ინფრასტრუქტურის მშენებელთა ასოციაციამ ახალი პროგრამის განხორციელება დაიწყო, რომელიც მიზნად რეგიონებში არსებული სამშენებლო მასალების მწარმოებელი კომპანიების მენტორობით სამშენებლო მასალების მწარმოებელი კომპანიების გაძლიერებას ისახავს. რა შესაძლებლობებია პროგრამის ფარგლებში და სარგებელს მიიღებენ ბიზნესები? სტუმარი: ანა საბახტარაშვილი - ინფრასტრუქტურის მშენებელთა ასოციაციის აღმასრულებელი დირექტორი; ირაკლი გოგოლიშვილი - "ანაგის" გენერალური დირექტორი, პროგრამის მენტორი. #ახალიამბები #BusinessMediaGeorgia
ევროკავშირის ეკონომიკა 16.6 ტრლნ დოლარს შეადგენს. სავალუტო ფონდის მონაცემებით, 27 წევრი ქვეყნიდან, 6 ძირითადი კონტრიბუტორი ქვეყანაა, საიდანაც ჯამში 14 ტრლნ დოლარი აკუმულირდება. საერთაშორისო სავალუტო ფონდი 2023 წელს ევროპასთან დაკავშირებით დადებით მოლოდინებს არ აკეთებს. ფონდის პროგნოზით, 2023 წელს ევროკავშირის ეკონომიკა 0,7%-ით გაიზრდება. #ახალიამბები #BusinessMediaGeorgia
28%-ით არის გაზრდილი. 2022 წლის დეკემბრის მონაცემებით, დედაქალაქში 1 კვ.მეტრის ყიდვის საშუალო ღირებულება 1 072 აშშ დოლარს შეადგენს. „თიბისი კაპიტალის“ ინფორმაციით, 2022 წლის დეკემბერში წინა წლის ანალოგიურ პერიოდთან შედარებით, თბილისში ქირის ფასი 103%-ით არის გაზრდილი. კვლევის თანახმად, რომლის დეტალებსაც ირინა კვახაძე გაგვიზიარებს 2022 წლის დეკემბრის მონაცემებით, ქირის ფასი თბილისში წლიურად ყველაზე მეტად - 16.2%-ით დიდ დიღომში გაიზარდა. რა ცვლილებები იყო წლის ბოლოს უძრავი ქონების ბაზარზე? სტუმარი: ირინა კვახაძე - "თიბისი კაპიტალის" კვლევების სამსახურის უფროსი; #ახალიამბები #BusinessMediaGeorgia
რუსეთ-უკრაინის ომის დაწყების შემდეგ, სატრანსპორტო ინდუსტრია ფაქტობრივად თავდაყირად დადგა, საქართველო კი, თავისი გეოგრაფიული მდებარეობიდან გამომდინარე, ცვლილებების ნამდვილ ეპიცენტრში აღმოჩნდა. სტუმარი: ვასილ მაზიაშვილი - Transford (Pace Group), აღმასრულებელი დირექტორი; გიორგი არონია - BMG&ForbesGeorgia;-ს ანალიტიკოსი; გიორგი თოლორდავა - BMG-ის ანალიტიკოსი; #ახალიამბები #BusinessMediaGeorgia
“საქართველოს ბანკმა“ და ანალიტიკურმა ცენტრმა „ჯეოქეისმა“ ერთობლივი პროექტის „ეკონომიკური ფორუმის“ ფარგლებში, მესამე დისკუსია გამართეს. დისკუსიის მთავარი თემა - „საინვესტიციო პოლიტიკა“ იყო. დისკუსიაში მონაწილეობა საქართველოს ფინანსთა მინისტრმა ლაშა ხუციშვილმა, საქართველოს ბანკის გენერალურმა დირექტორმა არჩილ გაჩეჩილაძემ, ანალიტიკური ცენტრ „ჯეოქეისის“ თავმჯდომარემ ვიქტორ ყიფიანმა მიიღო. დისკუსიას მოდერაცია „ჯეოქეისის“ეკონომიკური მიმართულების დირექტორმა გიორგი აბაშიშვილმა გაუწია. განხილვის მთავარი მიზანი სახელმწიფოს, ანალიტიკური და ბიზნესსექტორის მხრიდან საქართველოს საინვესტიციო პოლიტიკის, გამოწვევების და ახალი შესაძლებლობების გაანალიზება იყო. მნიშვნელოვანია, რომ მიმდინარე წლის იანვარში, ანალიტიკურ ცენტრ „ჯეოქეისსა“ და პოლონურ კვლევით ორგანიზაციას - „Foundation Institute for Eastern Studies” - შორის გაფორმდა მემორანდუმი და, შესაბამისად, ცენტრალურ და აღმოსავლეთ ევროპაში ყველაზე მსხვილი ეკონომიკური ფორუმის ორგანიზატორი საქართველოს ბანკისა და "ჯეოქეისის" ერთობლივი პროექტის მთავარი ექსკლუზიური საერთაშორისო პარტნიორია. #ახალიამბები #BusinessMediaGeorgia
„მცირე და საშუალო მეწარმეობის განვითარების ასოციაციის (SMEDA)” ორგანიზებით ბათუმში მასშტაბური ბიზნეს ფორუმი ჩატარდა. ფორუმი ფინანსებზე ხელმისაწვდომობის თემას მიეძღვნა რომელიც მცირე და საშუალო ბიზნესისთვის დღემდე ერთ-ერთი ყველაზე აქტუალური თემაა. ღონისძიებაზე მოხსენებით წარდგნენ საქართველოს ეროვნული ბანკის, სააგენტო „აწარმოე საქართველოში“-ს, EBRD-სა და სხვა საფინანსო ორგანიზაციების წარმომადგენლები. #ახალიამბები #BusinessMediaGeorgia
,,გაზარდე შენი ბიზნესი“ კამპანიის ფარგლებში ლიბერთი პარტნიორებთან ერთად, მარნეულში, ქვემო ქართლის რეგიონის აგრო და ბიზნესის წარმომადგენლებს შეხვდა. ,,ბიზნეს დიალოგის” სპიკერებმა, ლიბერთის, სოფლის განვითარების სააგენტოს, სახელმწიფო პროგრამა ,,აწარმოე საქართველოში“, ,,მერსი კორფსისა“ და ,,ნიუ ვიჟენ“ დაზღვევის წარმომადგენლებმა, სოფლის მეურნეობისა და მცირე ბიზნესის განვითარებისთვის არსებულ ყველა იმ შესაძლებლობებზე ისაუბრეს, რაც საკუთარი ბიზნესის გაზრდის შესაძლებლობას ხელს შეუწყობს. #ახალიამბები #BusinessMediaGeorgia
მსოფლიო ეკონომიკური ფორუმის ანგარიშით, რომელიც მომავლის პროფესიებს მიმოიხილავს, შრომის ავტომატიზაცია და ხელოვნური ინტელექტი 2025 წლისთვის სავარაუდოდ 85 მილიონ სამუშაო ადგილს ჩაანაცვლებს. თუმცა, ანგარიში ასევე ცხადყოფს, რომ იმავე ვადაში დაახლოებით 97 მილიონი ახალი სამუშაო ადგილი შეიქმნება. ბოლო რამდენიმე წლის განმავლობაში ვირტუალური რეალობა, ხელოვნური ინტელექტი და მოწინავე ქლაუდ ტექნოლოგია მკვეთრად განვითარდა, რაც ადამიანებს ახალ კარიერულ შესაძლებლობებს შესთავაზებს. #ახალიამბები #BusinessMediaGeorgia
