30 წლის იუბილესთან დაკავშირებით, ავერსმა, პარასკევს, 15 ნოემბერს, აღმაშენებლის გამზირის 148 ნომერში განახლებული ფილიალი ოფიციალურად გახსნა. იუბილესთან დაკავშირებით ავერსში თავის მოვლის სხვადასხვა პროდუქტებზე ფასდაკლებები ამოქმედდა, რომელიც ამ დრომდე ძალაშია. #ახალიამბები #BusinessMediaGeorgia
„ავერსის კლინიკის“ ცენტრალურმა ფილიალმა დაარსების მე-16 წლისთავი, ტრადიციულად, სამედიცინო კონფერენციით აღნიშნა. კონფერენცია „ინოვაციები და საინტერესო კლინიკური შემთხვევები 16 ნოემბერს გაიმართა და მთავარი გზავნილი „უწყვეტი მოძრაობის 16 წელი“ იყო. ღონისძიებაზე, კლინიკის სხვადასხვა მიმართულების 26 ექიმმა სამედიცინო საზოგადოებას წარუდგინა მოხსენებები „ავერსის კლინიკასა“ და მსოფლიო ჯანდაცვაში ერთი წლის განმავლობაში მომხდარი სიახლეებისა და საინტერესო კლინიკური შემთხვევების შესახებ. მინდა საქმიან საზოგადოებას შეგახსენოთ, რომ „ავერსის კლინიკამ“ პირველი ფილიალი 2007 წელს მარნეულში გახსნა, ხოლო თბილისში დაფუძნება და გაფართოება 2008 წლიდან დაიწყო. სწორედ ამ წელს გაიხსნა ცენტრალური ფილიალი ვაჟა-ფშაველას გამზირზე. კომპანია დღემდე განაგრძობს გაფართოებასა და განვითარებას. ამჟამად ის ქვეყნის მასშტაბით 14 კლინიკას, რეაბილიტაციის, ბირთვული მედიცინისა და ფიტნესის ცენტრს, 30 ლაბორატორიასა და სისხლის ასაღებ პუნქტს აერთიანებს. ყველა მათგანი აღჭურვილია უახლესი აპარატურით და დაკომპლექტებულია მაღალკვალიფიციური სამედიცინო პერსონალით. #ახალიამბები #BusinessMediaGeorgia
სასტუმრო ჯორჯია პალასი გასულ წელს დაწყებულ ტრადიციას აგრძელებს და წელსაც, ამ უქმეებზე შემოდგომის მთავარი დღესასწაული, ნარინჯისფერი რთველი გამართა, რომელშიც მონაწილეობა სასტუმროს დამსვენებლებთან ერთად მაკდონალდს საქართველოს, კოკ-კოლა ბოთლერ ჯორჯიასა და თავად ჯორჯია პალასის თანამშრომლებმა მიიღეს და სასტუმროს ეზოში გაშენებული მანდარინის მოსავალი საინტერესო კულინარიული თუ გასართობი აქტივობების თანხლებით დააბინავეს. #ახალიამბები #BusinessMediaGeorgia
8-დან 12 ნოემბრის ჩათვლით, იტალიის ჩრდილოეთით ქალაქ მერანოში “მერანოს ღვინის ფესტივალი” გაიმართა. 33-წლიანი ისტორიის მქონე „მერანოს ღვინის ფესტივალი“ მსოფლიო მასშტაბის ერთ-ერთი გამორჩეული ფესტივალია, რომელსაც ყოველწლიურად სხვადასხვა ქვეყნიდან ჩასული ღვინის მწარმოებლები, ექსპერტები და ჟურნალისტები ესწრებიან. საქართველოდან წარმოდგენილ სხვა მწარმოებლებთან ერთად, წელს პირველად საერთაშორისო ღვინის სექციაში კომპანია არემჯის მხარდაჭერით, გაერთიანება „ღვინო ბოლნისმა“ 10 მცირე მარნის ღვინო წარადგინა. ფესტივალის სტუმრებს 3 დღის მანძილზე ბოლნისურ ღვინოებს სომელიე ჯაბა ძიმისტარიშვილი აცნობდა. ფესტივალის ფარგლებში გამართულ ღვინის კონკურსზე ბოლნისურმა ღვინოებმა 7 მედალი მოიპოვეს, აქედან 2 ოქრო და 5 ვერცხლი. წელს “მერანოს ღვინის ფესტივალმა” იტალიაში ქართული ღვინის ელჩად, სომელიე თამარ ჭიჭიბოშვილი დაასახელა, რომელიც ქართულ ღვინოებს წარადგენდა. თამარმა ფესტივალის მსვლელობისას ქართული ღვინით დაინტერესებული ექსპერტებისა და ღვინის მწერლებისთვის მასტერკლასიც გამართა. #ახალიამბები #BusinessMediaGeorgia
