის ქვეშ იქნება. თუმცა რა ფორმით გააგრძელებს USAID ფუნქციონირებას და პროგრამების დაფინანსებას მათ შორის საქართველოში, ჯერ უცნობია. არადა სააგენტო ქვეყნის ერთ-ერთი მსხვილი დონორი იყო. ქართველი ბენეფიციარები ამბობენ, რომ USAID-ის ჩანაცვლება რთულია და პროექტების გაგრძელებას იმედოვნებენ #ახალიამბები #BusinessMediaGeorgia
კიევში ჩასულმა კეიტ კელოგმა პრეზიდენტ ზელენსკის განახლებული შეთანხმება დაუდო მაგიდაზე, რომელიც უკრაინის მინერალებისა და წიაღისეული ათვისებას ითვალისწინებს. საინტერესოა, რაში მდგომარეობას ამერიკის განახლებული შეთავაზება. #ახალიამბები #BusinessMediaGeorgia
გიორგი ისაკაძის საავტორო პროლოგი /23.02.2025 #ახალიამბები #BusinessMediaGeorgia
პრეზიდენტმა ტრამპმა ვოლოდიმირ ზელენსკის უწოდა დიქტორი, საშუალო დონის კომიკოსი მსახიობი და ქურდი, რომელმაც არ იცის სად წავიდა ფული და არც აპირებს მის დაბრუნებას. პრეზიდენტმა ტრამპმა ასევე ბრძანა, რომ რუსეთი არ არის აგრესორი და ყველაფერში დამნაშავე სწორედ ზელენსკია, რადგან მას არ სურდა სამშვიდობო შეთანხმება რუსეთთან. მისი განკარგულებით, გაიმართა მოლაპარაკებები, მათ შორის, უკრაინის თემაზე ამერიკელ და რუს დიპლომატებს შორის, მაგრამ ამ მოლაპარაკებებზე არ იყო წარმოდგენილი თავად სახელმწიფო უკრაინა. ის დაემუქრა უკრაინას, რომ გაუთიშავს სატელიტურ კავშირს, სტარლინკს თუ ის არ მოაწერს ხელს ხელშეკრულებას სასარგებლო წიაღისეული და მინერალების გადმოცემაზე. ასევე, გასცა განკარგულება, რომ ოვალური საპრეზიდენტო ოთახიდან თეთრ სახლში გაეტანათ სპეციალური წმენდისთვის რეზოლუტის სახელით ცნობილი, ისტორიული საპრეზიდენტო მაგიდა, რომელსაც შეეხო მილიარდერ ილონ მასკის მცირეწლოვანი შვილი. პრეზიდენტი ტრამპი, ამ კვირაშიც წუხდა ჰამასისთვის გაგზავნილი პრეზერვატივების შესახებ, რომელზეც მისი დათვლით ამერიკამ არა 50, არამედ მთელი 100 მლნ დახარჯა. #ახალიამბები #BusinessMediaGeorgia
გასული კვირის მნიშვნელოვანი ამბების მიმოხილვა / 16 - 23 თებერვალი
რა გვასწავლა COVID 19 პანდემიამ? - ამირან გამყრელიძის საავტორო ეპილოგი / 23.02.2025 #ახალიამბები #BusinessMediaGeorgia
5 წელი გავიდა კოვიდ პანდემიის დაწყებიდან. კოვიდი როგორც ვირუსი მნიშვნელოვნად შესუსტდა, მაგრამ ისიც ფაქტია,კოვიდი არსად წასულა და ჩვენც მასთან ერთად ვისწავლეთ თანაცხოვრება.კოვიდ პანდემიაში, რა თქმა უნდა კარგი არაფერია, მაგრამ მსოფლიო კრიზისმა გარკვეულწილად, ცხოვრების ცალკეული მიმართულებების გაუმჯობესებაც გვაიძულა.კაცობრიობას ისეთი ამოცანები დაუსვა და დაუსახა, რომ ამასობაში ვისწავლეთ დისტანციური მუშაობა და ამან დროის დაზოგვა გვასწავლა,დახურულ სივრცეში ყოფნის შიშმა ჰაერზე გაგვიყვანა. ბევრი ცუდი რამ გავიარეთ, მაგრამ საზოგადოებამ ცალკეული დადებითი უნარებიც გამოვიმუშავეთ. გადავწყვიტეთ, ხუთი წლის თავზე, კიდევ ერთხელ გადავავლოთ თვალი კოვიდის პერიოდს, როცა მსოფლიოს ქვეყნები, დიდი თუ პატარა - ერთნაირად ებრძოდა ვირუსს და როცა ჯანდაცვის და მედიცინის სამეცნიერო სამყარო სრულიად დაუჯერებელ დროში ერთი გუნდი გახდა, რათა დაჰპირისპირებოდა საუკუნის გამოწვევას კოვიდ პანდემიის სახით. #ახალიამბები #BusinessMediaGeorgia
COVID 19 პანდემია - რა გვასწავლა 3 წლიანმა პანდემიამ? სტუმარი: ➡️ ზაზა წერეთელი - ჯანდაცვის მსოფლიო ორგანიზაციის, უნივერსალური ჯანმრთელობისა და პანდემიებისთვის მზადყოფნის მიმოხილვის მრჩეველთა ჯგუფის წევრი; ჯანდაცვის ექსპერტი; ➡️ამირან გამყრელიძე - პროფესორი, გადაცემის წამყვანი; ➡️ნინი ლონგურაშვილი - გადაცემის წამყვანი; #ახალიამბები #BusinessMediaGeorgia
ამირან გამყრელიძეს საავტორო პროლოგი - რა გვასწავლა COVID 19 პანდემიამ?