საქართველოს ენერგეტიკის განვითარების ფონდი, ევროპის რეკონსტრუქციისა და განვითარების ბანკის ფინანსური მხარდაჭერით, ენგურის ჰიდროლოგიური ინიციატივის პროექტს ახორციელებს. პროექტის მიზანი წყლის რესურსის მენეჯმენტია, რომლისთვისაც ერთიანი პლატფორმა შეიქმნება, სადაც ენგურის ჰიდროლოგიური მონაცემები იქნება ხელმისაწვდომი. პროექტის ფარგლებში ენგური სრულად შეისწავლება. საქართველოში მდინარე ენგური პირველია, სადაც მსგავსი ჰიდროლოგიური მოდელი ხორციელდება. #ახალიამბები #BusinessMediaGeorgia
წინასაახალწლოდ თიბისიმ მომხმარებელს ახალი სერვისი - განაწილება - შესთავაზა, რომლის საშუალებითაც ნივთის ღირებულების გაყოფა შეგიძლია 4 ტოლ ნაწილად, არის შესაძლებელი საპროცენტო განაკვეთის და დამატებითი საკომისიოების გარეშე. ამ ამბავზე გასული წლის ბოლოს მოგიყევით თორნიკე გოგიჩაიშვილთან ერთად და ამ ჯერზე გადავწყვიტე თავად გამომეცადა და სატესტო რეჟიმში მეჩვენებინა როგორ არის განაწილებით სარგებლობა შესაძლებელი. დანარჩენს რომელი მაღაზიების თუ სერვისების მიღებაა განაწილებით შესაძლებელი თიბისის ციფრულ ბანკში ნახავთ. #ახალიამბები #BusinessMediaGeorgia
#საქმიანიდილა - 3 თებერვალი - პროლოგი #ახალიამბები #BusinessMediaGeorgia
ამერიკელმა სამართალდამცავებმა, კერძოდ კი მესაზღვრეებმა დაიჭირეს, დააპატიმრეს და მერე არ ვიცი რა უქნეს ზღვის კუ, რომელიც წყნარ ოკეანეში ნება ნება მიცურავდა, არა ადარდებდა რა, მათ შორის, არც ხელოვნური ინტელექტის მოსაზრებები თუ როგორ გამოიყურებიან სხვადასხვა ქვეყნის ქალბატონები, რადგან ტვირთი რომელსაც ის ეზიდებოდა იყო 53 მლნ დოლარის ღირებულებისა დაა ზღვის კუ, ასე დინჯად და ლივლივით კვეთდა წყნარ ოკეანეს ნაპირებისკენ დატვირთული კოკაინით. ამერიკის შეერთებული შტატების მკაცრმა მესაზღვრეება, უმალ გაათავისუფლეს კოკაინის ტვირთისგან ზღვის კუ, რომ ჯანმრთელი და საღსალამათიიც არის, რადგან ზღვის წყლის გარდა, არა მიკარებია არაფერს - მათ შორის არც ტვირთის შიგთავსს. ხოლო 1800 ფაუნდი ტვირთი, რაც დაახლოებით 720 კგ ჩემი დათვლით და უფრო მოკლე ჭკუით , და საბაზრო ფასი 53 მლნ, ცხადია დაპატიმრებულია. რაც ვიცით დაზუსტებით, რომ ზღვის კუ თავისუფალი და მგონი, არც რაიმე ჯილდო მხედრული თუ საზღვაო მამაცობისთვის, ან რამე სხვა არ მიუღია. ისევე, როგორც არ ვიცით, რა ბედი ეწია ტვირთს, რითაც ასე დატვირთეს ერთ დროს საწყალი, ან იქნებ ახლა საწყალი ზღვის კუ რათა დანიშნულების ადგილას, მიეტანა ერთ-ერთი ყველაზე ორიგინალური გზით ეს ტვირთი. #ახალიამბები #BusinessMediaGeorgia
დღეს 13:30 საათზე დიაბეტის მქონე ბავშვების მშობლები ბოლო ერთი წლის განმავლობაში საქართველოში ინსულინის პერმანენტული დეფიციტის გამო ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსთან საპროტესტო აქციას გამართავენ. ამ დროისთვის საქართველოს ინსულინის სახელმწიფო პროგრამას დაახლოებით 1500-მდე ბენეფიციარი ჰყავს. სახელმწიფო პროგრამით გაწერილია, რომ აღნიშნულ ბენეფიციარებს სამ თვეში ერთხელ ინსულინის შესაბამის პერიოდზე გაწერილი მარაგები ეკუთვნით, თუმცა როგორც ბენეფიციარი ბავშვების მშობლები აცხადებენ ბოლო ერთი წლის მანძილზე უკვე სამჯერ მოხდა ისე, რომ ქვეყანას, კერძოდ კი ჯანდაცვის სამინისტროს ინსულინის მარაგი არ აღმოაჩნდა. რა პრობლემებს ქმნის დიაბეტის მქონე ბავშვებისთვის პრეპარატის არარსებობა და რატომ ვერ ხერხდება სამინისტროს მხრიდან პრეპარატის მიწოდება? სტუმარი: მაცაცო ასათიანი - მშობელი #ახალიამბები #BusinessMediaGeorgia
თბილისში გასული წლის დეკემბერში 3 967 ბინა გაიყიდა, რაც 2019 წლის მაჩვენებელს 33.7%-ით აღემატება. Colliers Georgia-ს განახლებულ მონაცემებში აღნიშნულია, რომ დეკემბერში გაყიდვების საკმაოდ მაღალი მაჩვენებელი ერთ-ერთი მსხვილი დეველოპერის მიერ ტრანზაქციების ერთიანად დარეგისტრირებით იყო გამოწვეული. მათივე ინფორმაციით, ბაზრის ზომა 53%-ით 217 მილიონ დოლარამდე გაიზარდა. ახალი და ძველი პროექტების მიხედვით, ბინების გაყიდვების მაჩვენებელი ახალ პროექტებში 2019 წლის მაჩვენებელს 40%-ით აღემატება, ძველ პროექტებში კი მაჩვენებელი 21%-ით არის გაზრდილი. 2022 წლის დეკემბერში თბილისში ახალაშენებულ პრემიუმ სეგმენტის ბინებზე მოთხოვნა გასამმაგდა, მედიუმ სეგმენტში კი 820 ბინის გაყიდვა დარეგისტრირდა, რაც 2019 წლის მაჩვენებელთან შედარებით 2-ჯერ მეტია. რაც შეეხება ეკონომ სეგმენტს, ტრანზაქციების რაოდენობა მხოლოდ 15%-ით გაიზარდა. recov.ge-ს მონაცემებით, 2022 წლის დეკემბერში 2019 წლის ანალოგიურ პერიოდთან შედარებით თბილისში ახალაშენებული ბინების საშუალო შეწონილი გასაყიდი ფასი ქალაქის ცენტრში 14%-ით, ფართო ცენტრში - 22%-ით, გარეუბნებში კი 28%-ით გაიზარდა. 