მსოფლიო ბედნიერების ანგარიში გამოქვეყნდა, რომელიც იმ ქვეყნების რეიტინგს წარმოადგენს, სადაც ხანდაზმულ და ახალგაზრდა მოსახლეობას შორის ბედნიერების ინდექსი ყველაზე განსხვავებულია. ანუ, იმ ქვეყნებს, სადაც ხანდაზმულები უფრო ბედნიერები არიან, ვიდრე ახალგაზრდები. ეს რეიტინგი სხვადასხვა კრიტერიუმების მიხედვით დგინდება და ყველა ქვეყნის შემთხვევაში ინდივიდუალურია, ძირითად შემთხვევაში ეკონომიკურ ფაქტორებსა და საცხოვრებელი გარემოს კეთილდღეობას ეყრდნობა. #ახალიამბები #BusinessMediaGeorgia
ჩინეთი საქართველოში ჩინური მანქანების ბაზრობის გახსნას გეგმავს. როგორც ჩინეთის რესპუბლიკის ელჩმა საქართველოში ჭოუ ციენმა რამდენიმე დღის წინ განაცხადა, ჩინური მანქანების ბაზრობა, სავარაუდოდ, ქუთაისში უკვე მიმდინარე წლიდან გაიხსნება. საქართველოს ავტო იმპორტიორთა ასოციაციაში კი აცხადებენ, რომ ქვეყანა ჰაბის ფუნქციას კარგავ, ერთ-ერთი მიზეზი კი შესაძლოა ჩინური ავტომობილების ბაზრობაც გახდეს. მათი თქმით, უცხოელ იმპორტიორებს ავტომობილები ქვეყნიდან დაყოვნების გარეშე გაჰყავთ, ქვეყანა ტრანსფერის ფუნქციას კარგავს, სადაც იმპორტირებული ავტომობილების მომსახურება და შემდეგ რეექსპორტი ხდებოდა. სექტორი მთავრობასთან შეხვედრას და საკითხის საკანონმდებლო დონეზე დარეგულირებას მოითხოვს. სტუმარი: ალექსი ნონიაძე - "ავტოიმპორტიორთა ასოციაციის" ხელმძღვანელი; #ახალიამბები #BusinessMediaGeorgia
საქართველოს ეროვნული ბანკის მონეტარული პოლიტიკის კომიტეტმა განაკვეთი 0.25 პპ-ით, 8.0%-მდე შეამცირა. ეროვნული ბანკის მიერ გამოქვეყნებულ პრესრელიზში ნათქვამია, რომ რეფინანსირების განაკვეთის შემცირების საფუძველი შექმნა ინფლაციის შემცირებულმა მაჩვენებელმა, რომელიც სამიზნე 3%-იან დონეზე დაბალია. თუმცა, ამასთან სები აღნიშნავს, რომ უკანასკნელ პერიოდში გაზრდილია გაურკვევლობა როგორც საგარეო ფაქტორების, ასევე შიდა ფაქტორებთან მიმართებით, აღნიშნულიდან გამომდინარე კი ეროვნული ბანკი რეფინანსირების განაკვეთის შემცირებას მხოლოდ ფრთხილი ნაბიჯებით გააგრძელებს. რამდენად გონივრულია არსებული შიდა და გეოპოლიტიკური ვითარებიდან მომდინარე განაკვეთის შემცირება? სტუმარი: რამაზ გერლიანი - „ეკონომიკური ტრანსფორმაციის ცენტრის“ დამფუძნებელი; #ახალიამბები #BusinessMediaGeorgia
ევროკავშირის ქვეყნები დივერსიფიცირებული ეკონომიკით გამოირჩევიან. დივერსიფიცირებულია ის პროდუქტებიც რომელთა ექსპორტსაც ევროკავშირი მსოფლიოს მასშტაბით ახორციელებს. მაგალითად გერმანიის ეკონომიკის ერთ-ერთი მსხვილი შემოსავალი ავტომობილების საერთაშორისო ბაზრებზე რეალიზაციაა, მაშინ, როცა ნიდერლანდები ნავთობის ექსპორტზეა დამოკიდებული. ჯამში ყოველწლიურად ევროკავშირი 6 ტრილიონ დოლარზე მეტი ღირებულები პროდუქტის ექსპორტს ახორციელებს. რომელი ქვეყნები ლიდერობენ ექსპორტის მიმართულებით? #ახალიამბები #BusinessMediaGeorgia
„რუსული კანონის“ გამო, ევროკავშირის რამდენიმე ქვეყანა საქართველოს წინააღმდეგ სანქციების დაწესებას, მათ შორის უვიზო მიმოსვლის შეჩერებას ითხოვს. ამის შესახებ სტატია Financial Times-მა გამოაქვეყნა. გამოცემის წყაროს ინფორმაციით, ესტონეთი, ნიდერლანდები, ჩეხეთი და შვედეთი იმ ქვეყნებს შორის არიან, რომლებიც მომავალ კვირას, ევროკავშირის საგარეო საქმეთა მინისტრების შეხვედრაზე შემაკავებელი ზომების განხილვის ინიციატორები იქნებიან. Financial Times-ს ორმა ადამიანმა უთხრა, რომ ზომები მოიცავს საქართველოს მოქალაქეებისთვის ევროკავშირში უვიზო მიმოსვლის გაუქმებას, მიზანმიმართულ სანქციებს და ევროკავშირის სახსრების გაყინვას. საკითხთან დაკავშირებული ოფიციალური პირების ინფორმაციით, ევროპული დედაქალაქები განიხილავენ „საქართველოს მთავრობაზე ზეწოლის განსხვავებულ ზომებს“. სტატიაში აღნიშნულია, რომ კანონის მიღებას წინ უძღოდა არაერთი გაფრთხილება ბრიუსელიდან, რომ კანონის ამოქმედება მნიშვნელოვანი უკუსვლა იქნება ევროკავშირში გაწევრიანების გზაზე. პროცესს ახლავს საქართველოს მოქალაქეების პროტესტი. ამასთან, აშშ-ს კონგრესის წევრებმა მოუწოდეს ბაიდენის ადმინისტრაციას სანქციების მომზადებისკენ. „ევროკავშირი, სავარაუდოდ, ვაშინგტონზე ნელა იმოქმედებს, რადგან ზოგიერთი ქვეყანა შიშობს, რომ უვიზო მიმოსვლის შეჩერებამ შეიძლება უკუშედეგი მოიტანოს, ვინაიდან ბოლო კვირების განმავლობაში, ათიათასობით ქართველი ევროკავშირის დროშებით გამოვიდა ქუჩებში კანონის გასაპროტესტებლად“, - წერს Financial Times-ი. სტუმარი: კორნელი კაკაჩია - „საქართველოს პოლიტიკის ინსტიტუტის“ დირექტორი; #ახალიამბები #BusinessMediaGeorgia