ბურკინა-ფასოში პირველი ელექტრომობილი შექმნეს #ახალიამბები #BusinessMediaGeorgia
Meta და Ray-Ban-ი 10 მილიონი სათვალის გაყიდვას გეგმავენ; #ახალიამბები #BusinessMediaGeorgia
როგორ შეცვალა Apple-მა სუპერ ბოული და მისი სარეკლამო ინდუსტრია? #ახალიამბები #BusinessMediaGeorgia
რას აკეთებს YouTube-ი, როცა TikTok-ერები ნერვიულობენ? #ახალიამბები #BusinessMediaGeorgia
ინტერნეტში ყველაზე პოპულარული ვიდეოების რეიტინგი #ახალიამბები #BusinessMediaGeorgia
YouTube-ი 20 წლის გახდა - როგორია მისი შედეგები? #ახალიამბები #BusinessMediaGeorgia
21-22 თებერვალს ბათუმში ტურიზმის სამიტი ჩატარდება. ტურისტერის მთავარი თემა მიმდინარე ვითარების გათვალისწინებით დარგში არსებულ მოლოდინები და გამოწვევები იქნება. 2 დღიან სამიტს 20-მდე სკიპერი და 300-მდე დამსწრე ეყოლება. კონფერენციის ფარგლებში დაგეგმილია ოთხი თემატური პანელის ჩატარებაც. სტუმრები:
თბილისში, რიყის დოქების მიმდებარედ 16 წლის მოზარდის ტრაგიკული გარდაცვალების შემდეგ, გასული კვირის მიწურულს ქვეყანაში მორიგი ტრაგედია დატრიალდა. ბათუმში, „ოცნების ქალაქის“ ტერიტორიაზე ორი არასრულწლოვანი თხრილში ჩავარდა და დაიღუპა. როგორც ადგილობრივი მერია და მთავრობის წევრები აცხადებდნენ, შემთხვევა არა სამშენებლო სამუშაოების ტერიტორიაზე, არამედ მის მიმდებარედ მოხდა. თავის მხრივ მომხდარზე განცხადება გაავრცელა პროექტში გამარჯვებულმა კომპანია "ანაგმაც." მათი თქმით, შემთხვევის ადგილი სამშენებლო მოედნის ფარგლებს მიღმაა და კომპანიას აღნიშნულ ტერიტორიაზე არანაირი სამუშაო არ უწარმოებია. ინფორმაციისთვის, ბათუმთან ახლოს, ფრიდონ ხალვაშის გამზირის მიმდებარედ, უკვე მეთორმეტე წელია, მაღალმთიანი აჭარიდან წამოსული ოჯახები არაფორმალურ დასახლებაში ცხოვრობენ. ეკომიგრანტებმა დასახლება თვითნებურად გააშენეს და აქაურობას „ოცნების ქალაქიც“ თავად დაარქვეს. მათი საცხოვრებლის უზრუნველყოფისთვის პირველი ეტაპის ფარგლებში კი, ოფიციალური ინფორმაციით, სამი 12-სართულიანი კორპუსი აშენდა, სადაც უკვე 582 ოჯახი დაბინავდა. მრავალბინიანი საცხოვრებელი კომპლექსის სამშენებლო სამუშაოების მეორე ეტაპში სახელმწიფო შესყიდვა შპს "ანაგმა" სულ ცოტა ხნის წინ მოიგო. სწორედ ის ააშენებს 9 მრავალბინიანი საცხოვრებელ სახლს, რომლებშიც 1 077 ოჯახი მიიღებს ბინას. ტენდერის ჯამური ღირებულება 109.6 მლნ ლარია. კომპანიამ 2025 წლის 5 თებერვალს გაფორმებული კონტრაქტი 2028 წლის 6 მარტს უნდა დაასრულოს. გამორიცხავს თუ არა ეს ფაქტი კომპანიის პასუხისმგებლობას და რა როლი ეკისრება ამ შემთხვევებში ადგილობრივ მთავრობებს? სტუმარი: უჩა ზაქაშვილი - სამშენებლო სამართლის სპეციალისტი; #უძრავიქონებისპროსპექტი თათია ჩაფიჩაძე & გუგა კობახიძესთან ერთად #ახალიამბები #BusinessMediaGeorgia
