თიბისის ბიზნესდაჯილდოების ფინალისტების გაცნობას გამორჩეული სამომხმარებლო გამოცდილების შექმნისთვის ნომინანტებით ვაგრძელებთ. ამ ნომინაციაში არიან: Veli.store ონლაინ საყიდლების პლატფორმაა, რომელიც 2022 წლის იანვარში გამოჩნდა ბაზარზე და მასში პროდუქტების დიდი ასორტიმენტის შეძენა ერთ სივრცეშია შესაძლებელი. ამ ეტაპზე, Veli.store-ზე საყიდლების შეგროვება 14 კატეგორიიდანაა შესაძლებელი ასევე ფინალისტია სასტუმრო ეპიზოდი, რომელიც არის პირველი სრულად ტექნოლოგიური სასტუმრო საქართველოში, რეგიონში. ტექნოლოგიურობა გამოიხატება სხვადასხვა ინსტრუმენტებში, რომელსაც ეპიზოდი სთავაზობს როგორც მომხმარებლებს, ისე გუნდის წევრებს: ეპიზოდში მოსულ სტუმარს არ დახვდება ტრადიციული ე.წ reception desk, მას დახვდება სრულად ეპიზოდის გუნდის მიერ შექმნილი ე.წ kiosk , რომელიც მომხმარებელს აძლევს საშუალებას 2 წუთში სრულად დამოუკიდებლად განახორციელოს რამდენიმე აქტივობა : check in, check out, ჯავშნის გაკეთება, გადახდა, და ბარათის აქტივაცია. და მესამე ნომინანტია პაცცა პიცერიების ქსელი რომელიც ცოლ-ქმრის შექმნილი ბიზნესია და რომლებიც არიან გასტრონომიული მკვლევრები, რესტორატორები, ტელეწამყვანები და 3 კულინარიული წიგნის ავტორები. სტუმრები: მარიშა გოგოლაური - სასტუმრო "ეპიზოდის" მარკეტინგის და დიჯიტალ პროდუქტების განვითარების დირექტორი; არჩილ ფირიაშვილი - VELI.store-ის აღმასრულებელი დირექტორი; #ახალიამბები #BusinessMediaGeorgia
როგორ ჩატარდა “Globalize UK Conference 2022”? #ახალიამბები #BusinessMediaGeorgia
PSP -სგან მადლიერების კვირეული ნოემბერში უკვე ტრადიციად იქცა. 2019წელს დაწყებული ტენდენცია, როცა, მომხმარებელს ბრენდმა 50% იანი ფასდაკლებით შესთავაზა, 2020 ში მადლიერების კვირეულით გაგრძელდა და ასეც დარჩა. მომხმარებლისადმი მადლიერების გამოხატვის მიზნით ტარდება და ყველაზე ცნობილ ასეულობით ბრენდის სრულ ასორტიმენტზე რეალურ 50%-იან ფასდაკლებას სთავაზობს. სტუმარი: ნათია ხაბეიშვილი - PSP-ს საზოგადოებასთან ურთიერთობის მენეჯერი; #ახალიამბები #BusinessMediaGeorgia
ნავთობის ფასი: აწმყო & მომავალი გიორგი არონია - Forbes Georgia/BMG-ის ანალიტიკოსი; გიორგი თოლორდავა - BMG-ის ანალიტიკოსი; სტუმარი: ნიკა მაზანაშვილი - Galt &Taggart;-ის საბროკერო დეპარტამენტის უფროსი ანალიტიკოსი; #ახალიამბები #BusinessMediaGeorgia
#საქმიანიდილა - 25 ნოემბერი - პროლოგი #ახალიამბები #BusinessMediaGeorgia
როგორ გამოვიყენოთ თავისუფალი ვაჭრობის შეთანხმება? #ახალიამბები #BusinessMediaGeorgia
საყოფაცხოვრებო ტექნიკის მაღაზია “ბეკოში” შავი პარასკევის ფარგლებში 22-27 ნოემბრის ჩათვლით, 30%-მდე ფასდაკლება ტექნიკის სრულ ასორტიმენტზე როგორც მსხვილ, ასევე წვრილ საყოფაცხოვრებო ტექნიკაზე ვრცელდება. ასევე, მხოლოდ 1 დღით 25 ნოემბერს ვინც technoshop.ge-ს საიტს ესტუმრება, იმ მომხმარებლებს ონლაინ ექსკლუზიური პროდუქცია დახვდებათ, რომლის შეღავათიან ფასად შეძენასაც მხოლოდ ონლაინ შეძლებენ. რა სიახლეებს სთავაზობს შავი პარასკევის ფარგლებში ბეკო მომხმარებლებს? #ახალიამბები #BusinessMediaGeorgia
აგლაძის ქუჩაზე სულ რამდენიმე თვის წინ საკონდიტრო საწარმო მარლი გაიხსნა. კომპანია მომხმარებელს ევროპული ტექნოლოგიით დამზადებულ საკონდიტრო ნაწარმს სთავაზობს. გარდა ამისა კომპანიის წარმოება ბუნებრივი საფუარით დამზადებულ პურპროდუქტებსაც მოიცავს, რომელიც როგორც კომპანიაში ამბობენ მომხმარებლის საყვარელი პროდუქტია. ბიზნესი რომელიც ჯერჯერობით მხოლოდ ერთი ფილიალით არის წარმოდგენილი და 12 ადამიანს ასაქმებს, ტერაბანკის დაფინანსებით და სააგენტო „აწარმოე საქართველოს“ მხარდაჭერით შეიქმნა. მარლი სესხის სრული ვადით პროცენტის ნაწილობრივი სუბსიდირებით და გირაოში თანამონაწილეობით სარგებლობს. #ახალიამბები #BusinessMediaGeorgia
“შავი პარასკევის” კვირეული “ინდივანში” #ახალიამბები #BusinessMediaGeorgia
როგორ მოიპოვა Rolex-ის საათმა ფუფუნების საგნის სტატუსი? #ახალიამბები #BusinessMediaGeorgia
United Airlines-ი ელექტროთვითმფრინავებს ყიდულობს #ახალიამბები #BusinessMediaGeorgia
