დომუსმა, ბუნებასთან ახლოს, ახალი, მზიანი და ნათელი საცხოვრებელი კომპლექსის მშენებლობა დაანონსა. დომუსი გაზაფხული, - ეს არის ადგილი, სადაც ოთხივე სეზონზე შესაძლებელია, იცხოვრო გაზაფხულის შეგრძნებით. კომპანიის ახალი პროექტი, თბილისის ერთ-ერთ ცენტრალურ უბანში, საბურთალოზე, ყველაზე მშვიდ და გამწვანებულ ლოკაციაზე, გაზაფხულის ქუჩაზე მდებარეობს. დომუსი გაზაფხულში ბინის შეძენა ყველაზე ხელმისაწვდომ ფასად იქნება შესაძლებელი. რა შეთავაზებები აქვს დომუსს პირველი მომხმარებლებისთვის და როგორი იქნება „დომუსი გაზაფხული"? სტუმრები: ტატიანა ქათამაძე - "დომუსის მარკეტინგის" დირექტორი; ვახო ბაქრაძე - "დომუსის" გაყიდვების მენეჯერი; #ახალიამბები #BusinessMediaGeorgia
ელონ მასკი ისევ ყურადღების ცენტრშია. Twitter-მა შერწყმის გარიგებების სამართლის მძიმეწონოსანი ფირმა Wachtell, Lipton, Rosen & Katz-ი დაიქირავა. კომპანია ცდილობს, მასკს $44 მილიარდიანი გარიგების შეწყვეტის გამო უჩივლოს. სოციალური მედიის კომპანია სარჩელის შეტანას მიმდინარე კვირის დასაწყისში გეგმავს. Wachtell-ის აყვანით, მას წვდომა ექნება ადვოკატებთან, მათ შორის ბილ სავირთან და ლეო სტრაინთან, რომლებიც დელავერის სასამართლოში კანცლერის თანამდებობაზე მუშაობდნენ, სადაც საქმე განიხილება. მასკმა Quinn Emanuel Urquhart & Sullivan დაიქირავა. ფირმამ მასკი 2019 წელს ცილისწამების საქმეში წარმატებით დაიცვა და ასევე წარმოადგენს მას მიმდინარე სარჩელში 2018 წელს Tesla-ს კერძო კომპანიად გადაქცევის შესახებ. დელავერის შტატი აშშ-ის საჯარო კომპანიების, მათ შორის Fortune 500-ის ფირმების 60%-ზე მეტის და Twitter-ის კორპორაციული სახლია. აქ კანცლერი მოსამართლეები, ბიზნეს სამართლის ექსპერტები განიხილავენ საქმეებს ნაფიც მსაჯულთა გარეშე, თუმცა მათ არ შეუძლიათ სადამსჯელო ზიანის მინიჭება. შერწყმის გარიგებების წინა საქმეებიდან გამომდინარე, გარიგების შეწყვეტის მცდელობები შეიძლება რამდენიმე თვის განმავლობაში გაგრძელდეს, რაც ხშირად შეთანხმებით მთავრდება, რათა შემდგომი დაპირისპირება თავიდან აიცილონ. მოსამართლეებს ასევე აქვთ უფლება გადაწყვიტონ გადაიხადონ თუ არა მხარეებმა გარიგების დასრულების საფასური. მასკის შემთხვევაში ეს საკომისიო $1 მილიარდია. პარასკევს ბაზრის დახურვის შემდეგ, მასკმა განაცხადა, რომ აპირებს უარი თქვას Twitter-ის აქციაზე $54,20-ის ღირებულებით შეძენაზე, იმ მიზეზით, რომ კომპანიამ არასწორად წარმოადგინა მომხმარებლის მონაცემები. Twitter-ის თავმჯდომარემ ბრეტ ტეილორმა მასკს უპასუხა და პირობა დადო, რომ შეთანხმებას აღასრულებს, რაც მძიმე სასამართლო დავას ნიშნავს. ცხადია მასკის განცხადებას დადებითი რეაქცია ტვიტერის აქციებზე არ ჰქონია. სტუმარი: ნიკა მაზანაშვილი - Galt&Taggart;-ის საბროკერო დეპარტამენტის უფროსი ანალიტიკოსი #ახალიამბები #BusinessMediaGeorgia
ავტოინდუსტია, რომ ელექტროფიცირების მიმართულებით ვითარდება და მილიარდობით დოლარის ინვესტირებას სწორედ ამ კუთხით ახდენს აქ ახალი არაფერია. ფორბს ავტო, ამის თაობაზე ყოველკვირეულად გიყვებათ. თან მხოლოდ ავტოინდუსტრია არა, (kadr1) მაგალითად პორშე ცენტრი თბილისის დახმარებით სულ ცოტახნის წინ იტალიაში ვიმოგზაურე, სადაც უახლესი პორშე ტაიკანის პრეზენტაციაზე და პრაქტიკულად პორშეს სამოთხეში მოვხვდი... ეს მოგზაურობა დაახლოებით 7 წუთიან ვიდეოშიც ჩავატიე და თუ გაინტერესებთ შეგიძლიათ ბი ემ ჯიზე ნახოთ... რომ დავუბრუნდეთ ელექტროფიცირებას, (kadr2) სარდინიაზე ელექტრო იახტით გასეირნების საშულებაც მქონდა და როგორც მისმა მწარმოებელმა გვითხრა, იახტების მომავალიც ელექტროა... ელექტროფიცირების და ნულოვანი ემისიის გზას ადგას სატვირთოების და სამგზავრო ავტობუსების მსოფლიო ლიდერი კომპანია „მან თრაქ ენდ ბასი“, (kadr3) რომელმაც ელექტროსატვირთო საზოგადოებას უკვე წარუდგინა და მის წარმოებას 2024 წლიდან დაიწყებს. იმის გათვალისწინებით, რომ „მანის“ ოფიციალური წარმომადგენელი საქართველოში „თეგეტა ჰოლდინგია“ ძალიან დიდი იმედი მაქვს ელექტრო და წყალბადზე მომუშავე სატვირთოებს საქართველოშიც ვნახავთ... იმედის საფძველს კი „თეგეტა ჰოლდინგის ამბიციური გეგმები მაძლევს, გახდნენ პირველი მწვანე საავტომობილო კომპანია კავკასიასა და ცენტრალურ აზიაში... სტუმარი: ბექა ბერიძე - TEGETA TRUCK&BUS;-ის დირექტორი #ახალიამბები #BusinessMediaGeorgia
