მიუხედავად იმისა, ჯერაც რთული შესაფასებელია თუ როგორ აისახება რუსეთ-უკრაინის კონფლიქტი საქართველოზე Galt&taggart;-ი განახლებულ ანგარიშს ამზადებს და უახლოეს დღეებში ან შესაძლოა საათებშიც მისი გაცნობის შესაძლებლობა გვექნება. კონფლიქტის ხანგრძლივობდან გამომდინარე იყო მოლოდინი რომ რეცესია ქვეყნისთვის გარდაუვალი იქნებოდა, მეორე მხრივ ისევ გალტის გუნდის წევრებს რომ დავესესხოთ შესაშური შედეგები აჩვენა ქვეყნის ეკონომიკის ცალკეულმა პარამეტრებმა და ამ ყველაფრის გათვალისწინებით როგორია პროგნოზები მაისის მდგოამრეობით? სტუმარი: ლაშა ქავთარაძე - Galt&Taggart;-ის ეკონომისტი; #ახალიამბები #BusinessMediaGeorgia
განათლება - საგზაო უსაფრთხოებისთვის სტუმარი: დავით მესხიშვილი - საქართველოს ტრანსპორტისა და გზების ასოციაციის ხელმძღვანელი; #ახალიამბები #BusinessMediaGeorgia
Forbes Georgia & BMG და Tegeta Motors წარმოგიდგენთ: #ForbesAuto-ს Aston Martin-ის ვალი მილიარდს მიუახლოვდა; Mercedes-Benz მე-3 დონის ავტოპილოტიანი მანქანების გაყიდვებს იწყებს; ჯასტინ ბიბერი Ferrari-ს "შავ სიაში"; ავტომობილი, რომელსაც ნაბიჯებით სიარული შეუძლია; 69 ტრიალი - Porsche-მ გინესის მორიგი რეკორდი დაამყარა. #ავტოსიახლეები #საქმიანიდილა #ბიზნესმედია #საქმიანები #BMG
გარემოსდაცვითი ზედამხედველობის დეპარტამენტის თანამშრომლებმა ქვეყნის მასშტაბით პარკების მწარმოებელი 51 ობიექტი შეამოწმეს, საიდანაც 37 დაჯარიმდა. ზედამხედველობის დეპარტამენტმა ჯამურად 3 529 675 ცალი, 23 378 კგ პარკი, 8 036 კგ რულონი და პარკებით სავსე 1501 ტომარა დალუქეს. როგორ მიმდინარეობს საქართველოს მთავრობის 472-ე დადგენილების მონიტორინგი და რამდენად ხშირად ჯარიმდებიან საწარმოები თუ რითეილერები? #ახალიამბები #BusinessMediaGeorgia
განახლებადი ენერგიის საერთაშორისო სააგენტოს მიხედვით, ბოლო 10 წელიწადში მსოფლიოში განახლებადი ენერგიის გენერაცია 2-ჯერ გაიზარდა. ჰიდროენერგიას მსოფლიოს განახლებადი ენერგიის წყაროებს შორის ყველაზე დიდი - 40 % უკავია, მზის ენერგიას - 28%, ხოლო ქარის ენერგიას - 27%. ქარის და მზის სადგურები, ერთად აღებული, ელექტროენერგიის სიდიდით მეოთხე წყაროა, ქვანახშირის, გაზისა და ჰიდროს შემდეგ. ემბერის მონახემებით, ქარისა და მზის ენერგიის მოხმარებით ევროპა ლიდერობს. სად არის საქართველო და რონელი ქვეყნები არიან მოწინავე პოზიციაზე? #ახალიამბები #BusinessMediaGeorgia
თიბისიმ ბიზნესის მხარდასაჭერად ქუთაისში, ბიზნესფორუმი მოაწყო, სადაც მცირე და საშუალო ბიზნესის 300-მდე წარმომადგენელი იმყოფებოდა. თიბისი მიერ მოწყობილი რეგიონული ფორუმის მიზანი ადგილობრივი ბიზნესების მხარდაჭერა, სხვადასხვა სექტორში არსებული სიახლეების გაცნობა და ინფორმაციის მიწოდება იყო. პირველი რეგიონული ბიზნესფორუმი, რომელიც 2022 წელს თიბისიმ ჩაატარა, გორში გაიმართა, შეხვედრები წლის განმავლობაში ეტაპობრივად საქართველოს ყველა რეგიონში გაგრძელდება. #ახალიამბები #BusinessMediaGeorgia
რუსი ბიზნესმენების გარდაცვალების ფაქტები #ახალიამბები #BusinessMediaGeorgia
ინფორმაცია კლუბის წარმომადგენლებმა გაავრცელეს. მათივე ცნობით, ამერიკელმა ბიზნესმენმა პარტნიორებთან ერთად „ჩელსი“ 4.25 მილიარდ გირვანქა სტერლინგად შეიძინა. გავრცელებული ინფორმაციის თანახმად, 2.5 მილიარდი გირვანქა სტერლინგი უშუალოდ კლუბის აქციების შეძენას მოხმარდება. როგორც ცნობილია, ეს თანხა გაყინულ საბანკო ანგარიშზე ჩაირიცხება და მთლიანად ქველმოქმედებაში დაიხარჯება. მისი განკარგვა მხოლოდ დიდი ბრიტანეთის მთავრობის ნებართვით იქნება შესაძლებელი. რაც შეეხება დარჩენილ 1.75 მილიარდ გირვანქა სტერლინგს, ეს თანხა „სტემფორდ ბრიჯის“ სტადიონს, კლუბის აკადემიას, ქალთა გუნდსა და „ჩელსის“ ფონდის დაფინანსებას მოხმარდება. #ახალიამბები #BusinessMediaGeorgia