რუსეთი “მოსკვიჩის” წარმოებას იწყებს #ახალიამბები #BusinessMediaGeorgia
საქართველოს მთავრობამ “ხედვა 2030 საქართველოს განვითარების სტრატეგია” დაამტკიცა, რომელშიც განათლების სფეროში მთავრობის მიზნებს და ამოცანებს ითვალისწინებს. დოკუმენტის მიხედვით, მთავარი სამიზნე ინდივიდზე ორიენტირებული მაღალი ხარისხის განათლების სისტემის განვითარების ხელშეწყობაა, რომელიც განათლების მიღების თანაბარ შესაძლებლობას იძლევა. ასევე საუბარია სკოლამდელი აღზრდისა და განათლების ყველა დაწესებულების მიერ მაღალი ხარისხის, მხარდაჭერასა და განვითარებაზე ორიენტირებული სააღმზრდელო და საგანმანათლებლო პროცესის უზრუნველყოფასა და შრომის ბაზრის შესაბამისი კადრების მომზადებაზე. როგორ უნდა მოხერხდეს ამის უზრუნველყოფა თითოეულ საფეხურზე? სტუმარი: შალვა ტაბატაძე - სამოქალაქო ინტეგრაციისა და ეროვნებათშორისი ურთიერთობების ცენტრის გამგეობის თავმჯდომარე, განათლების მკვლევარი; #ახალიამბები #BusinessMediaGeorgia
წლის დასაწყისში BMG გიყვებოდათ პროექტზე, რომელიც რაჭაში, შაორის ტბაზე უნდა მოეწყოს. საუბარია 120 ნომრიან რეზორტის ტიპის სასტუმრო კომპლექსზე, რომელიც სრულად აღჭურვილი იქნება როგორც ბავშვთა, ისე მოზარდთა დასასვენებელი და გასართობი სივრცეებით. პროექტის ჯამური ინვესტიცია 20 მლნ დოლარია. ინვესტორი სავაჭრო ცენტრების მმართველი კომპანია IG Developmen-ია. კამპანიამ ტბის პირველ ზოლში მდებარე 29 693 კვ. მ. მიწის ნაკვეთი ელექტრონული აუქციონის წესით ქონების ეროვნული სააგენტოსგან იყიდა, რომლის განვითარებაზეც მის შვილობილ კომპანია „სითი დეველოპმენტი“ ზრუნავს. რა ეტაპზეა სამუშაოები? სტუმარი: სანდრო ტოგონიძე - „სითი დეველოპმენტის“ დირექტორი; #ახალიამბები #BusinessMediaGeorgia
საქართველოდან საფრანგეთში ღვინის ექსპორტი გასამმაგდა. ოფიციალური მონაცემებით, წელს 10 თვეში საფრანგეთში 984.48 ათასი დოლარის ქართული ღვინო გავიდა, მაშინ როდესაც 2021 წლის 10 თვეში ეს მაჩვენებელი 296.6 ათასი დოლარი იყო. მაჩვენებლები რეკორდულია ბოლო 5 წლიან ჭრილშიც, მანამდე ყველაზე დიდი მოცულობით ექსპორტი 2018 წლის 10 თვეში განხორციელდა და 468 ათასი დოლარი შეადგინა. ჯამურად წელს, ღვინის ექსპორტი 6% არის გაზრდილი. იანვარ-ოქტომბერში საერთაშორისო ბაზრებზე 200.8 მლნ დოლარის ქართული ღვინო გავიდა. მთავარი საექსპორტო ბაზარი ისევ რუსეთია, რომელზეც მთლიანი ექსპორტის 64% მოდის. ტოპ ათეულში მეორე ადგილზეა პოლონეთი, რომელსაც ჩეხეთი, უკრაინა და ყახაზეთი მოჰყვება. ქართული ღვინო ასევე მოთხოვნადია ბელარუსში, აშშ-ში, ლატვიაში, გერმანიასა და ლიეტუვაში. სტუმარი: გიორგი სამანიშვილი - ღვინის ეროვნული სააგენტოს ყოფილი ხელმძღვანელი, ღვინის ექსპერტი; #ახალიამბები #BusinessMediaGeorgia
1-ელი ნოემბრიდან, სამედიცინო დაწესებულებებში, მომსახურების დიაგნოზთან შეჭიდული ჯგუფებით (DRG) დაფინანსების ახალი მოდელი ამოქმედდა. DRG მსოფლიოს განვითარებულ ქვეყნებში, დაფინანსების ფართოდ აპრობირებული მოდელია, რომლითაც ავტომატურად გამოითვლება ის სამართლიანი ფასი, რასაც სამინისტრო, მოქალაქეების ხარისხიანი მკურნალობისთვის გადაიხდის. დაფინანსების მოცულობას პაციენტის დიაგნოზი, ასაკი, ჰოსპიტალიზაციის ხანგრძლივობა და სხვა კრიტერიუმები განსაზღვრავს. DRG სისტემის დანერგვის შემდეგ, სამედიცინო მომსახურების მიღებისას, პაციენტს, დამატებითი ხარჯების გაწევა აღარ მოუწევს და ის მხოლოდ იმ თანხას გადაიხდის, რასაც საყოველთაო ჯანდაცვის პროგრამის ფარგლებში თანაგადახდის წილი ითვალისწინებს. DRG-სისტემის ამოქმედების შემდეგ, საყოველთაო ჯანდაცვის პროგრამა პაციენტებს აღარ უფინანსებს VIP მომსახურებას. ჯანდაცვის სამინისტროს ინფორმაციით, პაციენტების ის ნაწილი, რომელსაც კლინიკისგან განსაკუთრებული მომსახურების მიღება ენდომება, საყოველთაო ჯანდაცვის პროგრამიდან ერთჯერადად გავა და ამ მომსახურების საფასურს თვითონ ან თუ დაზღვეულია, კერძო სადაზღვევო კომპანია გადაიხდის. სადაზღვევო ასოციაციაში აცხადებენ, რომ ადამიანები, რომლებსაც საყოველთაო დაზღვევის პარალელურად კერძო დაზღვევის შეძენის უფლება