#საქმიანიდილა - 18 ნოემბერი - პროლოგი #ახალიამბები #BusinessMediaGeorgia
საგადასახადო ცვლილებები - გელა ბარშოვი ანალიტიკაში ➡️ სტუმარი: გელა ბარშოვი - საკონსულტაციო-საბუღალტრო კომპანია TPsolution-თიფი სოლუშენი-ის დამფუძნებელი; ➡️ ინტერვიუერი: შოთა ტყეშელაშვილი - #BMG-ის ანალიტიკოსი; #ახალიამბები #BusinessMediaGeorgia
შემოსავლების სამსახურმა ამოუღებელი დებიტორული დავალიანებებისა და გადახდილი ავანსების დაბეგვრის მიდგომა შეცვალა. მეთოდური მითითების მიხედვით, საქონლის ან მომსახურების მიწოდებისას წარმოქმნილი დებიტორული დავალიანების "გონივრულ ვადაში" გადაუხდელობის შემთხვევაში, უწყება თანხებს ანაზღაურებულად ჩათვლის და მას საშემოსავლო გადასახადით დაბეგრავს. იგივე მიდგომა გავრცელდება საქონლის ან მომსახურების შესაძენად გადახდილი ავანსების შემთხვევაშიც. გარდა ამისა, ფინანსთა სამინისტრომ დამატებული ღირებულების გადასახადის ადმინისტრირების წესი გაამკაცრა. ფინანსთა მინისტრის ახალი ბრძანების თანახმად, საგადასახადო ორგანოს უფლება ეძლევა, დღგ-ის გადახდისგან თავის არიდების აღკვეთის მიზნისთვის, ერთ დასაბეგრ პირად განიხილოს რამდენიმე იურიდიული პირი, შპს ანდაც ინდმეწარმე. ამისთვის კი შემდეგი კრიტერიუმები უნდა დაკმაყოფილდეს - კომპანიების საქმიანობასთან და მართვასთან დაკავშირებულ ძირითად გადაწყვეტილებებს ერთი და იგივე პირი უნდა იღებდეს, ასევე მათი საქმიანობის ადგილი და შინაარსი იდენტური უნდა იყოს. ასეთ შემთხვევაში, შემოსავლების სამსახური კომპანიებს საგადასახადო მიზნებისთვის ერთ დასაბეგრ პირად განიხილავს და იმ შემთხვევაში, თუკი მათი ჯამური ბრუნვა 100 ათას ლარს გადააჭარბებს, მათ დღგ-ს გადახდის ვალდებულება გაუჩნდებათ. როგორ იცვლება საგადასახადო გარემო ბიზნესისთვის? სტუმარი: თეონა კუნჭულია - Loialte-ს საგადასახადო მიმართულების ხელმძღვანელი, პარტნიორი; #ახალიამბები #BusinessMediaGeorgia
საქართველოში მომხმარებელი განკარგვადი შემოსავლის დაახლოებით მესამედს სურსათსა და არაალკოჰოლურ სასმელზე ხარჯავს. ეს მაჩვენებელი ბოლო ხუთი წლის განმავლობაში სტაბილურად იზრდება - 2017 წლის 30.09%-დან 2023 წელს 33.39%-მდე გაიზარდა. სტატისტიკის თანახმად, 2023 წელს სექტორის ბრუნვამ შეადგინა 20.4 მილიარდი ლარი, ხოლო 2019-2023 წლებში ბრუნვის საშუალო ზრდის ტემპმა CAGR 17.8% შეადგინა. ამასთანავე, თიბისი კაპიტალის დათვლებით, ორგანიზებული ბაზრის წილი მზარდია საქართველოშიც და მაჩვენებელმა 2016 წლის 17%-დან 2023 წელს 36%-ს მიაღწია. მისივე პროგნოზებით 2025 წლისთვის ორგანიზებული ბაზრის წილი 45%-მდე გაიზრდება. თიბისი კაპიტალის FMCG სექტორის კვლევის