ცნობილი იტალიელი ოსტატის, ჯუზეპე გვარნერის მიერ 1736 წელს დამზადებული ვიოლინო შესაძლოა, Aguttes-ის აუქციონზე 10.5 მილიონ აშშ დოლარად გაიყიდოს. ინსტრუმენტს ვიოლინოების „ლეონარდო და ვინჩის“ უწოდებენ. დღეისათვის ჯუზეპე გვარნერის მიერ დამზადებული მხოლოდ 150-მდე ინსტრუმენტია შემორჩენილი. იტალიელმა ოსტატმა ამ საქმეს მხოლოდ 16 წელი მიუძღვნა, რადგან ადრეულ ასაკში, 46 წლის გარდაიცვალა. Aguttes-ის სააუქციონო სახლის წარმომადგენლების განცხადებით, 10 წელზე მეტი ხანია, რაც გვარნერის ვიოლინო აუქციონზე არ გამოჩენილა. ჟენევაში გაყიდიან ყველაზე დიდ თეთრ ბრილიანტს, რომელიც ოდესმე აუქციონზე გაუტანიათ. Reuters-ის ინფორმაციით, ძვირფას ქვას სააუქციონო სახლი Christie's გაყიდის. ბრილიანტის წონა 228,31 კარატია. მას „კლდეს“ უწოდებენ. ექსპერტების ვარაუდით, ბრილიანტი 30 მილიონ დოლარად გაიყიდება. მასთან ერთად ვაჭრობაზე ყვითელ ბრილიანტს გაყიდიან, რომელსაც „წითელი ჯვრის ბრილიანტი“ ეწოდება. მისი წონა 205, 07 კარატია. აუქციონზე მიღებული თანხის ნაწილი წითელი ჯვრის საერთაშორისო კომიტეტში გადაირიცხება. ვაჭრობა 11 მაისს გაიმართება. #ახალიამბები #BusinessMediaGeorgia
რუსეთ-უკრაინის ომის პარალელურად რუსეთი და ბელორუსი არაერთმა მოქალაქემ დატოვა. მათმა ნაწილმა დროებით საცხოვრებლად საქართველო აირჩია და ბინაც იქირავა. თუმცა ქართველ მესაკუთრეების ნაწილს უცხოელებისთვის ბინის დროებით საკუთრებაში გადაცემა თავის ტკივილად ექცა. უცხოეთის მოქალაქეები შედიან საცოხვრებლებში, შემდეგ კი საფასურს აღარ იხდიან, თუმცა არც ბინას ტოვებენ. პრობლემას საკანონმდებლო ჩანაწერი ქმნის, რომელიც მესაკუთრეს არ აძლევს უფლებას, გამოასახლოს ბინის დამქირავებელი სასამართლოს გარეშე. მაშინ, როგორ შეიძლება ამ პრობლემის მოგვარება და რა უნდა გაითვალისწინონ ბინის მესაკუთრეებმა? სტუმარი: დავით კლდიაშვილი, იურისტი; #ახალიამბები #BusinessMediaGeorgia
საქართველოში ჩამოსული ვიზიტორებისთვის ჯანმრთელობის დაზღვევა სავალდებულო ისევ არ არის. არადა ქართული სადაზღვევო სექტორი დიდი ხანია მის შემოღებას ითხოვს. საკითხი კოვიდ-პანდემიის პიროებებშიც გააქტიურდა - იყო შეხვედრები ჯანდაცვის სამინისტროში, ჯანდაცვისა და დაზღვევის სექტორის წარმომადგენლებთან. დაავადებათა კონტროლის ეროვნული ცენტრის ხელმძღვანელიც აცხადებდა, რომ ტურისტებისთვის მინიმუმ კოვიდ-დაზღვევა სავალდებულო უნდა ყოფილიყო, რათა ტურისტების მკურნალობაზეც პასუხისმეგებლი საქართველოს სახელმწიფო არ ყოფილიყო და ხარჯები ამ მიმართულებით მაინც არ გაეწია, თუმცა საკითხი ბოლომდე არ გავიდა. კოვიდი მილევად რეჟიმში კი არის, თუმცა სპეციალისტები პანდემიის დასასრულზე საუბარს ჯერ ისევ უფრთხიან. ამასობაში საქართველოში ტურიზმი ნელნელა ისევ აქტიურდება. აპრილში საერთაშორისო ტურისტული ვიზიტების რაოდენობამ 182 ათასს გადააჭრაბა. სტატისტიკა აჩვენებს, რომ ტურისტული მოგზაურების 2019 წლის აპრილის თვის მონაცემების 52% აღდგენილია. განიხილება თუ არა ისევ ტურისტებისთვის სავალდებულო დაზღვევის შემორების საკითხი, რომელიც არამხოლოდ კოვიდ ხარჯებს- არამედ სხვა ტიპის გართულებებსაც დაფარავს? სტუმარი: დევი ხეჩინაშვილი - სადაზღვევო ასოციაციის ხელმძღვანელი; #ახალიამბები #BusinessMediaGeorgia
აჭარის სანაპირო ქართველი და საქართველოში ჩამოსული ვიზიტირებისთვის ერთერთი ყველაზე პოპულარული დასვენების ადგილია. მიმდინარე სეზონიდან კი ამისთვის კიდევ ერთი მიზეზი არსებობს - ქობულეთში, სასტუმრო ჯორჯია პალასმა ინდური გამაჯანსაღებელი პროცედურების კომპლექსი შემოგვთავაზა. უძველესი ინდური ცოდნით დამზადებული ზეთები, ბალახები, კვების სპეციალური რეჟიმი და ვარჯიში - სასტუმრო სტუმრებს სხვადასხვა პაკეტს სთავაზობს, სანაცვლოდ კი სტრესისგან გათავისუფლებას და დაადადებების მკურნალობასაც კი გვპირდება. ინდური აიურვედას ცენტრი პირველია საქართველოში და ქობულეთს სრულიად ახალი დანიშნულების ადგილად აქცევს. bm.ge-ს გადამღებ ჯგუფს ჰქონდა საშუალება დეტალურად გასცნობოდა პროცედურებს და საკუთარ თავზეც გამოეცადა ინდური მედიცინის ეფექტურობა. ჩვენი პასუხი ცალსახა და მოკლეა - ეს ნამდვილად მუშაობს. #ახალიამბები #BusinessMediaGeorgia