2022 წლის პირველი მარტიდან 25 წლამდე პირებს და საჯარო მოხელეებს აზარტული თამაშის უფლება აეკრძალათ, ასევე აიკრძალა აზარტული თამაშების რეკლამირებაც. ამასთან, 1 იანვრიდან შეიცვალა ონლაინ-თამაშების დაბეგვრის წესი. კერძოდ, მათ უწევთ მოგების გადასახადის სახით მიღებულ ფსონებსა და გაცემულ მოგებას შორის სხვაობის 10% გადაიხადონ. #ახალიამბები #BusinessMediaGeorgia
თბილისის საცხოვრებელი უძრავი ქონების ტრანზაქციების რაოდენობის ზრდა შემცირდა, - ამის შესახებ „თიბისი კაპიტალის“ კვლევაშია აღნიშნული. bmg-იმ უძრავი ქონების ბაზრის გამოწვევები დეველოპერულ კომპანიებს შეაფასებინა. როგორია ინდუსტრიის პროგნოზები და აქვთ თუ არა ფასის კიდევ მეტად გაზრდის მოლოდინი სექტორს? #ახალიამბები #BusinessMediaGeorgia
#საქმიანიდილა - 12 ივლისი - პროლოგი #ახალიამბები #BusinessMediaGeorgia
არსებული პროექტის მიხედვით, მიკრობანკის დაფუძნებისთვის საჭირო კაპიტალი 10 მლნ-ით განისაზღვრა, მათი სასესხო პორტფელის 70% კი ბიზნეს ან სოფლის მეურნეობის სექტორზე გაცემული სესხები უნდა იყოს. გარდა ამისა, მიკრობანკის სტატუსის მქონე ორგანიზაციებისთვის 100 ათასიდან 1 მლნ-მდე იზრდება სესხის გაცემის ლიმიტი. რას შეცვლის ბაზარზე ახალი შუამავალი რგოლის გაჩენა და რა გავლენას იქონიებს ის საპროცენტო განაკვეთებზე? #ახალიამბები #BusinessMediaGeorgia
ინგლისის ქალაქ მანჩესტერში მცხოვრები, წარმოშობით ინდოელი ჟასმინ დევიდი, რომელსაც კიბოს დიაგნოზის დასმის შემდეგ, ექიმების თქმით, მხოლოდ რამდენიმე თვის სიცოცხლე ჰქონდა დარჩენილი, დაავადებისგან განიკურნა. ჟასმინ დევიდმა სიმსივნის ნიშნები 2017 წლის ნოემბერში შენიშნა, როდესაც ის 51 წლის იყო. მალევე, მას სიმსივნის აგრესიული ფორმის, სამმაგად უარყოფითი ძუძუს კიბოს დიაგნოზი დაუსვეს. დევიდმა ექვსთვიანი ქიმიოთერაპია და მასტექტომია, ასევე რადიოთერაპიის 15 პროცედურა ჩაიტარა, რის შედეგადაც დაავადებას თავი დააღწია, თუმცა, როგორც აღმოჩნდა – დროებით. ორი წლის შემდეგ, 2019 წელს მის ორგანიზმში სიმსივნის უჯრედები კვლავ განვითარდა და დაავადებამ ფილტვები, ლიმფური კვანძები და გულმკერდის ძვალი მოიცვა. მაშინ ექიმებმა განაცხადეს, რომ პაციენტს მხოლოდ რამდენიმე თვის სიცოცხლე ჰქონდა დარჩენილი.ამის შემდეგ ჟასმინ დევიდმა მონაწილეობა მიიღო კრისტის საავადმყოფოს მიერ ჩატარებულ კლინიკურ კვლევაში, რომლის ფარგლებშიც ცდისპირებს ექსპერიმენტული მედიკამენტითა და იმუნოთერაპიის წამლით, კომბინირებულად მკურნალობდნენ. #ახალიამბები #BusinessMediaGeorgia
"სარესტორნე ბიზნესში კადრების 700%-იანი დეფიციტია, დღეს დირექტორს უფრო მარტივად იპოვნი ვიდრე მიმტანს, მომსახურე პერსონალის პოვნა ფანტასტიკის სფერო გახდა - ეს არის იმ კომენტარების არასრული ჩამონათვალი, რომელსაც ბოლო პერიოდში ტურიზმის ინდუსტრია აქტიურად აკეთებს. სასტუმროებისა და რესტორნების წარმომადგენლები აცხადებენ, რომ 2 წლიანი პანდემიის გამო კადრების დიდი ნაწილი სხვა სფეროში გადანაწილდა რამაც ბაზარზე დეფიციტი გააჩინა, შედეგად ბევრი მომსახურე ობიექტი კადრების არარსებობის გამო საერთოდ ვერ იხსნება, გახსნილ ობიექტებში კი მომსახურების ხარისხი მნიშვნელოვნად გაუარესდა. მეორე და უმთავრესი გამოწვევა ინფლაციაა, რომელიც ყველაზე მეტად სწორედ საკვების ფასებშია გამოხატული. რესტორატორთა ასოციაციაში იმასაც კი ამბობენ, რომ არსებული მძიმე მდგომარეობიდან ერთადერთი გამოსავალი სახელმწიფოს ჩართულობა და ფასების დარეგულირებისთვის ქმედითი ნაბიჯების გადადგმაა საჭირო. როგორ ხვდება სექტორი ზაფხულის ტურისტულ სეზონს და სად არის გამოსავალი? სტუმრები: გიორგი მურჯიკნელი - რესტორატორი; თამარა ბაღდავაძე - "კოსტე გრუპის" დამფუძნებელი. #ახალიამბები #BusinessMediaGeorgia
#ავიაციისსიახლეები: ქუთაისის აეროპორტში ივნისში მგზავრთნაკადი სრულად აღდგა; Camex Airlines ოპერირებას უახლოეს ხანში დაიწყებს; “სტამბოლი” ევროპის ყველაზე დატვირთულ აეროპორტად დასახელდა; მაისში საჰაერო გადაზიდევბი 83,1%-ით გაიზარდა; British Airways-მა ივლისისთვის 1500 ფრენა გააუქმა; SkyUp Airlines-მა Wizz Air-ს სველი ლიზინგით Boeing 737-700NG გადასცა; უკრაინის საერთაშორისო ავიახაზები ჩარტერულ რეისებს განაახლებს. #ახალიამბები #BusinessMediaGeorgia
