#საუბრებიავიაციაზე: "საქაერონავიგაცია" და ზაფხულის სანავიგაციო სეზონი სტუმრები: გიორგი მოლოდინაშვილი - “Geo Sky”-ის ვიცე-პრეზიდენტი ბიზნესის განვითარების დარგში; ზურაბ ავალიშვილი - "საქაერონავიგაციის" გენერალური დირექტორის მოადგილე #ახალიამბები #BusinessMediaGeorgia
2022 წლის იანვარ-აპრილის მონაცემებით საქართველოს საჰაერო სატვირთო გადაზიდვების ბაზარზე შესრულებული ფრენების მიხედვით ლიდერი ავიაკომპანია Geo Sky-ა. ხოლო საქართველოს აეროპორტებმა პოსტპანდემიურ მაჩვენებელთან შედარებით მგზავრთნაკადის 66,6%-ი დაიბრუნა. პარალელურად, ეკონომიკის მინისტრის მოადგილე, მარიამ ქვრივიშვილი ამბობს, რომ ქვეყანაში ყველაფერს აკეთებენ მეტი ტურისტის დაინტერესებისა თუ ახალი ავიაკომპანიების მოზიდვის კუთხით. რა კეთდება კონკრეტულად და რა სიახლეები დაგროვდა ერთი კვირის განმავლობაში საავიაციო სექტორში? #ახალიამბები #BusinessMediaGeorgia
რუსეთ-უკრაინის ომის ფონზე სურსათით მომარაგების გლობალური საფრთხე შეიქმნა. რიგი განვითარებადი ქვეყნები უკვე მიანიშნებენ ისეთი პირველადი მოხმარების პროდუქტების დეფიციტზე, როგორებიცაა ხორბალი, სიმინდი, წიწიბურა, მზესუმზირა. გაეროს სურსათის ორგანიზაციის ხელმძღვანელმა ქუ დონგუმ გასულ კვირას სასურსათო უსაფრთხოება კრიტიკულად შეაფასა და პირდაპირ მოუწოდა რუსეთის პრეზიდენტს ვლადიმირ პუტინს, რომ რუსეთმა შეწყვიტოს ოდესის პორტის ბლოკადა, ხოლო ალტერნატიულ გზად აქტიურად განიხილება უკრაინაში ჩარჩენილი ნედლეულის რკინიგზით ტრანსპორტირება რუმინეთის მიმართულებით. სურსათით მომარაგების რისკები მნიშვნელოვან კავშირშია და კიდევ უფრო ამძაფრებს გლობალურ ინფლაციას, რომელიც პანდემიის ფონზე 2021 წლის მეორე ნახევრიდან დაიწყო და განვითარებულ ეკონომიკებშიც კი უკვე ორნიშნა მაჩვენებლებს უახლოვდება. გასულ თვეში სამომხმარებლო ფასების ინდექსების წლიური ზრდის მაჩვენებლებმა 8% შეადგინა როგორც აშშ-ში, ისე ევროზონაში, დიდ ბრიტანეთში და სხვა განვითარებულ ეკონომიკებში, ხოლო იმის გამო რომ საწარმოო ფასების ინდექსების ზრდა 10-20% ფარგლებში მერყეობს, უახლოეს პერიოდში ინფლაციის ტემპების შეჩერება მოსალოდნელი არ არის. აღნიშნული ფენომენი ცნობილია მიწოდების მხრდან ინფლაციის სახელწოდებით და დამატებითი გამოწვევის წინაშე აყენებს არა მხოლოდ ეკონომიკური პოლიტიკის მესვეურებს, არამედ უპირველესად მწარმოებლებსაც და მომხმარებლებს. სტუმარი: არჩილ იაკობაშვილი - ქართულ-ამერიკული უნივერსიტეტის ბიზნესის სკოლის პროფესორი; #ახალიამბები #BusinessMediaGeorgia
გასული კვირის მიწურულს ავეჯის მოლ თბილისი პავილიონს, „ინდივანი“-ს შოურუმი შეემატა. “ინდივანი” თურქული პრემიუმ კლასის მატრასების მწარმოებელი ბრენდია. „ინდივანი“-ს ანტიალერგიული, ორთოპედიული მატრასები 10 წლიანი გარანტიით აქვს. გარდა შოურუმში წარმოდგენილი მოდელებისა, „ინდივანი“-ში შეგიძლიათ შეუკვეთოთ სასურველი ზომის მატრასი, ასევე ადგილზე შეარჩიოთ სასურველი ფერის ქსოვილები საწოლებისთვის. "ინდივანს" ბაზარზე ოპერირების 12 წლიანი გამოცდილება აქვს. შოურუმში მოსულ მომხმარებელს უმაღლესი ხარისხის მატრასებისა და საწოლების 40-მდე მოდელი დახვდებათ. #ახალიამბები #BusinessMediaGeorgia
“დამსაქმებლები პროფესიული განათლებისთვის” - ამ სახელწოდებით უესაიდი საქართველოში ხუთწლიანი პროგრამას ახორციელებს. პროგრამის ბიუჯეტი 24 მილიონი დოლარია და ის დამსაქმებლების და პროფესიული საგანმანათლებლო დაწესებულებების თანამშრომლობის სტიმულირებას. კერძო სექტორთან ერთად პროგრამა აფინანსებს და ქმნის გადამზადების პროგრამებს, რომლებიც ხელს შეუწყობს უმუშევრობის შემცირებას. პროგრამის ფარგლებში გადამზადდება 5 000 პირი, ბიზნესის 30 წარმომადგენელს შესაძლებლობა ექნება გრძევადიანი პარტნიორობა დაამყაროს ტრენინგის განმახორციელებლებთან, მოხდეს 7 მილიონი აშშ დოლარის მობილიზება კერძო სექტორიდან. აღსანიშნავია რომ გადამზადებულ პირთა 35% რეგიონებიდან და ეთნიკური უმცირესობებით დასახლებული თემებიდან იქნება, მათგან 45% კი ქალი უნდა იყოს. რა ეტაპზეა პროგრამა დაწყებიდან 1წლის თავზე? სტუმარი: მარიკა ოლსონი - USAID-ის ეკონომიკური განვითარების ოფისის დირექტორი; #ახალიამბები #BusinessMediaGeorgia
