უკრაინელი ფერმერები რუსული ბომბებისგან მოსავლის გადარჩენას ცდილობენ. სოფლის მეურნეობა არის ერთ-ერთი იმ სექტორიდან, რომელიც ომის პერიოდში, ქვეყანაში, ჯერ კიდევ მუშაობს, მიუხედავად იმისა, რომ რუსებს მისი განადგურება სურთ. თავის მხრივ, რუსები კი ამ გზით გლობალური სასურსათო კრიზისის პროვოცირებას ცდილობენ და სურსათის ექსპორტის შემცირებაში და გლობალურად ფასების ზრდაში დასავლეთის მიერ დაწესებულ სანქციებსა და უკრაინის მიერ დადებულ საზღვაო ნაღმებს ადანაშაულებს. რას ამბობენ უკრაინელი ფერმერები და როგორ იცავენ მოსავალს მიმდინარე ომის პერიოდში? #ახალიამბები #BusinessMediaGeorgia
პანდემიამ ეკონომიკის სექტორებს შორის ყველაზე მძიმედ ტურიზმს დაარტყა, რაც 2020 წელს 80%-ზე მეტად შემცირდა. აღდგენა მხოლოდ 2021 წლის ბოლოდან დაიწყო, წელს კი ტურიზმი პანდემიამდელი დატვირთვის 50%-ს უახლოვდება. ამ მხრივ გამორჩეული იყო მაისი, როდესაც საქართველოში 319,800 ვიზიტორი იმყოფებოდა, რაც წინა წელთან შედარებით 205%-ით მეტია. 2019 წელთან შედარებით ეს ტურიზმის 52%-იანი აღდგენაა. აღდგენის ტემპების გათვალისწინებით, სტუმარმასპინძლობის სფეროში სამუშაო ადგილებზე მოთხოვნა იზრდება. დღეს ეს სფერო იმაზე გაცილებით ნაკლებ ადამიანს ასაქმებდა, ვიდრე 2019 წელს, როდესაც ქვეყანა 9 მილიონ ვიზიტორს მასპინძლობდა. სტატისტიკის მიხედვით, ეს სფერო ამჟამად 33,400 ადამიანს ასაქმებს, მაშინ როდესაც 2019 წელს ის 48,800-ს ასაქმებდა. ეს პანდემიამდელთან შედარებით 15,400 დასაქმებულით ნაკლებია. სწორედ ამ დანაკლისზე საუბრობენ, როდესაც ტურიზმის სფეროდან კადრების გადინების პრობლემას ეხებიან. კადრების გადინება კი თავისმხრივ სერვისის ხარისხზეც ახდენს გავლენას. სერვისის ხარისხი იყო მთავარი საკითხი, რის გამოც ტურიზმის ადმინისტრაციამ საქართველოში სერვისის ხარისხის ინსტიტუტის პრეზიდენტი, ჯონ შოლი მოიწვია, რომელმაც გამართა შეხვედრა სტუმარმასპინძლობის სფეროში მოღვაწე მენეჯერებთან. მთავარი გზავნილი, რის შესახებ შოლი საუბრობს, არის კომპანიების მხრიდან საკუთარი კადრების მუდმივ განვითარებაში ინვესტირება. ინტერვიუ ჯონ შოლთან - Service Quality Insstitute-ის პრეზიდენტთან; სტუმარი: ვატო ასათაშვილი - "ჰელისკი ჯორჯიას" დამფუძნებელი. #ახალიამბები #BusinessMediaGeorgia
თიბისის მხარდაჭერით, წალკის მუნიციპალიტეტში, სოფელ დაშბაშში, დაცულ ტერიტორიაზე პირველი ინფრასტრუქტურული პროექტი - „კასს ლენდი“ გაიხსნა. „კასს ლენდი“ ებრაული კომპანია „კასს გრუპის“ პროექტია, რომელიც საქართველოში პირველად, საერთაშორისო კერძო ინვესტიციით, დაცულ ტერიტორიაზე ყველაზე მრავალფეროვანი ეკოტურისტული სივრცის მოწყობას გულისხმობს. ინვესტიცია 120 მილიონ ლარს შეადგენს და მოიცავს კანიონზე გადაჭიმული 240 მეტრი სიგრძის მინის ხიდს, რომლის შუაგულში განთავსებულია ბრილიანტის ფორმის კაფე-ბარი, ტერიტორიაზე მდებარეობს პრემიუმ ხარისხის სასტუმრო კომპლექსი კოტეჯებით, ასევე ვიზიტორთა ცენტრი, 1800 მეტრიანი გზა ჩანჩქერამდე მისასვლელად, ულამაზესი ხედები, საკემპინგე ადგილები და სხვა მრავალფეროვანი ინფრასტრუქტურა. პროექტის გახსნის ცერემონიალი გუშინ გაიმართა #ახალიამბები #BusinessMediaGeorgia