საქართველოდან ყაზახეთში ექსპორტი გასამმაგდა. საქსტატის მონაცემებით, წელს, 5 თვეში აღნიშნულ ქვეყანაში ექსპორტიდან მიღებულმა შემოსავალმა 63,868 მლნ აშშ დოლარი შეადგინა, წინა წლის ანალოგიურ პერიოდში - 20,858 მლნ აშშ დოლარი.რაც შეეხება იმპორტს, 2022 წლის იანვარ-მაისში ყაზახეთიდან 13,968 მლნ აშშ დოლარის პროდუქტი შემოვიდა, 2021 წლის 5 თვეში - 7,772 მლნ აშშ დოლარის. საქართველოდან ყაზახეთში უმეტესად მსუბუქი ავტომობილები, მინერალური და მტკნარი წყლები, ასევე ნატურალური ღვინოები გადის. რაც შეეხება ექსპორტს ყაზახეთში უმეტესად ხორბალს, ნავთობს და ნავთობპროდუქტებს და შავი ლითონებისგან დამზადებულ მეტალოკონსტრუქციებს ვყიდულობთ. ყაზახეთის ფინანსთა სამინისტროს ვებ-გვერდზე გამოქვეყნებული ინფორმაციის თანახმად ყაზახეთმა შესაძლოა, რუსეთსა და ბელარუსში სანქცირებული საქონლის გატარება აკრძალოს. მისი არსი მდგომარეობს იმაში, რომ ყაზახეთის ხელისუფლება სანქცირებული საქონლის ელექტრონულ ინვოისებს აღარ დაამოწმებს, რის გარეშეც ასეთი საქონლით რუსეთთან და ბელარუსთან საზღვრის გადაკვეთა აიკრძალება. ასევე გასული კვირის ბოლოს ცნობილიო გახდა, რომ ყაზახეთი დსთ-ს სავალუტო ხელშეკრულებას ტოვებს. შესაბამისს გადაწყვეტილებას ხელი ყაზახეთის პრეზიდენტმა, ყასიმ-ჟომარტ თოყაევმა მოაწერა. რუსული მედიის ცნობით, გადაწყვეტილება ძალაშია ხელმოწერის დღიდან, რომელიც 8 ივლისით თარიღდება. კომიტეტი სავალუტო ანგარიშსწორებისა და საკრედიტო ურთიერთობების სფეროში ორგანიზაციის ქვეყნებს შორის თანამშრომლობის ხელშეწყობის, ასევე თანამეგობრობის ქვეყნების სავალუტო კანონმდებლობების დაახლოებისა და გაუმჯობესების მიზნით შეიქმნა. რას შეცვლის მიმდინარე პროცესები საქართველოსთვის, საქართველო ყაზახეთს შორის არსებული სავაჭრო და საინვესტიციო ურთიერთობებზე? სტუმარი: გიორგი ჯახუტაშვილი -ყაზახურ-ქართული ეკონომიკური გაერთიანების გამგეობის თავმჯდომარე; #ახალიამბები #BusinessMediaGeorgia
ქართული კენკრის გასაღების ერთადერთი ბაზარი რუსეთი იყო, წელს კი შექმნილი ვითარებიდან გამომდინარე რუსეთიდან თანხის გადმორიცხვის პრობლემაა, ეს კი იმას ნიშნავს, რომ მოსავალი ექსპორტზე ვერ გადის. წელს დაგეგმილიი ყო ქართული კენკრის გატანა ისრაელის ბაზარზე, თუმცა მოლაპარაკებები წარუმატებლად დასრულდა. რა გეგმები აქვთ ადგილობრივ მწარმოებლებს და რატომ ვერ ხერხდება სხვა ბაზრებზე გასვლა? სტუმარი: იზოლდა ქიტესაშვილი - "კენკრის მწარმოებელთა ასოციაციის" თავმჯდომარე; #ახალიამბები #BusinessMediaGeorgia
ევროკავშირის დელეგაცია მიმდიანარე პროექტების შესაფასებლად კახეთს სტუმრობდა, სადაც ერთდროულად ევროკავშირის ფინანსური მხარდაჭერით 6 პროექტი ხორციელდება. საპილოტე რეგიონების ინტეგრირებული განვითარების პროგრამას (PIRDP)-ის ევროკავშირის დაფინანსებით ინფრასტრუქტურის სამინისტრო ახორციელებს, რაშიც 40 მილიონ ევროზე მეტი იხარჯება. საბოლოო ჯამში კი რეგიონში შესაბამისი ინფრასტრუქტურის მოწყობა ერთი მხრივ ტურისტებისთვის მიზიდულობის ახალ ცენტრებს აჩენს, მეორე მხრივ კი ხელს უწყობს მცირე ბიზნესს. #ახალიამბები #BusinessMediaGeorgia
#საუბრებიავიაციაზე: რას გამოიწვევს ავიაბილეთების გაძვირება? სტუმრები: გიორგი მოლოდინაშვილი - “Geo Sky”-ის ვიცე-პრეზიდენტი ბიზნესის განვითარების დარგში; მაია სიდამონიძე - "პროთრეველ ჯორჯია"-ს მმართველი პარტნიორი. #ახალიამბები #BusinessMediaGeorgia
დღეიდან შემოსავლების სამსახურის სერვისცენტრში ვიზიტით დაინტერესებული პირებისათვის დამატებით იზღუდება შემდეგი განცხადებების რეგისტრაცია: მეწარმე ფიზიკური პირისთვის მცირე ბიზნესის სტატუსის მინიჭება; ფიზიკური პირისთვის საკუთარი შემოსავლების შესახებ ცნობის გაცემა; დღგ-ის გადამხდელად რეგისტრაცია. შეზღუდვა გავრცელდება იმ პირებზე, რომელთაც აღნიშნული მომსახურებების მიღების შესაძლებელობა აქვთ დისტანციურად, ელექტრონული ფორმით. შესაბამისად, თუ პირს აქვს აქტიური ავტორიზებული მომხმარებლის გვერდი, მას აღნიშნული სერვისებით სარგებლობა მხოლოდ ავტორიზებული მომხმარებლის გვერდის გამოყენებით შეეძლება. რამდენად გამართულად მუშაობს შემოსავლების სამსახურის ელექტორნული სერვისები? სტუმარი: დავით პაპიაშვილი - აუდიტორული კომპანია Kreston Georgia-ს მმართველი პარტნიორი #ახალიამბები #BusinessMediaGeorgia
შეუძლია თუ არა ჩქაროსნულ სარკინიგზო ქსელებს თვითმფრინავების ჩანაცვლება? ევროპაში სარკინიგზო ტრანსპორტის განვითარების საკითხი უკვე დიდი ხანია ერთ-ერთი მთავარი თემაა, თუმცა როგორც ჩანს, პროგრესი ნელი ტემპით მიდის. არადა თვითმფრინავით მოგზაურთა რაოდენობა, განსაკუთრებით პანდემიის შემდეგ, ყოველდღიურად იზრდება და შესაბამისად იზრდება გამონაბოლქვიც. როგორია ექსპერტების მოსაზრებები, ინფრანსტრუქტურული პროექტების ვაფები და მოლოდინები? #ახალიამბები #BusinessMediaGeorgia