თანახმად, ნიკორა გაყიდვების მოცულობით ბაზრის ლიდერია. რეიტინგში მას მოსდევს ორი ნაბიჯი, კარფური და სპარი. FMCG ბაზარი რამდენიმე მსხვილი მოთამაშით არის წარმოდგენილი და გარემო საკმაოდ მაღალი კონკურენციით ხასიათდება. თუმცა გასულს წლებში ბაზრის განაწილებაში მნიშვნელოვანი ცვლილებები არ განხორციელებულა. მიმდინარე წელს კი მოხდა ბაზრის რამდენიმე მსხვილი მონაწილის გაერთიანება. კერძოდ “დეილი”, “მაგნიტი”, “სპარი”, “გვირილა” და “იოლი” ერთ ჯგუფში მოექცნენ. არის იმის მოლოდინი და BMG ფლობს ინფორმაციას,რომ ბაზარზე გამსხვილება გაგრძელდება. კონკურენციის სააგენტოს თანახმად, 2023 წელს FMCG ბაზრის საცალო დონეზე, ქვეყნის მასშტაბით, ეკონომიკურ საქმიანობას ახორციელებდა 12 000 -მდე კომპანია;ბაზრის მესამედი თბილისს უკავია და მოცემული სექტორი მძაფრი კონკურენციით ხასიათდება. თუმცა, ორგანიზებული ბაზრის წილი ჯერ კიდევ დაბალია ქვეყნის სხვა რეგიონებში. აღნიშნული ბაზრის ზრდის მაღალ პოტენციალზე მიუთითებს. სტუმრები: მარიამ ქოიავა - SavvY-ის მმართველი პარტნიორი; თემურ ალექსანდრია - "ნიკორა ტრეიდის" აღმასრულებელი დირექტორი. #ახალიამბები #BusinessMediaGeorgia
LK დეველოპმენტი სახლის მოგების შესაძლებლობას გვაძლევს. გრანდიოზული გათამაშების ფარგლებში, გათამაშების მონაწილეებს 25-ლარიანი ბილეთის შეძენის სანაცვლოდ, საგურამოში, პროექტ "დრიმლენდში", 300 000 დოლარად შეფასებული ვილის მოგების შანსი ეძლევათ. გათამაშებაში მონაწილეობის მიღება უკვე შესაძლებელია, ხოლო გამარჯვებული 17 მარტს გამოვლინდება. სახლი, რომელიც თამაშდება უკვე აშენებულია. რა პრინციპით ტარდება გათამაშება, რა პირობებით და რას წარმოადგენს პროექტი „დრიმლენდი"? სტუმარი: ოთარ ჩიხრაძე - LK Development-ის დამფუძნებელი და დირექტორი; #ახალიამბები #BusinessMediaGeorgia
რომელი ქვეყანა იღებს ყველაზე დიდ შემოსავალს ელექტრონული კომერციით? #ახალიამბები #BusinessMediaGeorgia
მოსახლეობის და სასოფლო-სამეურნეო აღწერა დღეიდან იწყება და 19 დეკემბრის ჩათვლით გაგრძელდება. რატომ არის მნიშვნელოვანი, საყოველთაო აღწერაში მონაწილეობა, რა სახის ინფორმაცია შეგროვდება აღწერის ფარგლებში და როგორ შეუძლია მიღებული მონაცემების გამოყენება როგორც ბიზნესს, ისე სახელმწიფოს? სტუმარი: გოგიტა თოდრაძე - "საქსტატის" აღმასრულებელი დირექტორი #ახალიამბები #BusinessMediaGeorgia
რამდენია ქართველი პარლამენტარების ხელფასები? მარიამ იზორია - #BMG-ის რეპორტიორი; #ახალიამბები #BusinessMediaGeorgia
რომელი ქვეყნების პარლამენტარებს აქვთ ყველაზე დაბალი/მაღალი ხელფასები? ლიკა მეგუთნიშვილი - #BMG-ის რეპორტიორი; #ახალიამბები #BusinessMediaGeorgia
აშშ-ის არჩეულმა პრეზიდენტმა დონალდ ტრამპმა განაცხადა, რომ ილონ მასკი და ვივეკ რამასვამი „მთავრობის ეფექტიანობის დეპარტამენტს“ უხელმძღვანელებენ. დეპარტამენტი ჯერ არ არსებობს და ტრამპის თქმით, მასზე მუშაობა არაუგვიანეს 2026 წლის 4 ივლისს დასრულდება. რა გეგმა აქვს ილონ მასკს თანამდებობის დაკავების შემდეგ და როგორ აფასებენ ანალიტიკოსები მის მიერ დაანონსებულ სამთავრობო ხარჯების 2 ტრილიონით შემცირების გადაწყვეტილებას? #ახალიამბები #BusinessMediaGeorgia
