საქართველოში იმპორტირებულ ავტომობილებზე ფასები გაიზარდა. დაკორექტირებულია, როგორც ახალი, ასვე მეორადი ავტომობილების ღირებულება. საქართველოში მოქმედი მსხვილი კომპანიების წარმომადგენლები აღნიშავენ, რომ ფასის ზრდას რამდენიმე განმაპირობებელი მიზეზი აქვს. მათ შორისაა, გაძვირებული ლოგისტიკა და მიკროჩიპების წარმოების შეფერხებით მოთხოვნა-მიწოდების ჯაჭვის რღვევა. ანუ, ბაზარზე ავტომობილების შესყიდვაზე მოთხოვნა გაზრდილია, თუმცა დეფიციტურობიდან გამომდინარე მწარმოებლების მიერ ბაზრისთვის მისი სასურველი ოდენობით მიწოდეა ვერ ხერხდება. #ახალიამბები #BusinessMediaGeorgia
რუსეთ-უკრაინის ომის და მოსალოდნელი სტაგნაციის მიუხედავად, საერთაშორისო სავალუტო ფონდის პროგნოზით, 2022 წლის ბოლოს გლობალური ეკონომიკა ნომინალური ღირებულებით 104 ტრილიონ დოლარს მიაღწევს. 1871 წლიდან დღემდე მსოფლიოს ყველაზე დიდი ეკონომიკის მქონე ქვეყნებში ლიდერ პოზიციას აშშ იკავებს, თუმცა 2030 წლისთვის ეკონომისტები ელიან, რომ აშშ-ს ჩინეთი ჩაანაცვლებს. ამასთან, ევროზონაში ყველაზე სწრაფად მზარდი ეკონომიკა ირლანდიას აქვს; ხოლო ზრდის ყველაზე პატარა ეკონომიკის სტატუსს ტუვალუ იკავებს. #ახალიამბები #BusinessMediaGeorgia
გაეროს მოსახლეობის ფონდის საქართველოს ოფისსა და „თეგეტა ჰოლდინგს“ შორის ურთიერთთანამშრომლობის მემორანდუმი გაფორმდა. მემორანდუმის თანახმად, მხარეები თანხმდებიან, სამუშაო ადგილზე ოჯახზე ორიენტირებული და გენდერულად სენსიტიური პოლიტიკის დანერგვის მიმართულებით ითანამშრომლონ, რაც ქალების ეკონომიკურ მონაწილეობას და გაძლიერებას, შრომით ბაზარზე მათი პოტენციალის რეალიზების ხელშეწყობას და ზოგადად, პასუხისმგებლიანი მშობლობის ინსტიტუტის ხელშეწყობას ემსახურება. ასევე, მემორანდუმის ფარგლებში, „თეგეტა“ კამპანიას „კაცები ზრუნავენ“ მხარს დაუჭერს, რომელიც გაეროს მოსახლეობის ფონდის საქართველოს ოფისის ინიციატივით, 2016 წლიდან ხორციელდება და მიზნად ისახავს კაცების, როგორც მზრუნველი და თანასწორი პარტნიორებისა და მამების ჩართულობის გაზრდას გენდერული თანასწორობის მიღწევის პროცესში. პრიორიტეტს ასევე წარმოადგენს მოზარდი გოგოების გაძლიერება ინფორმირებულობის გაზრდისა და ახალი შესაძლებლობების გაჩენის გზით. გაეროს მოსახლეობის ფონდის საქართველოს ოფისსა და „თეგეტა ჰოლდინგს“ შორის გაფორმებული მემორანდუმის ფარგლებში დაგეგმილი ღონისძიებების განხორციელება 2022 წლის ივლისიდან დაიწყება. #ახალიამბები #BusinessMediaGeorgia
თელავივის უნივერსიტეტში კვლევა ჩაატარეს, სადაც დაასკვნეს რომ მამაკაცები სიცხეში უფრო სუქდებიან, ვიდრე წელიწადის სხვა დროს, ანუ არა ზაფხულის პერიოდში. ისრაელელმა მკვლევარებმა და მეცნიერებმა ისიც გამოიკვლიეს, რომ მამაკაცები წონას ზაფხულში უფრო მეტად იმატებენ სწორედ სიცხის გამო, რადგან - ამ დროს ვიწყებთ მეტი კალორეიბს მიღებას,დ ა იწყება ე.წ. შიმშილი ჰორმონის, შიმშილის ჰორმონის დიახ, გამოყოფა და მას გრელინის ჰორმონი ჰქვია. ეს ყოფილა ჩვენი მტერი და ქართვეთყლაპია, ღიპების და ცელულიტური სხვა წარმონაქმებისა. დაიმახსოვრეთ ეს სახელი გრელინი, გრელისნ ჰორმონი. და მერე, რომ ვიკითხე - რატომ მარტო მამაკაცები, და რა ხდება ასეთი რაც ზაფხულში ხელს უშლის ყველაზე მშვენიერი სქესის გასუქებას, აღმოვაჩინე რომ გასუების ეფექტი ზაფხულსი, მატ შორის ისრაელელი ექიმების დასკვნით ნაკლებად ემუქრება ქალებს, რადგან მათში არსებული ესტროგენის ჰორმონი, ხელს უშლის ამ ქართველთყლაპია შიმშილის ჰორმონის, ანუ გრელინას გამოყოფას. ასეა. გამართლება უნდა ყველაფერს, მათ შორის შიმშილის ჰორმონის გამოყოფასაც. #ახალიამბები #BusinessMediaGeorgia
ბაზარზე ახალი სტარტაპი “ლაკრესი” გამოჩნდა, რომელიც საქართველოს სხვადასხვა კუთხეში ტრადიციული მეთოდით მომზადებულ ისეთ არტიზანულ, უნიკალურ ყველს უწევს პოპულარიზაციას, როგორიც არის კალტი, დამბალხაჭო, ნარჩვი, სვანურ ნაარჩვსაც მოვკარი თვალი თუ იგივე არ არის, იქვეა ჩოგი და პესტოც, და რა გითხრათ, უამრავი სხვადასხვა ყველის სახეობები, რომელთა შესახებ, სირცხვილი ჩვენი და პირადად ჩემი, რომ აზრზე არ ვიყავით. ამიტომაც მადლობა ქართულ ბიზნესს, რომ გვაცნობს, გვაგემოვნებინებს იმ მივიწყებულ გემოებს, რომლითაც მოვა დრო და არც ევროპულ ქვეყნებს, და მათ ყველის სახეობებს ჩამოვუვარდებით. გარდა ყველის რეალიზაციისა, კომპანია “ლაკრესის” ასორტიმენტი მომხმარებელს ყუთების არჩევანსაც სთავაზობს, სადაც თითოეულ ყველთან ერთად სასურველი ღვინოა შეხამებული. #ახალიამბები #BusinessMediaGeorgia
