ახალი ქართული კომპანია „ქართბოლი“ დელიკატესების მწარმოებელი კომპანიაა, რომელიც არც ექსპერიმენტებს არასდროს ერიდება და მომხმარებელს სხვადასხვა უნიკალურ გემოებს სთავაზობს. რამდენიმე თვის წინ მხოლოდ ქართულის რუბრიკის ფარგლებში გიყვებოდით, 100 ათასი ლარით დაწყებული საქმის პირველი შედეგებზე და ახლა უკვე რამდენიმე ქსელურ მარკეტში წარმოდგენილი შეთავაზებით. სტუმარი: გიორგი თუთბერიძე - შპს "ქართბოლი", დამფუძნებელი #ახალიამბები #BusinessMediaGeorgia
2016 წელს დაფუძნებული სამშენებლო კომპანია „დეკოლაინი“ ფართოვდება. აჭარელი მომხმარებლებისათვის კომპანია ახალი ფილიალით ბათუმშიც გამოჩნდა და არქიტექტურაში, მშენებლობაში, რემონტსა და დიზაინში დახმარების მსურველებს შეთავაზებას განსხვავებული მოქნილი პირობებით სთავაზობს. სტუმარი: ნათია ასპანიძე - "დეკოლაინი", კომერციული დირექტორი #ახალიამბები #BusinessMediaGeorgia
ანტიდეპრესანტებსა და სისხლის გამათხელებლებზე მოთხოვნა იზრდება, გრიპის და სხვა ვირუსული ინფექციებისთვის სამკურნალო წამლებზე კი მცირდება. ფარმაცვეტული კომპანიების წარმომადგენლები აცხადებენ, რომ ბაზარზე პანდემიის გათვალისწინებით წამლის ღირებულება ყველა ჯგუფის წამლებზე გაიზარდა, რაც ლარის კურსს და გაზრდილ ლოჯისტიკურ ხარჯს უკავშირდება. #ახალიამბები #BusinessMediaGeorgia
სავალდებულო კოვიდტესტირების პოლიტიკამ ზაფხულის ტურისტული სეზონი შეაფერხა, უფრო მეტიც - 10-დან შვიდ ტურისტულ კომპანიას ფინანსური პრობლემები შეექმნა, რის გამოც მათი ნაწილი იხურება. სწორედ ამიტომ, ტურიზმის ხელშესაწყობად, ბრიტანეთის მთავრობა ახალ გადაწყვეტილებებს იღებს, რომელზეც ახლა თათია კაკიაშვილის მომზადებული სიუჟეტიდან შევიტყობთ მეტს. ~ #ახალიამბები #BusinessMediaGeorgia
სწრაფად გავრცელებადი და გადამდები “დელტა” ვარიანტის და ვაქცინაციის შედარებით დაბალი ტემპის ერთობლიობამ აშშ COVID 19 პანდემიის საკმაოდ რთულ პერიოდზე გადაიყვანა. ამერიკის დაავადებათა კონტროლის და პრევენციის ცენტრის ბოლო მონაცემებით, ამ დროისთვის ქვეყნის ზრდასრული მოსახლეობის მხოლოდ 63%-ია სრულად აცრილი. სწორედ ამიტომ, ენტონი ფაუჩი აცხადებს, რომ პანდემიის დასრულებასთან რაც შეიძლება მეტი სავალდებულო ვაქცინაცია მიგვაახლოვებს. #ახალიამბები #BusinessMediaGeorgia
იტალიაში განათლების სექტორში დასაქმებულთა 93% უკვე აცრილია კორონავირუსის საწინააღმდეგო ვაქცინით და შესაბამისად დაინერგა „მწვანე ბილეთების“ სისტემა, რომლის გარეშეც აკრძალულია სასწავლო ტერიტორიაზე შესვლა. ვაქცინა მოთხოვება დირექტორებიდან და მასწავლებლებიდან დაწყებული, დამლაგებელ-დარაჯით დასრულებული, ყველა თანამშრომელზე. ხოლო წესის არ დაკმაყოფილება ისჯება ჯარიმით - 1000 ევრომდე. როგორ აფასებენ ადგილობრივები სახელმწიფოს მიერ მიღებულ მკაცრ გადაწყვეტილებებს და როგორ შეძლეს იტალიაში უსაფრთხოდ სასწავლო პროცესის განახლება? #ახალიამბები #BusinessMediaGeorgia
საქართველოს ტურიზმის ინდუსტრიაში საზღვაო კურორტებს წამყვანი ადგილი უჭირავთ, რომლებიც მასობრივი ტურიზმის ცენტრს წარმოადგენენ და განსაკუთრებული მიმზიდველობით რეგიონის ქვეყნების დამსვენებლებისგან სარგებლობენ. საზღვაო სეზონი დასრულდა და ჩვენც ზღვისპირა ქალაქებში მდებარე სხვილი სასტუმროების მოკითხვა გადავწყვიტეთ. სასტუმროების წარმომადგენლებმა bmg-სთან სეზონი შეაფსეს და კონკრეტულ გაზრდილ რიცხობრივ მაჩვენებლებზეც ისაუბრეს. #ახალიამბები #BusinessMediaGeorgia