საქართველოს კანონმდებლობით, მთავრობის სარეზერვო ფონდიდან თანხა მხოლოდ ბიუჯეტით გაუთვალისწინებელი ხარჯების დასაფინანსებლად გამოიყოფა, თუმცა ჩვენთან არსებული პრაქტიკა ამბობს, რომ მისი გათვალისწინება ბიუჯეტში შესაძლებელი იყო. კვლევაში, რომელიც IDFI-იმ მოამზადა ნათქვამია, რომ 2021 წელს ჯამურად გამოყოფილი თანხების 38.5% მთავრობის ადმინისტრაციაზე გაიცა საიდანაც ყველაზე დიდი წილი - 8.2 მლნ ლარი საქართველოს მთავრობის ინიციატივითა და მხარდაჭერით ქვეყნის მასშტაბით ჩასატარებელი საახალწლო და წლის დასრულებასთან დაკავშირებით გასამართი ღონისძიებებისთვის საჭირო ხარჯების დაფარვისთვის იყო გათვალისწინებული. აღსანიშნავია, რომ იდენტური მიზნობრიობით 282,000 ლარი სარეზერვო ფონდიდან საქართველოს რეგიონული განვითარებისა და ინფრასტრუქტურის სამინისტროსაც გამოეყო. მთავრობის ადმინისტრაციისათვის გამოყოფილი თანხებიდან 3.7 მლნ ლარამდე გათვალისწინებული იყო ლობისტურ მომსახურებაში - საქართველოსა და აშშ-ს შორის სტრატეგიული პარტნიორობის გაღრმავების პროცესის მხარდასაჭერად, ასევე აშშ-ში საქართველოს შესახებ ცნობადობის ამაღლებისა და ქვეყნის სათანადოდ წარმოჩენის პროცესში დახმარების მიზნით აუცილებელი საკონსულტაციო მომსახურების შეძენის ხარჯების დასაფინანსებლად. სტუმარი: მარიამ გოგიაშვილი - IDFI-ის ანალიტიკოსი; #ახალიამბები #BusinessMediaGeorgia
ყველაზე მოთხოვნადი მედიკამენტების ფასები #ახალიამბები #BusinessMediaGeorgia
ბოლო 2 კვირაში საქართველოში ინფიცირება გაორმაგდა #ახალიამბები #BusinessMediaGeorgia
#საქმიანიდილა - 11 ივლისი - პროლოგი #ახალიამბები #BusinessMediaGeorgia
ტურისტული სექტორი დედაქალაქსა და რეგიონებში საზოგადოებრივი საპირფარეშოების მოწყობას კვლავ ითხოვს. გიდები ამბობენ, რომ წელს ტურიზმის აღდგენასთან ერთად, ბიოტუალეტების არარსებობა განსაკუთრებით თვალსაჩინოა. არის თუ არა საკმარისი ბიოტუალეტები თბილისსა და რეგიონებში? #ახალიამბები #BusinessMediaGeorgia
უახლესი მონაცემებით, გასულ თვეში, სამხრეთ ხმელთაშუა ზღვის სანაპიროზე ჰაერის დაბინძურების დონე გაიზარდა. ჰაერის ხარისხის მონიტორინგის კომპანია Airly-ის თანახმად, განსაკუთრებით ცუდი ვითარება სამხრეთ ესპანეთისა და იტალიის დიდ ქალაქებშია. ზაფხულის სეზონზე ყველაზე დიდი პრობლემა აზოტის ოქსიდის მაღალი კონცენტრაციაა, რაც ამ ადგილებში ტრანსპორტის გაზრდილი მოძრაობითაა განპირობებული. Airly-ის CEO-ს განცხადებით, საზღვაო ზოლის ბევრ ქალაქს შორის ყველაზე მეტად დაბინძურებული ესპანეთის სანაპიროა, მათ შორის მურსიის, ბარსელონასა და მალაგას რეგიონები. თუმცა არანაკლებად დაბინძურებულია ჰაერი იტალიის პულიას, მარკესა და ნესებურის (ბულგარეთი) შავი ზღვის სანაპიროების ტერიტორიაზე. ამის მიზეზი შესაძლოა ტემპერატურის მკვეთრი მატება იყოს, რაც განსაკუთრებით 2022 წლის ივნისის მეორე ნახევარში დაფიქსირდა. Airly-ის განცხადებით, ჰაერის დაბინძურების როგორც გრძელვადიანი, ასევე მოკლევადიანი ზემოქმედება პირდაპირ კავშირშია ადამიანების ჯანმრთელობასთან. ჰაერის დაბინძურების მაღალი დონე ჯანმრთელობისთვის სხვადასხვა სახის რისკებს აჩენს. მათ შორისაა რესპირატორული ინფექციები, ფილტვის კიბო და სხვა სახის დაავადებები. #ახალიამბები #BusinessMediaGeorgia
ქვეყანაში ყავის სმის კულტურა კი ვითარდება, მაგრამ ადამიანების დიდი ნაწილი არჩევანს ჯერ-ჯერობით მაინც ყავის მარტივ ალტერნატივაზე, ე.წ ხსნად ყავაზე აკეთებს, რომლის შემადგენლობაც როგორც ყავის ინდუსტრიაში მომუშავე სუბიექტები ამბობენ, კითხვის ნიშნებს აჩენს. მათი თქმით, რთულია გაარკვიო ხსნადი ყავის შემცვლობა, რომელიც როგორც დაფასოული ისე კილოგრამობით დღეს ქართულ ბაზარზე გვხვდება. არის ფალსიფიცირების შემთხვევებიც, რომელზეც სურსათის ეროვნული სააგენტო საუბრობს. რა უნდა ვიცოდეთ მაშინ როცა არჩევანს ხსნად ყავაზე ვაკეთებთ და რა შეიძლება იყოს ხსნადი ყავის შედარებით ჯანსაღი ალტერნატივა? #ახალიამბები #BusinessMediaGeorgia
"პატარა შვეიცარია" სარკინეთში - შვეიცარიული აგრარული სკოლა მიხო სვიმონიშვილი - ბიზნესმენი; თინა მახარაძე - შვეიცარიული აგრარული სკოლის დირექტორი; #ახალიამბები #BusinessMediaGeorgia