რისკების მართვისა და სადაზღვევო კომპანია გლობალ ბენეფიტს ჯორჯია 2021 წელს საქართველოს რაგბის ეროვნული კავშირის ოფიციალური მზღვეველი გახდა. შეიქმნა საქართველოში უპრეცედენტო, უნიკალური სპორტული პაკეტი, რომელიც ეროვნული ნაკრების მორაგბეების მიერ მიღებული სპორტული ტრავმის 100% დაფარვას მოიცავს, მსოფლიოს ნებისმიერ წერტილში. ქართული სპორტის სადაზღვევო ისტორიაში ასეთი სრულფასოვანი დაზღვევა ამ ეტაპამდე არ არსებობდა. პოლისი ითვალისწინებს რაგბის სპეციფიკასა და თითოეული სპორტსმენის შეუფასებელ ღვაწლს, აქედან გამომდინარე შემუშავდა აღნიშნული პაკეტი. ამავდროულად თითოეულ დაზღვეულ მორაგბეს ემსახურება მათ საჭიროებაზე მორგებული სამედიცინო განათლების მქონე პირადი მენეჯერი, რომელთა დახმარებით ნებისმიერ მომსახურებას მიიღებენ ოპერატიულად და მარტივად. სტუმარი: რუსუდან ცატავა - „გლობალ ბენეფიტს ჯორჯია“-ს სამედიცინო სერვისების მიწოდების ჯგუფის უფროსი; #ახალიამბები #BusinessMediaGeorgia
სახელმწიფო საკუთრებაში არსებული საძოვრების ხელმისაწვდომობის“ პროგრამის ფარგლებში, შეირჩა და გამოქვეყნდა მესამე ეტაპზე აუქციონის გზით იჯარით გასაცემი საძოვრის კატეგორიის სასოფლო-სამეურნეო დანიშნულების მიწის ნაკვეთების მონაცემები. გამოქვეყნებულია იმერეთის, კახეთის და შიდა ქართლის რეგიონების 24 ერთეული საძოვრის მონაცემები, მათ შორის, წყალტუბოს მუნიციპალიტეტში - 15, დედოფლისწყაროში - 7, ხოლო კასპის მუნიციპალიტეტში - 2. სახელმწიფო საკუთრებაში არსებული საძოვრების ხელმისაწვდომობის“ სახელმწიფო პროგრამა საქართველოს მთავრობამ 2021 წლის 6 ოქტომბერს დაამტკიცა. პროგრამა მსხვილფეხა და წვრილფეხა რქოსანი პირუტყვის მფლობელ ფერმერებს საშუალებას აძლევს, სასურველი საძოვარი აუქციონის გზით მიიღონ და სამწლიანი იჯარის ხელშეკრულების ფარგლებში განკარგონ. რამდენად ეხმარება პროგრამა მეცხოველეობის დარგის განვითარებას და საძოვრების რაციონალურ გამოყენებას? სტუმარი: ბექა გონაშვილი, “აგროქიზიყის” დამფუძნებელი, ფერმერი. #ახალიამბები #BusinessMediaGeorgia
დღეს კვიციანების ოჯახზე უნდა მოგიყვეთ, რომლებიც სვანეთის მკაცრ ბუნებას და კლიმატს არ შეუშინდნენ და რეგიონისთვის შედარებით უცხო პროდუქციის წარმოება გადაწყიტეს. რეგიონი, რომელიც აქამდე ძირითადად მაგალითად კარტოფილის წარმოებით იყო დაკავებული დღეს მარწვის, თანაც ორგანული მარწყვის წარმოების ისტორიას წერს. კვიციანების წამოწყება სხვათაშორის მაგალითი უკვე სხვებისთვისაც გახდა, შესაბამისად, ამ მიმართულებით საქმიანობა სხვა სვანებმაც დაიწყეს. პროცესებში მცირე მეწარმეებს ევროკავშირის, ავსტრიისა და შვედეთის თანადაფინანსებული პროექტი “greta” ეხმარება. რა გავლენა აქვს ვროკავშირის, ავსტრიისა და შვედეთის თანადაფინანსებული პროექტი “greta”-ს მცირე მეწარმეებზე? სტუმრები: თინათინ გენებაშვილი - შვედეთის საელჩო, პროგრამის ოფიცერი; ალეკო ბაღდაძე - #ელკანა-ს ტრენერი. #შვედეთი #ავსტრია #GRETA #EU #ევროკავშირი #საქმიანიდილა
გაეროს სურსათისა და სოფლის მეურნეობის ორგანიზაციის ინფორმაციით, 2022 წლის ივნისი მიყოლებით მესამე თვეა, როცა მსოფლიოში სასურსათო საქონლის ფასები ოდნავ შემცირდა. FAO-ს სურსათის ფასების ინდექსმა მაისის შემდეგ 2.3%-ით იკლო და 2022 წლის ივნისში საშუალოდ 154.2 ქულა შეადგინა. FAO-ს ინდექსი სასურსათო საქონლის საერთაშორისო ფასებზე ყოველთვიურ ცვლილებებს ასახავს. ივნისში მისი კლება აისახა მცენარეული ზეთის, მარცვლეულისა და შაქრის ფასებზე, ხოლო რძის პროდუქტისა და ხორცპროდუქტის ფასები გაიზარდა. რაც შეეხება წლიურ მონაცემებს, FAO-ს ინფორმაციით, ივნისში მარცვლეულის ფასის ინდექსი შემცირდა, თუმცა წლიურად ზრდა 27%-ს აჭარბებს. საერთაშორისო ფასები ხორბალზე ივნისში 5.7%-ით შემცირდა, ხოლო წინა წლის მაჩვენებელს 48.5%-ით აღემატება. ორგანიზაციის ინფორმაციით, ივნისის ვარდნა ჩრდილოეთ ნახევარსფეროში მოსავლის აღებამ და სეზონურმა ხელმისაწვდომობამ ასევე, ზოგიერთ მთავარ მწარმოებელ ქვეყანაში მოსავლის აღების გაუმჯობესებულმა პირობებმა და რუსეთში მაღალი მოსავლიანობის პროგნოზმა გამოიწვია. ასევე შემცირდა სიმინდის ფასი - 3.5%-ით, რომლის მიზეზიც არგენტინასა და ბრაზილიაში სეზონური ხელმისაწვდომობა და აშშ-ში მოსავლის აღების გაუმჯობესებული პირობები გახდა. სტუმარი: სალომე დეისაძე - ISET-ის კვლევითი ინსტიტუტის უფროსი მკვლევარი. #ახალიამბები #BusinessMediaGeorgia