NS STUDIO - ეს არქიტექტურისა და დიზაინის სტუდიაა, რომელიც 2013 წელს ნინი ჭანტურიამ და ლუკა ჩაგანავამ დაარსეს. მათი მიზანია არქიტექტურისა და დიზაინის სფეროში ხარისხიანი, საინტერესო და განსხვავებული ნამუშევრების შექმნა. როგორც თავად აღნიშნავენ, მათთვის მნიშვნელოვანია ამ სფეროში საკუთარი ხასიათის შექმნა, თითოეული ნამუშევრით სწორი კონტექსტის, შინაარსის, აუცილებელი ფუნქციონალურობისა და ინდივიდუალიზმის გამოხატვა. სტუდია დაკომპლექტებულია ყველა მომიჯნავე სპეციალობის მქონე პროფესიონალი კადრით, რომელთა ჩართულობითაც ქმნიან არქიტექტურულ და დიზაინის პროექტებს, მათი აზრით, ეს ერთ-ერთი მნიშვნელოვანი წინაპირობაა სასურველი ჩანაფიქრის ფურცლიდან რეალობამდე განხორციელებისთვის. გარდა ამისა, მათი ნამუშევრები დიდი ხანია გაცდა საქართველოს საზღვრებს და ისინი მსოფლიო ყურადღების ცენტრში არიან მოქცეულნი. როგორ და როდის დაიწყო NS STUDIO-ის ისტორია და რა ეტაპზე არიან დღეს? სტუმრები: ლუკა ჩაგანავა - NS STUDIO, არქიტექტურისა და დიზაინის სტუდია - დამფუძნებელი; ნინი ჭანტურია - NS STUDIO, არქიტექტურისა და დიზაინის სტუდია - დამფუძნებელი. #ახალიამბები #BusinessMediaGeorgia
ქორწილების, ქელეხებისა და იუბილეების გამართვა და მონაწილეობა, შესაძლოა, „კოვიდპასპორტის” მქონე ადამიანებისთვის ნებადართული გახდეს. შრომის ინსპექცის ხელმძღვანელმა სხვადასხვა ბიზნეს-სექტორის წარმომადგენელთან შეხვედრები დაიწყო, რომლის მიზანიც ე.წ. მწვანე ზონების შექმნაა. ინიციატივის არსი ისაა, რომ ობიექტზე დაიშვება მომხმარებელი, რომელსაც „კოვიდპასპორტის“ წარდგენისას სპეციალური ელექტრონული სისტემა „გაამწვანებს“. „მწვანე“ სტატუსი ნიშნავს, რომ ადამიანი კრიტერიუმებიდან ერთ-ერთს მაინცუნდა აკმაყოფილებდეს. ესენია ბოლო 24 საათში გაკეთებული აქვს სწრაფი კოვიდ-ტესტი და პასუხი ნეგატიურია, ბოლო 72 საათის განმავლობაში აქვს ჩატარებული პისიარ-კვლევა და პასუხი ნეგატიურია, ბოლო 6 თვეში გადატანილი აქვს კოვიდინფექცია ან არის ორჯერადად აცრილი. როგორც შრომის ინსპექციის სამსახურის უფროსმა ბექა ფერაძემ განაცხადა, პირველ ეტაპზე ინიციატივას სარეკომენდაციო ხასიათი ექნება, რომლის თანახმადაც, ობიექტებმა საკუთარ ტერიტორიაზე არ უნდა დაუშვან მომხმარებლები, რომლებიც კოვიდ-ინფექციის გავრცელების კუთხით, უსაფრთხოების სტანდარტებს არ აკმაყოფილებენ და შესაბამისად, მათ სისტემა „გააწითლებს“. ფერაძის თქმით, ბიზნეს სუბიექტების ნაწილმა უკვე გამოთქვა დაინტერესება აღნიშნული სისტემის დანერგვისადმი. ხოლო მას შემდეგ, რაც სისტემა პრაქტიკაში დაიწყებს მუშაობას, მოხდება პირველადი შედეგების ანალიზი და ამის შემდეგ, საკოორდინაციო საბჭო იმსჯელებს სისტემის ვალდებულების სახით შემოღების შესახებ. სტუმარი: ლაკა წერეთელი - ივენთ კომპანია „ლაკა“-ს დამფუძნებელი. #ახალიამბები #BusinessMediaGeorgia
კინო ტურიზმი და ჰოლივუდი საქართველოში სტუმარი: ქეთი ბოჭორიშვილი - ეკონომიკის მინისტრის ყოფილი მოადგილე. #ახალიამბები #BusinessMediaGeorgia