აქვთ, ამ შესაძლებლობით თითქმის არ სარგებლობენ, რადგან საუბარია მოწყვლად ჯგუფებზე. იმისთვის, რომ გაიზარდოს კერძო დაზღვევით მოსარგებლეთა რიცხვი ერთ-ერთ ვერსიად „ჯანდაცვის ასოციაცია“ სახელმწიფოს სთავაზობს რომ ადამიანებს, რომლებსაც შედარებით დაბალი შემოსავალი აქვთ და საყოველთაო ჯანდაცვის ფარგლებში დაბალი პაკეტით სარგებლობენ, მიეცეთ შესაძლებლობა, დამატებით კერძო დაზღვევა შეიძინონ, რომელიც მათი თქმით არ იქნება ძვირი, რადგან სრულფასოვან პაკეტს არ მოიცავს, თუმცა ადამიანთა ამ კატეგორიას მიეცემათ შესაძლებლობა საკუთარი ჯანმრთელობის დაზღვევის პირობები გაიუმჯობესონ. რა რესურსი არსებობს თავად ბიზნესის მხრიდან და რა გამოწვევები რჩება დღემდე კერძო ბაზრის განვითარებისთვის? სტუმარი: დევი ხეჩინაშვილი - სადაზღვევო ასოციაციის ხელმძღვანელი; #ახალიამბები #BusinessMediaGeorgia
"ჯიპიაი ჰოლდინგმა" სადაზღვევო ბაზარზე ავტოდაზღვევის განახლებული სერვისი დანერგა. მომსახურების ახალი სქემის მიხედვით, თუ მანქანა ჯიპიაიში გყავთ დაზღვეული, ეს ნიშნავს რომ ავტოსაგზაო შემთხვევიდან მანქანის შეკეთებამდე პროცესს ჯიპიაის ასისტენტები დააკვირდებიან, უწყვეტ რეჟიმში მოგავწდიან ინფორმაციას და გარანტიასაც მოგცემენ, რომ მანქანას თქვენთვის მისაღებ ფასად, ხარისხიანად შეგიკეთებენ. თამთა ყიფიანი - “ჯიპიაი ჰოლდინგის” საზოგადოებასთან ურთიერთობის მენეჯერი; ანა აბაშიძე - “ქარუსელის” დამფუძნებელი; #ახალიამბები #BusinessMediaGeorgia
ბიზნესი შრომის უსაფრთხოების სპეციალისტების დეფიციტზე ჩივის. გადამზადების პროგრამების მიუხედავად საკმარისი საჭირო კადრების მოძიება ჭირს. მიზეზებს შორის ბიზნესი სპეციალისტების ვადაგასულ სერტიფიკატებზე საუბრობს და ზოგადად ამ პროფესიის მიმართ დაბალ ინტერესზე. ბიზნესის ნაწილი კვლავ ითხოვს, რომ ყველა კომპანიაში სპეციალისტის ყოლა სავალდებულო აღარ იყოს, რითაც კადრების დეფიციტის პრობლემა ნაწილობრივ მოგვარდება. სტუმარი: ნიკა ნანუაშვილი, საქართველოს ბიზნეს ასოციაციის იურიდიული დირექტორი; #ახალიამბები #BusinessMediaGeorgia
ავტოპარკის მართვის ინოვაციურ GPS + TAG სისტემა. როგორ არის შესაძლებელი ავტოპარკის ნაკლები ხარჯით უფრო ეფექტურად მართვა? სტუმრები: ვასილ ხორავა - "ვისოლის" გენერალური დირექტორი; გიორგი ჩორგოლაშვილი - "ვისოლის" გაყიდვების დეპარტამენტის ხელმძღვანელი; ბაჩო ძაძუა - "ვაკის ხორცპროდუქტების" მონიტორინგის სამსახურის ხელმძღვანელი; #ახალიამბები #BusinessMediaGeorgia
მთაწმინდაზე მდებარე ეს სასტუმრო და რესტორანი ნამდვილი განძია, რომელიც ადამიანების მიერ მის აღმოჩენას ელის. ამასთანავე, ის იმდენად კომფორტულია, რომ იქ ღამის გატარება მეგობართან დარჩენას მოგაგონებთ. ცხადია, სტუმარმასპინძლობაც ისეთია, როგორიც მეგობრულ გარემოს შეეფერება. - ასე აღწერს ამერიკული ფორბსი ჟვანიას 10 ში მდებარე სასტუმროს რომელშიც თბილისის ბუტიკის ტიპის საუკეთესო სასტუმროებია დასახელებული და ამბავი ამ ადგილას სულ რამდენიმე წლის წინ ფრანგული ინვესტიციით და დიდი გეგმებით დაიწყო. ამ რამდენიმე წელში The 10 ახლა რესტორანში წამსვლელების მისამართადაც იქცა ბევრისთვის კარგი მოგონებების შემგროვებელ სივრცედ. ნიკა მანჯგალაძე - სასტუმრო The 10. ავტორები: მანანა მანჯგალაძე; ედგარ ყაზახაშვილი; ლადო ცხადაია #ახალიამბები #BusinessMediaGeorgia
თიბისის ბიზნესდაჯილდოების გამარჯვებულების გამოვლენამდე 3 კვირა დარჩა. ნომინანტები 5 კატეგორიაში ცნობილია და ახლა მთავარი სამზადისი დეკემბრის შუა რიცხვებში დაგეგმილ გალაზეა. წელს ბევრი სიახლეა ტრადიციული ბიზნესდაჯილდოების განრიგში და წელს პირველად არის რომ კომპანია ვიზა, რომელიც 200 ზე მეტ ქვეყანაში კომპანიებს, ბანკებსა და მთავრობებს მსოფლიო მასშტაბით აკავშირებს ბიზნესდაჯილდოების მოკავშირე და მთავარი სპონსორია. სტუმარი: თორნიკე გოგიჩაიშვილი - თიბისის გენერალური დირექტორის მოადგილე; დიანა კიღურაძე - კავკასიაში VISA-ს რეგიონული მენეჯერი #ახალიამბები #BusinessMediaGeorgia