ევროპულმა საბჭომ 24 ივნისს უკრაინას და მოლდოვას ევროკავშირის კანდიდატის სტატუსი მიანიჭა. მათთან ერთად ევროპული პერსპექტივა საქართველომაც მიიღო, თუმცა კანდიდატის სტატუსის მისაღებად, საქართველომ ჯერ 12 წინაპირობა უნდა შეასრულოს. სტუმრები: ნათია ზოიძე - სექტორი 3-ის აღმასრულებელი დირექტორი; მიხეილ მირზიაშვილი - CDD-ს თავმჯდომარე და ექსპერტი ევროინტეგრაციის საკითხებში; #ახალიამბები #BusinessMediaGeorgia
სტარტაპ chizzzy-ის გეგმები სტუმარი: გიორგი ბოჭორიშვილი - "chizzzy"-ის თანადამფუძნებელი; #ახალიამბები #BusinessMediaGeorgia
ლიბერთი ბანკი ,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრების სერიას აგრძელებს. ამჯერად ლიბერთი ბანკი, პარტნიორებთან ერთად, აჭარის რეგიონის აგრო და ბიზნესის წარმომადგენლებს ბათუმში შეხვდა. #ახალიამბები #BusinessMediaGeorgia
საქართველოს საბანკო ასოციაციის პრეზიდენტი გვიერთდება საქმიანი დილას პირდაპირ ეთერში და საბანკო სექტორში დეპოზიტების მდგომარეობაზე ვისაუბრებთ. საქართველოს საბანკო სისტემაში დეპოზიტების განთავსების კუთხით ფიზიკური პირები აქტიურობენ. ფიზიკური პირების წილად მოდის საბანკო სისტემაში განთავსებული დეპოზიტების 51.43%. დეპოზიტების ბაზარზე უცხოურ ვალუტაში 2022 წელს განაკვეთები მცირედით გაიზარდა - რა განაპირობებს ტენდენციას და როგორია საერთო სურათი საბანკო სექტორში? სტუმარი: ალექსანდრე ძნელაძე - "საქართველოს საბანკო ასოციაციის" პრეზიდენტი; #ახალიამბები #BusinessMediaGeorgia
თიბისიმ მდგრადი განვითარების 2021 წლის ანგარიში წარადგინა, რომელშიც არა მხოლოდ გასული, არამედ ბოლო 30 წლის განმავლობაში თიბისის მიერ განხორციელებული პროექტების შესახებ იყო ინფორმაცია თავმოყრილი. პრეზენტაცია სამი ათწლეულის განმავლობაში ეკონომიკაზე, გარემოსა და საზოგადოებაზე თიბისის გავლენას ეძღვნებოდა და ამ მხრივ სამომავლო გეგმებზეც საუბრობდა. ღონისძიება თიბისი კონცეპტის სივრცეში გაიმართა და მას მედიის, საერთაშორისო ორგანიზაციების, სახელმწიფო უწყებების, ასევე პარტნიორი კომპანიებს წარმომადგენლები ესწრებოდნენ. #ახალიამბები #BusinessMediaGeorgia
საქართველოდან უკრაინაში საკვები და სასმელი პროდუქტების ექსპორტი განახევრდა, ომის მდგომარეობაში მყოფილი ქვეყნიდან იმპორტიც ასევე მნიშვნელოვნად შემცირდა. ერთ-ერთი ღვინის მწარმოებელი კომპანია გენერალური დირექტორი ამბობს, რომ მათი ჯამური ექსპორტის 30% სწორედ უკრაინაზე მოდიოდა. რუსეთის უკრაინაში შეჭრის შემდეგ თებერვლის შემდგომ მათი ექსპორტი ამ ქვეყანაში სრულად შეჩერდა. ექსპორტი შეუჩერდა ერთ-ერთ უმსხვილეს მინერალურ და მტკანრი წყლების მწარმოებელ კომპანიასაც და ისინიც ახლა ფულად დანაკარგებს ითვლიან #ახალიამბები #BusinessMediaGeorgia
მთავრობის მიერ დამტკიცებული „ტყითსარგებლობის ახალი წესის“ მიხედვით, ეროვნული სატყეო სააგენტოს ბალანსზე არსებულ ტერიტორიებზე ტყითსარგებლობის ისეთი სახეების, როგორიცაა ტყის არამერქნული რესურსები, შესაბამისი ნებართვის გარეშე კომერციალიზაციის მიზნით გამოყენება გასული წლიდან აიკრძალა. კომპანიამ, რომელიც კომერციული მიზნებით, ამ დრომდე ტყეში სხვადასხვა სახის არამექრქნულ კულტურას მაგალითად, მოცვს, ჟოლოს, სოკოს და სხვა მსგავსი სახის პროდუქტს მოიპოვებდა, ამ პროცესის გაგრძელებისთვის წელს ერთჯერადად ნებართვის მიღებისთვის 200 ლარი უნდა გადაიხადოს. რაც შეეხება მოსაკრებლის თანხას ის 1 კგ არამერქნულ კულტურაზე 1 თეთრი იქნება. უფრო ნათლად რომ წარმოვიდგინოთ, პირადი მოხმარებისთვის კენკრის, ან მაყვლის მოპოვება არ იკრძალება. #ახალიამბები #BusinessMediaGeorgia
#საქმიანიდილა - 13 ივლისი - პროლოგი #ახალიამბები #BusinessMediaGeorgia
ირაკლი ღარიბაშვილის წერილი - გიორგი ისაკაძის პროლოგი #ახალიამბები #BusinessMediaGeorgia
Forbes Georgia & BMG და Tegeta Motors წარმოგიდგენთ: #ForbesAuto-ს #Ford-მა ხანძრის რისკების გამო 100 000 ავტომობილი გაიწვია; #Michelin-ის CEO ავტომობილების ბაზრის აღდგენას 2024 წლისთვის ელოდება #BMW-ს გაყიდვები იკლებ ს #Volkswagen-ი ელემენტების ბიზნესში $20 მლრდ-ს ჩადებს #ავტოსიახლეები