ამბროლაურელმა ახალგაზრდებმა ინოვაციური იდეის წყალობით ჯიტას საპილოტე რეგიონებში გამოცხადებული 30 000 ლარიანი გრანტი მოიპოვეს და სტარტაპი “Comicsland”-ი დააფუძნეს. სტარტაპის ფარგლებშიც იგეგმება ვებ-პლათფორმის შექმნა სადაც შაბლონური ილუსტრაციებით კომიქსის შექმნა შეგეძლებათ. ასევე შეგეძლებათ შაბლონური დიალოგების შეცვლაც და საბოლოოდ თქვენი გემოვნებით კომიქსის აწყობა. სტუმრები: ოთარ დონაძე - ამბროლაურის N1 საჯარო სკოლის XI კლასის მოსწავლე; თამარ მუსერიძე - ბუგეულის საჯარო სკოლის XI კლასის მოსწავლე; #ახალიამბები #BusinessMediaGeorgia
ტურიზმის ეროვნული ადმინისტრაცია აპრილის სტატისტიკურ მონაცემებს აქვეყნებს, რომლის თანახმადაც, აპრილში საქართველოში 244 ათას 293 საერთაშორისო მოგზაურის ვიზიტი განხორციელდა, ზრდა 2021 წლის აპრილის თვესთან შედარებით 184.9%-ს შეადგენს, საერთაშორისო მოგზაურების აღდგენის კოეფიციენტი 2019 წლის მონაცემებთან შედარებით კი 37.7% პროცენტია, დადებითი დინამიკა პირდაპირპროპორციულად აისახება საჰაერო მიმოსვლაზეც და ქვეყნის საერთაშორისო აეროპორტებში იზრდება, როგორც ავიაკომპანიებისა და მიმართულებების, ასევე მგზავრთნაკადის სტატისტიკა. გარდა ამისა, ფართოვდება და ახლდება ინფრასტრუქტურაც. ეს ყველაფერი ხელს შეუწყობს უფრო მეტი ტურისტის მოზიდვასა და არსბეული კრიზისის დაძლევას. #ახალიამბები #BusinessMediaGeorgia
ვიდეობლოგი წიგნებზე: პატარა ქვეყანა - ლაშა ბუღაძე
ვილდაუს გამოყენებითი მეცნიერებების ტექნიკური უნივერსიტეტი და კავკასიის ტექნოლოგიების სკოლა ციფრული ლოგისტიკის მენეჯმენტის ერთობლივ სამაგისტრო პროგრამას ახორციელებენ, რომელიც ერთობლივ დიპლომს გასცემს. პროგრამა გერმანიის აკადემიური გაცვლის სამსახურის მხარდაჭერით და საქართველოს ლოგისტიკის ასოციაციასთან თანამშრომლობით ხორციელდება. ინგლისურენოვანი სამაგისტრო პროგრამა პირველია რეგიონში, რომელიც ლოგისტიკის მენეჯმენტის მიმართულებით ხორციელდება და სტუდენტებს მულტიდისციპლინური კურიკულუმით და უნიკალური შინაარსით გადამზადების შესაძლებლობას აძლევს. საქართველოს ხელსაყრელი ლოგისტიკური ადგილმდებარეობიდან გამომდინარე უდიდესი პოტენციალი აქვს გახდეს რეგიონული ლოგისტიკური ჰაბი, რაც ხაზს უსვამს იმ ფაქტს, რომ ბაზარზე კვალიფიციურ კადრებზე მოთხოვნა გაიზრდება. შესაბამისად ამ სფეროში პროფესიონალი კადრების მომზადება უმნიშვნელოვანესი კომპონენტია. როგორც აპირებს ამას კავკასიის უნივერსიტეტი ვილდაუს გამოყენებითი მეცნიერებების ტექნიკური უნივერსიტეთან თანამშრომლობით? სტუმრები: კახა შენგელია - კავკასიის უნივერსიტეტის პრეზიდენტი; ჰერბერტ ზონთაგი - TH Wildau-ის გამოყენებითი მეცნიერებების ტექნიკური უნივერსიტეტის კვლევითი ჯგუფის სატრანსპორტო ლოგისტიკის პროფესორი და დოქტორი; გიორგი დობორჯგინიძე - ლოგისტიკის ასოციაციის თავმჯდომარე და ციფრული ლოგისტიკის მენეჯმენტის სამაგისტრო პროგრამის ხელმძღვანელი. #ახალიამბები #BusinessMediaGeorgia
გასულ უქმეებზე დმანისის რაიონის სოფელ სარკინეთში “შვეიცარიული აგრარული სკოლა კავკასიას' პრეზენტაცია გაიმართა. სკოლა მეცხოველეობასა და რძის გადამუშავებაშია სპეციალიზირებული, მისი მთავარი პარტნიორი კი შვეიცარიაში ყველაზე წარმატებული აგრარული სკოლა - პლანტაჰოფია. 2021 წლიდან კოლეჯი ავტორიზებულია განათლების სამინისტროს მიერ და ახორციელებს ორ პროფესიულ პროგრამას: ფერმერი და რძის პროდუქტების წარმოება. გარდა ამისა, ფერმერებსა და მოყვარულებს კოლეჯი მოკლევადიან ტრენინგებსაც სთავაზობს. კოლეჯის ტერიტორიაზე ფუნქციონირებს მეცხოველეობის ფერმა და შვეიცარიული სტანდარტების შესაბამისი თანამედროვე ყველის ქარხანა.კოლეჯის ოფიციალური გახსნის ცერემონიას „საქმიანი დილის“ გადამღები ჯგუფიც ესწრებოდა. #ახალიამბები #BusinessMediaGeorgia
