რუსეთის მიერ უკრაინაში შეჭრამ ელექტრომობილების ბიზნესზეც უარყოფითი გავლენა მოახდინა. ორ ქვეყანას შორის დაძაბულობის , სანქცირებული რუსეთის და უკრაინიდან ექსპორტის შეჩერების ფონზე, გაძვირდა ელექტრომობილების ელემენტებისთვის საჭირო მასალები. რას ამბობენ ინდუსტრიის მოთამაშეები და როგორი მოლოდინები აქვთ მასშტაბურ გეგმასთან დაკავშირებით, რომელიც მსოფლიოში ელექტრომობილების ფართო მოხმარებას გულისხმობს? #ახალიამბები #BusinessMediaGeorgia
#საქმიანიდილა - 10 მარტი - პროლოგი #ახალიამბები #BusinessMediaGeorgia
allmarket-ზე, ამაზონის ბესთსელერის, პრემიუმ ბრენდის “ედიფაიერის” აუდიო-ტექნიკის კვირეული იწყება. მომხმარებლებს შეუძლიათ, განსაკუთრებულ ფასად ედიფაიერის D12 მოდელი შეიძინონ. რაც შეეხება “ედიფაიერის” აუდიო-ტექნიკის ფასს, ის ლოიალური და მომხმარებელზე მაქსიმაურად მორგებულია. ამას გარდა, კომპანია მათ ერთწლიან სრულ საგარანტიო პირობას სთავაზობს. კოტე კუბლაშვილი - allmarket.ge დამფუძნებელი #ახალიამბები #BusinessMediaGeorgia
უკრაინა საქართველოს რიგით მეექვსე უმსხვილესი სავაჭრო პარტნიორია, იმპორტის მხრივ კი საქართველოს რიგით მერვე უმსხვილეს პარტნიორად აქცევს. 2021 წელს სავაჭრო ბრუნვამ $759 მილიონი დოლარი შეადგინა. ვნახოთ ის ძირითადი პროდუქტები, რომლითაც ჩვენი ქვეყანა უკრაინასთან ვაჭრობს. ცალკე აღნიშვნის ღირსია რუსეთთან არსებული სავაჭრო ურთიერთობები. ახალი არავისთვის იქნება თუ ვიტყვით, რომ ქართული ბაზარი ყველაზე მეტად სწორედ რუსეთზეა ჩამოკიდებულ და ეს კავშირი წლიდან წლამდე იზრდება. იზრდება როგორც ექსპორტირებული ისე იმპორტირებული პროდუქციის წილი. ომის ფონზე, მაშინ როცა უმსხვილესი კომპანიები რუსულ ბაზარს ტოვებენ ქართველ იმპორტიორები ახალი გამოწვევის წინაშე დადგნენ - მათ მოუწევთ ახალი პარტნიორების მოძიება. როგორ შეიძლება ჩანაცვლდეს საკვების იმპორტიორი კომანიები და რა გავლენა ექნება ამას ფასებზე? სტუმარი: მიხეილ ფარულავა - "ჯორჯიან ბეიქერსი", თანადამფუძნებელი. თემა: სამომხმარებლო ფასების დინამიკა; #ახალიამბები #BusinessMediaGeorgia
დღეს, უკრაინელი ხალხის დახმარება, ალბათ ყველა ჩვენგანისთვის ყველაზე მთავარ მიზანს წარმოადგენს. უკრაინელები დღეს ჰუმანიტარული კრიზისის წინაშე არიან, მათ უწევთ გაუმკლავდნენ მოულოდნელ გარემოებებს და შესაბამისად ითხოვენ დახმარებას სხვადასხვა გზებით. საქართველოში ბევრმა კომპანიამ გამოთქვა სურვილი დახმარებაზე, ასევე რიგითი მოქალაქეები, შესაძლებლობების გათვალისწინებით აგროვებენ ნივთებს და აგზავნიან უკრაინაში. ამ ყველაფერს სჭირდება კოორდინირებული მუშაობა, სჭირდება სწორი კომუნიკაცია და ინფორმაციის ერთ სივრცეში მოქცევა. ეს რესურსიც გაჩნდა. ახალგაზრდებმა შექმნეს მობილური აპლიკაცია - "სოლიდარითი", სადაც ერთის მხრივ გასაჭირში მყოფი ადამიანები რუკაზე ნიშნავენ საკუთარი საჭიროებების შესახებ, ხოლო მეორეს მხრივ მოხალისეები ირჩევენ და ეხმარებიან მათ. ეს ურთიერთდახმარების პლატფორმა, რეალურად ამყარებს პირდაპირ კომუნიაკაციას და მოკლე დროში სწრაფად რეაგირების საშუალებას იძლევა. სტუმარი: ირაკლი გელეიშვილი - Walkers LLC-ის აღმასრულებელი დირექტორი. #ახალიამბები #BusinessMediaGeorgia