ავტომობილების ტექდათვალიერებაზე მიმართვიანობა ყოველწლიურად მცირდება - ამ თემაზე ინსპექტირების ცენტრების ასოციაციის თუ კერძო კომპანიებს ხელმძღვანელები ბოლო პერიოდში აქტიურად საუბრობენ და აცხადებენ, რომ კონკრეტული ნაბიჯების გადადგმის გარეშე რეფორმა ჩავარდნის საფრთხის წინაშეა. გაუვლელი ავტომობილებისთვის ჯარიმის მოცულობის გაზრდასთან ერთად, რომელზეც ბოლო პერიოდში პარლამენტი მუშაობს, სექტორი მონიტორინგის სისტემის გამართვას და საზოგადოებასთან სწორი კომუნიკაციის საჭიროებაზე საუბრობს. კიდევ ერთი თემა კი რაც გაზრდილი ინფლაციისა და შემცირებული მომართვიანობის ფონზე დღის წესრიგში დადგა, ფიქსირებული გადასახადის გაზრდაა. ასევე სექტორი ამბობს რომ ფასიანი უნდა გახდეს განმეორებითი ინსპექტირება. რამდენით შეიძლება გაძვირდეს ავტომობილების შემოწმება? #ახალიამბები #BusinessMediaGeorgia
ხის კოტეჯების მწარმოებლებმა ფასები გაზარდეს, რისი მიზეზიც გაძვირებული იმპორტირებული ნედლეული და საწვავია.ზოგიერთი კომპანიის წარმომადგენელი აღნიშნავს, რომ ხის კოტეჯის დასამზადებლად საჭირო ნედლეულზე 15-20%-ით გაზრდილმა ფასებმა, კოტეჯების გასაყიდი ღირებულებაც გააძვირდა. თუ შარშან კვადრატული მეტრის ფასი 1 100 ლარი ღირდა, წელს მისი ღირებულება 1 200-1 300 ლარს შეადგენს. კოტეჯების განთავსებაზე მოთხოვნა ძირითადად თბილისის მიმდებარე ტერიტორიებზე და მთაშია. #ახალიამბები #BusinessMediaGeorgia
#საქმიანიდილა - 15 ივნისი - პროლოგი #ახალიამბები #BusinessMediaGeorgia
ორ წელზე მეტია, რაც საუბრის მთავარი თემა სამყაროში covid-19 და მისი გავლენაა, თუმცა ახლა, როდესაც პანდემიის ყველაზე ცუდი შედეგები უკან მოვიტოვეთ და ადამიანები კვლავ თავისუფლად მოგზაურობენ, მორიგი მწვავე თემა გამოჩნდა: თვითმფრინავის ძვირადღირებული ბილეთები. მიუხედავად იმისა, რომ ბილეთების ფასი გაზრდილია, მოხეტიალე მოგზაურები დიდი პაუზის შემდეგ მაღალი ხარჯის გაღებისთვის მზად არიან. ზაფხულის ტარიფები პანდემიამდელ დონეზე 30%-ით მეტია. ტენდენცია კი, რეგიონების მიხედვით განსხვავებულია. და მაინც რა არის ამის მიზეზი? #ახალიამბები #BusinessMediaGeorgia
საქართველოში სამსახურს ბევრი ეძებს, ქვეყანაში უმუშევრობის მაღალი მაჩვენებელია და დასაქმება პრობლემაა, თუმცა ამის პარალელურად, ბიზნესი კადრების დეფიციტს განიცდის. კომპანიებს სამუშაო ძალის პოვნა უჭირთ. მსხვილი ბიზნესების წარმომადგენლები აღნიშნავენ, რომ ვაკანსიების გამოცხადების მიუხედავად დასაქმების მსურველების მხრიდან ინტერესი აღარაა. ერთ-ერთი უმსხვილესი ინდუსტრია, რომელსაც კადრების დეფიციტი მწვავედ შეეხო სარესტორნე ბიზნესია, ამის მიზეზიც ბევრია, იქნება ეს დაბალი ანაზღაურება თუ დასაქმებულთა უფლებების დარღვევა. რასაც ბოლო პერიოდში კადრების გადინების საკითხიც დაემატა, კონკრეტულად კი, ყატარში მიდიან, სადაც მსოფლიო ჩემპიონატისთვის ემზადებიან, იხსნება ახალი კვების ობიექტები, ტურისტული სივრცეები და შესაბამისად საქართველო კარგავს კვაპიფიციურ კადრებს. როგორია კვებისა და ტურიზმის ინდუსტრიაში დასაქმებულთა გადინების სტატისტიკა და რა ხდება დღეს ყატარში? სტუმარი: ლევან ქოქიაშვილი - "საქართველოს გასტრონომიის ასოციაციის" ხელმძღვანელი. #ახალიამბები #BusinessMediaGeorgia
თბილისში ბინების ქირის ფასმა რადიკალურად მოიმატა. მას შემდეგ, რაც რუსეთს უკრაინაში ომის გამო სანქციები დაუწესეს, რუსეთის ბევრი მოქალაქე დროებით თუ სამუდამოდ სხვადასხვა ქვეყანაში გაემგზავრა, მათ შორის ჩამოვიდნენ საქართველოშიც, რამაც ბინის ქირაზე ფასი მინიმუმ გააორმაგა, საინტერესოა ამ კუთხით თუ გაიზარდა მოთხოვნა Airbnb-ზე, როგორია დატვირთულობის მაჩვენებელი უშუალოდ ტურისტების მხრიდა, მოლოდინები და რაც მთავარია, ფასები? სტუმარი: ნიკა ანჯაფარიძე - კომპანია Wehost-ის დამფუძნებელი; #ახალიამბები #BusinessMediaGeorgia