ტურიზმის ბაზარზე პოზიციონირებისა და ბრენდინგისთვის ქვეყნები აქტიურად მიმართავენ ტელევიზიასა და კინემატოგრაფიას. ფილმის გადაღების საშუალებით, ტურისტული ადგილის პოპულარიცაზიის ხელშეწყობა ერთ-ერთი ყველაზე მზარდი ტენდენციაა ტურიზმის მარკეტინგში. ამ მიმართულების ტენდენციად ჩამოყალიბება განაპირობა იმ უზარმაზარმა ეკონომიკურმა სარგებელმა, რაც შედეგად მოჰყვება ფილმის გამოშვებას ტურისტული აქტივობისა და შემოსავლების ზრდის თვალსაზრისით. სწორედ ეკონომიკურმა სარგებელმა უბიძგა ქვეყნის შესაბამის სახელმწიფო სტრუქტურებს სერიოზულად მოეკიდონ აღნიშნულ საქმიანობას. შესაბამისად, ტურიზმის მარკეტოლოგების საზრუნავი გახდა, თუ როგორ წარმოაჩინონ კონკრეტული ტურისტული ადგილი ფილმის საშუალებით ისე, რომ ის მოგვიანებით გარდაიქმნას ტურისტულ ჯავშნებად. #ახალიამბები #BusinessMediaGeorgia
რა უპირატესობები გააჩნია გადახდისუუნარობის საქმისწარმოებას, როგორც მოთხოვნების დაკმაყოფილების კოლექტიური მექანიზმს, და რა საშუალებით მიიღწევა საუკეთესო შედეგი როგორც კრედიტორებისთვის, ასევე, ფინანსური სიძნელეების წინაშე მყოფი მოვალისთვის გადახდისუუნარობის პროცესში. სტუმრები: თამთა მარგველაშვილი - „ნოდია, ურუმაშვილი და პარტნიორები“, იურისტი; ნოდარ პაპუკაშვილი - ექსპერტი გადახდისუუნარობის საკითხებში. #ახალიამბები #BusinessMediaGeorgia
გასულ კვირაში ამერიკული ინდექსებისთვის დაღმასვლის დღეები იყო. ერთკვირიან ჭრილში მწვანე ზონაში მხოლოდ ნავთობის და შანხაი კომპოზიტის ინდექსი დარჩა. ვოლ სტრიტის ანალიტიკოსები შტატების საფონდო ბირჟაზე მიმდინარე პროცესებით შეშფოტებულები არიან და ამ ფონზე საინტერესო სიახლეები მსხვილ კორპორაციებშიც. სტუმარი: ნიკა მაზანაშვილი - Galt & Taggart-ის საბროკერო დეპარტამენტის უფროსი ანალიტიკოსი; #ახალიამბები #BusinessMediaGeorgia
ტურისტულად ერთ ერთი ყველაზე შემოსავლიანი სეზონი მიიწურა. წლევანდელი ზაფხულის ტურისტული სეზონი პანდემიის პირობებში ყველაზე შემოსავლიანი აღმოჩნდა და მართალია 2019 წლიან ნიშნულამდე ჯერ ბევრი გვიკლია, მაგრამ შემოსავლების მხრივ აღდგენის მაჩვენებელი პროგნოზებს დაემთვა და Galt&Taggart;-ის გათვლების 2019 წლის დაახლოვებით მესამედი 33.2% შეადგინა. სტუმარი: ევა ბოჭორიშვილი - “Galt&Taggart;”, კვლევების დეპარტამენტის უფროსი #ახალიამბები #BusinessMediaGeorgia
გრუმინგ ბიზნესი საქართველოში მომგებიან ბიზნესად იქცა. ცხოველების მოვლაზე ადამიანები თვეში საშუალოდ 80 ლარზე მეტს ხარჯავენ და თანხებს არც სალონში სიარულზე ზოგავენ. ცხოველების სილამაზის სალონში ვიზიტი 30 ლარიდან 150 ლარამდე მერყეობს და ეს დამოკიდებულია ცხოველის ზომებზე. ბიენჯისთან სალონის მეპატრონეები ეუბნებიან რომ დღეში 50 ცხოველს მაინც ემსახურებიან და მოთხოვნა იმდენად მაღალია, რომ მეპატრონეებს გარკვეული დროით ლოდინი ან წინასწარ, რამდენიმე კვირით დაჯავშნა უწევთ. #ახალიამბები #BusinessMediaGeorgia
კარკასული ხის სახლებისა და კოტეჯების მშენებელი კომპანია თბილისში ახალი ქარხნის გახსნის გეგმასთან ერთად ფილიალს ბულგარეთში ხსნის. ქოხი ჯი ბაზარს აფართოვებს და ევროპელ მომხმარებელს სწორედ ბულგარეთიდან მოემსახურება. საზღვრებს მიღმა გაფართოვების გეგმები არც მხოლოდ ამ ერთი ქვეყნით შემოიფარგლება და არც მხოლოდ უკვე დაანონსებულის შესრულებით შემოიფარგლებიან kohi.ge-ის დამფუძნებლები. სტუმარი: ოქსანა ლომიძე - kohi.ge, გენერალური დირექტორი; #ახალიამბები #BusinessMediaGeorgia
