რას გვთავაზობს Bliss Yoga Studio? სტუმრები: ნინჩო ჯიბლაძე - Bliss Yoga Studio-ს თანადამფუძნებელი; შორენა ალიბეგაშვილი - სახის იოგას სპეციალისტი; ნიკა ჩიტიძე - იოგას სპეციალისტი; #ახალიამბები #BusinessMediaGeorgia
საქართველოს ყველაზე ტიტულოვანი ქალთა საფეხბურთო კლუბ "ლანჩხუთის" გენერალური სპონსორი დასუფთავების ტექნიკის მწარმოებელი კომპანია "კერხერი" გახდა. მხარეებს შორის გაფორმებული მემორანდუმის ფარგლებში "კერხერი" მთელი წლის განმავლობაში კლუბის ფინანსურ მხარდაჭერასა და წარმატებული სეზონისთვის ყველა საჭირო პირობის შექმნას უზრუნველყოფს. #ახალიამბები #BusinessMediaGeorgia
გლობალური ეკონომიკური პერსპექტივები ძირითადად ინფლაციურ პროცესებზეა დამოკიდებული. მიუხედავად იმისა, რომ ინფლაციის ტემპი ეტაპობრივად ნელდება, ფასების ზეწოლის მეორე ტალღის რისკი კვლავ რჩება, რაც გეოპოლიტიკური კონფლიქტებით და წითელ ზღვაში მიწოდების შეფერხებითაა განპირობებული. თიკო ნატმელაძე - #BMG-ის რეპორტიორი; #ახალიამბები #BusinessMediaGeorgia
ბათუმში, 2024 წლის მასწავლებლის ეროვნული ჯილდოს გახსნითი ღონისძიება გაიმართა. ლიბერთის მხარდაჭერით, განათლების კოალიციის ინიციატივითა და ორგანიზებით, კონკურსი წელს მერვედ ჩატარდა და მიზნად ისახავს წარმატებული მასწავლებლების გამოვლენას, საზოგადოებისთვის გაცნობას და ამ გზით პროფესიის პრესტიჟის ზრდას. აღნიშნულ შეხვედრაზე გაჟღერდა ახალი ინიციატივა, ლიბერთის თანადგომით დაწესდა მასწავლებლის ეროვნული ჯილდოს პრემია „ჩვენი ვეფხისტყაოსანი“. #ახალიამბები #BusinessMediaGeorgia
სამშენებლო-დეველოპერულმა კომპანია "ალიანს ჯგუფმა" სასტუმრო რედისონში თბილისში მიმდინარე პროექტის "ალიანს ჰაილაინის" პრეზენტაცია გამართა. პრეზენტაციის ფარგლებში კომპანიის კომერციულმა დირექტორმა თემო ბიწაძემ იმ თანამშრომლობაზე ისაუბრა, რომელიც Wyndham Hotels & Resorts-სა და Aimbridge Hospitality EMEA-ს შორის სულ ცოტა ხნის წინ გაფორმდა. თანამშრომლობის ფარგლებშიც ალიანს ჰაილაინის მესამე, C თაუერში გაუმჯობესებული ბრენდითა და დააფგრეიდებული სტატუსით თბილისში პირველი Wyndham Grand Residence-ის ნიშური საინვესტიციო აპარტამენტები განთავსდება, რომელსაც მენეჯმენტს მსოფლიოში ყველაზე მსხვილი მმართველი კომპანია - Aimbridge Hospitality EMEA გაუწევს. მემორანდუმის ფარგლებში, მრავალწლიან გამოცდილებასა და ცოდნაზე დაყრდნობით, პარტნიორი მხარეები ხელს შეუწყობენ როგორც საქართველოს, ასევე რეგიონის უძრავი ქონების სექტორის განვითარებას და სრულიად ახალ, ექსკლუზიურ საინვესტიციო რეალობას შექმნიან თითოეული ინვესტორისთვის, რომელთაც პირველად თბილისში Wyndham Grand Residence-ის აპარტამენტის შეძენა, სწორედ ალიანს ჰაილაინში შეეძლებათ. აღსანიშნია, რომ ლენდმარკ კომპლექსის C თაუერში პროექტირების მიმართულებით სამუშაო პროცესები უკვე დაწყებულია, რომლის ფარგლებშიც დაგეგმილი ცვლილებების იმპლემენტაცია აქტიურად მიმდინარეობს. #ახალიამბები #BusinessMediaGeorgia
„თეგეტა გრინ პლანეტსა“ და „საქართველოს დებატებისა და განათლების ინსტიტუტს“ შორის ურთიერთთანამშრომლობის მემორანდუმი გაფორმდა. თანამშრომლობის შედეგად გარემოს დაცვის თემაზე დებატების ეროვნული ტურნირი მთელი საქართველოს მასშტაბით ხუთი თვის განმავლობაში გაიმართება, რომლის მხარდამჭერი, „თეგეტა გრინ პლანეტთან“ ერთად, გაეროს განვითარების გლობალური ინიციატივა „კლიმატური დაპირებაა“. მასშტაბური ტურნირის მიზანია, დებატების ტექნიკის გამოყენებით, გარემოსდაცვითი თემის პოპულარიზაცია, ახალგაზრდებში ცნობიერების ამაღლება და ცოდნის გაღრმავება. შესაბამისად, კომპანიის მხრიდან მნიშვნელოვანია გაეროს მდგრადი განვითარების ისეთი მიზნების შესრულების ხელშეწყობა, როგორიცაა ხარისხიანი განათლება, მდგრადი მოხმარება და წარმოება, კლიმატის ცვლილების საწინააღმდეგო ქმედებები და სხვ. „თეგეტა ჰოლდინგისთვის“, რომელიც საერთაშორისო სტანდარტების შესაბამისი CSR სტრატეგიით ხელმძღვანელობს, პრიორიტეტული მიმართულებები სწორედ გარემოსა და განათლებაზე ზრუნვაა. პროექტი მარტიდან დაიწყება, რომელშიც ჩაერთვებიან მთელი საქართველოს მასშტაბით 30 სკოლის 30 მასწავლებელი, 30 დირექტორი, 350-ზე მეტი მოსწავლე და სტუდენტი სხვადასხვა უნივერსიტეტიდან. ტურნირი მოიცავს საქართველოს თითქმის ყველა