#საქმიანიდილა - 15 ნოემბერი - პროლოგი #ახალიამბები #BusinessMediaGeorgia
ამერიკის შეერთებულ შტატებში, შავი პარასკევიდან კიბერ ორშაბათის ჩათვლით დღეებში, აშშ-ის საცალო ვაჭრობის სექტორში გაყიდვები რეკორდულ ნიშნულს, $75 მილიარდს მიაღწევს. Bain & Company-ის ანგარიში აჩვენებს, რომ შოპინგის მოყვარულთათვის ყველაზე მნიშვნელოვან უქმეებზე, წლიურ ჭრილში, გაყიდვების 5%-იანი ზრდაა მოსალოდნელი, რაც მნიშვნელოვნად აჭარბებს ამავე ორგანიზაციის პროგნოზს სადღესასწაულო სეზონზე (ოქტომბერი-დეკემბერი) გაყიდვების მოცულობის 3%-იანი ზრდის შესახებ. კვლევა აჩვენებს, რომ მომხმარებელთა ქცევა კვლავ უცვლელია - მათ უმრავლესობას ურჩევნიათ, სეზონის სწორედ ისეთ დღეებში იარონ საყიდლებზე, როგორებიცაა შავი პარასკევი და კიბერ ორშაბათი. ამასთან, კვლავ მოსალოდნელია, რომ შავი პარასკევი, ამერიკელი რითეილერებისთვის ყველაზე შემოსავლიანი დღე იქნება. რაც შეეხება კიბერ ორშაბათს, როდესაც კომპანიები ფასდაკლებებს ონლაინ ვაჭრობის პლატფორმებზე ათავსებენ, ნავარაუდებია, რომ, ელექტრონული კომერციის ზრდის ტემპის შენელებასთან ერთად, ეს დღე რელევანტურობას დაკარგავს. მომხმარებელთა ქცევა აჩვენებს, რომ შენაძენის ონლაინ გაკეთება სხვა დღეებშიც თითქმის იმავე პოპულარობით სარგებლობს, როგორც შავი პარასკევის შეთავაზებების ფარგლებში. რა მოლოდინები არსებობს საქართველოსთან მიმართებით და რამდენად მასშტაბური იქნება ფასდაკლებების სერია? სტუმარი: თამარ გოგოლაშვილი - ელექტრონული კომერციის ასოციაციის თანადამფუძნებელი #ახალიამბები #BusinessMediaGeorgia
საქართველოში 2024-2025 წლის ზამთრის სეზონისთვის მზადება აქტიურ ფაზაში შევიდა. როგორც მთის ტრასების სააგენტოში აღნიშნავენ, გუდაურსა და ბაკურიანში ვიზიტორებს სრულიად ახალი სათხილამურო არეალი დახვდებათ. ამასთან, საგულისხმოა, რომ მთის კურორტები საერთაშორისო ღონისძიებებს ამ სეზონზეც მასპინძლობს. როგორ ვხვდებით ზამთრის სეზონს და რა გამოწვევები რჩება 2024-2025 წლის ზამთრის სეზონისთვის კვლავ მოუგვარებელ პრობლემად? სტუმარი: ქეთი ამირბარი - კომპანია “ამირბარის" დამფუძნებელი, ბიზნეს-კონსულტანტი; #ახალიამბები #BusinessMediaGeorgia
სადისტრიბუციო ბიზნესი პარკირების გაზრდილ ჯარიმებზე ჩივის. რითეილ თუ ჰორეკა სექტორის პროდუქციით მომარაგება ზოგიერთ სადისტრიბუციო კომპანიას რამდენიმე ათეული ათასი ლარის ჯარიმის ხარჯზე უწევს. იმის გამო, რომ ქალაქში სადისტრიბუციო მანქანებისთვის გამოყოფილი ადგილის დეფიციტია, უმეტესად მათ ტროტუარებზე ან ავტობუსის ზოლში გაჩერება უწევთ. სადისტრიბუციო მანქანებს აჯარიმებს როგორც საპატრულო პოლიცია, ისე ქალაქის მუნიციპალური