ქართული წარმოების ჩირზე მოთხოვნა იზრდება. მოთხოვნის ზრდასთან ერთად კი იზრდება ასორტიმენტიც და მისი ღირებულებაც. მწარმოებელი კომპანიები ამბობენ, რომ ფასი კგ-ზე საშუალოდ 40 ლარიდან იწყება, ყველაზე ძვირი კი ჟოლოს და მოცვის ჩირია, რომლის ღირებულება კგ-ზე 100 ლარს სცდება. სტუმარი: სოფო ჯიქია - „ჩირიფრუტის“ თანადამფუძნებელი; #ახალიამბები #BusinessMediaGeorgia
"ძირითადი სექტორები, რაშიც საუდელი ბიზნესმენები დებენ ინვესტიციებს, ჩვენი ქვეყნის პრიორიტეტებს ემთხვევა" - ამის შესახებ "აწარმოე საქართველოში" დირექტორმა მიხეილ ხიდურელმა საქართველო-საუდის არაბეთის საინვესტიციო ბიზნეს ფორუმზე ისაუბრა, რომელიც 15 თებერვალს თბილისში გაიმართა. ფორუმი სააგენტოს "აწარმოე საქართველოში" ორგანიზებით ჩატარდა და მას 100-ზე მეტი საუდური კომპანიის წარმომადგენელი დაესწრო. ღონისძიება მისასალმებელი სიტყვით გახსნეს საქართველოს პირველმა ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა და საუდის არაბეთის ინვესტიციების მინისტრმა ხალიდ ალ-ფალიჰიმ. საქართველოს საინვესტიციო გარემოსა და შესაძლებლობების შესახებ, მიხეილ ხიდურელმა პრეზენტაცია გამართა. სააგენტოს დირექტორის თქმით, დღესდღეობით, საუდის არაბეთიდან განხორციელებული ინვესტიციების წილი საქართველოში 100 მილიონ აშშ დოლარს შეადგენს, რაც ისეთი საინვესტიციო პოტენციალის მქონე ქვეყნისთვის, როგორიც საუდის არაბეთია, დაბალი მაჩვენებელია. სამომავლო თანამშრომლობასა და პოტენციალზე საუდის არაბეთის ინვესტიციების მინისტრმა, ხალიდ ალ-ფალიჰმაც ისაუბრა და განაცხადა, რომ საქართველოს საუდის არაბეთისთვის დიდი ეკონომიკების მქონე ქვეყნების მსგავსი სტრატეგიული მნიშვნელობა აქვს. მისი თქმით, თანამშრომლობის შესაძლებლობა ბევრ სექტორში არსებობს. რა მიმართულებებია ორი ქვეყნისთვის საინტერესო და რაზე მიდის მოლაპარაკებები? სტუმარი: დავით ცირდავა - აზიისა და სპარსეთის ყურის ქვეყნების ბიზნესპალატის პირველი ვიცე-პრეზიდენტი; #ახალიამბები #BusinessMediaGeorgia
შოვში, სტიქიის გავრცელების არეალში ახალი ინფრასტრუქტურის მოწყობა და არსებული შენობების ფუნქციონირება დაუშვებელია - ასეთია გარემოს ეროვნული სააგენტოს რეკომენდაცია, რომელიც გასული წლის აგვისტოში, შოვში მომხდარი სტიქიის შეფასების ანგარიშშია აღნიშნული. დოკუმენტში წერია, რომ უკანასკნელ წლებში კლიმატის ცვლილებით გამოწვეული გლაციალური და გეოდინამიკური კასკადური მოვლენების სიხშირისა და ინტენსივობის ზრდის გამო, კავკასიონის სამხრეთი ფერდის ზონაში არსებულ ტერიტორიებზე ნარჩუნდება სხვადასხვა მასშტაბის ბუნებრივი საფრთხეები. შესაბამისად, არსებული საშიშროების ხარისხის შეფასების მიზნით საჭიროა გაგრძელდეს კომპლექსური კვლევები. გარდა ამისა, გარემოს ეროვნული სააგენტოს შეფასების დოკუმენტის მიხედვით, რეკომენდებული არ არის მდინარე ბუბისწყლის ხეობაში ღვარცოფების ფორმირებისა და ტრანზიტის ზონის არეალში რაიმე სახის კაპიტალური დამცავი ღონისძიებების გატარება. ამასთან, მდ. ბუბისწყლის ხეობაში და კურორტ შოვის სტიქიის გავრცელების არეალისათვის უნდა შემუშავდეს გადაადგილების წესები და მოეწყოს შესაბამისი გამაფრთხილებელი ნიშნები, ხოლო იმისათვის, რომ მაქსიმალურად იქნეს თავიდან აცილებული მყინვარული ხეობებიდან მომდინარე საფრთხის შედეგად შესაძლო ადამიანთა მსხვერპლი და მინიმუმამდე იქნეს დაყვანილი ეკონომიკური ზარალი, საჭიროა საქართველოს ტერიტორიაზე მყინვარული ხეობების ქვემო წელში არსებული დასახლებული პუნქტების და ინფრასტრუქტურის საფრთხეების/რისკების შეფასება, რისკის ზონაში არსებული დასახლებული პუნქტების იდენტიფიცირება და შესაბამისი პირველადი რეკომენდაციების მომზადება. Bm.ge-ის კითხვაზე - აპირებს თუ არა მთავრობა შოვის გენგეგმის გაუქმებას, მინისტრმა გვიპასუხა, რომ ამისთვის საჭირო იქნება დამატებითი კვლევების ჩატარება. " ეს არ ნიშნავს, რომ იქ ყველა პროცესი სრულად არის შეფასებული, ამ მიმართულებით მუშაობა უნდა გავაგრძელოთ. თუმცა დღეს დასკვნა ამბობს, რომ იქ არის გარკვეული საფრთხეები, შესაბამისად იქ რაიმე ინფრასტრუქტურის ფუნქციონირება არ არის დაშვებული“.- განაცხადა შამუგიამ. სტუმარი: ირაკლი ბერეკაშვილი - დეველოპერული კომპანია „სიმეტრიას“ საინვესტიციო პროექტების მმართველი; #ახალიამბები #BusinessMediaGeorgia