„სახელმწიფო რამდენიმე ათეულ მილიონს ხარჯავს, რომ გააფუჭოს ღვინის ხარისხი“ - ასე ფიქრობს ღვინის ეროვნული სააგენტოს ყოფილი ხელმძღვანელი დღვანდელი სუბსიდირების მექანიზმზე. ვინ ქმნის ქართული ღვნის მომავალს და რატომ არ გვაქვს შანსი იაფი ღვინის სეგმენტში?! BMGDRIVE-ის მგზავრი: გიორგი სამანიშვილი - ღვნის ექსპერტი; ღვინის ეროვნული სააგენტოს ყოფილი ხელმძღვანელი; ავტორები: ბექა ბაციკაძე; რატი კაციტაძე; რევაზ ნასიძე; #ახალიამბები #BusinessMediaGeorgia
საქართველოში საქმიანი ვიზიტით, ბრენდ აჰავას ვიცე პრეზიდენტი და საერთაშოროსი ტრენერი, იდით განდელმანი იმყოფება, რომელიც ავერსისთვის ატარებს სამ დღიან ინტენსიურ კურსს, რათა კიდევ უფრო აამაღლოს თითოეული თანამშრომლის კვალიფიკაცია ამ ბრენდის გარშემო. ინფორმაციისთვის აჰავა ისრაელის წარმოების ბრენდია, საკმაოდ მრავალწლიანი გამოცდილებით, რომელიც მკვდარი წყლის მინერალების საფიძველზეა დამზადებული და ფართო ასორტიმენტითაა წარმოდგენილი. #ახალიამბები #BusinessMediaGeorgia
იანვარ-მაისში ქართული თაფლის ექსპორტი 85,5%-ით გაიზარდა. საქსტატის მონაცემებით, წელს 5 თვეში ქვეყნიდან 90,24 ტონა თაფლის ექსპორტი განხორციელდა (340,4 ათასი დოლარის ღირებულების), გასული წლის ანალოგიურ პერიოდში კი უცხოეთში 48,63 ტონა პროდუქტი (151,9 ათასი დოლარის ღირებულების) გავიდა. ბულგარეთი - 67,42 ტონა (195,1 ათასი დოლარი) საფრანგეთი - 14,40 ტონა (80,94 ათასი დოლარი) ისრაელი - 3,57 ტონა (19,66 ათასი დოლარი) გარდა ამისა, წელს მცირე რაოდენობით თაფლის ექსპორტი განხორციელდა შემდეგ ქვეყნებში - არაბთა გაერთიანებული საამიეროები, გერმანია, იაპონია, საუდის არაბეთი. სტუმარი:ერეკლე ჩიკვაიძე - "აპიჯეო"-ს გაყიდვების და მარკეტინგის სამსახურის ხელმძღვანელი; #ახალიამბები #BusinessMediaGeorgia
რა გავლენა ექნება თურქეთის კრიზისს საქართველოს ეკონომიკაზე? გიორგი თოლორდავა - BMG-ის ანალიტიკოსი; გიორგი არონია - Forbes Georgia-ს ანალიტიკოსი; დავით კეშელავა - ISET-ის კვლევითი ინსტიტუტის უფროსი მკვლევარი. #ახალიამბები #BusinessMediaGeorgia
ევროპის კონტინეტნზე მიმდინარე ომის, რუსეთის წინააღმდეგ მიღებული და ამუშავებული სანქციების და იქამდე ამერიკის ყოფილი პრეზიდენტის გამკაცრებული სანქციების ფონზე ჩინეთი მისთვის სასარგებლო გარიგებების ჩამონათვალს ზრდის. ჩინური კოვიდის ეფექტით მიღებული ტრავმები ეკონომიკას ჯერ ისევ აქტიური ჰქონდა როცა ომი, საწვავზე გაზრდილი ფასები და სურსათზე დეფიციტი წამოეწია. FBI და MI5 ჩინეთიდან მომდინარე საფრთხეებზე უკვე ღიად პრესკონფერენციებზე ალაპარაკდნენ. ამ თემების განხილვაში თიბისი კაპიტალის განახლებული ანგარიში წამოგვეწია, რომელიც 2018 წლიდან ჩინეთის კონომიკის მიმოხილვას და მის ეფექტს განიხილავს. სტუმარი: თორნიკე მჭედლიშვილი - "თიბისი კაპიტალის" საბროკერო მიმართულების ვიცე-პრეზიდენტი; #ახალიამბები #BusinessMediaGeorgia
საქართველოში აგრარული სექტორი ბევრი გამოწვევის წინაშე დგას და გავრცელებულ პრობლემებს შორის, კვალიფიციური კადრების დეფიციტი, ფინანსებზე დაბალი ხელმისაწვდომობა და დაბალი მწარმოებლურობაა. როგორ უნდა მოგვარდეს დაბალი მწარმოებლურობის პრობლემა? ეს კითხვა "საქმიანი დილის" გუნდმა რამდენიმე დარგში გამოცდილ პროფესიონალს დაუსვა. ისინი აღნიშანვენ იმას, რომ მიუხედავად ბოლო წლებში ფერმერული მეურნეობების განვითარებისა, მწარმოებლურობის გაზრდისთვის მეტია გასაკეთებელი და აუცილებელია, რომ ქართველმა ფერმერებმა თანამედროვე გამოცდილება მიიღონ, რათა მათი შემოსავლები მწარმოებლურობის პროპორციულად გაიზარდოს. #ახალიამბები #BusinessMediaGeorgia
6-7 ივლისს ექსპოჯორჯიას მე-3 ე პავილიონში კერხერის ინოვაციური ტექნოლოგიის გამოფენა ჩატარდა. გამოფენაზე გერმანული ბრენდი კერხერის პროფესიონალური დასუფთავების აპარატების ასორტიმენტი იყო წარმოდგენილი, რომლის პრეზენტაცია კომპანიის თანამშრომლებმა გერმანიიდან მოწვეულ სპეციალისტებთან ერთად გამართეს #ახალიამბები #BusinessMediaGeorgia
საქართველოს ბანკი ტექნოლოგიური ინოვაციების მიმართულებით ახალი შესაძლებლობების შექმნას განაგრძობს. საქართველოში პირველად, ბანკმა მონაცემთა მიმართულებით ყველაზე მასშტაბური პროექტი - Data Challenge-ების სერია წამოიწყო. ვინ არიან საქართველოს ბანკის Data Challenge-ის პირველი სერიის გამარჯვებულები? #ახალიამბები #BusinessMediaGeorgia
#საქმიანიდილა - 8 ივლისი - პროლოგი #ახალიამბები #BusinessMediaGeorgia