2022 წლის დეკემბერში თბილისში ძველი ბინების საშუალო შეწონილი გასაყიდი ფასი გარეუბნებში 15%-ით გაიზარდა, ფართო ცენტრსა და ქალაქის ცენტრში კი 1%-იანი და 5%-იანი ზრდა დაფიქსირდა. რაც შეეხება ბათუმს, ამ შემთხვევაში ზრდა 2021 წლის დეკემბერთან შედარებით 38%-ია, ჯამში დეკემბერში 1 734 ბინა გაიყიდა. საცხოვრებლები ბინების ბაზრის ზომა 116%-ით გაიზარდა და 107 მილიონი დოლარი შეადგინა. ბათუმში 2022 წლის დეკემბერში ახალაშენებული ბინების ტრანზაქციების რაოდენობა 38%-ით გაიზარდა, ძველი ბინების შემთხვევაში კი 35%-იანი ზრდა დაფიქსირდა. როგორია „ქოლიერს ჯორჯიას“ მონაცემები წლიურ ჭრილში და რა მოლოდინები აქვთ ორგანიზაციაში 2023 წლისთვის? სტუმარი: ეთუნა მუნჯიშვილი - "ქოლიერსის" დეველოპმენტ კონსალტინგის ხელმძღვანელი; #ახალიამბები #BusinessMediaGeorgia
გუშინ გარემოს დაცვისა და სოფლის მეურნეობის სამინისტროში დარგობრივი ასოციაციების წარმომადგენლები მინისტრს ოთარ შამუგიას ხვდებოდნენ. სოფლის მეურნეობის სექტორში მოღვაწე ასოციაციებმა უწყების ხელმძღვანელს დარგში არსებულ გამოწვევებზე და გადაჭრის გზებზე ესაუბრნენ. ვინ ესწრებოდა შეხვედრას და რა საკითხები და ინიციატივები გაჟღერდა? სტუმარი: ბექა გონაშვილი - მეცხვარეთა ასოციაციის ხელმძღვანელი; #ახალიამბები #BusinessMediaGeorgia
თბილისის მერმა კახა კალაძემ მეტრო "ვარკეთილის" სარეაბილიტაციო სამუშაოების დაწყება დააანონსა. მისი განცხადებით, სადგურის რეაბილიტაცია 18 თვის განმავლობაში გაგრძელდება, საიდანაც 2 თვით სადგური სრულად დაიკეტება. კახა კალაძის თქმით, სადგურის ზაფხულში დაიკეტება და ამის შესახებ მოსახლეობას დამატებით მიეწოდება ინფორმაცია. სახელმწიფო შესყიდვების სააგენტოს ვებ-გვერდზე უკვე გამოქვეყნდა 13.4-მილიონიანი გამარტივებული შესყიდვის ხელშეკრულება, რომელიც თბილისის სატრანსპორტო კომპანიამ შპს “ბადა ქონსთრაქშენთან” გააფორმა. აღნიშნული კომპანია კიდევ ერთი გამარტივებული კონტრაქტით მეტრო ავლაბრის სარეაბილიტაციო სამუშაოებს ასრულებს. გუშინ გამართულ მთავრობის სხდომაზე ასევე ითქვა, რომ თბილისის მერია მეტროსთვის ვაგონებს რუსული კომპანია „მეტროვაგონმაშისგან“ შეიძენს. გადაწყვეტილება მიღებულია და ხელშეკრულება აღარ შეწყდება. თბილისის ვიცე-მერის განცხადებით, EBRD-ის 2021 წელს გამოცხადებულ ტენდერში გამარჯვებულ რუსულ კომპანიასთან ხელშეკრულების პირობები შეიცვალა. ირაკლი ხმალაძემ განმარტა, რომ ცვლილებები დამკვეთის, ანუ თბილისის მერიის ფინანსური რისკებისგან თავის არიდების გამო მოხდა და დააზუსტა, რომ რუსული კომპანია „მეტროვაგონმაში“ სანქცირებული არ არის. ცნობისთვის: EBRD-ის მიერ გამოცხადებულ ტენდერში, რომელიც თბილისის მეტროპოლიტენის მიერ ახალი ვაგონების შესყიდვას შეეხებოდა რუსულმა კომპანია „მეტროვაგონმაშმა“ 2021 წლის დეკემბერში გაიმარჯვა. პროექტს თბილისის მერია და “თბილისის სატრანსპორტო კომპანია” სწორედ EBRD-ისგან მოზიდული კრედიტით აფინანსებენ და მის ფარგლებში ახალი ვაგონების შესყიდვასთან ერთად, დეპოს და საბურთალოს ხაზის დამაკავშირებელი გვირაბის რეაბილიტაციაც უნდა მოხდეს.მეტროვაგონმაში დედაქალაქს 49,190,000 ევროს ღირებულების 44 ვაგონი უნდა მიაწოდოს. ლარებში შესყიდვის ღირებულება 172 მილიონია. სტუმარი: ელენე ხუნდაძე - ექსპერტი სატრანსპორტო საკითხებში; #ახალიამბები #BusinessMediaGeorgia
ზეგანაკვეთური სამუშაო საათების მონიტორინგი სტუმარი: ნიკა ნანუაშვილი - "საქართველოს ბიზნეს ასოციაციის" იურიდიული დირექტორი; #ახალიამბები #BusinessMediaGeorgia
მონტენეგრო საკუთარ ციფრულ ვალუტას (CBDC) წამყვან კრიპტოკომპანია Ripple-თან თანამშრომლობით შექმნის. Ripple-ის ყველაზე წარმატებული პროექტი მსოფლიოს რიგით მეექვსე უმსხვილესი კრიპტოვალუტა XRP-ია, რომლის საბაზრო კაპიტალიზაციაც 20 მილიარდ დოლარს აღწევს. წამყვან კრიპტოაქტივებს შორის XRP ერთ-ერთი ყველაზე მაღალტექნოლოგიურია, რომელსაც ტრანზაქციების სისწრაფე და გამტარუნარიანობა გამოარჩევს. კომპანია Ripple-ი ბლოკჩეინ და ციფრულ პროექტებს როგორც კრიპტოპლატფორმებისთვის, ასევე კომპანიების, ბანკებისა და სახელმწიფოებისთვისაც ქმნის, მონტენეგროს მთავრობასთან თანამშრომლობაც სწორედ ამის მაგალითია. რამდენად გამოადგება საქართველოს მონტენეგროს მაგალითი ამ მიმართულებით რთული სათქმელია. მზადების პროცესის ახალ ეტაპზე გადასასვლელად კი ცოტა დრო რჩება. ახალი ფინანსური ტექნოლოგიების გამოყენების ხელშეწყობის, საგადახდო სისტემის ეფექტიანობის გაზრდისა და ფინანსური ჩართულობის გაუმჯობესების მიზნით, ეროვნული ბანკი, 2020 წლიდან აქტიურად იკვლევს ცენტრალური ბანკის ციფრული ვალუტის (CBDC) მახასიათებლებს, მათ შორის, ციფრული ლარის შესაძლებლობებს, სისტემურ მოწყობასა და ბაზარზე მისი გამოყენების გზებს. პროექტის პირველი ეტაპის საბოლოო ვადად 2023 წლის 15 თებერვალი განისაზღვრა. პირველი ეტაპის დასრულების შემდგომ, ეროვნული ბანკი შეარჩევს ცენტრალური ბანკის ციფრული ვალუტის ტექნოლოგიის მიმწოდებელ კომპანიას და სიღრმისეულად შეაფასებს ტექნოლოგიური პარტნიორების მიერ წარმოდგენილ ცენტრალური ბანკის ციფრული ვალუტის სისტემურ მოწყობასა და სხვა დამატებით ინფორმაციას, მათ შორის, სისტემურ მოწყობას ციფრული ლარის საცდელი ვერსიის დასანერგად. ვინ შეიძლება იყოს ამ სერვისის მიმწოდებელი საქართველოს საფინანსო სფეროში და რამდენად არის დაინტერესება ბიზნესებში? სტუმარი: დავით კიკვიძე - "ფინტექ ასოციაციის" თავმჯდომარე; #ახალიამბები #BusinessMediaGeorgia