საქართველოს საავტორო უფლებათა ასოციაცია აქვეყნებს, რუსეთის საავტორო უფლებების ორგანიზაცია, RAO-ს მიერ საქართველოს ესტონელი კოლეგისთვის გაგზავნილ წერილს. წერილში აღნიშნულია, რომ გამომდინარე იქიდან, რუსული ბანკები სანქცირებულია და ვერ ხერხდება ტრანზაქციები, რუსეთი ესტონეთს და სხვა ქვეყნებს თხოვს, ჰონორარი გადაუხადონ საქართველოში არსებული, მისი პარტნიორი ორგანიზიაცია, GERA-ს მეშვეობით. აქვე ადასტურებს, რომ რუსეთს და GERA-ს აქვთ ნაყოფიერი თანამშრომლობა და GERA მზად არის, რომ დაეხმაროს რუსეთს ჰონორარის მიღებაში. საქართველოს საავტორო უფლებამფლობელთა ასოციაცია GERA - 2019 წელს დაფუძნდა, ასოციაციის საბჭოს წევრი, მომღერალი აჩი ფურჩელაძე ამბობს, რომ გერა რუსეთის საავტორო უფლებათა ასოციაციის შვილობილი კომპანიაა, შესაბამისად საქართველოს საავტორო უფლებათა ასოციაცია მოუწეოდებს გერას, რუსეთის დახმარებაზე უარი თქვას. სტუმარი: გიგა კობალაძე - საავტორო უფლებათა ასოციაციის თავმჯდომარე; #ახალიამბები #BusinessMediaGeorgia
ფერმერთა მომსახურებისა და ტრეინინგების ცენტრი აგრო-კომი დაინტერესებულ პირებს მცენარეთა მოვლის საშუალებებს, საჭირო ტექნიკა-დანადგარებს და საკონსულტაციო მომსახურებას სთავაზობს. კომპანია უკვე 11 წელია ბაზარზეა და წლიურად ქვეყნის მასშტაბით 40 ათასამდე ფერმერს დახმარებას უწევს. სტუმარი: ირაკლი მერკვილიშვილი - შპს "აგრო-კომის" დირექტორი; #ახალიამბები #BusinessMediaGeorgia
არის თუ არა დღეს აპლიკაცია ტელეგრამი უსაფრთხო? პლატფორმას, რომელიც ინფორმაციის გაცვლისა და კომუნიკაციის კუთხით რუსეთ-უკრაინის კონფლიქტის დროს, ყველაზე დიდი ყურადრების ცენტრში მოექცა, უსაფრთხო რეპუტაცია აქვს და ამაზე თანამედროვე სამყარო თანხმდება, თუმცა არც ის უნდა დაგვავიწყდეს, რომ არსებობს საშიშროება, რუსეთის მთავრობამ მოუწოდოს Telegram-ს, გადასცეს მომხმარებლის ინფორმაცია. ეს უკვე მოხდა 2018 წელს, მაგრამ Telegram-ი წინ აღუდგა რუსეთის მთავრობას, რომელმაც კომპანიას სასამართლოში უჩივლა და აპლიკაცია ორი წლით აკრძალა. ინფორმაციისთვის, რუსეთმა საქმე 2020 წელს გააუქმა და დღეს რუსეთში, ისევე როგორც მსოფლიოს სხვა ქვეყანაში უამრავი ადამიანი იყენებს აპლიკაციას და უკრაინის შესახებ სიახლეებსაც უმეტესად ტელეგრამზე ეცნობიან. და მაინც არის თუ არა უსაფრთხო ტელეგრამი და რამდენად დაცულია ჩვენი პირადი ინფორმაცია? #ახალიამბები #BusinessMediaGeorgia
თუ გზად სამსახურისკენ მიმავლები ახლა ავტომობილში საქმიანი დილას დრაივზე გაყოლებული მაკდონალდსის ყავის სურნელის ფონზე არ უსმენთ მაშინ სიახლემ შესაძლოა თქვნი მარშრუტი შეცვალოს. ამბავი კი ის არის, რომ ამიერიდან „მაკდონალდსის“ 18-ვე რესტორანში მხოლოდ მაკკაფეს ყავაა. სტუმარი: ალექსანდრე შენგელია - "მაკდონალდს საქართველოს" მარკეტინგის დეპარტამენტის ხელმძღვანელი; #ახალიამბები #BusinessMediaGeorgia