რა ღირს მედიკამენტები? #ახალიამბები #BusinessMediaGeorgia
Rese-Developments არის ერთადერთი სამშენებლო კომპანია საქართველოში, რომელსაც აქვს მრავალწლიანი ხის სახლების მშენებლობის გამოცდილება სამ სხვადასხვა ქვეყანაში, მათ შორის რუსეთში, ქვეყანაში, რომელიც არის პირველ ადგილზე კაპიტალური ხის ნაგებობების რაოდენობით მსოფლიოში, ასევე სწორედ რუსეთში, მშენებლობის სტანდარტისადმი ძალიან მაღალი მოთხოვნაა, გამომდინარე იქ არსებული მკაცრი კლიმატური პირობებიდან. კომპანიის გუნდს, აქვს მშენებლობის გამოცდილება ასევე ევროპაშიც, კერძოდ იტალიაში და შესრულებული აქვს მრავალი ასეული წარმატებული პროექტი. მსგავსი სერვისით სარგებლობა კი, მომხმარებლებს საქართველოშიც შეუძლიათ. და მაინც, რატომ Rese Development, რა ტიპის პროექტებს ახორციელებს და რა უპირატესობა აქვს ხის სახლს? #ახალიამბები #BusinessMediaGeorgia
#საქმიანიდილა - 16 მაისი - პროლოგი #ახალიამბები #BusinessMediaGeorgia
ლიბერთი ბანკმა მცირე და საშუალო ბიზნესის წარმომადგენლებთან შეხვედრების სერია "ბიზნეს დიალოგი" დაიწყო. პირველი შეხვედრა კახეთის რეგიონში გაიმართა და ლიბერთი ბანკი, პარტნიორებთან ერთად, აგრობიზნესის წარმომადგენლებს შეხვდა. #ახალიამბები #BusinessMediaGeorgia
ასოციაცია ‘’ბუნებრივი ღვინო’’-ს ორგანიზებითა და სსიპ ღვინის ეროვნული სააგენტოს მხარდაჭერით, საქართველო ბუნებრივი ღვინის ფესტივალს, ZERO COMPROMISE მასპინძლობდა. ბუნებრივი ღვინის ფესტივალში მონაწილეობას ასოციაციის წევრი 105-მდე ბუნებრივი ღვინის მარანი ბუნებრივი ღვინის მწარმოებლები საზღვარგარეთიდან იღებდნენ. #ახალიამბები #BusinessMediaGeorgia
კლიმატის ცვლილებასთან ერთად პრობლემაა ბიომრავალფეროვნების დაკარგვაც. ბევრი მეცნიერი ამას ბრძოლა გადარჩენისთვისასაც ეძახის. არ წყდება კამათი იმაზე თუ რა უნდა მოვიმოქმედოთ გლობალური დათბობის წინააღმდეგ. ერთ-ერთი საშუალება რითაც შეგვიძლია, რომ ბუნებას მოვუფრთხილდეთ, ეს ხეების დარგვაა. ხოდა არსებობს დრონები, რომლებიც გამწვანებას ძალიან მარტივად უზრუნველყოფს. დრონები ავსტრალიურმა სტარტაპმა AirSeed Technology-იმ შეიმუშავა. კომპანია და მისი ინოვაციური ტექნოლოგია რამდენიმე დღის წინ Euro Green News-ზე წარადგინეს. ახალი ტექნოლოგია მოიცავს ხელოვნურ ინტელექტსა და სპეციალურად შემუშავებულ სარგავ მასალას, რომელთა გასროლაც შესაძლებელია ციდან მიწაში. კომპანიაში ამბობენ, რომ მათი მეთოდი 25-ჯერ უფრო სწრაფია და 80 პროცენტით უფრო იაფი ჯდება, ვიდრე თესლის დარგვის ტრადიციული მეთოდოლოგიები. დრონები, რომლებიც მიწის განაყოფიერებას ციდან ახდენენ ავტონომიურად მუშაობენ. ჯერ "დაზვერვითი" გაფრენა ხდება. ამის შემდეგ გროვდება მასალა და იწყება ზუსტი გეგმების გამოთვლა, რომლებსაც დრონები მიჰყვებიან. მას შემდეგ, რაც დარგვა მოხდება, მკვლევრები დრონებს უშუალოდ პროცესზე დასკვირვებლადაც იყენებენ. დროენბი აკვირდებიან ნერგს, რამდენად კარგად ვითარდება. კომპანიაშ ამბობენ, რომ "ეს ხელს უწყობს ზრდის ტემპების ზუსტ მონიტორინგსა და მისთვის ხელშეწყობას". #ახალიამბები #BusinessMediaGeorgia
დედამიწის ორბიტაზე რუსული რაკეტის ნაწილი მოულოდნელად აფეთქდა, მაგრამ მაოხრებელი გზირის ამბავი ხომ იცით, აფეთქებული რაკეტა, რომელიც პლანეტის გარშემო 10 წელზე მეტი ხნის განმავლობაში მოძრაობდა, ახლა კი მისმა განადგურებამ იქ ნარჩენები წარმოქმნა, რომლებიც საფრთხეს უქმნის, როგორც ასტრონავტების სიცოცხლეს, ასევე, უეკიპაჟო მისიებს. #ახალიამბები #BusinessMediaGeorgia
GWS #უსაზღვროშესაძლებლობა - ბიო ტრანსფორმაცია ფილიპ ლეპსი –#GWS-ის CEO და მთავარი მეღვინე; ავტორები: ელენე კვანჭილაშვილი, გურამ ხუნდაძე, რატი კაციტაძე, ლადო ცხადაია #ახალიამბები #BusinessMediaGeorgia
საით მიდის ჯანდაცვის პოლიტიკა? სტუმარი: გიორგი გოცაძე - Curatio International Foundation-ის პრეზიდენტი; #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
ჯანდაცვის მინისტრის საათი - ელენე კვანჭილაშვილის პროლოგი #ახალიამბები #BusinessMediaGeorgia
