წელს უკვე მესამედ დასახელდებიან კომპანიები, რომლებიც „საუკეთესო წლიური ანგარიშის და გამჭვირვალობის ჯილდოს” მფლობელებად სპეციალურმა ჟიურიმ შეარჩია. BARTA-ს დაჯილდოვება მსოფლიო ბანკისა და ბუღალტრული აღრიცხვის, ანგარიშგებისა და აუდიტის რეფორმების მხარდაჭერის ეროვნული ფონდის თანამშრომლობით, ევროკავშირისა და მსოფლიო ბანკის ერთობლივი პროექტის ფარგლებში - ფინანსური ჩართულობისა და ანგარიშვალდებულების შესახებ ხორციელდება. „საუკეთესო წლიური ანგარიშის და გამჭვირვალობის ჯილდო“ წლიური ანგარიშგების ახალი კულტურის მხარდამჭერი პირველი ჯილდოა რომელიც 2019 წლიდან გაიცემა და ის საქართველოს საფონდო ბირჟაზე სავაჭრო სისტემაში დაშვებულ კომპანიებს შორის, საუკეთესო საერთაშორისო პრაქტიკის მიხედვით წარმოებული ფინანსური და მმართველობის ანგარიშგების წარმდგენ კომპანიებს გადაეცემათ. თავის მხრივ ჯილდო ხელს უწყობს კაპიტალის ბაზრის განვითარებისთვის უმნიშვნელოვან ფაქტორებს და ეს არის: კომპანიების გამჭვირვალობა, სწრაფვა კორპორატიული მართვისკენ და რაც მთავარია, პასუხისმგებლიან მმართველობას, რაც თავის მხრივ ქვეყნის საინვესტიციო გარემოს სტაბილურობისა და შეუქცევადი განვითარების გარანტია. კომპანიების ფინანსური გამჭვირვალობას და ანგარიშვალდებულების ასეთ ხარისხს, სრულიად სხვა დისკურსში გადაჰყავს სახელმწიფოც და კერძო ინვესტორიც. სტუმრები: ირინა გორდელაძე - "მსოფლიო ბანკი", უფროსი კონსულტანტი მართვის სფეროში; ნიკო გაგუა - ეროვნული ბანკის ვიცე-პრეზიდენტი; გიორგი თაბუაშვილი - ბუღალტრული აღრიცხვის ანგარიშგებისა და აუდიტის რეფორმების მხარდაჭერის ეროვნული ფონდის საბჭოს აღმასრულებელი თავმჯდომარე;
საქართველოში საერთაშორისო ბრენდის ალუმინის სლაიდ სისტემები 2018 წლიდან იწარმოება და კომპანია არისტომ უკვე დაიმკვიდრა ადგილი, როგორც თანამდროვე პრემიუმ ბრენდი თავის სეგმენტში და პანდემიის მიუხედავად კომპანიამ ბაზარზე ლიდერებს შორის პოზიციები შეინარჩუნა. Aristo-2003 წელს შექმნილი ევროპული ბრენდია, რომელიც ალუმინის სისტემების მსოფლიო ბაზრის ერთ-ერთი ლიდერია და ეს ბრენდი უკვე საქართველოში, მისი წარმოებული პროდუქცია კი არაერთ ბინაშია დამონტაჟებული. სტუმარი: გიორგი ჩიტაძე - "მემო გრუპის" დირექტორი #ახალიამბები #BusinessMediaGeorgia
Apple Inc (AAPL.O) 3 ტრილიონი დოლარის ღირებულების საბაზრო კაპიტალიზაციას უახლოვდება. როგორ „როიტერსი“ წერს, Apple-ის აქციები ბოლო დროს 1,6%-ით გაიზარდა და 174 დოლარამდე შეადგინა. იმისათვის, რომ ნიშნულს მიაღწიონ, საჭიროა კომპანიამ თითო აქცია 182,85 დოლარად ივაჭროს. 2020 წელს აქციების ფასის 80%-ით გაზრდის შემდეგ, მხოლოდ წელს საფასური კიდევ დაახლოებით 30%-ით გაიზარდა. სტუმარი: ნიკა მაზანაშვილი - Galt&Taggart;-ის საბროკერო დეპარტამენტის უფროსი ანალიტიკოსი; #ახალიამბები #BusinessMediaGeorgia
საქართველოს სტატისტიკის ეროვნული სამსახურის მიერ 9 დეკემბერს გამოქვეყნებული წინასწარი მონაცემებით, 2021 წლის მე-3 კვარტალში, წინა წლის შესაბამის პერიოდთან შედარებით, პირდაპირი უცხოური ინვესტიციების მოცულობა 1.4%-ით გაიზარდა და 299 მლნ აშშ დოლარი გახდა. საქსტატის ცნობით, პირდაპირი უცხოური ინვესტიციების მატება ძირითადად რეინვესტიციის მაჩვენებლის ზრდამ განაპირობა. სტუმარი: ლაშა ქავთარაძე - Galt&Taggart;-ის ეკონომისტი #ახალიამბები #BusinessMediaGeorgia
ისლანდიის საპენსიო ფონდში ფულის სიჭარბეა #ახალიამბები #BusinessMediaGeorgia
„რესპუბლიკა“- ში გუშინ პოლონეთის ინვესტიციების და ვაჭრობის სააგენტოს თბილისის ოფისის სახელით პოლონური დღეები ოფიციალურად გაიხსნა. პოლონური დღეების ინაუგურაციის სახელით გამართულ ღონისძიებაზე პოლონეთის მთავრობის ფინანსური ინსტრუმენტების გაცნობა მოხდა, რომლის დახმარებითაც პოლონეთი პოლონური ბიზნესის ინტერნაციონალიზაციის მხარდაჭერას უზრუნველყოფს. რა მიზანს ემსახურება პოლონური დღეები? სტუმარი: გვანცა გრიგალაშვილი - პოლონეთის ინვესტიციების და ვაჭრობის სააგენტოს თბილისის ოფისი, ბიზნესის განვითარების მენეჯერი; #ახალიამბები #BusinessMediaGeorgia