რეგიონში არსებული დებატების კლუბების ბაზაზე მოსწავლეების მომზადებას დებატებისთვის, რაც ითვალისწინებს შემდეგი ტიპის აქტივობებს: თითოეულ კლუბში მოსწავლეების დებატების ტექნიკის მიმართულებით მომზადებას, მოდებატე გუნდების დაკომპლექტებას; გარემოსდაცვით თემატიკებზე ექსპერტებთან შეხვედრებს როგორც პირისპირ, ისე ონლაინ. მათ შორის „თეგეტას“ წარმომადგენლებთან, UNDP-ის EU4-ის კლიმატის ცვლილების ეროვნულ ხელმძღვანელთან და სხვა. დაგეგმილია 60 თამაში, რომლის შედეგადაც გამოვლინდებიან საუკეთესო მოდებატეები. პროექტის ბოლოს კი შემაჯამებელი ღონისძიება მოეწყობა. #ახალიამბები #BusinessMediaGeorgia
#საქმიანიდილა - 4 მარტი - პროლოგი #ახალიამბები #BusinessMediaGeorgia
კიოტოს უნივერსიტეტის იაპონელმა მეცნიერებმა მსოფლიოში პირველი ხის კოსმოსური თანამგზავრი ლიგნოსატ შექმნეს, რომელიც მაგნოლიის ხისგან დაამზადეს და სხვათაშორის ამ თანამგზავრმა უკვე აჩვენა კარგი შედეგი სტაბილურობის და ბზარებისადმი გამძლეობის თვალსაზრისით. ხის თანამგზავრმა საერთაშორისო კოსმოსური სადგურის ბორტზე ერთწლიანი ტესტირება გაიარა და გამძლეობასთან დაკავშრებით დასტურიც იქიდან არის. #ახალიამბები #BusinessMediaGeorgia
2024 წლის იანვრის მონაცემებით, ქართულ ბანკებს ეკონომიკის სხვადასხვა დარგზე 52.8 მილიარდი ლარის სესხები აქვთ გაცემული, ამ თანხიდან 924 მილიონი ლარის კრედიტები ბანკებისთვის 90 დღეზე მეტად არის ვადაგადაცილებული, რაც მთლიანი პორტფელის 1.7%-ია. ეროვნული ბანკის მიერ გამოქვეყნებული ანგარიშის თანახმად, ბიზნეს სექტორში ყველაზე მეტი ვადაგადაცილებული სესხი რესტორნებისა და სწრაფი კვების სეგმენტშია, სადაც მთლიანი პორტფელი 723 მილიონი ლარი, ვადაგადაცილება კი 4.4%-ია. მეორე ადგილზეა სამშენებლო კომპანიების სექტორი, სადაც გაცემული 851 მილიონი ლარის პორტფელიდან 4.2% ვადაგადაცილებულია. მესამე პოზიციას კი საწვავის იმპორტის სფერო იკავებს, სადაც 318 მილიონი ლარის კრედიტებიდან 3.6% ვადაგადაცილებულია. შედარებით დაბალი ვადაგადაცილებით ხასიათდება ენერგეტიკის, ავტომობილების დილერების, ფარმაციისა და ტელეკომუნიკაციების სექტორები. ასევე დაბალია ვადაგადაცილება უძრავი ქონების დეველოპმენტის სექტორშიც. სტუმარი: ნინო გაბუნია - რესტორანი "დელირიას" მფლობელი; #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
2023 წელს უმუშევრობის დონე, წინა წელთან შედარებით, 0.9 პროცენტული პუნქტით შემცირდა და 16.4% შეადგინა. ფაქტ–მეტრმა ქვეყანაში უმუშევრობის დონის სწორად შესაფასებლად სამუშაო ძალის და დასაქმების პარამეტრებიც გააანალიზა. კვლევაში ასევე გათვალისწინებულია სოციალური მომსახურების სააგენტოს სტატისტიკაც, რომლის თანახმადაც, ამ დროისთვის პროგრამაში 46,055 ოჯახის ერთი წარმომადგენელი მაინცაა ჩართული. სრული სურათის დასანახად, ასევე გასათვალისწინებელია ის ფაქტიც, რომ ქვეყანაში 15+ მოსახლეობის მხოლოდ 44.5% არის დასაქმებული, რაც საკმაოდ დაბალი მაჩვენებელია; სამუშაო ძალის მონაწილეობის დონე კი 53.3%-ია, რაც ასევე დაბალ მაჩვენებლად მიიჩნევა. სტუმრები: თეონა აბსანძე - Factcheck-ის ანალიტიკოსი; დავით კეშელავა - ISET-ის კვლევითი ინსტიტუტის უფროსი მკვლევარი; #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
სარეკლამო შეტყობინებები წინასწარი თანხმობის გარეშე აღარ გამოიგზავნება; ნებისმიერი საჯარო დაწესებულება და ასევე კერძო კომპანიათა ნაწილი ვალდებული იქნება ჰყავდეს პერსონალურ მონაცემთა დაცვის ოფიცერი; განისაზღვრება საჯარო ან კერძო სივრცეში აუდიოჩაწერის წესი და პირობები; დადგინდა მონაცემების უსაფრთხოების დარღვევისას ინსპექტორისათვის შეტყობინების ვალდებულება; იზრდება იმ პირის უფლებები, ვისი მონაცემებიც მუშავდება. ყველა ამ ცვლილებას ითვალისწინებს პერსონალური მონაცემთა დაცვის შესახებ კანონი, რომელიც დღეიდან ამოქმედდა. კიდევ რას შეცვლის ეს კანონი და რა გავლენა ექნება მას ჩვენი, საქართველოს მოქალაქეების ცხოვრებაზე და ასევე რას შეცვლის ის ბიზნესისთვის? სტუმარი: დათო კესარელი - საქართველოს დამსაქმებელთა ასოციაციის იურიდიული სამსახურის ხელმძღვანელი; #ახალიამბები #BusinessMediaGeorgia