პროექტი 12 ავტორი - 12 თავგადასავალი დაინტერესებულ პირებს, თვეში ერთხელ ევროპის სხვადასხვა ქალაქში ეპატიჟება. თითოეულ ტურს გიდობას ქართველი ავტორები გაუწევენ და ღირსშესანიშნაობების დათვალიერების გარდა, მოუთხრობენ ევროპული ღირებულებებისა და ადგილობრივი ცხოვრების შესახებ. პირველი მარშრუტი ბარსელონაშია და 11-15 მარტს იგეგმება. სტუმრები: ანა კირკიტაძე - ტურისტული კომპანია "ვინგლეთის" დამფუძნებელი; დათო ტურაშვილი - მწერალი #ახალიამბები #BusinessMediaGeorgia
#ავიაციისსიახლეები: ✈ თბილისის საერთაშორისო აეროპორტის გამგზავრების ტერმინალი გაფართოვდა; ✈ მესტიის აეროპორტის ახალი ტერმინალის პროექტირებაზე კონკურსი გამოცხადდა; ✈ რამდენ მგზავრს მოემსახურა იანვარში ქუთაისის აეროპორტი? - სტატისტიკა; ✈ ფრენის უსაფრთხოების ინსპექტორს, ეკიპაჟის წევრების ალკოჰოლურ სიმთვრალეზე შემოწმების უფლება ექნება; ✈ პროკურატურამ პირს, რომელმაც Wizzair-ში ცრუ ზარი განახორციელა, ბრალი წარუდგინა; ✈ ქუთაისის აეროპორტში პირველი ქართული რესტორანი ,,თაკარა“ გაიხსნა; ✈ ყაზახური Air Astana საფონდო ბირჟაზე $847 მილიონად დაილისტა. კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით #ავიაცია #ახალიამბები #BusinessMediaGeorgia
ყველაზე მაღალ ანაზღაურებადი ათლეტების რეიტინგი (2023) #ახალიამბები #BusinessMediaGeorgia
საქართველოში მაყვლის ბაღების უდიდესი ნაწილი გაიჩეხა. კენკრის მწარმოებელთა ასოციაციაში ამბობენ, რომ ბაღების გაჩეხის ძირითადი მიზეზი ფერმერების მხრიდან გაკეთებული არასწორი გათვლები იყო. ასოციაციის ინფორმაციით, ამ ეტაპზე მაყვალი 2 ჰექტარზეა გაშენებული, გასულ წელს კი მიღებულმა მოსავალმა 4 ტონა შეადგინა. სტუმარი: იზოლდა ქიტესაშვილი - კენკრის მწარმოებელთა ასოციაციის თავმჯდომარე; #ახალიამბები #BusinessMediaGeorgia
ღონისძიებების აფიშა TKT.GE (19-23 თებერვალი) #ახალიამბები #BusinessMediaGeorgia
15 თებერვალს საქართველოს მასშტაბთ ექვს რეგიონში გალფ პლუსის განახლებული ბენზინ გასამართი სადგურები გაიხსნა. თვითმომსახურების სადგურების რაოდენობა გაიზარდა და ამჟამად ქვეყნის მასშტაბთ 40-საც შეადგენს. #ახალიამბები #BusinessMediaGeorgia
იტალიაში, კერძოდ ფლორენციაში აეროპორტის გამორჩეული პროექტი ხორციელდება. აეროპორტის სახურავზე 7 ჰექტარზე, ვენახი გაშენდება. ამ იდეის მიზანი კი ღვინის პოპულარიზაცია იქნება. აეროპორტთანვე განთავსდება ქარხანა, სადაც ღვინის წარმოშობის პროცესი წარიმართება. გეგმის მიხედვით, ინფრასტრუქტურა ტურისტებს ღვინის წარმოების სრული ციკლის ნახვის საშუალებასაც მისცემს. აღსანიშნავია, რომ ევროპაში ეს პირველი აეროპორტია, რომლის სახურავზეც ვენახი გაშენდება. რას გულისხმობს პროექტის დეტალები და როდის არის მისი განხორციელება დაგეგმილი? #ახალიამბები #BusinessMediaGeorgia
საქართველოს ბიზნეს ასოციაცია მის კიდევ ერთ წევრ კომპანიას, აისფეისს ესტუმრა. კომპანია ქართულ ბაზარზე ეფლის პროდუქციის ოფიციალური შემომტანია და ერთადერთი ლიდერის პოზიციას მყარად ინარჩუნებს. ბიზნეს ასოციაციის და აისფეისის დაპარტნიორება კი ორმხრივ სარგებელსა და განვითარებასთანაა დაკავშირებული. #ახალიამბები #BusinessMediaGeorgia
სტატისტიკის სამსახურის ავტომობილების პორტალის მიხედვით, რომელიც თავის მხრივ შინაგან საქმეთა სამინისტროს და იუსტიციის სახლში არსებულ რეგისტრირებულ მონაცემებს ეყრდნობა, საქართველოში ამ ეტაპზე 1.635 მლნ ერთეული ავტომობილია რეგისტრირებული. აქედან, ყველაზე მეტი FORD TRANSIT-ია. დეტალური სტატისტიკა კი, ასე გამოიყურება: FORD TRANSIT - 49 177 ერთეული; TOYOTA PRIUS - 45 637 ერთეული; OPEL ASTRA - 37 128 ერთეული; VAZ 21063 - 23 105 ერთეული; HONDA FIT - 22 861 ერთეული; MERCEDES-BENZ C 180 - 18 469 ერთეული; OPEL VECTRA - 17 167 ერთეული; TOYOTA CAMRY - 16 414 ერთეული; VAZ 2106 - 15 562 ერთეული; TOYOTA RAV 4 - 15 072 ერთეული. #ახალიამბები #BusinessMediaGeorgia