ვიდეოკამერა. შედეგად ზოგიერთი კომპანიის შემთხვევაში თვეში პარკირების ჯარიმა 10-დან 15 ათას ლარამდე აღწევს. გაცილებით დიდი რაოდენობის ჯარიმები დაუგროვდათ პურის ქარხნებს, რომლებსაც ობიექტებს დღეში რამდენჯერმე ამარაგებენ. რა გამოწვევების წინაშე დგას სადისტრიბუციო ბიზნესი და რა მოთხოვნები აქვთ კომპანიებს? სტუმარი: ლაშა რიჟამაძე - საქართველოს დისტრიბუტორთა ბიზნეს ასოციაციის პრეზიდენტი #ახალიამბები #BusinessMediaGeorgia
გაზის გამათბობლების შემოწმების მიზნით მიმდინარე პერიოდისთვის უკვე 170 ათასი მეტი აბონენტია გადამოწმებული, აქედან კი დანადგარი 2 ათასს ოჯახს ჩაუხსნეს. რას ცვლის უსაფრთხოების მხრივ კომპანიების მხრიდან გადამოწმება და როგორი უნდა იყოს პრევენციული ღონისძიებები? სტუმარი: ნინო გულეიშვილი - ენერგოომბუდსმენის მოვალეობის შემსრულებელი; #ახალიამბები #BusinessMediaGeorgia
ფინანსურმა ჩართულობის ორგანიზაცია „კრისტალმა“ კიდევ ერთი საერთაშორისო აღიარება მიიღო. კომპანია მომხმარებელთა დაცვის ვერცხლის სერტიფიკატის მფლობელი გახდა, რაც ადასტურებს, რომ კრისტალი ითვალისწინებს მომხმარებლების დაცვის გლობალურ პრინციპებს, უზრუნველყოფს სამართლიან, სანდო და გამჭვირვალე მიდგომებს, ახორციელებს პასუხისმგებლიანი და გონივრული დაკრედიტების პოლიტიკას მომხმარებლისთვის ჭარბვალიანობის ასარიდებლად, განსაკუთრებულად კი იცავს მათი პირადი მონაცემების უსაფრთხოებას, ხელს უწყობს მომხმარებლების ეკონომიკურ გაძლიერებასა და ფინანსურ რესურსებზე წვდომას. რა პრინციპები აქვს კლიენტის დაცვის საერთაშორისო სერტიფიცირებას და რატომ არის მნიშვნელოვანი? სტუმრები: ილია რევია - ფინანსური ჩართულობის ორგანიზაცია “კრისტალის” უფროსი აღმასრულებელი ოფიცერი; მაია ქობალია - ფინანსური ჩართულობის ორგანიზაცია "კრისტალის" გარემოსდაცვითი და სოციალური პასუხისმგებლობის დეპარტამენტის ხელმძღვანელი; #ახალიამბები #BusinessMediaGeorgia
სისტემების ინსტალაციისა და სერვისის მომწოდებელი კომპანია „ბაუმერის“ მიერ შექმნილი აკადემია ბაზარზე ამ სექტორში არსებული საკადროს დეფიციტის ამოვსების მიზნით შეიქმნა. ბაუმერის აკადემია ქართველი თუ უცხოელი სპეციალისტების დახმარებით მსურველებს 10-მდე სასწავლო კურსს სთავაზობს, რომელიც განკუთვნილია როგორც საინჟინრო სისტემების სფეროთი დაინტერესებული პირებისთვის, ასევე გაყიდვების, შესყიდვების თუ ლოგისტიკის მიმართულებით ჩართული ადამიანებისთვისაც. სტუმრები: ნინი გვარაძე - "ბაუმერის აკადემიის" ხელმძღვანელი; ლაშა ქარელი - გათბობა-გაგრილება-ვენტილაციის/სამაცივრე სისტემების ლექტორი; #ახალიამბები #BusinessMediaGeorgia
სიახლეები და შეთავაზებები „თი ისთეითისგან“ სტუმარი: თამარ კანთელაძე - „თი ისთეითის“ გაყიდვების სამსახურის ხელმძღვანელი; #ახალიამბები #BusinessMediaGeorgia
როგორ ემზადება მსოფლიო "შავი პარასკევისთვის"? #ახალიამბები #BusinessMediaGeorgia