განახლებული სატრანსპორტო პარკი, ახალი სატრანსპორტო დერეფნები და დაგეგმილი მეტროს სადგურების რეაბილიტაცია - ეს იყო ის ძირითადი საკითხები, რაზეც თბილისის მერობის კანდიდატმა კახა კალაძემ გუშინ გამართულ პრეზენტაციაზე ისაუბრა. რა გაკეთდა ბოლო 4 წლის განმავლობაში ამ მიმართულებით და რა პრობლემებს ხედავენ დარგის ექსპერტები? #ახალიამბები #BusinessMediaGeorgia
სეიფარტის მიერ სხვადასხვა სამსახურში ჩატარებული კვლევის მიხედვით, აღმოჩნდა, რომ სამუშაო ადგილებზე ვაქცინაციასთან დაკავშირებით თანამშრომლებს შორის კონფლიქტები მატულობს. მკვლევარებმა რესპონდენტები ორ ჯგუფად - აცრილებად და აუცრელებად - დაყვეს და აღმოაჩინეს, რომ არსებული მდგომარეობით დებატების ორივე მხარე უკმაყოფილოა. რა არის მათი უკმაყოფილების მიზეზი? #ახალიამბები #BusinessMediaGeorgia
დღეს, მსოფლიო მოსახლეობის ნაწილი COVID 19 საწინააღმდეგო ვაქცინით აცრილია და ნელ-ნელა ოფისებს უბრუნდება, შესაბამისად, ჯეი პი მორგანის აღმასრულებელი დირექტორი ჯეიმი დაიმონი იმედოვნებს, რომ თანამშრომლების ერთ სივრცეში ნაყოფიერი მუშაობა ახლა უკვე შესაძლებელი იქნება, თუმცა არც იმას გამორიცხავს, რომ თავად დასაქმებულებს სამუშაო ადგილებზე დაბრუნება მანამ არ ენდომებათ, სანამ მათი უსაფრთხოება მაქსიმალურად არ იქნება დაცული. რა რისკები არსებობს ოფისებში დაბრუნებული ადამიანებისთვის? #ახალიამბები #BusinessMediaGeorgia
#ForbesAuto #ავტოსიახლეები - როდის გამოჩნდება Apple Car? პაპი ფრანციკისთვის შექმნილი განსაკუთრებული #Skoda #Apple პირველ მანქანას საკუთარი ძალებით შექმნის “მერსედესი” და #BMW ავტომობილების წარმოებას ზღუდავენ "მწვანე ფანატიკოსები“ - ჩეხეთი #EU-ის გადაწყვეტილების წინააღმდეგ მცურავი #Tesla
"მეამას" ყავა უკვე Gulf Store-ის ყველა ობიექტზეა #ახალიამბები #BusinessMediaGeorgia
რამდენად მკაცრია რეგულაციები ქვეყანაში - ეს მეტწილად განსაზღვრავს ქვეყნის საინვესტიცო მიმზიდველობას - რათქმაუნდა სხვა ფაქტორებთან ერთად- როგორიცაა სამართლიანი სასამართლო, პოლიტიკური სტაბილურობა და ა.შ. ბოლო წლებია საქართველოში შრომითი უფლებები იცვლება, იზრდება ბიზნესის ვალდებულებები. ერთ-ერთი ბოლო რეგულაცია, რაც ძალაში შევიდა კი ასე ჟღერს - დასაქმებულებს, რომლებიც რეგულარულად მუშაობენ ღამის ცვლაში, პერიოდული სამედიცინო შემოწმებები დასჭირდებათ, ამ შემოწმების საფასური კი დამსაქმებელმა უნდა გადაიხადოს. მარტივად რომ ვტქვათ ეს ეხებათ სუპერმარკეტებში, აფთიაქებში, ბენზინგასამართ სადგურებში მომუშავეებს - რა იცის ბიზნესმა ახალ რეგულაციაზე? სტუმარი: ზაალ იაკობიძე - „სენტა პეტროლიუმი” დამფუძნებელი #ახალიამბები #BusinessMediaGeorgia
რობოტების ფორუმი პეკინში #ახალიამბები #BusinessMediaGeorgia
მიმდინარე წლის იანვარ-აგვისტოში საქართველოდან ექსპორტირებული ღვინით მიღებული შემოსავალი 145 მლნ აშშ დოლარს აღწევს, რაც გასული წლის ანალოგიურ მონაცემზე 13%-ით მეტია, ხოლო ექსპორტირებული ღვინის რაოდენობა 19%-ითაა გაზრდილი. ღვინის ეროვნული სააგენტოს მიერ გავრცელებული ოფიციალური სტატისტიკით, 2021 წლის 8 თვეში, საქართველოდან მსოფლიოს 59 ქვეყანაში 65 მლნ ბოთლი ღვინოა ექსპორტირებული. სტუმარი: თათია მამრიკიშვილი - Galt & Taggart, ანალიტიკოსი #ახალიამბები #BusinessMediaGeorgia
საქართველოს აეროპორტებმა მგზავრთნაკადი მხოლოდ 38.17%-ით დაიბრუნა, ხოლო ადგილობრივი დანიშნულების აეროპორტებში მგზავრთნაკადის მატება ფიქსირდება, პარალელურად აეროპორტებში ინფრასტრუქტურული სამუშაოები მიმდინარეობს და რეისებიც ემატება. #ახალიამბები #BusinessMediaGeorgia