საქართველოში ელექტროენერგიის მოხმარება აპრილში წლიურად 4,1%-ით შემცირდა და 995 გვტ.სთ შეადგინა. მოხმარება საცალო სექტორში 2,4%-ით, ხოლო მსხვილი მომხმარებლების შემთხვევაში 4%-ით გაიზარდა. რაც შეეხება აფხაზეთის მოხმარებას, წლიურად 26.7%-ით არის შემცირებული. ელექტროენერგიის წლიური მოხმარების 4%-იანი შემცირება, აფხაზეთის ავტონომიური რესპუბლიკის მიერ ელექტროენერგიის მოხმარების მკვეთრი კლებითაა განპირობებული“, - ასე განმარტავენ „თიბისი კაპიტალში“ ელექტროენერგიის მოხმარების შემცირების ფაქტორებს. სტუმარი: ლევან მებონია - შპს „ენგურჰესის“ დირექტორთა საბჭოს თავმჯდომარე #ახალიამბები #BusinessMediaGeorgia
თბილისში, საბურთალოზე, ახალი კლინიკა - ჟორდანიას სამედიცინო ცენტრი გაიხსნა. მულტიპროფილური სამედიცინო დაწესებულება, 100 საწოლითაა წარმოდგენილი, რაც ნიშნავს, რომ ჯანდაცვის სექტორისთვის მნიშვნელოვანი ახალი სტრატეგიული ობიექტი იქნება, კლინიკის ადგილმდებარეობა კი, მის გეოგრაფიულ ხელმისაწვდომობას უზრუნველყოფს. ი.ჟორდანიას სახელობის სამედიცინო ცენტრი „ვივო მედიქალ ჯგუფის“ ახალი წარმატებული პროექტია, რომლის დაგეგმარება და აღჭურვა ავტორიტეტული საერთაშორისო ორგანიზაციის მიერ განხორციელდა. აქვე მცირედ ისტორიასაც შევახსენებ ჩვენს მაყურებლებს, ჟორდანიას ბრენდს ჯანმრთელობის სფეროში განვითარების 66-წლიანი ისტორია აქვს - წარმატებული კლინიკის ისტორია იოსებ ჟორდანიას სახელს უკავშირდება. მასზე საუბარი გასული საუკუნის 60-იან წლებში დაიწყო როგორც ადამიანზე, რომელიც უამრავ ადამიანს უანგაროდ ეხმარებოდა და დღემდე გრძელდება, როგორც მოწინავე კლინიკის ფუძემდებელზე. ჟორდანიას კლინიკა საქართველოში ერთ-ერთი პირველი სპეციალიზებული გინეკოლოგიური კლინიკაა, რომელიც დღემდე არ კარგავს მოწინავე პოზიციას ამ მიმართულებით. დღეს ის ქალისა და მამაკაცის რეპროდუქციული მედიცინისა და გინეკოლოგიის მიმართულებით სპეციალიზებული სამედიცინო ცენტრია, რომლის ისტორიაც 1958 წლიდან იწყება. კლინიკის არსებობის განმავლობაში სისტემატურად ინერგებოდა დიაგნოსტიკისა და მკურნალობის თანამედროვე მეთოდები, 2016 წლიდან კი, ი. ჟორდანიას სახელობის ინსტიტუტის VIVO Medical Group- ში გაერთიანების შემდეგ, კლინიკა სრულად განახლდა და ახალი შემადგენლობით დაიწყო ფუნქციონირება. სტუმარი: გიორგი ყიფიანი - "ვივო მედიქალ ჯგუფის" ხელმძღვანელი #ახალიამბები #BusinessMediaGeorgia
მოქალაქე, მოხალისე - ნანა დიხამინჯია ნანა დიხამინჯია - ტექნოლოგიური ინჟინერი; ავტორები: მანანა მანჯგალაძე, ედგარ ყაზახაშვილი, ლადო ცხადაია #ახალიამბები #BusinessMediaGeorgia
ბიოდიზელის წარმოება საქართველოში და EU-ში ექსპორტი - #საუბრები ბიზნესსა და ევროკავშირზე ინტერვიუერი: სალომე ზურაბიშვილი - გაეროს გლობალური შეთანხმების საქართველოს ქსელის აღმასრულებელი დირექტორი; სტუმრები: მურმან პატარაია - "ბიოდიზელ ჯორჯიას" მმართველი პარტნიორი; კახა ქარჩხაძე - "ბიოდიზელ ჯორჯიას" სამეცნიერო კონსულტანტი, ილიაუნის პროფესორი; #ახალიამბები #BusinessMediaGeorgia
ნებისმიერ კრიზისს, როგორც წესი მომხმარებელთა ქცევის ცვლილება მოჰყვება, ადამიანები არააუცილებელი ხარჯების შემცირებას იწყებენ, რაც თავის მხრივ კომპანიების შემოსავლების შემცირებას განაპირობებს და ბიზნესს ხარჯების ოპტიმიზაციისკენ უბიძგებს. რუსული კანონის მიღებით ქვეყანაში შექმნილი პოლიტიკური კრიზისი სამომხმარებლო ბაზარზე ნეგატიურად უკვე აისახა და მეტიც, სტატუს კვოს შენარჩუნების შემთხვევაში, ბიზნესი კიდევ უფრო უარესი სცენარისთვის ემზადება. რა გავლენას მოახდენს კრიზისის დროს, მომხმარებელთა შეცვლილი ქცევა ქართულ ბიზნესსა და ეკონომიკაზე? #ახალიამბები #BusinessMediaGeorgia
საერთაშორისო ვაჭრობის ევოლუციით, გლობალიზაციის შედეგებით და ტექნოლოგიების პროგრესით, გლობალური ვაჭრობა ბოლო 20 წლის განმავლობაში დაახლოებით 300%-ით გაიზარდა. გასულ წელს კი, გლობალური ექსპორტის ღირებულებამ 25 ტრილიონ დოლარს მიაღწია. მსოფლიოს უმსხვილესი ეკონომიკის მქონე ქვეყნებისთვის, რომელია დღეს მთავარი საექსპორტო საქონელი? #ახალიამბები #BusinessMediaGeorgia