1 დღეში 16%-იანი ზრდის შემდეგ, Nvidia-ამ ისტორიულად ყველაზე მაღალ ნიშნულს მიაღწია. რა დგას ამგვარი ზრდის უკან და როგორი დამოკიდებულება აქვთ ინვესტორებს ხელოვნური ინტელექტის თემატიკის მიმართ. ჩინური აქციების ფასის ზრდა დაიწყო, თუმცა მსოფლიოს ნომერ მეორე ეკონომიკა მაინც გამოწვევის წინაშეა, რა მდგომარეობაა ჩინეთის ბაზარზე და რას შეიძლება ველოდოთ? სტუმარი: თორნიკე მჭედლიშვილი - "თიბისი კაპიტალის" საბროკერო მიმართულების ვიცე-პრეზიდენტი #ახალიამბები #BusinessMediaGeorgia
15-წლიანი პარტნიორობა - საქართველოს ბანკი & სამშენებლო ჰიპერმარკეტი "მოდუსი" სტუმრები: თამარ სიხარულიძე - "მოდუსის" ფინანსური მენეჯერი; ნინო გერგედავა - "საქართველოს ბანკის" კორპორაციული გაყიდვების სექტორის უფროსი; #ახალიამბები #BusinessMediaGeorgia
4500 კვადრატულ მეტრზე განთავსებული საწარმო, რომელიც მცხეთის მუნიციპალიტეტში, ნატახტარში მდებარეობს და თავისუფალი გადინების მილებს, სასმელი წყლის და სახანძრო ავზებს, სამრეწველო და წვიმის წყლის ჩამდინარე წყლების გამწმენდ საშუალებებს აწარმოებს. კიდევ რას სთავაზობს ბაზარს პოლიმერ ჯგუფი, რომელიც ბაზარზე ბიოტოპის სავაჭრო ნიშნით ოპერირებს. სტუმარი: ზურაბ ფხაკაძე - POLYMER GROUP-ის კომერციული დირექტორი; #ახალიამბები #BusinessMediaGeorgia
ქართული პარფიუმერული ბრენდი 33 წლიანი ისტორიით. როგორ განვითარდა "ვულე ვუ" საქართველოს ბაზარზე, რა სპეციფიკა აქვს პარფიუმერულ ბიზნესში სამიანობს და რა არის ბრენდის მთავარი ღირებულებები, "ვულე ვუს" ბრენდის ხმა კომპანიის საზოგადოებასთან ურთიერთობის მენეჯერი ნინო (ზუზუ) ნოდია იყო. ნინო ნოდია - "ვულე ვუს" საზოგადოებასთან ურთიერთობის მენეჯერი; #BrandVoice #ბრენდისხმა #ახალიამბები #BusinessMediaGeorgia
საზოგადოებრივი კოლეჯი, რომლის ისტორია სათავეს მე 19 საუკუნის სამოცდაათიანი წლებიდან იღებს, იმ პერიოდში მას ოლღას საბებიო სკოლა ერქვა, ხოლო დღეს საზოგადოებისთვის ცნობილია როგორც საზოგადოებრივი კოლეჯი პანაცეა. 140 წლის ისტორიის მქონე საზოგადოებრივი კოლეჯის, პანაცეას და მისი თანადამფუძნებლის მაია ჩიხლაძეს შესახებ, რომელიც 30 წელზე მეტია კოლეჯს უდგას სათავეში და მის განვითარებას ყოველდღიურ ფუნქციონირებას საკუთარ რუტინულ პასუხისმგებლობად აქცევს. მაია ჩიხლაძე - საზოგადოებრივი კოლეჯი „პანაცეას" თანადამფუძნებელი & დირექტორის მოადგილე; #ახალიამბები #BusinessMediaGeorgia
TKT.GE-ს აფიშა (1-3 მარტი) რაგბი საქართველო-რუმინეთი; ფეხბურთი დინამო თბილისი - სამგურალი წყალტუბო; ფეხბურთი ტორპედო ქუთაისი - სამტრედია; GFC 26 სპორტის სასახლეში; თინა შალიკაშვილის მაკიაჟის მასტერკლასი; #ახალიამბები #BusinessMediaGeorgia
სტრიმინგ სერვისების უმსხვილესი პლატფორმა ნეტფლიქსი მსოფლიოს190 ქვეყანაშია წარმოდგენილი, მისი გამომწერთა რაოდენობა კი 260 მილიონს უტოლდება. აღსანიშნავია, რომ ნეტფლიქსის ერთთვიანი აბონემენტის ღირებულება ქვეყნების მიხედვით ერთმანეთისგან განსხვავებულია, რასაც სხვადასხვა ფაქტორი, მათ შორის მოსახლეობის მსყიდველობითი უნარი და ლიცენზირების გადასახადის ოდენობა განაპირობებს. რომელ ქვეყნებშია, ნეტფლიქსის გამოწერის ღირებულება ყველაზე მაღალი, ასევე სად გვხვდება განსაკუთრებით დაბალი ფასი და რა ჯდება ამ სერვისის მიღება საქართველოში? #ახალიამბები #BusinessMediaGeorgia
გასული წლის მაისში ევროპაში ღამის ახალი სამგზავრო მატარებელი - european sleeper გამოჩნდა. სტარტაპის სახით დაწყებულ საქმიანობას საკმაოდ საინტერესო ისტორია აქვს - ის მისმა დამფუძნებლებმა ხალხის მიერ დონაციით მიღებული ფინანსებით აამოქმედეს. ამჟამად მისი მარშრუტი ბრიუსელს, ამსტერდამსა და ბერლინს მოიცავს და მატარებლის მთავარი უპირატესობა ნახშირბადის მინიმალური გამონაბოლქვია. როგორ ვითარდება დონაციით დაწყებული სტარტაპ საქმიანობა და რა გეგმები აქვთ დამფუძნებლებს? #ახალიამბები #BusinessMediaGeorgia
საქართველოში, შესაძლოა, 30 მეგავატის დადგმული სიმძლავრის ქარის ელექტროსადგური აშენდეს - სწორედ ამას ითვალისწინებს პროექტი, რომლის ტექნიკურ-ეკონომიკური მიზანშეწონილობის კვლევა დანიურმა GDA DanRe-მ საქართველოს მთავრობასთან შეათანხმა. #ახალიამბები #BusinessMediaGeorgia