გასული კვირის მიწურულს, სამშენებლო და სარემონტო მასალების კომპანია "ნოვამ" წარმოებული პროდუქციის პრეზენტაცია გამართა. 2006 წელს დაარსებული ნობა ზრდა განვითარებას არ აჩერებს. პანდემიურ რეალობაშიც 2020 – 2021 წელს კომპანიამ სახელმწიფო პროგრამა „აწარმოე საქართველოში“ მხარდაჭერით წარმოების მოდერნიზაციისა და გაფართოებისთვის კიდევ ერთხელ დამატებით 10 მილიონი ლარის ინვესტიცია განახორციელა. 80-მდე საწარმო დანადგარი, 30 ათასი კვადრატი სასაწყობე ინფრასტრუქტურა და 400-ზე მეტი ქართული ნაწარმი - ეს კომპანია ნოვას მაჩვენებლებია, რომლის შექმნაც მათ 2011 წლიდან დღემდე შეძლეს. კომპანიამ პროდუქტის პრეზენტაცია ბათუმში, ადლიის დასახლებაში განთავსებულ წარმოებაში გამართეს, რომელსაც აჭარის მთავრობისა და მერიის, EBRD-ის, პარტნიორი ბანკებისა და პროგრამა „აწარმოე საქართველოში“ წარმომადგენელბი ესწრებოდნენ. სტუმარი: ედიშერ ხიმშიაშვილი - "ნოვა", გენერალური დირექტორი #ახალიამბები #BusinessMediaGeorgia
დღეის მდგომარეობით, გადაზიდვის ინდუსტრია მსოფლიო ვაჭრობის 80%-ს შეადგენს და გაზრდილი გამომუშავებული ანაზღაურებაც დედამიწის ყველა ნაწილს მოიცავს, სადაც შიპინგ ინდუსტრია დამკვიდრებულია. კოვიდპანდემიამდე კი ინდუსტრიის ე.წ. ბუმი 2008 წელს დაფიქსირდა, როდესაც გაზრდილ მოთხოვნას გემების ახალი შეკვეთების უზარმაზარი ტალღა მოჰყვა. თუმცა მაშინ ინდუსტრიის “აღმავლობის ხანა” დიდხანს არ გაგრძელებულა - გლობალური ფინანსური კრიზისის გამო. რაც შეეხება გადაზიდვის ინდუსტრიის დღევანდელ, ანუ კოვიდპანდემიურ ბუმს, ახლა თათია კაკიაშვილი გვეტყვის, რა არის ამის გამომწვევი მთავარი მიზეზი და ბოლო წელიწადნახევარში რამდენად გაზრდილია ინდუსტრიის შემოსავლები. #ახალიამბები #BusinessMediaGeorgia
კაკლის რეკორდული მოსავალი - 2021 #ახალიამბები #BusinessMediaGeorgia
ეროვნული ბანკის აღსაღნიშნიც გვაქვს, ფინანსური განათლების პორტალი - ფინედუ 1 წლისაა. ფინედუს შექმნით, ერთიან სივრცეში მოექცა, სხვადასხვა დროს ეროვნული ბანკისა და პარტნიორი ორგანიზაციების ჩართულობით შექმნილი, ფინანსური განათლებასთან დაკავშირებული საგანმანათლებლო რესურსები, მათ შორის - სახელმძღვანელოები, ბროშურები, ვიდეორგოლები, ბლოგები, ფინანსური კალკულატორები - ყველაფერი ის, რაც თემით დაინტერესებულ ნებისმიერ ადამიანს პირადი და საოჯახო ფინანსების მართვასა და ფინანსურ ორგანიზაციებთან ურთიერთობის პროცესში დაეხმარება. სტუმარი: ლაშა გზირიშვილი - საქართველოს ეროვნული ბანკის მომხმარებელთა უფლებების დაცვის და ფინანსური განათლების დეპარტამენტის უფროსი #ახალიამბები #BusinessMediaGeorgia
სპორტსმენ გიგა ჭიკაძეს და კომპანია "გალფს" შორის გრძელვადიან პარტნიორულ თანამშრომლობაზე თანხმობა ოფიციალურად შედგა. სამომავლოდ კი ერთად ბევრი საინტერესო პროექტია დაგეგმილი. "გალფი" გამორჩეულია იმით, რომ იგი ჯანსაღი ცხოვრების წესს პოპულარიზაციას სწორედ დამსახურებულ სპორტსმენებთან ერთად უწევს. #ახალიამბები #BusinessMediaGeorgia
კობრა და ბეტა - ასე ჰქვიათ ძაღლებს, რომლებიც მაიამის საერთაშორისო აეროპორტში მგზავრებს კოვიდინფიცირების სტატუსს შეუმოწმებენ. ჩვენი ოთხფეხა მეგობრები მგზავრების პირბადეს დაყნოსავენ და ასე მიხვდებიან, ეს ადამიანები არიან თუ არა ვირუსით ინფიცირებულები. რამდენად სანდოა ძაღლებისთვის ამდენად საპასუხისმგებლო დავალების მინდობა და როგორ ართმევენ ისინი ახალ სამუშაოს თავს? #ახალიამბები #BusinessMediaGeorgia