Made in Georgia - ამ წარწერით უმაღლესი ხარისხის პროდუქტი 2 მილიონზე მეტ ევროპულ და ამერიკულ ოჯახში უკვე მოხვდა. ევროპის კონტინენტზე, შინაური ცხოველების ავეჯის ყველაზე დიდი საწარმოს დაფუძნებელს bmgdrive ში ვუმასპინძლეთ. "ჩვენ ყოველთვის ევროპულ და ამერიკულ ბაზარზე ვფიქრობდითო, გვეუბნება დავით ბარდაველიძე, რომელიც მაღალტექნოლოგიური საწარმოს მუდმივ განვითარებაზე ზრუნავს. BMGDRIVE-ის მგზავრი: დავით ბარდაველიძე - „Georgian Products“-ის დამფუძნებელი; ავტორები: ბექა ბაციკაძე; რატი კაციტაძე; საბა ხუციაშვილი; რევაზ ნასიძე; #ახალიამბები #BusinessMediaGeorgia
#partnerships4SUSTAINABILITY: სექტორთა შორის პარტნიორობის მნიშვნელობა დავის ალტერნატიული გადაწყვეტილებისას სტუმრები: სალომე ზურაბიშვილი - გლობალური შეთანხმების საქართველოს ქსელის აღმასრულებელი დირექტორი; ირაკლი ყანდაშვილი - საქართველოს მედიატორთა ასოციაციის თავმჯდომარე; სოფო ტყემალაძე - USAID-ს სამართლის უზენაესობის პროგრამის მრჩეველი დავის ალტერნატიული გადაწყვეტის მეთოდების საკითხებში; #ახალიამბები #BusinessMediaGeorgia
ფოთის საზღვაო სასწავლო საწვრთნელი ცენტრი "ტრანსფორდთან" თანამშრომლობით ახალ სასწავლო კურსებზე 16 მაისამდე განაცხადებს იღებს და ყველას ვისაც მინიმუმ 9 კლასის განათლება აქვს დოკერის ან მძღოლ ოპერატორის პოზიციაზე დასაქმებისთვის ს საჭირო მოკლე კურსებს სთავასობს. საქმე იქნება და დასაქმების შესაძლებლობაც. კომპანია „ტრანსფორდი" „Pace ჯგუფში“ შემავალი ერთ-ერთი მსხვილი კომპანიაა, რომელიც 2010 წელს, შპს „Pace International"-ის და შპს "Pace Georgia"-ს მიერ ტვირთის გადაზიდვის ოპერაციებისათვის ფოთის საზღვაო ნავსადგურში დაარსდა. შპს "ტრანსფორდი’’ ასევე ფოთის ახალ საზღვაო ნავსადგურში ოპერირებს, რომელიც მიმდინარე წლის იანვარში „პეის ჯგუფისა“ და აშშ-ს საერთაშორისო განვითარების ფინანსური კორპორაციის (DFC) ერთობლივი ძალისხმევით დასრულდა. „Pace ჯგუფში“ 1 000-ზე მეტი ადამიანია დასაქმებული და საშუალო წლიური ტვირთბრუნვა 3.5 მლნ ტონას აჭარბებს. სტუმრები: ვასილ მაზიაშვილი, - Transford, Pace Group, აღმასრულებელი დირექტორი; საბა სარიშვილი - USAID-ის პროგრამა "დამსაქმებლები პროფესიული განათლებისთვის", დირექტორის მოადგილე; #ახალიამბები #BusinessMediaGeorgia
თიბისი კაპიტალის სწრაფადბრუნვადი სამომხმარებლო პროდუქციით ვაჭრობის სექტორის განახლებული მიმოხილვით, პანდემიურ პერიოდში, 2020 წელს, სექტორი რეკორდული 26%-ით გაიზარდა, 2021 წელს კი 22%-იანი წლიური ზრდა დაფიქსირდა. სწრაფადბრუნვადი პროდუქციის ბაზრის უდიდესი ნაწილი ისევ არაორგანიზებულია, თუმცა 2021 წლის მონაცემებით, ორგანიზებული ბაზრის წილმა საქართველოში რეკორდულ 31%-ს მიაღწია. გასულ წელს ორგანიზებული ბაზრის შემოსავლები 31%-ით, 3.7 მილიარდ ლარამდე გაიზარდა. შემოსავლების 85% შვიდ მსხვილ რითელ კომპანიაზე ნაწილდება. 2021 წელს დაფიქსირებული ზრდის მამოძრავებელ ძირითად ფაქტორად ანალიტიკოსები ახალი ფილიალების გახსნას ასახელებენ. სტუმარი: დავით ფარესაშვილი - “უნივერსამის” კომერციული დირექტორი; #ახალიამბები #BusinessMediaGeorgia
Mymarket-სა და Vendoo-ს მომხარებლებისთვის სასიამოვნო სიახლეა. Visa-სთან თანამშრომლობის ფარგლებში, საქმიანი დილას მაყურებელი, რომელიც ვებგვერდზე შოპინგისას Apple Pay-ს გამოიყენებს და Visa ბარათით გადაიხდის, 20%-იანი ფასდაკლებით და ნებისმიერ შენაძენზე უფასო მიწოდებით ისარგებლებს. რა შეიძლება ამ აქციის ფარგლებში შეიძინოთ? სტუმარი: ნიკა ჩილინდრიშვილი - Mymarket/Vendoo-ს პროდუქტების ხელმძღვანელი #ახალიამბები #BusinessMediaGeorgia
ევროკავშირის 238-გვერდიან კითხვარში, რომელიც საქართველომ 10 მაისს შეავსო, ერთ-ერთი თავი შრომით პოლიტიკას შეეხებოდა. მათ შორის იყო კითხვები სამუშაო საათების ხანგრძლივობაზე, ანაზღაურებადი და დეკრეტული შვებულებების პოლიტიკაზე, დასაქმებაში დისკრიმინაციის პრობლემების აღმოფხვრის პოლიტიკაზე. ერთ-ერთი კითხვა ეხებოდა მინიმალური ხელფასის არსებობასაც, რომელიც საქართველოში 1999 წელს დაწესდა და 20 ლარით განისაზღვრა. უნდა დაკორექტირდეს თუ არა მინიმალური ხელფასის მოცულობა და რას შეცვლის დასაქმების ბაზარზე მისი ამუშავება? #ახალიამბები #BusinessMediaGeorgia