ფინანსური კეთილდღეობის მიღწევის მიზნით, დღეს მსოფლიოს გარშემო საკუთარ სამშობლოს არაერთი ადამიანი ტოვებს. მიგრაციის გადაწყვეტილება პოლიტიკური, სოციალური, ეკონომიკური და გარემოს დაცვითი პროცესების დაკვირვების და ანალიზის შედეგად მიიღება. მიუხედავად იმისა, რომ წამყვანი მოტივაცია ფინანსური კეთილდღეობაა, კვლევების მიხედვით დგინდება, რომ მიგრაციას, ხელს ასევე მრავალი სხვა არაეკონომიკური ფაქტორიც უწყობს. თათია კაკიაშვილი დაინტერესდა, რომელ ქვეყნებშია ემიგრანტების ყველაზე დიდი და მცირე რაოდენობა? #ახალიამბები #BusinessMediaGeorgia
როგორია დასაქმების სექტორის დინამიკა და ვინ ეძებს კადრებს? ამ კითხვაზე bm.ge პასუხის გაცემას შეეცადა და ქვეყანაში მოქმედი დასაქმების საიტების წარმომადგენლებსაც ესაუბრა. პანდემიური ვითარების შემსუბუქების პარალელურად, ქვეყანაში სხვადასხვა სექტორმა გამოცოცხლება აქტიურად დაიწყო. შესაბამისად, გასულ წელთან შედარებით კომპანიები კადრებს ეძებენ და მათი მხრიდან დასაქმების საიტებზე განთავსებული ვაკანსიების რაოდენობაც იზრდება. bm.ge-სთან საუბრისას კომპანიების წარმომადგენლები აღნიშნავენ, რომ არის კონკრეტული სექტორები, საიდანაც მოთხოვნა ახლა ყველაზე მეტადაა, მათ შორის ერთ-ერთი ჰორეკა სექტორია. #ახალიამბები #BusinessMediaGeorgia
#საქმიანიდილა - 24 ნოემბერი - პროლოგი #ახალიამბები #BusinessMediaGeorgia
მესტიაში პირველი ფიტნეს ცენტრი გაიხსნა. ცენტრის დამფუძნებელმა ლალი პავლიაშვილმა BM.GE-სთან განაცხადა, რომ თბილისიდან მესტიაში საცხოვრებლად გადასვლის შემდეგ ნახა, რომ იქ არ არსებობდა სივრცე, სადაც მომხმარებელი განტვირთვასა და ვარჯიშს შეძლებდა, ამიტომ "Step Up Mestia"-ს შექმნა გადაწყვიტა.მისი თქმით, ცენტრი მთლიანად ადგილობრივ მოსახლეობაზეა ორიენტირებული.ამჟამად "Step Up Mestia’’-ში ერთდროულად ვარჯიში 10-12 ადამიანს შეუძლია, თუმცა აბონემენტები ისეა განაწილებული, რომ დღის განმავლობაში სერვისით სარგებლობას 40-მდე ადამიანი შეძლებს. რაც შეეხება გამოწვევებს, ფიტნეს ცენტრის დამფუძნებელი ამბობს, რომ ეს ძირითადად ყოველდღიურ პრობლემებს უკავშირდებოდა, თუმცა ძირითადი პრობლემა მაინც ადგილობრივი სამუშაო ძალის დეფიციტია.ლალი პავიაშვილი ბიემჯის უყვება რომ სამომავლოდ ახალი სერვისების დამატება იგეგმება, რისთვისაც კადრების გადამზადება მოუწევთ:"მალე იოგის სპეციალისტად ადგილობრივ კადრს გადავამზადებთ, ასევე დაემატება აერობიკა, ზუმბა და სხვადასხვა ფიზიკური აქტივობები". რაც შეეხება "Step Up Mestia’’-ს აბონემენტის საფასურს, ის დროის ხანგრძლივობისა და მონაკვეთის მიხედვით იცვლება-საერთო ჯამში საფასური 50-130 ლარს შორის მერყეობს’’ - ამბობს ლალი პავლიაშვილი. #ახალიამბები #BusinessMediaGeorgia
მაღალი ინფლაციისა და სამომხმარებლო პროდუქტებზე გაზრდილი ფასების ფონზე მოქალაქეების ქცევაში საინტერესო ტენდენცია იკვეთება. მიმდინარე წლის 10 თვის სტატისტიკა აჩვენებს,რომ გასულ წელთან შედარებით თითქმის გახუთმაგდა თურქული ონლაინ მაღაზიებიდან საქართველოს მოქალაქეების მიერ განხორციელებული შესყიდვები. იწერენ ყველაფერს, დაწყებული ტანსაცმლიდან , დამთავრებული პირადი ჰიგიენის საშუალებებით და საკვები პროდუქტებით. მიუხედავად იმისა, რომ რიგ კომპონენტებში თურქეთს აშშ და ჩინეთი კვლავ უსწრებს, ნეტგაზეთისთვის შემოსავლების სამსახურის მიერ მიწოდებული ოფიციალური სტატისტიკა მოწმობს,რომ ზრდის ტენდენცია მხოლოდ თურქული ონლაინ მაღაზიებიდან შესყიდვებს აქვს. შედარებისთვის, 2021 წლის 12 თვის განმავლობაში საქართველოში თურქეთიდან ონლაინ გამოწერებით ჯამში 55 354 ამანათი შემოვიდა, როცა 2022 წლის პირველ ათ თვეში ეს რიცხვი უკვე 260 864-მდეა გაზრდილი. ამრიგად, მცირე ღირებულების ამანათების რაოდენობით, წელს თურქეთი პირველ ადგილზეა და საგრძნობლად აჭარბებს გამოწერებს ჩინეთიდან და აშშ-დან, საიდანაც წინა წლებში საქართველოში ყველაზე დიდი რაოდენობით ნივთებს ყიდულობდნენ. ჯამურად 2022 წლის 10 თვეში აშშ-დან 300 ლარამდე ღირებულების ამანათების ფასმა 8 246 335 ლარი შეადგინა, თურქეთიდან გამოწერილი ნივთების ღირებულება კი 7 033 997 ლარი იყო. აღნიშნულ კომპონენტში მესამე ადგილს ჩინეთი იკავებს, სადაც დროის ამ მონაკვეთში 4 082 188 ლარის ნივთები გამოიწერეს. ეს სტატისტიკა სავარაუდოდ მიუთითებს იმაზე, რომ თურქეთიდან უფრო დაბალი ღირებულების ნივთებს იწერენ, ვიდრე აშშ-დან. თუმცა, მიუხედავად იმისა, რომ თურქეთი გამოწერილი ამანათების საერთო ღირებულებით მეორე ადგილზეა, TOP სამ ქვეყანას შორის ზრდის ტენდენცია ამ კომპონენტითაც მხოლოდ მას ახასიათებს. კერძოდ, 2021 წელს თურქეთიდან გამოწერილი განუბაჟებელი ამანათების საერთო ღირებულებამ 1 949 717 ლარი შეადგინა. შესაბამისად, 2022 წლის პირველ 10 თვეში ამგვარი ამანათების საერთო ღირებულებაც თითქმის ოთხჯერაა გაზრდილი. 