"წყალტუბოს ახალი სიცოცხლე" – კურორტის განახლების გეგმის ბოლო პრეზენტაცია მთავრობამ 2დღის წინ გამართა. პროექტის ფარგლებში ხელისუფლება წყალტუბოში 50 მლნ ლარის ღირებულების 14 პროექტს გასაყიდად გამოიტანს და ინვესტორების მხრიდან 500 მლნ ლარის ინვესტირებას დაელოდება. მსოფლიო დონის ბალნეოლოგიური კურორტად გადაქცევისთვის კი სახელმწიფო თავის მხრივ საჭირო ინფრასტრუქტურული პროექტების განხორციელების პირობას დებს. ეკონომიკის მინისტრი ლევან დავითაშვილი იმედს გამოთქვამს, რომ ინვესტორები აქტიურები იქნებიან და მომდევნო რამდენიმე წლის განმავლობაში ადგილზე 3 200 პირდაპირი სამუშაო ადგილი გაჩნდება როგორც მშენებლობა-რეაბილიტაციის, ასევე სოფლის მეურნეობის მიმართულებით. მთავრობაში პროგნოზირებენ, რომ 10-ჯერ გაიზრდება უძრავი ქონების ფასები და წყალტუბო გახდება მიმზიდველი საინვესტიციო ადგილი არამხოლოდ სასტუმრო ინფრასტრუქტურის, არამედ ყველა იმ დამხმარე ინფრასტრუქტურის მხრივ, რაც ტურიზმის ინდუსტრიას სჭირდება. საბოლოოდ კი ნავარაუდებია რომ კურორტი 6000 საწოლფონდს შექმნის და 300 ათას ვიზიტორს მოემსახურება. მთავარ საკითხად გამოჰყო წყალტუბოს უნიკალური წყლის ლიცენზიის სახელმწიფოს საკუთრებაში დაბრუნება, რომელიც მათი შეფასებით, კურორტის სწორად განვითარებისა და წარმატების მისაღწევად გარდამტეხია. როგორ უნდა იქნას დასახული მიზანი მიღწეული და რა მთავარი გამოწვევები არსებობს წყალტუბოს სწორად განვითარებისთვის? სტუმრები: თეონა ქობულაძე - წყალტუბოს განვითარების ჯგუფის აღმასრულებელი დირექტორი / LAG Tskaltubo; შალვა ალავერდაშვილი - სასტუმროებისა და რესტორნების ფედერაციის პრეზიდენტი; Gulf hotels group-ის წარმოამდგენელი საქართველოში. #ახალიამბები #BusinessMediaGeorgia
რუსთავის მეტალურგიული ქარხნის სორტული საამქროს 130 თანამშრომელი ხელფასების 30%-ით მომატების მოთხოვნით გაფიცულია. პროფკავშირების მიერ გავრცელებულ განცხადებაში ნათქვამია, რომ კომპანიამ 2021 წლის ბოლოს საწარმოში ახალი ღუმელი დაამატა და დასაქმებულებს ხელფასების მატებას დაპირდა, თუმცა ამ დრომდე მათი მხრიდან პირობა არ შესრულებულა. თავის მხრივ განცხადება გაავრცელა რუსთავის მეტალურგიულმა ქარხანაც სადაც აღნიშნულია, რომ ბოლო 3 წლის განმავლობაში ქარხნის თანამშრომლებისთვის ხელფასების ზრდა 5-ჯერ განხორციელდა". მათივე ინფორმაციით გაფიცულებთან მოლაპარაკებები მიმდინარეობს და ქარხანა გამართულად მუშაობს. რას ითხოვენ გაფიცულები და როგორ მიმდინარეობს მოლაპარაკებების პროცესი? სტუმარი: თამაზ დოლაბერიძე - პროფკავშირების გაერთიანების თავმჯდომარის მოადგილე; #ახალიამბები #BusinessMediaGeorgia
თბილისის მერიის საფეხბურთო ცენტრ “იმედში” “რითეილ ასოციაციის თასის” რიგით მეორე გათამაშება დასრულდა. ტურნირში საქართველოს უმსხვილესი სავაჭრო ქსელების თანამშრომელთაგან დაკომპლექტებულმა გუნდებმა მიიღეს მონაწილეობა გამარჯვება კი წელსაც კომპანია ნიკორამ მოიპოვა. ტურნირის ჩატარების მიზანი ჯანსაღი ცხოვრების წესის პოპულარიზაცია და სპორტის მდგრად ტრენდად ჩამოყალიბების პროცესში კორპორატიული აქტიურობა იყო. სტუმრები: მირანდა მანჯაგალაძე - რითეილ ასოციაციის გამგეობის თავმჯდომარე; თემურ ალექსანდრია - "ნიკორა ტრეიდის" აღმასრულებელი დირექტორი; ხათუნა ჩხარტიშვილი - "გუდვილის" HR სამსახურისა და სასწავლო ცენტრის ხელმძღვანელი; #ახალიამბები #BusinessMediaGeorgia
აგრონომის პროფესია პოპულარობით არ სარგებლობს. სფეროს პროფესიონალები, ძირითადად, უკვე ხანდაზმულ ასაკს მიღწეულები არიან და ბევრი პროფესიისგან განსხვავებით, აგრონომიაში შედეგის ძალიან სწრაფად დანახვაა შესაძლებელი. აგრონომი ფერმერს ურჩევს და ასწავლის თანამედროვე სასოფლო-სამეურნეო პრაქტიკებს, შედეგად კი ფერმერი უფრო მეტ და უფრო ხარისხიან მოსავალს ირებს და აგრონომის მთავარი მისიაც სწორედ ეს არის. მათ მნიშვნელოვანი ცვლილების მოხდენა შეუძლიათ. ზურაბ ლოლაძე - ღვინის კომპანია "თბილღვინოს" აგრონომი, წარმოების მიმართულების ხელმძღვანელი; ზურაბ მარგველაშვილი - ღვინის კომპანია "თბილღვინოს" დამფუძნებელი; #ახალიამბები #BusinessMediaGeorgia