ევროპის ქვეყნებში მოგზაურობასთან დაკავშირებული შეზღუდვების შესახებ ამერიკული Forbes სტატიას აქვეყნებს. გამოცემის თანახმად, ივნისის მდგომარეობით, ევროპის ბევრმა ქვეყანამ კორონავირუსთან დაკავშირებული შეზღუდვები მოხსნა, თუმცა ზოგიერთ მათგანი კვლავ ითხოვს Covid-19-ის ნეგატიურ ტესტს, ვაქცინაციის დოკუმენტს ან/და გამოჯანმრთელების ცნობას. Forbes-ის თანახმად, ივნისის დასაწყისისთვის ევროპის 30 ქვეყანას Covid-19-თან დაკავშირებული ყველა სახის შეზღუდვა მოხსნილი აქვს. ესენია: ალბანეთი, ავსტრია, ბელგია, ბულგარეთი, ხორვატია, კვიპროსი, ჩეხეთი, დანია, საბერძნეთი, უნგრეთი, ისლანდია, ირლანდია, იტალია, ლატვია, ლიხტენშტეინი, ლიეტუვა, მოლდოვა, მონტენეგრო, ჩრდილოეთ მაკედონია, ნორვეგია, პოლონეთი, რუმინეთი, სერბეთი, სლოვენია, შვედეთი, შვეიცარია და დიდი ბრიტანეთი. ეს ნიშნავს, რომ მოგზაურებს არავინ მოსთხოვს ჯანმრთელობასთან დაკავშირებულ რაიმე სახის დოკუმენტს. რაც შეეხება იმ ქვეყნებს, სადაც Covid-19-თან დაკავშირებული შეზღუდვები კვლავ მოქმედებს, ასეთია მაგალითად, ესტონეთი, რომელიც ევროკავშირის არაწევრი ქვეყნებიდან ვიზიტორებს ვაქცინაციის დოკუმენტს, გამოჯანმრთელების დამადასტურებელ ცნობას ან ტესტის ნეგატიურ პასუხს სთხოვს. სხვა შემთხვევაში ვიზიტორს 7 დღე იზოლაციაში მოუწევს ყოფნა. ასევე სიაშია ფინეთიც, საფრანგეთიც, ნიდერლამდებიც და პორტუგალიაც. რაც შეეხება ესპანეთს, ევროკავშირის წევრი ქვეყნების გარდა, ქვეყნა ვიზიტორებს ვაქცინაციის დოკუმენტს, გამოჯანმრთელების ცნობას ან ტესტის ნეგატიურ პასუხს სთხოვს. ევროპის რომელ ქვეყნებში მოქმედებს მოგზაურობაზე შეზღუდვები, თუ გეგმავენ ქართველები შვებულებას საზღვარგარეთ და რამდენად აფეხებთ მათ ავიაბილეთებზე გაზრდილი ფასები? სტუმარი: გოგა ქუცნიაშვილი - „ვოიაჟერ 365“-ის გენერალური მენეჯერი; #ახალიამბები #BusinessMediaGeorgia
საერთაშორისო კვლევითი ორგანიზაცია ნილსენის მიერ საქართველოს ბიზნეს ასოციაციის დაკვეთით ჩატარებული კვლევის თანახმად, საქართველოში მიმდინარე წლის პირველ კვარტალში სიგარეტის არალეგალური ვაჭრობა თითქმის გაორმაგდა და 7,5%-ს მიაღია. აღსანიშნია, რომ საერთაშორისო კვლევითმა სააგენტომ ცარიელი კოლოფების კვლევის მეთოდოლოგიით იხელმძღვანელა და ძირითადი მიგნებები უკვე წარუდგინა ასოციაციის წევრ კომპანიებს, ბიზნესომბუდსმენს და ფინანსთა სამინისტროს წარმომადგენლებს. ის, რომ ქვეყანაში არადეკლარირებული თამბაქოს შემოტანის შემთხვევები თითქმის ყოველკვირეულად ფიქსირდება, ამას შემოსავლების სამსახურის სტატისტიკაც ადასტურებს. რამდენად დიდია თამბაქოს არალეგალური ბაზარი საქართველოში, რა ამბობს ნილსენის კვლევა და შემოსავლების სამსახურის სტატისტიკა? სტუმარი: ლევან ვეფხვაძე - "საქართველოს ბიზნეს ასოციაციის" აღმასრულებელი დირექტორი; #ახალიამბები #BusinessMediaGeorgia
რა იცვლება მომხმარებელთა უფლებების ახალი კანონით? სტუმრები: გიორგი კეკენაძე - "ნოდია, ურუმაშვილი და პარტნიორები", უფროსი იურისტი; ნიკა ნანუაშვილი - საქართველოს ბიზნეს ასოციაციის იურიდიული დირექტორი. #ახალიამბები #BusinessMediaGeorgia
რას ნიშნავს EU-ს წევრობის კანდიდატის სტატუსი? სტუმარი: ეკატერინე ციმაკურიძე - "დემოკრატიის ინდექსი-საქართველო"-ს ხელმძღვანელი; #ახალიამბები #BusinessMediaGeorgia
მაისში შეერთებულ შტატებში წლიურმა ინფლაციამ 40-წლიან მაქსიმუმს, 8.6%-ს მიაღწია. ფასების დონის ზრდა აიძულებს ფედერალურ სარეზერვო სისტემას (Fed), საპროცენტო განაკვეთების მატება გააგრძელოს. ინფლაციის ზრდაში ყველაზე დიდი წვლილი საცხოვრებლის, საკვებისა და გაზის ფასებმა შეიტანა. ძირითადი სამომხმარებლო ფასების ინდექსი, რომელიც გამორიცხავს სურსათისა და ენერგიის ყველაზე არასტაბილურ კომპონენტებს, თვის ჭრილში 0,6%-ით, ხოლო გასული წლის ანალოგიურ პერიოდთან შედარებით 6%-ით გაიზარდა, რაც მოსალოდნელზე მაღალი მაჩვენებელია. როგორ მიიღო ბირჟამ გაანხლებული მონაცემები და როგორია ინდექსების რეაგირება მოლოდინების პარალელურად? სტუმარი: ნიკა მაზანაშვილი - Galt &Taggart;-ის საბროკერო დეპარტამენტის უფროსი ანალიტიკოსი; #ახალიამბები #BusinessMediaGeorgia