ონლაინ აკადემია Skillwill, რომელიც მსურველებს პროგრამირების კურსს სთავაზობს, თავის სტუდენტებს დასაქმების შესაძლებლობასაც აძლევს. Skillwill-მა სტუდენტების რამდენიმე ნაკადი მიიღო და მათთვის სამუშაო ადგილების შექმნა უკვე შეძლო. აკადემია კომპანიებთანაც თანამშრომლობს, რათა სტუდენტებისთვის სამუშაო ადგილები კიდევ უფრო ხელმისაწვდომი იყოს. Skillwill აკადემიაში მალე ახალი ნაკადის მიღება დაიწყება და მათ აკადემიისგან განახლებადი კურსების შესწავლის შესაძლებლობაც ექნებათ. #ახალიამბები #BusinessMediaGeorgia
თურქეთმა გასულ წელს ტურიზმიდან 46.3 მილიარდი დოლარის შემოსავალი მიიღო. ეს მაჩვენებელი ქვეყნისთვის რეკორდულია. მნიშვნელოვანია ისიც, რომ ქვეყანამ 2021 წლის შედეგი 53%-ით გააუმჯობესა და სულ მცირედით ჩამორჩა პანდემიამდელ შემოსავლებს. თურქეთის ტურიზმის მინისტრი 2023 წლისთვის ტურიზმიდან მიღებული შემოსავლების 56 მილიარდ დოლარამდე ზრდას პროგნოზირებს, ამას კი ახალი პროექტებით მოახერხებენ. #ახალიამბები #BusinessMediaGeorgia
რამდენიმე დღის წინ BMGTV-ის მაყურებელს შესაძლებლობა ჰქონდა თვალის რეგიონისთვის კიდევ ერთი მნიშვნელოვანი პროექტის 500 Global აქსელერაციის პროგრამის დემო დღისთვის რომელიც რუსთაველის თეატრში გაიმართა და აუდიტორიის წინაშე 13 კომპანიის დამფუძნებელი წარსდგა. დემო დღე კულმინაციაა 12 კვირიანი ინტენსიური პროგრამისა, რომელშიც სტარტაპებს ამ ჯერზე უკვე მესამედ შეეძლოთ ჩართვა და მონაწილეობა. კომპანიები, რომლებიც მონაწილეობდნენ მესამე ნაკადში მსოფლიოს სხვადასხვა ქვეყნიდან შეირჩნენ. მათ შორის იყო საქმიანი დილას დღევანდელი სტუმარიც, რომელიც KovZy -ს წარმოადგენს. KovZy ეს არის პლატფორმა, რომელიც ალექსანდრე ცინცაძემ და სანდრო დარსაველიძემ შექმნეს და რომლის საშუალებითაც მათ შექმნეს პირდაპირი გაყიდვების არხი რაც რესტორნების აძლევს შესაძლებლობას, მიიღონ ონლაინ გადახდები და მომხმარებლებს დროულად მიაწოდონ შეკვეთები. სტუმარი: ალექსანდრე ცინცაძე - "კოვზის" თანადამფუძნებელი; #ახალიამბები #BusinessMediaGeorgia
პლაზმაცენტრი „ჰემოპლაზმა“ საქართველოში 2014 წელს დაფუძნდა და მისი საქმიანობის სფერო ტრანსფუზიოლოგიაა. საქართველოს ბანკის მხარდაჭერით, ქვეყანაში უკვე არის საერთაშორისო სტანდარტების პრივატული პლაზმაცენტრი, რომელიც ულტრათანამედროვე აპარატურითაა აღჭურვილი, ამჟამად კი დასრულების პროცესშია ევროპული წამლის სააგენტოს ვალიდაციის პროცესი, რაც ნიშნავს, რომ ცენტრი სრულ შესაბამისობაშია ევროპულ სტანდარტებთან. რამდენად უსაფრთხოა პროცედურა და როგორი მაჩვენებლები აქვს პლაზმაცენტრების არსებობას ჯანდაცვის სექტორისთვის. #ახალიამბები #BusinessMediaGeorgia
მსოფლიოს უმდიდრესი ადამიანები საცხოვრებლად ისეთ ქალაქებს ანიჭებენ უპირატესობას, რომლებიც მეგობრული საგადასახადო პოლიტიკით, ცხოვრების მაღალი ხარისხით, უსაფრთხოებით, ეკონომიკური სტაბილურობით, ასევე განათლებისა და კეთილმოწყობის ხელმისაწვდომობით გამოირჩევიან. Henley Global Citizens Report-მა და New World Wealth-ის კვლევის თანახმად, აღმოჩნდა, რომ ყველაზე მეტი მილიონერით დასახლებული ქალაქების ტოპ-ათეულიდან ნახევარი ამერიკის შეერთებულ შტატებში მდებარეობს, ხოლო რეგიონებს შორის მილიონერი მოსახლეობით მეორე ადგილზე აზიაა. კონკრეტულად, რომელ ქალაქებში ცხოვრობს ყველაზე მეტი მილიონერი, მულტიმილიონერი და მილიარდერი? #ახალიამბები #BusinessMediaGeorgia
სამედიცინო ჟურნალ Lancet-ში გამოქვეყნდა კვლევა, სადაც გამოიკვეთა, რომ ქალაქებში სადაც ნაკლები მწვანე სივრცეა და მეტი შენობა, ტემპერატურა მკვეთრად მაღალია, რის მიზეზადაც ადამიანების სიკვდილის მაჩვენებელი ყოველწლიურად იზრდება. სიცხის ეფექტი განსაკუთრებით პრობლემურია ზაფხულში, როდესაც ტემპერატურა შესაძლოა სახიფათო დონემდე გაიზარდოს და ამის მიზეზად კიდევ უფრო მეტი ადამიანი დაიღუპოს, მაგრამ კვლევების შედეგად, გამოსავალი მეტი ხეების დარგვა და ტემპერატურის ბუნებრივი გზით განეიტრალებაა. ამერიკულ ფორბსში გამოქვეყნებულ ინტერვიუში კლიმატის ცვლილებაზე მომუშავე მკვლევრები საფრთხეებზე საუბრობენ და გამოსავლის გზებს სთავაზობენ ბიზნესებს, რომლებიც ქალაქების დაგეგმარებაში არიან ჩართული. #ახალიამბები #BusinessMediaGeorgia