პრემიუმ კლასის საცხოვრებელი კომპლექსი "ნამაი ვაკე" საქართველოში პირველი საცხოვრებელი ფართი გახდა, რომელმაც ევროპის განვითარებისა და რეკონსტრუქციის ბანკის მიერ GEFF-ის A კლასის ხარისხი მოიპოვა. EBRD-მა პროექტის დაკვირვება 2018 წლიდან დაიწყო და ამ პროცესში გამოიკვეთა, რომ ის ბანკის მიერ დადგენილ სტანდარტებს სრულად აკმაყოფილებდა, რაც იმას ნიშნავს, რომ შენობა სრულად ენერგოეფექტურია. კონკრეტულად რას მოიაზრებს ეს ენერგოეფექტურობა და რატოა ეს ფაქტი მნიშვნელოვანი? #ახალიამბები #BusinessMediaGeorgia
აეროპორტების გაერთიანების გენერალური დირექტორის, ირაკლი ქარქაშაძის განცხადებით, თელავის აეროპორტის ახალი ტერმინალის კონცეპტ-დიზაინის კონკურსზე შერჩევის პროცესი დასრულებულია და მალე მშენებლობა დაიწყება. გაერთიანების მიერ გამოცხადებულ თელავის აეროპორტის პროექტირების კონკურსში გამარჯვებულად შპს "ხმალაძე არქიტექტორები“გამოცხადდა, რომელიც საკონკურსო კომისიამ 10 ბალიანი სისტემით შეაფასა. კომპანია "ხმალაძე არქიტექტორებმა" თელავის აეროპორტის კონცეპტუალური და სქემატური დიზაინი წარმოადგინეს. რა სარგებელს მოუტანს კახეთს აეროპორტის არსებობა და როგორ შეცვლის მას? #ახალიამბები #BusinessMediaGeorgia
#საქმიანიდილა - 1-ელი მარტი, პროლოგი #ახალიამბები #BusinessMediaGeorgia
„Bayraktar #AKINCI ცაში ახალი სიმძლავრით აფრინდა!“ – აცხადებს კომპანია X-ის ანგარიშზე. და ეს უკვე მოხდა, დრონების მწარმოებელი თურქული სამხედრო-სამრეწველო კომპანიის, Baykar-ის უახლესმა საბრძოლო დრონმა, Bayraktar Akinci-მ პირველი სატესტო ფრენა წარმატებით განახორციელა. კომპანიის მიერ გავრცელებული განცხადებით, დამრტყმელი დრონის ეს ვერსია უფრო ახალი და გამძლე ძრავებითაა აღჭურვილი. Baykar-ის განმარტებით, Akinci ორი, 850-ცხენისძალიანი ძრავითაა აღჭურვილი.თურქული სამხედრო კონტრაქტორის განცხადებით, სატესტო ფრენისას ინჟინრებმა წარმატებით გამოცადეს საფრენი აპარატის აეროდინამიკის პარამეტრებიც. #ახალიამბები #BusinessMediaGeorgia
იანვარში თბილისში 3,151 საცხოვრებელი ბინა გაიყიდა, რაც წინა წლის იანვართან შედარებით 5%-ით გაზრდილი მაჩვენებელია. კოლიერს ჯორჯიას მიერ გამოქვეყნებული საცხოვრებელი უძრავი ქონების განახლებული მიმოხილვის მიხედვით, დედაქალაქში ბინების ბაზრის ზომა 11%-ით, 197 მილიონ დოლარამდე გაიზარდა. წლის პირველ თვეში ახალ პროექტებში ტრანზაქციების რაოდენობა 12%-ით გაიზარდა, ძველ პროექტებში კი 2023 წლის იანვართან შედარებით მაჩვენებელი 12%-ით შემცირდა. რაც შეეხება ბათუმს, გასულ თვეში ბინების გაყიდვების კლების პარალელურად, საცხოვრებელი უძრავი ქონების საშუალო ფასი გაიზარდა. სტუმარი: ლეო ჩიქავა - „კოლიერს ჯორჯიას“ კვლევებისა და მონაცემთა სერვისების ხელმძღვანელი; #ახალიამბები #BusinessMediaGeorgia
მერიის მიერ ნარიყალას ციხის რეაბილიტაციაზე გამოცხადებული ტენდერი დასრულდა. გამარჯვებული კომპანია „ინსი“ გახდა, რომელიც შესყიდვების სააგენტოს მიერ ე.წ. თეთრ სიაშია შეყვანილი. თბილისის განვითარების ფონდმა ნარიყალას რეაბილიტაციასთან დაკავშირებით ტენდერი თებერვლის დასაწყისში გამოაცხადა. სატენდერო დოკუმენტაციის მიხედვით, პროექტი 2-წლიანია და რეაბილიტაცია 2025 წელს დასრულდება. შესყიდვის ღირებულება 13 162 286 ლარია, საიდანაც 2024 წელს 5 268 648 ლარი, 2025 წელი კი 7 893 638 ლარი დაიხარჯება. რა ტიპის ინფრასტრუქტურა მოეწყობა ტერიტორიაზე? სტუმარი: ზვიად თოიძე - “ინსის” დირექტორი; #ახალიამბები #BusinessMediaGeorgia
PMCG-ი საქართველოს ეკონომიკის თებერვლის მაკრომიმოხილვას აქვეყნებს, რომლის მიხედვითაც საქართველო ტრადიციულ ნელი ზრდის ტემპს უბრუნდება. კერძოდ, 2024 წელს ეკონომიკის შედარებით ნელი ზრდაა მოსალოდნელი, რეალური მშპ-ს მოსალოდნელი ზრდა 5.2%-ია (2023 წელთან შედარებით 2.3 პპ-ით ნაკლები). ექსპორტისა და იმპორტის ზრდის პროგნოზი კი წინა წელთან შედარებით შემცირებულია. რაც შეეხება ინფლაციას, PMCG-ის მიხედვით, 2024 წელს მთლიანი ინფლაცია სამიზნე ინფლაციაზე (3.0%) ნაკლებ დონეზე, 2.8%-ზე იქნება. მთავრობის ვალი, ბიუჯეტისა და მიმდინარე ანგარიშის დეფიციტი კი 2024 წელს, სავარაუდოდ, 2023 წლის დონეზე შენარჩუნდება. ამასთან, ორგანიზაცია წერს, რომ მოსალოდნელია ტურიზმის გაუმჯობესება, თუმცა გასათვალისწინებელია რეგიონული კონფლიქტისა და აზერბაიჯანის საზღვრის დაგვიანებული გახსნის რისკები. სტუმარი: შოთა მაჭარაშვილი - PMC კვლევითი ცენტრის უმცროსი მკვლევარი; #ახალიამბები #BusinessMediaGeorgia