2021 წელს თურქეთიდან 300 ლარზე მეტი ღირებულების 3 588 ამანათი გამოიწერეს, რომელთა ჯამური ღირებულება 289 490 ლარს შეადგენდა. 2022 წლის ათ #ახალიამბები #BusinessMediaGeorgia
2024 წლიდან სამშენებლო სექტორი ეტაპობრივად სრულიად ახალ სტანდარტზე უნდა გადაეწყოს. საუბარია ევროკავშირთან ასოცირების შეთანხმებით ნაკისრ ვალდებულებაზე, რომლის მიხედვითაც შენობა-ნაგებობების დაპროექტება და მშენებლობა სრულად ევროპული ნორმების შესაბამისად უნდა განხორციელდეს. ევროკოდები ევროპული სტანდარტია, რომელიც წარმოადგენს შენობა-ნაგებობების კონსტრუქციული (სტრუქტურული) გაანგარიშებისა და დაპროექტების წესებს ევროკავშირის წევრი სახელმწიფოებისთვის. ბიზნესიდან მიღებული ინფორმაციით, ევროკოდების თარგმნის პროცესი უკვე დაწყებულია, თუმცა ეკონომიკის სამინისტროს სამშენებლო ზედამხედველობის სააგენტოს წინ საკმაოდ ბევრი სამუშაო აქვს. რა იცის კერძო სექტორმა დაგეგმილი ცვლილებების შესახებ? სტუმარი: ანა საბახტარაშვილი - ინფრასტრუქტურის მშენებელთა ასოციაციის აღმასრულებელი დირექტორი; #ახალიამბები #BusinessMediaGeorgia
მიუხედავად იმისა, რომ ავტოსატრანსპორტო საშუალებების ტექნიკური ინსპექტირება ოთხი წელია ქვეყანაში სავალდებულოა, დღეს არც თუ ცოტა მძღოლი ქალაქში ისევ გაუმართავი ავტომობილით გადაადგილდება. არასათანადო ადმინისტრირებისა და დაბალი საჯარიმო სანქციების გამო, მოქალაქეების ნაწილი ინსპექტირების გავლას ჯარიმის გადახდას ამჯობინებს. რეფორმის მიმართ, არც თუ უსამართლოდ საკმაოდ ბევრი კრიტიკა ისმის. ინსპექტირების ცენტრების წარმომადგენლები განმარტავენ, რომ სისტემური ხარვეზების გამო დღეს ქვეყანაში რეგისტრირებული მილიონნახევარი ავტოსატრანსპორტო საშუალების მხოლოდ 48%-მდე აკმაყოფილებს ტექდათვალიერების მოთხოვნებს. რაზეც ტექინსპექტირების ორგანოების წარმომადგენლები საუბრობენ, კარგად ჩანს ოფიციალურ სტატისტიკაშიც. 2018 წლიდან მოყოლებული საგრძნობლად არის გაზრდილი ტექინსპექტირების გაუვლელობისთვის გამოვლენილი სამართალდარღვევების რაოდენობა. მხოლოდ მიმდინარე წლის პირველ სამ კვარტალში ჯამურად ნახევარ მილიონზე მეტი ჯარიმაა გამოწერილი. იმას, რომ ტექინსპექტირების რეფორმა იმ ფორმით, რა ფორმითაც დღეს ქვეყანაში მოქმედებს ხარვეზიანია, აცნობიერებს საკანონმდებლო ხელისუფლებაც. დეპუტატების მიერ მომზადებული პროექტით „საქართველოს ადმინისტრაციულ სამართალდარღვევათა კოდექსში ცვლილებები შევა და ატმოსფერული ჰაერის დაბინძურების შემცირების მიზნით ტექნიკურად გაუმართავი ავტოსატრანსპორტო საშუალებების გადაადგილებაზე სანქციები გამკაცრდება. ტექინსპექტირების გაუვლელობისთვის არსებული პირველადი ჯარიმა, რომელიც დღეს 50 ლარია, უცვლელად დარჩება, მაგრამ თუ სუბიექტი პირველი დაჯარიმების შემდეგ ტექდათვალიერებას მაინც არ გაივლის, მათ 150-დან 700 ლარამდე ჯარიმის გადახდა მოუწევთ. შეცვლის თუ არა ჯარიმები არსებულ სურათს, რატომ ვერ შედგა ტექინსპექტირების რეფორმა და რა სისტემური ცვლილებების გატარების აუცილებლობას ხედავენ ტექინსპექტირების ცენტრები? სტუმარი: გიორგი შიოლაშვილი - ტექინსპექტირების ცენტრების კავშირის აღმასრულებელი დირექტორი; #ახალიამბები #BusinessMediaGeorgia
დღეს კომპანიების ბედს მნიშვნელოვნად განსაზღვრავს ეფექტური მარკეტინგი. სწორედ ამ მიზნით, რამდენიმე თვის წინ ბაზარზე გამოჩნდა სტარტაპი, რომელიც ბიზნესებს ინოვაციურ, კერძოდ აუგმენტურ რეალობაზე დაფუძნებულ მარკეტინგს სთავაზობს. ვსაუბრობ კომპანია ქროსქრეატორზე, რომელიც ამ იდეით ცოტა ხნის წინ 500Georgia-ს აქსელერაციის პროგრამაშიც მოხვდა. რა არის აუგმენტურ რეალობაზე დაფუძნებული მარკეტინგი და კონკრეტულად რას სთავაზობს Crosscreators მომხმარებლებს? სტუმარი: ანი მანჯავიძე - "ქროსქრეათორსის" დამფუძნებელი; #ახალიამბები #BusinessMediaGeorgia