მსოფლიოს წამყვანმა ბიზნეს-გამოცემა Forbes-მა ყველაზე გავლენიანი ქალების ახალი რეიტინგი გამოაქვეყნა. პირველი ადგილი ჯეფ ბეზოს ყოფილმა მეუღლემ მაკენზი სკოტმა დაიკავა. მანამდე ამ თანამდებობას 10 წელი იკავებდა გერმანიის კანცლერი ანგელა მერკელი. მეორე ადგილზე აშშ-ის ვიცე-პრეზიდენტი კამალა ჰარისი იყო, მესამეზე კი ევროპის ცენტრალური ბანკის ხელმძღვანელი კრისტინ ლაგარდი. რა შეიცვალა ახალ რეიტინგში გასულ წლებთან შედარებით და ვინ დასახელდა შოუბიზნესიდან? #ახალიამბები #BusinessMediaGeorgia
პანდემიამდე მსოფლიოს წამყვანი ტურისტული ადგილი - საფრანგეთი ყველაზე მაღალი რისკის კატეგორიაში გადავიდა. მასთან ერთად, სიაში კიდევ 6 ახალი ტურისტული ლოკაციაა: ანდორა, კვიპროსი, იორდანია, ლიხტენშტეინი, პორტუგალია და ტანზანია. ეს ის მიმართულებებია, სადაც, აშშ-ის დაავადებათა კონტროლის ცენტრის ბოლო მონაცემებით, ბოლო 28 დღის განმავლობაში 100 ათას მოსახლეზე კოვიდინფიცირების 500-ზე მეტი შემთხვევა დაფიქსირდა. ახლა თათია კაკიაშვილი გაგვაცნობს ტურისტული ადგილებს, სადაც მოგზაურობა სარისკოა და პირიქით! #ახალიამბები #BusinessMediaGeorgia
შრომის სტატისტიკის ბიუროს მონაცემებით, ნოემბრის ბოლოს არსებული მაჩვენებლების მიხედვით, რესტორნის ფასები ბოლო 12 თვის განმავლობაში 5,8%-ით გაძვირდა. ეს კი 1982 წლის იანვრის შემდეგ, ყველაზე მაღალი მაჩვენებელი, ფაქტობრივად, ბოლო 40 წლის ისტორიული მაქსიმუმია. სამწუხაროდ, ისინიც, ვინც იმედოვნებს, რომ ხარჯების დაზოგვას სახლში კერძების მომზადების გზით შეძლებენ, უნდა გავაწბილოთ - წელს სურსათის ფასები ასევე რეკორდულად მაღალია. ასე რომ, რა უფრო ძვირია - სახლში თუ რესტორანში სადილი? #ახალიამბები #BusinessMediaGeorgia
უკრაინის შინაგან საქმეთა მინისტრის მოადგილე ალექსანდრე გოგილაშვილი მოხსნეს #ახალიამბები #BusinessMediaGeorgia
#საქმიანიდილა - 14 დეკემბერი - პროლოგი #ახალიამბები #BusinessMediaGeorgia
დიდ ბრიტანეთში დაფუძნებულმა კომპანია Engineered Arts-მა ჰუმანოიდი რობოტი „ამეკა“ შექმნა, რომელსაც მართალია, რეალისტური თმა და კანი არა აქვს, თუმცა სახის გამომეტყველებას ადამიანის მსგავსად იცვლის. მწარმოებელმა ვიდეო, რომელშიც მოწყობილობა საკუთარ შესაძლებლობებს ავლენს, იუტუბის არხზე გამოაქვეყნა. ვიდეო „ამეკას“ გამოღვიძებით იწყება. თვალების გახელისას მის სახეზე დაბნეულობა და იმედგაცრუება იკითხება. მას შემდეგ, რაც ჰუმანოიდი რობოტი საკუთარ ხელებს დახედავს, ის პირს აღებს, წარბებს მაღლა სწევს და ამ გზით გაოცებას გამოხატავს. მომდევნო ჯერზე „ამეკა“ მოულოდნელობით გამოწვეულ სახის გამომეტყველებას იღებს, ვიდეოს ბოლო მონაკვეთში კი კამერას, შესაბამისად მაყურებელს უღიმის. #ახალიამბები #BusinessMediaGeorgia
საქართველოში კოვიდ პანდემიის დაწყებიდან თითქმის 2 წლის თავზე ჯანდაცვის მინისტრი თანამდებობას ტოვებს. “ვთვლით, რომ ის პროექტები, რომლებიც დაიწყო და განხორციელდა, ამით განვითარების გარკვეული ეტაპი უკვე დაიხურა. ჩვენ გადავდივართ სხვა ეტაპზე”, — თქვა ეკატერინე ტიკარაძემ 9 დეკემბერს. წლის ბოლომდე ის სამინსტროში რჩება, თუმცა, რას ტოვებს ის ჯანდაცვის სისტემაში? მიმდინარე წლის მარტში Galt & Taggart-მა და საერთაშორისო ფონდმა “კურაციო”, ჯანდაცვის სექტორის ფინანსური სტაბილურობის და რისკების შეფასების კვლევა ჩაატარა. სახელმწიფო დანახარჯები ჯანდაცვაზე მუდმივად მზარდი და არაკონტროლირებადია - ვკითხულობთ დოკუმენტში. საყოველთაო ჯანდაცვის ფარგლებში ბიუჯეტის გადახარჯვამ ჯამში 350 მლნ ლარი შეადგინა 2014-20 წლებში. დახარჯული მილიარდების მიუხედავად, მოსახლეობის