#საქმიანიდილა - 23 მაისი - პროლოგი #ახალიამბები #BusinessMediaGeorgia
უცხოური გავლენების გამჭვირვალობის შესახებ“ მესამე მოსმენით კანონის მიღების გამო ბოლო კვირების განმავლობაში მიმდინარე მოვლენები არაერთ სექტორს და ბიზნესს შეეხო. სხვადასხვა სექტორის წარმომადგენლები BMG-ისთან მოლოდინებს და პროგნოზებს აკეთებენ. სასტუმრო ბიზნესსაც არასახარბიელო ვითარება აქვს, ჯავშნები უქმდება. ვიზიტორები მცირდება და ამას იწვევს პროცესები, რომელსაც ყოველდღიურად, ვისმენთ, ვხედავთ და შესაძლოა, ვყნოსავდეთ კიდეც. როგორია დინამიკა ევროპულ ჯავშნებზე? სტუმარი: ქეთი ამირბარი - კომპანია "ამირბარის" დამფუძნებელი, ბიზნეს-კონსულტანტი; #ახალიამბები #BusinessMediaGeorgia
შრომის ბაზარზე ვაკანსიების რაოდენობა იზრდება. PMCG კვლევითი ცენტრის დასაქმების თრექერის მიხედვით, 2023 წლის სექტემბრიდან 2024 წლის თებერვლამდე jobs.ge-ზე 41 526 ვაკანსია გამოქვეყნდა, რაც 3.4%-ით გაზრდილი მაჩვენებელია 2022- 2023 წლების ანალოგიურ პერიოდთან შედარებით. ვაკანსიების ზრდა ფიქსირდება ისეთ სფეროებში როგორებიცაა: ადმინისტრაცია, მენეჯმენტი, ფინანსები და სტატისტიკა. გაყიდვების, შესყიდვების კატეგორიაში კი 5.7%-იანი კლება შეინიშნება. ვაკანსიების ზრდასთან ერთად, შემცირდა იმ ადამიანების რაოდენობაც, რომლებიც 0-დან 600 ლარამდე თვიურ ხელფასს იღებდნენ. თუმცა, ამ დადებითი ტენდენციების მიუხედავად, PMC-ის კვლევის თანახმად, პოსტ-პანდემიურ პერიოდში შრომის ბაზრის ეფექტიანობა პანდემიამდელს ჩამორჩება და ქვეყანაში უმუშევრობის დონე კვლავ მაღალი რჩება. პარალელურად, ბიზნესი კადრების მწვავე დეფიციტზე საუბრობს. რა ტენდენციები იკვეთება და როგორი მოლოდინებია შრომის ბაზარზე? #ახალიამბები #BusinessMediaGeorgia
ტურისტული სეზონი აქტიურ ფაზაში შედის. მაისი ის თვეა, როდესაც ზაფხულის პერიოდზე წინასწარი ჯავშნები კეთდება. თუმცა საქართველოში არსებული პოლიტიკური ვითარება და რუსული კანონით გამოწვეული მოვლენები, რა თქმა უნდა ტურიზმზეც აისახება და შედეგები თუ მოლოდინები პოზიტიური არ არის. ამის მიუხედავად, ეკონომიკისა და მდგრადი განვითარების მინისტრის მოადგილე მარიამ ქვრივიშვილი აცხადებს, რომ საქართველოში ტურიზმის ინდუსტრია წელს რეკორდულ ნიშნულზე იქნება. რამდენად რეალურია ეს მოლოდინი და როგორია ინდუსტრიის პროგნოზი? #ახალიამბები #BusinessMediaGeorgia
ატლანტაში სასაქონლო ნიშნების საერთაშორისო ასოციაციის ყოველწლიური შეკრება იყო, სადაც ქართველი ადვოკატებიც ესწრებოდნენ. საკმაოდ მნიშვნელოვან შეკრებას, საქართველოდან გიორგი თაქთაქიშვილი და ნიკა გოგლიძე ესწრებოდნენ, მათთან ერთად 10,000 ინტელექტუალური საკუთრების სპეციალიზაციის პრაქტიკოსი იურისტმა მოიყარა თავი მთელი მსოფლიოდან. გიორგი თაქთაქიშვილის კომპანიას, 30 წელზე მეტია საქმიანი ურთიერთობა აქვს The Coca-Cola Company-სთან, ანუ ამერიკულ კოკა-კოლას წარმოადგენენ საქართველოში სასაქონლო ნიშნების რეგისტრაციის და მათი დაცვის საკითხებში. სტუმარი: გიორგი თაქთაქიშვილი - პატენტრწმუნებული, ადვოკატი; #ახალიამბები #BusinessMediaGeorgia
რა გავლენა აქვს ე.წ. რუსული კანონს, რომელიც ქართულმა ოცნებამ საერთაშორისო პარტნიორების მოწოდებებისა და მოქალაქეების პროტესტის მიუხედავად, 14 მაისს მესამე მოსმენით დაამტკიცა. არაერთ გზავნილს ვისმენთ პარტნიორი ქვეყნებისგან და შესაძლო სანქციების თუ ფინანსური დახმარების შემცირებისა. რას ფიქრობენ ინვესტორები, რომლებიც ქართული ბიზნესის პარტნიორები არიან და აკვირდებიან ქვეყანაში მიმდინარე პროცესებს? სტუმარი: ირაკლი როსტომაშვილი - არქიტექტორი, „არსის" დამფუძნებელი; #ახალიამბები #BusinessMediaGeorgia
ბიზნეს საკონსულტაციო კომპანია, EBIT ჯგუფი 2016 წელს დაარსდა, დაგროვილი გამოცდილებისა და სხვადასხვა პროფილის პროფესიონალების მიერ. ჯგუფის მიზანია მხარი დაუჭიროს ორგანიზაციებს ბიზნესის განვითარების პროცესში, როგორც საკონსულტაციო ისე კვალიფიკაციის ამაღლების გზით. EBIT ჯგუფი საქართველოში და მის გარეთ მოქმედ მსხვილ კომპანიებს სთავაზობს საკონსულტაციო სერვისებს, როგორც ფინანსური და საოპერაციო მენეჯმენტის თანამედროვე მიდგომების, ასევე IFRS სტანდარტების გათვალისწინებით. შეიძლება თუ არა კომპანიას ჰქონდეს მაღალი მოგების მაჩვენებელი და მაინც დადგეს გაკოტრების რისკის წინაშე, ასევე შესაძლებელია თუ არა, რომ კომპანია აგენერირებდეს მოგებას, თუმცა ვერ ხედავდეს ფინანსურ სახსრებს? რა არის ამ კითხვებზე პასუხი, და რას ნიშნავს ფინანსური სახსრების სწორი მართვა. სტუმრები: ვლად ბეჟაშვილი - "ებიტ ჯგუფის" პარტნიორი; თამარ ჩხატარაშვილი - "ებიტ ჯგუფის" პარტნიორი. #ახალიამბები #BusinessMediaGeorgia