ივნისის წლიური ინფლაცია 13.3-დან, 12.8%-მდე შემცირდა, თუმცა, მხოლოდ წინა წლის მაღალი საბაზო ეფექტის გამო, რადგანაც წინა თვესთან შედარებით, სეზონური ფაქტორების გათვალისწინებით, ივნისში ფასები მაინც მნიშვნელოვნად გაიზარდა. თიბისი კაპიტალის განახლებული ანგარიშით საერთაშორისო ბაზრებზე სასაქონლო ფასების შემცირება და ლარის გამყარება იძლევა იმის თქმის საშუალებას, რომ მომდევნო თვეებში ყოველთვიური ინფლაცია უკვე დაბალი იქნება, რაც თიბისი კაპიტალის აზრით, წლის ბოლოსთვის რეფინანსირების განაკვეთის შედარებით მეტად შემცირებას გულისხმობს. წლიური ინფლაციის მხრივ, სამიზნესთან დაახლოების მოლოდინი მხოლოდ მომდევნო წელსაა რეალისტური. სტუმარი: ოთარ ნადარაია - "თიბისი"-ს მთავარი ეკონომისტი; #ახალიამბები #BusinessMediaGeorgia
საქართველოს კერძო კოლეჯების ასოციაციისა და დასაქმების ხელშეწყობის სახელმწიფო სააგენტოს ორგანიზებით დღეს ,,პროფესიული განათლებით დასაქმების ფორუმი’’ იმართება, რომელზეც მოწვეულები არიან კერძო და სახელმწიფო კოლეჯების სადიპლომო და სასერტიფიკატო პროგრამების სხვადასხვა მიმართულების კურსდამთავრებულები. ვინ იქნებიან ფორუმზე წარმოდგენილები, რისთვის და ვისთვის არის დღევანდელი ფორუმი? სტუმარი: ია ერაძე - საქართველოს კერძო კოლეჯების ასოციაციის პრეზიდენტი; #ახალიამბები #BusinessMediaGeorgia
ამერიკის შეერთებულ შტატებში სამუშაო ვიზიტის ფარგლებში, საქართველოს გარემოს დაცვისა და სოფლის მეურნეობის მინისტრი ოთარ შამუგია ვაშინგტონში და ნიუ იორკში ქართული ღვინის ექსპორტიორებს, მაღაზიების მფლობელებს და მარკეტინგული კომპანიის წარმომადგენლებს შეხვდა. მარკეტინგული კომპანიის „კოლანჯელო და პარტნერს” ოფისში გამართულ შეხვედრაზე, ოთარ შამუგიამ მათი ხედვები მოისმინა და იმედი გამოთქვა, რომ, ღვინის ეროვნულ სააგენტოსთან თანამშრომლობით, „კოლანჯელო და პარტნერსი” აქტიურად იმუშავებს მარკეტინგულ და პოპულარიზაციის გეგმებზე, რომელიც მიმართულია ქართული ღვინის აშშ-ს ბაზარზე ცნობადობის ამაღლებისკენ, რაც უდავოდ აისახება ქართული ღვინის საექსპორტო გაყიდვების ზრდაზე ამერიკის შეერთებულ შტატებში. სტუმარი: ნუგზარ ქსოვრელი - "კორპორაცია ქინძმარაულის“ გენერალური დირექტორი; #ახალიამბები #BusinessMediaGeorgia
ახლა 160 წლიანი ისტორიის მქონე ბრენდის შესახებ უნდა მოგიყვეთ. ბრენდის რომლის გზაც ვენიდან დაიწყო და წლების წინ საქართველომდეც მოაღწია. საქმე ეხება იულიუს მაინლის ყავას, რომელიც ქართველი ყავის მოყვარულებისთვის უკვე კარგად ნაცნობია. ბრენდის მესვეურები წლებია მთავარ აქცენტს ხარისხზე აკეთებენ და ბაზარს როგორც ყავის სხვადასვა სახეობებს ისე თანამედროვე ყავის აპარატებსაც სთავაზობენ. ამის პარალელურად კი ზრუნავენ ქვეყანაში კვალიფიციური კადრების დეფიციტზე და ბარისტების გადამზადებასაც ახორციელებენ. რას სთავაზობს ბრენდი ქართველ მომხმარებელს და როგორია კომპანიის განვითარების როგორც მოკლებადიანი ისე გრძელვადიანი სტრატეგია? ვინ არიან იულიუს მაინლის პარტნიორები საქართველოში და რატომ ირჩევენ ისინი ვენურ ყავას? სტუმარი: თამაზ მეგრელიშვილი - საქართველოში Julius Meinl-ის წარმომადგენლობის დირექტორი; #ახალიამბები #BusinessMediaGeorgia
დომუსმა, ბუნებასთან ახლოს, ახალი, მზიანი და ნათელი საცხოვრებელი კომპლექსის მშენებლობა დაანონსა. დომუსი გაზაფხული, - ეს არის ადგილი, სადაც ოთხივე სეზონზე შესაძლებელია, იცხოვრო გაზაფხულის შეგრძნებით. კომპანიის ახალი პროექტი, თბილისის ერთ-ერთ ცენტრალურ უბანში, საბურთალოზე, ყველაზე მშვიდ და გამწვანებულ ლოკაციაზე, გაზაფხულის ქუჩაზე მდებარეობს. დომუსი გაზაფხულში ბინის შეძენა ყველაზე ხელმისაწვდომ ფასად იქნება შესაძლებელი. რა შეთავაზებები აქვს დომუსს პირველი მომხმარებლებისთვის და როგორი იქნება „დომუსი გაზაფხული"? სტუმრები: ტატიანა ქათამაძე - "დომუსის მარკეტინგის" დირექტორი; ვახო ბაქრაძე - "დომუსის" გაყიდვების მენეჯერი; #ახალიამბები #BusinessMediaGeorgia