ცნობილი ქართველი მწერალი აკა მორჩილაძე, ანუ იგივე გიორგი ახვლედიანი, ლიტერატურის დარგში ნობელის პრემიის კანდიდატად წარადგინეს, ინფორმაციას ქართული ლიტერატურის ინსტიტუტის ავრცელებს. აკა მორჩილაძე შვედეთის ნობელის კომიტეტში შოთა რუსთაველის სახელობის ქართული ლიტერატურის ინსტიტუტის სამეცნიერო საბჭოს და ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარული ფაკულტეტის პროფესორთა მიერ ხმათა უმრავლესობით წარადგინეს. ნობელის პრემიის 2024 წლის ლაურეატებს სტოკჰოლმსა და ოსლოში 7-დან 14 ოქტომბრის ჩათვლით გამოაცხადებენ. უკვე ცნობილია, რომ შვედეთის აკადემია თავის არჩევანზე ლიტერატურის დარგში 10 ოქტომბერს ისაუბრებს. #ახალიამბები #BusinessMediaGeorgia
მსოფლიო ბანკის მონაცემებით, 2022 წელს საქონლისა და მომსახურების იმპორტზე დამოკიდებულებით საქართველო 170 ქვეყანას შორის 46-ე ადგილზე იყო. 2022 წელს საქართველოში იმპორტირებულმა საქონლისა და მომსახურების ღირებულებამ 46 მილიარდი ლარი შეადგინა, რაც საქართველოს 2022 წლის მშპ-ის თითქმის 63%–ს შეადგენს. 2022 წელს საქართველოს იმპორტში საქონელმა 37 მილიარდი ლარი შეადგინა, ხოლო მომსახურებამ – 9 მილიარდი ლარი. მომსახურების იმპორტში საქართველო ყველაზე მეტს სატრანსპორტო მომსახურებაში იხდის, 2 მილიარდამდე დოლარს. საქონლის იმპორტში კი ყველაზე დიდი წილი – 12.7% მსუბუქ ავტომობილებს უჭირავს (2022 წლის მიხედვით), ნავთობპროდუქტებზე 10% მოდის. მსოფლიო ბანკის მიხედვით, ყველაზე მეტად იმპორტზე ლუქსემბურგია დამოკიდებული, ყველაზე ნაკლებად კი სუდანი. რაც შეეხება მეზობელ ქვეყნებს, სომხეთის საქონლისა და მომსახურების იმპორტი მშპ-ის 51%-ია და ამ მაჩვენებლით მსოფლიოში 74-ე ადგილზეა, თურქეთის მშპ-ის 43%-ია და 98-ე ადგილზეა, აზერბაიჯანის მშპ-ის 37%-ია და 140-ე ადგილზეა, რუსეთის მშპ-ის 15.6%-ია და 166-ე ადგილზეა. სტუმარი: სოსო ბერიკაშვილი - "კავკასიის უნივერსიტეტის" ეკონომიკის სკოლის დეკანი; #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
2024 წლის 1-ლი თებერვლიდან ძალაში შევიდა „ადგილობრივი მოსაკრებლების შესახებ“ საქართველოს კანონში ცვლილება, რომლითაც ადგილობრივი მოსაკრებლის ერთ-ერთ სახედ განისაზღვრა საკონტეინერო მოსაკრებელი. დღეის მდგომარეობით, საკონტეინერო მოსაკრებელი შემოღებულია მხოლოდ ფოთის მუნიციპალიტეტში და მისი ოდენობა ერთი კონტეინერისათვის 30 ლარს შეადგენს. შემოსავლების სამსახურის ინფორმაციით, ამ ადგილობრივი მოსაკრებლის გადამხდელია საქონლის გადამზიდავი, რომლის საკუთრებაში ან/და სარგებლობაში არის საქართველოს ტერიტორიაზე არსებულ საზღვაო ნავსადგურში შემოტანილი/საქართველოს ტერიტორიაზე არსებული საზღვაო ნავსადგურიდან გასატანი საქონლით დატვირთული კონტეინერი. კანონის შედეგად მობილიზებული სახსრები არა ცენტრალურ არამედ ადგილობრივი თვითმმართველობების ბიუჯეტებში მიიმართება, შესაბამისად, მისგან შემოსავალს სწორედ საპორტო მუნიციპალიტეტები მიიღებენ. ამის პარალელურად, საქართველოს პორტებში მოძრაობის წესების, ასევე უსაფრთხოების ნორმებისა და ზღვის დაბინძურების ფაქტებზე ჯარიმები მკაცრდება - ამას ითვალისწინებს ადმინისტრაციულ სამართალდარღვევათა კოდექსში შესატანი ცვლილებები, რომლის განხილვაც პარლამენტში უკვე დაიწყო. კანონპროექტის განმარტებითი ბარათის თანახმად, წარდგენილი ცვლილებები თანხვედრაშია 2018 წლის 31 დეკემბერს მიღებულ დადგენილებასთან, რომელიც საქართველოს დროშის ქვეშ მცურავი გემებისა და საქართველოში მდებარე ნავსადგურების უშიშროების წესებს განსაზღვრავს. ადმინისტრაციულ სამართალდარღვევათა კოდექსში შესატანი ცვლილებები არამხოლოდ გემების, არამედ ნავსადგურების ოპერატორების პასუხისმგებლობასაც შეეხება, რათა მათ სივრცეში უსაფრთხო საზღვაო მიმოსვლა იყოს გარანტირებული. ამ წესების დარღვევისთვის კი ჯარიმები პორტებისთვისაც არის განსაზღვრული. სტუმარი: გივი ჩაჩანიძე - COSCO SHIPPING LINES-ის კომერციული მენეჯერი #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