ჯანდაცვის სამინისტროს ინფორმაციით, საყოველთაო ჯანდაცვის სტაციონარული კომპონენტის ფარგლებში მომსახურების მიმწოდებლებს 2023 წლის 1-ელი იანვრიდან უჩნდებათ ვალდებულება, უზრუნველყონ სამედიცინო პერსონალის, პირველ რიგში ექიმებისა და ექთნების შრომის მინიმალური საათობრივი ანაზღაურება. შესაბამისად 2023 წლის პირველი იანვრიდან ექიმების მინიმალური ანაზღაურება საათში 7 ლარით, თვეში კი საშუალოდ 1260 ლარით, ხოლო ექთნების შემთხვევაში საათში 4,4 ლარით, თვეში კი საშუალოდ 792 ლარით განისაზღვრება. სტუმარი: რევაზ კარანაძე - "ჯანდაცვის და მომსახურების სფეროების პროფკავშირი - სოლადორობის ქსელის" გენერალური მდვიანი; გიორგი ამბროლიანი - "ევექსი კლინიკების" კლინიკების დეპარტამენტის ხელმძღვანელი; #ახალიამბები #BusinessMediaGeorgia
ფინალისტი კომპანიებს საუკეთესო ინოვაციური სტარტაპის კატეგორიიდან: 1. Artisio არის აუქციონების მართვის SaaS სისტემა, რომელიც ერთ ინტეგრირებული სოფტის ქვეშ აქცევს აუქციონების ბიზნესის სამართავად საჭირო ყველა მიმართულებას. სისტემა 100%-ით API-ზეა დაფუძნებულია, რაც საშუალებას გვაძლევს მივუერთდეთ და მონაცემები გავცვალოთ ყველა დამატებით მესამე მხარესთან, რომელსაც იყენებენ ჩვენი კლიენტები. 2. CALEN AI არის ჭკვიანი ხმოვანი და ჩათის AI ასისტენტი რომელიც სცემს პასუხს ხშირად დასმულ კითხვებზე და ჯავშნის შეხვედრებს ზუსტად ისევე როგორც მაღალანაზღაურებადი თანამშრომელი. CALEN AI არის პირველი ქართული ხმოვანი ასისტენტი ბიზნესებისთვის რომელიც მუშაობს მოწინავე სტანდარტების თანახმად - ანუ მას შეუძლია მართოს საუბარი წინასწარ გაწერილი სცენარის გარეშე. 3. Kernel - ფინანსური ხელსაწყოების პლატფორმა, რომელიც მცირე ბიზნესებს ეხმარება პროცესების გაციფრულებაში, ბუღალტერიისა ავტომატიზაციაში და საგადასახადო მოთხოვნებთან შესაბამისობაში. ეს პრობლემა განსაკუთრებით დიდია ინდოეთში, სადაც 63 მილიონზე მეტი ბიზნესია რეგისტრირებული - ამასთან ქვეყანაში არის ახალი საგადასახადო სისტემა და მოთხოვნები. სტუმრები: ირაკლი სვანიძე - Artisio-ს საოპრაციო დირექტორი და თანადამფუძნებელი; ირაკლი ბესელიძე - CALEN AI-ის დამფუძნებელი; ბექა დალაქიშვილი - "კერნელის" დამფუძნებელი; #ახალიამბები #BusinessMediaGeorgia
როგორი იყო ოქტომბერი საბანკო სექტორისთვის? სტუმარი: ალექსანდრე ძნელაძე - საქართველოს საბანკო ასოციაციის პრეზიდენტი #ახალიამბები #BusinessMediaGeorgia
"შავი პარასკევის" ტერმინის დამკვიდრებასთან დაკავშირებით, რამდენიმე ვერსია არსებობს. ზოგიერთი "შავ პარასკევს” პროდუქტებზე მაღალ მოთხოვნას და დაბალი ფასით მიწოდების გამო კომპანიების ზარალით დასრულებას უკავშირებს. ზოგიც - ამერიკაში ოქროს ფასის გაზრდის გამო, ბაზრის კრახს. თუმცა, იმის მიუხედავად, რომ შინაარსობრივად ეს მართლაც ასე გამოდის, ტერმინის წარმოშობის ისტორია სხვაგვარია. #ახალიამბები #BusinessMediaGeorgia
ქართული ნატურალური წვენების მწარმოებელ კომპანიებს, საექსპორტო ბაზრებზე გაყიდვები გაეზარდათ. გაყიდვების ზრდის მიზეზი კი რთული ორი წლის შემდგომ გახსნილი ბაზრები და წვენებზე მომხმარებლის მხრიდან გაზრდილი მოთხოვნაა. კომპანიებში დადებითი დინამიკის გარდა საუბრობენ სირთულეებზეც, რაც გაძვირებულ ლოგისტიკას უკავშირდება. #ახალიამბები #BusinessMediaGeorgia
#საქმიანიდილა - 23 ნოემბერი - პროლოგი #ახალიამბები #BusinessMediaGeorgia
სიახლეები მათთვის, ვისთვისაც Youtube-სთვის კონტენტის შექმნა დიდი ხანია, ბიზნესია, ამით არ სრულდება - 2023 წლიდან, კრეატორები, რომლებიც 90 დღეში YouTube-ის მოკლე ფორმატის ე.წ. Shorts-ვიდეოებზე 10 მილიონ ნახვას დააგროვებენ და თან მინიმუმ 1000 გამომწერი ეყოლებათ, შემოსავლის 45%-ით ზრდას შეძლებენ. თუმცა, მანამდე - რამდენს იხდის YouTube 1000 ნახვისთვის? #ახალიამბები #BusinessMediaGeorgia