,,რუსული კანონის'' გავლენა - რა არის გამოსავალი? სტუმარი: კოტე ვეკუა - "ნერგეტას" თანადამფუძნებელი; #ახალიამბები #BusinessMediaGeorgia
საქართველოს სოფლის მეურნეობის განვითარებაში გაწეულ დონორების წვლილზე, “საქმიანი დილას” თუ BMG-ის სხვა ეთერებში არაერთხელ გვისაუბრია და მათ შორის, დარგის წარმომადგენელთა ნაწილიც ხაზგასმით აღნიშნავს, რომ საერთაშორისო ორგანიზაციების, როგორც ფინანსური, ასევე ინტელექტუალური მხარდაჭერის გარეშე, ეს სფერო საქართველოში ვერ განვითარდებოდა. ეს ეხება როგორც ადგილობრივ წარმოებას, ასევე ცხადია ექსპორტის მიმართულებასაც. თუმცა ახლა, როგორც მიღწეული შედეგი, ასევე დარგის სამომავლო განვითარების პოტენციალიც უდიდესი საფრთხის წინაშე დგას, საფრთხის - რომელსაც რუსული კანონი ჰქვია. როგორ დააზარალებს სოფლის მეურნეობას ამ კანონის ამოქმედება და რა შედეგებამდე შეიძლება მივიდეთ? #ახალიამბები #BusinessMediaGeorgia
საქართველოსთვის თხილი და სხვა კაკალი ადგილობრივი წარმოების სასაქონლო დასახელებებში ერთ-ერთი მნიშვნელოვანი პროდუქტია, რომელიც ექსპორტზე დიდი მოცულობებით გადის. წლების განმავლობაში თხილს უმსხვილეს საექსპორტო სასაქონლო ჯგუფების ათეულში ხვდებოდა, თუმცა 2023 წელს თხილის ექსპორტი 13.4%-ით შემცირდა და ადგილობრივი ექსპორტის რეიტინგში ამ პროდუქტმა 3.1%-იანი წილით მეათე ადგილი დაიკავა. ჯამში საქართველომ თხილის ექსპორტით შარშან 85 მილიონ 710 ათასი დოლარის შემოსავალი მიიღო. შემცირებაა განახლებულ სტატისტიკაშიც. 2024 წლის 4 თვის მაჩვენებლებით, ევროკავშირში ქართული თხილის ექსპორტი 21%-ით შემცირდა და $15 მლნ შეადგინა. სტუმარი: ბაია სალუქვაძე - "აგრითრეიდის" და "ჯორჯიან პროდაქტს რენესანსის" თანადამფუძნებელი; #ახალიამბები #BusinessMediaGeorgia
"პეისერა ბანკი საქართველო” საბანკო ასოციაციის წევრი გახდა სტუმრები: ალექსანდრე ძნელაძე - "საქართველოს საბანკო ასოციაციის" პრეზიდენტი; დიმიტრი ქუმსიშვილი - "პეისერა ბანკი საქართველოს" გენერალური დირექტორი #ახალიამბები #BusinessMediaGeorgia
#საქმიანიდილა - 22 მაისი - პროლოგი #ახალიამბები #BusinessMediaGeorgia
2024 წლის I კვარტალში ბათუმის უძრავი ქონების ბაზარზე 3,371 ტრანზაქცია დარეგისტრირდა, რაც წლიურად 22.8%-იანი და კვარტალურად 5.3%-იანი კლებაა. გალტ ენდ თაგარტის განახლებული მიმოხილვის თანახმად, შემცირება გამოიწვია გაყიდვების კლებამ, როგორც პირველად, ასევე მეორად ბაზრებზე, რაც ნაწილობრივ წინა წლის მაღალი ბაზითაა გამოწვეული. როგორც გალტი წერს, 2024 წლის აპრილში 5 სისტემური დეველოპერი გამოიკითხა, რომელთაც მიმდინარე სამშენებლო პროექტები აჭარაში აქვთ. შედეგებზე დაყრდნობით, 2018-19 წლებში დაწყებული უძრავი ქონების პროექტებში არსებული ბინებიდან მხოლოდ 20%-ია გაუყიდავი, ხოლო 2020-21 წლებში დაწყებულ პროექტებში არსებული ბინებიდან 60% მთლიანად რეალიზებულია. აჭარის უძრავი ქონების ბაზარზე 2023-24 წლებში საქართველოს მოქალაქეები მთლიანი გაყიდვების მხოლოდ 20%-ს შეადგენდნენ, ხოლო რუსეთისა და ისრაელის მოქალაქეებს 24% და 6%- იანი წილები ეკავათ. გაყიდვების მეორე ნახევარი მოიცავდა მოქალაქეებს მსოფლიოს სხვადასხვა ქვეყნებიდან. რა ხდება აჭარის დეველოპერულ ბაზარზე? სტუმარი: ირმა მახარაძე - REA Investment-ის დამფუძნებელი; #ახალიამბები #BusinessMediaGeorgia
საქართველოს ტურიზმის ინდუსტრია რუსული კანონის ნეგატიურ ეფექტზე ყოველდღიურად სულ უფრო აქტიურად საუბრობს. გუშინ ტურიზმის ალიანსმა ერთობლივი განცხადება გაავრცელა, სადაც ნათქვამი იყო, რომ ალიანსი, არ უჭერს მხარს დისკრიმინაციულ კანონს, რომელიც ეჭვქვეშ აყენებს დონორ ორგანიზაციებთან გაერთიანების თანამშრომლობის ფორმატს, ქვეყნის სამსახურში მყოფი ორგანიზაციების რეპუტაციასა და მისიას. "საქართველოს ტურიზმის ინდუსტრიის ალიანსი ტურიზმის სფეროში ჩართული მცირე, საშუალო და მსხვილი ბიზნესის ხმას და ჯამურად 20-ზე მეტი დარგობრივი ასოციაციას აერთიანებს. კანონზე განცხადება გაავრცელა გუშინ „სასტუმროებისა და რესტორნების ფედერაციამაც.“ – „რად ღირს „უცხოური გავლენის გამჭვირვალობის შესახებ" კანონი, როდესაც ასეთ ზარალს აყენებ როგორც ქვეყნის ეკონომიკას, ასევე კონკრეტულ სექტორებს, განსაკუთრებით ტურიზმს, რომელიც „შუშის ფეხებზე“ დგას, მისი ჩამონგრევა კი ძალიან მარტივია.“- შალვა ალავერდაშვილი. სტუმარი: შალვა ალავერდაშვილი - „სასტუმროებისა და რესტორნების ფედერაციის“ დამფუძნებელი; #ახალიამბები #BusinessMediaGeorgia