საქართველოში არ წყდება საპროტესტო დემონსტრაციები, შიმშილობას აგრძელებს ნეტგაზეთის და ბათუმელების დამფუძნებელი მზია ამაღლობელი. მე არ ვიცი,დიდი ხანია ხელი მაქვს ჩაქნეული მმართველი პარტიის ადეკვატურ აღქმაზე პროცესებისა, მაგრამ დაზუსტებით შემიძლია მხოლოდ ერთის თქმა რომ პროტესტი არ ამოიწურება. ის ახალ საეტაპო მიღწევებზე გავა, რასაც რუსთაველის გამზირზე შეკრებული ხალხი უკვე ამტკიცებს, სრულიად ახალი მშვიდობიანი მიდგომებით, აგერ უკვე სამი თვეა. მზია ამაღლობელი მშობლიურ ბათუმში,კვირის ბოლოს ნამდვილი ტრაგედია დატრიალდა, ბათუმში, „ოცნების ქალაქის“ ტერიტორიაზე ორი არასრულწლოვანი თხრილში ჩავარდა და დაიღუპა.„ბათუმელების“ ინფორმაციით, დაიღუპნენ 4 და 5 წლის ბავშვები. როგორც გამოცემა წერს, ისინი იმ ტერიტორიაზე ჩავარდნენ ორმოში, სადაც სამშენებლო სამუშაოები მიმდინარეობს. შეერთებული შტატები ბელორუსთანაც იგივე გზას გადის რაც რუსეთთან, და ალექსანდრე ლუკაშენკოსთან მივლენილი იყო ამერიკელი მაღალჩინოსანი, კერძოდ კრისტოფერ სმიტი, რომელსაც ბელორუსის პრეზიდენტთან შეხვედრის გარდა, გადასცეს სამი პატიმარი,საიდანაც ერთი ამერიკელია და ორი ბელორუსი. რაც შეეხება ტრამპის და პუტინის შეხვედრას,ორთავე მხარე ცდილობს რომ ეს შეხვედრა თებერვლის ბოლომდე შედგეს. თუმცა, საბოლოოდ როგორი იქნება სამშვიდობო კონტურები და როგორ ფორმას მიიღებს სამშვიდობო შეთანხმება, ქართველი მარჩიელების გარდა არავინ იცის. #ახალიამბები #BusinessMediaGeorgia
მიმდინარე კვირას ცნობილი ბრიტანელი ბიოლოგისა და ბუნებისმეტყველის საიუბილეო თარიღი იყო. 216 წლის წინ, 12 თებერვალს ჩარლზ დარვინი დაიბადა, რომელმაც შექმნა მოძღვრება ბუნებრივი გადარჩევის გზით ორგანიზმთა წარმოშობისა და განვითარების შესახებ. ევოლუციის თეორიის ფუძემდებელმა მეცნიერებაში სრული გარდატეხა მოახდინა და კაცობრიობა სამყაროს შეცნობის ახლებურ ხედვას აზიარა. დარვინის ღვაწლის პატივსაცემად, უკვე მრავალი წელია მეცნიერები 12 თებერვალს განსაკუთრებით აღნიშნავენ. #ახალიამბები #BusinessMediaGeorgia
DeliveroW - ქართული საკურიერო კომპანია, რომელიც მთელი საქართველოს მასშტაბით ამანათების განაწილებას უზრუნველყოფს. სერვისი სრულად გამართულია და მაქსიმალურად ერგება მომხმარებლის კომფორტს. ბიზნეს კონცეფცია არამარტო შემოსავლების გენერირებას ისახავს მიზნად, არამედ სრულიად ინდუსტრიის განვითარებას და ლოგისტიკასთან დაკავშირებით ცნობიერების ამაღლებას. სტარტაპი განვითარების ეტაპზეა, თუმცა უკვე საკმაოდ მსხვილი შეკვეთების განხორციელებას და არაერთი კომპანიის მომსახურებას ახერხებენ. გეტყვით იმასაც, რომ DeliveroW პლატფორმა Freebusiness.ge-ს ხელმომწერია, პლატფორმის, რომელიც მიმდინარე მოვლენების კვალდაკვალ ორი ძირითადი მოთხოვნით შეიქმნა, გათავისუფლდნენ უკანონო პატიმრები და ჩაინიშნოს ხელახალი არჩევნები. სწორედ პლატფორმაზე რეგისტრაციისა და პოზიციის დაფიქსირების გამო, კომპანია Deliverow-სთან პარტნიორმა კომპანიებმა მოლაპარაკებები გაწყვიტეს. როგორც ტრანსპორტირების მომსახურების კომპანიაში აცხადებენ, დეკემბრიდან დღემდე დაფიქსირებული პოზიციის გამო სრულყოფილად მუშაობის საშუალება აღარ ეძლევათ. #ახალიამბები #BusinessMediaGeorgia