თბილისის მერიის ტრანსპორტისა და ურბანული განვითარების სააგენტოს უფროსის, ვიქტორ წილოსანის თქმით, იმ მარშრუტებზე, სადაც 18-მეტრიანი ავტობუსები დაინიშნა, მგზავრთნაკადი 30%-ით გაიზარდა. მისივე თქმით, ეტაპობრივად 18-მეტრიანი ავტობუსები ყველა უბანს ეყოლება, რაც თავის შედეგს გამოიღებს. თბილისის მერიის მიერ შეძენილი MAN-ის ფირმის 160 ერთეული 18-მეტრიანი ავტობუსიდან 50 ერთეული დედაქალაქში 2024 წლის დასაწყისში ჩამოვიდა და სატესტო რეჟიმში N302 ხაზზეც ამოქმედდა. ავტობუსებზე ბიუჯეტიდან 259 მილიონი ლარი დაიხარჯა. თბილისის მთავრობის სხდომაზე ცნობილი გახდა, რომ მთავრობა დამატებით 40 ერთეულ 18-მეტრიან ავტობუსს შეიძენს. თბილისის მერიის ტრანსპორტისა და ურბანული განვითარების სააგენტოს უფროსის, ვიქტორ წილოსანის განცხადებით, დღეისთვის ქალაქის ათ სატრანსპორტო დერეფანში, Buslane-ის 70%-ზე მეტი უკვე დახაზულია. მისივე თქმით, დარჩენილია რთული მონაკვეთები იქ, სადაც ინფრასტრუქტურული სამუშაოებია ჩასატარებელი. რა ეფექტი იქონია 18 მეტრიანი ავტობუსების დამატებამ? სტუმარი: ირაკლი იზორია - „პარტნიორობა საგზაო უსაფრთხოებისთვის“ დირექტორი; #ახალიამბები #BusinessMediaGeorgia
ხვალიდან არასასურველი სარეკლამო SMS-ები მოქალაქეებს აღარ მიუვათ. შესაბამის ცვლილებას „პერსონალურ მონაცემთა დაცვის შესახებ“ ახალი კანონი ითვალისწინებს. შეტყობინებების გასაგზავნად კი კომპანიებს მომხმარებელთა წინასწარი თანხმობა დასჭირდებათ, ანუ ჩვენს პირად მონაცემებს კომპანიები პირდაპირი მარკეტინგის მიზნით ვერ გამოიყენებენ. სარეკლამო შეტყობინებებზე უარის თქმა ნებისმიერ დროს შეგეძლებათ, ხოლო თუ თქვენი უარის მიუხედავად, კომპანიები სარეკლამო შეტყობინებებს მაინც გამოგიგზავნიან და წესს დაარღვევენ, პერსონალურ მონაცემთა დაცვის სამსახური, თქვენი მიმართვის საფუძველზე, საჩივარს განიხილავს და მათ დააჯარიმებს. ასევე, ნებისმიერ საჯარო დაწესებულებას და კერძო კომპანიების ნაწილს ეკისრება ვალდებულება, ჰყავდეს პერსონალურ მონაცემთა დაცვის ოფიცერი. #ახალიამბები #BusinessMediaGeorgia
აუდიტორულ და ბიზნეს საკონსულტაციო მომსახურებების სფეროში წამყვანი ფირმა, ფრაისუოთერჰაუსკუპერსი (PwC) საქართველოს ბიზნეს ასოციაციის წევრი გახდა, რომლის გლობალური ქსელი 2024 წელს თავისი არსებობის 175 წელს აღნიშნავს. PwC წარმოადგენს პროფესიული მომსახურების ერთ-ერთ უდიდეს კომპანიას მსოფლიოში და ე.წ. დიდი ოთხეულის წევრია. ძირითადი მიმართულებების აუდიტისა და საგადასახადო მომსახურებების გარდა, ბოლო რამდენიმე წლის განმავლობაში PwC საქართველომ კლიენტთა მოთხოვნებს უპასუხა და გააფართოვა მომსახურებების სფერო იურიდიული კონსულტაციების, ბიზნეს საკონსულტაციო მომსახურებისა და ტრენინგების აკადემიის მიმართულებებით. სტუმრები: ლევან ვეფხვაძე - საქართველოს ბიზნეს ასოციაციის აღმასრულებელი დირექტორი; ლაშა ჯანელიძე - PwC-საქართველოს მმართველი პარტნიორი; #ახალიამბები #BusinessMediaGeorgia
საინვესტიციო ფონდი კეტარი 2 წლის განმავლობაში დაგროვებული გამოცდილებით, შესაძლებლობებს კიდევ უფრო აფართოებს და ექსპორტზე გასვლას განიხილავენ, რისთვისაც სამუშაოები დაწყებულია. ამასთან ფონდში დაწყებულია სიღრმისეული კვლევა საქართველოში შემოქმედებითი ინდუსტრიის სფეროს შესახებ. მიმდინარე წელი საინვესტიციო ფონდმა აქტიურად დაიწყო და 2024-ში სხვადასხვა მასშტაბურ ღონისძიებებშია ჩართული. სტუმრები: სერგი გვარჯალაძე - ფონდი "კეტარის" განვითარების დირექტორი; თემო კვირკველია - ფოტოგრაფი; #ახალიამბები #BusinessMediaGeorgia
თიბისი აგრო პროექტების მიმართულებით დიდი ხანია რომ ჩართულია ეს არახალია, თუმცა გაზაფხული კარს მოგვადგა და საჭიროა ამ მიმართულების თიბისის აქტივობების მოკითხვა. 2024 წლის საგაზაფხულო სამუშაოებს თიბისის აგრო მიმართულება კამპანიით ხვდება, რასაც შესაბამისი სახელიც მოუფიქრეს „ბიზნესის და ბუნების გამოღვიძება“. კამპანიის მთავარი კონცეფცია სრულად ადამიანებზეა აგებული, როგორც საქმის მთავარ მამოძრავებელ ძალაზე. თიბისის გუნდი ბიზნესის წარმატებულად კეთებისათვის ადამიანების ცენტრალურ როლზე ამახვილებს ყურადღებას. სტუმარი: შოთა გონგლაძე - თიბისის სახელმწიფო პროექტების მართვის დეპარტამენტის ხელმძღვანელი; #ახალიამბები #BusinessMediaGeorgia