რამდენიმე დღის წინ სამხრეთ კავკასიაში მსოფლიო ბანკის რეგიონულმა დირექტორმა, სებასტიან მოლინეუსმა თქვა, რომ კორონავირუსის პანდემიის პერიოდში სკოლების დახურვის გამო, შესაძლებელია, 12-წლიანი სწავლება ხარისხით 7,4- წლიან სწავლებას გაუტოლდეს. მისივე შეფასებით, შესაძლოა, სკოლების დახურვამ ასევე გამოიწვიოს საქართველოს შედეგის 8 ქულით შემცირება PISA-ს საერთაშორისო შეფასებებში. აუდიტის სამსახურის ინფორმაციით, COVID-19-ის პანდემიამ განათლების სისტემა ახალი გამოწვევების წინაშე დააყენა და სამსახურის მიერ ჩატარებული ეფექტიანობის აუდიტის მიხედვით, რომელიც იმის დასადგენად ჩატარდა, რამდენად უზრუნველყოფილი იყო საჯარო სკოლებში დისტანციური სწავლების ეფექტიანად წარმართვა. აღმოჩნდა, რომ ერთ-ერთ მთავარ გამოწვევად რჩება ხარისხიანი განათლების ხელმისაწვდომობა, რადგან ქვეყნის მასშტაბით მოსწავლეების გარკვეულ ნაწილს არ გააჩნია დისტანციური სწავლებისთვის საჭირო რესურსები − კომპიუტერები და ინტერნეტი. პრობლემა იყო ცალკეული საგნის პედაგოგებსი მხრიდან ერთდროულად რამდენიმე საგნის მასწავლებლობა, მათ შორის ისეთის რომელშიც შესაბამისი კომპეტენცია არ ჰქონდათ. რა წინაპირობებია საჭირო იმისთვის, რომ საგანგებო მდგომარეობების დროს განათლება იყოს უწყვეტი ყველა მოსწავლისთვის და როგორ უნდა გაუმჯობესდეს განათლების ხელმისაწვდომობა, − რა მიგნებები აქვს სახელმწიფო აუდიტორებს და რა რეკომენდაციები მოამზადეს განათლების სამინისტროსთვის? სტუმარი: მარიამ ზაალიშვილი - სახელწიფო აუდიტის სამსახურის სოციალური სფეროს აუდიტის დეპარტამენტის დირექტორის მოადგილე; #ახალიამბები #BusinessMediaGeorgia
რა ღირს მედიკამენტები? #ახალიამბები #BusinessMediaGeorgia
როგორია განათლების ხარისხი? #ახალიამბები #BusinessMediaGeorgia
#საქმიანიდილა - ანნა ლაპიაშვილის პროლოგი - 9 მაისი ჩინეთის IT კომპანიები რუსეთში საქმიანობას წყვეტენ; FSB: IQ-ში რუსეთი 4 მლნ-მა მოქალაქემ დატოვა; FSB: საქართველომ IQ-ში 38 281 რუსი მიიღო; უკრაინის WB-ისგან $1.5 მლრდ-ს მიიღებს; უკრაინის ეკონომიკის ზარალი ომისგან: $560 მლრდ; რუსების განადგურებული აქტივები უკრაინაში: $80 მლრდ; #BMG #ბიზნესმედია #საქმიანები #ახალიამბები #BusinessMediaGeorgia
რამდენიმე დღის წინ „მაკდონალდს საქართველოს“ ვაკის ფილიალის დირექტორი რეი კროკის პრესტიჟული საერთაშორისო ჯილდოს მფლობელი გახდა საქართველოს კიდევ ერთი აღიარება საერთაშორისო ასპარეზზე - ევროპის დივიზიონის მასშტაბით საქართველო ერთადერთი ქვეყანა გახდა, რომელმაც „მაკდონალდსის“ ფრენჩაიზებისთვის დაწესებული ფრედ ტერნერის სახელობის პრესტიჟული ჯილდო - „ოქროს თაღი“ მიიღო. ამ აღიარებით „მაკდონალდს საქართველო“ გლობალურად მსოფლიოში მაკდონალდსის ფრენჩაიზების იმ 1%-ში მოხვდა, ვისაც ეს ჯილდო ერგო. კომპანიაში ამბობენ, რომ ეს არა მხოლოდ მათი, არამედ მთელი ქვეყნის გამარჯვებაა. ამ მიღწევით კიდევ ერთხელ დადასტურდა, რომ საქართველოს ღირსეულად უკავია ადგილი მსოფლიოს რუკაზე როგორც ქვეყანას, სადაც ბიზნესი წარმატებით ვითარდება. თენგიზ კაპანაძე - “მაკდონალდს საქართველო”-ს გენერალური დირექტორი; თემურ ჭყონია - ბიზნესმენი; #ახალიამბები #BusinessMediaGeorgia
✔ზელენსკის ქურთუკი $110 ათასად; ✔12 წლის ბრიტანელის დახმარება უკრაინას; ✔იტალიაში პუტინის იახტა დააკავეს. #ახალიამბები #BusinessMediaGeorgia
თიბისი კაპიტალის სწრაფადბრუნვადი სამომხმარებლო პროდუქციით ვაჭრობის სექტორის განახლებული მიმოხილვის თანახმად, პანდემიურ პერიოდში, 2020 წელს, სექტორი რეკორდული 26%-ით გაიზარდა, 2021 წელს კი 22%-იანი წლიური ზრდა დაფიქსირდა. სწრაფადბრუნვადი პროდუქციის ბაზრის უდიდესი ნაწილი ისევ არაორგანიზებულია, თუმცა 2021 წლის მონაცემებით, ორგანიზებული ბაზრის წილმა საქართველოში რეკორდულ 31%-ს მიაღწია. გასულ წელს ორგანიზებული ბაზრის შემოსავლები 31%-ით, 3.7 მილიარდ ლარამდე გაიზარდა. შემოსავლების 85% შვიდ მსხვილ რითელ კომპანიაზე ნაწილდება. 2021 წელს დაფიქსირებული ზრდის მამოძრავებელ ძირითად ფაქტორად ანალიტიკოსები ახალი ფილიალების გახსნას ასახელებენ. რითეილ სექტორის წარმომადგენლები მოვიკითხეთ, ისინი დადებით პროგნოზებს აკეთებენ, თუმცა ამ ეტაპზე ყველაზე მეტად ფასების ზრდის საკითხი აღელვებთ. #ახალიამბები #BusinessMediaGeorgia