მხრიდან ჯანდაცვაზე გაწეული ხარჯებიც საკმაოდ მაღალია. მიუხედავად იმისა, რომ ბიუჯეტიდან ჯანდაცვის მიმართულებით უამრავი ფულადი რესურსია დახარჯული, ჯანდაცვის სექტორის მომგებიანობის მაჩვენებლები 2015 წლიდან უარესდება. სახელმწიფოს კლინიკების მიმართ 551 მილიონ ლარამდე დავალიანებაც აქვს. ამ დავალიანებების დასაბალანსებლად სამედიცინო დაწესებულებები მეტ სესხს იღებენ, რაც საბოლოოდ ისევ პაციენტზე აისახება. ასევე, აგვიანებენ სავაჭრო და სახელფასო ვალდებულებების გასტუმრებას. კვლევაში ვკიხტულობთ, რომ ჯანდაცვის სექტორში არსებობს ჭარბი საწარმოო სიმძლავრეები და არ ხდება მათი ეფექტური გამოყენება. საწოლების დატვირთვის მაჩვენებელი 49%-ია საქართველოში, რაც მკვეთრად ჩამორჩება ევროკავშირის და დსთ-ს საშუალო მაჩვენებლებს. კვლევაში ერთ-ერთ რისკ ფაქტორად მიჩნეულია მოსალოდნელი რეგულაციები და გაურკვევლობის მაღალი დონე, რაც ხელს უშლის ინვესტიციების მოზიდვას. სტუმარი: ნიკოლოზ გამყრელიძე - „საქართველოს ჯანდაცვის ჯგუფის“ გენერალურიდირექტორი #ახალიამბები #BusinessMediaGeorgia
საქართველოს ეროვნული ბანკი ქვეყანაში “ციფრული ლარის” შემოღების პროექტზე მუშაობს და როგორც ეროვნული ბანკის პრეზიდენტი კობა გვენეტაძე ამბობს, პროექტთან დაკავშირებით უკვე ჩატარდა შეხვედრები ტექნოლოგიურ კომპანიებთან, რომლებმაც საქართველოში ციფრული ლარის განვითარებაზე ინტერესი გამოხატეს. როგორც მან განაცხადა, ამჟამად, ციფრული ვალუტის შესაძლო მახასიათებლებს განიხილავენ, რომლის შემდეგ საჯარო განხილვებიც გაიმართება. სტუმრები: დავით კლდიაშვილი - იურისტი; ავთო კუჭავა - "კრიპტო ბაზრის" დამფუძნებელი #ახალიამბები #BusinessMediaGeorgia
#საუბრებიავიაციაზე: ბიზნესავიაცია და მისი ტენდენციები სტუმრები: გიორგი მოლოდინაშვილი - საავიაციო საკონსულტაციო ჯგუფი, მმართველი პარტნიორი; მირიან სარიშვილი - VIP Aviation-ის დირექტორი #ახალიამბები #BusinessMediaGeorgia
სამოქალაქო ავიაციის სააგენტომ ავიაკომპანია MyWay Airlines-ს საჰაერო გადაყვანა-გადაზიდვის მოწმობა გაუუქმა, რის მიზეზადაც კანონმდებლობის მოთხოვნებთან შეუსაბამობა დასახელდა. როგორც ეკონომიკის მინისტრი ნათია თურნავა ამბობს, თუ MyWay Airlines-ი ხარვეზს გამოასწორებს, შეუძლია ფრენების აღდგენის მოთხოვნით სამოქალაქო ავიაციის სააგენტოს კვლავ მიმართოს. My Ways Arlines-მა სამოქალაქო ავიაციის სააგენტოს გადაწყვეტილება საჰაერო გადაყვანა-გადაზიდვის მოწმობის გაუქმების თაობაზე სასამართლოში გაასაჩივრა. ამის შესახებ BMG-ს კომპანიის იურისტმა თამარ მამფორიამ განუცხადა. შეხვედრა შედგა ასევე ეკონომიკის მინისტრ ნათია თურნავასთან. #ახალიამბები #BusinessMediaGeorgia
როდის ხდება სესხი პრობლემური? სტუმარი: გიორგი კეპულაძე - "საზოგადოება და ბანკების" გამგეობის თავმჯდომარე #ახალიამბები #BusinessMediaGeorgia
,,ზრუნვა ცვლის სამყაროს“, - ასეთია თეგეტას წლევადელი კამპანიის კონცეფცია, რომლის გარშემოც კომპანიამ არა ერთი აქტივობა დაგეგმა. სოციალური პასუხისმგებლობის ფარგლებში, თეგეტაში გადაწყვიტეს სწორედ ამ იდეით შეექმნათ ვებ. პლატფორმა tegeta.care, რომელიც სხვადასხვა საქველმოქმედო ორგანიზაციას აერთიანებს. პლატფორმა ამ ეტაპზე ორგანიზაციების მხოლოდ ნაწილს მოიცავს და მათი ჩამონათვალი ყოველდღიურად გაიზრდება. რას წარმოადგენს ვებ გევრდი და როგორ არის შესაძლებელი მასში მსურვლების ჩართვა? სტუმრები: მარიამ კარკალაია - "თეგეტა ჰოლდინგის" მარკეტინგის დირექტორი; ნათიკა ბერძული - "თეგეტა ჰოლდინგის" სტრატეგიული კომუნიკაციების ხელმძღვანელი; #ახალიამბები #BusinessMediaGeorgia