Forbes Georgia & BMG და Tegeta Motors წარმოგიდგენთ: #ForbesAuto-ს მზის ენერგიაზე მომუშავე ავტომობილის წარმოება წლის ბოლოსთვის დაიწყება; Solid Power-მა EV-ელემენტების საპილოტე წარმოება დაიწყო; GM-ი და Lockheed Martin-ი მთვარის როვერის კომერციალიზაციას გეგმავენ; გაუმართავი მუხრუჭების გამო Mercedes-ი მილიონამდე ავტომობილს გაიწვევს. #ავტოსიახლეები #საქმიანიდილა #ბიზნესმედია #საქმიანები #BMG
A პუნქტი მეტრო "დელისი", B პუნქტი "თავისუფლების მოედანი" - მეტრო VS ავტომობილი შალვა ოგბაიძე - თბილისის საკრებულოს დეპუტატი #ახალიამბები #BusinessMediaGeorgia
"ლიბერთი ბანკის" ახალი ინიციატივა ,,ბიზნეს დიალოგი“ რეგიონული შეხვედრების სერიაა, რომლის ფარგლებში, პარტნიორებთან ერთად, საქართველოს ყველა რეგიონში ტარდება შეხვედრები აგრო, მცირე და საშუალო ბიზნესის წარმომადგენლებთან. პირველი შეხვედრა კახეთში დაიწყო და ამჯერად ლიბერთი, პარტნიორებთან ერთად, გურიისა და სამეგრელოს რეგიონის აგრო და ბიზნესის წარმომადგენლებს შეხვდა. #ახალიამბები #BusinessMediaGeorgia
ამერიკულმა Forbes გაარკვია, თუ რა ოდენობის ინვესტიცია აქვთ მილიარდერებს კრიპლოვალუტაში ჩადებული. კვლევის ფარგლებშიც 65 მილიარდერი გამოკითხა და როგორც ირკვევა, მსოფლიოში, მილიარდერების თითქმის 30%, პირდაპირ ან ირიბად, ინვესტიციას კრიპტოვალუტებში დებს. 10%-მა აღნიშნა, რომ ისინი პირდაპირ არ დებენ ინვესტიციას კრიპტოვალუტაში, მაგრამ მხარს უჭერდნენ მასზე ორიენტირებულ კომპანიებს. თუმცა, გამოკითხულთა ნაწილი ფიქრობს, რომ კრიპტოვალუტაში ინვესტირება ზედმეტად სარისკოა. #ახალიამბები #BusinessMediaGeorgia
#საქმიანიდილა - 14 ივნისი - პროლოგი #ახალიამბები #BusinessMediaGeorgia
საქართველოს ბანკისა და საქართველოში აშშ-ს საელჩოს მხარდაჭერით, ფულბრაიტის სამაგისტრო პროგრამაზე კონკურსის განაცხადების მიღება დაიწყო. ფულბრაიტის სასტიპენდიო პროგრამა აშშ-ის უნივერსიტეტების სამაგისტრო პროგრამაზე სწავლის სრულ დაფინანსებას ითვალისწინებს. პროგრამის კანდიდატთა შერჩევას საქართველოში აშშ-ის საელჩო აწარმოებს. #ახალიამბები #BusinessMediaGeorgia
სამკერვალო "უნისტილი", რომელიც ბაზარზე 1993 წლიდან ოპერირებს, ხოლო 2006 წლიდან უნიფორმების ერთ-ერთი მსხვილი მწარმოებელია, უნიფორმებს სამშენებლო კომპანიებისთვის,ფაბრიკა-ქარხნებისთვის, პორტის და ნავთობგადამამუშავებელი კომპანიებისთვის, ბენზინ-გასამართი სადგურებისთვის და სხვა ორგანიზაციების თანამშრომელთათვის ამზადებს. კომპანიას ადგილობრივ ბაზარზე საკმაოდ დიდი წილი უჭირავს, თუმცა ექსპორტის ამბიციური გეგმებიც აქვს. სტუმარი: ნატალია ჩხეიძე – “უნისტილის” დამფუძნებელი; #ახალიამბები #BusinessMediaGeorgia
უკრაინაში კრემლის აგრესიული ქმედებების ფონზე ევროპა ცდილობს, რუსეთზე ენერგოდამოკიდებულება შეამციროს. უკვე გაცხადებულია, რომ იკრძალება რუსული ნავთობპროდუქტების იმპორტი, ასევე ევროკავშირის მიზანია, 2022 წლის ბოლომდე ორი მესამედით შეამციროს რუსულ გაზზე დამოკიდებულება. ამ ფონზე ხშირად ჩნდება კითხვა – და რამდენად არის დამოკიდებული რუსეთზე საქართველო? – საწვავი, გაზი და ელექტროენერგია – რამდენად შეუძლია ჩრდილოელ მეზობელს განსაზღვროს ჩვენი დღის წესრიგი – ეს მონაცემები ერთ კვლევაში გააერთიანა ორგანიზაციამ “მსოფლიო გამოცდილება საქართველოსთვის”. სტუმარი: თუთანა კვარაცხელია – WEG, უფროსი ანალიტიკოსი; #ახალიამბები #BusinessMediaGeorgia