კომპანია MTR-ში, რომელიც სამშენებლო ინვენტარისა და ტექნიკის გაყიდვა/გაქირავების ბაზარზე 2019 წელს გამოჩნდა, 2020 წლიდან ერთ-ერთი უმსხვილესი ესპანური კომპანიის Alsina-ს ექსკლუზიური დისტრიბუტორია საქართველოში, რომელიც 70 წელზე მეტია წარმატებულად ოპერირებს სამშენებლო ინვენტარის წარმოების, გაყიდვისა და გაქირავების სფეროში. საერთაშორისო კომპანია Alsina-ს წარმომადგენლები საქართველოს სამუშაო ვიზიტით რამდენიმე კვირის წინ ეწვივნენ და MTR-ის გუნდთან ერთად სამომავლო გეგმები და პარტნიორობასთან დაკავშირებული საკითხები განიხილეს. სტუმარი: კახა გოგატიშვილი - კომპანია MTR-ის დირექტორი; #ახალიამბები #BusinessMediaGeorgia
ქართული ბიზნესის შესაძლებლობები ევროკავშირის ბაზარზე სტუმრები: ბაკურ კვარაცხელია - გაეროს გლობალური შეთანხმების საქართველოს ქსელის პროექტებისა და ფონდების მოძიების მიმართულების ხელმძღვანელი; ირინა კვახაძე - თიბისი კაპიტალის ვიცე პრეზიდენტი; გიორგი კაჭარავა - ევროკავშირი-საქართველოს ბიზნეს საბჭოს აღმასრულებელი დირექტორი; #ახალიამბები #BusinessMediaGeorgia
#საქმიანიდილა - 29 თებერვალი - პროლოგი #ახალიამბები #BusinessMediaGeorgia
მოცვის წარმოება და ამ პროდუქტის რეალიზებით მიღებული შემოსავლები მზარდია ევროპაშიც. ბოლო წლებში ეს კულტურა სულ უფრო საინტერესო და მოთხოვნადი ხდება, ფერმერები მაქსიმალურად ცდილობენ, რომ სასათბურე მეურნეობები გამართონ, თანამედროვე ტექნოლოგიებით აღჭურვონ და რაც შეიძლება მეტი, ხარისხია მოცვი აწარმოონ. ამას ისიც განაპირობებს, რომ ამ პროდუქტის მიმართ მოთხოვნა მთელი მსოფლიოს მასშტაბით გაზრდილია. ექსპერტები კი ევროპაში მოცვის რეალიზებით მიღებული შემოსავლების მატებას პროგნოზირებენ. #ახალიამბები #BusinessMediaGeorgia
მოცვის წარმოება და ამ პროდუქტის რეალიზებით მიღებული შემოსავლები მზარდია ევროპაშიც. ბოლო წლებში ეს კულტურა სულ უფრო საინტერესო და მოთხოვნადი ხდება, ფერმერები მაქსიმალურად ცდილობენ, რომ სასათბურე მეურნეობები გამართონ, თანამედროვე ტექნოლოგიებით აღჭურვონ და რაც შეიძლება მეტი, ხარისხია მოცვი აწარმოონ. ამას ისიც განაპირობებს, რომ ამ პროდუქტის მიმართ მოთხოვნა მთელი მსოფლიოს მასშტაბით გაზრდილია. ექსპერტები კი ევროპაში მოცვის რეალიზებით მიღებული შემოსავლების მატებას პროგნოზირებენ. #ახალიამბები #BusinessMediaGeorgia
სამედიცინო ინდუსტრიის გიგანტებს ელი ილის და ნოვო ნორდისკს დიდი ალბათობით, სერიოზული კონკურენტი გამოუჩნდებათ - საუბარია ამერიკულ ბიოტექ კომპანიაზე ვიკინგ თერაპევტიქსი, რომელთა აქციები მოულოდნელად 121% ით გაიზარდა. და ეს მოხდა მას შემდეგ რაც კომპანიამ გამოაცხადა ახალ პრეპარატზე ცდის მეორე ციკლის ან გნებავთ ფაზის შედეგები - ახლა ვნახოთ რა პრეპარატზეა საუბარი” ვიკინგ თერაპევტიქსი, ბოლო 2 წელიწადში ყველაზე ტრენდულ და მოთხოვნად გახდომის პრეპარატზე, ახალ წამალზე მუშაობს და ცხადია, როგორც ნებისმიერი პრეპარატი რომელსაც მომავლისთვის აქვს პრეტენზია ოფიციალურად გაიყიდოს ქსელში სჭირდება ავტორიზაცია, რისი განუყოფელი ნაწილია სამეცნიერო ცდები. ცდები ოდითგან ტარდება ცხოველებზე. ასევე ტარდება ცხოველებზე და ადამიანებზეც. სწორედ ადამიანებზე ჩატარებული მეორე ცდის ეტაპის შემდგომ, პრეპარატმა არაჩვეულებრივი შედეგი აჩვენა და 13 კვირის მანძილზე მათ ვინც მიიღეს აღნიშნული პრეპარატი, სხეულის მასა, დაახლოებით 15% შეუმცირდათ.და ეს გაცილებით უკეთესი შუალედური შედეგია ვიდრე ელი ლილის პრეპარატს ჰქონდა ანალოგიურ პერიოდში და ფაზაში. #ახალიამბები #BusinessMediaGeorgia
უოლ სტრიტის ფინანსისტის 93 წლის ქვრივმა, ყოფილმა პროფესორმა რუთ გოტესმანმა, ბრონქსის სამედიცინო სკოლის ალბერტ აინშტაინის მედიცინის კოლეჯს $1 მილიარდი იმ პირობით შესწირა, რომ თანხა სტუდენტების სწავლის გადასახადის დასაფარად იქნება გამოყენებული. შესაბამისად, ამიერიდან კოლეჯში სწავლა სრულიად უფასოა. ny times-ი წერს, რომ დონაცია განსაცვიფრებელი არა მხოლოდ ზომით, არამედ იმიტომაც არის, რომ ის მიემართება ბრონქსის სამედიცინო დაწესებულებაში, ქალაქის უღარიბეს დაბაში. ბრონქსს აქვს ნაადრევი სიკვდილიანობის მაღალი მაჩვენებელი და ნიუ-იორკში ყველაზე არაჯანსაღ ოლქად არის მიჩნეული. გასული თაობის განმავლობაში, მრავალმა მილიარდერმა ასობით მილიონი დოლარი გადასცა მანჰეტენის უფრო ცნობილ სამედიცინო სკოლებსა და საავადმყოფოებს, ქალაქის უმდიდრეს და პრესტიჟულ უბანში. #ახალიამბები #BusinessMediaGeorgia