საზოგადოების დაყოფა კარგებად და ცუდებად პრიმიტიული და ძალიან სახიფათო გზაა. კარგად შევხედოთ საკუთარ თავს, ვიდრე სისტემას დავადანაშაულებდეთ. იქნებ ჩვენი სისუსტე და ნაკლოვანებაა გარემოსთვის საზიანო? რა გვაძლევს იმ ამპარტავნების საფუძველს, რომ გარემო დავადანაშაულოთ ყველაფერში? ჩვენ ხომ არ გვაქვს რაიმე ნაკლი, რომელსაც არ ვასწორებთ? იქნებ ჩვენი მცდელობებია არასწორი და შესაცვლელი? ნიკოლოზ შურღაია - ვიდეობლოგი წიგნებზე, ავტორი; #ახალიამბები #BusinessMediaGeorgia
თიბისის ბიზნესდაჯილდოების ფინალისტი - Lopota Lake Resort & Spa სტუმარი: გიორგი ქევანიშვილი - "ლოპოტა სპა რეზორტი", გენერალური დირექტორი; #ახალიამბები #BusinessMediaGeorgia
ბოლო რამდენიმე დღეა, სოციალურ მედიაში საზოგადოებამ "ბუს კვერცხები" აიტაცა, რომელიც სულ ცოტა ხანში მასობრივად გამოჩნდება ქართულ ქსელურ მარკეტებში და პატარა მომხმარებლებს ახლა უკვე თამამად შეეძლებათ, მშობლებს ისე ჰკითხონ, რა მომიტანეო, რომ პასუხმა - ბუს კვერცხები - ისინი არ გააწბილოს. სტუმარი: მანუჩარ ლობჟანიძე - კომპანია "ქართული თემა", დამფუძნებელი და დირექტორი; #ახალიამბები #BusinessMediaGeorgia
სენაკში, პირველი საჯარო სკოლის ტერიტორიაზე, ზაზა ფაჩულიას სახელობის გალფის რიგით მესამე საკალათბურთო მოედანი გაიხსნა, რომელიც კომპანია გალფის და სენაკის მუნიციპალიტეტის ერთობლივი პროექტია. საკალათბურთო მოედანი ზაზა ფაჩულიამ ოფიციალურ პირებთან და გალფის მენეჯმენტთან ერთად საზეიმო ვითარებაში გახსნა. #ახალიამბები #BusinessMediaGeorgia
რა ღირს პროდუქტი ბაზარში? რა ღირს წამლები? რა ღირს პროდუქტი მაღაზიებში? #ახალიამბები #BusinessMediaGeorgia
#საქმიანიდილა - 13 დეკემბერი - პროლოგი #ახალიამბები #BusinessMediaGeorgia
არემჯი 2021 წელს ახალი პროექტით ასრულებს, საუბარია კომპანიის ახალ თანამედროვე ტექნიკა-დანადგარებით აღჭურვილ ქიმიური ანალიზის ლაბორატორიაზე, რომელიც საზეიმოდ გაიხსნა. პროექტი მნიშვნელოვანია იმით, რომ კომპანიამ ამ ახალ ლაბორატორიაში სინჯების ანალიზის მასშტაბი გაზარდა და აქ ყოველდღიურად 500-ზე მეტი სხვადასხვა ტიპის ნიმუში ანალიზდება, რომელიც შემდგომ შესაბამის სამსახურებს ეგზავნება. არემჯის ქიმიური ანალიზის ლაბორატორია ყოველდღე 24 საათის განმავლობაში მუშაობს და კვალიფიციურ სპეციალისტებთან ერთად ადგილზე დასაქმებულებს შორის არემჯის ანაზღაურებადი სტაჟირების პროგრამის მონაწილეებიც არიან. #ახალიამბები #BusinessMediaGeorgia
Volvo Cars-ი ინოვაციურ საქარე მინაზე მუშაობს #ახალიამბები #BusinessMediaGeorgia
“თიბისი დაზღვევა” - 308 მლნ ლარის მოზიდული პრემია და 250 მლნ ლარამდე ანაზღაურებული ზარალი - ხუთი წლის თავზე თიბისი დაზღვევა საცალო ბაზარზე ლიდერია. ამ პერიოდში ბევრი გამოწვევაც შეხვდათ, და სირთულეების მიუხედავად კომპანიამ შეძლო და ახალი პროდუქტები თუ სისტემები მნიშვნელოვანწილად გააციფრულა. სამომავლო გეგმები კი ქვეყანაში სიცოცხლის დაზღვევის განვითარებაზე გადის. #ახალიამბები #BusinessMediaGeorgia
გერმანულმა ავტომწარმოებელმა, BMW-მ, ახალი მაღალი გამავლობის ავტომობილის პროტოტიპი წარადგინა. საწარმოო ხაზის ახალ წარმომადგენელს XM ერქმევა და ის კომპანიის M განაყოფის ღირსეული წარმომადგენელი იქნება. ახალი ავტომობილი დამუხტვადი ჰიბრიდი იქნება. კომპანიის მიერ წარმოდგენილ მაღალი გამავლობის ავტომობილს 8ცილინდრიანი შიდაწვის ძრავა და ელექტროძრავა ექნება, რომელთაც ჯამში 750 ცხენის ძალისა და 737 მაბრუნებელი მომენტის, იმავე თორქის, გამომუშავება შეეძლებათ.ახალი BMW XM-ის ელექტროძრავას დამოუკიდებლად 50-მდე კილომეტრის გავლა შეეძლება.და გერმანული ავტომწარმოებლის სპიკერმა თავი შეიკავა იმის განმარტებისგან, იგივე სპეციფიკაციები ექნება თუ არა უკვე საწარმოო მოდელს. თუმცა მან აღნიშნა, რომ ავტომობილი M კატეგორიით გამოშვებული ყველაზე მძლავრი მანქანა იქნება ისტორიაში. #ახალიამბები #BusinessMediaGeorgia