#საქმიანიდილა - გიორგი ისაკაძე - პროლოგი #ახალიამბები #BusinessMediaGeorgia
გასულ კვირას ცნობილი გახდა, რომ ბაზარზე ზედამხედველობის სააგენტომ ბაზრიდან რამდენიმე სათამაშოს ამოღების გადაწყვეტილება მიიღო. კერძოდ, ლაბორატორიულად შემოწმდა ბაზარზე განთავსებული 20 სათამაშო, საიდანაც 6 სათამაშოს შემთხვევაში გარკვეული შეუსაბამობები დადგინდა. აღსანიშნია, რომ ზედამხედველობის სააგენტომ ბაზრის ზედამხედველობა 2020 წლიდან დაიწყო, თუმცა ბიზნესისთვის მათი რეკომენდაციების შესრულება 2021 წლიდან გახდა სავალდებულო. მანამდე სანქციები არ მოქმედებდა. ბაზრის კონტროლის რა მექანიზმები აქვს ეკონომიკის სამინისტროს და რამდენად იცავს დღეს ბიზნესი დადგენილ სტანდარტებს? სტუმარი: ნიკოლოზ ფილფანი - ეკონომიკის სამინისტროს სამომხმარებლო პროდუქტებზე ზედამხედველობის დეპარტამენტის უფროსი; #ახალიამბები #BusinessMediaGeorgia
ავარიული მრავალბინიანი შენობების ჩანაცვლების წესში ცვლილებები შევიდა. კერძოდ, პროექტის განმახორციელებელს უფლება ექნება თბილისის მერიის თანხმობით, ავარიული სახლის ჩანაცვლების საკითხი მობინადრეთა სრული თანხმობის გარეშე განიხილოს. ავარიული სახლების ჩანაცვლების შესახებ დადებითი გადაწყვეტილების მიღების შემთხვევაში, დაინტერესებული პირები საჭიროების შემთხვევაში, დადგენილი წესით უზრუნველყოფილი იქნებიან ბინის ქირის კომპენსაციით, თუმცა აქ მნიშვნელოვანი გარემოებაა ის, რომ თუ დაინტერესებული პირის მიერ არ იქნა წარმოდგენილი საცხოვრებელი მიზნით ალტერნატიული ფართის ქირავნობის ხელშეკრულება, ისინი კომპენსაციის სახით ყოველთვიურად მხოლოდ 500 ლარს მიიღებენ. რამ განაპირობა არსებულ დადგენილებაში ცვლილებები? სტუმარი: ლევან ჟორჟოლიანი - საკრებულოს წევრი #ახალიამბები #BusinessMediaGeorgia
დღეიდან ავტომობილების განმეორებითი ტექინსპექტირება ფასიანი ხდება. კერძოდ, სატრანსპორტო საშუალებებს, რომლებისთვისაც ტექინსპექტირება 60 ლარი ღირდა, ავტომობილის განმეორებითი ტექინსპექტირებისას 20 ლარის გადახდა მოუწევთ, ხოლო იმ სატრანსპორტო საშუალებებისთვის, რომლებისთვისაც პირველადი ტექინსპექტირება 100 ლარი ღირდა, მათთვის განმეორებითი ტექინსპექტირების ღირებულება 30 ლარი გახდა. რაც შეეხება ელექტრომობილებს, მათთვის განმეორებითი ტექინსპექტირების საფასური 15 ლარია. რას შეცვლის განმეორებით ტექინსპექტირებაზე ფასის დაწესება ბიზნესისთვის და მოქალაქეებისთვის? სტუმარი: ვაჟა იორდანიშვილი - საქართველოს ავტომობილების ინსპექტირების ორგანოების ასოციაციის“ თავმჯდომარე; #ახალიამბები #BusinessMediaGeorgia
ტრანსკასპიური მარშრუტი ანუ შუა დერეფანი განსაკუთრებით ყურადღების ცენტრშია, რადგან ეს უმოკლესი გზაა აზიიდან მომავალი ტვირთები რუსეთის გვერდის ავლით მოხვდეს ევროპაში. რუსეთ-უკრაინის ომის ფონზე სატრანსპორტო ხაზების გადალაგებამ განსაკუთრებით სამხრეთ კავკასიის ქვეყნების სატრანზიტო მნიშვნელობა წამოწია წინა პლანზე. ამ კონტექსტში ორგანიზაცია PMCG-იმ გასული კვირის ბოლოს საზღვაო ვაჭრობა შავ ზღვაში და პორტების არსებული მდგომარეობის შესახებ კვლევა გამოაქვეყნა. დიდ შესაძლებლობასთან ერთად ბევრი გამოწვევაც გამოიკვეთა, რაც შავი ზღვის ქვეყნებს შუა კორიდორის პოტენციალის სრული რეალიზაციის საშუალებას არ აძლევთ. ყველა მხარე თანხმდება, რომ საზღვაო ტრანსპორტის გაძლიერება და საპორტო ინფრასტრუქტურის გაუმჯობესება შავი ზღვის რეგიონის ქვეყნებისთვის ახლა განსაკუთრებით მნიშვნელოვანია. ერთი მხრივ საპორტო და სარკინიგზო ინფრასტრუქტურის გაუმჯობესება და მეორე მხრივ ლოგისტიკური პროცედურების გამარტივება - ევროკავშირ-საქართველოს ბიზნეს საბჭოს შეფასებით, ეს არის ერთ-ერთი გზა იმისთვის, რომ შუა დერეფნის მონაწილე ქვეყნებმა, მაქსიმალური სარგებელი მიიღონ. რამდენად იყენებს საქართველო შუა დერეფნის პოტენციალს და რა გვიჭირდება იმისთვის, რომ გაზრდილ ტვირთნაკადს სათანადოდ მოვემსახუროთ? სტუმარი: გიორგი კაჭარავა - ევროკავშირ-საქართველოს ბიზნესსაბჭოს აღმასრულებელი დირექტორი; #ახალიამბები #BusinessMediaGeorgia
კონკურენციის სააგენტო „ახალგაზრდა ადვოკატების“ მიმართვის საფუძველზე თამბაქოს ბაზარს შეისწავლის. შესაბამისი წერილით სააგენტოს არასამთავრობო ორგანიზაციას მიმართა, რომელშიც ავტორები მიუთითებენ, რომ მათი დაკვირვებით თამბაქოს ბაზარზე კარტერული გარიგებები მონოპოლიურ მდგომარეობას ქმნის, რაც ადგილობრივ წარმოებას ამცირებს და მათი შეფასებით დარგის რღვევისკენ არის მიმართული. რა კონკრეტული მიგნებების საფუძველზე მიმართეს "ახალგაზრდა ადვოკატებმა" "კონკურენციის სააგენტოს"? სტუმარი: არჩილ კაიკაციშვილი - "ახალგაზრდა ადვოკატების" ხელმძღვანელი; #ახალიამბები #BusinessMediaGeorgia