წარმოგიდგენთ, ქვეყნებს, სადაც ინტერნეტის სიჩქარე ყველაზე მაღალი/დაბალია - 2024. #ახალიამბები #BusinessMediaGeorgia
"პინეო სამედიცინო ეკოსისტემამ" კანადის საერთაშორისო აკრედიტაცია აიღო. 2-წლიანი მუშაობის შემდეგ "პინეო" საერთაშორისო სტანდარტებს სრულად აკმაყოფილებს, რაც პაციენტების მომსახურების მაღალი ხარისხის წინაპირობაა. #ახალიამბები #BusinessMediaGeorgia
წარმოგიდგენთ, კომპანია "ჰოუმერსს", რომელსაც საკმაოდ მნიშვნელოვანი გამოცდილება აქვთ საქართველოს საფინანსო და საინვესტიციო ბაზარზე მუშაობისა. თავად კომპანია, კი საკმაოდ კონკურენტულ და ამბიციურ საქართველოს სამშენებლო დეველოპერულ ბაზარზე შემოვიდა. #ახალიამბები #BusinessMediaGeorgia
2025 წელი ისე დაიწყო, რომ ჯერჯერობით ქვეყანაში ობლიგაციების ემისია არ ყოფილა. სპეციალისტები ამბობენ, რომ პირველი კვარტლის სტატისტიკა როგორც წესი ტენდენციას არ ასახავს, თუმცა მაინც ვცადეთ გარკვევა რა გავლენა ექნება პოლიტიკურ კრიზისსა და ქვეყნის იზოლაციის მზარდ რისკს ფასიანი ქაღალდების ბაზარზე, რომლისთვისაც შარშანდელი წელი საკმაოდ წარმატებული აღმოჩნდა. #ახალიამბები #BusinessMediaGeorgia
რეიტინგებში საქართველოს პოზიციები ძალიან ხშირად გამხდარა საყველაფრო ექსპერტების, მოლაპარაკე თავების და ძალიან მდარე დონის ჩინოვნიკების მანიპულირების საგანი. ასევე, როცა "ქართული ოცნება" და მისი ლიდერები, ამ რეიტინგებს საერთოდ არ აღიარებდნენ და წლობით ნაშენებ ქვეყნის რეპუტაციას, ეჭვის ქვეშ აყენებდნენ. ცხადია, იცვლება ყველაფერი, განსაკუთრებით დამოკიდებულებები ეკონომიკასთან დაკავშირებით და პროპაგანდონების მხრიდან, დღეს ხშირად მოისმენთ სხვადასხვა მანიპულაციებს საქართველოს პოზიციებზე რეიტინგებთან დაკავშირებით. საინტერესოა, რომელია ყველაზე მნიშვნელოვანი საერთაშორისო რეიტინგები და რა პოზიციებზე ამ რეიტინგებში საქართველო 2024 წლის მდგომარეობით? #ახალიამბები #BusinessMediaGeorgia
ძალიან საინტერესო გამოდგა ბიზნესმენ გიორგი ბაჩიაშვილის ინტერვიუ, ჩვენს ერთ-ერთ რედაქტორთან და გადაცემა ანალიტიკას ავტორთან, ელენე კვანჭილაშვილთან. გთავაზობთ ამონარიდს, სადაც გიორგი ბაჩიაშვილი სწორედ იმ ბიზნესმენებზე საუბრობს, რომლებიც ბიძინა ივანიშვილის მმართველობის არა მხარდამჭერებად, არამედ ნაწილად ითვლებიან. გიორგი ბაჩიაშვილის ინტერვიუ “ანალიტიკაში” ელენე კვანჭილაშვილი - “ანალიტიკა”, ავტორი-რედაქტორი;
გიორგი ისაკაძის პროლოგი /16.02.2025 #ახალიამბები #BusinessMediaGeorgia
გასული კვირის მნიშვნელოვანი ამბების მიმოხილვა / 9 - 16 თებერვალი