“თქვენ ვინ გეკითხებათ ჩემს ფულს რაში დავხარჯავ?!” “18 წლისას ომში მიშვებენ და 25 წლამდე ჩემი ფულის განკარგვის უფლებას არ მაძლევენ” “გააუქმეთ, თუ საქართველოს გადარჩენა გსურთ. Გააუქმეთ.” “ძალიან კარგია!!! მარიხუანის ლეგალიზაციაც მოსპეთ,ნუ გააუბედურებთ ახალგაზრდებს....” ყველა ეს კომენტარი ერთ ინიციატივას ეხება, რომელიც პრემიერ-მინისტრმა გააჟღერა და ის პირველ ეტაპზე ონლაინ-კაზინოებისთვის რეგულირების გამკაცრებას, გადასახადების ზრდას, რეკლამების შეზღუდვას, მეორე ეტაპზე კი თამაშების საერთოდ აკრძალვას ეხება. შეფასებები და მოსაზრებები ბევრია... სხვადასხვა, რომ ჩამოუყვეთ და ყველა წაიკითხოთ დიდი ალბათობით კარგ განწყობაზე ვერ დარჩებით, თუ წაკითხვამდე გქონდათ ასეთი... დღეს საქმიანი დილის ეთერში კერძო სექტორის წარმომადგენლებს მოვუსმენთ, რომლებთანაც კომუნიკაცია მთავრობას არ ჰქონია, მიუხედავად იმისა, რომ სათამაშო ბიზნესის ქართულ ბაზარზე გლობალური მოთამაშეები საქმიანობენ, მათი განხორციელებული ინვესტიცია კი 2 მილიარ ლარზე მეტია. მნიშვნელოვანია, რომ გაცხადებული ცვლილებები უდიდეს უარყოფით გავლენას იქონიებს საქართველოს ეკონომიკის არაერთ სექტორზე. მაგალითისთვის შეგვიძლია მოვიყვანოთ სპორტი, მედია, ტელეკომუნიკაცია, ფინანსური და აიტი სექტორი. ეკონომიკური მაჩვენებლების გაუარესებასთან ერთად გაიზრდება უმუშევართა რაოდენობა როგორც სათამაშო ბიზნესის სფეროში, ისე მასთან დაკავშირებულ ინდუსტრიებში. საუბარია ათასობით დასაქმებულსა და ათეულობით ათას მათზე დამოკიდებულ ადამიანზე. სტუმარი: გიგული ნიჟარაძე - "ევროპაბეთის" ფინანსური დირექტორი #ახალიამბები #BusinessMediaGeorgia
“ახალ ნათებასა” და ავეჯის სალონ “ფორუმში” საახალწლო ფასდაკლება დაიწყო. ფასდაკლება ორივე მაღაზიაში როგორც სანათების, ისე ავეჯის სრულ ასორტიმენტზე ვრცელდება. #ახალიამბები #BusinessMediaGeorgia
BAG გაეროს მსოფლიო ტურიზმის ორგანიზაციის აფილირებული წევრი გახდა. საქართველოს ბიზნეს ასოციაციის წევრობაზე მიმდინარე წლის 3 დეკემბერს, გაეროს მსოფლიო ტურიზმის ორგანიზაციის გენერალურ ასამბლეაზე იმსჯელეს და ერთხმად დაუჭირეს მხარი ბიზნეს ასოციაციისთვის აფილირებული წევრის სტატუსის მინიჭებას. რას ნიშნავს #UNWTO-ს აფილირებული წევრობა ბიზნეს გაერთიანებისთვის და მისი წევრებისთვის და რა შესაძლებლობებს აჩ ნს პირდაპირი კომუნიკაციისთვის გახსნილი კარი? სტუმარი: ლევან ვეფხვაძე - "საქართველოს ბიზნეს ასოციის" აღმასრულებელი დირექტორი; #ახალიამბები #BusinessMediaGeorgia
საერთაშორისო განვითარების დაფინანსების კორპორაციის წარმომადგენლობის გახსნის იდეის ხელშეწყობა და ადვოკატირება საქართველოში, რომელიც სამხრეთ კავკასიისა და ცენტრალური აზიის რეგიონს თბილისიდან დაფარავს- ეს არის ის მთავარი მიზანი, რომელიც ყოფილი პრემიერის მამუკა ბახტაძის განცხადებით ახლად შექმნილ ამერიკულ-ქართული ეკონომიკური თანამშრომლობის ფონდს აქვს განსაზღვრული. მამუკა ბახტაძის განცხადებით ფოკუსში რჩევა აშშ-საქართველოს თავისუფალი სავაჭრო შეთანხმების გაფორმების იდეის ადვოკატირებაც. ამერიკულ-ქართული ეკონომიკური თანამშრომლობის ფონდი (AGECF), რომელიც მამუკა ბახტაძემ აშშ-ის პრეზიდენტ კენედის შვილიშვილთან ერთად დააფუძნა, საქართველოში 60-მილიარდიანი ამერიკული სახელმწიფო ფონდის შემოყვანას ისახავს მიზნად, რომელიც თბილისიდან რვა სახელმწიფოს დაფარავს – საქართველო, აზერბაიჯანი, სომხეთი, ყაზახეთი, უზბეკეთი, თუქმენეთი, ტაჯიკეთი, ყირგიზეთი. ფონდის საქმიანობის ძირითად მიზანი საშუალო და მცირე ბიზნესის მხარდაჭერა და შესაბამისად, სიღარიბის დაძლევა იქნება. ასევე, ფონდი მხარს დაუჭერს ახალი, თანამედროვე ინფრასტრუქტურული პროექტების განვითარებას. სამიზნეები ნამდვილას საინტერესო სამუშაო პროექტების წარმოდგენის შესაძლებლოაბას იძლევა, თუმცა ვნახოთ როგორ განვთარდება პროცესები. ერთი ცალსახაა ფონდის მმართველი საბჭოს/გამგეობის შემადგენლობა უკვე დიდ ინტერესს იწვევს და ბიზნეს მედიისათვის მათგან ერთ ერთთან ინტერვიუ ფონდის დაფუძნების პარალელურად ხელმისაწვდომი გახდა. #ახალიამბები #BusinessMediaGeorgia