ქართული ლურჯი მოცვის მწარმოებლები რუსეთის ბაზარს ნაწილობრივ, ან სრულად ტოვებენ. მიზეზი რუსეთ-უკრაინის ომის გამო რუსეთის როგორც არასტაბილური ბაზრის არსებობა გახდა. თუმცა, კომპანიებში იმის შესახებაც საუბრობენ, რომ ევროკავშირის ბაზარზე გასვლა ამ დრომდეც აქტიურად იგეგმებოდა, რადგან რუსეთი ეკონომიკური ემბარგოებით ცნობილია. ახლა ყველანაირი სერტიფიკატი აქვთ და წელს ქართული ლურჯი მოცვის ექსპორტი რუსეთის ნაცვლად ევროპაში განხორციელდება. #ახალიამბები #BusinessMediaGeorgia
რუსეთ-უკრაინის ომის შედეგები სტუმარი: ალექსანდრე ძნელაძე - "საქართველოს საბანკო ასოციაცია", პრეზიდენტი #ახალიამბები #BusinessMediaGeorgia
ბოლო პერიოდში მსოფლიო მოსახლეობა და მედია ჩაება დისკუსიაში, თუ რას შეიძლება მიუთითებდეს რომაული ანბანით დაწერილი ასო "Z", რომელიც თავიდან მხოლოდ სამხედრო ტექნიკაზე გვხვდებოდა და ყველას ეგონა რომ საკუთარი ტექნიკის იდენტიფიცირებისთვის და ე.წ. „მეგობრული ცეცხლის“ თავიდან აცილების მიზნით იყო გამოსახული, თუმცა დღეს სხვადასხვა განმარტებას ვხვდებით სამხედრო ექსპერტებისა და სპეციალისტების მხრიდან. ხოლო თავად სიმბოლო გამოსახულია რიგითი მოქალაქეების ავტომობილებზე, სახლებზე და პროპაგანდისტულ ვიდეო-კლიპებში. რას შეიძლება ნიშნავდეს სიმბოლო "Z"? #ახალიამბები #BusinessMediaGeorgia
ევროპის ენერგოდამოკიდებულება რუსეთზე - რუსეთი ევროპას გაზის შეწყვეტით ემუქრება #ახალიამბები #BusinessMediaGeorgia
მიგრაცია რუსეთიდან საქართველოში - რისკები და მოლოდინები სტუმრები: დავით კეშელავა - ISET-ის კვლევითი ინსტიტუტის უფროსი მკვლევარი; მაია სიდამონიძე - "პროთრეველ ჯორჯია" მმართველი პარტნიორი. გიორგი ანთაძე - საიას იურისტი. #ახალიამბები #BusinessMediaGeorgia
ერთი ძალიან საინტერესო სტატისტიკა შემხვდა გუშინ. უკრაინის „სტრატეგიული კომუნიკაციებისა და საინფორმაციო უსაფრთხოების ცენტრის“ ინფორმაციით, ომის მიუხედავად უკრაინული კომპანიების 52% მუშაობას აგრძელებს. „ევროპის ბიზნეს ასოციაციის“ მიერ ჩატარებული კვლევების მიხედვით, კომპანიების 27% გაჩერებულია, მაგრამ საქმიანობის განახლების სურვილს გამოთქვამენ. კვლევის თანახმად, კომპანიების 63% აგრძელებს თანამშრომლებზე ხელფასის გაცემას, ხოლო 45% დამატებით ანაზღაურებასთან ერთად ავანსსაც გასცემს. ამას გარდა, ბიზნეს კომპანიების 41% უკრაინის არმიას ფინანსურად ეხმარება, 35% აგრძელებს იმ თანამშრომლებზე ანაზღაურების გაცემას, რომლებიც ფრონტზე წავიდნენ. კომპანიების 31% არმიას საკვები პროდუქტებს, 29% სახვა და სხვა მომსახურებას, 16% მედიკამენტებს, ხოლო 9% თავდაცვისთვის საჭირო მოწყობილობებს აწვდის. ამ რეალობის მიუხედავად რუსეთის არც თუ მოწესრიგებული საომარი ტაქტიკა აჩვენებს რომ მათი სამიზნე ხშირად ხვდება ფაბრიკა ქარხნები, ის ძირითადი ადგილები, სადაც ადგილობრივი წარმოებაა გამართული. სტუმრები: რუსუდან გიგაშვილი - "მომავლის ფერმერი", ხელმძღვანელი; ბექა გონაშვილი, საქართველოს მეცხვარეთა ასოციაციის თავმჯდომარე; #ახალიამბები #BusinessMediaGeorgia