რა ღირს ჯანდაცვა საქართველოსა & მსოფლიოში? სტუმრები: ➡️აკაკი ზოიძე - ჯანდაცვის პოლიტიკის ექსპერტი; ➡️გიორგი გოცაძე - საერთაშორისო ფონდი "კურაციო", პრეზიდენტი; ➡️ამირან გამყრელიძე - პროფესორი, გადაცემის წამყვანი; ➡️ნინი ლონგურაშვილი - გადაცემის წამყვანი; #ახალიამბები #BusinessMediaGeorgia
ამირან გამყრელიძის საავტორო პროლოგი - 16.02.2025 #ახალიამბები #BusinessMediaGeorgia
რას აკეთებს მილიარდერი, რომელსაც დაბერების შეჩერება სურს? #ახალიამბები #BusinessMediaGeorgia
რატომ გადაერთო ბილ გეიტსი ბირთვული სადგურების მშენებლობაზე? #ახალიამბები #BusinessMediaGeorgia
აშშ-ში გადარიცხვებისთვის, შესაძლოა, ბლოკჩეინი გამოიყენონ; #ახალიამბები #BusinessMediaGeorgia
მასკის სოციალური ქსელი ბანკად ყალიბდება - X-ში გადახდები ემატება #ახალიამბები #BusinessMediaGeorgia
Volkswagen-მა იაფიანი EV-ის გამოშვება გადაწყვიტა #ახალიამბები #BusinessMediaGeorgia
რამდენიმე წლიანი დაგვიანებით მარიჯანის 2-ში არსებული „ცენტრ-პოინტის“ დაუსრულებელი ობიექტის დემონტაჟი დასრულდა, ახალი კომპლექსის მშენებლობა კი სულ ცოტა ხნის წინ დაიწყო. პარალელურად სამუშოები მიმდინარეობს გელოვანის გამზირზე მდებარე ობიექტზეც.
თიბისი კაპიტალმა გაცვლითი კურსის ბიზნეს-ეკონომიკის სერიიდან პირველი პუბლიკაცია გამოაქვეყნა, რომელიც ძირითადად საცხოვრებელი უძრავი ქონების სექტორში პროექტების დაფინანსების ოპტიმალური სტრუქტურის გაანგარიშებას ეხება. სხვადასხვა ქვეყნის მაგალითზე, კვლევა აჩვენებს, რომ აშშ დოლარში გამოსახულ უძრავი ქონების ფასზე გაცვლითი კურსი მნიშვნელოვანი მოქმედი ფაქტორია. საქართველოს შემთხვევაში, შედარებით ძლიერი გაუფასურებების ეპიზოდებში, ზეგავლენა თითქმის 50%-ს შეადგენს. ასევე, იკვეთება კავშირი გამყარების შემთხვევებშიც. ამდენად, შეიძლება ითქვას, რომ უძრავი ქონების ფასები ნაწილობრივ უცხოურ და ნაწილობრივ ადგილობრივ ვალუტაშია დენომინირებული. პუბლიკაციაში ასევე განხილულია დაფინანსების სტრუქტურაში მხოლოდ აშშ დოლარის ნაცვლად, ევროს გამოყენების რაციონალიც, როგორც მოკლევადიანი, ასევე საშუალო და გრძელვადიანი ინდიკატორებიდან გამომდინარე. ამასთან, ასევე დაფარულია საქართველოსა და რეგიონის სხვა ქვეყნების კონტექსტში ევროსა და დოლარის შედარებითი რისკიანობის საკითხიც. ავტორთა შეფასებით, შემოთავაზებული დაფინანსების სტრუქტურა, რომელიც ლარი/ევრო/დოლარის კალათით განისაზღვრება, არა მხოლოდ სტრესული სცენარის დროს არის რაციონალური, არამედ, საბაზო სცენარშიც ბიზნესისათვის უფრო ეფექტიან არჩევანს წარმოადგენს. სტუმარი:ოთარ ნადარაია - "თიბისი ჯგუფი" მთავარი ეკონომისტი ➡️ #უძრავიქონებისპროსპექტი თათია ჩაფიჩაძე & გუგა კობახიძესთან ერთად #ახალიამბები #BusinessMediaGeorgia
#უძრავიქონებისპროსპექტი: უძრავი ქონების კვირის მიმოხილვა