Reform-Talks: შესყიდვები სტუმრები: ლიანა ახობაძე - USAID-ის ეკონომიკური მმართველობის პროგრამის მრჩეველი საკანონმდებლო საკითხებში; კახა დემეტრაშვილი - სახელმწიფო შესყიდვების სააგენტოს თავმჯდომარის მოადგილე; გვანცა მელაძე - ექსპორტის განვითარების ასოციაცია, გამგეობის წევრი #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
USAID-ის ეკონომიკური მმართველობის პროგრამის მხარდაჭერითა და ექსპორტის განვითარების ასოციაციასთან მჭიდრო თანამშრომლობით შემუშავდა ვრცელი გზამკვლევი, რომელიც ასწავლის ქართულ კომპანიებს, როგორ მიიღონ მონაწილეობა ევროკავშირის წევრი ქვეყნების შესყიდვებში. USAID-ის ეკონომიკური მმართველობის პროგრამა მრავალია წელია მხარს უჭერს სახელმწიფო შესყიდვების სააგენტოს საჯარო შესყიდვების რეფორმის განხორციელებაში, რომელიც მიმართულია საქართველოს კანონმდებლობის ევროკავშირის შესაბამის დირექტივებთან ჰარმონიზაციისკენ. რეფორმა, სხვა სარგებელთან ერთად, ქართულ კომპანიებს ანიჭებს უპრეცედენტო წვდომას ევროკავშირის შესყიდვების 2 ტრილიონი ევროს ბაზარზე. #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
Horeca Hotel Star Georgia, წელს საქართველოს რეგიონებში მდებარე სასტუმროებისთვის, ვარსკვლავების მინიჭებას დაიწყებს. პროექტის ფარგლებში, Horeca Hotel Star Georgia, ევროპულ დონორ ორგანიზაციებთან ითანამშრომლებს და კოოპერაციის ფარგლებში იგეგმება ვარსკვლავების მინიჭება საქართველოს რეგიონში მდებარე 2-3 ვარსკვლავიანი სასტუმროებისთვის. სტუმარი: ქეთი მელაძე - სასტუმროების, რესტორნების და კაფეების ფედერაციის პრეზიდენტი; #ახალიამბები #BusinessMediaGeorgia
სამწლიან საბაკალავრო პროგრამებთან ერთად, მთავრობა ბაკალავრიატში, მაგისტრატურასა და დოქტორანტურაში ნაწილობრივ ელექტრონული სწავლების დაშვებას განიხილავს. საქართველოს მთავრობამ პარლამენტს 2024 წლის კანონშემოქმედებითი საქმიანობის სავარაუდო სქემა გადაუგზავნა, რომლის თანახმად, „უმაღლესი განათლების შესახებ“ საქართველოს კანონში ცვლილებები უნდა შევიდეს. #ახალიამბები #BusinessMediaGeorgia
გლობალური ბაზრების მიმოხილვა “თიბისი კაპიტალისგან” სტუმარი: თორნიკე მჭედლიშვილი, "თიბისი კაპიტალის" საბროკერო მიმართულების ვიცე-პრეზიდენტი #ახალიამბები #BusinessMediaGeorgia
BMG & Jeep Georgia წარმოგიდგენთ #BMGDRIVE-ს:
საქართველოსა და საუდის არაბეთს შორის სავაჭრო, საინვესტიციო და ლოგისტიკური კავშირების განვითარების მიზნით საქართველოში საუდის არაბეთის დელეგაციაა ჩამოსული. უკვე გაიმართა შეხვედრები საქართველოს სავაჭრო სამრეწველო პალატაში და ასევე ბიზნეს ფორუმი ჩატარდა აწარმოე საქართველოს ეგიდით. რა კონკრეტულ პროექტებს შეიძლება ველოდოთ ამ შეხვედრების შემდეგ და რა აინტერესებთ ამ ქვეყნის ბიზნეს წრეების წარმომადგენლებს საქართველოში? სტუმარი: გიორგი ვეკუა - სავაჭრო პალატის ბიზნესისა და რეგიონული განვითარების დეპარტამენტის დირექტორი; #ახალიამბები #BusinessMediaGeorgia
ბრენდის ხმა - რესტორანი "ბარბარესთან"
ღონისძიებების აფიშა TKT-GE (16-17-18 თებერვალი) #ახალიამბები #BusinessMediaGeorgia
ბოლო რამდენიმე წელია, რაც იტალიის პატარა ქალაქებმა საკმაოდ უჩვეულო კამპანიები დაიწყეს - ისინი ქვეყნის პატარა ქალაქებისა თუ სოფლების გადარჩენად მსურველებს სახლებს უფასოდ ან სიმბოლურ ფასად გარკვეული პირობების სანაცვლოდ გადასცემენ. გარდა ამისა, არის შემთხვევები, როდესაც ქვეყნის ამა თუ იმ რეგიონში საცხოვრებლად გადასვლის შემთხვევაში ათი ათასობით ევროსაც გადაგიხდიან. ქვეყნის რომელ რეგიონებში შეძლებთ მსგავსი შეთავაზებით სარგებლობას და რა პირობების დაკმაყოფილება მოგიწევთ თანხის მისაღებად? #ახალიამბები #BusinessMediaGeorgia
#საქმიანიდილა - 16 თებერვალი - პროლოგი #ახალიამბები #BusinessMediaGeorgia