საქართველოში ერთგვარ ტრადიციად ჩამოყალიბდა თითქოს, რომ მცირე მეურნეობები, მცირე კომპანიები უფრო მასიურად ახერხებენ ევროკავშირის ბაზარზე გასვლას და იმ სტანდარტების დაკმაყოფილებას რასაც დასავლელი პარტნიორები ჩვენგან ითხოვენ. ერთ-ერთია საოჯახო მარანი „ოდა“, სადაც ორგანული ვენახებიდან ნატურალურ ღვინოს აწარმოებენ. პროდუქციის 90% კი ექსპორტზე გადის. კომპანიაში გაფართოების გეგმებიც ჰქონდათ და როგორია შედეგები? სტუმარი: ქეთო ნინიძე - საოჯახო მარანი “ოდას" დამფუძნებელი; #ახალიამბები #BusinessMediaGeorgia
სტატისტიკის ეროვნული სამსახურის მონაცემებით, 2024 წლის იანვარ-აპრილში საქართველოს 5 მთავარი საექსპორტო პარტნიორი ყირგიზეთი, რუსეთი, ყაზახეთი, აზერბაიჯანი და სომხეთი იყო. საანგარიშო პერიოდში ექსპორტი 10.1%-ით შემცირდა, იმპორტი 0.3%-ით გაიზარდა. პირველი 4 თვის განმავლობაში საქართველოს მთავარი სავაჭრო საქონელი მსუბუქი ავტომობილები იყო, უცხოეთში სულ 576 მილიონი დოლარის ავტოტრანსპორტი გავყიდეთ, რაც წინა წელთან შედარებით 3%-ით ნაკლებია. კლება დაკავშირებულია აზერბაიჯანის, სომხეთისა და ტაჯიკეთის მიმართულებით რეექსპორტის შემცირებასთან, თუმცა სანაცვლოდ გაზრდილია რეექსპორტი ყირგიზეთის მიმართულებით, რომელიც ავტოექსპორტში #1 ადგილს იკავებს. ამასთან მნიშვნელოვანია, რუსეთთან ვაჭრობის შედეგების მიმოხილვაც - ანვარ-აპრილში საქართველოს $6.5 მილიარდიან სავაჭრო ბრუნვაში, ჩვენს ჩრდილოელ მეზობელს 12.7%-იანი წილით, სავაჭრო პარტნიორებს შორის, თურქეთის შემდეგ მეორე ადგილი უჭირავს. მიმდინარე წლის პირველ ოთხ თვეში საქართველო-რუსეთის სავაჭრო ბრუნვა მცირედით -1.4%-ით შემცირდა და 836 მილიონ 818 ათასი დოლარი შეადგინა. საქართველო-რუსეთის სავაჭრო ბრუნვაში ექსპორტს მცირე 27.5%-იანი წილი უკავია და წელს რუსეთში საქონლის რეალიზებით ქვეყანამ ჯამში 230 მილიონ 420 ათასი დოლარის შემოსავალი მიიღო, რაც გასული წლის მაჩვენებელზე 1.9%-ით მეტია. შესაბამისად ექსპორტი სავაჭრო ურთიერთობებში ისტორიულ მაქსიმუმზეა. საინტერესოა ისიც, რომ რუსეთში ძირითადი გაყიდვების - 82.2% ადგილობრივ ექსპორტზე მოდის, ჩრდილოეთით მდებარე ქვეყანაში ექსპორტის ზრდის დადებითი დინამიკაც, შეგვიძლია ვთქვა, რომ ადგილობრივი საქონლის რეალიზების 6.1%-იანი ზრდით არის განპირობებული (189.4 მლნ დოლარი). რაც შეეხება რეექსპორტს, საქსტატის მონაცემებით, რუსეთში საქართველოს გავლით საქონლის რეალიზების მაჩვენებელი 14%-ით 41 მლნ დოლარამდეა შემცირებული. შეჯამებისთვის, საქართველოს სავაჭრო წილს თუ ჩავხედავთ, ვნახავთ, რომ დსთზე მოდის 67,9%, EU მხოლოდ 9,3% და დანარჩენი ქვეყნებზე 22.8%. სტუმარი: გვანცა მელაძე - ექსპორტის განვითარების ასოციაციის გამგეობის წევრი; #ახალიამბები #BusinessMediaGeorgia
კრაფტ პროდუქტების მწარმოებელმა პირველმა ქართულმა კომპანიამ Craft Food, ახალი, მე-6 რესტორნის ფილიალი ვარკეთილში გახსნა. Craft Food ჰოლდინგური კომპანიაა, რომელიც ამ დროისათვის უკვე 6 რესტორანსა და 1 ექსპრესს აერთიანებს. მომხმარებელს კი ჯანსაღად წარმოებულ პროდუქციას სთავაზობს. სტუმრები: ბექა ანდრიაძე - "კრაფტ ფუდ რესტორნის" მმართველი პარტნიორი; ილია გეფერიძე - "კრაფტ ფუდ რესტორნის" მმართველი პარტნიორი #ახალიამბები #BusinessMediaGeorgia
ბოლო რამდენიმე კვირაა, ქვეყნის დღის წესრიგში უცხოური გავლენის გამჭვირვალობის შესახებ კანონი დგას, რომელსაც პარლამენტმა მხარი სამი მოსმენით დაუჭირა. ამის შემდეგ კი საქართველოს პრეზიდენტმა რუსულ კანონს ვეტო დაადო და პარლამენტს უკვე გადაუგზავნა. კანონმა ახლა სხვა პროცედურული ნაწილი უნდა გაიაროს. რა ხდება მას შემდეგ, როცა პარლამენტი პრეზიდენტის ვეტოს დაძლევს? კოტე ჩოკორაია - კონსტიტუციონალისტი; #ახალიამბები #BusinessMediaGeorgia