1918 წლის 8 თებერვალს, ხოლო ძველი სტილით 26 იანვარს, დავით აღმაშენებლის ხსენების დღეს, სათავადაზნაურო გიმნაზიის სამ ოთახში, ერთადერთი - სიბრძნისმეტყველების ფაკულტეტის 369 სტუდენტითა და 89 მსმენელით დაიწყო საუნივერსიტეტო განათლება საქართველოში რაც ადასტურებს ისტორიულ ფაქტს, რომ - გაიხსნა ტფილისის უნივერსიტეტი, ანუ თბილისის სახელმწიფო უნივერსიტეტი. და დიახ, კავკასიაში პირველმა ეროვნულმა უნივერსიტეტმა ქართული საგანმანათლებლო ტრადიციების გათვალისწინებით, საფუძველი ჩაუყარა საქართველოში ევროპული ტიპის განათლებას. #ახალიამბები #BusinessMediaGeorgia
“პროფესიონალის” დღევანდელი გმირი კი, ყველასთვის კარგად ნაცნობი დიზაინერი, საქართველოში თუ მის ფარგლებს მიღმა აღიარებული, მისი სახელობის ბრენდის “ციკოლიას” დამფუძნებელი ზვიად ციკოლიაა. განსაკუთრებით საინტერესო ბიოგრაფიის პატრონი პროფესიონალი, რომლის წარმატების დიაპაზონი სამრეწველო და მოდის დიზაინს ფარავს. საათებამდე იყო ავტომობილები, თვითმფრინავები, უნიკალური დიზაინის შექმნა და სხვადასხვა ქვეყნიდან სამშობლოში გრანპრით დაბრუნება. მის სახელსავე უკავშირდება პირველი ქართული ჯავშანტრანსპორტიორის “დიდგორი 914-ის”, სამედიცინო-საევაკუაციო ჯავშანმანქანა “დიდგორი მედევაკის” და ქვეითთა საბრძოლო მანქანა “ლაზიკას” დიზაინი. ცხადია, ეს ყველაფერი არასრული ჩამონათვალია, ზვიად ციკოლიას მიღწევების სია ლამის ყოველდღიურად იზრდება და სულ უფრო მეტ მოსაყოლ ამბავს იტევს… #ახალიამბები #BusinessMediaGeorgia
პანამაში მდებარე ქართული რესტორანი LAMRO პანამა სითის საუკეთესო რესტორნად დასახელდა. საერთო ჯამში, პანამა სითიში 1480 რეგისტრირებული რესტორანია, პანამის მოსახლეობამ კი თავიანთ რჩეულად სწორედ ქართული რესტორანი დაასახელა. რესტორანი პანამაში ერთი წლის წინ გაიხსნა. კონცეფცია სრულად ქართულია - ადგილობრივებს ქართული კერძებით, მუსიკითა და გარემოთი უმასპინძლდებიან, რამაც პანამელების მხრიდან როგორც ქვეყნის, ისე მისი ტრადიციების მიმართ დიდი ინტერესი გამოიწვია. "კრიტერიუმებში სამზარეულო, გარემო და მომსახურება შედიოდა. არც კი გვქონდა ამის მოლოდინი, რეიტინგს თვალს არც ვადევნებდით, მაგრამ 2025 წლის დასაწყისში წერილი მოგვწერეს და თან სერტიფიკატი გამოგვიგზავნეს" - ამბობს LAMRO-ს თანადამფუძნებელი ელენე დიღმელაშვილი. "ზედმეტად დაინტერესდნენ საქართველოთი, პირველად გაიგეს, რომ საქართველოში დაიბადა ღვინო და ღვინის ქვეყანა ვართ, გემოებით და სუნელებითაც ძალიან მოხიბლულები არიან. ვინც ჩვენთან მოდის, ყველა საქართველოში მოგზაურობას გეგმავს. უნდათ, რომ ეს ქვეყანა ნახონ, მის შესახებ ბევრი გაიგონ. მოკლედ, შეიძლება, მალე პანამიდან საქართველოში ტურისტების გაზრდილი ნაკადი იყოს", - აღნიშნა LAMRO-ს აღსანიშნავია, რომ ლოგისტიკური საკითხების მოგვარებისთანავე, რამდენიმე კვირაში პანამის ქართულ რესტორანში საქართველოში წარმოებული ღვინო და ალკოჰოლური სასმელებიც გამოჩნდება, რომელსაც აშშ-დან შეიტანენ. #ახალიამბები #BusinessMediaGeorgia