BOGG PLC "ამერიაბანკის" პოტენციურ შეძენასთან დაკავშირებით მოლაპარაკებებს ადასტურებს. "ამერიაბანკი" წამყვანი უნივერსალური ბანკია, რომელიც მრავალფეროვანი არხებისა და ციფრული პლატფორმების საშუალებით, ფიზიკურ და იურიდიულ პირებს სხვადასხვა საბანკო პროდუქტებსა და სერვისებს სთავაზობს. ის ყველაზე მსხვილი ფინანსური ინსტიტუტია სომხეთში. BOGG PLC მზარდი ეკონომიკური მაჩვენებლების გათვალისწინებით, სომხეთს პოტენციური გაფართოებისთვის საინტერესო ბაზრად მიიჩნევს. მოლაპარაკების წარმატების დასრულების შემთხვევაში, BOGG PLC ტრანზაქციის სტრატეგიულ მნიშვნელობასა და ამ გარიგების შესაძლო სინერგიაზე კიდევ უფრო დეტალურად ისაუბრებს. #ახალიამბები #BusinessMediaGeorgia
2025 წლის ივლისიდან საქართველოს "შინაური ცხოველების შესახებ" ახალი კანონი ექნება. კანონპროექტი უკვე პარლამენტშია და საკომიტეტო მოსმენები 26 თებერვლიდან დაიწყება. კანონპროექტის მიხედვით, წესდება შინაური ბინადარი ცხოველების გამრავლების მოთხოვნები. მათ შორის, ავტორიზებულ საშენების მიღმა შინაური ცხოველების გამრავლებაც კანონდარღვევა ხდება. შინაური ცხოველების შესახებ კანონის აღსრულებისთვის ბიუჯეტიდან ეტაპობრივად ₾80 მლნ-ზე მეტი გამოიყოფა - ამის შესახებ „შინაურ ბინადარ ცხოველთა შესახებ“ კანონპროექტის ერთ-ერთმა ავტორმა მაია ბითაძემ პარლამენტში გამართულ ბრიფინგზე განაცხადა. სტუმარი: მარიკა ჩხიკვიშვილი - ვეტერინარი #ახალიამბები #BusinessMediaGeorgia
„ ორბი ჯგუფის" პროექტი ბახმაროში - საუბარია 350 პრემიუმ კლასის ნომერზე, რომელიც მრავალფეროვან ინფრასტრუქტურას აერთიანებს. მათ შორის სპორტულ მოედნებს, რესტორნებს, კაფეებს, სპა და სპორტულ გამაჯანსაღებელ ცენტრებს, დაგეგმილია დასასვენებელი პარკის, ატრაქციონების, რეკრეაციული ზონების, ბავშვთა გასართობი ცენტრის, კინო-თეატრის, საცურაო აუზის და პარკინგის მოწყობაც, რაც მათი გათვლებით, კურორტს საშუალებას მისცემს ყოველწლიურად 300 000-ზე მეტ ტურისტს მოემსახუროს. სტუმრები: ირაკლი კვერღელიძე - "ორბი ჯგუფის" გენერალური დირექტორი; გიორგი სულაბერიძე - არქიტექტორი, ურბანისტი, ბახმაროს გენ.გეგმის ავტორი; სემ ვრაითი - "WilkinsonEyre-ის მმართველი პარტნიორი, არქიტექტორი; საუბარს სინქრონულად თარგმნის NG Georgia #ახალიამბები #BusinessMediaGeorgia
ორბელიანის მოედანი - ტერიტორია, სადაც საუკუნეებია უკვე სავაჭრო პროცესები მიმდინარეობს და მიუხედავად იმისა, რომ ახლა უკვე სახე საგრძნობლად იცვალა, მთავარი ხაზისთვის დღემდე არ გადაუხვევია და აქტიურ სავაჭრო სივრცედ რჩება. #ახალიამბები #BusinessMediaGeorgia
საქართველოს ბიზნეს ასოციაციის წევრი, კიდევ ერთი კომპანია, ამჯერად ნოვა გახდა. სამშენებლო და სარემონტო მასალების ერთ-ერთი უმსხვილესი მწარმოებელი, იმპორტიორი და რეალიზატორი კომპანია ნოვა, საქართველოს ტერიტორიაზე გაფართოებას განაგრძობს და 2024 წლიდან ფრენჩაიზინგის ხელშეკრულების საფუძველზე დიდი ქალაქების გარდა, რეგიონში ფილიალების გახსნასაც გეგმავს. როგორია თანამშრომლობის მოლოდინი და გეგმები, რომელსაც ნოვა მიმდინარე წელს განახორციელებს? სტუმრები: ლევან ვეფხვაძე - საქართველოს ბიზნეს ასოციაციის აღმასრულებელი დირექტორი; ედიშერ ხიმშიაშვილი - "ნოვას" გენერალური დირექტორი #ახალიამბები #BusinessMediaGeorgia
"სოკარი" "აქსელის" აქტიური პარტნიორია და გასულ კვირას, ყოველთვიური საინვესტიციო შეხვედრაც გაიმართა სტარტაპებთან და წევრ ინვესტორებთან. რა ცვლილებებს მოუტანს ქართულ სტარტაპ ეკოსისტემას სოკარისა და აქსელის თანამშრომლობა და როგორია მათი გეგმები? სტუმრები: თამარ ჯავახიშვილი - „სოკარ ენერჯი ჯორჯიას“ დირექტორის მოადგილე საზოგადოებასთან ურთიერთობის, მარკეტინგისა და ღონისძიებების მიმართულებით; ირო ცაგარეიშვილი - აქსელის მმართველი დირექტორი. #ახალიამბები #BusinessMediaGeorgia
Galt & Taggart-მა ნედლეულის ბაზრის ყოველთვიური მიმოხილვა გამოაქვეყნა, რომელიც ნედლეულის ფასების დინამიკას ასახავს და მიმოხილვაში ვკითხულობთ, რომ ნავთობის ფასი თვიურად 6.1%-ით გაიზარდა, რაც 2023 წლის სექტემბრის შემდეგ პირველი თვიური მატება იყო. ასევე გაზრდილია ბუნებრივი აირის ფასიც. საპირისპირო მაჩვენებელია ოქროს შემთხვევაში და ოქროს ფასი თვიურად 1.1%-ით შემცირდა. ასევე ფასის დინამიკაში შავი ზღვის საფრთხეებისა და გლობალური რეცესიის რისკის შემცირების ფონზე ცვლილებებია, ხორბლის ფასში და გაზრდილია სპილენძის ფასიც. სტუმრები: კახა სამყურაშვილი - Galt & Taggart-ის სექტორული კვლევების უფროსი; სერგი ყურაშვილი - Galt & Taggart-ის უფროსი ანალიტიკოსი; #ახალიამბები #BusinessMediaGeorgia