ელონ მასკი ისევ ყურადღების ცენტრშია. Twitter-მა შერწყმის გარიგებების სამართლის მძიმეწონოსანი ფირმა Wachtell, Lipton, Rosen & Katz-ი დაიქირავა. კომპანია ცდილობს, მასკს $44 მილიარდიანი გარიგების შეწყვეტის გამო უჩივლოს. სოციალური მედიის კომპანია სარჩელის შეტანას მიმდინარე კვირის დასაწყისში გეგმავს. Wachtell-ის აყვანით, მას წვდომა ექნება ადვოკატებთან, მათ შორის ბილ სავირთან და ლეო სტრაინთან, რომლებიც დელავერის სასამართლოში კანცლერის თანამდებობაზე მუშაობდნენ, სადაც საქმე განიხილება. მასკმა Quinn Emanuel Urquhart & Sullivan დაიქირავა. ფირმამ მასკი 2019 წელს ცილისწამების საქმეში წარმატებით დაიცვა და ასევე წარმოადგენს მას მიმდინარე სარჩელში 2018 წელს Tesla-ს კერძო კომპანიად გადაქცევის შესახებ. დელავერის შტატი აშშ-ის საჯარო კომპანიების, მათ შორის Fortune 500-ის ფირმების 60%-ზე მეტის და Twitter-ის კორპორაციული სახლია. აქ კანცლერი მოსამართლეები, ბიზნეს სამართლის ექსპერტები განიხილავენ საქმეებს ნაფიც მსაჯულთა გარეშე, თუმცა მათ არ შეუძლიათ სადამსჯელო ზიანის მინიჭება. შერწყმის გარიგებების წინა საქმეებიდან გამომდინარე, გარიგების შეწყვეტის მცდელობები შეიძლება რამდენიმე თვის განმავლობაში გაგრძელდეს, რაც ხშირად შეთანხმებით მთავრდება, რათა შემდგომი დაპირისპირება თავიდან აიცილონ. მოსამართლეებს ასევე აქვთ უფლება გადაწყვიტონ გადაიხადონ თუ არა მხარეებმა გარიგების დასრულების საფასური. მასკის შემთხვევაში ეს საკომისიო $1 მილიარდია. პარასკევს ბაზრის დახურვის შემდეგ, მასკმა განაცხადა, რომ აპირებს უარი თქვას Twitter-ის აქციაზე $54,20-ის ღირებულებით შეძენაზე, იმ მიზეზით, რომ კომპანიამ არასწორად წარმოადგინა მომხმარებლის მონაცემები. Twitter-ის თავმჯდომარემ ბრეტ ტეილორმა მასკს უპასუხა და პირობა დადო, რომ შეთანხმებას აღასრულებს, რაც მძიმე სასამართლო დავას ნიშნავს. ცხადია მასკის განცხადებას დადებითი რეაქცია ტვიტერის აქციებზე არ ჰქონია. სტუმარი: ნიკა მაზანაშვილი - Galt&Taggart;-ის საბროკერო დეპარტამენტის უფროსი ანალიტიკოსი #ახალიამბები #BusinessMediaGeorgia
ავტოინდუსტია, რომ ელექტროფიცირების მიმართულებით ვითარდება და მილიარდობით დოლარის ინვესტირებას სწორედ ამ კუთხით ახდენს აქ ახალი არაფერია. ფორბს ავტო, ამის თაობაზე ყოველკვირეულად გიყვებათ. თან მხოლოდ ავტოინდუსტრია არა, (kadr1) მაგალითად პორშე ცენტრი თბილისის დახმარებით სულ ცოტახნის წინ იტალიაში ვიმოგზაურე, სადაც უახლესი პორშე ტაიკანის პრეზენტაციაზე და პრაქტიკულად პორშეს სამოთხეში მოვხვდი... ეს მოგზაურობა დაახლოებით 7 წუთიან ვიდეოშიც ჩავატიე და თუ გაინტერესებთ შეგიძლიათ ბი ემ ჯიზე ნახოთ... რომ დავუბრუნდეთ ელექტროფიცირებას, (kadr2) სარდინიაზე ელექტრო იახტით გასეირნების საშულებაც მქონდა და როგორც მისმა მწარმოებელმა გვითხრა, იახტების მომავალიც ელექტროა... ელექტროფიცირების და ნულოვანი ემისიის გზას ადგას სატვირთოების და სამგზავრო ავტობუსების მსოფლიო ლიდერი კომპანია „მან თრაქ ენდ ბასი“, (kadr3) რომელმაც ელექტროსატვირთო საზოგადოებას უკვე წარუდგინა და მის წარმოებას 2024 წლიდან დაიწყებს. იმის გათვალისწინებით, რომ „მანის“ ოფიციალური წარმომადგენელი საქართველოში „თეგეტა ჰოლდინგია“ ძალიან დიდი იმედი მაქვს ელექტრო და წყალბადზე მომუშავე სატვირთოებს საქართველოშიც ვნახავთ... იმედის საფძველს კი „თეგეტა ჰოლდინგის ამბიციური გეგმები მაძლევს, გახდნენ პირველი მწვანე საავტომობილო კომპანია კავკასიასა და ცენტრალურ აზიაში... სტუმარი: ბექა ბერიძე - TEGETA TRUCK&BUS;-ის დირექტორი #ახალიამბები #BusinessMediaGeorgia
2022 წლის პირველი მარტიდან 25 წლამდე პირებს და საჯარო მოხელეებს აზარტული თამაშის უფლება აეკრძალათ, ასევე აიკრძალა აზარტული თამაშების რეკლამირებაც. ამასთან, 1 იანვრიდან შეიცვალა ონლაინ-თამაშების დაბეგვრის წესი. კერძოდ, მათ უწევთ მოგების გადასახადის სახით მიღებულ ფსონებსა და გაცემულ მოგებას შორის სხვაობის 10% გადაიხადონ. #ახალიამბები #BusinessMediaGeorgia
თბილისის საცხოვრებელი უძრავი ქონების ტრანზაქციების რაოდენობის ზრდა შემცირდა, - ამის შესახებ „თიბისი კაპიტალის“ კვლევაშია აღნიშნული. bmg-იმ უძრავი ქონების ბაზრის გამოწვევები დეველოპერულ კომპანიებს შეაფასებინა. როგორია ინდუსტრიის პროგნოზები და აქვთ თუ არა ფასის კიდევ მეტად გაზრდის მოლოდინი სექტორს? #ახალიამბები #BusinessMediaGeorgia
#საქმიანიდილა - 12 ივლისი - პროლოგი #ახალიამბები #BusinessMediaGeorgia
არსებული პროექტის მიხედვით, მიკრობანკის დაფუძნებისთვის საჭირო კაპიტალი 10 მლნ-ით განისაზღვრა, მათი სასესხო პორტფელის 70% კი ბიზნეს ან სოფლის მეურნეობის სექტორზე გაცემული სესხები უნდა იყოს. გარდა ამისა, მიკრობანკის სტატუსის მქონე ორგანიზაციებისთვის 100 ათასიდან 1 მლნ-მდე იზრდება სესხის გაცემის ლიმიტი. რას შეცვლის ბაზარზე ახალი შუამავალი რგოლის გაჩენა და რა გავლენას იქონიებს ის საპროცენტო განაკვეთებზე? #ახალიამბები #BusinessMediaGeorgia