დიდი ბრიტანეთის პარლამენტი და მარად აქტიური, მაგრამ მოქმედება შენელებული ევროკავშირის სტრუქტურებისგან მოსალოდნელი სანქციები აიძულებს ბატონ ბიძინას, მშვიდად განთავსებული აქტივების ვირჯინიის და სხვა კუნძულების ლეგიტიმაციიდან, გადმოიტანოს საქართველოში, სადაც გაცილებით უსაფრთხო გარემო და მომზადებული კანონმდებლობა ხვდება, რომლის მიხედვითაც, მას არ მოუწევს არცერთი თეთრის გადახდა სახელმწიფო ბიუჯეტში გადასახადების სახით. საქართველოს პარლამენტის საფინანსო საბიუჯეტო კომიტეტმა, ფინანსთა სამინისტროსთან და შემოსავლების სამსახურთან ერთად იზრუნა, როცა გაგანია პროტესტების დროს რუსულ კანონზე საგადასახადო კოდექსში შესაბამისი საგამონაკლისო ცვლილებები მიიღეს რომელიც ცხადია, თავიდანვე მხოლოდ ერთი კაცის და მათი ხელმძღვანელის, ბიძინა ივანიშვილის ინტერესებზე იყო მიბმული. აქ ფანტასტიკის სფეროა ელოდო სხვა მდიდარი ადამიანის ქონების რელოკაციას. ეს გამორიცხულია, ბევრი მიზეზით და უპირველეს ყოვლისა, არავინ არის გარანტირებული მათი ქონების და აქტივების უსაფრთხოებაზე, რადგან ეს ყველაფერი არა ინსტიტუციების უზენაესი და მაღალი სტანდარტების მუშაობით, არამედ მხოლოდ ერთი კაცის კეთილი ნებით გარანტირებული იქნება მხოლოდ. საინტერესოა, რამდენად მოახერხა და როგორ მოახერხა საქართველოს უმდიდრესმა ადამიანმა თავის ქონების გადმოტანა საქართველოში, საიდან გადმოაქვს მას ეს აქტივების და რა კომპანიებს აფუძნებს ამისთვის საქართველოში. #ახალიამბები #BusinessMediaGeorgia
დონალდ ტრამპის განცხადებით, მომდევნო კვირაში იგი უკრაინის პრეზიდენტ ვოლოდიმირ ზელენსკის ვაშინგტონში შეხვდება, რუსეთის პრეზიდენტს კი სატელეფონო ზარით გაესაუბრება -აშშ-ის პრეზიდენტი, დონალდ ტრამპი რუსეთის პრეზიდენტს, ვლადიმერ პუტინს უკრაინის ომის შესახებ ტელეფონით ესაუბრა. ამის შესახებ ტრამპმა New York Post-თან ინტერვიუში განაცხადა. კითხვაზე, რამდენჯერ ისაუბრა პუტინთან, ტრამპმა უპასუხა: „სჯობს, არ ვთქვა“.მისი თქმით, პუტინი დაინტერესებულია ბრძოლის ველზე არსებული ვითარებით და სურს, ადამიანები აღარ იღუპებოდნენ.ტრამპი ინტერვიუში საუბრობს რომ ყოველთვის კარგი ურთიერთობები ჰქონდა პუტინთან, და ბაიდენი ამერიკის სირცხვილი იყოო. მანამდე ტრამპმა არაერთხელ აღნიშნა, რომ მოსკოვსა და კიევს მოლაპარაკებების მაგიდასთან მიიწვევდა. მისივე თქმით, პრეზიდენტ პუტინთან შეხვედრა ინაუგურაციის შემდეგ "ძალიან სწრაფად" სურდა, რასაც კრემლის მხარდაჭერაც ჰქონდა, თუმცა ამ დრომდე შეხვედრისთვის საჭირო სამუშაო დაწყებული არ არის. ტრამპი და ზელენსკი აშშ-ის პრეზიდენტის იმ შეთავაზებას განიხილავენ, რომლის თანახმადაც უკრაინა, ამერიკული სამხედრო დახმარების სანაცვლოდ, თავის ბუნებრივ მინერალებს დათმობს. ამ შემთხვევაში, ტრამპის ფოკუსში იშვიათი მინერალებია, რომელთაც ტექნოლოგიურ ინდუსტრიაში იყენებენ და რომელთა წარმოებაზე მონოპოლია ჩინეთს აქვს, რომელმაც, თავის მხრივ, აშშ-ში ექსპორტი შეზღუდა.