პერსონალურ მონაცემთა დაცვის შესახებ ახალი კანონი მიმდინარე წლის 1 მარტიდან კერძო სექტორს ახალ მოთხოვნებს უწესებს. კანონი ვრცელდება იმ პირებზე, რომლებიც ჩართულნი არიან პერსონალურ მონაცემთა დამუშავებაში. კომპანიებს საკმაოდ ცოტა დრო რჩებათ იმისთვის, რომ კანონის ამოქმედებამდე შესაბამისობაში მოიყვანონ პერსონალურ მონაცემთა დამუშავების მათ მიერ დანერგილი პრაქტიკა. კანონთან შესაბამისობაში მოყვანა გულისხმობს სხვადასხვა წერილობითი პოლიტიკა-პროცედურების შემუშავებას, მონაცემთა დაცვის ოფიცრის დანიშვნას, მონაცემთა დამუშავებაში ჩართული თანამშრომლებისთვის ტრენინგების ჩატარებას, მომსახურების გამწევ კონტრაქტორებთან მონაცემთა დაცვასთან დაკავშირებული შეთანხმებების გაფორმებას და ა.შ. კანონით დადგენილი წესების დარღვევისთვის მნიშვნელოვნად მკაცრდება პასუხისმგებლობაც. როდის ამოქმედდება ახალი რეგულაციები და ვისთვის რა იცვლება ახალი კანონით? სტუმარი: ნინო ყველაიძე - "გრანთ თორთონის" იურისტი; #ახალიამბები #BusinessMediaGeorgia
გლობალური ეკონომიკის მნიშვნელოვან რგოლს - სამომხმარებლო ბაზარი წარმოადგენს. სწორედ ამიტომ სხვადასხვა მონაცემთა წყაროებზე დაყრდნობით, იმ ქვეყნების სია დადგინდა, სადაც ყველაზე მსხვილი სამომხმარებლო ბაზარია. მსოფლიო ბანკის, გაეროს, ევროსტატის და OECD-ის მონაცემებზე დაყრდნობით, ამასთან, World Data Lab-ის 2030 წლის პროგნოზების მიხედვით, გამოქვეყნდა იმ ქვეყნების რეიტინგი, რომლებსაც 6 წელში, ყველაზე დიდი სამომხმარებლო ბაზარი უნდა ჰქონდეთ. რომელი ქვეყნები არიან სიის სათავეში და როგორია პროგნოზები? #ახალიამბები #BusinessMediaGeorgia
ქვეყნების ბიზნესგარემოს შეფასებაში გადასახადების დონეს ცენტრალური ადგილი უჭირავს. სხვა თანაბარ პირობებში, მეწარმეები ეძებენ ისეთ ქვეყნებს, სადაც გადასახადები დაბალია. დაბალ გადასახადებში იგულისხმება ისეთი საგადასახადო განაკვეთები, რომლებიც სხვა ქვეყნების საგადასახადო განაკვეთებთან შედარებით დაბალია. ორგანიზაცია Tax Foundation-მა თავის უახლეს კვლევაში ევროპის ის ქვეყნები გააერთიანა, რომლებიც გადასახადების როგორც მაღალი, ასევე ყველაზე დაბალი მაჩვენებლებით გამოირჩევიან. რომელი ქვეყნები მოხვდნენ რეიტინგის სათავეში #ახალიამბები #BusinessMediaGeorgia
წითელ ზღვაში სავაჭრო გემებზე ჰუსიტების პირველი თავდასხმიდან რამდენიმე თვე გავიდა. თუმცა ის პერიოდულად გრძელდება. წითელი ზღვა საზღვაო გადაზიდვებისთვის ერთ-ერთი მთავარი მარშრუტია, სწორედ ამიტომ, ჰუსიტების თავდასხმა კომპანიების ოპერირებაზე გავლენას ახდენს. რა შეიცვალა კომპანიებისთვის ჰუსიტების თავდასხმის შემდეგ და რა მიმართულებით შეცვალეს საერთაშორისო კორპორაციებმა სტრატეგია? #ახალიამბები #BusinessMediaGeorgia
უძრავი ქონების, ობლიგაციების და სხვა აქტივების მიახლოებითი ღირებულების დათვლით, The Business Standard-მა თანამედროვე მსოფლიოს მონარქების ქონება შეისწავლა და მიღებული შედეგების მიხედვით მსოფლიოს 10 უმდიდრესი მონარქის რეიტინგი შეადგინა. რომელი მონარქები მოხვდნენ რეიტინგის სათავეში და ვინ არის მათ შორის ყველაზე მდიდარი? #ახალიამბები #BusinessMediaGeorgia
Visa-ს ინოვაციური B2B Connect პლატფორმა ლიბერთი ბანკის ბიზნეს და კორპორაციული კლიენტებისთვის ხელმისაწვდომი ხდება საქართველოში. Visa B2B Connect ლიბერთი ბანკსა და მის ბიზნეს მომხმარებლებს საშუალებას მისცემს საერთაშორისო გადახდები განახორციელონ სწრაფად, უსაფრთხოდ და ეფექტურად. Visa B2B Connect არის ინოვაციური, არა საბარათე, ანგარიშსწორების სერვისი, რომელიც შემუშავებულია ფინანსური ინსტიტუტებისთვის, რათა მათ ბიზნეს კლიენტებს საშუალება მიეცეთ განახორციელონ და მიიღონ საერთაშორისო გადახდები პროგნოზირებადი, უსაფრთხო და ეფექტური გზით. #ახალიამბები #BusinessMediaGeorgia