საქართველოს ბიზნეს ასოციაციის წევრებ „ალიანს ჯგუფი“ შეურთდა, რომელიც 2005 წლიდან აქტიურად არის წარმოდგენილი სამშენებლო სექტორში და კომპანიის მიზანია შექმნას არქიტექტურული ნიშა და ახალი საინვესტიციო პერსპექტივები უძრავი ქონების ბაზარზე. „ალინსს“ უკავშირდება 2005 წელს, ბათუმში, პირველი თანამედროვე კორპუსის მშენებლობა,. 2010 წელს კი შეიმუშავეს სასტუმრო აპარტამენტების მართვისა და გაქირავების პირველი სისტემა, რომელიც საგრძნობლად დაეხმარა სექტორს განვითარებაში. ალიანს ცენტროპოლისი, ალიანს პალასი და ალიანს ფრივილიჯი - ეს ის პროექტებია, რომლებიც უნიკალური უსაფრთხოების ტექნოლოგიებით, ეკოლოგიურად სუფთა სამშენებლო მასალებითა და გლობალურ ბრენდებთან პარტნიორობით სამშენებლო სექტორში ახალ სტანდარტებს ამკვიდრებენ. სტუმრები: ლევან ვეფხვაძე - "საქართველოს ბიზნეს ასოციაციის" აღმასრულებელი დირექტორი; თემურ ბიწაძე - "ალიანს ჯგუფი"-ს ბიზნესის განვითარების დეპარტამენტის ხელმძღვანელი; #ახალიამბები #BusinessMediaGeorgia
#საქმიანები: “დედაენა" და "ვეფხისტყაოსანი" გაჯეტებში - სანდრო მძინარაშვილის აპლიკაციები სანდრო მძინარაშვილი - პროგრამისტი; #ახალიამბები #BusinessMediaGeorgia
ვისთვის შეიქმნა “დიჯითალ ბასი”? სტუმრები: დიანა ველენგურსკაია - "დიჯითალ ბასის" დირექტორი; აჩო სვანიძე - "დიჯითალ ბასის" დამფუძნებელი #ახალიამბები #BusinessMediaGeorgia
„გალტ & თაგარტი“, კაპიტალის ბაზრის განვითარების მიზნით პროექტების მხარდაჭერას განაგრძობს. 6 ივლისს, „კაპიტალის ბაზრის მხარდაჭერის პროგრამის“ ფარგლებში, მასტერკლასი თემაზე - პირველადი საჯარო შეთავაზება ჩატარდა. პროგრამა ევროპის რეკონსტრუქციისა და განვითარების ბანკის კაპიტალისა და ფინანსური ბაზრების განვითარების გუნდის მიერ, ევროკავშირის ფინანსური მხარდაჭერით ხორციელდება. პროექტის საკონსულტაციო სამუშაოებს „გალტ & თაგარტი“ „BDO Georgia“-სთან ერთად ასრულებს. ღონისძიებას EBRD-ის კაპიტალის ბაზრის ინფრასტრუქტურის დირექტორი, ატილა ტოსი გაუძღვა. „გალტ & თაგარტისა“ და „BDO Georgia“-ს ხელმძღვანელობით, კაპიტალის ბაზრის მხარდაჭერის პროგრამის პირველ ეტაპზე ქართული კაპიტალის ბაზრების პოტენციალის და იმ ბარიერების კვლევა განხორციელდა, რომლებიც კომპანიებისთვის აღნიშნულ ბაზრებზე წვდომას აფერხებს. პროგრამის მომდევნო ფაზა კი, თანადაფინანსების სქემაში მონაწილეობის მსურველთა აპლიკაციების მიღებას და საგანმანათლებლო სქემის განხორციელებას დაეთმო. გამორჩეილად მნიშვნელოვანია, რომ პროგრამაზე დარეგისტრირებული კომპანიების მიერ ჯამურად დაგეგმილი ემისიის მოცულობა 800-900 მილიონ ლარს შეადგენს. სტუმრები: ოთარ შარიქაძე - Galt&Taggart;-ის მმართველი დირექტორი; ზურაბ ლალაზაშვილი - BDO-ს მმართველი პარტნიორი. #ახალიამბები #BusinessMediaGeorgia
ოთხთვიანი უნალექობის ფონზე ჩრდილოეთ იტალია უმძიმეს პირობებში, გვალვას ებრძვის, რომლის მსგავსი, 1952 წლის შემდეგ არ დაფიქსირებულა. მდინარეები დამშრალია, მტებში თოვლი არაა, ყოველ დღე ხანძრის შემტხვევები ფიქსირდება და ამკრძალავი ზომების დაწესებაც უკვე დაიწყეს, იმისათვის, რომ წყლის გამოყენება მხოლოდ აუციელებლობის შემთხვევაში მოხდეს. ამიტომაც არ შეიძლება მანქანების რეცხვა, ბაღების მორწყვა და გარე ეზოს გაწმენდა. ასევე საცურაო აუზების შევსება, დეკორატიული საზოგადოებრივი შადრევნების მუშაობა და კიდევ მრავალი სხვა. მოქმედებს თუ არა შეზღუდვები ტურისტებზე და როგორ ებრძვის იტალია რეკორდულ ტემპერატურას. #ახალიამბები #BusinessMediaGeorgia
ევროპაში სასტუმროები პერსონალს გამოცდილების, CV-ისა და ყოველგვარი გასაუბრების გარეშე ასაქმებენ, ამის მიზეზი პანდემიის ფონზე შექმნილი კადრების დეფიციტია, რის გამოც სასტუმროები ახლა ვერ აკმაყოფილებენ მოთხოვნას, რომელიც საზღვრების გახსნისა დს შეზღუდვების შემსუბუქების შემდეგ მნიშვნელოვნად არის გაზრდილი. პრობლემის მოსაგვარებლად კი, ტურიზმის სექტორის წარმომადგენლებმა ევროპაში გამოსავალი იპოვეს და ნაკლებად კვალიფიციურ, ან თუნდაც გამოცდილების არ მქონე სამუშაო ძალასაც ასაქმებს. პარალელურად, პერსონალის მოსაზიდად, სასტუმროებმა უკვე დაიწყეს ხელფასების მატება, ასევე კადრებს უფასო განთავსებას, ბონუსებსა და ჯანმრთელობის დაზღვევას სთავაზობენ. როგორ უმკლავდება ევროპა გაზრდილი მიგზაუტობის ფონზე კადრების დეფიციტს და რამდენად არის დაინტერესება, ადამიანების მხრიდან, რომ დასაქმდნენ სტუმართმასპინძობის სექტორში? #ახალიამბები #BusinessMediaGeorgia
“ნამაი ვაკეს” კომპლექსი საქართველოში ერთ-ერთ ყველაზე ენერგოეფექტურ შენობად მიიჩნევა. კომპლექსი ლიეტუვური კაპიტალის დაფუძნებულმა “ბალტიკ ინვესტმენტ გრუპმა” ააშენა. სამშენებლო პროცესების სწორად წარმართვისთვის, “ბალტიკ ინვესტმენტ გრუპმა” უახლესი ტექნოლოგიების შესახებ ინფორმაცია დასავლეთ ევროპიდან მოიზიდა. როლანდას ზახარევიჩუსი - “ბალტიკ ინვესტმენტ გრუპის” დამფუძნებელი; #ახალიამბები #BusinessMediaGeorgia