როგორ გროვდება ჩვენი საპენსიო დანაზოგები? დაგროვებითი სისტემაში მილიონ 270 ათასაზე მეტი ადამიანია ჩართული, 2019 წლიდან დღემდე ფონდში თითქმის 2.4 მილიარდი ლარია მობილიზებული. ეს ის თანხაა, რომელიც 2–წელიწად ნახევრის განმავლობაში სახელმწიფომ, დასაქმებულებმა და დამსაქმებლებმა შეაგროვეს, პლუს ის დარიცხული სარგებელი, რომელსაც საპენსიო სააგენტო სხვადასხვა აქტივებში ინვესტირებით აგენერირებს. წელიწად–ნახევრის განმავლობაში მოქალაქეების დაგროვილი საპენსიო თანხები ბანკებში, დეპოზიტებზე იდო და სარგებელი ერიცხებოდა, თუმცა საპენსიო სააგენტომ უკვე 2 თვეა ინვესტირება უცხოურ აქტივებშიც დაიწყო. ამ საქმეში საპენსიო სააგენტოს JP Morgan–ი ეხმარება. სად და რამდენი მილიონი ლარია განთავსებული უცხოურ აქტივებში, რამდენი ადგილობრივ ბაზარზე და რა ამონაგებს ელოდება საპენსიო სააგენტო ინვესტიციებიდან? სტუმარი: გოგა მელიქიძე – საპენსიო სააგენტოს უფროსი საინვესტიციო ოფიცერი; #ახალიამბები #BusinessMediaGeorgia
მიმდინარე ტურისტულ სეზონზე საქართველოს აეროპორტებში კვირაში 400-ზე მეტი რეისი შესრულდება, აღნიშნულის შესახებ განცხადება ეკონომიკისა და მდგრადი განვითარების მინისტრმა ლევან დავითაშვილმა გააკეთა. როგორც მინისტრმა აღნიშნა, ქვეყანამ მოახერხა და 2019 წლის ტურისტული ნაკადების 50%-ზე მეტი უკვე დაიბრუნა, რაც თანხაში 70%-ზე მეტია. რომელი ავიაკომპანიები ემატება ზაფხულს ტურისტულ სეზონზე, როგორია მგზავრთნაკადის სტატისტიკა და სიახლეები ავიაციის სექტორში? #ახალიამბები #BusinessMediaGeorgia
#საუბრებიავიაციაზე: ავიაციასა და ტურიზმში ფასების და მოთხოვნის ზრდის ტენდენციები სტუმრები: გიორგი მოლოდინაშვილი - “Geo Sky”-ის ვიცე-პრეზიდენტი ბიზნესის განვითარების დარგში; მაია ბიბილაური - BTL- Business Travel Leisure-ის მფლობელი. #ახალიამბები #BusinessMediaGeorgia
2018 წლის 11 სექტემბერს საჯარო რეესტრის ეროვნულმა სააგენტომ რეგისტრაციაში გაატარა არასამეწარმეო იურიდიული პირი - საქართველოში ელექტრონული გადახდების განვითარების კლუბი. ამით მებარათეებმა საფუძველი ჩაუყარეს ოფიციალურ ორგანოს, რომლის ძირითადი მიმართულება იქნებოდა საქართველოს მთელს ტერიტორიაზე უნაღდო გადახდების განვითარების ხელშეწყობა, უნაღდო ანგარიშსწორების პოპულარიზაცია, სემინარების, კონფერენციების, ტრეინინგების და სხვა საჯარო ღონისძიებების ორგანიზება, ელექტრონული გადახდების სფეროში არსებული საერთო პრობლემების ანალიზი და მის გადაჭრაში მონაწილეობის მიღება. მიუხედავად იმისა, რომ კლუბის მოქმედების სფერო მოიცავს მთლიანად ელექტრონულ გადახდებს, მებარათეთა დღე მაინც დარჩა სიმბოლურად ძველი დასახელებით, რომელსაც ყოველწლიურად აღნიშნავენ, წელს, ღონისძიება შატო მუხრანში ჩატარდა. #ახალიამბები #BusinessMediaGeorgia
თიბისის მხარდაჭერით „ინნ ჯგუფმა“ კიდევ ერთი სასტუმრო გახსნა და შედეგეად ქუთაისს 5 ვარსკვლავიანი სასტუმრო, "ქუთაისი ინნ" შეემატა. სასტუმრო „აწარმოე საქართველოს“ პროექტის ფარგლებშია დაფინანსებული. თიბისისთვის რეგიონული განვითარება და დასაქმების ხელშეწყობა ერთ-ერთი პრიორიტეტული მიმართულებაა. #ახალიამბები #BusinessMediaGeorgia