#საქმიანიდილა - 15 თებერვალი - პროლოგი #ახალიამბები #BusinessMediaGeorgia
The Information-ის მიერ გავრცელებული ინფორმაციის თანახმად, სმარტფონების ამერიკული მწარმოებელი, Apple-ი iPhone-ის სულ მცირე ორი მოდელისთვის დასაკეცი ტექნოლოგიის შექმნაზე მუშაობს. აღნიშნულ სიახლეს ის საკითხთან დაახლოებულ პირებზე დაყრდნობით ავრცელებს. წყაროების ცნობით, დასაკეცი სმარტფონების ტექნოლოგია Apple-ში ჯერ განვითარების ადრეულ ეტაპზეა და კომპანიის 2024-2025 წლების მასობრივი წარმოების გეგმებში ამ ეტაპზე არ შედის. წყარო ანუ სააგენტო The Information-ი აცხადებს, რომ ტექნოლოგიური გიგანტი აზიაში რამდენიმე მომწოდებელს უკვე დაუკავშირდა დასაკეცი ტექნოლოგიის ნაწილებთან დაკავშირებით. შეგახსენებთ, Apple-ის აზიურმა კონკურენტმა, ასევე ერთ-ერთმა ყველაზე მსხვილმა სმარტფონების მწარმოებელმა, Samsung-მა, დასაკეცი მობილური ტელეფონები ბაზარზე რამდენიმე წლის წინ წარადგინა. #ახალიამბები #BusinessMediaGeorgia
გარემოს დაცვის სამინისტრო თბილისის ატმოსფერული ჰაერის ხარისხის მართვის გეგმაზე მუშაობს. ორგანიზაცია „ჩემი ქალაქი მკლავს“ სამინისტროს იმ პოტენციური აქტივობების შესახებ მიაწოდა რეკომენდაციები, რამაც დედაქალაქში ჰაერის ხარისხობრივი მაჩვენებლები უნდა გააუმჯობესოს. მდინარე მტკვარზე სანაოსნო მიმართულების განვითარება, თვის კენტი და ლუწი დღეების შესაბამისად ავტომობილების გადაადგილების განსაზღვრა მათი სანომრე ნიშნის ბოლო ციფრის მიხედვით, ასევე საწვავის, ხუნდებისა და საავტომობილო ზეთების ხარისხის მონიტორინგი - ეს მხოლოდ ნაწილია იმ საკმაოდ ვრცელი რეკომენდაციების ნუსხიდან, რომელზეც ორგანიზაციამ იმუშავა. ქალაქში ჰაერის ხარისხის გაუმჯობესებისთვის ასევე მიაჩნიათ, რომ ელიავას, ფეიქრებისა და ისნის ბაზრობის გადატანა უნდა მოხდეს თბილისი შემოვლითი გზის ზედა მხარეს, ამასთან უნდა აიკრძალოს ქალაქში საავტომობილო ნაწილებით ვაჭრობა, აღნიშნულ ლოკაციებზე კი რეკრეაციული სივრცეები უნდა შეიქმნას. რას შეცვლის თბილისში ატმოსფერული ჰაერის ხარისხის მართვის გეგმის შექმნა და რა კონკრეტული ღონისძიებების გატარებაა ქალაქში საჭირო ჰაერის ხარისხის გასაუმჯობესებლად? სტუმარი: გიორგი ჯაფარიძე - არასამთავრობო ორგანიზაცია „ჩემი ქალაქი მკლავს“ დამფუძნებელი; #ახალიამბები #BusinessMediaGeorgia
კლინიკებს, სადაც სიკვდილიანობის მაჩვენებელი მაღალი იქნება, სავარაუდოდ, სახელმწიფო დაფინანსება შეუწყდება. კლინიკებმა ჯანდაცვის სამინისტროს ჯანმრთელობის ეროვნული სააგენტოსგან მიიღეს დოკუმენტი, სადაც ნათქვამია, რომ თუ პაციენტების სიკვდილიანობის მაჩვენებელი 6 %-ზე მაღალი იქნება, ასეთ კლინიკას სახელმწიფო დაფინანსებას შეუჩერებს. კლინიკების ნაწილი საუბრობს, რომ ლეტალობის დათვლის მეთოდოლოგია გადასახედია და გადაწყვეტილების მიღების პროცესში ჯანდაცვის სამინისტრომ უნდა გაითვალისწინოს, რა სიმძიმის პაციენტები შედიან კლინიკებში. რა იცვლება სამედიცინო დაწესებულებებისთვის? სტუმარი: მაია მახარაშვილი - ხეჩინაშვილის სახელობის კლინიკის ხელმძღვანელი და ჯანდაცვის ასოციაციის სამეთვალყურეო საბჭოს თავმჯდომარე; #ახალიამბები #BusinessMediaGeorgia
GDB აგროს მეურნეობაში წარმოებულ პროდუქციას ექსკლუზიურ დისტრიბუციას კომპანია „იმერი“ გაუწევს. ეს ნიშნავს, რომ ლაგოდეხის აგრო მეურნეობაში მოყვანილი სალათის ფურცელი, ბროკოლი და სხვა პროდუქტები უკვე რითეილ სექტორშიც გამოჩნდება. კომპანია GDB აგრო არის GLOBAL GAP-ის საერთაშორისო სერტიფიკატის და ასევე HACCP-ის მფლობელი კომპანია, რაც წარმოადგენს დადასტურებას, რომ კომპანიის მიერ წარმოებული პროდუქცია შეესაბამება საერთაშორისო სტანდარტებს და პროდუქციის ექსპორტი დასაშვებია ევროკავშირის წევრ ყველა ქვეყანაში. რას გულისხმობს GDB აგროსა და „იმერის“ პარტნიორობა? სტუმრები: ივა ჭყონია - GDB Agro-ს დამფუძნებელი; ნიკა კიკნაძე - კომპანია "იმერის" დამფუძნებელი; #ახალიამბები #BusinessMediaGeorgia