გლობალურად, 2021 წლის აგვისტოს შემდეგ, ინფლაციის მაჩვენებლები მკვეთრად იზრდება. ანალიტიკოსების თქმით, ინფლაცია არა დროებითი, არამედ “გარდამავალია”, რაც რთულ ეკონომიკურ გარემოს ქმნის. რა პროგნოზები კეთდება ინფლაციის დასრულების ვადებთან დაკავშირებით? #ახალიამბები #BusinessMediaGeorgia
#საქმიანიდილა - 13 მაისი - პროლოგი #ახალიამბები #BusinessMediaGeorgia
სამედიცინო სფეროში ექთნის როლის დაფასების მიზნით, „ევექსი ჰოსპიტლებმა“ ქსელში დასაქმებულ ექთნებს მათი პროფესიული დღე საზეიმო ვითარებაში მიულოცა. პანდემიის პირობებში ხანგრძლივი პაუზის შემდეგ, 12 მაისს ფილარმონიის დიდ საკონცერტო დარბაზში ექთნების საერთაშორისო დღე წელსაც მასშტაბურად აღინიშნა. „ევექსი ჰოსპიტლების“ ექთნებს სცენაზე უმასპინძლეს ნიკოლოზ რაჭველმა და საქართველოს ეროვნულმა სიმფონიურმა ორკესტრმა ცნობილ მუსიკოსებსა და მომღერლებთან ერთად. სპეციალურად ამ დღისთვის საქართველოში ჩამოვიდნენ საზღვარგარეთ მოღვაწე ქართველი ვარსკვლავები, შეირჩა განსაკუთრებული რეპერტუარი და შედგა მუსიკალური პრემიერები. #ახალიამბები #BusinessMediaGeorgia
მიმდინარე წლის მარტში საქართველოში რეგისტრირებული კომპანიების რაოდენობა გასული წლის ანალოგიურ პერიოდთან შედარებით 72%-ით გაიზარდა და ჯამურად 9 114 შეადგინა. როგორც ბმჯის საქსტატიდან მიაწოდეს ინფორმაცია ამ რაოდენობის ფირმები ქვეყანაში პანდემიამდეც არ რეგისტრირდებოდა. მაგალითად, 2019 წლის მარტში ამის ნახევარი - 4,620 ახალი სუბიექტი დარეგისტრირდა. რა წილი მოდის მათგან რუსეთის და ბელარუსიის მოქალაქეთა მიერ რეგისტრირებულ ახალ კომპანიებზე ამ თემაზე მონაცემები ბმჯ-იმ იუსტიციის სამინისტროდან გამოითხოვა თუმცა თითქმის 1 თვეა მათგან პასუხი არ მიგვიღია, რითაც ცხადია უწყებამ საჯარო ინფორმაციის მიწოდების ვადები დაარღვია. საქსტატის ანგარიშიდან კი ირკვევა, რომ 2022 წლის მარტში საქართველოში რუსეთის მოქალაქეთა მონაწილეობით 147 კომპანია დარეგისტრირდა, მთლიანად პირველ კვარტალში კი 191 რუსული ბიზნესი. შედარებისთვის პანდემიურ 2020 და 2021 წლებში პირველ კვარტალში ორჯერ ნაკლები რუსული კომპანია დარეგისტრირდა, ხოლო 2019 წლის l კვარტალში ეს მონაცემი 222 იყო, რაც წლევანდელთან შედარებით 16%-ით მეტია. პირველ კვარტალში საქართველოში ბელარუსის მოქალაქეებმა 77 კომპანია დააფუძნეს, შედარებისთვის 2021 წელს ეს 2 იყო, 2020-ში კი 5 კომპანია. უკრაინის მოქალაქეებმა პირველ კვარტალში 40 ფირმა დააფუძნეს, წლიურად ეს რაოდენობა 4 კომპანიით არის გაზრდილი. რა ასახვა ჰპოვა ამან საოფისე ფართების გაქირავებაზე და როგორ შეიცვალა ფასები? სტუმარი: ნატა მოდებაძე - უძრავი ქონების ასოციაციის განათლების კომოტეტის თავმჯდომარე /მეჩეველთა საბჭოს წევრი. #ახალიამბები #BusinessMediaGeorgia
ბათუმში რესტორნების მომსახურება 30%-მდე გაძვირდა - როგორ ხვდება კურორტი სეზონს? სტუმარი: ირაკლი თავართქილაძე - რესტორან „ვერანდა აკროპოლეს“ დამფუძნებელი / ტურისტული კომპანია „აჭარა ტურის“ ხელმძღვანელი; #ახალიამბები #BusinessMediaGeorgia
მინიმალური ხელფასების შესახებ კანონმდებლობა სხვადასხვა სახით მსოფლიოს 100-ზე მეტ ქვეყანაში მოქმედებს. შრომის საერთაშორისო ორგანიზაციის მონაცემებით, სრულ განაკვეთზე დასაქმებულთათვის ყველაზე მაღალი მინიმალური ხელფასი შვეიცარიაშია და ის თვეში 3,800 დოლარის ექვივალენტს შეადგენს. საქართველო ამ ჩამონათვალის ბოლოშია, რადგან ოფიციალური მინიმალური ხელფასი 1999 წელს მაშინდელი პრეზიდენტის ბრძანებით განისაზღვრა და ის 20 ლარს შეადგენს. სწორედ 20 ლარის მინიმალური ხელფასი აქვს შრომის უსაფრთხოების ორგანზიაციას საქართველოსთვის მის სტატისტიკაში შეყვანილი, რაც აშშ დოლარებში $7-ს შეადგენს. ამაზე დაბალი მინიმალური ხელფასი მათი მონაცემების თანახმად, მხოლოდ 4 ქვეყანაშია, ესენია სიერა ლეონე ($6); რუანდა ($3); ბურუნდი ($2); უგანდა ($2). საქართველოში 2021 წლის მდგომარეობით, საშუალო ხელფასი 1,328 ლარს შეადგენს, რაც ეროვნულ “მინიმალურ ხელფასთან”, ანუ 20 ლართან შედარებით 