ინდოეთში, ქალაქ ნიუ-დელიში, საერთაშორისო ტურისტული გამოფენა დასრულდა. აზიის ერთ-ერთ უდიდეს ტურისტულ გამოფენაზე საქართველოს ტურიზმის ეროვნულ ადმინისტრაციასთან ერთად 28 სახელმწიფო ორგანიზაცია, ტურისტული კომპანია და სასტუმრო იყო წარდგენილი. საერთაშორისო ტურისტულ გამოფენას 50-ზე მეტი ქვეყნიდან 1200-ზე მეტი ტურისტული კომპანია და ორგანიზაცია დაესწრო. მათ შორის იყვნენ ქართველებიც, რომელთა შეფასებითაც ძალიან დიდი იყო ინტერესი საქართველოს მიმართ. რა შედეგით დაბრუნდა ბიზნესი ინდოეთიდან? სტუმარი: მაია მურაჩაშვილი - ჰოტელიერი; #ახალიამბები #BusinessMediaGeorgia
2-3 მარტს, კახეთში, 2024 წლის მთავარი კულინარიული მოვლენა, საქართველოსა და ბასკეთის გასტრონომიული კონგრესი - “Culinary Connection Euskadi-Georgia” ჩატარდება. კონგრესის ფარგლებში მოეწყობა პანელური დისკუსიები, პრეზენტაციები და კულინარიული შოუ, რომელსაც ცნობილი ბასკი და ქართველი შეფები გაუძღვებიან. ღონისძიება 250-ზე მეტ ადამიანს უმასპინძლებს. კონგრესზე მოწვეულები იქნებიან საქართველოს ყველა კუთხეში მოქმედი სასტუმროებისა და რესტორნების შეფ-მზარეულები. ბასკეთი-საქართველოს გასტრონომიული კონგრესი, მიზნად ისახავს არა მხოლოდ კულინარიულ ოსტატობის, არამედ - ენოგასტროტურიზმისა და ქართული სამზარეულოს განვითარებას. გასტრონომიულ კონგრესს გაუძღვებიან და მასტერკლასებს ჩაატარებენ ბასკეთისა და საქართველოს წამყვანი რესტორნებისა და სასტუმროების მასტერშეფები და სომელიეები. კონგრესის ფარგლებში, ბასკეთის კულინარიული ცენტრის წარმომადგენლები, ბასკი შეფები და სომელიები იმოგზაურებენ კახეთში, სადაც, ქართველ შეფებთან ერთად, დააგემოვნებენ ქართულ ღვინოსა და სამზარეულოს. ➡️ სტუმარი: დავით სონღულაშვილი - საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარე #ახალიამბები #BusinessMediaGeorgia
ტურიზმზე საუბრით ვაგრძელებთ ეთერს. ქართველი გიდები „ტურიზმის შესახებ ახალი კანონით“ უცხო ქვეყნის მოქალაქეების საქმიანობის დარეგულირებას ითხოვენ. მათი თქმით, ირანის, სომხეთის, რუსეთისა და სხვა ქვეყნის გიდები საქართველოში ნებართვის გარეშე მუშაობენ და ტურისტებს საქართველოს ისტორიას დამახინჯებულად უყვებიან. კანონი უცხოელ გიდებს საქმიანობას არ უზღუდავს, რის გამოც მათი ქართველი კოლეგები არაკონკურენტულ გარემოში აღმოჩნდნენ. მათი მოთხოვნაა, კანონქვემდებარე აქტის დონეზე განსაზღვროს, რომ უცხოელ გიდს საქართველოში საქმიანობის უფლება არ აქვს. რა მასშტაბი აქვს ქართველი გიდების პრობლემას და მიდის თუ არა ამ საკითხზე კონსულტაციები ტურიზმის ეროვნულ ადმინისტრაციასთან, რომელიც უშუალოდ არის კანონის აღმასრულებელი. სტუმარი: გიორგი თეთრაძე - საქართველოს ტურიზმის სფეროში დასაქმებულთა პროფესიული კავშირის თავმჯდომარე; #ახალიამბები #BusinessMediaGeorgia
გუშინ კონკურენციის და მომხმარებლის დაცვის სააგენტომ ლურჯი მოცვის ბაზრის მონიტორინგის შუალედური ანგარიში გამოაქვეყნა. სააგენტოს შეფასებით, 2020-2023 წლებში საქართველოდან მოცვის ექსპორტს 50-მდე კომპანია ახორციელებდა. საერთო ექსპორტის 90%-ზე მეტი კი რუსეთის ფედერაციაში განხორციელდა. სტატისტიკა მოწმობს, რომ ქვეყნიდან ექსპორტირებული მოცვის რაოდენობა მზარდია, 2023 წელს ფიქსირდება 500%-იანი ზრდა, რაც მოცულობაში 3413 ტონაა. რაოდენობრივ მაჩვენებელთან ერთად გაზრდილია ექსპორტირებული ლურჯი მოცვის საერთო ღირებულებაც, კერძოდ, 2020 წელს განხორციელდა 11.3 მილიონი ლარის ღირებულების ლურჯი მოცვის ექსპორტი, 2021 წელს 17.5 მილიონი ლარის, 2022 წელს 23.8 მილიონი ლარის, ხოლო 2023 წელს ექსპორტის საერთო ღირებულებამ 53.9 მილიონი ლარი შეადგინა. სააგენტოს შეფასებით, 5 მსხვილი კომპანიის საერთო წილი ბაზრის ექსპორტის დონეზე, შესასწავლ პერიოდში, 43%-დან 65%-მდე მერყეობს. ბაზარზე არ ფიქსირდება დომინანტი ეკონომიკური აგენტი და ასევე, ადგილი არ აქვს ჯგუფური დომინანტური მდგომარეობის არსებობისთვის აუცილებელ ერთ-ერთ პირობას საბაზრო წილების სახით. როგორ ვითარდება ლურჯი მოცვის ბიზნესი ქვეყანაში და რა სირთულეებთან არის დაკავშირებული პროდუქციის რეალიზაცია? სტუმარი: დავით დობორჯგინიძე - კომპანია „ბლუბერიას“ დირექტორი; #ახალიამბები #BusinessMediaGeorgia