ენერგეტიკის CFD აუქციონში მონაწილეთა რაოდენობა გაორმაგდა - სამინისტროში სულ 146 განაცხადი შევიდა. რაც დაახლოებით ორჯერ მეტია პირველ აუქციონთან შედარებით. ეკონომიკის სამინისტრომ მთლიანობაში 800 მეგავატის სიმძლავრეზე გამოაცხადა აუქციონი. სამინისტროს ინფორმაციით, შესაბამისი კომისია უახლოეს მომავალში შეიკრიბება, გაეცნობა წარმოდგენილ განაცხადებს, პირველ რიგში, დაადგენს მედიანურ ტარიფს, რის შემდგომაც მოხდება გამარჯვებული წინადადებების გამოვლენა. სტუმარი: თორნიკე ბახტურიძე - საქართველოს ქარის ენერგიის ასოციაციის WindGeorgia-ს მმართველთა საბჭოს თავმჯდომარე; #ახალიამბები #BusinessMediaGeorgia
აუდიტორული და ბიზნეს საკონსულტაციო კომპანია BDO სფეროში მუშაობის ახალ სტანდარტს ამკვიდრებს, რობოტული პროცესების ავტომატიზაციის მეშვეობით. ციფრული ტრანსფორმაცია კომპანიაში მრავალი წელია უწყვეტად მიმდინარეობს. სწორედ ამ პროცესის ნაწილია ვირტუალური თანამშრომლების- რობოტების გამოჩენა მათ გუნდში, რომლებიც განმეორებით, წესებსა და ლოგიკაზე დაფუძნებულ ამოცანებს ასრულებენ. სტუმრები: თამარ კუხიანიძე - BDO, ბიზნეს სერვისებისა და აუთსორსინგის მიმართულების ხელმძღვანელი; ქეთევან ნოზაძე - BDO Digital, Digital Advisory-ის მენეჯერი #ახალიამბები #BusinessMediaGeorgia
რუბრიკის ფარგლებში, რომელსაც თიბისი ბიზნესისთვის - ერთად წარმოგიდგენთ, გაგაცნობთ კომპანიას, რომლის დებიუტი თბილისში 2018 წელს შედგა და ქალაქს გააცნო სრულიად განსხვავებული პან-აზიური სამზარეულოსა და იზაკაიას კულტურა. საუბარია ფეფერბოიზე. რომელმაც თავი დაიმკვიდრა, როგორც ამ მიმართულების გზამკვლევი. ბრენდმა მონეტიზაცია გაუკეთა ისეთ კერძებს, როგორიც არის ტრადიციულად ფერმენტირებული კორეული კიმჩი, ტკბილ-ცხარე ქათმის ფრთები, ვიეტნამური ფო, იაპონური ჩიზქეიქი, შესაბამისად, შეგვიძლია ვთქვათ, რომ აზიური სამზარეულოს ახალი სტანდარტი შემოიტანა ქალაქში. შემდეგ იყო შედარებით რთული პერიოდი, პანდემია და მისი თანმდევი კრიზისი, მაგრამ ეს პერიოდიც დასრულდა და ფეფერბოი განახლებული ხედვით და კონცეფციით დაუბრუნდა ბაზარს. სტუმარი: თინა ხაფავა - "ფეფერბოის" თანადამფუძნებელი; #ახალიამბები #BusinessMediaGeorgia
ვალენტინობის დღესთან დაკავშირებით, ავერსის ყველა სააფთიაქო ქსელებში განსაკუთრებული შეთავაზებებია - რა სიახლეები დაიგეგმა წელს სიყვარულის დღესთან დაკავშირებით და რამდენი ხნის განმავლობაში ელოდებათ მომხმარებლებს ფასდაკლებები? ლალი ბრეგვაძე - “ავერსის” საზოგადოებასთან ურთიერთობის სამსახურის ხელმძღვანელი; მარიამ იზორია - BMG-ის რეპორტიორი; #ახალიამბები #BusinessMediaGeorgia
საქართველოს საბანკო ასოციაციამ IFC-სთან (საერთაშორისო საფინანსო კორპორაცია) და ფონდ ფაინენს ენდ მოუშენთან თანამშრომლობით ESG ტრენინგები დაიწყო საბანკო სექტორისთვის. ტრენინგები თავის მხრივ მნიშვნელოვანია ბანკებისთვის, რადგან 2024 წლის დღის წესრიგში სებ-ის მიერ დამტკიცებული გზამკვლევის მიხედვით კომერციულ ბანკებში ESG პრაქტიკების დარგვა დგას. დღეს მსოფლიოში ESG პრაქტიკების დანერგვა სავალდებულო ხდება და არც საქართველოა გამონაკლისი. პირველი ჯგუფის ტრენინგი უკვე დაიწყო და პარალელურად ფორმირდება შემდეგი ჯგუფიც. ამასთან წელს უკვე დაგეგმილია ოთხი ასეთი ტრენინგ ღონისძიება საბანკო სექტორისთვის. გარდა ამისა დღის წესრიგშია ტრენინგი ბიზნეს სექტორთან და სხვა მიზნობრივ ჯგუფებთან. სტუმარი: ლევან გოგოლაძე - საქართველოს საბანკო ასოციაციის ESG მიმართულების კოორდინატორი; #ახალიამბები #BusinessMediaGeorgia
მშრალი ხიდის ტერიტორია თბილისის ერთ-ერთი ყველაზე ცნობილი და საინტერესო სავაჭრო სივრცეა. ათეულობით წლების განმავლობაში აქ მოვაჭრეები სხვადასხვა სახეობის ძველ ნივთებს, ნახატებს და ფარდაგებს ყიდიან. მათი ძირითადი მომხმარებლები კი წლებია ტურისტები არიან. აქ ამბობენ, რომ ეს ნივთებიც სწორედ ტურისტების ინტერესებზეა გათვლილი. თუმცა, ბოლო პერიოდში ქვეყანაში ტურისტული ნაკადების შემცირებამ, მშრალი ხიდის მოვაჭრეების მომხმარებლების რაოდენობის შემცირებაც განაპირობა. #ახალიამბები #BusinessMediaGeorgia