ინგლისის სამხრეთ-დასავლეთში, ერთ-ერთ სოფელში, მეტალოდეტექტორმა „თითქმის იდეალურ მდგომარეობაში“ შუა საუკუნეების საქორწინო ბეჭედი აღმოაჩინა. ბრილიანტის ბეჭედი, რომელიც თვის ბოლოს აუქციონზე გამოჩნდება, $35,500-დან $47,300-მდეა შეფასებული. აუქციონის სახლ Noonans-ის ინფორმაციით, მეტალოდეტექტორის გამოყენებით ძვირფასეულობა 69 წლის დევიდ ბორდმა აღმოაჩინა. აღსანიშნავია, რომ ბორდმა ჯერ კიდევ 1970-იან წლებში სცადა მეტალოდეტექტორის დახმარებით წარმატების მიღწევა, თუმცა მაშინ ადგილობრივი პლაჟების დათვალიერება უშედეგო აღმოჩნდა. თავად ბორდმა ბეჭედს, რომელიც უნიკალური და ინდივიდუალურია მისი დამზადების თარიღიდან გამომდინარე, „ერთხელ სიცოცხლეში“ აღმოჩენა უწოდა. #ახალიამბები #BusinessMediaGeorgia
წარმატებული სპორტიდან წარმატებულ ბიზნესამდე - კომპანია “ბოისას” შექმნის ისტორია სტუმარი: ვიქტორია ბოისა - კომპანია "ბოისას" დირექტორი; #ახალიამბები #BusinessMediaGeorgia
აშშ-ის სავაჭრო პალატა - 24 წელი საქართველოში სტუმარი: ჯორჯ ველტონი - საქართველოში აშშ-ის სავაჭრო პალატის აღმასრულებელი დირექტორი; #ახალიამბები #BusinessMediaGeorgia
Forbes #30under30 - მარიკა აბულაძე 2021 წლის გამარჯვებული კატეგორიიდან - ანტრეპრენიორები და მეწარმეები სტუმარი: მარიკა აბულაძე - 2021 წლის #Forbes #30Under30-ის გამარჯვებული კატეგორიაში - ანტრეპრენიორები და მეწარმეები; UPWAY-ის თანადამფუძნებელი და აღმასრულებელი დირექტორი. #ახალიამბები #BusinessMediaGeorgia
2022 წლის იანვარ-ოქტომბერში ათი უმსხვილესი საიმპორტო პარტნიორი ქვეყნის წილმა საქართველოს მთლიან იმპორტში 67.4 პროცენტი შეადგინა. პირველ სამეულში შედის: თურქეთი (1 916.4 მლნ. აშშ დოლარი), რუსეთი (1 416.0 მლნ. აშშ დოლარი) და ჩინეთი (921.0 მლნ. აშშ დოლარი). უმსხვილესი საიმპორტო სასაქონლო ჯგუფი 2022 წლის იანვარ-ოქტომბერში წარმოდგენილი იყო მსუბუქი ავტომობილების სახით, რომლის იმპორტმა 1 222.9 მლნ. აშშ დოლარი და მთელი იმპორტის 11.4% შეადგინა. მეორე ადგილს იკავებდა ნავთობი და ნავთობპროდუქტები 1 136.0 მლნ. აშშ დოლარით (იმპორტის 10.6 პროცენტი), ხოლო მესამე ადგილზეა სპილენძის მადნები და კონცენტრატები 623.1 მლნ. აშშ დოლარით (იმპორტის 5.8 პროცენტი). სტუმარი: ბექა კიკნაძე - GD Alco-ს გაყიდვების და მარკეტინგის დირექტორი; #ახალიამბები #BusinessMediaGeorgia
“ავერსში” “შავი პარასკევის” კვირეული დაიწყო: მომხმარებლებს სხვადასხვა დასახელების მედიკამენტებსა და პროდუქციაზე უპრეცენდენტო 100%-მდე აქციები ელით. რა პროდუქტებზე გავრცელდება სპეციალური შეთავაზებები? #ახალიამბები #BusinessMediaGeorgia
„გალერია თბილისში“ საბავშვო ტანსაცმლისა და აქსესუარების ბრენდის „კარტერ’ს-ის“ პირველი ოფიციალური მაღაზია გაიხსნა. საუკუნე ნახევრის ბრენდის საქართველოში შემოსასვლელად კომპანია გეფამ 2 მლნ ლარის ინვესტიცია განახორციელა და ეს მისი ერთად ერთი მაღაზია არ იქნება. გაფართოვების გეგმები ამერიკული ბრენდის ქართულ წარმომადგენლობას 2023 ში უკვე აქვს და რამდენიმე ფილიალით გამოჩნდებიან მომავალი წლისთვის ბაზარზე. ამერიკული ბრენდი რომელიც 1865 წელს დაარსდა და უკვე 156-წლიან ისტორიას ითვლის ქართველი მომხმარებლებისთვისაც არ არის უცხო მიუხედავად იმისა რომ მისი პირველი მაღაზია სულ ახლახან გამოჩნდა ბაზარზე. ამერიკაში ბავშვის ტანსაცმლისა და აქსესუარების გაყიდვების მეოთხედი სწორედ „კარტერ’ს-ზე“ მოდის. ბრენდის პროდუქცია ხელმისაწვდომია როგორც „კარტერ’ს-ისა“ და „ოშკოშის“ მაღაზიებში, ასევე ონლაინ. სტუმრები: თამარ ცაგარეიშვილი - “კარტერსის” გენერალური მენეჯერი; ნანუკა ჭანტურია - "გეფას" ფრანჩაიზების მართვის განყოფილების ხელმძღვანელი; #ახალიამბები #BusinessMediaGeorgia
"ზოდში” "შავი პარასკევის" კვირეული იწყება. ტრადიციულად წლის ყველაზე მასშტაბური აქციის ფარგლებში მომხმარებლებს პროდუქციის სრულ ასორტიმენტზე 50%-მდე ფასდაკლება ელის. #ახალიამბები #BusinessMediaGeorgia