ზამთრის ტურისტულ სეზონს უთოვლობა პრობლემებს უქმნის. კურორტებზე დამოკიდებული ბიზნესები სეზონს ჩავარდნილად აფასებენ - მიზეზად გაუქმებული ჯავშნები სახელდება, რაც თავის მხრივ შეუფერებელმა ამინდმა განაპირობა. ზამთარში თოვლის ნაკლებობა მხოლოდ საქართველოსთვის არ არის პრობლემური. უნალექობა ევროპის კურორტებისთვისაც გამოწვევად იქცა ბოლო წლებია. თუმცა საქართველოს საკურორტო ზონებთან დაკავშირებით დამსვენებლებს და ბიზნესის წარმომადგენლებს ინფრასტრუქტურის მოწესრიგებასთან დაკავშირებით პრეტენზიებიც ურჩებათ. სტუმარი: მირანდა ესაკია - მთის კურორტების ბიზნეს ასოციაციის თანადამფუძნებელი #ახალიამბები #BusinessMediaGeorgia
სპორტის მოყვარულთათვის თბილისში სპორტული ბარი „ტრიბუნა“ გაიხსნა. სპორტის ქომაგებს აქ საკუთარი რჩეული გუნდებისა და სპორტსმენების გულშემატკივრობა შეუძლიათ. დამფუძნებლები ამბობენ, რომ კომპანიის მთავარ მოტივაციას ინოვაციური საკვები კონცეფციების შექმნით ქვეყნისა და საზოგადოების განვითარებაში წვლილის შეტანა წარმოადგენს. სპორტის სხვადასხვა სახეობის პირდაპირი ტრანსლაციების გარდა, აქ შეგიძლიათ ე.წ Comfort food-ის კატეგორიის საკვების დაგემოვნება. სტუმრები: გიორგი ტალახაძე - "ტრიბუნა სპორტ ბარის", თანადამფუძნებელი; დათი ჯაფარიძე - "სეტანტას" კომერციული დირექტორი. #ახალიამბები #BusinessMediaGeorgia
Mastercard-მა USAID-მა და საქართველოს ფინტექ ასოციაციამ მცირე და საშუალო ბიზნესებისთვის Tap on Phone პროექტი წარადგინეს. ჯერ კიდევ გასული წლის ზაფხულში, Mastercard-სა და USAID-ის ეკონომიკური უსაფრთხოების პროგრამას შორის, თანამშრომლობის მემორანდუმი გაფორმდა, რომელიც ქვეყნის ციფრულ ტრანსფორმაციას ისახავს მიზნად. Tap on phone-ის მცირე და საშუალო ბიზნესებისთვის შეთავაზება სწორედ ამ თანამშრომლობის შედეგია. Tap on phone უკონტაქტო ციფრული გადახდის სწრაფი, სანდო და ნაკლებად ხარჯიანი ალტერნატივაა, მისი საშუალებით ბიზნესები მხოლოდ ნაღდ ანგარიშსწორებაზე არ იქნებიან დამოკიდებულნი და მომხმარებელს არ დაკარგავენ. #ახალიამბები #BusinessMediaGeorgia
დეკემბრის მონაცემებით, საქართველოს ბანკებში არსებული დეპოზიტები 15,000 ლარამდე მოცულობით დეპოზიტების დაზღვევის სახელმწიფო სააგენტოს მიერ არის დაზღვეული. ამისთვის ქვეყანაში მოქმედი ბანკები სააგენტოს ყოველთვიურად სპეციალურ სადაზღვევო პრემიას უხდიან. ამ შენატანების ზომამ ნოემბერში 3.4 მილიონი ლარი შეადგინა. დეპოზიტების დაზღვევის სისტემა 2018 წლის თებერვლიდან ამოქმედდა, ფონდის არსებობის 4 წელზე დიდი პერიოდის განმავლობაში მთლიანმა შენატანებმა 128.7 მილიონ ლარს მიაღწია. დეპოზიტების დაზღვევის სააგენტო დამოუკიდებელი საჯარო სამართლის იურიდიული პირია (სსიპ), რომელიც 2017 წლის 3 ივლისს დაარსდა „დეპოზიტების დაზღვევის სისტემის შესახებ“ საქართველოს კანონის შესაბამისად. სააგენტოს მთავარი ფუნქციაა საქართველოში მოქმედ ყველა კომერციულ ბანკში არსებული რეზიდენტი და არარეზიდენტი პირების დეპოზიტების დაზღვევა. „კომერციული ბანკების საქმიანობის შესახებ“ საქართველოს კანონის შესაბამისად, ნებისმიერი კომერციული ბანკის მიმართ ლიკვიდაციის პროცესის დაწყების შემთხვევაში, დეპოზიტების დაზღვევის სააგენტო 20 კალენდარული დღის ვადაში უზრუნველყოფს დეპოზიტორების კუთვნილი თანხების ანაზღაურებას დადგენილი ზღვრის ფარგლებში. სააგენტოს ზედამხედველობას უწევს სამეთვალყურეო საბჭო საქართველოს ფინანსთა მინისტრის, საქართველოს ეკონომიკის და მდგრადი განვითარების მინისტრის, ეროვნული ბანკის პრეზიდენტის და კომერციული ბანკების მიერ შერჩეული 2 დამოუკიდებელი წევრის შემადგენლობით. როგორია 2023 წლის დასაწყისისთვის შედეგები და რამდენად მზარდია პორტფელი? სტუმრები: ალექსანდრე ძნელაძე - საქართველოს საბანკო ასოციაციის პრეზიდენტი; ალეკო თოდუა - დეპოზიტების დაზღვევის სააგენტოს ხელმძღვანელი. #ახალიამბები #BusinessMediaGeorgia
პირდაპირი ყაზახური ინვესტიციით თბილისში საერთაშორისო ბრენდის ახალი სასტუმრო Holiday Inn Express Tbilisi Avlabari გაიხსნება. პროექტის მოცულობა 12,5 მილიონ დოლარს შეადგენს და ის უძრავი ქონების განვითარების კომპანია „სიმეტრიამ“ განახორციელა. სასტუმრო 122 სტანდარტულ ნომერს და საქმიანი შეხვედრებისთვის მრავალფუნქციურ საკონფერენციო სივრცეებს აერთიანებს. #ახალიამბები #BusinessMediaGeorgia
საერთაშორისო აუდიტორულ-საკონსულტაციო კომპანიის, BDO-ს ხელშეწყობით, ქართულ კომპანიებში პროცესების რობოტიზაციის ტექნოლოგია დაინერგა, რომელიც კომპანიებს სამუშაოს განმეორებადი ნაწილის ავტომატიზაციის საშუალებას აძლევს, რაც ზრდის კომპანიის ეფექტიანობას, აუმჯობესებს პროდუქტებისა და სერვისების ხარისხს და ამცირებს კონკრეტული საქმის შესასრულებლად საჭირო დროს. ვრცლად, პროცესების რობოტიზაციის ტექნოლოგიის და BDO Digital-ის მიერ მისი დანერგვის შესახებ? #ახალიამბები #BusinessMediaGeorgia