ეროვნულმა ბანკმა რეფინანსირების განაკვეთი გაზარდა. ეს იმას ნიშნავს, რომ ლარი კიდევ უფრო გაძვირდა. გაიზრდება რეფინანსირებაზე მიბმული სესხის პროცენტი და გადაიხედება უკვე აღებული სესხების პროცენტიც რომლებიც ცვლად განაკვეთზეა მიბმული. ინფლაცია ამ თვიდან მოყოლებული მომავალი წლის პირველი კვარტალის განმავლობაში ასევე მზარდი იქნება - კომუნალური გადასახადების ბაზა ამ კუთხით ეკონომიკის პარამეტრებში მნიშვნელოვანი კონტრიბუტორია და დადებით როლსაც ვერაფრით თამაშობს. დღეს გვაქვს მაღალი საპროცენტო განაკვეთები და მაღალი ინფლაცია, აქედან გამომდინარე, ჯოხი ორივე ბოლოდან გვირტყამს -თქვა გუშინ ირაკლი კოვაზანაძემ საფინანსო-საბიუჯეტო კომიტეტის სხდომაზე 2022-2024 წლების ფულად-საკრედიტო და სავალუტო პოლიტიკის ძირითადი მიმართულებების პროექტზე მსჯელობის პარალელურად მედიასთან. სტუმარი: აკაკი ცომაია - საქართველოს უნივერსიტეტის პროფესორი, ეკონომიკური კვლევების ინსტიტუტის დირექტორი; #ახალიამბები #BusinessMediaGeorgia
რას გულისხმობს “ვილა რეზიდენსის” საახალწლო აქცია? სტუმრები: კესო კაციტაძე - "ვილა რეზიდენსის" საზოგადოებასთან ურთიერთობის მენეჯერი; ანი კახაბრიშვილი - "ვილა რეზიდენსის" მარკეტინგის მენეჯერი; #ახალიამბები #BusinessMediaGeorgia
თიბისი კაპიტალმა ტურიზმის სექტორის აღდგენის განახლებული ანგარიში წარადგინა, რომლის მხიედვითაც საერთაშორისო ტურისტული ვიზიტებიდან მიღებული შემოსავლების აღდგენა საერთაშორისო ვიზიტების აღდგენას აჭარბებს. ანგარიშის მხიედვით, 2021 წლის ოქტომბრის ჩათვლით, 2019 წლის დონესთან შედარებით, შემოსავლები - 35%-ით, ვიზიტები კი 21%-ით აღდგა. სტუმარი: ირინა კვახაძე - თიბისი კაპიტალის კვლევების უფროსი #ახალიამბები #BusinessMediaGeorgia
BMG & Jeep Georgia წარმოგიდგენთ: #BMGDRIVE-ს ✔ „ნავთობინდუსტრიაში არის სერიოზული გადაცდომები“ ✔ “უცხოური ინვესტიციები ჰაერივით გვჭირდება“ ✔„1000 ლარამდე ანაზღაურების მქონე ადამიანების დაქირავება დღეს პრობლემურია“ BMGDRIVE-ის მგზავრი: ვასილ ხორავა - „ვისოლ-პეტროლიუმ ჯორჯია-ს" გენერალური დირექტორი; ➡ავტორები: ბექა ბაციკაძე; გიორგი ჟივიძე; რევაზ ნასიძე; #Wissol #ნავთობი #საწვავი #ნავთობკომპანია #ვისოლი
ლესტერის უნივერსიტეტში ითვლიან რამდენ ბავშვს გაახარებს თოვლის ბაბუა. იმ შემთხვევაში, თუკი თითო ოჯახში საშუალოდ 3 ბავშვი მაინც ცხოვრობს, გამოდის, რომ სანტა, რუდოლფთან და სხვა ირმებთან ერთად, 238 მილიონ სახლს უნდა ესტუმროს, როგორ? ფაქტობრივად, სინათლის სიჩქარის ნახევრით - ანუ 540 მილიარდი კმ/სთ-ით, თუმცა არის თუ არა ეს შესაძლებელი და ზოგადად როგორ დაარიგებს სანტა წელს საჩუქრებს? #ახალიამბები #BusinessMediaGeorgia
კორონავირუსის ახალი ვარიანტის - ომიკრონის აღმოჩენის შემდეგ, მსოფლიოში საშვებულებო ?ტემპი შენელებულია. ინფორმაციას BBC საშვებულებო ჯავშნების კომპანია Tui-ზე დაყრდნობით ავრცელებს. გამოცემის ცნობით, ინფიცირების მაღალი მაჩვენებლების გამო, ზამთრის კურორტებზე ჯავშნების დიდი ნაწილი უქმდება. რომელ სფეორებზე ახდენს გავლენას ახალი შტამი? #ახალიამბები #BusinessMediaGeorgia
#საქმიანიდილა - 10 დეკემბერი - პროლოგი #ახალიამბები #BusinessMediaGeorgia
Forbes საქართველომ 30 წლამდე ასაკის ლიდერების შერჩევის მორიგი რაუნდი დაიწყო, რაც იმას ნიშნავს, რომ 2020 წლის გამარჯვებულების ფაქტობრივად სრული სია გაგაცანით და შეგახვედრეთ თამამ და ინოვაციურ ახალგაზრდა ლიდერებს, რომლებიც ჩვენი ქვეყნის მომავალს ქმნიან. რაც შეეხება აპლიკაციის ონლაინ ფორმას, მისი შევსება შეუძლია ყველას, ვისი წარმატებაც საქართველოს ბაზარზე ადვილად იზომება. ჩვენი მიზანი კი ახალი სახეებისა და სახელების აღმოჩენა და მათი დახმარებაა ცნობადობის გაზრდასა და კიდევ უფრო მეტი წარმატების მიღწევაში. ასე შეიქმნა ერთგვარი ქსელი 30-წლამდელთა საზოგადოების. ძალიან მალე კი, ფორბსის 30-წლამდელთა სიის რიგით მეოთხე დაჯილდოებაზე გიმასპინძლებთ და 2021 წლის სიის წევრებთან ერთად მოგესალმებით. რა უნდა გაითვალისწინოთ ფორმის შევსებისას და როგორ არის შესაძლებელი ფორბსის გამორჩეულ, 30 წლამდელთა სიაში მოხვედრა? #ახალიამბები #BusinessMediaGeorgia