ამერიკულ საფონდო ბირჟაზე კომპანია Grindr-ის დებიუტი წარმატებით შედგა. პირველადი საჯარო შეთავაზების მოცულობამ 1.26 მილიარდი დოლარი შეადგინა. ბირჟაზე სავაჭრო სესიის გახსნამდე კომპანიის თითოეული აქცია 11.6 დოლარად იყო შეფასებული, თუმცა ბირჟის დახურვამდე აქციების ფასი 36.5 დოლარამდე გაიზარდა, რაც ზრდის თითქმის 210%-იანი მაჩვენებელია. Grindr-ი გაცნობის პლატფორმაა, Tinder-ისა და Bumble-ის ანალოგი, რომელიც განსაკუთრებული პოპულარობით LGBTQ+ თემში სარგებლობს. სტუმარი: ნიკა მაზანაშვილი - Galt&Taggart;-ის საბროკერო დეპარტამენტის უფროსი ანალიტიკოსი; #ახალიამბები #BusinessMediaGeorgia
იანვარ-ოქტომბერში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 15 228.4 მლნ. აშშ დოლარი შეადგინა, რაც წინა წლის შესაბამის პერიოდთან შედარებით 33.5 პროცენტით მეტია. ამის შესახებ ინფორმაციას სტატისტიკის ეროვნული სამსახური ავრცელებს. მათივე ცნობით, აქედან ექსპორტი 4 546.0 მლნ. აშშ დოლარს შეადგენს (34 პროცენტით გაიზარდა), ხოლო იმპორტი 10 682.4 მლნ. აშშ დოლარს (33.3 პროცენტით მეტია). საქართველოს უარყოფითმა სავაჭრო ბალანსმა, 2022 წლის იანვაროქტომბერში, 6 136.4 მლნ. აშშ დოლარი შეადგინა, რაც საგარეო სავაჭრო ბრუნვის 40.3 პროცენტია. სტუმარი: ლაშა ქავთარაძე - Galt&Taggart;-ის ეკონომისტი #ახალიამბები #BusinessMediaGeorgia
"თიბისისა" და "თიბისი ლიზინგის" მხარდაჭერით და "ექსპოჯორჯიას" ორგანიზებით, სოფლის მეურნეობისა და კვების მრეწველობის მე-20 საერთაშორისო გამოფენა Agro, Food, Drink, Tech Expo 2022 გაიმართა, რომელშიც 7 ქვეყნის 70 მდე კომპანია იღებდა მონაწილეობას. აგრო ბაზარში მონაწილეობას თიბისისა და თიბისი ლიზინგის პარტნიორი კომპანიები მთელი საქართველოდან იღებდნენ, რომლის დროსაც გარდა გამოფენისა ორი დღის განმავლობაში სოფლის მეურნეობის დარგის კონფერენცია გაიმართა, რომელზეც სოფლის მეურნეობის განვითარების გეგმები და შესაძლებლობები, დაფინანსების ხელმისაწვდომობა და შესაძლებლობები იყო განხილული, როგორც კერძო სექტორის, ისე დონორი ორგანიზაციების მხრიდან. სტუმრები: შოთა გონგლაძე - თიბისის სახელმწიფო პროექტების მართვის ხელმძღვანელი; ნოდარ ბარბაქაძე, თიბისი ლიზინგის საკრედიტო დეპარტამენტის უფროსი; #ახალიამბები #BusinessMediaGeorgia
Forbes Georgia & BMG და Tegeta წარმოგიდგენთ: #ForbesAuto-ს Rimac Nevera-მ Tesla-ს რეკორდი გააუმჯობესა; Lucid-მა მდიდრული ელექტროსედანის, ახალი, დაბალბიუჯეტური ვერსიები წარადგინა; #Toyota-მ ახალი #Prius-ი წარადგინა; #Volkswagen Golf-ის მე-9 თაობა ელექტროძრავით ბრუნდება; პოლონეთი #Volvo-ს მფლობელ Geely-ისთან პარტნიორობით პირველ ადგილობრივ EV-ს შექმნის; #BMW ჩინეთში ელექტრომობილების ელემენტების წარმოების გასაზრდელად $1.4 მილიარდს გამოყოფს.
ფონდი Kettari DataFest Tbilisi 2022-ის პარტნიორი გახდა. მონაცემთა საერთაშორისო ინგლისურენოვანი ფესტივალი DataFest Tbilisi 2022 17-19 ნოემბერს გაიმართა. ის მონაცემთა ყველაზე დიდი ფესტივალია აღმოსავლეთ ევროპასა და ცენტრალურ აზიაში. ღონისძიება სამ დღეს გაგრძელდა და გააერთიანა ადამიანები, რომელთა საქმიანობაც მონაცემებს, მონაცემთა მეცნიერებას და ვიზუალიზაციას უკავშირდება. #ახალიამბები #BusinessMediaGeorgia
"ტერაბანკის" მიერ მხარდაჭერილი კიდევ ერთი ბიზნეს ისტორიის დროა. კომპანია "აგროინვესტზე" უნდა მოგიყვეთ, რომელიც მარნეულის სოფელ ხაიშში მდებარეობს და ერთწლიანი კულტურების, მათ შორის ხორბლის, სიმინდის, ქერის, ხახვის წარმოებით არის დაკავებული. კომპანია ჯამში 200 ჰექტარ მიწას ფლობს. აღსანიშნავია რომ "აგროინვესტმა" სახელმწიფოს მიერ საგრანტო პროგრამის დახმარებით და "ტერაბანკის" დაფინანსებით საკუთარი სასოფლო-სამეურნეო ტექნიკა შეიძინა, ამასთან მან ბანკის ფინანსური მხარდაჭერით სარწყავად 6000 ტონიანი აუზი გააკეთა და სასაწყობო მეურნეობაც მოაწყო. კომპანიის პორტფელში "ტერაბანკის" დახმარებით კიდევ ერთი პროექტია მიმდინარე. აღსანიშნავია ისიც, რომ "აგროინვესტმა" სოფლის განვითარების სააგენტოს მხარდაჭერითაც ისარგებლა, კერძოდ, სააგენტოს საშუალებით ბიზნესმა პროცენტის სუბსიდირებით და გირაოში თანამონაწილეობით ისარგებლა. #ახალიამბები #BusinessMediaGeorgia