66.4-ჯერ მაღალია, რაც იმას ნიშნავს, რომ იმისდა მიუხედავად არსებობს თუ არა ზოგადად მინიმალური ხელფასის შესახებ რაიმე ჩანაწერი, თავად შრომის ბაზარზე არსებული მოთხოვნა-მიწოდებიდან გამომდინარე საშუალო შემოსავალი დაწესებულს მნიშვნელოვნად აღემატება. საქართველოს პროფკავშირების თავმჯდომარე ირაკლი პეტრიაშვილი აცხადებს, რომ თუ ქვეყანაში მინიმალური ხელფასის საკითხი არ მოგვარდება ისე ევროკავშირის წევრობა წარმოუდგენელია, რადგან ისინი ამას მოთხოვენ. თუმცა ეს ევროდირექტივა ნამდვილად არ არის, რადგან არსებობს ევროკავშირის წევრი სახელმწიფოები რომლებსაც მინიმალური ხელფასი განსაზღვრული არ აქვთ. ასეთია დანია, იტალია, კვიპროსი, ფინეთი და შვედეთი. რაც შეეხება ევროკავშირის წევრობაზე კითხვას რომელსაც ამ ეტაპზე ვავსებთ, მეორე ნაწილში კითხვა მინიმალურ ხელფასთან დაკავშირებით ნამდვილად არსებობს. რამდენად არის ეს გადამწყვეტი წევრობაზე და რას შეცვლის საქართველოს დასაქმების ბაზარზე მინიმალური ხელფასის დაწესება? სტუმარი: ირაკლი პეტრიაშვილი - პროფკავშირების გაერთიანების თავმჯდომარე; შოტა ტყეშელაშვილი - bmg ანალიტიკოსი; #ახალიამბები #BusinessMediaGeorgia
შემოსავლების სამსახურის ახალი ინიციატივა სტუმარი: ლევან ვეფხვაძე - საქართველოს ბიზნეს ასოციაცია, აღმასრულებელი დირექტორი; #ახალიამბები #BusinessMediaGeorgia
ელექტროენერგიის რაციონალური გამოყენება მრეწველობაში და მისი დაზოგვა საყოფაცხოვრებო სფეროში - ეს მხოლოდ მცირე ჩამონათვალია იმ პროცესების, რომლებიც ახალ საინჟინრო გადაწყვეტილებებსა და ინოვაციური ტექნოლოგიების განვითარებას მოითხოვს. ენერგეტიკის ინჟინერიის ამოცანაა გააკონტროლოს ენერგიის უსაფრთხო და რაციონალური განაწილება. ხოლო ელექტროენერგიაზე მზარდი მოთხოვნიდან გამომდინარე, შენდება ახალი სადგურები ჩნდება ახალი სამუშაო ადგილები და გვჭირდება მეტი ახალგაზრდა პროფესიონალი კადრი, რომელიც კონკრეტულად ენერგეტიკის სფეროში დასაქმდება. რატომ არის ეს პროფესია პერსპექტიული და სად შეიძლება დასაქმება? არსენ დევრისაშვილი - „მტკვარი ენერჯი“ ოპერატორი; გრიგოლ ხიდაშელი - „მტკვაროი ენერჯი“ ენერგეტიკოსი. #ახალიამბები #BusinessMediaGeorgia
თიბისი კაპიტალი განახლებულ ანგარიშში წერს, რომ საბაზო სცენარის შემუშავების მხრივ კვლავ მაღალი გაურკვევლობის გათვალისწინებით, საქართველოში ეკონომიკური აქტივობის მაჩვენებლები ზრდის თიბისი კაპიტალის წინა, 5.5%-იან პროგნოზთან შედარებით უფრო მაღალ ტემპზე მიუთითებს. ინფლაცია კვლავ გამოწვევად რჩება და წლის ბოლოს მოლოდინი დაახლოებით 9.5%-ს შეადგენს. ამასთან, მომდევნო კვარტლებში ყოველთვიური ინფლაციის სამიზნესთან ახლოს ნორმალიზებაა მოსალოდნელი. ამავე დროს თიბისი კაპიტალშ ვარაუდობენ რომ არ არის გამორიცხული მონეტარული პოლიტიკის შემდგომი გამკაცრება, თუმცა საბაზო სცენარით მისი იმავე დონეზე შენარჩუნების ალბათობა შედარებით უფრო მაღალია. რა პროგნოზები აქვს თიბისის განახლებულ ანგარიშში ლართან დაკავშირებით და რის საფუძველზე ზრდის კაპიტალი ეკონომიკის ზრდის პროგნოზს? სტუმარი: ოთარ ნადარაია - "თიბისი"-ს მთავარი ეკონომისტი; #ახალიამბები #BusinessMediaGeorgia
მულტიმედია არტისტი უტა ბექაია - მულტიმედია არტისტი რას ნიშნავს, პირდაპირ თუ ვთარგმნით და განვმარტავთ მრავალი მიმართულების არტისტს ნიშნავს, არტისტს რომელიც ინფორმაციის აკუსტიკური, ვიზუალური, ტექსტური და გრაფიკული გადაცემის, შენახვისა და წარმოების სხვადასხვა საშუალების ტექნოლოგიას, აგრეთვე, ასეთი ტექნოლოგიის მარეალიზებელი პროგრამებისა და საინფორმაციო სისტემების ერთობლიობას. მულტიმედიას შეიძლება ჰქონდეს მარტივი სახე,მაგალითად,ერთი სურათის წარმოდგენა და კომპლექსური სახე, როდესაც კომპიუტერული პროგრამა ერთდროულად იტევს ხმას,გამოსახულებასა და ტექსტს.ინფორმაციული საშუალებების ასეთი კომბინაცია დღეს ყველა პერსონალური კომპიუტერისთვისაა შესაძლებელი,რაც გზას უხსნის განათლებისა და გართობის ახალ სამყაროს. უტა ბექაია - არტისტი, მხატვარი; ავტორები: მანანა მანჯგალაძე; ედგარ ყაზახაშვილი; ლადო ცხადაია; #ახალიამბები #BusinessMediaGeorgia