აისფეისში შავი პარასკევისთვის სამზადისი უკვე დაიწყო და "ბესთ ფრაიდეის" სახით შეთავაზებები ამოქმედდა, რომელიც 20-მდე დასახელების პროდუქტზე 10%-იან ქეშბექსა და მულტი-ტრეიდინის პროგრამას მოიცავს. ლევან თაღიაშვილი - iSpace-ის მარკეტინგის ხელმძღვანელი #ახალიამბები #BusinessMediaGeorgia
საქართველოს ბიზნეს ასოციაცია კიდევ ერთ წევრ კომპანიას ესტუმრა. ამჯერად ბიზნეს ასოციაციის წარმომადგენლებმა სამშენებლო კომპანია დაგის ოფისი და ერთ-ერთი მიმდინარე პროექტი მოინახულეს. აღსანიშნავია, რომ დაგი საქართველოს ბაზარზე დაახლოებით 2004 წლიდან ოპერირებს და ძირითადად ინფრასტრუქტურული პროექტების მიმართულებით სპეციალიზდება. დღეს უკვე არაერთი წარმატებული პროექტის ავტორი დაგი არ ჩერდება და სამომავლო გეგმებიც მასშტაბური აქვს. როგორ ჩაიარა ბიზნეს ასოციაციის კომპანია დაგში სტუმრობამ? ლევან ვეფხვაძე - BAG-ის აღმასრულებელი დირექტორი; გოგი გულორდავა - „დაგის“ დამფუძნებელი; #ახალიამბები #BusinessMediaGeorgia
#საქმიანიდილა - 14 ნოემბერი - პროლოგი #ახალიამბები #BusinessMediaGeorgia
ყველაზე მსხვილი ბანკების გლობალური რეიტინგი #ახალიამბები #BusinessMediaGeorgia
ვის ეკუთვნის კომერციული ბანკები საქართველოში? #ახალიამბები #BusinessMediaGeorgia
რა ვითარებაა სვანეთში და რა პირობებში უწევთ მუშაობა სვანურ ბიზნესებს, მაშინ როცა ელექტროენერგია შეზღუდვით მიეწოდებათ. გუშინ გავრცელდა ინფორმაცია, რომ მესტიის მუნიციპალიტეტის მერია მოუწოდებს მაინერების მფლობელებს, გამორთონ ე.წ. ბიტკოინის აპარატები.უწყება ამბობს, რომ ხაიშისა და ჭუბერის ადმინისტრაციულ ერთეულებში კატასტროფულად გაზრდილია ელექტროენერგიის მოხმარება და მსგავსი დატვირთვის გაგრძელების შემთხვევაში მოსახლეობისთვის ელექტროენერგიის მიწოდება შეუძლებელი გახდება. სტუმარი: ლევან დადვანი - სასტუმრო "ლაჰილის" მფლობელი #ახალიამბები #BusinessMediaGeorgia
ნუშისა და კაკლის მწარმოებელთა ასოციაციამ ნუშის და კაკლის მწარმოებელი 180 ფერმერი გამოჰკითხა. ასოციაციის შეფასებით კომერციული ბაღებიდან ფერმერებმა 3,500 ტონა კაკლის (ჩანდლერი) მოსავალი მიიღეს, ნუშის მოსავალმა კი 3,000 ტონა შეადგინა. სტუმრები: გიორგი ქადარია - ნუშის და კაკლის მწარმოებელთა ასოციაციის წარმომადგენელი, walnuts.ge -ს გენერალური მენეჯერი; ნიკო ნიკოლაძე - ნუშის და კაკლის მწარმოებელთა ასოციაციის სამეთვალყურეო საბჭოს წევრი. #ახალიამბები #BusinessMediaGeorgia
Biliki AI პირველი ქართული სტარტაპი გახდა, რომელიც Google-ის სტარტაპ აქსელერატორში მოხვდა და ეს ამბავიც არ გამორჩენია BMG-ის. აქსელერაციის პროგრამის ფარგლებში 317 აპლიკანტიდან 15 სტარტაპი შეირჩა. მონაწილე სტარტაპები 10 კვირის განმავლობაში ინტენსიურ ტრენინგებსა და მენტორშიპ სესიებს გაივლიან. სტუმარი: თორნიკე ცირამუა - Biliki AI-ის თანადამფუძნებელი; #ახალიამბები #BusinessMediaGeorgia