წლევანდელი ზამთრის ბათუმი ბოლო წლებში ყველაზე აქტიური და ხალხმრავალია. არასეზონურობის მიუხედავად ქალაქში მიგრანტების გაზრდილი რაოდენობის ხარჯზე მინიმუმამდეა შემცირებული ვაკანტური ბინების რაოდენობა და გაზრდილია მათი მობილობა კვების დაწესებულებებში, სავაჭრო ცენტრებსა თუ სხვა გასართობ სივრცეებში. რა მდგომარეობაა იანვრის მიწურულს ზღვისპირეთში? #ახალიამბები #BusinessMediaGeorgia
6 ქვეყნის და 4 კონტინენტის მიხედვით, Airbnb-იმ 2023 წლის ყველაზე სასურველი სახლების სია გამოაქვეყნა. მათი შერჩევის ძირითადი კრიტერიუმები ტრენდულობა და ფუფუნებაა. რომელი 10 სახლი მოხვდა airbnb-ის 2023 წლის რეიტინგში? #ახალიამბები #BusinessMediaGeorgia
გლობალურად, CO2-ის გამონაბოლქვის დაახლოებით 2.8% საავიაციო სექტორზე მოდის. თუმცა, მდგრადი საავიაციო საწვავის, იგივე SAF-ის გამოყენებას, ჩვეულებრივ საწვავთან შედარებით, ემისიების შემცირება 80%-მდე შეუძლია. შესაბამისად, საავიაციო სექტორში მიაჩნიათ, რომ ამ ეტაპზე SAF-ი სექტორისთვის კლიმატის წინააღმდეგ ბრძოლის მთავარი იარაღია. სწორედ ამ მიზნით, დუბაიში მდგრადი საავიაციო საწვავით დატვირთული პირველი თვითმფრინავი აფრინდა. #ახალიამბები #BusinessMediaGeorgia
#საქმიანიდილა - 31 იანვარი - პროლოგი #ახალიამბები #BusinessMediaGeorgia
საინვესტიციო ბანკი Galt&Taggart; მიმდინარე წელს ეკონომიკის 4.8%-იან ზრდას ელის. ორგანიზაციის მოლოდინი ტურიზმის გაზრდილ მაჩვენებლებს, ინვესტიციების ზრდას და მიგრაციის ეფექტს უკავშირდება. 2024 წლისთვის კი ზრდის პროგნოზი 5%-ს შეადგენს. რაც შეეხება ზრდაზე მოქმედ უარყოფით ფაქტორებს - G&T-ში ელიან რომ შემცირდება მიგრანტებთან დაკავშირებული შემოსავლები, როგორც გზავნილების ასევე ტურიზმის მიმართულებითაც რაც 1%-ული პუნქტით იმოქმედებს ეკონომიკაზე შემცირების მიმართულებით. ამასთან ეკონომიკაზე შემცირების მიმართულებით იმოქმედებს მიგრანტების მიერ ბანკებში განთავსებული დეპოზიტების შესაძლო გადინება ქვეყნიდან - რაც 0.75 პროცენტული პუნქტით შეამცირებს ზრდას. უძრავი ქონების ბაზრის შემცირება კი ზრდას ასევე 0.75 პროცენტული პუნქტით შეამცირებს - რისკის გამართლების შემთხვევაში. პოტენციური მიგრაცია კი რუსეთიდან ზრდას 2.1 პროცენტული პუნქტით შეუწყობს ხელს. განახლებული მიმოხილვის მიხედვით, იმ შემთხვევაში თუ ყველა შესაძლო რისკი რეალურ პრობლემად იქცევა ზრდა 1.2% იქნება, ხოლო ყველაზე დადებითი მოლოდინების გამართლდება მაშინ ეკონომიკური ზრდის პოტენციურად საუკეთესო შედეგი 6.9% შეიძლება იყოს. ამასთან ყველაზე ცუდი სცენარის შემთხვევაში მოსალოდნელია რომ ლარი კვლავ გადააჭარბებს 3-იან ნიშნულს, ხოლო რეფინანსირების განაკვეთი 12-14%-მდე გაიზრდება. რაც შეეხება ინფლაციას - G&T-ში ელიან რომ მიმდინარე წლის საშუალო ინფლაცია 5.2% იქნება - რაც სამიზნე 3%-ზე მაღალია. სექტორების მიხედვით გავშლით პროგნოზს რომელსაც თავი Galt&Taggart;-ის გუნდა ბოლო განახლებულ ანგარიშში მოუყარა. სტუმრები: ევა ბოჭორიშვილი - Galt&Taggart;-ის კვლევების დეპარტამენტის უფროსი; ლაშა ქავთარაძე - Galt&Taggart;-ის ეკონომისტი; კახა სამყურაშვილი - Galt&Taggart;-ის უფროსი ანალიტიკოსი; #ახალიამბები #BusinessMediaGeorgia
ევრო დოლართან მიმართებით ბოლო 3 თვეა, მყარდება. ამჟამად ევროს გაცვლითი კურსი 1 დოლარი და 9 ცენტრია, რაც ბოლო 9 თვის განმავლობაში ყველაზე მაღალი მაჩვენებელია. რაც შეეხება მთავარ ფაქტორებს, რომლებიც ე.წ. “სავალუტო წყვილს” შორის სხვაობას განაპირობებს, კომპლექსურია. ევროზე მოთხოვნა ყველაზე მეტად რუსეთის უკრაინაში შეჭრამ დააზარალა. თათია კაკიაშვილი არკვევდა, გააგრძელებს თუ არა ევრო გამყარებას 2023 წელს? #ახალიამბები #BusinessMediaGeorgia
ამერიკული ტექნოლოგიური კომპანია Lineate საქართველოში გასული წლის გაზაფხულზე შემოვიდა და ქართულ ბაზარზე მალევე გაიზარდა. თუ შემოსვლის დღეს, კომპანიას ნული თანამშრომელი ჰყავდა, წლის ბოლოს მათი რიცხვი 85-მდე გაიზარდა. ამასთანავე, Lineate გახდა პირველი კომპანია, რომელმაც საქართველოს მთავრობის მიერ დაწესებული FDI-გრანტი მიიღო. Lineate-ის 2022 წლის შესაჯამებლად და მიმდინარე წლის სამომავლო გეგმებზე სასაუბროდ, ჩვენი ანალიტიკოსი, გიორგი არონია Lineate-ის აღმასრულებელ ხელმძღვანელს, ბენ ენგბერს შეხვდა. ბენ ენგბერი - Lineate-ის აღმასრულებელი ხელმძღვანელი; გიორგი არონია - BMG & Forbes Georgia, ანალიტიკოსი #ახალიამბები #BusinessMediaGeorgia
ფიგურულ ციგურაობაში საქართველოს წარმომადგენელმა, ანასტასია გუბანოვამ ევროპის ჩემპიონატზე, რომელიც ფინეთში იმართება, ოქროს მედალი მოიგო. ეს ქართული ფიგურული ციგურაობის ისტორიაში პირველი შემთხვევაა. ცნობისთვის, გუბანოვას ჩათვლით ტურნირის ფინალურ ეტაპში მონაწილეობა 24-მა სპორტსმენმა მიიღო, თუმცა საქართველოს წარმომადგენელმა მათ შორის საუკეთესო შედეგის ჩვენება შეძლო. მან, 199,91 ქულით, მეორე ადგილზე გასულ ბელგიის წარმომადგენელ ლუნა ჰედრიკსს დაახლოებით 6 ქულით აჯობა. მესამე ადგილი შვეიცარიის წარმომადგენელმა, კიმი რეპონიმ დაიმსახურა. ანასტასია გუბანოვას გამარჯვებამდე, ჩვენს ანგარიშზე მხოლოდ სამი ბრინჯაოს მედალი იყო – მესამე ადგილზე გასვლა ორჯერ ელენე გედევანიშვილმა, ერთხელ კი მორის ყვითელაშვილმა შეძლო. #ახალიამბები #BusinessMediaGeorgia