ბიზნესმენი უჩა მამაცაშვილი ანტიკორუფციულ ორგანიზაციას უჩივის და მორალური ზიანის ანაზღაურებისთვის კომპენსაციის სახით 150 000 ლარს ითხოვს. "ანტიკორუფციულმა ორგანიზაციამ" ის ე.წ. ქოლცენტრების თაღლითური სქემის 4 მთავარ მფარველს შორის დაასახელა და ამბობენ, რომ აღნიშნული საქმიდან მამაცაშვილი მილიარდობით ლარს იღებს. ანტიკორუფციული ცენტრის დამფუძნებელი ამბობს, რომ სასამართლოსთვის მიმართვა სტრატეგიაა, რომლითაც მომჩივანი მხარე მათთვის დისკომფორტის შექმნას ცდილობს. რას ფიქრობს თავად ბიზნესმენი და მისი წარმომადგენელი? სტუმარი: ამირან გიგუაშვილი - ადვოკატი #ახალიამბები #BusinessMediaGeorgia
„აი დი ეს ბორჯომმა“ რეორგანიზაციის შედეგად ორივე ქარხნის 685 დასაქმებულიდან 49 ადამიანი გაათავისუფლა. საწარმოს გაჩერების შემდეგ დაწყებული რეორგანიზაციის გამო “აი დი ეს ბორჯომი საქართველოში” დასაქმებულებსა და დამსაქმებელს შორის მედიაციის პროცესის დაწყებასთან დაკავშირებით პროფკავშირის თავმჯდომარემ, ჯანდაცვის სამინისტროში განცხადება შეიტანა. პროფკავშირების ინფორმაციით, კომპანიაში დასაქმებულ პირებს დამსაქმებლის მიერ შეთავაზებულ ხელშეკრულებაზე ხელმოწერის ვადად 3 მაისი ჰქონდათ, ახალ პირობებზე ხელშეკრულების არმოწერის შემთხვევაში კი კომპანია რეორგანიზაციას დაიწყებდა. რამდენი ადამიანი დათანხმდა კომპანიასთან ახალი პირობებით თანამშრომლობას და ხომ არ დაიწყო კომპანიაში რეორგანიზაციის პროცესი? სტუმარი: გიორგი დიასამიძე - აგრარული მეურნეობის, ვაჭრობისა და მრეწველობის პროფკავშირის თავმჯდომარე; #ახალიამბები #BusinessMediaGeorgia
სუპერმატკეტების ქსელი „მაგნიტი“, რომელიც ქვეყნის მასშტაბით ყველა რეგიონშია წარმოდგენილი, ახალი პროექტი „მაგნიტის წარმოება“ დაიწყო. 2000 კვადრატულ მეტრზე განთავსებულ საწარმოში ჯანსაღი და ეკოლოგიურად სუფთა პროდუქცია მზადდება და რამდენიმე ხაზს აერთიანებს.საწარმო საქართველოში სიდიდით ერთ-ერთი პირველია და 500-მდე დასაქმებულს აერთიანებს. სტუმარი: ია ნადირაშვილი - „მაგნიტის“ აღმასრულებელი დირექტორი #ახალიამბები #BusinessMediaGeorgia
#partnerships4SUSTAINABILITY: სექტორთაშორის თანამშრომლობა ექსპორტის წახალისების მხარდასაჭერად სტუმრები: სალომე ზურაბიშვილი - გლობალური შეთანხმების საქართველოს ქსელის აღმასრულებელი დირექტორი; ნიკა მამუკელაშვილი - "აწარმოე საქართველოს" ექსპორტის დეპარტამენტის ხელმძღვანელი; გიგი გაჩეჩილაძე - კომპანია "მკისას" აღმასრულებელი დირექტორი; #ახალიამბები #BusinessMediaGeorgia
უძრავ ქონებაზე ფასები იზრდება, მათ კი ვინც საბურთალოზე ბინის შეძენით არის დაინტერესებული, კომპანია „არკონ დეველოპმენტი“ უნივერსიტეტის ქუჩაზე მდებარე პროექტში განსაკუთრებულ პირობას სთავაზობს. 18 მაისამდე დიდი ფართის ბინების შეძენის შემთხვევაში 18 ათასს ლარამდე ფასდაკლება მოქმედებს. ასევე მაისის ბოლომდე ყველა დარჩენილ ბინაზე იმოქმედებს წინასწარი გაყიდვების ფასიც. გაძვირებული მშენებლობა და მოლოდინი რომ ეს პროცესი მომავალშიც გაგრძელდება რეალობაა რა არის ახლა საუკეთესო არჩევანი უძრავი ქონების პოტენციური მყიდველისთვის? რამდენად საინტერესოა ამ მიმართულებით ინვესტირება და რა მოლოდინი შეიძლება გვქონდეს ბაზართან დაკავშირებით? სტუმარი: თამარ მაშავა - "არეა ჯგუფი"-ს პარტნიორი, დირექტორი; #ახალიამბები #BusinessMediaGeorgia
BMG & Jeep Georgia წარმოგიდგენთ: #BMGDRIVE-ს ✔„სტარტაპების საწყის ეტაპზე ქართველი ინვესტორების ნდობა გაჩნდა“ ✔რა მიმართულებით იქმნება ყველაზე ინოვაციური იდეები? ✔26 მლნ ლარი პირდაპირი დაფინანსება სტარტაპებს - როგორ ზომავს “#GITA” ეფექტიანობას?! ✔„ფული ყველაზე ნაკლები პრობლემაა, რაც ქართულ სტარტაპ ეკოსისტემას აქვს“ ✔„საინტერესო სტარტაპ პროექტები, #GOOGLE-ში დასერჩვით არ იწყება“ BMGDRIVE-ის მგზავრი: ავთანდილ კასრაძე - GITA-ს თავჯდომარე; ავტორები: ბექა ბაციკაძე; რატი კაციტაძე; რევაზ ნასიძე; #სტარტაპი #სტარტაპერი #Jeep