სიმართლისთვის უნდა აღინიშნოს, რომ მინერალების სანაცვლოდ იარაღის მიწოდების იდეა ტრამპს არ ეკუთვნის, ეს ინიციატივა უკრაინის მთავრობის მხრიდან წამოვიდა, რომელზედაც ტრამპი დათანხმდა, რადგან ორივე მხარე აცნობიერებს, რომ ერთს იარაღი სჭირდება, მეორეს კი - მინერალები. უკრაინის ბუნებრივ რეზერვებთან დაკავშირებით ზუსტი პროგნოზების გაკეთება რთულია, თუმცა მისი ტერიტორიის და გეოგრაფიული მოწყობის გათვალისწინებით, ქვეყანა უდიდეს რეზერვებს ფლობს, რომელთა წყალობით, აშშ-ის მთავრობა ჩინეთისგან მომავალი ზეწოლის განეიტრალებას, უკრაინა კი რუსეთის წინააღმდეგ თავის დაცვას შეძლებს, რაც ორივე მხარის ინტერესებში შედის. #ახალიამბები #BusinessMediaGeorgia
USAID-ის მიერ მხარდაჭერილი პროგრამა, რომელიც მიზნად საქართველოს შუა დერეფნის კორიდორის განვითარებას ისახავს, რესპუბლიკელმა სენატორებმა ფლანგვად მოიხსენიეს. საუბარია 24.4 მილიონი დოლარის ღირებულების პროექტზე, რომელსაც საქართველოში USAID-ის დაკვეთით Deloitte-ი ახორციელებს. პროექტის პირველი სახელი იყო USAID GREEN TRANSPORTATION AND LOGISTICS PROGRAM - USAID-ის "მწვანე ტრანსპორტისა და ლოგისტიკის პროგრამა", ხოლო მეორე და ამჟამინდელი სახელწოდებაა - USAID MIDDLE CORRIDOR TRANSPORTATION AND LOGISTICS PROGRAM-ი ანუ "USAID-ის შუა დერეფნის ტრანსპორტისა და ლოგისტიკის პროგრამა".USAID-მა აღნიშნული პროგრამა 2024 წლის 15 თებერვალს დაიწყო და ის 4 წელზეა გაწერილი. პროექტის ფარგლებში ამ დრომდე ათვისებული თანხა 8 მილიონ დოლარს შეადგენს."USAID-ის შუა დერეფნის ტრანსპორტისა და ლოგისტიკის პროგრამის მიზანია საქართველოს ეკონომიკისთვის ღირებულების გენერირება შუა დერეფნის გაძლიერებით,"- ნათქვამია პროექტის აღწერაში. შესაბამისად, პროგრამის მიზანს საქართველოში მწვანე ტრანსპორტის და კონკრეტულად ელექტრომობილების მოხმარების ხელშეწყობა არ წარმოადგენს. სავარაუდოდ, პროექტის პირველადი სათაურიდან გამომდინარე ფლანგვის სიის შედგენისას ყურადღება გამახვილდა პროექტის პირველად სახელზე, რომელშიც მწვანე ტრანსპორტი ფიგურირებს, თუმცა თავად პროექტის არსებულ სახელში მწვანე ტრანსპორტი არაა და მის მიზანს ელექტრომობილებით გადაადგილების ხელშეწყობა არ წარმოადგენს. რაც ძალიან მარტივი სანახავია და როცა პრეტენზია გაქვს გადამოწმების მაღალ სტანდარტზე, ვინც არ უნდა იყო, ეს უნდა გადაამოწმო, როცა ეს ქვეყნის სტრატეგიულ მიმართულებას ეხება და ისეთ თემას, რაც არის შუა დერეფანი რომელიც მხოლოდ უკრაინაში ომის დაწყების შემდეგ, გარემოებების გამო გახდა აქტუალური. რაც შეეხება შუა დერეფანს, ის საქართველოს სტრატეგიულ პროექტს წარმოადგენს, რომელიც მოიცავს ქვეყნის ლოგისტიკური ჯაჭვის განვითარებას, რაც გულისხმობს საგზაო, საპორტო, სარკინიგზო და სხვა ლოგისტიკური სექტორების განვითარებას იმისთვის, რათა საქართველომ უფრო აქტიური როლი ითამაშოს ევროპასა და აზიას შორის ვაჭრობაში. შუა დერეფნის და საქართველოს ლოგისტიკური #ახალიამბები #BusinessMediaGeorgia