ინგლისის ქალაქ მანჩესტერში მცხოვრები, წარმოშობით ინდოელი ჟასმინ დევიდი, რომელსაც კიბოს დიაგნოზის დასმის შემდეგ, ექიმების თქმით, მხოლოდ რამდენიმე თვის სიცოცხლე ჰქონდა დარჩენილი, დაავადებისგან განიკურნა. ჟასმინ დევიდმა სიმსივნის ნიშნები 2017 წლის ნოემბერში შენიშნა, როდესაც ის 51 წლის იყო. მალევე, მას სიმსივნის აგრესიული ფორმის, სამმაგად უარყოფითი ძუძუს კიბოს დიაგნოზი დაუსვეს. დევიდმა ექვსთვიანი ქიმიოთერაპია და მასტექტომია, ასევე რადიოთერაპიის 15 პროცედურა ჩაიტარა, რის შედეგადაც დაავადებას თავი დააღწია, თუმცა, როგორც აღმოჩნდა – დროებით. ორი წლის შემდეგ, 2019 წელს მის ორგანიზმში სიმსივნის უჯრედები კვლავ განვითარდა და დაავადებამ ფილტვები, ლიმფური კვანძები და გულმკერდის ძვალი მოიცვა. მაშინ ექიმებმა განაცხადეს, რომ პაციენტს მხოლოდ რამდენიმე თვის სიცოცხლე ჰქონდა დარჩენილი.ამის შემდეგ ჟასმინ დევიდმა მონაწილეობა მიიღო კრისტის საავადმყოფოს მიერ ჩატარებულ კლინიკურ კვლევაში, რომლის ფარგლებშიც ცდისპირებს ექსპერიმენტული მედიკამენტითა და იმუნოთერაპიის წამლით, კომბინირებულად მკურნალობდნენ. #ახალიამბები #BusinessMediaGeorgia
"სარესტორნე ბიზნესში კადრების 700%-იანი დეფიციტია, დღეს დირექტორს უფრო მარტივად იპოვნი ვიდრე მიმტანს, მომსახურე პერსონალის პოვნა ფანტასტიკის სფერო გახდა - ეს არის იმ კომენტარების არასრული ჩამონათვალი, რომელსაც ბოლო პერიოდში ტურიზმის ინდუსტრია აქტიურად აკეთებს. სასტუმროებისა და რესტორნების წარმომადგენლები აცხადებენ, რომ 2 წლიანი პანდემიის გამო კადრების დიდი ნაწილი სხვა სფეროში გადანაწილდა რამაც ბაზარზე დეფიციტი გააჩინა, შედეგად ბევრი მომსახურე ობიექტი კადრების არარსებობის გამო საერთოდ ვერ იხსნება, გახსნილ ობიექტებში კი მომსახურების ხარისხი მნიშვნელოვნად გაუარესდა. მეორე და უმთავრესი გამოწვევა ინფლაციაა, რომელიც ყველაზე მეტად სწორედ საკვების ფასებშია გამოხატული. რესტორატორთა ასოციაციაში იმასაც კი ამბობენ, რომ არსებული მძიმე მდგომარეობიდან ერთადერთი გამოსავალი სახელმწიფოს ჩართულობა და ფასების დარეგულირებისთვის ქმედითი ნაბიჯების გადადგმაა საჭირო. როგორ ხვდება სექტორი ზაფხულის ტურისტულ სეზონს და სად არის გამოსავალი? სტუმრები: გიორგი მურჯიკნელი - რესტორატორი; თამარა ბაღდავაძე - "კოსტე გრუპის" დამფუძნებელი. #ახალიამბები #BusinessMediaGeorgia
#ავიაციისსიახლეები: ქუთაისის აეროპორტში ივნისში მგზავრთნაკადი სრულად აღდგა; Camex Airlines ოპერირებას უახლოეს ხანში დაიწყებს; “სტამბოლი” ევროპის ყველაზე დატვირთულ აეროპორტად დასახელდა; მაისში საჰაერო გადაზიდევბი 83,1%-ით გაიზარდა; British Airways-მა ივლისისთვის 1500 ფრენა გააუქმა; SkyUp Airlines-მა Wizz Air-ს სველი ლიზინგით Boeing 737-700NG გადასცა; უკრაინის საერთაშორისო ავიახაზები ჩარტერულ რეისებს განაახლებს. #ახალიამბები #BusinessMediaGeorgia
საქართველოდან ყაზახეთში ექსპორტი გასამმაგდა. საქსტატის მონაცემებით, წელს, 5 თვეში აღნიშნულ ქვეყანაში ექსპორტიდან მიღებულმა შემოსავალმა 63,868 მლნ აშშ დოლარი შეადგინა, წინა წლის ანალოგიურ პერიოდში - 20,858 მლნ აშშ დოლარი.რაც შეეხება იმპორტს, 2022 წლის იანვარ-მაისში ყაზახეთიდან 13,968 მლნ აშშ დოლარის პროდუქტი შემოვიდა, 2021 წლის 5 თვეში - 7,772 მლნ აშშ დოლარის. საქართველოდან ყაზახეთში უმეტესად მსუბუქი ავტომობილები, მინერალური და მტკნარი წყლები, ასევე ნატურალური ღვინოები გადის. რაც შეეხება ექსპორტს ყაზახეთში უმეტესად ხორბალს, ნავთობს და ნავთობპროდუქტებს და შავი ლითონებისგან დამზადებულ მეტალოკონსტრუქციებს ვყიდულობთ. ყაზახეთის ფინანსთა სამინისტროს ვებ-გვერდზე გამოქვეყნებული ინფორმაციის თანახმად ყაზახეთმა შესაძლოა, რუსეთსა და ბელარუსში სანქცირებული საქონლის გატარება აკრძალოს. მისი არსი მდგომარეობს იმაში, რომ ყაზახეთის ხელისუფლება სანქცირებული საქონლის ელექტრონულ ინვოისებს აღარ დაამოწმებს, რის გარეშეც ასეთი საქონლით რუსეთთან და ბელარუსთან საზღვრის გადაკვეთა აიკრძალება. ასევე გასული კვირის ბოლოს ცნობილიო გახდა, რომ ყაზახეთი დსთ-ს სავალუტო ხელშეკრულებას ტოვებს. შესაბამისს გადაწყვეტილებას ხელი ყაზახეთის პრეზიდენტმა, ყასიმ-ჟომარტ თოყაევმა მოაწერა. რუსული მედიის ცნობით, გადაწყვეტილება ძალაშია ხელმოწერის დღიდან, რომელიც 8 ივლისით თარიღდება. კომიტეტი სავალუტო ანგარიშსწორებისა და საკრედიტო ურთიერთობების სფეროში ორგანიზაციის ქვეყნებს შორის თანამშრომლობის ხელშეწყობის, ასევე თანამეგობრობის ქვეყნების სავალუტო კანონმდებლობების დაახლოებისა და გაუმჯობესების მიზნით შეიქმნა. რას შეცვლის მიმდინარე პროცესები საქართველოსთვის, საქართველო ყაზახეთს შორის არსებული სავაჭრო და საინვესტიციო ურთიერთობებზე? სტუმარი: გიორგი ჯახუტაშვილი -ყაზახურ-ქართული ეკონომიკური გაერთიანების გამგეობის თავმჯდომარე; #ახალიამბები #BusinessMediaGeorgia