Galt & Taggart - გალტ & თაგარტი: გლობალური ბაზრების ყოველკვირეული მიმოხილვა / Global Markets Weekly Update სტუმარი: ნიკა მაზანაშვილი - Galt & Taggart-ს საბროკერო დეპარტამენტის უფროსი ანალიტიკოსი; #ახალიამბები #BusinessMediaGeorgia
რამდენად მნიშვნელოვანია ბიომრავალფეროვნების კონსერვაცია და ამასთან ერთად რა წვლილი შეაქვს კერძო სექტორს აღნიშნული მიმართულებით. ბიომრავალფეროვნება სხვადასხვა ეკოსისტემის, ამ ეკოსისტემებში არსებული ცოცხალი ორგანიზმების სახეობების, ამ სახეობების გენების ერთიანობას წარმოადგენს, რომელთანაც ადამიანის კეთილდღეობა მჭიდრო კავშირშია. უფრო მარტივად რომ ვთქვათ ჰაერი რომელსაც ვსუნთქავთ, წყალი რომელსაც ვსვამთ და საჭმელი რომელსაც მივირთმევთ სწორედ ბიომრავალფეროვნებაზეა დამოკიდებული. ტერიტორიის სიმცირის მიუხედავად, ნამდვილად შეგვიძლია ვთქვათ, რომ საქართველო ბიომრავალფეროვნებით გამოირჩევა. სუბტროპიკული კლიმატის ქვეყნებს შორის საქართველო ერთ-ერთი უმდიდრესია ფლორისტული თვალსაზრისით. თუმცა უნდა აღინიშნოს რომ ბიომრავალფეროვნებაზე მოქმედ ძირითად საფრთხეებს, როგორც მთელს მსოფლიოში, ისე ჩვენთანაც წარმოადგენენ ჰაბიტატების დეგრადაცია და განადგურება, რესურსების ჭარბი მოპოვება, დეფორესტაცია, უცხო სახეობების გავრცელება და გარემოს დაბინძურება. სტუმრები: რატი ზაუტაშვილი - გაეროს გლობალური შეთანხმების საქართველოს ქსელის ბიზნესთან ურთიერთობის მიმართულების ხელმძღვანელი; ნათია ჭინჭარაული - შპს "ეკობრენდს ჯორჯიას" აღმასრულებელი დირექტორი; კახა არცივაძე - სახეობათა კონსერვაციის სამეცნიერო ცენტრ "ნაკრესის" გამგეობის წევრი #ახალიამბები #BusinessMediaGeorgia
“კ მოტორსმა” ბათუმში ახალი ფილიალი გახსნა. მომხმარებელს კომპანიის სერვისით სარგებლობა ხახულის 50 ნომერში შეეძლება. “კ მოტორსის”ინფრასტრუქტურა მრავალფეროვანია. ადგილზე კომპანიის თანამედროვე, მაღალი ხარისხის დანადგარებით აღჭურვილი სერვისცენტრია, სადაც კომპანია ავტოტექ მომსახურების სრულ ასორტიმენტს აერთიანებს. სერვისცენტრთან ერთად კი მომხმარებელს მაღაზიაც დახვდება. “კ მოტორსის” ობიექტში საერთაშორისო, წამყვანი ბრენდების პროდუქციაა წარმოდგენილი. ბათუმის ახალი ფილიალის ფარგლებში გაიზარდა "კ მოტორსის" გუნდიც. დღეს კომპანია 250-ზე მეტ თანამშრომელს ითვლის, 45 ადამიანისთვის კი დასაქმების შესაძლებლობა კომპანიამ ბათუმში შექმნა. #ახალიამბები #BusinessMediaGeorgia
ქვეყნების ლიდერები, რომლებიც ავიაკატასტროფებისას დაიღუპნენ; #ახალიამბები #BusinessMediaGeorgia
#საქმიანიდილა - 21 მაისი - პროლოგი #ახალიამბები #BusinessMediaGeorgia
„გაიზომე და აკონტროლე წნევა, გაიხანგრძლივე სიცოცხლე“ - 17 მაისს, მსოფლიოს მასშტაბით, მათ შორის საქართველოშიც, „ჰიპერტენზიის მსოფლიო დღე“ აღინიშნა. GM PHARMA მიმდინარე კამპანიას წელსაც შეუერთდა და საზოგადოებას უფასო სამედიცინო კონსულტაცია და კვლევები შესთავაზა. კამპანიის ფარგლებში, მოქალაქეებს სხვადასხვა სამედიცინო მომსახურებით სარგებლობა ორი დღის განმავლობაში - 16 და 17 მაისს შეეძლოთ. უფასო სამედიცინო მომსახურება კარდიოლოგის კონსულტაციას, ელექტროკარდიოგრაფიას და ექოკარდიოსკოპიას ითვალისწინებდა და სამ დიდ ქალაქში: თბილისში, თელავში და ქუთაისში ჩატარდა. ჰიპერტენზიის მსოფლიო დღის აღნიშვნის მთავარი მიზანი საზოგადოებაში დაავადების შესახებ ცნობიერების ამაღლება და წნევის რეგულარული კონტროლია. #ახალიამბები #BusinessMediaGeorgia
გუშინ, თბილისში ეიჩარის მსოფლიო დღე გაიმართა, სადაც საქართველოში დასაქმებული რამდენიმე ასეული ეიჩარ პროფესიონალი შეიკრიბა და ერთი იდეის გარშემო გაერთიანდნენ. წლევანდელი ღონისძიების მთავარი იდეა კი საქართველოს ევროკავშირთან დაახლოება, ევროპული სტანდარტების საქმიანობაში დანერგვა და ქართველი პროფესიონალებისთვის მისი გაზიარება იყო. #ახალიამბები #BusinessMediaGeorgia