გასულ კვირეებში საქართველოს პარლამენტში დეპუტატების საკმარისი რაოდენობის შეკრება რომ რუსეთ ოკრაინის ომტან დაკავშირებულ რეზოლუციაზე მსჯელობა ყოფილიყო ვერ შედგა. პრეზიდენტის ყოველწლიური მოხსნებეისთვის დრო არ იყო, არც ეცალათ პრინციპში უქმეები იყო, მაგრამ მოიცალეს და დაანონსეს ან შესაძლოა უკვე მუშაობაც გააჩაღეს კანონზე რომელიც მაგალითად ჩემს საკუთრებაში ყველა ეროვნების ერთიანად მომსახურების თუ ერთნაირი სერვისის შეთავაზებას კანონით მაიძულებს. ეს იმ ფონზე რომ საქართველომ ევროკავშირის წევრობაზე განაცხადი შეიტანა, შეიტანა როგორ ეგ სხვა საკითხია მაგრამ ჩვენი ქვეყნის სახელით განაცხადი მოლდოვასა და უკრაინასთან ერთად გაკეთებულია. სტუმარი: ეკატერინე ციმაკურიძე - "დემოკრატიის ინდექსი საქართველო", ხელმძღვანელი; #ახალიამბები #BusinessMediaGeorgia
გაჩერებული წარმოებები, გაჩერებული გაყიდვები, მიკროჩიპების დეფიციტი და ნეგატიური მოლოდინები, ასეთია ავტოინდუსტრიის რეალობა, რუსეთ უკრაინის ომის ფონზე. რეალობა უფრო მძიმეა რუსეთისთვის, თუმცა უკრაინა, სადაც ავტოწარმოებისთვის საჭირო კომპონენტების მსხვილი მიმწოდებელია, ევროპაში მდებარე ქარხნების შეფერხებასაც იწვევს. #ახალიამბები #BusinessMediaGeorgia
უკრაინაში საომარი მდგომარეობით შექმნილი ვითარების გამო EKIMO უკრაინელებს მხარდაჭერას უცხადებს და უკრაინის მოქალაქეებს უფასო სამედიცინო მომსახურებას სთავაზობს. EKIMO-ს აპლიკაციის გამოყენებით, პაციენტები შეძლებენ უფასოდ დაჯავშნონ ვიდეო კონსულტაცია ექიმთან, ან ცხელი ხაზის საშუალებით მიიღონ შესაბამისი მომსახურება. სტუმარი: სალი კვირკველიძე - ციფრული ჯანდაცვის პლატფორმა EKIMO-ს მარკეტინგის დირექტორი; #ახალიამბები #BusinessMediaGeorgia
პრემიერ-მინისტრის ირაკლი ღარიბაშვილის განცხადებით, საქართველოში თურქეთში წარმოებული წამლები უკვე იყიდება. გუშინ გამართულ მთავრობის სხდომაზე ღარიბაშვილმა თქვა, რომ თურქეთიდან წამლების შემოტანამ მედიკამენტებზე ფასი ზოგიერთ შემთხვევაში 80%-მდეც კი შეამცირა. იქვე, პრემიერმა ახსენა, რომ საქართველოში წამლის ხარისხის გაკონტროლების მიზნით ლაბორატორიის შექმნა იგეგმება, რათა ქვეყანაში წარმოებული, თუ იმპორტირებული მედიკამენტების ხარიხსი შემოწმდეს. რა ხდება ფარმაცევტულ ბაზარზე და რამდენ პროცენტიან სხვაობას აჩვენებს პირველ ეტაპზე შემოტანილი მედიკამენტების ფასი? #ახალიამბები #BusinessMediaGeorgia
რუსეთ უკრაინის ომმა ქართველ იმპორტ-ექსპორტიორებზე უარყოფითი გავლენა უკვე მოახდინა. შემოსავლებში კლებას პროგნოზირებენ საქართველოში მოქმედ წვენების მწარმოებელ ექსპორტიორ კომპანიებშიც. განმარტავენ, რომ უკრაინის ბაზარზე ვაჭრობის თვალსაზრისით არაპროგნოზირებადი და სრულად გაუგებარი ვითარებაა, რაც უახლოეს მომავალში ზუსტი პროგნოზების გაკეთების საშუალებას არ აძლევთ. უკრაინის ბაზრის სირთულეებს კი, უკვე რუსეთის სანქცირებული რეალობაც ემატება. #ახალიამბები #BusinessMediaGeorgia
ახლახანს ცვლილებები შევიდა მომხმარებელთა უფლებების დაცვის წესში, ასევე დამტკიცდა ფინანსური ორგანიზაციების მიერ კრედიტის ამოღებასთან დაკავშირებული ეთიკის კოდექსი. რისი უფლება აქვს და რისი არა ფინანსურ ორგანიზაციებს და რა უნდა იცოდეს მსესხებელმა? სტუმრები: დავით კლდიაშვილი - იურისტი; ნათია ჭყონია - სებ-ის მომხმარებელთა უფლებების დაცვის განყოფილების უფროსი;