თეგეტა ჰოლდინგში შემავალი Tegeta Commercial Vehicles საქართველოში პრემიუმ კლასის ბრენდის Renault Truck-ის გაყიდვებს იწყებს. ფრანგულ ბრენდს, რომელიც ოთხ კონტინენტზე საქმიანობს, რეგიონის ბაზარზე ქართული კომპანია ექსკლუზიურად წარმოადგენს. პირველი ცენტრი თბილისში 10 ივნისს, აღმაშენებლის ხეივანში გაიხსნა. კომპანია მომხმარებელს რენოს მაღალი ტვირთამწეობის სატვირთო ავტომობილებს შესთავაზებს და გაყიდვების შემდგომ სრულ მომსახურებას გაუწევს. კომერციული ტრანსპორტის სერვისს კვალიფიციური მექანიკოსები, რენოს სტანდარტების სრული დაცვით, თანამედროვე დანადგარების საშუალებით განახორციელებენ. ცენტრში დღის განმავლობაში 10-მდე სატრანსპორტო საშუალების მომსახურება არის შესაძლებელი. უმსხვილესი ბრენდის ოფიციალური წარმომადგენელი Tegeta Commercial Vehicles საქართველოში Renault Trucks-ის ფრანგული წარმოების ტექნიკით სომხეთსაც მოამარაგებს. ამასთანავე, ქართული კომპანია კომერციული ტრანსპორტისთვის ორიგინალ ნაწილებს მომხმარებელს ორივე ქვეყანაში შესთავაზებს. აღსანიშნავია, რომ რენოს პირველი ცენტრი თბილისში კომპანიის დირექტორმა და თურქეთსა და ცენტრალური აზიის რეგიონში Renault Trucks-ის ვიცე-პრეზიდენტმა გახსნეს, რომელიც საქართველოში სპეციალურად ამ ღონისძიებისთვის ჩამოვიდა. #ახალიამბები #BusinessMediaGeorgia
რა ღირს მედიკამენტები? #ახალიამბები #BusinessMediaGeorgia
American Airlines 2019 წლიდან ფლოტის ზომით მსოფლიოში ყველაზე დიდი ავიაკომპანიაა. თუმცა საინტერესოა, რომ ფლოტის მცირე ზომის მიუხედავად, 2020 წელს Delta Airlines-ს ყველაზე დიდი შემოსავალი დაუფიქსირდა. ამასობაში, როგორც ფლოტის ზომით, ასევე შემოსავლით და გადაყვანილი მგზავრების რაოდენობით, აზიის უმსხვილეს ავიაკომპანიად China Southern-ი დასახელდა; China Eastern-თან და Air China-თან ერთად, ის ჩინეთის "დიდი სამეულშია". #ახალიამბები #BusinessMediaGeorgia
#საქმიანიდილა - 13 ივნისი - პროლოგი #ახალიამბები #BusinessMediaGeorgia
რუსეთში შამპანურის დეფიციტია მოსალოდნელი #ახალიამბები #BusinessMediaGeorgia
საქართველოს პერსპექტივა სტუმრები: გიორგი პაპავა - ISET-ის კვლევითი ინსტიტუტის წამყვანი ეკონომისტი; საბა ბუაძე - თბილისის საკრებულოს წევრი; ბექა ლილუაშვილი - პარლამენტარი #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
სად არიან ინვესტორები? - ელენე კვანჭილაშვილის პროლოგი #ახალიამბები #BusinessMediaGeorgia
#partnerships4SUSTAINABILITY: კორპორაციული პასუხისმგებლობის ჯილდო 2022 სტუმრები: სალომე ზურაბიშვილი - გლობალური შეთანხმების საქართველოს ქსელის აღმასრულებელი დირექტორი; ქეთი ბოჭორიშვილი - გლობალური შეთანხმების საქართველოს ქსელის გაეროს გლობალური შეთანხმების გლობალური ინიციატივების ხელმძღვანელი; ლელა აქიაშვილი - UNDP-ის ადამიანის უფლებების, გენდერული თანასწორობის და სოციალური ინკლუზიის მიმართულების ხელმძღვანელი. #ახალიამბები #BusinessMediaGeorgia
საწარმოო კომპონენტების დეფიციტი და გაზრდილი ფასები, გაძვირებული ლოგისტიკა, კვალიფიციური კადრები - ავტოინდუსტრიის გამოწვევები და ქართული საავტომობილო ბაზრის განვითარების ისტორია. #BMGDRIVE-ის მგზავრი: ლევან ასანიშვილი - Jeep Georgia-ს გენერალური დირექტორის მოადგილე ავტორები: ბექა ბაციკაძე; გურამ ხუნდაძე; ედგარ ყაზახაშვილი; რევაზ ნასიძე; #ავტოინდუსტრია #Jeep #JeepGeorgia #ბიზნესმედია #საქმიანები
სტატისტიკის მიხედვით, საქართველოში სისხლის გადასხმა წელიწადში 10-15 ათას ადამიანს სჭირდება.სისხლის პროდუქტებზე გაზრდილი მოთხოვნის ფონზე კი მნიშვნელოვანია გაიზარდოს იმ ადამიანთა რაოდენობაც, ვინც სისხლს უანგაროდ გაიღებს და გადაარჩენს სიცოცხლეს. ახლად გახსნილი სისხლის ცენტრის კრეატიული კონცეფცია და სლოგანიც ამ კამპანიის მისიას ასახავს - აჩუქე სიცოცხლე, აჩუქე ღიმილი! ქვეყანაში სისხლის პროდუქტებზე არსებული დეფიციტის შესავსებად, ევექსის ჰოსპიტალურმა ქსელმა სისხლის ბანკი გახსნა, რომელიც „სისხლის ცენტრის“ სახელით იწყებს ფუნქციონირებას. სტუმარი: ეკა ქავთარაძე - "ევექსი ჰოსპიტლების" დირექტორის მოადგილე #ახალიამბები #BusinessMediaGeorgia