ქართული ნუში ევროპაში გაიყიდება. სწორედ ამ ქვეყნებს განიხილავენ მთავარ ბაზრად ნუშის მწარმოებლები და ექსპორტიორები. მიუხედავად იმისა, რომ საქართველოში მოყვანილი ნუში საერთაშორისო ბაზარზე ჯერ არ გასულა, მისი საექსპორტო პოტენციალი წელს უკვე არსებობს. ნუშისა და კაკლის ასოციაციის დამფუძნებელი აღნიშნავს, რომ ყველაზე მაღალ მსყიდველუნარიანი ქვეყნები გერმანია, საფრანგეთი, იტალია და ბრიტანეთია. აქვე გეტყვით იმას, რომ 2022 წლის 5 თვეში ქვეყნიდან 119.43 ტონა ნუში გავიდა, საიდანაც ყველაზე დიდი რაოდენობა 79.49 ტონა სომხეთზე მოდის. #ახალიამბები #BusinessMediaGeorgia
კომპანია გემოვანმა თბილისის ზღვაზე პურის ქარხანა აამუშავა. კომპანია, რომელიც 10 სახეობის პურს აწარმოებს, პროდუქციას ქართული ხორბლით ქმნის. კომპანიის დირექტორი, ოთარ ნაჭყებია ამბობს, რომ პირველ წელს, მხოლოდ 10 ტონა ხორბალი შეისყიდეს, წელს კი, ფერმერებისგან 500 ტონა ხორბლის შესყიდვას გეგმავენ. მისი თქმით, ,,გემოვანი“ 2015 წლიდან აწაროებს პურს ქართული ხორბლით და ქართული ტექნოლოგიის საფუარით. ასევე, ოთარ ნაჭყებია აღნიშნავს, რომ ბოლო წლებში საქართველოში 200-250 ათასი ტონა ხორბალი მოდის და ტენდენცია მზარდია, მთლიანად ქვეყნის დაახლოებით მოხმარება კი 800 ათას ტონას შეადგენს. სტუმარი: ირაკლი ჩავლეშვილი - “მზეთამზე”-ს დამფუძნებელი. #ახალიამბები #BusinessMediaGeorgia
საქსტატმა 2022 წლის ივნისის თვის ინფლაციის ანგარიში გამოაქვეყნა. დოკუმენტის მიხედვით, გასული თვის განმავლობაში ქვეყანაში წლიური ინფლაციის დონე 12.8% იყო. მათ შორის ჯგუფების მიხედვით, ფასების ყველაზე მკვეთრი ზრდა სურსათზე დაფიქსირდა, რომლის ღირებულებაც წინა წელთან შედარებით 21.8%-ით არის გაძვირებული. 19.4%-ით მეორე ადგილზეა ტრანსპორტის ჯგუფი, რაც საწვავის ფასების ზრდას უკავშირდება. პროდუქტებზე ფასების მკვეთრი ზრდა, ნაწილობრივ საწვავის გაძვირებას უკავშირდება. ბოლო დღეებში ბრენდულ ავტოგასამართ სადგურებზე ფასებმა ისევ მოიმატა. განსაკუთრებით გაძვირებულია დიზელი. მათ შორის, ეკო დიზელზე ფასმა 19 თეთრით მოიმატა და ახლა 4.76 ლარი ღირს, ევრო დიზელზე - 18 თეთრი მატების შემდეგ ფასი 4.72 ლარია. რატი კოჭლამაზაშვილი, ფერმერთა ასოციაციის თავმჯდომარის მოადგილე საქმიან დილას ეუბნება, რომ აგროპროდუქტებზე 21%-იანი გაძირების მიუხედავად, ფასების კვლავ მომატებას ელოდება, რადგან დიზელზე ფასების მკვეთრი ცვალებადობა საერთაშორისო ბაზარზეც ნარჩუნდება. დიზელის საწვავის ზრდას რომ თავისი ეფექტი ექნება ფერმერებზე, რომლებიც მოსავლის აღებას ელოდებიან, ამას ადასტურებს კერძო სექტორიც. BMG-სთან ფერმერები ამბობენ, რომ საწვავის ხარჯს მთლიან ხარჯებში 30-40%-მდე წილი აქვს. მათი განმარტებით, დიზელის ფასთან ერთად გაზრდილია სასუქებისა და პესტიციდების ღირებულებაც, რაც დამატებით წნეხია ბიზნესისთვის, შესაბამისად, როდუქტებზე ფასების ზრდა გარდაუვალია. სტუმარი: ნიკოლოზ ბენიაიძე - “შირაქის” დამფუძნებელი; #ახალიამბები #BusinessMediaGeorgia
სადაზღვევო სექტორი ავტომფლობელთა სავალდებულო დაზღვევის მოლოდინშია. ევროპული საბჭოს გადაწყვეტილების შემდეგ, დღის წესრიგში, რომ დადგა იმ 12 პუნქტის შესრულება, რომელიც ევროკომისიის რეკომენდაციებშია მოცემული, ფაქტია და ამ თემაზე პოლიტიკოსების განხილვები გრძელდება. მაგრამ ევროკავშირის მიერ დადგენილი პუნქტების პარალელურად, არაერთი საკითხია რომლის მოგვარებაზეც ქვეყანამ სტატუსის მიღების გზაზე უნდა იზრუნოს, სწორედ ერთ-ერთი მათგანი სავალდებულო დაზღვევაა, რაც ასევე წლებია ასოცირების ხელშეკრულებით გათვალისწინებული მოთხოვნაა. სადაზღვევო სექტორი ავტომფლობელთა მესამე პირის პასუხისმგებლობის დაზღვევის შემოღების შესახებ პარლამენტში ინიცირებული კანონპროექტის დამტკიცებას სამ წელზე მეტია ელოდება. კანონპროექტი პარლამენტში 2018 წლის 31 დეკემბერს დარეგისტრირდა, თუმცა დოკუმენტის განხილვები ჯერ კიდევ არ დაწყებულა. მოლოდინია, რომ პროცესი წელს დაიძვრება. ამ დროისთვის საქართველოს მოსახლეობის მხოლოდ 18 % სარგებლობს კერძო სამედიცინო დაზღვევით, ასევე საქართველოში რეგისტრირებული ავტომობილების მხოლოდ 7 %-ია დაზღვეული. 2022 წლის 3 თვეში, ავტოდაზღვევის კუთხით, 105,454 პოლისი იყო გაყიდული. სტუმარი: დევი ხეჩინაშვილი - სადაზღვევო ასოციაციის პრეზიდენტი; #ახალიამბები #BusinessMediaGeorgia