გუშინ, თბილისში, სასტუმრო პარაგრაფში ბიზნესისა და ტექნოლოგიების აკადემიამ ახალი პროექტი წარადგინა. საუბარია ქართული სტუმარმასპინძლობის სკოლის მასშტაბურ პროექტზე, რომელიც USAID-ის პროგრამის, დამსაქმებლები პროფესიული განათლებისთვის მხარდაჭერით ხორციელდება. სკოლა საჩხერეში იქნება და ის დასავლეთ საქართველოში კადრების გადამზადებას უზრუნველყოფს. პროექტის ფარგლებში ჯამში 12 პროგრამა შემუშავდა, რომელიც სტუმარ-მასპინძლობის სხვადასხვა მიმართულებას მოიცავს. პროგრამა ორი წლის განმავლობაში ჯამში სამას ადამიანს გადაამზადებს. როდის მიიღებს ის პირველ ნაკადს და რას გულისხმობს პროექტი? სტუმრები: ნანა ყუფუნია - ქართული სტუმარმასპინძლობის სკოლის პროექტის მენეჯერი; ნინო შერმაზანაშვილი - სტუმარმასპინძლობის სექტორის წამყვანი ექსპერტი; #ახალიამბები #BusinessMediaGeorgia
არემჯის კორპორაციული მდგრადობის დოკუმენტი დამტკიცდა. დაბა კაზრეთში არემჯის ცენტრალურ ოფისში ხელი მოეწერა კომპანიის ახალ კორპორაციული მდგრადობის დოკუმენტს, რითაც, კომპანიის მენეჯმენტი და დასაქმებულები კიდევ ერთხელ ადასტურებენ მზაობას აწარმოონ სამთო- მოპოვებითი საქმიანობა მაღალი პასუხისმგებლობით. კომპანია იღებს პასუხიმგებლობას მისი საქმიანობა თანხვედრაში იყოს ჯანმრთელობის და შრომის უსაფრთხოების, ასევე საყოველთაოდ აღიარებული ადამიანის უფლებების პრინციპებთან. ხელი შეუწყოს ეკონომიკურ ზრდას, დაიცვას გარემო, უზრუნველყოს გამჭვირვალობა და შესაბამისობა. რას ნიშნავს არემჯისთვის კორპორაციული მდგრადობის დოკუმენტის მიღება და როგორ უყურებს ქვეყნის სამთო მრეწველობის ლიდერი კომპანია კორპორაციული მდგრადობის საკითხს? სტუმარი: ვატო დემურიშვილი - "შაპო პლასტის" დირექტორი და დამფუძნებელი; #ახალიამბები #BusinessMediaGeorgia
თიბისი ბიზნესისთვის რუბრიკის ფარგლებში, დღეს გაგაცნობთ კომპანიას, რომელიც რეზინის სათამაშოებს და აქსესუარებს აწარმოებს. "შაპო პლასტი", ასე ჰქვია კომპანიას, რომელიც თბილისში მდებარეობს და საწარმოს გაშვებისთვის აქტიურ სამზადისშია. კომპანია მაღალი სოციალური პასუხისმგებლობით გამოირჩევა და საწარმოს სრულ ამოქმედებამდე, მიღებული აქვთ, გერმანული სერტიფიკატი ნედლეულის უვნებლობაზე და მოლოდინის რეჟიმში არიან სათამაშოების უვნებლობის სერტიფიცირებაზე. როგორ განვითარდა კომპანია, რომელ ბაზრებზე აქვთ გათვლა პროდუქციის რეალიზებისთვის და როგორია მათი 2024 წლის გეგმები. სტუმარი: ვატო დემურიშვილი - "შაპო პლასტის" დირექტორი და დამფუძნებელი; #ახალიამბები #BusinessMediaGeorgia
Mastercard-სა და ლიბერთის შორის თანამშრომლობის მემორანდუმი გაფორმდა, რომლის მიზანიც საქართველოში ფინანსური განათლების ხელშეწყობაა. პარტნიორობის პირველ ეტაპზე, ლიბერთი Mastercard-ის ფინანსური განათლების პროექტში ჩაერთვება, რომელიც სპეციალურად ეთნიკური და რელიგიური უმცირესობების გაძლიერების მიზნით შეიქმნა. ეს ტრანსფორმაციული ინიციატივა მიზნად ისახავს გადაჭრას მიკრო, მცირე და საშუალო საწარმოების და კერძო პირების წინაშე მდგარი უნიკალური გამოწვევები ქვემო ქართლში, სამცხე-ჯავახეთში, კახეთსა და მთიან აჭარაში, სადაც მრავალფეროვანი კულტურა და ტრადიციები იკვეთება ბიზნეს შესაძლებლობებთან. ფინანსური განათლების პროექტის ფარგლებში, 2024 წლის ნოემბრამდე, იგეგმება კიდევ არა ერთი ფინანსური მოდულის შეთავაზება როგორც სკოლის მოსწავლეებისა და სტუდენტებისთვის, ასევე, მიკრო, მცირე და საშუალო მეწარმეებისა და ქალებისთვის. ადგილობრივ ბიბლიოთეკებში შეიქმნება ფინანსური განათლების კუთხე და ფინანსური ტერმინების განმარტებითი ლექსიკონი აზერბაიჯანულ და სომხურ ენებზე ითარგმნება. #ახალიამბები #BusinessMediaGeorgia
საქართველოს საბანკო სექტორი იანვარში - როგორ დაიწყო წელი? სტუმარი: ალექსანდრე ძნელაძე - საქართველოს საბანკო ასოციაციის პრეზიდენტი; #ახალიამბები #BusinessMediaGeorgia
კერძო სკოლებში გადასახადი იზრდება. ამის მთავარ მიზეზად წარმომადგენლები ინფლაციურ პროცესებს, დასაქმებულებისთვის ხელფასების ზრდასა და ინფრასტრუქტურული ცვლილებების საჭიროებებს ასახელებენ. კონკრეტულად, რომელი სკოლა რა მოცულობით ზრდის გადასახადს, რას ხმარდება ეს დაკორექტირებული თანხა და როგორია უკუკავშირი მომხმარებლების მხრიდან? #ახალიამბები #BusinessMediaGeorgia