კომპანია არემჯის სპილენძის გამამდიდრებელი ფაბრიკის მასშტაბური გადაიარაღების პროექტი გადამწყვეტ ფაზაშია. გადაიარაღების პროექტი, რომლის საბოლოო მიზანიც საწარმოო პროცესების ავტომატიზირებული მართვაა, 2018 წლიდან დაიწყო. აღსანიშნავია, რომ პროექტს არემჯი სამთომომპოვებელი აღჭურვილობა-დანადგარების და ტექნოლოგიების მწარმოებელი კომპანია მეცო ოტოტეკის ჩართულობით ახორციელებს და სწორედ ამ კომპანიის სხვადასხვა მიმართულებების სპეციალისტები, არემჯის თანამშრომლებისათვის არაერთ ტრენინგს ატარებენ. ინფორმაციისთვის, სპილენძის გამამდიდრებელი ფაბრიკის მოდერნიზაციის დასრულების შემდგომ, არემჯი წარმოებასა დაა წარმოებული სპილენძის კონცენტრატის ხარისხსს გაზრდის. #ახალიამბები #BusinessMediaGeorgia
იანვარ-მარტში ბიუჯეტის შემოსულობები 4 მილიარდ 826 მილიონ 100 ათასი ლარია. 3თვეში გადასახადებიდან მიღებული შემოსავლების გეგმა გადაჭარბებით შესრულდა. თითქმის 11 მილიონი ლარით მეტი შემოვიდა და 3 მილიარდ 688 მილიონ 100 ათასი ლარი შეადგინა.უფრო დეტალურად მოგების გადასახადი 124.1 %-ით (134 მილიონი ლარით მეტი) შესრულდა. დღგ-ს ნაწილშიც-გადაჭარბებაა 112.7% (146 მილიონ 800 ათასი ლარით მეტი). 2022 წლის პირველ სამ თვეში ბიუჯეტიდან დაიხარჯა 4 მილიარდ 266 მილიონ 400 ათასი ლარი ამ ანგარიშით ბიუროს სხდომაზე საფინანსო საბიუჯეტო კომიტეტის თავმჯდომარემ მომავალი კვირიდან 2022 წლის სახელმწიფო ბიუჯეტის სამი თვის შესრულების ანგარიშის განხილვის დაწყება დაანონსა რომელტან დაკავშირებიტაც შემაჯამებელი სსდომა 1 ივნისს გაიმართება. რას ამბობენ წინასწარი მონაცემები და რა ცვლილებები შეიძლება მიმდინარე წლის მთავარ ფინანსურ დოკუმენტს დასჭირდეს, რასთან დაკავშირებითაც ფინანსთა სამინისტრო ჯერ დამატებით მონაცემებს ელოდება. სტუმარი: ირაკლი კოვზანაძე - პარლამენტის საფინანსო-საბიუჯეტო კომიტეტის თავმჯდომარე; #ახალიამბები #BusinessMediaGeorgia
ზოდის გრანდიოზულ გათამაშებამდე 2 კვირა დარჩა. ვინ გახდება ზოდის იღბლიანი მომხმარებლი საქართველოს დამოუკიდებლობის დღეს გაირკვევა და გამარჯვებულს ბინა მ2-ის მირცხულავას კომპლექსში გადაეცემა. 2 ოთახიანი ბინის მოგების შანსი აქვს ყველას, ვინც საქართველოს მასშტაბით, ზოდის შოურუმებში, 500 ლარიან შენაძენს გააკეთებს. გრანდიოზული გათამაშება 26 მაისამდე გრძელდება. #ახალიამბები #BusinessMediaGeorgia
საქართველოს ბანკმა ტექნოლოგიების დღე გამართა და სიახლეები და ინოვაციები წარადგინა. 12 გამომსვლელი, სამომავლო გეგმები, პროდუქტები, და ტექნოლოგია რომელსაც საქართველოს ბანკი მომხმარებლისთვის უკეთესი გამოცდილების შექმნის მიზნით ავითარებს. რა სიახლეები წარადგინეს და რა იქმნება მომხმარებლებისათვის? #ახალიამბები #BusinessMediaGeorgia
წელს პირველად საქართველოში Forbes Georgia-ის ახალგაზრდული სამიტი ჩატარდა, რომელიც ამერიკული Forbes-ის ანალოგია. ღონისძებისთვის სპეციალური მოწვევით ვებსტერის უნივერსიტეტის პროფესორი თომას კლეინერი ჩამოვიდა, რომელიც სამიტზე სიტყვით გამოვა და ისაუბრებს - "როგორ უნდა გავხდეთ მომავლის ლიდერი". აღსანიშნავია, რომ წელს საქართველოს Forbes Under 30-ის პროექტით დაინტერესდა Forbes-ის ამერიკული გამოცემა, რომელიც ევროპის Under 30-ის სიაზე მუშაობს. აქედან გამომდინარე ქართულ პროექტში გამარჯვებულებს გლობალურ კონკურსში მონაწილეობის მიღების საშუალება აქვთ. ევროპის სამიტი კი წელს ისრაელში, ქალაქ თელ-ავივში, მაისის ბოლოს გაიმართება და ამ ოთხდღიან თავგადასავალს, Forbes საქართველოს Under 30-ის გამარჯვებულებიც შეუერთდებიან. გუშინდელ ღონისძიებაზე ასევე პროექტ 30 Under 30-ის გამარჯვებული ქართველი ახალგაზრდებიც გამოვლინდენ. #ახალიამბები #BusinessMediaGeorgia
უკრაინელები საქართველოში კურიერებად საქმდებიან. ამ ეტაპზე გლოვოსა და ვოლტში მთლიანობაში რამდენიმე ათეული უკრაინის მოქალაქე მუშაობს. რა პროცედურები არსებობს მათ დასასაქმებლად და როგორ მოირგეს უკრაინელმა კურიერებმა ქართული ბაზარი? #ახალიამბები #BusinessMediaGeorgia
#საქმიანიდილა - გიორგი ისაკაძის 12 მაისის პროლოგი #ახალიამბები #BusinessMediaGeorgia