ქართული ბიზნესი ომის კვალდაკვალ – გვაქვს თუ არა გეგმა? სტუმრები: მირანდა მანჯგალაძე - რითეილ ასოციაციის გამგეობის თავმჯდომარე; გიორგი ეზუგბაია - საკონსულტაციო კომპანია “აქტო ჯგუფის” გენერალური დირექტორი. #ახალიამბები #BusinessMediaGeorgia
უკრაინაში ომია - საქართველოს მთავრობის გეგმა არ ჩანს #ახალიამბები #BusinessMediaGeorgia
ცივილიზებული სამყაროს გადაწყვეტილება რუსული ავიაკომპანებისათვის ცის ჩაკეტვასთან დაკავშირებით, ცაში სერიოზულ გადალაგებას გამოიწვევს. თავის მხრივ რუსეთსაც უწევს ჩვეული ვითარება დააკორექტიროს და მართალია იმიტირებული იყო ვლადიმერ პუტინის შეხვედრა სტიუარდესებთან, მაგრამ ფაქტია რომ ცვლილებები ჰაერშიც მოუხდებათ. პუტინის თქმით, თუკი რუსეთი საკუთარ საჰაერო სივრცეს არ გახსნის, საერთაშორისო საჰაერო მიმოსვლების მარშრუტი და ხანგრძლივობა მნიშვნელოვნად გაიზრდება, რადგან დასავლურ ავიაკომპანიებს რუსეთის ტერიტორიების გვერდის ავლით, ალტერნატიული გზების გამოყენება მოუწევთ, რაც გაზრდის საწვავის ხარჯებს და შესაბამისად, ბილეთების ფასებს. ეს რამდენად დაეხმარებათ სხვა საკიტხია რადგან სულ მცირე შიდა რეისებისთვის გამართული ავიაფლოტი სჭირდებათ რაც ბოინგის განცხადების ფონზე, რომ მომსახურებას შეუწყვეტდათ არარეალურია. მნიშვნელოვანი რაოდენობა ფრენების აკლდებათ სხვა ქვეყნებსაც. #ახალიამბები #BusinessMediaGeorgia
საავიაციო საქველმოქმედო აქცია უკრაინის დასახმარებლად სტუმრები: გიორგი მოლოდინაშვილი - “Geo Sky”-ის ვიცე-პრეზიდენტი ბიზნესის განვითარების დარგში; ვერა ქობალია - კანადის მთავრობის მრჩეველი; #ახალიამბები #BusinessMediaGeorgia
ქალაქთან სიახლოვე, ეკოლოგიურად სუფთა გარემო და განვითარებული ინფრასტრუქტურა - ეს არის ის სამი ძირითადი მოთხოვნა, რასაც ადამიანები მათთვის იდეალური საცხოვრებელი გარემოს არჩევის დროს ყურადღებას აქცევენ. ამ მხრივ თბილისში გამორჩეულ კომპლექსებს შორის ნამდვილად მოაზრება „კრწანისი ვილა რეზიდენსი,“ სადაც ყველა პირობაა შექმნილი თქვენი კომფორტული ცხოვრებისთვის. რა უპირატესობებზე ამახვილებენ ყურადღებას მობინადრეები და როგორია მათი საცხოვრებელი გარემო? სტუმრები: კესო კაციტაძე - ვილა რეზიდენსის საზოგადოებასთან ურთიერთობის მენეჯერი; მარიამ ჯმუხაძე - ვილა რეზიდენსის მარკეტინგის მენეჯერი. #ახალიამბები #BusinessMediaGeorgia
“გლობალური მიწოდების ჯაჭვების წინაშე მდგარი უდიდესი რისკი გადავიდა პანდემიიდან რუსეთ-უკრაინის სამხედრო კონფლიქტზე და მის მიერ შექმნილ გეოპოლიტიკურ და ეკონომიკურ გაურკვევლობაზე“, - წერს Moody's, რომლის პროგნოზითაც, რუსეთ-უკრაინის კონფლიქტი მხოლოდ გააუარესებს ვითარებას მრავალი ინდუსტრიისა და მოთამაშეებისთვის, განსაკუთრებით, ამას იგრძნობენ კომპანიები, რომლებიც დამოკიდებულნი არიან ენერგორესურსებზე. როგორია Moody's-ისა და ეკონომისტების პროგნოზები და რა ვითარებამდე მივა მსოფლიო, თუკი სამხედრო კონფლიქტი დიდხანს გაგრძელება? #ახალიამბები #BusinessMediaGeorgia
რუსეთ-უკრაინის ომი - გავლენა ქართულ ბიზნესზე სტუმარი: თამაზ დაუშვილი - “დიო” აღმასრულებელი დირექტორი; #ახალიამბები #BusinessMediaGeorgia