"თიბისი კაპიტალმა" რეგიონში ობლიგაციების ბაზრის პირველი ინდექსი გამოსცა, რომელიც ბაზრის შედეგიანობას ასახავს. სუვერენული ობლიგაციების ინდექსი რეგიონის 10 ქვეყნის მიერ გამოშვებულ 26 სუვერენულ ევროობლიგაციას ფარავს. 2022 წელს თიბისი კაპიტალის ინდექსის მომგებიანობა შემცირებულია, როგორც რეგიონში არსებული გეოპოლიტიკური მდგომარეობის, ასევე დოლარში საპროცენტო განაკვეთების ზრდის მოლოდინის გამო. ამავე მიზეზების გამო, ინდექსის მომგებიანობა ჩამოუვარდება მსოფლიოში ობლიგაციების ბაზრის სხვა ინდექსების მომგებიანობას. ინდექსების მომგებიანობას თიბისი კაპიტალი ყოველკვირეულად დაინაგარიშებს და 2 კვირაში ერთხელ, რეგიონული ობლიგაციების ბაზრის განახლებული რეპორტის საშუალებით გამოაქვეყნებს. თიბისი კაპიტალის რეგიონული ობლიგაციების ბაზრის უახლეს რეპორტს გაეცანით ბმულზე. სტუმარი: თორნიკე მჭედლიშვილი - თიბისი კაპიტალის საბროკერო მიმართულების ვიცე-პრეზიდენტი; #ახალიამბები #BusinessMediaGeorgia
#ახალიამბები #BusinessMediaGeorgia
#საქმიანიდილა - 6 მაისი - პროლოგი #ახალიამბები #BusinessMediaGeorgia
“საქართველოს ავტოიმპორტიორთა ასოციაციის” ინფორმაციით, 2021 წელს ქვეყანამ უკრაინიდან რეექსპორტირებული ავტომობილებით ჯამში 88 მლნ დოლარის შემოსავალი მიიღო. ასოციაციის დამფუძნებლის თქმით, წელს უკრაინის ბაზარი დაკარგულად ითვლება, ხოლო რუსეთ-უკრაინის ომის გამო ახლა ბაზრების ხელახლა გადალაგების პროცესი მიმდინარეობს. თუ ადრე ავტმობილების რეექსპორტში მეორე ადგილს უკრაინის ბაზარი იკავებდა, ახლა მას შუა აზიის ქვეყნები ანაცვლებს. #ახალიამბები #BusinessMediaGeorgia
მაისური, რომელიც ლეგენდარულ არგენტინელ ფეხბურთელს, დიეგო მარადონას 1986 წელს მსოფლიო ჩემპიონატის მეოთხედფინალში ინგლისის წინააღმდეგ მატჩის დროს ეცვა, Sotheby’s-ის აუქციონზე რეკორდულ ფასად, $9.3 მილიონად გაიყიდა. აღსანიშნავია, რომ სწორედ ამ შეხვედრაში გაიტანა მარადონამ საკამათო გოლი, რომელსაც „ღმერთის ხელი“ შეარქვეს. Sotheby’s-ის ცნობით, მაისურისთვის უმაღლესი შეთავაზება დაახლოებით 8.9 მილიონი აშშ დოლარი იყო, რომელიც საკომისიოების გათვალისწინებით $9.3 მილიონამდე გაიზარდა. ეს არის ყველაზე მაღალი ფასი, რაც კი აუქციონზე სპორტულ სამახსოვრო ნივთში ოდესმე გადაუხდიათ. აქვე გეტყვით, რომ მარადონას 10-ნომრიანი მაისურის გაყიდვას სააუქციონო სახლი მინიმუმ $5.2 მილიონად იმედოვნებდა. აუქციონზე მაისური ინგლისის საფეხბურთო ნაკრების ყოფილმა ნახევარმცველმა, სტივ ჰოჯმა გამოიტანა. მან 1986 წლის მსოფლიო ჩემპიონატის მეოთხედფინალური შეხვედრის დასრულების შემდეგ, ფეხბურთში არსებული ტრადიციის შესაბამისად, საკუთარი მაისური არგენტინელ ლეგენდას გაუცვალა. შეგახსენებთ, რომ მატჩი სამხრეთამერიკელების გამარჯვებით, 2:1 დასრულდა. შედეგად, არგენტინა მსოფლიო ჩემპიონატის ფინალში გავიდა, სადაც მან გერმანია დაამარცხა. #ახალიამბები #BusinessMediaGeorgia
2022 წლის იანვარ-მარტში წინა წლის ანალოგიურ პერიოდთან შედარებით, ბინებზე ფასი 4.5%-ით, ხოლო კერძო სახლებზე 1%-ით გაიზარდა. საქსტატის ინფორმაციით, 2022 წლის პირველ კვარტალში, წინა კვარტალთან შედარებით საცხოვრებელი უძრავი ქონების ფასების ინდექსი (RPPI) 4.2 პროცენტით მეტია, ხოლო ინდექსის წლიურმა ზრდამ 3.4 პროცენტი შეადგინა. ინდექსის დაფარვა შემოიფარგლება თბილისით და მოიცავს მხოლოდ ახალი საცხოვრებელი უძრავი ქონების ბაზარს, როგორც მრავალსართულიანი სახლების (ბინების), ისე კერძო სახლების სეგმენტებს. უძრავ ქონებაზე ფასების 10-15%-იან ზრდაზე დეველოპერული სექტორი ჯერ კიდევ წლის დასაწყისში საუბრობდა თუმცა მას შემდეგ რაც ომი დაიწყო, ვითარება კიდევ შეიცვალა. იმის გამო, რომ ძირითადი სამშენებლო მასალა უკრაინიდან შემოდიოდა და ომის გამო იმპორტი შეფერხდა, ფასები მაგალითად არმატურაზე 20%-მდე გაიზარდა, 15%-მდე გაძვირდა ბეტონი და სხვადასხვა სამშენებლო მასალა, 20%-ით მოიმატა მუშახელის ფასმაც, რამაც ჯამურად უძრავი ქონების თვითღირებულება გაზარდა. სტუმრები: ბესო ორთოიძე - კომპანია "არსის" გენერალური დირექტორი; ეთუნა მუნჯიშვილი - "ქოლიერს ინთერნეიშენალის" დეველოპმენტ კონსალტინგის ხელმძღვანელი. #ახალიამბები #BusinessMediaGeorgia