თბილისის საკრებულომ ავარიული მრავალბინიანი შენობების ჩანაცვლების წესი დაამტკიცა. პროექტისთვის წლევანდელი ბიუჯეტით 20 მილიონი ლარი არის გათვალისწინებული, ხოლო ახალი წესებით განსაზღვრულია კრიტერიუმები, რომლითაც ავარიული ნაგებობების ჩანაცვლება უნდა მოხდეს. ავარიული შენობის ჩანაცვლება მოხდება იმ შემთხვევაში, თუ ავარიულობის ხარისხი მიეკუთვნება V, IV ან III კატეგორიას. ამის დამადასტურებელ დოკუმენტს სამხარაულის ექსპერტიზის ეროვნული ბიურო ან სხვა აკრედიტირებული ექსპერტიზის ორგანო გასცემს. მაცნეზე გამოქვეყნებული დოკუმენტის თანახმად, პროექტის განმახორციელებელი “თბილისის განვითარების ფონდი” იქნება. უცნობია გაიზრდება თუ არა ამ ორგანიზაციის ბიუჯეტი. სტუმარი: სერგო ბირკაძე - თბილისის მერიის იურიდიული სამსახურის უფროსი; #ახალიამბები #BusinessMediaGeorgia
გადამზიდავი კომპანიები პროდუქციის განბაჟების ზღვარის გაზრდის ინიციატივით გამოდიან. განბაჟების ზღვარის ცვლილების აუცილებლობას ეროვნული ვალუტის გაუფასურების ფაქტორით ხსნიან და ამბობენ, რომ მომხმარებელს დამატებითი ღირებულების გადასახადის გადახდა 100 დოლარამდე ღირებულების ნივთების გამოწერის დროსაც უწევს. ერთ-ერთი გადამზიდავი კომპანია, USA2GEORGIA მომხმარებელს აღნიშნულ საკითხთან დაკავშირებით პოზიციის დაფიქსირებისკენ მოუწოდებს. განცხადებაში ნათქვამია, კომპანია აპირებს მიმართოს სამთავრობო და საპარლამენტო სამსახურებს - 300-ლარიანი განბაჟების ზღვარის 700 ლარამდე გაზრდის მოთხოვნით, რისთვისაც მომხმარებელთა მნიშვნელოვანი ნაწილის ნების გამოხატვაა საჭირო. როგორც ცნობილია, სხვადასხვა ქვეყნის ონლაინმაღაზიებში შეძენილი ხარისხიანი ნივთის ღირებულება თუკი - 90 აშშ დოლარს აღემატება, სავალდებულოა, მომხმარებლის მიერ საქართველოს შემოსავლების სამსახურში დეკლარირება, დამატებული ღირებულების გადასახადის გადახდის მიზნით, რაც შეადგენს 18%-ს და მომხმარებელს მნიშვნელოვნად უზრდის ონლაინ-შეძენისას გაწეულ ხარჯს. უცხოური ვალუტის გაცვლითი კურსის მატებამ ლართან მიმართებაში კი მნიშვნელოვანი გავლენა მოახდინა 300-ლარიან ზღვარზე და მძიმე ტვირთად აწვება მომხმარებელს. ასევე მნიშვნელოვანია, რომ 14 მაისიდან უცხოეთიდან გამოწერილ ამანათებს მომსახურების ახალი საკომისიო ემატება. ამის შესახებ ინფორმაციას თავად შემოსავლების სამსახური ავრცელებს. უწყების განმარტებით, ცვლილება თვითმომსახურების ელექტრონული სერვისების წახალისებისთვის არის მიღებული, რადგანაც მომხმარებელს eCustoms-ის მეშვეობით ამანათის წინასწარი გატარების შემთხვევაში უფრო ნაკლები თანხის გადახდა მოუწევთ, ვიდრე ამ ოპერაციის ფიზიკურად გეზ-ში შესრულება ეღირება. სტუმრები: დათო ბეროშვილი - Getit.ge-ის დამფუძნებელი; გიორგი კაპანაძე - inex group-ის დირექტორი; #ახალიამბები #BusinessMediaGeorgia
საქართველო რეგიონის მასშტაბით იმ გამორჩეულ ქვეყნებს შორის მოხვდა, სადაც პირველად იმართება ბარისტების საერთაშორისო სერთიფიცირება. 16 ქართველ ბარისტას შესაძლებლობა აქვს, ტრეინინგის შემდეგ ყავის საერთაშორისო ასოციაციის SCA-ს ოფიციალური სერთიფიკატი მიიღოს, რომელიც ვალიდური იქნება მსოფლიოს ნებისმიერ ქვეყანაში. ყავის აკადემიას ივენთის ორგანიზებაში იტალიელი პარტნიორები დაეხნარნენ, რის შედეგადაც შესაძლებელი გახდება ყავის ასოციაციის ლიცენზირებული ტრენერის დარიო ჩერლანტინის ჩამოყვანა საქართველოში… სწორედ ის ახდენს ქართველოს ბარისტების ტრენინგს და შემდგომ სერთიფიცირებას. ყავის აკადემია გეგმავს მსგავსი კვალიფიკაციის ასამაღლებელ ღონისძიებებს რეგულარული ხასიათი მისცეს, რადგან ეს ყველაფერი ავითარებს სტუმარ- მასპინძლობის სექტორს. სტუმარი: მიხეილ ფარულავა - “კოფისტას” დამფუძნებელი; #ახალიამბები #BusinessMediaGeorgia
#ალდაგი: როგორ უნდა იყოს დაცული სავაჭრო ობიექტები რისკებისგან? - ბიზნესის დაზღვევა თამარ ძნელაძესთან ერთად - რუბრიკა IV სტუმარი: თამარ ძნელაძე - "ალდაგის" მცირე და საშუალო ბიზნესის დაზღვევის განყოფილების უფროსი; #ახალიამბები #BusinessMediaGeorgia