ქართული კენკრის გასაღების ერთადერთი ბაზარი რუსეთი იყო, წელს კი შექმნილი ვითარებიდან გამომდინარე რუსეთიდან თანხის გადმორიცხვის პრობლემაა, ეს კი იმას ნიშნავს, რომ მოსავალი ექსპორტზე ვერ გადის. წელს დაგეგმილიი ყო ქართული კენკრის გატანა ისრაელის ბაზარზე, თუმცა მოლაპარაკებები წარუმატებლად დასრულდა. რა გეგმები აქვთ ადგილობრივ მწარმოებლებს და რატომ ვერ ხერხდება სხვა ბაზრებზე გასვლა? სტუმარი: იზოლდა ქიტესაშვილი - "კენკრის მწარმოებელთა ასოციაციის" თავმჯდომარე; #ახალიამბები #BusinessMediaGeorgia
ევროკავშირის დელეგაცია მიმდიანარე პროექტების შესაფასებლად კახეთს სტუმრობდა, სადაც ერთდროულად ევროკავშირის ფინანსური მხარდაჭერით 6 პროექტი ხორციელდება. საპილოტე რეგიონების ინტეგრირებული განვითარების პროგრამას (PIRDP)-ის ევროკავშირის დაფინანსებით ინფრასტრუქტურის სამინისტრო ახორციელებს, რაშიც 40 მილიონ ევროზე მეტი იხარჯება. საბოლოო ჯამში კი რეგიონში შესაბამისი ინფრასტრუქტურის მოწყობა ერთი მხრივ ტურისტებისთვის მიზიდულობის ახალ ცენტრებს აჩენს, მეორე მხრივ კი ხელს უწყობს მცირე ბიზნესს. #ახალიამბები #BusinessMediaGeorgia
#საუბრებიავიაციაზე: რას გამოიწვევს ავიაბილეთების გაძვირება? სტუმრები: გიორგი მოლოდინაშვილი - “Geo Sky”-ის ვიცე-პრეზიდენტი ბიზნესის განვითარების დარგში; მაია სიდამონიძე - "პროთრეველ ჯორჯია"-ს მმართველი პარტნიორი. #ახალიამბები #BusinessMediaGeorgia
დღეიდან შემოსავლების სამსახურის სერვისცენტრში ვიზიტით დაინტერესებული პირებისათვის დამატებით იზღუდება შემდეგი განცხადებების რეგისტრაცია: მეწარმე ფიზიკური პირისთვის მცირე ბიზნესის სტატუსის მინიჭება; ფიზიკური პირისთვის საკუთარი შემოსავლების შესახებ ცნობის გაცემა; დღგ-ის გადამხდელად რეგისტრაცია. შეზღუდვა გავრცელდება იმ პირებზე, რომელთაც აღნიშნული მომსახურებების მიღების შესაძლებელობა აქვთ დისტანციურად, ელექტრონული ფორმით. შესაბამისად, თუ პირს აქვს აქტიური ავტორიზებული მომხმარებლის გვერდი, მას აღნიშნული სერვისებით სარგებლობა მხოლოდ ავტორიზებული მომხმარებლის გვერდის გამოყენებით შეეძლება. რამდენად გამართულად მუშაობს შემოსავლების სამსახურის ელექტორნული სერვისები? სტუმარი: დავით პაპიაშვილი - აუდიტორული კომპანია Kreston Georgia-ს მმართველი პარტნიორი #ახალიამბები #BusinessMediaGeorgia
შეუძლია თუ არა ჩქაროსნულ სარკინიგზო ქსელებს თვითმფრინავების ჩანაცვლება? ევროპაში სარკინიგზო ტრანსპორტის განვითარების საკითხი უკვე დიდი ხანია ერთ-ერთი მთავარი თემაა, თუმცა როგორც ჩანს, პროგრესი ნელი ტემპით მიდის. არადა თვითმფრინავით მოგზაურთა რაოდენობა, განსაკუთრებით პანდემიის შემდეგ, ყოველდღიურად იზრდება და შესაბამისად იზრდება გამონაბოლქვიც. როგორია ექსპერტების მოსაზრებები, ინფრანსტრუქტურული პროექტების ვაფები და მოლოდინები? #ახალიამბები #BusinessMediaGeorgia
საქართველოს კანონმდებლობით, მთავრობის სარეზერვო ფონდიდან თანხა მხოლოდ ბიუჯეტით გაუთვალისწინებელი ხარჯების დასაფინანსებლად გამოიყოფა, თუმცა ჩვენთან არსებული პრაქტიკა ამბობს, რომ მისი გათვალისწინება ბიუჯეტში შესაძლებელი იყო. კვლევაში, რომელიც IDFI-იმ მოამზადა ნათქვამია, რომ 2021 წელს ჯამურად გამოყოფილი თანხების 38.5% მთავრობის ადმინისტრაციაზე გაიცა საიდანაც ყველაზე დიდი წილი - 8.2 მლნ ლარი საქართველოს მთავრობის ინიციატივითა და მხარდაჭერით ქვეყნის მასშტაბით ჩასატარებელი საახალწლო და წლის დასრულებასთან დაკავშირებით გასამართი ღონისძიებებისთვის საჭირო ხარჯების დაფარვისთვის იყო გათვალისწინებული. აღსანიშნავია, რომ იდენტური მიზნობრიობით 282,000 ლარი სარეზერვო ფონდიდან საქართველოს რეგიონული განვითარებისა და ინფრასტრუქტურის სამინისტროსაც გამოეყო. მთავრობის ადმინისტრაციისათვის გამოყოფილი თანხებიდან 3.7 მლნ ლარამდე გათვალისწინებული იყო ლობისტურ მომსახურებაში - საქართველოსა და აშშ-ს შორის სტრატეგიული პარტნიორობის გაღრმავების პროცესის მხარდასაჭერად, ასევე აშშ-ში საქართველოს შესახებ ცნობადობის ამაღლებისა და ქვეყნის სათანადოდ წარმოჩენის პროცესში დახმარების მიზნით აუცილებელი საკონსულტაციო მომსახურების შეძენის ხარჯების დასაფინანსებლად. სტუმარი: მარიამ გოგიაშვილი - IDFI-ის ანალიტიკოსი; #ახალიამბები #BusinessMediaGeorgia