ავტომობილებში გამონაბოლქვის კონტროლი 2022 წლიდან აღარ გამკაცრდება #ახალიამბები #BusinessMediaGeorgia
გამგებლებს გავალებთ კვირაში 2 დღე მოქალაქეებისთვის გამოყოთ - ამის შესახებ თბილისის მერმა კახა კალაძემ მუნიციპალიტეტის მთავრობის სხდომაზე განაცხადა. როგორც კალაძე ამბობს, გამგეობებში მოქალაქეთა მიღება ყოველ ხუთშაბათსა და პარასკევს უნდა გაიმართოს და მათ მოსახლეობის პრობლემებს უნდა მოუსმინონ გარდა ამისა, დედაქალაქის მერმა მთავრობის წევრებს სთხოვა, იმ შემთხვევაში, თუ რომელიმე მოთხოვნა კანონს ეწინააღმდეგება, ეს ყველაფერი მოქალაქეებს აუხსნან. დღევანდელ მუნიციპალუტეტის მთავრობის სხდომაზე კიდვე რამდენიმე საკითხი გაჟღერდა. #ახალიამბები #BusinessMediaGeorgia
მიმდინარე წელს კომერციული ფართების ქირაობაზე მოთხოვნა 2020 წელთან შედარებით აღდგა, თუმცა სექტორი იმედებს 2022 წლის გაზაფხულიდან, ქვეყანაში ტურისტული ნაკადების ზრდის ფონზე ამყარებს. სტუმარი: კახა სამყურაშვილი - Galt & Taggart-ის უფროსი ანალიტიკოსი #ახალიამბები #BusinessMediaGeorgia
გარემოს დაცვისა და სოფლის მეურნეობის სამინისტრომ, კავკასიის გარემოსდაცვითი არასამთავრობო ორგანიზაციების ქსელთან (CENN) ერთად, ნორვეგიის საგარეო საქმეთა სამინისტროს მხარდაჭერით, პლასტმასის ნარჩენების პრევენციის ეროვნული პროგრამა შეიმუშავა. დოკუმენტმა ხელი უნდა შეუწყოს საქართველოს სწრაფვას, გახდეს ნარჩენების პრევენციასა და რეციკლირებაზე ორიენტირებული ქვეყანა. დოკუმენტი10-წლიან სტრატეგიას და 5-წლიან სამოქმედო გეგმას მოიცავს, რომლებშიც წარმოდგენილია კონკრეტული გზა, თუ როგორ უნდა მოხდეს პლასტმასის მართვის სექტორში ცირკულარული პრაქტიკის დანერგვა, სადაც პრიორიტეტი პლასტმასის პრევენციას, ხელახლა გამოყენებასა და გადამუშავებას ენიჭება. პლასტიკის ნარჩენების პრევენციის ეროვნული პროგრამა ითვალისწინებს პლასტიკის მართვის მიმართულებით არსებულ საუკეთესო საერთაშორისო პრაქტიკასა და მიდგომებს, რომელთა შესრულებაც პლასტმასის ნარჩენების პრევენციას შეუწყობს ხელს. ამ პროცესში ჩართულები არიან ქვეყანაში მოქმედი პოლიეთილენის პარკების საწარმოებიც, რა შეთავაზება მიიღო ბიზნესმა და როგორ იგეგმება ნარჩენების ხელახალი გადამუშავება მათ სექტორში? სტუმარი: მელიტა ტყაბლაძე - აა პლასტის იურისტი; #ახალიამბები #BusinessMediaGeorgia
ჯანდაცვის სამინისტროს ინფორმაციით, მინისტრის ბრძანების საფუძველზე საქართველოში ე.წ. ბუსტერ დოზის გაკეთების ვადა, 6-დან 5 თვემდე შემცირდა. უწყების ცნობით, ფაიზერის ბუსტერდოზის გაკეთება შესაძლებელია ვაქცინაციის პირველადი კურსის დასრულებიდან მინიმუმ 5-თვიანი ინტერვალით, რაც მეორე დოზის გაკეთების თარიღიდან აითვლება. სინოვაკითა და სინოფარმით აცრილთათვის კი ბუსტერდოზა შესაძლებელია გაკეთდეს ვაქცინაციის პირველადი კურსის დასრულებიდან მინიმუმ 3-თვიანი ინტერვალით. ბუსტერდოზად შესაძლებელია გამოყენებული იყოს იგივე ან სხვა ვაქცინა. საქართველოში აცრა სინოფარმის, სინოვაკის და ფაიზერის ვაქცინებითაა შესაძლებელი. ფაიზერით ვაქცინაცია დასაშვებია 12 წელს ზემოთ მოქალაქეებისთვის. რომელი ვაქცინა რა პერიოდულობით გვიცავს და რატომ შემცირდა ვადები? სტუმარი: ივანე ჩხაიძე - მ. იაშვილის სახ. ბავშვთა ცენტრალური საავადმყოფოს სამედიცინო დირექტორი; #ახალიამბები #BusinessMediaGeorgia