12 წლიანი მუშაობის შედეგი ამსტერდამში, სადაც მატარებლის ცენტრალურ სადგურზე წყალქვეშა პარკინგი მოეწყო 7 000 ველოსიპედისთვის მოეწყო. 12 წელი და 65 მილიონი დოლარი დაიხარჯა ამ პროექტისთვის და შედეგად ეს არის ყველაზე დიდი ველოსიპედის პარკინგია ამსტერდამში. #ახალიამბები #BusinessMediaGeorgia
„მართვის მოწმობის ორეტაპიანი გამოცდის ამოქმედების შემდეგ პირველ ცდაზე გამოცდას წარმატებით 100-დან მხოლოდ 4 ადამიანი აბარებს თუმცა ის მაინც პასუხობს იმ უნარებს, რაც მომავალ მძღოლს სჭირდება“ - ეს განცხადება გასულ კვირას ამ სტუდიაში საავტომობილო სპორტის ფედერაციის განათლებისა და საგზაო მოძრაობის უსაფრთხოების კომიტეტის თავმჯდომარე ზურაბ ბაბუციძემ გააკეთა, რომელმაც იმ პრობლემებზე და ხარვეზებზე ისაუბრა, რაც ბოლო თვეების განმავლობაში ამ საკითხის გარშემო დაგროვდა. სექტორის წარმომადგენლების ნაწილი ასევე აცხადებს, რომ ხარვეზებია რეგისტრაციის პროცესშიც და მათი თქმით მოქალაქეები იძულებულები ხდებიან მხოლოდ ვიაიპ მომსახურებით ისარგებლონ, რომლის ფასიც 250 ლარია, რაც ცხადია ხარჯებს მნიშვნელოვნად აძვირებს. როგორია რეალური სტატისტიკური მონაცემები და გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ? სტუმარი: იმედა მაკასარაშვილი - შსს-ს მომსახურების სააგენტოს დირექტორის მოადგილე; #ახალიამბები #BusinessMediaGeorgia
თბილისის მერია ისტორიულ უბნებში ავარიული შენობების ჩანაცვლების მიზნით ახალ პროგრამას იწყებს. ამ მიზნით დედაქალაქის მერმა კახა კალაძემ ვიცე-მერ ირაკლი ხმალაძეს პროგრამის შექმნა დაავალა. თბილისის მერი ამბობს, რომ საჭიროა, შემუშავდეს მიდგომა ისტორიულ არეალებში მდებარე ავარიული შენობა-ნაგებობებისთვის, რადგან არსებული პრაქტიკა ისტორიულ უბნებში არსებული განაშენიანების სტანდარტების გამო ვერ მუშაობს. მერი აცხადებს, რომ პროცესებში საბიუჯეტო სახსრები ვერ დაიხარჯება და აუცილებელია ბიზნესის დაინტერესება. როგორ უნდა მოხერხდეს ბიზნესის დაინტერესება იმგვარად რომ ისტერიული იერსახე არ დაირღვეს? სტუმარი: დავით აბულაძე - არქიტექტორი, ძეგლთა დაცვის სააგენტოს კულტურული მემკვიდრეობის საბჭოს თავმჯდომარე; #ახალიამბები #BusinessMediaGeorgia
საქართველოში კი ამ დრომდე ჯერ ისიც არ ვიცით, სულ რამდენი მიუსაფარი ცხოველი გვყავს მთელი ქვეყნის ტერიტორიაზე და მათ შორის თბილისში. 2015 წლის დათვლით, მათი რაოდენობა მხოლოდ თბილისში 43 000 იყო, თუმცა ამ რიცხვს არაერთი ცხოველთა დამცველი აყენებდა ეჭვქვეშ დათვლის მეთოდოლოგიიდან გამომდინარე. ყურზე საჭდეს მიუხედავად არ ვიცით ნიშნავს თუ არა ეს იმას, რომ ქუჩაში მცხოვრები ძაღლი ყოველ წელს იცრება, რაც ასევე მოსახლეობის შიშს იწვევს. იმისთვის, რომ ქუჩაში მცხოვრები მიუსაფარი ცხოველების რაოდენობა შემცირდეს და მათი ყოფა გაუმჯობესდეს ცხოველთა დამცველები რამდენიმე პირობას აყენებენ მათ შორის მასობრივი სტერილიზაცია/ კასტრაციას, ცხოველთა ჩიპირების ვალდებულებას, სახლის პირობებში ცხოველების გამრავლების აკრძალვას და კონტროლს და ასევე სახლიდან ცხოველის გამოგდების შემთხვევაში მნიშვნელოვან ფულად ჯარიმას. როგორია თბილისის ცხოველთა მონიტორინგის სააგენტოს ახალი ხელმძღვანელის ხედვა? სტუმარი: გიორგი კობიაშვილი - თბილისის ცხოველთა მონიტორინგის სააგენტოს ხელმძღვანელი; #ახალიამბები #BusinessMediaGeorgia
2022 საქართველოში სამკერვალო ინდუსტრიისთვის მნიშვნელოვანი წელი აღმოჩნდა. გასულ წელს საქართველოდან ტანსაცმლის ექსპორტი 28% გაიზარდა და დაახლოებით 140 მლნ დოლარს მიაღწია. ექსპორტის უდიდესი წილი ტრადიციულად თურქეთზე მოდის, სადაც მსოფლიოში ცნობილი ბრენდებისთვის საქართველოში შეკერილი სამოსი Made in Georgia-ს სახელით იგზავნება. ქვეყანაში სამკერვალო ინდუსტრიამ რთული ორი წლის შემდეგ გამოცოცხლება აქტიურად დაიწყო. კომპანიები საექსპორტო ბაზრებზე ახალ ხელშეკრულებებს დებენ და ძველ კონტრაქტორებსაც იბრუნებენ. რომელ ცნობილ ბრენდებთან აფორმებენ კონტრაქტებს ქართული სამკერვალოები და როგორია მათი 2023 წლის გეგმები? #ახალიამბები #BusinessMediaGeorgia
#ავიაციისსიახლეები: ამერიკაში ფრენების დაწყებას ივნისში ვაპირებთ - გიორგი კოდუა სატვირთო გადაზიდვებში ბაზრის 40% Turkish Cargo-ს უკავია 2022-ში საჰაერო გზით გადაზიდული ტვირთი შემცირდა #FlyArystan-ს ქუთაისის აეროპორტის მგზავრთნაკადის 17%-ი უკავია - ირაკლი ქარქაშაძე აშშ-ს სურს თურქეთს რუსეთის კუთვნილი Boeing-ის მიღება აუკრძალოს; კვირის ყველაზე მნიშვნელოვანი და საინტერესო სიახლეები საავიაციო სექტორიდან - თათია კაკიაშვილი მიმოხილვით #ავიაცია #ავიამიმოსვლა #საქმიანიდილა #ბიზნესმედია