თიბისი ჯგუფის ეკოსისტემას ახალი შვილობილი კომპანია დაემატა. თიბისი - აქტივების მართვა აქტივების მართვის ერთ-ერთი პირველი კომპანიაა, რომელიც საქართველოს ეროვნული ბანკის მიერაა ლიცენზირებული და რეგულირებადი. ამ ეტაპზე, ის მართავს ფონდს - დივერსიფიცირებულ საკრედიტო პორტფელს, რომელიც ასევე საქართველოს ეროვნული ბანკის მიერ რეგულირდება. რას მოიცავს „დივერსიფიცირებულ საკრედიტო პორტფელი“ , როგორ ფუნქციონირებს ის და რას მისცემს თიბისის თუ საფინანსო ბაზარს? სტუმრები: მერი ჩაჩანიძე - "თიბისი კაპიტალი", მმართველი დირექტორი; ნიკოლოზ გაგუა - სებ-ის ვიცე-პრეზიდენტი. #ახალიამბები #BusinessMediaGeorgia
შვედეთის სამეფოს საელჩოს და შვედეთის ინსტიტუტის მხარდაჭერით "თბილისი მარიოტში" დასაქმების სემინარი გაიმართა, რომელსაც შვედეთი სამეფოს ელჩი და საქართველოში რეგისტრირებული შვედური კომპანიების წარმომადგენლები დაესწრნენ. #ახალიამბები #BusinessMediaGeorgia
#საქმიანიდილა - 10 ივნისი - პროლოგი #ახალიამბები #BusinessMediaGeorgia
სპეციალური ფასები და განვადების პირობები ჯიპის ცენტრისგან. 0%- დან თანამონაწილეობით მომხმარებელს შეუძლია ცენტრიდან სასურველი ავტომობილი გაიყვანოს და გადახდა 6 თვის შემდეგ დაიწყოს. რა სამოდელო რიგს გვთავაზობს ჯიპი, რა დამატებითი საჩუქრებია მომხმარებლებისთვის? ლევან ასანიშვილი - Jeep Georgia-ს გენერალური დირექტორის მოადგილე; #ახალიამბები #BusinessMediaGeorgia
მრავალწლიან ტრადიციას ბილ გეიტსმა არც წელს უღალატა და საკუთარ ბლოგში იმ ხუთი წიგნის შესახებ დაწერა, რომელთა წაკითხვას მის გამომწერებს ამ ზაფხულს ურჩევს. გეიტსის რჩეული წიგნების უმრავლესობა არამხატვრული ჟანრისაა – თემატურად ისინი შეეხება როგორც კლიმატის ცვლილებების შედეგებს, ასევე გენდერულ სიძლიერეს და ამერიკის შეერთებულ შტატებში არსებული პოლარიზაციის მიზეზებს. თუმცა Microsoft-ის დამფუძნებელს არც მხატვრული ლიტერატურა დაავიწყდა – სიაში თანამედროვე ავტორების სამი რომანი მოხვდა. #ახალიამბები #BusinessMediaGeorgia
ქოლიერს ჯორჯიას მონაცემებით მიმდინარე წლის 4 თვეში, თბილისში უძრავი ქონების ფასის 9%-იანი ზრდა შეინიშნებოდა, რაც ერთი მხრივ სამშენებლო მასალების ფასის ზრდით და მეორე მხრივ არარეზიდენტების მხრიდან გაზრდილმა მოთხოვნამ განაპირობა. აპრილში მაგ. ბათუმში ტრანზაქციების რაოდენობა ეკონომ და მედიუმ სეგმენტში 37% ით გაიზარდა. პრემიუმში კი 10%-ით შემცირდა. როგორია განახლებული 5 თვის მონაცემები? სტუმარი: ეთუნა მუნჯიშვილი - "ქოლიერს ჯორჯიას" დეველოპმენტ კონსალტინგის ხელმძღვანელი; #ახალიამბები #BusinessMediaGeorgia
თბილისის მერია 18-დან 29 წლამდე ახალგაზრდებისთვის, მასშტაბურ საზაფხულო პროგრამას იწყებს. პროგრამის ფარგლებში თბილისში მცხოვრებ ახალგაზრდებს სხვადასხვა ახალგაზრდულ სერვისს, მათ შორის, ლაშქრობებს, საველე-ბანაკებს, საჯომარდო ტურებს, ველოტურებს, კარტინგს, მინი გოლფს, სასროლეთს, მუნიციპალურ საცურაო აუზს შესთავაზებენ. მერის განმარტებით, პირველ ეტაპზე, პროგრამაში 5 000-მდე ახალგაზრდა ჩაერთვება და მონაწილეთა რაოდენობა, მოთხოვნის შესაბამისად, ეტაპობრივად გაიზრდება. პროექტის ბიუჯეტი, დააახლოებით, 250 000 ლარია. სტუმარი: ირაკლი გვილავა - თბილისის მერიის კულტურის, განათლების, სპორტისა და ახალგაზრდულ საქმეთა საქალაქო სამსახურის ხელმძღვანელი; #ახალიამბები #BusinessMediaGeorgia