2024 წლის იანვარ-თებერვალში საქართველომ თაფლის ექსპორტიდან $86.2 ათასის შემოსავალი მიიღო, რაც 53.2%-ით ნაკლებია გასული წლის ანალოგიურ პერიოდზე. შეცვლილია გაყიდვის გეოგრაფიაც. თუკი 2023 წელს, მთავარი საექსპორტო ბაზარი საფრანგეთი და ჩეხეთი იყო, რომელზეც რეალიზაციის 83.6% მოდიოდა. წელს ევროკავშირის ვერცერთი ქვეყანა ექსპორტის ჩამონათვალში ვერ მოხვდა. 2024 წელს საქართველომ თაფლი 5 ქვეყანაში გაყიდა. ჩამონათვალია ასეთია: აზერბაიჯანი - $25.8 ათასი; აშშ - $22.8 ათასი; ერაყი - $21.8 ათასი; კატარი - $8.5 ათასი; იაპონია - 7 ათასი. აღსანიშნავია, რომ თაფლის ექსპორტის მაჩვენებელი 2023 წელსაც შემცირდა 2022 წელთა შედარებით. კლება 35,1% იყო, თუმცა, გასულ წელსაც საფრანგეთი და ჩეხეთი საექსპორტო ბაზრის მთავარი აქტორები იყვნენ. რატომ ვერ გადის ქართული თაფლი წევს ევროკავშირის ბაზარზე? სტუმარი: ერეკლე ჩიკვაიძე - "აპიჯეოს" გაყიდვების და მარკეტინგის სამსახურის ხელმძღვანელი; #ახალიამბები #BusinessMediaGeorgia
გარემოსდაცვითი ორგანიზაცია Ember-ის გლობალური ელექტროენერგიის ყოველწლიური ანგარიშის თანახმად, ევროკავშირი, მწვანე ელექტროენერგიის გენერაციით, მნიშვნელოვნად ასწრებს გლობალურ საშუალო მაჩვენებელს. კვლევის თანახმად, ბლოკის ფარგლებში 2023 წელს მოხმარებული ელექტროენერგიის 44% განახლებადი წყაროებიდან იყო გენერირებული. Ember-ის ინფორმაციით, ქარისა და მზის ენერგიის გენერაცია EU-ს მასშტაბით გაცილებით სწრაფი ტემპით იზრდება, ვიდრე მსოფლიოს სხვა რეგიონებში. მეტიც, 2023 წელს განახლებადი ენერგიის გლობალური ზრდის 17% სწორედ ევროკავშირზე მოდიოდა. ამავე მონაცემების თანახმად, მსოფლიოს მასშტაბით, მოხმარებულ ელექტროენერგიაში განახლებადი რესურსების წილი ყველაზე მაღალი, 20%, ჩილეში იყო. მას სამი ევროპული ქვეყანა მოსდევს: საბერძნეთი, უნგრეთი და ნიდერლანდები - შესაბამისად, 19%, 18% და 17%-ით. როგორც Ember-ის ევროპული პროგრამის ხელმძღვანელი, სარა ბრაუნი აღნიშნავს, ევროკავშირს აქვს საშუალება, 2030 წლისთვის ბლოკის მასშტაბით წარმოებული ელექტროენერგიის 72% განახლებადი წყაროებიდან დააგენერიროს. რისი შესაძლებლობა აქვს საქართველოს და როგორია ევროკავშირის მხარდაჭერის პოლიტიკა ჩვენს ქვეყანასთან მიმართებით? სტუმარი: თორნიკე დარჯანია - მზის ენერგიის განვითარების ასოციაციის ხელმძღვანელი; #ახალიამბები #BusinessMediaGeorgia
ტურისტულმა ბიზნესმა უკვე აქტიურად დაიწყო იმაზე საუბარი, რომ მიმდინარე პროცესების ფონზე ჯავშნები უქმდება და ტურისტები უფრო უსაფრთხო ქვეყნებს ეძებენ სამოგზაუროდ. სექტორისგან განსხვავებული მოლოდინი აქვთ მთავრობაში. "საქართველოში ტურიზმის ინდუსტრია წელს რეკორდულ ნიშნულზე იქნება" - ამის შესახებ ეკონომიკისა და მდგრადი განვითარების მინისტრის მოადგილემ მარიამ ქვრივიშვილმა „TV იმედის“ ეთერში განაცხადა. კითხვას, როგორია გეგმები, რამაც ტურიზმის ინდუსტრია რეკორდულ ნიშნულზე უნდა გაიყვანოს, შემდეგნაირად უპასუხა: „ ჩვენ 3 ძირითადი მიმართულებით ვმუშაობთ: 1. ტურიზმის სწორი პოლიტიკის აღსრულება და ქვეყნის სწორი პოპულარიზაცია. აქტიური მარკეტინგული კამპანიები გვაქვს ჩვენს სამიზნე ქვეყნებში. ანუ ევროპის ქვეყნები, ყურის ქვეყნები, ისრაელი, ჩინეთი, აშშ. 2. პირდაპირი ფრენები - ეს არის ის უმთავრესი ამოცანა რომელიც განაპირობებს ტურიზმის მდგრადობას და მეტი ტურისტის შემოყვანას, ისეთ ქვეყნებიდან რომელიც ჩვენი ქვეყნისთვის მნიშვნელოვანია, ანუ რომლებიც მსყიდველუნარიანობით გამოირჩევიან. 3. ასევე ვმუშაობთ რომ დაიხვეწოს ჩვენი ქვეყნის ტურისტული ინფრასტრუქტურა, ისევე როგორც მუნიციპალური რადგან ჩვენი მთავარი ამოცანა, რომ ყოველი მომდევნო დღე ტურიზმში და არა მარტო, იყოს უკეთესი ვიდრე გუშინდელი", - განაცხადა მან. სტუმარი: თამარ დავითულიანი - სასტუმრო "გარემო" დამფუძნებელი; #ახალიამბები #BusinessMediaGeorgia
2023 წელი დედამიწისთვის ყველაზე ცხელი იყო - როგორი იქნება ჰაერის ტემპერატურა ამ ზაფხულს? #ახალიამბები #BusinessMediaGeorgia
#ავიაციისსიახლეები: ქუთაისის აეროპორტს ახალი ასაფრენი ბილიკი ექნება; თბილისის აეროპორტში მგზავრთნაკადი 23.1%-ით, ბათუმში 25.3%-ით გაიზარდა; Flydubai ბათუმის მიმართულებით ფრენებს იწყებს; სინგაპურის ავიახაზები Neste-სგან 100%-ით მდგრად საავიაციო საწვავს შეიძენს - Reuters; Airbus-ს ავიახომალდების შეკვეთების რაოდენობა შეუმცირდა; გასული კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით #ახალიამბები #BusinessMediaGeorgia
2024 წლის განახლებული მონაცემების მიხედვით, საერთაშორისო სავალუტო ფონდისგან 100 ქვეყანას ჯამში 110 მილიარდ 200 მილიონი დოლარის ვალი აქვს აღებული და ამ თანხის 69%-ი 10 ქვეყანაზე ნაწილდება. რომელ ქვეყნებს აქვთ IMF-ისგან ყველაზე დიდი თანხა ნასესხები და მათ შორის, როგორ პოზიციონირებს საქართველო? #ახალიამბები #BusinessMediaGeorgia