#საქმიანიდილა - 13 სექტემბერი - პროლოგი #ახალიამბები #BusinessMediaGeorgia
ალექსანდე ჭავჭავაძის სახლ-მუზეუმში მაესტრო ზურაბ ნიჟარაძის ნამუშევრებია წარმოდგენილი. გამოფენა კოვიდ რეგულაციების სრული დაცვით იმართება და ეს პირველი გამოფენაა მხატვრის გარდაცვალების შემდეგ. ამიტომაც სიმბოლურია, რომ მდიდარი კულტურული მემკვიდრეობის მქონე ადგილი იქნა შერჩეული. აქვე გეტყვით, რომ გამოფენის წარმდგენი და მხარდამჭერი კომპანია სილქნეტია. წინანდლის მამულში ჩასულ მნახველებს გამოფენის დათვალიერების შესაძლებლობა ორი კვირის განმავლობაში ექნებათ. #ახალიამბები #BusinessMediaGeorgia
ლუდის ინდუსტრიისთვის ექსპორტის თვალსაზრისით გასული წელი წარატებული იყო, რისი თქმაც მიმდინარე წელზე რთულია. 2020 წელს ქვეყნიდან 5 მილიონ დოლარზე მეტი ღირებულების ლუდის ექსპორტი განხორციელდა, რაც ბოლო წლების განმავლობაში ყველაზე კარგი მაჩვენებელია. თუმცა, 2021 წლის 8 თვეში 2020 წლის ანალოგიურ პერიოდთან შედარებით, ლუდის ექსპორტმა 46%-ით იკლო. სტუმარი: ნიკოლოზ ხუნძაკიშვილი - “ნატახტარის” კორპორატიულ საქმეთა დირექტორი; #ახალიამბები #BusinessMediaGeorgia
საქართველოში ინფლაცია ბოლო 10 წლის მაქსიმუმზეა - 12.8% - ასეთი მაღალი ინფლაცია ქვეყანაში ბოლოს 2011 წლის მაისში იყო. აგვისტოს მდგომარეობით, წლიურ ჭრილში ფასები მკვეთრად არის გაზრდილი ყველა ძირითად სამომხმარებლო ჯგუფზე, მათ შორის სურსათზე 16.2%-ით; ტრანსპორტზე 22.5%-ით; ჯანდაცვაზე 10.9%-ით. Galt&Taggart;-ი ინფლაციის კიდევ უფრო მეტად გაზრდას პროგნოზირებს. საბაზისო ეფექტის გათვალისწინებით, 2021 წლის დეკემბერში ინფლაცია 14%-მდე შეიძლება გაიზარდოს. თიბისი კაპიტალის პროგნოზით, შემდეგ ორ თვეში ინფლაცია შეიძლება მცირედით შემცირდეს, მაგრამ დეკემბერში კვლავ მაღალი იქნება - 13% - ასეთია თიბისი კაპიტალის პროგნოზი. რა მიზეზები არსებობს, რაც დღეს ფასების ასეთ მკვეთრ მატებას განაპირობებს? Galt&Taggart;-ის მიხედვით: საერთაშორისო ბაზარზე სურსათსა და ნედლეულზე ფასების ზრდა - იმპორტიორი ქვეყანა ვართ, სამომხმარებლო საქონლის 70%-მდე იმპორტირებულია, შესაბამისად, ამ თვალსაზრისით, იმპორტირებული ინფლაცია გვაქვს; ბიუჯეტის მაღალი დეფიციტი; ლარის გაუფასურება, რომლის ეფექტიც გალტ ენდ ტაგარტის შეფასებით წლის ბოლომდე სავარაუდოდ შენარჩუნდება; კომუნალური ტარიფების მატება, რასაც არც თუ მცირე წვლილი შეაქვს ინფლაციაში. თიბისი კაპიტალის მიხედვით: შედარებით მაღალი ინფლაცია ბევრ ქვეყანაშია და ეს არ არის მხოლოდ საქართველოს პრობლემა, თუმცა აღსანიშნავია, რომ სხვა ქვეყნებთან შედარებითაც საქართველოში ინფლაცია მაინც მაღალია, რაც სასაქონლო ფასებთან ერთად, გაცვლითი კურსის გაუფასურებით იხსნება. შარშან ტურიზმის დანაკლისი მთავრობის საგარეო სესხებმა პრაქტიკულად მთლიანად დააკომპენსირა, თუმცა საქართველოს ჰქონდა შოკის გამაძლიერებელი - აქ თიბისი კაპიტალი გულისხმობს იმას, რომ ბევრი დაიზოგა ვალუტაში, დაკრედიტება მხოლოდ ლარში იყო და ამან მნიშვნელოვნად გაამწვავა ზეწოლა სავალუტო ბაზარზე. სტუმარი: კობა გვენეტაძე - საქართველოს ეროვნული ბანკი, პრეზიდენტი; #ახალიამბები #BusinessMediaGeorgia