კორონავირუსის პანდემიის პერიოდში სკოლების დახურვის გამო, შესაძლებელია, 12-წლიანი სწავლება ხარისხით 7,4-წლიან სწავლებას გაუტოლდეს - ეს განცხადება სამხრეთ კავკასიაში მსოფლიო ბანკის რეგიონული დირექტორს, სებასტიან მოლინეუსს ეკუთვნის, რომელიც აცხადებს, რომ სკოლების დახურვამ შესაძლოა PISA-ს საერთაშორისო შეფასებებში საქართველოს შედეგის 8 ქულით შემცირება გამოიწვიოს. იმისთვის რომ ვიცოდეთ რა უნდა გავაკეთოთ პირველ რიგში მნიშვნელოვანია მიყენებული ზარალის ზუსტი შეფასება, შემდეგ კი სასწავლო პროგრამების დროული მორგება თანამედროვე გამოწვევებზე. სად ვართ და რა გადაწყვეტები უნდა იქნას მიღებული? სტუმარი: გიორგი მელაძე - "სკოლა ნიუტონის" დირექტორი; #ახალიამბები #BusinessMediaGeorgia
რითეილ ასოციაციის წევრმა კომპანიებმა გაეროს გლობალური შეთანხმების საქართველოს ქსელის მიერ დაარსებული 60 საათიანი სასერთიფიკატო კურსი მდგრადობის აკადემიაში წარმატებით დაასრულეს და შესაბამისი სერტიფიკატები მიიღეს. თითოეული მოდული, რომელიც მონაწილეებმა გაიარეს, გათვლილია კორპორაციული მდგრადობის პრინციპების დანერგვასა და განვითარებაზე, სრულ თანხვედრაშია გაეროს გლობალური შეთანხმების ათ პრინციპთან და საერთაშორისო დონეზე აღიარებულ სხვა სახელმძღვანელო სტანდარტებთან. კურსი მორგებულია საქართველოში მოქმედი ბიზნესის, საჯარო და არასამთავრობო სექტორის საჭიროებებზე. სექტორი მიღებული გამოცდილებისა და ცოდნის რეალიზაციას, მომავალში სხვადასხვა ერთობლივი თუ ინდივიდუალური პროექტებით გეგმავს. სტუმრები: ქრისტინა ბარამიძე - კომპანია "ზღაპარის" მარკეტინგისა და საზოგადოებასთან ურთიერთობის დეპარტამენტის ხელმძღვანელი; ნინო ჭკუასელი - კომპანია ფუდმარტის (სპარის) პროექტებისა და კომუნიკაციის მენეჯერი. #ახალიამბები #BusinessMediaGeorgia
USAID-ის პროგრამის დამსაქმებლები პროფესიული განათლებისთვის დაფინანსებით, საქართველოს ბიზნეს ასოციაცია ფინური პროფესიული განათლების საუკეთესო პრაქტიკის დანერგვას საქართველოში ინოვაციური პარტნიორული მოდელის პილოტირების გზით გეგმავს, რისთვისაც მხარეებმა საგრანტო ხელშეკრულება გააფორმეს და მიზნად საერთაშორისო პარტნიორის დახმარებით სამეწარმეო უნარების განვითარების ახალი მოდელის შექმნას ისახავენ, რაც ასოციაციას გადაჭრას წევრი კომპანიებისათვის პროფესიული უნარების მქონე კადრების დეფიციტის პრობლემის გადაჭრას მოემსახურება. რაში მდგომარეობს ახლებური მიდგომა და როგორ ითანამშრომლებენ BAG და USAID სტუმრებთან ერთად მოგიყვებით. სტუმრები: ლევან ვეფხვაძე - "საქართველოს ბიზნეს ასოციაცია", აღმასრულებელი დირექტორი; ირინა წეროძე - USAID-ის პროგრამა დამსაქმებლები პროფესიული განათლებისთვის, კერძო სექტორის ჩართულობის კომპონენტის ხელმძღვანელი; #ახალიამბები #BusinessMediaGeorgia
11 მაისს მონეტარული პოლიტიკის კომიტეტის სხდომაა ჩანიშნული უნდა ველოდოთ თუ არა რეფინანსირების განაკვეთის კიდევ ზრდას, რაც ამ დროისთვის 11% ზეა, ეროვნული ბანკის პრეზიდენტი ამბობს რომ მონეტარული პოლიტიკა გამკაცრდება იქამდე, ვიდრე არ დავინახავთ ნიშნებს, რომ ინფლაციის მოლოდინები არის მოთოკილი. ინფლაცია მხოლოდ საქართველოს პრობლემა არ არის, ეროვნული ბანკის პრეზიდენტი ამბობს, რომ ინფლაციაზე გავლენა ორმა შოკმა მოახდინა, პირველი ეს იყო პანდემია, შემდეგ კი რუსეთის უკრაინაში შეჭრა. მან აღნიშნა, რომ ეს გლობალური პრობლემაა. სტუმრები: ოთარ ნადარაია - "თიბისი", მთავარი ეკონომისტი; ირაკლი მაკალათია - BMG-ის ანალიტიკოსი, ეკონომიკის დოქტორი; #ახალიამბები #BusinessMediaGeorgia
#საქმიანები: პროფესიონალი “მეჩურჩხელე” - “ბადაგის” ჩურჩხელების საწარმო ვახტანგ ყაჯრიშვილი - " ბადაგის" დამფუძნებელი; ავტორები: მანანა მანჯგალაძე, ედგარ ყაზახაშვილი, ლადო ცხადაია #ახალიამბები #BusinessMediaGeorgia
“ანტიკორუფციული მოძრაობა“ საავტომობილო გადაზიდვების ნებართვების გაძვირებასთან დაკავშირებით საქართველოს პარლამენტს მიმართავს, რომ ეკონომიკის მინისტრის და სახმელეთო ტრანსპორტის სააგენტოს ხელმძღვანელის პარლამენტში დაბარება და რეგულაციის ძალაში შესვლის შეჩერება მოხდეს სტუმრები: ვასილ ურუშაძე - "ანტიკორუფციული მოძრაობის" წევრი; ლაშა ფარულავა - "ანტიკორუფციული მოძრაობის" წევრი. #ახალიამბები #BusinessMediaGeorgia