“რუსული კანონის” ეფექტი განათლებაზე სტუმარი: ლიკა ღლონტი - ევროკავშირის პროექტების კოორდინატორი, EU4Dialogue; #ახალიამბები #BusinessMediaGeorgia
რუსული კანონის მესამე მოსმენით დამტკიცების შემდეგ, საპარლამენტო დეპუტატები და კანონის მიღებაში მონაწილე პირები, სანქციების საფრთხის ქვეშ აღმოჩნდნენ. რას ნიშნავს ეს საფრთხე, რას მოგვიტანს ის და როგორია სანქციების საერთაშორისო პრაქტიკა? თიკო ნატმელაძე - #BMG-ის რეპორტიორი; #ახალიამბები #BusinessMediaGeorgia
ე.წ. რუსული კანონი მესამე მოსმენით მხარდაჭერილია, პრეზიდენტის მხრიდან ვეტოც დადებულია, თუმცა როგორც აღმოჩნდა, კანონში შეტანილი ცვლილებები, რომელიც ამა თუ იმ არასამთავრობო ორგანიზაციის შესახებ ინფორმაციის მიწოდების ნაწილში ფიზიკური პირების დავალდებულებასაც ეხება, მეორე მოსმენის დროს მიიღეს. პარლამენტის თავმჯდომარის, შალვა პაპუაშვილის განცხადებით, ცალკეულ ორგანიზაციასთან დაკავშირებით, საჭიროა ინფორმაციის მოპოვება და ყველა ვალდებულია ის სათანადო ორგანოს მიაწოდოს. საქმე ისაა, რომ კანონის აღნიშნული რედაქციით ამოქმედების შემთხვევაში იუსტიციის სამინისტროს კონკრეტული ორგანიზაციის შესახებ მონიტორინგის ფარგლებში შეეძლება ინფორმაცია გამოითხოვოს მათ შორის ფიზიკური პირებისგანაც, ხოლო ამ ინფორმაციის 10 სამუშაო დღის წარუდგენლობის შემთხვევაში, მას ფიზიკური პირების დაჯარიმება შეეძლება. ე.წ. რუსული კანონი ფიზიკური პირებისთვის ინფორმაციის არ მიწოდებასთან დაკავშირებით 5,000 ლარის ჯარიმას ითვალისწინებს. ორგანიზაციების მიერ რეგისტრაციისთვის თავის არიდება კი 25,000 ლარის ჯარიმას ითვალისწინებს. სტუმარი: საბა ბრაჭველი - სისხლის სამართლის იურისტი; #ახალიამბები #BusinessMediaGeorgia
BMG და Tegeta Holding-ი წარმოგიდგენთ #BMGAuto-ს:
დღევანდელი გადაცემისთვის მოგიმზადეთ სიუჟეტი, ზეთისხილის კულტურის პოტენციალთან დაკავშირებით. როგორია მოთხოვნა და ზეთისხილის ბაღების ზრდა საქართველოში. BMG გიორგი სვანიძეს, ზეთისხილის საერთაშორისო საბჭოს საპატიო პრეზიდენტს ესაუბრა, რომელიც კახეთში, კერძოდ კი დედოფლისწყაროში 1000 ჰექტარზე მეტი ფართობის ზეთისხილის ბაღს ფლობს. სიახლეები აქვთ კომპანიაში, მეტი მოსავლის მიღების მიზნით, რისთვისაც ინოვაციურ მეთოდს მიმართეს. გიორგი სვანიძე - ზეთისხილის საერთაშორისო საბჭოს საპატიო პრეზიდენტი; #ახალიამბები #BusinessMediaGeorgia
კავკასიის მედიცინის ცენტრი ქვეყნის წამყვანი პროფესიონალებით ჯანდაცვის საერთაშორისო კონფერენციაზე წარსდგა. გიმფას სამედიცინო კონფერენციას თბილისი უკვე მეცხრედ მასპინძლობს და მიზნად ისახავს მსოფლიოს უახლესი სამედიცინო მიღწევების განხილვას, რთული შემთხვევების იდენტიფიცირებასა და ინოვაციების გაცნობას. ორ დღიანი კონფერენცია პარალელური სესიებით იყო დაყოფილი. კავკასიის მედიცინის ცენტრი კონფერენციას 3 მსხვილი სამედიცინო მიმართულებით შეუერთდა. გასტროინტესტინალური ონკოლოგიის განხრით კლინიკური მოხსენებებით ჰოსპიტლის კლინიკური ონკოლოგების გუნდი ივანე კილაძის ხელმძღვანელობით წარსდგა. ყურადღება გამახვილდა კოლორექტულ კიბოზე, კომბინირებულ ქიმიოთერაპიასა და მკურნალობის პროცესში საინფუზიო პორტების გამოყენებაზე. კონფერენციაზე ასევე მოხსენებით წარსდგა ტრავმატოლოგი მიხეილ ლოლაძე, რომელმაც ქირურგიული ჩარევებისას პერიპროტეზული ინფექციის რისკებსა და მართვაზე გაამახვილა ყურადღება. ნეიროქირურგიის მიმართულებით კი თავის ტვინის სიმსივნეების ქირურგიაზე პროფესორმა ვლადიმერ წიქარიშვილმა ისაუბრა.საერთაშორისო სამედიცინო კონფერენციაზე, წამყვან ქართველ პროფესიონალებთან ერთად, მონაწილეობა მიიღეს სხვადასხვა მიმართულების ექიმებმა საფრანგეთიდან, ჰოლანდიიდან, გერმანიიდან და დანიიდან. ქართველი და ევროპელი ექიმების კოლაბორაცია ცოდნისა და გამოცდილების გაზიარებას ისახავს მიზნად. საბოლოოდ ეს ყველაფერი მედიცინის განვითარებას ემსახურება და ხელს უწყობს თანამედროვე მიდგომებისა და სტანდარტების დანერგვას მკურნალობის მეთოდებში. #ახალიამბები #BusinessMediaGeorgia
TKT.GE-ის აფიშა #BMG #საქმიანიდილა #ახალიამბები #BusinessMediaGeorgia
რუსეთმა საიუბილეო სმარტფონი გამოუშვა - ფასი: $5500 #ახალიამბები #BusinessMediaGeorgia