„ახალი ლიბერთი, ახალი ცხოვრებისთვის“ - ამ სახელწოდების ფარგლებში ლიბერთი ბანკმა განვითარების ახალი სტრატეგიის პრეზენტაცია გამართა. პრეზენტაციაზე ბანკის მენეჯმენტის ახალმა გუნდმა საზოგადოებას რამდენიმე მნიშვნელოვანი მიმართულება გააცნო. რა სიახლეებს ჰპირდება ბანკი მომხმარებელს? სტუმარი: ვასილ ხოდელი - "ლიბერთი", გენერალური დირექტორი; #ახალიამბები #BusinessMediaGeorgia
„არემჯიში“ გარემოსდაცვითი პროგრამის ფარგლებში, დასკვნითი სამუშაოები მიმდინარეობს, რომელსაც გერმანული კომპანია სერაფილტეკის ინჟინრები ახორციელებენ. პროექტის დასკვნითი ეტაპი, უცხოელი სპეციალისტების მიერ „არემჯი კოპერის“ და „არემჯი გოლდის“ ორ ლოკაციაზე თანამედროვე, წყლის ქიმიური გამწმენდი ნაგებობების მონტაჟს და მათ ექსპლუატაციაში გაშვებას ითვალისწინებს. ქიმიური გამწმენდი ნაგებობის ამუშავების შედეგად, საქართველოს მოქმედი კანონმდებლობის შესაბამისად, საწარმოო წყლების სრული გაწმენდა მოხდება და მათი შემდგომ მდ.კაზრეთულასა და მდ. მაშავერაში ჩაშვება, რაც მდინარეების დაბინძურებას გამორიცხავს. უახლოეს მომავალში, წყალდაცვითი ღონისძიებების ფარგლებში, მსგავსი ტიპის ქიმიური გამწმენდი ნაგებობა №4 ფუჭი ქანების სანაყაროს ძირში დამონტაჟდება, რაც მდ. ფოლადაურის დაცვას უზრუნველყოფს. 2018 წელს საქართველოს გარემოს დაცვისა და სოფლის მეურნეობის სამინისტროს მიწერილობის საფუძველზე, „არემჯიმ“ გარემოსდაცვითი პროგრამა შეიმუშავა, რომელიც კომპანიის სალიცენზიო ტერიტორიაზე საწარმოო პროცესების ზემოქმედების შემცირებისა და მათი მაქსიმალურად შერბილების მიზნით, სხვადასხვა გარემოსდაცვითი პროექტებისა და ღონისძიებების განხორციელებას გულისხმობს. სტუმარი: სანდრო დევიძე - “არემჯის” დირექტორის მოადგილე გარემოსდაცვით საკითხებში. #ახალიამბები #BusinessMediaGeorgia
უქმეებზე სვანეთი კინომოყვარულებით და კინო პროფესიონალებით დაიტვირთება, რადგან სოლოს მხარდაჭერით მესტიაში პირველად საერთაშორისო ფესტივალი ტარდება, სადაც მოკლემეტრაჟიანი და მთის თემატიკის ფილმების ჩვენება და გამარჯვებულების გამოვლინება მოხდება. პრიზებიც სვანური თემატიკით შეირჩა და მიხეილ ხერგიანის სახელს ატარებს. #ახალიამბები #BusinessMediaGeorgia
#საქმიანიდილა - 10 სექტემბერი - პროლოგი #ახალიამბები #BusinessMediaGeorgia
რა იცვლება ვენეციაში მოგზაურებისთვის? #ახალიამბები #BusinessMediaGeorgia
ჯანმო 2022 წლამდე “ბუსტერ” დოზების გაკეთებას აჩერებს. გამაძლიერებელი დოზების დანერგვა ბევრმა ქვეყანამ დაიწყო, რაც მსოფლიოში კოვიდ საწინააღმდეგო ვაქცინების არათანაბარ განაწილებას და შედეგად, ინფიცირების და სიკვდილიანობის მაღალ მაჩვენებლებს იწვევს. რა განმარტებები კეთდება ჯანდაცვის მსოფლიო ორგანიზაციაში ახალ გადაწყვეტილებასთან დაკავშირებით? #ახალიამბები #BusinessMediaGeorgia
რამდენიმე დღეში ეფლი აიფონ 13 ის პრეზენტაციას გამართავს. ერთგული მომხმარებელი კომპანიისგან კიდევ ერთ სიახლეს უნდა ელოდოს: ცნობილია, რომ მზადდება ეფლ ვოჩ სერია 7 განახლებული პარამეტრებით და, რაც მთავარია, გაცილებით უფრო გამძლე ელემენტით. სიახლე ელით ეარპოდების მოყვარულებსაც - 14 სექტემბერს ახალი თაობის, განახლებული დიზაინის ეაიპოდს 3-ის პრეზენტაციაც გაიმართება. რა სიახლეებს უნდა ველოდოთ ეფლისგან?როგორი იქნება Iphone 13? #ახალიამბები #BusinessMediaGeorgia