საქართველოში მოქმედი თამბაქოს რეალიზატორი კომპანიები ალტერნატიული ბაზრების მოძიების პროცესში არიან. ისინი თამბაქოს იმპორტისთვის ევროკავშირის წევრ და მეზობელ ქვეყნებს განიხილავენ. აღნიშნავენ, რომ ამ ეტაპზე თამბაქოს მარაგები აქვთ, რაც ბაზარზე პროდუქტის დეფიციტის შექმნის საფრთხეს გამორიცხავს, თუმცა მარაგების ამოწურვის შემდეგ ახალ ბაზრებზე გადაერთვებიან. ზოგიერთი ექსპერტი დაახლოებით ორ თვეში კი თამბაქოზე ფასის 20%-ით ზრდასაც არ გამორიცხავს. #ახალიამბები #BusinessMediaGeorgia
აშშ-ის კალიფორნიის შტატში დაფუძნებული კომპანია Orbital Assembly Corporation-ი, რომელიც NASA-ს ვეტერანების მიერ იმართება, აანონსებს, რომ 2025 წელს კოსმოსში ტურისტებისთვის სასტუმრო გაიხსება, სადაც სტუმრები სრული კომფორტით ისარგებლებენ, როგორიცაა: აბაზანები, სპორტული დარბაზები, თემატური რესტორნები, დედამიწის კოსმოსიდან დასათვარიელებლად განკუთვნილი ლაუნჯები, ბარები და კონცერტებიც კი. კომპანია გვამცნობს, რომ მათ საშუალება ექნებათ 400 სტუმარი მიიღონ. პარალელურად მეორე პროექტზეც მიმდინარეობს მუშაობა, სადაც საოფისე ფართები კეთდება და დასრულების შემდეგ გაქირავდება, თუმცა აბობენ რომ ეს ყველაფერი მხოლოდ მდიდრების პრეროგატივა არ იქნება და კოსმოსში მოგზაურობა ხელმისაწვდომი გახდება ყველასთვის. რა გეგმა აქვთ და როდის ან რანაირად შევძლებთ მოგზაურობას დედამიწის ფარგლებს გარეთ? #ახალიამბები #BusinessMediaGeorgia
გუშინ, 4 მაისს, სასტუმრო “ბილტმორში” სან დიეგოს სახელმწიფო უნივერსიტეტი საქართველოს ორგანიზებით, დასაქმების გამოფენა მოეწყო, რომელშიც არაერთი კერძო და საჯარო ორგანიზაცია მონაწილეობდა. გამოფენის მიზანი კომპანიების და წარმატებული სტუდენტების ერთმანეთთან დაკავშირებაა. რა შესაძლებლობები მიეცათ გამოფენაზე სტუდენტებსა და მათ პოტენციურ დამსაქმებლებს? #ახალიამბები #BusinessMediaGeorgia
#საქმიანიდილა - 5 მაისი - პროლოგი #ახალიამბები #BusinessMediaGeorgia
მაკდონალდს საქართველო უკვე 22 წელია საქართველოში მომსახურების სფეროსა და ბიზნესსექტორში ახალ სტანდარტებს აწესებს. ჯანსაღი სამუშაო გარემოსა და ადამიანებზე ორიენტირებული მიდგომების წყალობით კი იგი მუდმივად იღებს პრესტიჟულ გლობალურ ჯილდოებსა და აღიარებას. მაკდონალდსმა მსოფლიო ექსპერტებთან ერთად ჩაატარა მასშტაბური კვლევა და შეიმუშავა ბრენდის სტანდარტები, რომლებიც მას უსაფრთხოების შენარჩუნებასა და ადამიანებზე ორიენტირებული მიდგომების გაძლიერებაში ეხმარება. აღნიშნული სტანდარტები მსოფლიოს გარშემო მაკდონალდსის რესტორნებში ინერგება, მაკდონალდს საქართველო კი, ამ სტანდარტების დანერგვის სისწრაფის თვალსაზრისით, მოწინავე ადგილს იკავებს. კომპანიის მიერ დანერგილი ჯანსაღი, ადამიანებზე ორიენტირებული სამუშაო გარემოს შედეგია კიდევ ერთი გლობალური აღიარება, რომელიც მაკდონალდს საქართველომ მოიპოვა. ეს რეი კროკის სახელობის პრესტიჟული ჯილდოა. იგი მაკდონალდსის რესტორნების იმ მენეჯერების წვლილის აღიარებაა, რომლებიც რესტორნის საუკეთესო ფუნქციონირებას, იქ მომუშავე გუნდის ეფექტურ და მომხმარებლის კმაყოფილებაზე ორიენტირებულ მუშაობას უზრუნველყოფენ, ასევე ზრუნავენ დასაქმებული ადამიანებისთვის საუკეთესო სამუშაო ატმოსფეროს შექმნაზე. #ახალიამბები #BusinessMediaGeorgia
უნიკალური ოპერაცია ისრაელში - 12 საათი საოპერაციო მაგიდაზე ცალკე იყო განთავსებული პაციენტის თავი და ტანი #ახალიამბები #BusinessMediaGeorgia
საქართველოში ციფრული ლარის საპილოტე პროგრამის გაშვება 2022 წლის ბოლომდე იგეგმება. ციფრული ვალუტისა და დეცენტერალიზებული ფინანსების საკითხებზე დღეს გამართულ კონფერენციაზე ისაუბრეს, რომელიც საქართველოს ეროვნული ბანკის, USAID-ის ეკონომიკური უსაფრთხოების პროგრამისა და მსოფლიო ბანკის მონაწილეობით გაიმართა. საკითხის აქტუალურობიდან გამომდინარე აღნიშნულ საკითხზე დიალოგის წამოწევა საერთაშორისო აქტორების ჩართულობით, ხელს უწყობს ყველა დაინტერესებული მხარის გათვითცნობიერებას ციფრული და ტექნოლოგიური ფინანსების შესახებ და განაპირობებს ციფრული ვალუტის უპირატესობების წარმოჩენას. რა არის ციფრული ვალუტა და რა შესაძლებლობებს ხსნის ის ქვეყნისთვის? #ახალიამბები #BusinessMediaGeorgia