უფასო კვება სკოლებში - ეს დაპირება ქართულმა ოცნებამ წინასაარჩევნოდ მას შემდეგ გასცა, რაც იგივე შინაარსის ბანერი „ნაციონალური მოძრაობის“ ლიდერებმაც გააჟღერეს. შესაბამის უწყებაში მაშინ აცხადებდნენ, რომ სასკოლო კვების პროგრამაზე შეიქმნა სპეციალური უწყებათაშორისი სამუშაო ჯგუფი და გაეროს ბავშვთა ფონდთან თანამშრომლობით რამდენიმე მოდელიდან ერთ-ერთის არჩევა მოხდებოდა. იმ პერიოდში თემაზე მუშაობა მართლაც დაიწყო, თუმცა შეხვედრებს განგრძობითი ხასაითი არ ჰქონია და ამ ეტაპზე არც საზოგადოებამ, არც მედიამ და არც სამუშაო ჯგუფში ჩართულმა მხარემ - იუნისეფმა არ იცის დაინერგება თუ არა სკოლებში პროგრამა, რომელიც წესით 2022-2023 სასწავლო წლისთვის იყო დაგეგმილი. საკითხი აქტუალური გახდა მას შემდეგ რაც გასაჯაროვდა კვლევა, რომლის თანახმადაც, მოსწავლეთა 77% ამბობს, რომ სკოლაში მისვლისას ხანდახან (42%) ან ყოველთვის (35%) შია. საქართველოს საჯარო სკოლებში კი დაახლოებით 549 ათასი მოსწავლე სწავლობს. რა იციან იუნისეფში თემაზე, რა მიმართულებით იმუშავა ორგანიზაციამ და რომელ მოდელებს შორის ხდებოდა არჩევანი? სტუმარი: თამარ უგულავა - გაეროს ბავშვთა ფონდის ჯანდაცვის სპეციალისტი; #ახალიამბები #BusinessMediaGeorgia
საწარმოო პროცესთან და ინდუსტრიასთან დაკავშირებული პროფესიები ყოველთვის მოთხოვნადი იყო ბაზარზე, ხოლო სპეციალისტები, რომლებმაც მიაღწიეს მაღალ დონეს ამ სფეროებში, ყოველთვის დეფიციტურ პროფესიას მიეკუთხვენოდა. ერთ-ერთი ასეთი საწარმოო ინჟინერია. რას გულისხმობს უფრო კონკრეტულად საწარმოო ინჟინერის პროფესია და რა ტიპის პასუხისმგებლობას იღებენ ყოველდღიურად? #ახალიამბები #BusinessMediaGeorgia
საქართველოს ბიზნეს ასოციაციას კიდევ ერთი კომპანია შეემატა. ვიქტორია სექიურითი, რომელსაც დაცვა-უსაფრთხოების მომსახურეობის გაწევის თითქმის 20 წლიანი გამოცდილება აქვს. აღსანიშნავია, რომ კომპანიას მინიჭებული აქვს საერთაშორისო სტანდარტების ხარისხი, პირველი და ერთადერთი ბიზნეს ოპერატორია საქართველოში, რომელიც ფლობს ISO 9001:2015 უსაფრთხოების კომპლექსურ სერთიფიკატს. კომპანია შ.პ.ს. „ვიქტორია სექიურითი“ საქართველოს მთელ ტერიტორიაზე ახორციელებს, თანამედროვე დაცვითი ელექტრონული სიგნალიზაციის, ვიდეო-სამეთვალყურეო, დაშვების კონტროლისა და ხანძარმაქრი სისტემების საპროექტო-სამონტაჟო სამუშაოებს, მაღალკვალიფიციური ტექნიკური ჯგუფების მეშვეობით. სტუმრები: ლევან ვეფხვაძე - "საქართველოს ბიზნეს ასოციაცია", აღმასრულებელი დირექტორი; გიორგი გუგეშაშვილი - "ვიქტორია სექიურითი", გენერალური დირექტორი; ნიკა გუგეშაშვილი - "ვიქტორია სექიურითი", მრჩეველი საერთაშორისო საკითხებში. #ახალიამბები #BusinessMediaGeorgia
დღევანდელი საქმიანების გმირის მთავარი საქმის, ვარდის მეურნეობის მთავარ გმირს, ვარდს, ძველ საბერძნეთში თუ სიმღერას უძღვნიდნენ და კოსმოსიდან ყვავილების დედოფლობის რჩეულობას აწრდნენ დღეს საკმაოდ საინტერესო ბიზნესის ნედლეულია. ვარდის სილამაზე და სუნი ერთია და მეორე ის თვისებები რაც მაგალითად მის ზეთს მოჰყვება, რომელიც 370-მდე მიკრობიოლოგიურ ელემენტს შეიცავს და კანის გაახალგაზრდავების, ანთების საწინააღმდეგო, ანტიდეპრესანტისა და ჰორმონალური დისბალანსის მოწესრიგების უნარიც კი გააჩნია. სასარგებლო თვისებების გამო ვარდის ზეთი საკმაოდ ძვირია: 1 კგ-ს ღირებულება, ადგილწარმოშობის მიხედვით, 7 000-10 000 დოლარს აღწევს, განსაკუთრებულად ფასობს, თუ ის ბიოლოგიურად სუფთა პროდუქტია. #ახალიამბები #BusinessMediaGeorgia
“თიბისი სტარტაპერის” პარტნიორი - სასტუმრო “ფიჭვის ძირში” სტუმარი: გიორგი სუჯაშვილი - სასტუმრო "ფიჭვის ძირში", დამფუძნებელი; #ახალიამბები #BusinessMediaGeorgia