“ადრე ვეცოდებოდით, ახლა ჩვენით ამაყობენ” - შეცვლილი ცხოვრება ნინო თიბილაშვილი - ტოკიოს პარალიმპიადის ვერცხლის მედალოსანი; #საქმიანები მანანა მანჯგალაძესთან ერთად #ახალიამბები #BusinessMediaGeorgia
საკოორდინაციო საბჭოს გადაწყვეტილებით, საქართველოს მასშტაბით საჯარო და კერძო სკოლები, პროფესიული სასწავლებლები და უმაღლესი საგანმანათლებლო დაწესებულებები სწავლას ისევ დისტანციურ რეჟიმში გააგრძელებენ, ხოლო იმ შემთხვევას თუკი დადებითობის დღიური მაჩვენებელი 7დღის განმავლობაში 4%-ს ჩამოსცდება სწავლა საკლასო ოთახებში გაგრძელდება. გამონაკლისია პირველკლასელები, რომლებიც სწავლას 4 ოქტომბერს სასკოლო სივრცეში დაიწყებენ. 2020 წლის გაზაფხულიდან, კოვიდ19- ის ეპიდემიის აფეთქებიდან მოყოლებული დღემდე, საქართველოში საგანმანათლებლო პროცესი რამდენჯერმე შეფერხდა. შექმნილ სიტუაციაში ისევე როგორც მსოფლიოს ბევრ ქვეყანაში სწავლება დისტანციურ რეჟიმში გაგრძელდა და მიუხედავად იმისა, რომ ამ პრაქტიკამ საგანმანათლებლო სფეროში გარკვეული სამომავლო პოტენციალი გამოავლინა, მწირი თანამედროვე სტანდარტების, მატერიალური საფუძვლების და კომპეტენციების გამო მოსწავლეები მნიშვნელოვნად დააზარალა. სტუმარი: შალვა ტაბატაძე - სამოქალაქო ინტეგრაციისა და ეროვნებათშორისი ურთიერთობების ცენტრის გამგეობის თავმჯდომარე; #ახალიამბები #BusinessMediaGeorgia
როგორ უყურებს ბიზნესი ვაქცინაციას? სტუმარი: ლევან ვეფხვაძე - საქართველოს ბიზნეს ასოციაცია, აღმასრულებელი დირექტორი #ახალიამბები #BusinessMediaGeorgia
საქართველოში კაპიტალის ბაზრების განვითარების მექანიზმის შემუშავებისა და დანერგვისთვის იწყება პროექტი „კაპიტალის ბაზრის მხარდაჭერის პროგრამა“, რომელიც ევროკავშირის მიერ DIGITAL RE4M პროგრამის ფარგლებშია დაფინანსებული. პროექტს EBRD-ის კაპიტალის ბაზრების განვითარების ჯგუფი ახორციელებს. პროგრამას საქართველოში ევროპის რეკონსტრუქციისა და განვითარების ბანკის (EBRD) წამყვანი კონტრაქტორი “გალტ & თაგარტი”, BDO-სთან ერთად ხელმძღვანელობს. სტუმრები: ოთარ შარიქაძე, Galt &Taggart;-ის მმართველი დირექტორი; ზურაბ ლალაზაშვილი - BDO საქართველოს მმართველი პარტნიორი #ახალიამბები #BusinessMediaGeorgia
საქართველოში სახელმწიფო შესყიდვებში წელიწადში 5 მილიარდ ლარზე მეტი იხარჯება. აქედან ყველაზე მეტი თანხა – 3 მილიარდ ლარამდე სამშენებლო სამუშაოების შესყიდვაზე მოდის. ზოგადად საქართველოში სახელმწიფო შესყიდვებში კომპანიებს შორის მაღალი კონკურენცია არ არის. 2020 წელს ერთ შესყიდვაზე საშუალოდ 2.27 კონკურენტი მოდიოდა. #ახალიამბები #BusinessMediaGeorgia
აცრა აუცილებელია, საჭიროა ჯანმრთელობის შენარჩუნებისათვის და პირბადის ტარება კიდევ დიდხანს მოგვიწევს. ჯანმოს წარმომადგენლები მკაფიოდ და ხაზგასმით აცხადებენ, რომ ხალხს მათგან არ უნდა ჰქონდეთ იმის მოლოდინი, რომ COVID 19 აღმოიფხვრება და სრულად გაქრება. ექსპერტების თქმით, ეს ყველაზე ნაკლებად სავარაუდო პროგნოზია. ერთადერთი, რამაც შესაძლოა, მდგომარეობა სასიკეთოდ შეცვალოს, ვაქცინაციაა, რაც ვირუსის მუტაციებს შეაჩერებს და მსოფლიოს ყოველდღიურად გაცილებით ნაკლები გარდაცვლილი და ახლადინფიცირებული ადამიანი ეყოლება. #ახალიამბები #BusinessMediaGeorgia
#საქმიანიდილა - 9 სექტემბერი - პროლოგი #ახალიამბები #BusinessMediaGeorgia