იმ ფონზე, როდესაც მსოფლიოს უძლიერესი ეკონომიკების მქონე სახელმწიფოები რუსეთს უკრაინაში შეჭრის საპასუხოდ სანქციებს ყოველდღიურად უწესებენ, ბევრი ექსპერტი საუბრობს იმის შესახებ, რომ ვლადიმირ პუტინმა სანქციების ეფექტისაგან თავის ასარიდებლად შესაძლოა კრიპტოინდუსტრიის გამოყენება გადაწყვიტოს. მიუხედავად იმისა, რომ დიდი ალბათობით ყველა მსხვილი კრიპტოსავაჭრო პლატფორმა რუსულ უწყებებთან თანამშრომლობაზე უარს იტყვის, მაინც არსებობს იმის ალბათობა, რომ კომპანიების ნაწილი თანამშრომლობას დათანხმდება. რას ამბობენ ექსპერტები და რამდენად აქვს რუსეთს შანში გამოიყენოს ეს შესაძლებლობა? #ახალიამბები #BusinessMediaGeorgia
ლარი დოლართან და ევროსთან მიმართებით გაუფასურდა. 4 მარტის ვაჭრობის შედეგად, საქართველოს ეროვნული ვალუტა აშშ დოლართან მიმართებით 3.25 თეთრით გაუფასურდა, შედეგად ერთი დოლარის ოფიციალური ღირებულება 3.2744 ლარს შეადგენს.სებ-ის ინფორმაციით, ეროვნული ვალუტა ევროსთან მიმართებითაც გაუფასურდა 0.6 თეთრით, შედეგად ერთი ევროს ოფიციალური ღირებულება 3.6035 ლარი გახდა. #ახალიამბები #BusinessMediaGeorgia
რუსეთის უკრაინაში შეჭრის დღიდან ქართულმა კომპანიებმა უკრაინელი ხალხის მხარდაჭერის კამპანიები დაიწყეს. ზოგიერთმა მათგანმა სოლიდარობა ფულადი დახმარებით, პროდუქტის გაგზავნით, საქართველოში სხვადასხვა სერვისების უფასოდ შეთავაზებით გამოხატა. გარდა კომპანიებისა დახმარების სურვილი მოსახლეობამაც გამოთქვა და სწორედ ამ მიზნით საქართველოს მასშტაბით ჰუმანიტარული დახმარებების პუნქტები შეიქმნა. საქართველოს თუ სხვა ქვეყნის მოქალაქეებს ასეთ ობიექტებზე საჭირო ნივთები ყოველდღიურად მიაქვთ, რათა უკრაინაში, იქ სადაც ახლა ყველა მეტად უჭირთ, მედიკამენტები, საკვები და სხვა პროდუქტი არ აკლდეთ. #ახალიამბები #BusinessMediaGeorgia
დაიწყება თუ არა რძის ნაწარმის ექსპორტი რუსეთში? სტუმარი: კახაბერ კონიაშვილი - ასოციაცია "საქრძე", აღმასრულებელი დირექტორი #ახალიამბები #BusinessMediaGeorgia
რუსეთი საქართველოს რძის ნაწარმის შეტანას სთავაზობს - ბიზნესის შეფასებები #ახალიამბები #BusinessMediaGeorgia
რა გავლენა ექნება რუსეთ-უკრაინის ომს ქართულ ბიზნესებზე? #ახალიამბები #BusinessMediaGeorgia
როგორ ვიყოთ თანმიმდევრული და შორს რუსეთისგან? სტუმარი: ბესო ნამჩავაძე - "საერთაშორისო გამჭვირვალობა-საქართველო", უფროსი ანალიტიკოსი #ახალიამბები #BusinessMediaGeorgia
ებრაელები, რომლებიც კიევის, უკრაინის ოკუპაციას მეორე მსოფლიო ომში გადაურჩნენ, 2022 წელს ისევ ბომბებს ემალებიან. Jews who survived the occupation of Kyiv, Ukraine in WW2 are hiding from the bombs again in 2022 #ახალიამბები #BusinessMediaGeorgia
"პუტინის ომში შუაშისტი ვერ იქნები" - ელენე კვანჭილაშვილის პროლოგი სოსო ბერიკაშვილი - ეკონომისტი; ნინო ევგენიძე - აღმასრულებელი დირექტორი, EPRC; ირაკლი ერაძე - ფინანსისტი; #ახალიამბები #BusinessMediaGeorgia