ყველაზე მოთხოვნადი მედიკამენტების ფასები #ახალიამბები #BusinessMediaGeorgia
ბოლო 2 კვირაში საქართველოში ინფიცირება გაორმაგდა #ახალიამბები #BusinessMediaGeorgia
#საქმიანიდილა - 11 ივლისი - პროლოგი #ახალიამბები #BusinessMediaGeorgia
ტურისტული სექტორი დედაქალაქსა და რეგიონებში საზოგადოებრივი საპირფარეშოების მოწყობას კვლავ ითხოვს. გიდები ამბობენ, რომ წელს ტურიზმის აღდგენასთან ერთად, ბიოტუალეტების არარსებობა განსაკუთრებით თვალსაჩინოა. არის თუ არა საკმარისი ბიოტუალეტები თბილისსა და რეგიონებში? #ახალიამბები #BusinessMediaGeorgia
უახლესი მონაცემებით, გასულ თვეში, სამხრეთ ხმელთაშუა ზღვის სანაპიროზე ჰაერის დაბინძურების დონე გაიზარდა. ჰაერის ხარისხის მონიტორინგის კომპანია Airly-ის თანახმად, განსაკუთრებით ცუდი ვითარება სამხრეთ ესპანეთისა და იტალიის დიდ ქალაქებშია. ზაფხულის სეზონზე ყველაზე დიდი პრობლემა აზოტის ოქსიდის მაღალი კონცენტრაციაა, რაც ამ ადგილებში ტრანსპორტის გაზრდილი მოძრაობითაა განპირობებული. Airly-ის CEO-ს განცხადებით, საზღვაო ზოლის ბევრ ქალაქს შორის ყველაზე მეტად დაბინძურებული ესპანეთის სანაპიროა, მათ შორის მურსიის, ბარსელონასა და მალაგას რეგიონები. თუმცა არანაკლებად დაბინძურებულია ჰაერი იტალიის პულიას, მარკესა და ნესებურის (ბულგარეთი) შავი ზღვის სანაპიროების ტერიტორიაზე. ამის მიზეზი შესაძლოა ტემპერატურის მკვეთრი მატება იყოს, რაც განსაკუთრებით 2022 წლის ივნისის მეორე ნახევარში დაფიქსირდა. Airly-ის განცხადებით, ჰაერის დაბინძურების როგორც გრძელვადიანი, ასევე მოკლევადიანი ზემოქმედება პირდაპირ კავშირშია ადამიანების ჯანმრთელობასთან. ჰაერის დაბინძურების მაღალი დონე ჯანმრთელობისთვის სხვადასხვა სახის რისკებს აჩენს. მათ შორისაა რესპირატორული ინფექციები, ფილტვის კიბო და სხვა სახის დაავადებები. #ახალიამბები #BusinessMediaGeorgia
ქვეყანაში ყავის სმის კულტურა კი ვითარდება, მაგრამ ადამიანების დიდი ნაწილი არჩევანს ჯერ-ჯერობით მაინც ყავის მარტივ ალტერნატივაზე, ე.წ ხსნად ყავაზე აკეთებს, რომლის შემადგენლობაც როგორც ყავის ინდუსტრიაში მომუშავე სუბიექტები ამბობენ, კითხვის ნიშნებს აჩენს. მათი თქმით, რთულია გაარკვიო ხსნადი ყავის შემცვლობა, რომელიც როგორც დაფასოული ისე კილოგრამობით დღეს ქართულ ბაზარზე გვხვდება. არის ფალსიფიცირების შემთხვევებიც, რომელზეც სურსათის ეროვნული სააგენტო საუბრობს. რა უნდა ვიცოდეთ მაშინ როცა არჩევანს ხსნად ყავაზე ვაკეთებთ და რა შეიძლება იყოს ხსნადი ყავის შედარებით ჯანსაღი ალტერნატივა? #ახალიამბები #BusinessMediaGeorgia
"პატარა შვეიცარია" სარკინეთში - შვეიცარიული აგრარული სკოლა მიხო სვიმონიშვილი - ბიზნესმენი; თინა მახარაძე - შვეიცარიული აგრარული სკოლის დირექტორი; #ახალიამბები #BusinessMediaGeorgia
„სახელმწიფო რამდენიმე ათეულ მილიონს ხარჯავს, რომ გააფუჭოს ღვინის ხარისხი“ - ასე ფიქრობს ღვინის ეროვნული სააგენტოს ყოფილი ხელმძღვანელი დღვანდელი სუბსიდირების მექანიზმზე. ვინ ქმნის ქართული ღვნის მომავალს და რატომ არ გვაქვს შანსი იაფი ღვინის სეგმენტში?! BMGDRIVE-ის მგზავრი: გიორგი სამანიშვილი - ღვნის ექსპერტი; ღვინის ეროვნული სააგენტოს ყოფილი ხელმძღვანელი; ავტორები: ბექა ბაციკაძე; რატი კაციტაძე; რევაზ ნასიძე; #ახალიამბები #BusinessMediaGeorgia
საქართველოში საქმიანი ვიზიტით, ბრენდ აჰავას ვიცე პრეზიდენტი და საერთაშოროსი ტრენერი, იდით განდელმანი იმყოფება, რომელიც ავერსისთვის ატარებს სამ დღიან ინტენსიურ კურსს, რათა კიდევ უფრო აამაღლოს თითოეული თანამშრომლის კვალიფიკაცია ამ ბრენდის გარშემო. ინფორმაციისთვის აჰავა ისრაელის წარმოების ბრენდია, საკმაოდ მრავალწლიანი გამოცდილებით, რომელიც მკვდარი წყლის მინერალების საფიძველზეა დამზადებული და ფართო ასორტიმენტითაა წარმოდგენილი. #ახალიამბები #BusinessMediaGeorgia