2 წელი Amazon-ში; როგორია მუშაობა Amazon-ში? სტუმარი: რევაზ ბაკურაძე - პროგრამული უზრუნველყოფის ინჟინერი AWS-ის ბოსტონის ოფისში #ახალიამბები #BusinessMediaGeorgia
კომპანია „ჯეტექსის" გეგმები და მთავარი მიმართულებები უნდა მოვიკითხოთ. ჯეტექსი, რომელსაც სამშენებლო-საინჟინრო პროდუქტების დისტრიბუციასა და წარმოებაში მრავალწლიანი გამოცდილება აქვს, ბაზარზე 2018 წლიდან ოპერირებს. მან საწყის ეტაპზე, თავი საინჟინრო-საპროექტო კუთხით დაიმკვიდრა. დღეს კი, კომპანია უკვე სამშენებლო მიმართულებითაც ვითარდება და საექსპორტო მიმართულებებსაც ზრდის და ავითარებს. #ახალიამბები #BusinessMediaGeorgia
დღეს თბილისს საქმიანი ვიზიტით მსოფლიო ფეხბურთის მმართველი ორგანოს ანუ FIFA-ს მეცხრე პრეზიდენტი ჯანი ინფანტინო ეწვევა. ვიზიტის ფარგლებში მან უნდა დაათვალიეროს ადგილობრივი საფეხბურთო ინფრასტრუქტურა, როგორიც “ავაზას” სახელობის სპორტული კომპლექსი და “მიხეილ მესხის” სახელობის სტადიონია, რასთან ერთადაც შეხვედრაა დაგეგმილი საქართველოს ფეხბურთის ფედერაციის ხელმძღვანელებთან. ირაკლი მოდებაძე - #BMG-ის რეპორტიორი; #ახალიამბები #BusinessMediaGeorgia
ტერა ლიზინგმა USAID-ის ფინანსური ინოვაციების პროგრამის გრანტი მოიპოვა. გრანტის მიზანია ფინანსური ინსტიტუტების წახალისება, რათა მათ სესხის გარდა სხვა პროდუქტებიც განავითარონ, რომელიც არ იქნება უძრავი ქონებით უზრუნველყოფილი. თუ არ ვხდები და სწორად მაქვს ინფორმაცია, ტერა ლიზინგი, ერთადერთი ფინანსური ინსტიტუტია, რომელმაც ლიზინგის განვითარებისთვის აღნიშნული გრანტი მოიპოვა. სტუმრები: ნატო ტორონჯაძე - ტერა ლიზინგის დირექტორი; ლევან გოგორელიანი - ტერა ლიზინგის კომერციული დირექტორი; #ახალიამბები #BusinessMediaGeorgia
სომხეთის ბანკების კავშირის ორგანიზებით პირველი საბანკო ფორუმი 7 ნოემბერს ერევანში გაიმართა და ფოკუსირებული იყო ფინანსური და საბანკო სისტემის ყველაზე აქტუალურ თემებზე, მათ შორის ESG და ღია ბანკინგის სტანდარტების შესაბამისობაზე და დანერგვაზე. ფორუმის პარტნიორი იყო ცენტრალური და აღმოსავლეთ ევროპის საბანკო ასოციაცია და საქართველოს საბანკო ასოციაცია. რა იყო მთავარი მესიჯი და რა მოისმინეს ფორუმზე, რეგიონული საბანკო გამოწვევების თუ შესაძლებლობების კუთხით. სტუმრები: ალექსანდრე ძნელაძე - საქართველოს საბანკო ასოციაცია/პრეზიდენტი; ლევან გოგოლაძე - საქართველოს საბანკო ასოციაცია/ESG მიმართულების კოორდინატორი; მიხეილ კაპანაძე - საქართველოს საბანკო ასოციაცია/ღია ბანკინგის პროექტის დირექტორი #ახალიამბები #BusinessMediaGeorgia
10 წელი კახა ბენდუქიძის გარდაცვალებიდან "თუ გლანძღავენ – ესე იგი საინტერესოდ ცხოვრობ, თუ გემუქრებიან – ესე იგი მათთვის საშიში ხარ, თუ ჯერ კიდევ ცოცხალი ხარ – ესე იგი მათ არ გაუმარჯვიათ!" - კახა ბენდუქიძე #ახალიამბები #BusinessMediaGeorgia
#საქმიანიდილა - 13 ნოემბერი - პროლოგი #ახალიამბები #BusinessMediaGeorgia