“ფეიზი”, ელექტრონულ კომერციაზე ორიენტირებული ფინანსური ტრანზაქციების ინოვატორია, რომელიც ბიზნესებს ეხმარება, იმაში, რომ გადახდები მთელი მსოფლიოდან ერთიანი ინტეგრაციის გზით მიიღონ. კომპანიის დამფუძნებლებმა ქართული სტარტაპის ქვეყნის ფარგლებს გარეთ გატანა შეძლეს და პროდუქტი უზბეკეთში შეიტანეს. სტუმარი: გიორგი წურწუმია - PAYZE-ის თანადამფუძნებელი
ეროვნული ბანკის ფინანსური სტაბილურობის კომიტეტმა იპოთეკური სესხების გაცემის წესებში ცვლილებები შეიტანა და განახლების მიხედვით, ბანკებმა მსესხებლის გადახდისუნარიანობის შეფასების დროს უნდა გაითვალისწინონ კრედიტის საპროცენტო განაკვეთის შოკის რისკის ალბათობა. ასევე სების გადაწყვეტილებით მოქალაქეებისთვის სესხებზე ხელმისაწვდომობა გამკაცრდა. ეროვნული ბანკის შეფასებით, ასეთი ცვლილება საჭიროა იმისთვის, რათა ცვლად განაკვეთზე მიბმული იპოთეკების საპროცენტო განაკვეთის მატებამ ბანკებში ფინანსური რისკები არ წარმოშვას. სიფრთხილე და ეკონომიკის სტიმულირებისათვის რესურსების კიდევ უფრო შემცირება, რამდენად თანაზომადია სების გადაწყვეტილება პანდემიურ, პოსტპანდემიურ და რუსეთ უკრაინის საომარი ვითარების ფონზე? სტუმარი: მიხეილ კუკავა - PMCG-ის ეკონომისტი; #ახალიამბები #BusinessMediaGeorgia
რუსეთ უკრაინის ომი და გავლენა რომელის მას საქართველოს ეკონომიკაზე ექნება. თიბისი კაპიტალმა დროული და განგრძობადი საომარი მდგომარეობის პირობებში ომის საქართველოს ეკონომიკაზე გავლენის რისკები შეაფასა. ოპტიმიზმი ამბობს, რომ მშპ-ს ზრდა 3.5-4.0%-მდე იქნება წელს ქვეყანაში, უფრო პესიმისტრუი სცენარის შემთხვევაში ანუ განგრძობადი პროცეის შემთხვევაში კი ეკონომიკის ზრდა ნახევარ პროცენტს ვერ გადასცდება. სტუმარი: ოთარ ნადარია, - "თიბისი", მთავარი ეკონომისტი; #ახალიამბები #BusinessMediaGeorgia
საქართველოში განთავსების მსურველთა რიცხვი რუსეთიდან იზრდება - როგორი უნდა იყოს სახელმწიფო პოლიტიკა? #ახალიამბები #BusinessMediaGeorgia
#საქმიანიდილა - 4 მარტი - გიორგი ისაკაძის პროლოგი #ახალიამბები #BusinessMediaGeorgia
“არა ომს” - რუსების საპროტესტო აქცია #ახალიამბები #BusinessMediaGeorgia
„ატომურ ელექტროსადგურზე ბირთვული უსაფრთხოება დარღვეულია“ - რუსულმა ძალებმა ზაპოროჟიეს ატომურ ელექტროსადგურზე იერიში მიიტანეს. #ახალიამბები #BusinessMediaGeorgia
საქართველოში ყველაზე მეტ უძრავ ქონება უკრაინის, რუსეთის, ისრაელის და ყაზახეთის მოქალაქეები ყიდულობენ. - ამის შესახებ გასული წლის ბოლოს უძრავი ქონების ეროვნული ასოციაციის მიერ ჩატარებულ კვლევაშია საუბარი. უცხო ქვეყნის მოქალაქეები ბინებს ძირითადად საკურორტო ქალაქებსა და დაბებში ყიდულობენ. შესაბამისად რუსეთის მხრიდან დაწყებული საომარი მოქმედებები ბევრ სხვა სექტორთან ერთად მნიშვნელოვნად დააზარალებს სამშენებლო ინდუსტრიასაც, რომელიც ერთ-ერთი მთავარი კონტრიბუტორია საქართველოს ეკონომიკისთვის. სტუმარი: ნათია სირაბიძე -“მარდი ჰოლდინგის" აღმასრულებელი დირექტორი; #ახალიამბები #BusinessMediaGeorgia