საერთაშორისო ახალგაზრდული პროგრამის, Social Impact Award-ის საკონკურსო ნაწილს იწყებს. 27 მაისამდე დაინტერესებულმა ახალგაზრდება სოციალური ბიზნესიდეები, პროექტის სახით, ონლაინ პლატფორმაზე უნდა წარადგინონ და რჩეულების 6 ეული, რომელსაც ჟიური შეარჩევს ორთვიან ინკუბაციას გაივლიან და ინდივიდუალური მენტორების დახმარებით ბიზნესმოდელს დახვეწენ საბოლოო შეფასების შემდეგ კი პროგრამის მონაწილეებიდან გამარჯვებულს კი Social Impact Award-ის საერთაშორისო სამიტზე მონაწილეობა შეეძლება. სტუმრები: მარიამ დანელია - Social Impact Award-ის პროექტის მენეჯერი; არჩილ ღოღობერიძე - “ბუტკო”-ს თანადამფუძნებელი; #ახალიამბები #BusinessMediaGeorgia
“ევროპულმა სკოლამ” საერთაშორისო ბაკალავრიატის IB პროგრამების კარიერული პროგრამის( CP ) განხორციელებაზე ვტორიზაცია მიიღო, რითიც პირველი და ჯერჯერობით ერთად ერთი სკოლაა რეგიონში, რომელიც მოსწავლეებს საერთაშორისო ბაკალავრიატის ოთხივე პროგრამას სთავაზობს. სტუმარი: ბრაის ბომო - "ევროპული სკოლა", საერთაშორისო ბაკალავრიატის (IB) პროგრამების ხელმძღვანელი; ქეთევან ნაჭყებია -"ევროპული სკოლა", საზოგადოებასთან ურთიერთობის მენეჯერი; #ახალიამბები #BusinessMediaGeorgia
დღევანდელი იუბილარი სტუმარი კომპანიის სახელიც, გემოც, ფერიც, ფორმაც და საერთოდ მისი შექმნაც მისმა წარმომავლობამ გადაწყვიტა. რაჭული ჯიშებით შექმნილი გემო სოფელ სადმელში, ხვანჭკარის მიკროზონაში ბერების საცხოვრებელთან შექმნილი ნაბერაული სრულიად ლოგიკურად იღებს ამ სახელს 2020 წელს, როცა პირველი მოსავალით 25 ათასი ბოთლი ღვინო ჩამოასხეს. ნაბერაული ერთ-ერთ პიონერ კომპანიად ითვლება, რომელმაც კომერციულად შეძლო რაჭული მწვანის, როგორც ტრადიციული მეთოდით, ასევე კლასიკური, ე.წ. „ევროპული“ სტილით დაყენება და ბრენდი ბოლო წელია აქტიურად მუშაობს რომ რეგიონის ავთენტური ტრადიციები ადგეს და განვითარდეს. როგორც ამბობენ იქაურ მიწასაც და ჰაერსაც ღვინისთვის სულ სხვა გემოს მიცემა შეუძლია. ასეთი გამორჩეული გემო ნაბერაულს ღვინის მომხმარებლებისათვის უკვე 7 სხვა და სხვა ტიპის და სამი განსხვავებული მეთოდით აქვს შემოთავაზებული. სტუმრები: გოგი ენუქიძე - "ნაბერაული"-ს ბიზნესმიმართულების ლიდი; სოფო კობაიძე - "ნაბერაული"-ს საექსპორტო გაყიდვების ხელმძღვანელი; ნანიკო რატიანიძე - "ნაბერაული"-ს ადგილობრივი ბაზრის გაყიდვების ხელმძღვანელი; #ახალიამბები #BusinessMediaGeorgia
აშშ-ში ბავშვთა ხელოვნური კვების დეფიციტია. ბოლო კვირების განმავლობაში ისეთ დიდ ქსელებში, როგორებიცაა CVS-ი და Walgreens-ი, მოქმედებს შეზღუდვა, რომლის მიხედვით მომხმარებელს ერთ ჯერზე მხოლოდ კონკრეტული რაოდენობის ქილის შეძენა შეუძლია, ეს რაოდენობა კი სხვადასხვაგვარად განისაზღვრება და დამოკიდებულია ბავშვის ასაკზე, წონასა და ჯანმრთელობის ზოგად მდგომარეობაზე. რამ გამოიწვია ფორმულას დეფიციტი და რა მდგომარეობაა საქართველოში? #ახალიამბები #BusinessMediaGeorgia
თიბისი კაპიტალმა ღვინის სექტორის შესახებ განახლებული კვლევა მოამზადა. რომლის თანახმადაც საქართველოს ღვინის ექსპორტის რუსეთზე დამოკიდებულება, 2005 წელთან შედარებით, 90%-დან 56%-მდეა შემცირებული. თუმცა, დივერსიფიკაციის მიუხედავად მისი წილის 2021 წელს 56% იყო. რაც შეეხება აღმოსავლეთ ევროპას, საერთო ექსპორტში მისი წილი 10%-ია. #ახალიამბები #BusinessMediaGeorgia
#საქმიანიდილა - 11 მაისი - პროლოგი #ახალიამბები #BusinessMediaGeorgia
ადამიანური კაპიტალის ახალი გამოკითხვის თანახმად, თანამშრომლებისა და კომპანიის პროდუქტიულობა დისტანციური მუშაობის გზით იზრდება და კომპანიების მხოლოდ 4%-ი ითხოვს თანამშრომლების ოფისში, სრული განაკვეთით დაბრუნებას. ასეთ კომპანიებს თანამშრომლები ეტაპობრივად ტოვებენ, შესაბამისად ალტერნატიულ სექტორებსა თუ კომპანიებში მიდიან, სადაც მათზე მორგებული სამუშაო პირობებია შეთავაზებული. რაც შეეხება კონკრეტულად კომპანიებს, მაგალითად, Airbnb, თავის თანამშრომლებს ნებას რთავს, ნებისმიერი ადგილიდან იმუშაონ იმდენი ხნით, რამდენსაც მოისურვებე. ხოლო გუგლის თანამშრომლები, რომლებიც სახლიდან მუშაობენ, უფრო ნაკლები ანაზღაურებას იღებენ. როგორია ახალი კვლევის შედეგები და უბრუნდებიან თუ არა თანამშრომლები ოფისებს? #ახალიამბები #BusinessMediaGeorgia