"მინდა, ყველაფერი სწორად გავაკეთოთ, ისე, რომ მოსახლეობის ინტერესებიც გავითვალისწინოთ და ბიზნესის ინტერესიც", - ამ სიტყვებით მიმართა პრემიერ-მინისტრმა ირაკლი ღარიბაშვილმა ფარმაცევტული ბიზნესის წარმომადგენლებს რომლებსაც სახელმწიფო კანცელარიაში უმასპინძლა. ირაკლი ღარიბაშვილმა ოფიციალური რელიზის მიხედვით, შეხვედრაზე თქვა, რომ ბალანსია საპოვნელი რაც იდეალური გამოსავალი იქნებოდა. სად არის ბალანსი? სტუმარი: ნინა კობახიძე - საქართველოს ბიზნეს ასოციაციის ჯანდაცვის კომიტეტის თავმჯდომარე #ახალიამბები #BusinessMediaGeorgia
ჯანდაცვის სამინისტროს ინფორმაციით, საქართველოს ბაზარზე მოქმედ ფარმაცევტულ საწარმოებს, ხარისხის ახალ - GMP სტანდარტზე გადასვლა მომდევნო წლის 1-ლი იანვრის ნაცვლად, ეტაპობრივად, 2022 წლის იმ კონკრეტულ თვემდე შეეძლებათ, როდესაც ფარმაცევტული პროდუქტის წარმოების ნებართვა აქვთ მიღებული. თუმცა, ამავე დროს, დამატებითი შეღავათი განესაზღვრათ იმ მწარმოებლებს, რომლებსაც წარმოების ნებართვის ვადა ივნისის თვემდე აქვთ მიღებული და მათ ხარისხის სერტიფიკატი 30 ივნისამდე უნდა მოიპოვონ. სამედიცინო და ფარმაცევტული საქმიანობის რეგულირების სააგენტოს დირექტორის, ზაალ კაპანაძის განცხადებით, დადგენილებაში შედის ცვლილება და იმ მწარმოებლებს, რომლებსაც GMP სტანდარტს ვერ დააკმაყოფილებენ, მედიკამენტების ექსპორტის საშუალება მაინც ექნებათ. რაც ცვლის მორიგად გადავადებული სტანდარტის ამოქმედება ბაზრის მოთამაშეებისთვის? სტუმარი: ირაკლი მარგველაშვილი - საერთაშორისო ფარმაცევტული კომპანიების ასოციაციის ხელმძღვანელი; #ახალიამბები #BusinessMediaGeorgia
იმ ფონზე რომ საქართველოში ფინანსური ანგარიშგებების გამჭვირვალობა მასობრივად საკმაოდ ახლადფეხმოკიდებული პრაქტიკაა არც ისე ბევრია ისეთი კომპანია, რომელის კორპორატიულ პასუხისმგებლობაში გარემოსდაცვითი, სოციალური და მმართველობითი სტანდარტებს აქცევს ყურადღებას და მით უფრო მასთან დაკავშირებით ანაგარიშებს ასაჯაროვებს. გარემოსდაცვით, სოციალურ და მმართველობით (ESG) საკითხებთან დაკავშირებული ინფორმაციის ანგარიშგება და გამჟღავნება მდგრადი დაფინანსების განვითარების ერთ-ერთი მთავარი წინაპირობა. არადა ბაზრის გამჭვირვალობის ზრდასა და საბაზრო დისციპლინის გაუმჯობესებისათვის საკითხი მნიშვნელოვანია და და საერთაშორისო ბაზარზე კომპანიის პოზიციონირებისათვის კიდევ უფრო საყურადღებო. არც ისე დიდი ხნის წინ კომერციული ბანკებისა და სხვა ფინანსური ინსტიტუტების მიერ გარემოსდაცვითი, სოციალური და მმართველობითი (ESG) საკითხების თანმიმდევრული, თავსებადი და შედარებადი გამჟღავნების ხელშესაწყობად ეროვნულმა ბანკმა ESG საკითხების ანგარიშგებისა და გამჟღავნების პრინციპები და შესაბამისი შაბლონიც შეიმუშავა. ზაფხულში თიბისი ბანკმა ანგარიში მეორედ წარადგინა. ამ ჯერზე ბანკი ESG ელჩების პროექტს იწყებს, რაც ორგანიზაციის შიგნით ამ თემებზე ელჩების არჩევას და მათი მხრიდან ESG მიმართულებით სხვადასხვა საკითხის ხელშეწყობას გულისხმობს. სტუმარი: მაკა ბოჭორიშვილი - თიბისის გარემოს დაცვის, სოციალური და მმართველობის საკითხების კოორდინატორი #ახალიამბები #BusinessMediaGeorgia
საქართველოს ბანკის მხარდაჭერით გორში სტუდენტებისთვის Tech პროფესიებზე შეხვედრა გაიმართა, რომლის მთავარ მიზანს ტექნოლოგიური პროფესიების უსაზღვრო შესაძლებლობების წარმოჩენა და ახალგაზრდების კარიერული განვითარების ხელშეწყობა წარმოადგენდა. გორის სახელმწიფო სასწავლო უნივერსიტეტში გამართულ შეხვედრას ტექნოლოგიური ფაკულტეტის სტუდენტები ესწრებოდნენ და მათ საშუალება ჰქონდათ, მიეღოთ მათთვის მნიშვნელოვან და საინტერესო კითხვებზე პასუხები, რომლებიც კარიერული განვითარების კუთხით დაეხმარება მათ. ღონისძიების დასასრულს კი, ინტერაქციული ქვიზიც ჩატარდა. როგორ ჩაიარა ღინისძიებამ და რამდენად ინფორმატიული ხასიათის იყო ის? #ახალიამბები #BusinessMediaGeorgia