მას შემდეგ, რაც დონალდ ტრამპმა აშშ-ის პრეზიდენტობა პირველად იზეიმა, ამერიკულ ტექნოლოგიურ ინდუსტრიაში ე.წ. თაფლობის თვე დასრულდა, რასაც ამ სექტორის მკაცრი რეგულირება მოჰყვა. თავის დროზე, ეს ტენდენცია თავად დონალდ ტრამპმა დაიწყო და ის ჯო ბაიდენმა გააგრძელა, ოღონდ ორივე პრეზიდენტის შემთხვევაში მიზეზები განსხვავებული იყო. დონალდ ტრამპი ტექნოლოგიური კომპანიის დამფუძნებლებს და დირექტორებს პირადი მიზეზების გამო გადაეკიდა, როცა ჯო ბაიდენს სექტორის მკაცრი რეგულირება სურდა, რისთვისაც ანტიმონოპოლიური სამსახური აამოქმედა. #ახალიამბები #BusinessMediaGeorgia
ინტეგრირებული და ინოვაციური ეკოსისტემის განვითარების მიზნით, საქართველოს ეროვნულმა ბანკმა ფინტექის ეროვნული სტრატეგია მოამზადა. ფინტექ ასოციაციის ხელმძღვანელი დავით კიკვიძე “საქმის კურსთან” ინტერვიუში ამბობს, რომ მომზადებულ სტრატეგიასთან მიმართებით კითხვები ბევრია, რასაც კონკრეტიკა სჭირდება. მისი შეფასებით, სტრატეგიაში უნდა იყოს გაწერილი თუ რა ნაბიჯებს გადადგამს ცენტრალური ბანკი რომ ბანკებსა და ფინტექ კომპანიებს შორის ჯანსაღი და კონკურენტუნარიანი კომუნიკაცია შედგეს. დავით კიკვიძე ამბობს, რომ დღეს კომერციული ბანკების და ფინტექ კომპანიების კომუნიკაცია იმდენად გართულებულია, რომ ხშირად ფინტექ კომპანიებს ბაზრის დატოვება უწევთ. დღეს არსებულ ვითარებას ბიზნესისგან მოვისმენთ, ასევე საინტერესოა რა შენიშვნები აქვს კერძო სექტორს მომზადებულ სტრატეგიასთან დაკავშირებით? სტუმარი: მიხეილ დემეტრაშვილი - All Pay Way-ს დირექტორი; #ახალიამბები #BusinessMediaGeorgia
ოქტომბერში სავალუტო რეზერვები $627 მილიონით შემცირდა - რა იქნება შედეგი? სტუმარი: რომან გოცირიძე - პარლამენტარი; #ახალიამბები #BusinessMediaGeorgia
მესამე პირის პასუხისმგებლობის დაზღვევა - სად არის რეფორმა? სტუმარი: კონსტანტინე მანჯგალაძე - “ჯიპიაი ჰოლდინგის“ NLI ბაზარზე განვითარების დირექტორის მოადგილე #ახალიამბები #BusinessMediaGeorgia
122 დაღუპული და 2 500-მდე დაშავებული – ასეთია წლის მესამე კვარტალში მომხდარი ავარიების შედეგები. ივლის-აგვისტო-სექტემბრის მონაცემები თითქმის წინა წლის ამავე პერიოდის მაჩვენებლების ანალოგიურია. ყველაზე ხშირ შემთხვევაში ავტოსაგზაო შემთხვევების მიზეზად სიჩქარის გადაჭარბება სახელდება. საკანონმდებლო რეგულაციების გამკაცრების და ჯარიმების გაზრდის მიუხედავად, პრობლემა მაინც მთავარ გამოწვევად რჩება. ავტოსაგზაო შემთხვევების რაოდენობას რაც შეეხება, 2024 წლის მესამე კვარტალში ჯამურად 1563 ავტო სატრანსპორტო შემთხვევა მოხდა, 2023 წელის ანალოგიურ პერიოდში კი ეს რიცხვი 1496 იყო. 2024 წლის 9 თვეში კი ავტოავარიის შედეგად დაღუპულთა რაოდენობა 301 ადამიანია. რა გამოსავალი არსებობს საგზაო შემთხვევების და ფატალური შედეგების თავიდან ასარიდებლად, ვის რა პასუხისმგებლობა აქვს ამ საქმეში? სტუმარი: ეკა ლალიაშვილი - საქართველოს ალიანსი უსაფრთხო გზებისთვის“ თავმჯდომარე; #ახალიამბები #BusinessMediaGeorgia