რაჭაში, შაორის ტბაზე, რეზორტის ტიპის სასტუმრო კომპლექსი აშენდება. ინვესტორი სავაჭრო ცენტრების მმართველი კომპანია IG Development-ია. კომპანიის დამფუძნებელი მინდია საბანაძე კომერსანტთან საუბრისას ამბობს, რომ კამპანიამ ტბის პირველ ზოლში მდებარე 29 693 კვ. მ. მიწის ნაკვეთი ელექტრონული აუქციონის წესით ქონების ეროვნული სააგენტოსგან იყიდა, რომლის განვითარებაზეც მის შვილობილ კომპანია სითი დეველოპმენტი იზრუნებს. შპს „სითი დეველოპმენტმა“ ნაკვეთი 1 193 000 ლარად 2021 წლის 30 მარტს იყიდა. როგორც მინდა საბანაძე აცხადებს, პროექტში დაახლოებით 20 მლნ დოლარის ინვესტიცია ჩაიდება. რა აშენდება და როდის? სტუმარი: სანდრო ტოგონიძე - „სითი დეველოპმენტის“ დირექტორი; #ახალიამბები #BusinessMediaGeorgia
ჯერ კიდევ 2014 წლის 30 დეკემბერს თბილისის მუნიციპალიტეტის საკრებულომ გარე ვაჭრობის რეგულირების შესახებ დადგენილება გამოაქვეყნა, რომლის თანახმადაც დადგინდა ის ლოკაციები სადაც ვაჭრობა დაუშვებელი უნდა ყოფილიყო. დადგენილების თანახმად ეს არის ქალაქის ქუჩები, მოდნები და ტროტუარები, ასევე დასასვენებელ ადგილებში მცირე სტაციონარული არქიტექტურული ფორმებიდან და არასტაციონარული კონსტრუქციებიდან ვაჭრობა, ამ უკანასკნელიდან ასევე განისაზღვრა დასაშვები საქონლის ნომენკლატურა. დადგენილებაში წერია ისიც, რომ საზოგადოებრივი სარგებლობის ადგილებში ვაჭრობისათვის განკუთვნილი ადგილები უნდა მოეწყოს ისე, რომ ისინი აკმაყოფილებდნენ ქალაქის იერსახის მოთხოვნებს და არ შეაფერხონ ფეხით მოსიარულეთა და ავტოსატრანსპორტო საშუალებების გადაადგილება. ვაჭრობა უნდა განხორციელდეს მოქმედი სანიტარიულ-ჰიგიენური მოთხოვნების, სხვა ნორმებისა და წესების დაცვით. ამის მიუხედავად 2022 წლის 25 თებერვალს გარევაჭრობა ისევ მოუგვარებელ პრობლემად რჩება, თუმცა უნდა ითქვას, რომ სხვადასხვა ტიპის მცდელობები ამ მიზნით მერიის მხრიდან ამ 7წლის განმავლობაში არაერთხელ ყოფილა, თუმცა ფაქტია, რომ შედეგი ამ დამდგარა. ბმჯ-თან საუბრისას ცოტა ხნის წინ ბაზრის მოვაჭრეებმა ეს თემა კიდევ ერთხელ გააპროტესტეს და განაცხადეს, რომ გარემოვაჭრეებთან შედარებით არათანაბარ პირობებში იმყოფებიან, რადგან ისინი ემორჩილებიან კანონს, იხდიან გადასახადებს და ამის მიუხედავად კარგავენ მომხმარებლებს. გასულ კვირას მერიის სხდომა კახა კალაძემ ამ თემით გახსნა და განაცხადა, რომ იმ ადგილებში რაც ზემოთ ჩამოვთვალე, ეკონომიკური საქმიანობის წარმოება არ მოხდება. კალაძემ მაგალითად მოიყვანა ვარკეთილის მეტროსთან შექმნილი ვითარება და აღნიშნა რომ კატეგორიულად მიუღებელია ერთად იყიდებოდეს ტანსაცმელი, ხორცი, ყველი და დისკომფორტს ქმნიდეს სხვა ადამიანებისთვის. სტუმარი: მამუკა ჯაყელი - მერიის მუნიციპალური ინსპექციის უფროსის მოადგილე. #ახალიამბები #BusinessMediaGeorgia
რითეილ ასოციაცია წითელი ჯვრის დახმარებით უკრაინის ქალაქ ჩერნივიცში ჰუმანიტარულ დახმარებას აგზავნის. პროცესებში ასოციაციის 12- ვე წევრია ჩაბმული, რომელთა დახმარებითაც ბოლო დღეების განმავლობაში მობილიზდა პირველადი საჭიროების პროდუქტის საკმაოდ დიდი ოდენობა. სტუმრები: მირანდა მანჯგალაძე - რითეილ ასოციაციის გამგეობის თავმჯდომარე; კახა მამულაძე - საქართველოს წითელი ჯვრის გენერალური მდივნის მოადგილე; #ახალიამბები #BusinessMediaGeorgia