სექტემბერია, რაც იმას ნიშნავს რომ წინა სასკოლო სამზადისიც დაწყებულია. მაღაზიები ამ პერიოდში განსაკუთრებით გადატვირთულია და გაზრდილი მოთხოვნა სხვადასხვა პროდუქციაზე. ასეთ დროს მნიშვნელოვანია შეთავაზებები, ფასდაკლებები, აქციები - რომელსაც მომხმარებელს სხვადასხვა ობიექტი სთავაზობს. ამ პროცესში აქტიურად ერთვება "ჯიპისი". კომპანიის თითოეულ ფილიალში Back to school აქციის ფარგლებში შეთავაზებებია #ახალიამბები #BusinessMediaGeorgia
"ვილა ჩვენ მეღვინეობა" - ასე ჰქვია ახალ ქართულ მეღვინეობას, რომელიც ბაზარზე სულ ახლახან გამოჩნდა თუმცა შედეგები და გეგმები საკმაოდ ამბიციური აქვს. რაჭული მეღვინეობის პირველი პრეზენტაცია გუშინ, ღვინის მაღაზია "რვა ათას მოსავალში" შედგა. მცირე წარმოება უკვე საერთაშორისო ბაზრებზეც პოზიციონირებს და ისეთ ქვეყნებში იყიდება როგორიც მაგალითად აშშ-ია. რაც შეეხება დასახელებებს, "ვილა ჩვენ მეღვინეობა" ძირითადად რაჭულ ჯიშებზე აკეთებს აქცენტს, ასორტიმენტში შეხვდებით ალექსანდროულს, მუჯურეთულს და უამრავ სხვა არაჩვეულებრივ გემოებს და ღვინის არომატებს. ია მეურმიშვილი - Villa Chven Winery-ის დირექტორი; #ახალიამბები #BusinessMediaGeorgia
✔️ ცვლილებები აფხაზეთის მთავრობაში; ✔️ რა ვითარებაა ოკუპირებულ აფხაზეთში? ✔️ მოსკოვში აფხაზეთისა და ცხინვალის რუსეთთან მიერთებაზე საუბარი დაიწყეს; #ახალიამბები #BusinessMediaGeorgia
გამოცდებზე აბიტურიენტების 20% ჩაიჭრა
3 წლის წინ გაკეთებული ანონსის შემდეგ თბილისის მერია ვერის პარკის რეაბილიტაციას იწყებს. პროექტი, რომლის ბიუჯეტი 24 მლნ ლარია 2025 წლის ბოლომდე უნდა დასრულდეს. რას ხარჯავს თბილისის მერია დედაქალაქში რეკრეაციული სივრცეების მოწყობაში და რა ეტაპზეა თბილისში საქალაქო პარკების მოწყობის სამუშაოები, რომელთა ვადები ხშირად ირღვევა ხოლმე? სტუმარი: პაატა ტოგონიძე - თბილისის მერიის გარემოს დაცვის საქალაქო სამსახურის უფროსი; #ახალიამბები #BusinessMediaGeorgia
სასწავლო წლის მოახლოებასთან ერთად საინტერესოა რა სიახლეებით და ფასებით ხვდებიან კერძო სკოლები თავიანთ მომხმარებლებს. ინფორმაცია განახლებულ ტარიფებზე, რომელიც გუშინ #bmg-იმ სხვადასხვა კერძო სკოლის წარმომადგენლისგან მიიღო. გივი ზალდასტანიშვილის სახელობის ამერიკული აკადემიით, სადაც სწავლის საფასური 2023-2024 სასწავლო წლისთვის ასე გამოიყურება: პირველიდან მერვე კლასის ჩათვლით წლიური ფასი 16 000 ლარია, IX-XII კლასებში კი 28 000-მდე იზრდება. ბაქსვუდის სკოლაში სწავლა 11 900 ლარი ღირს და ყოველ 3 წელში 15% -ით იმატებს. მწვანე სკოლაში სწავლის ღირებულება 1-7 კლასამდე 7 900 ლ. ზედა კლასებში კი 6 900, თუმცა შევსებულ ჯგუფებში ბავშვის დამატების რესურსი ძალიან მცირეა. ნიუტონის თავისუფალი სკოლაში ორი პროგრამა მოქმედებს - სტანდარტული, ადგილობრივი განათლების სისტემასთან შესაბამისი, სადაც წლიური ღირებულება 9 ათასი ლარია და ასევე არსებობს აიბი პროგრამა, პირველი 6 კლასში ფასი 4 500 ევროა, 6-8 კლასში 5 ათასი, 8-10 კლასები 5.5 და დამამთავრებელი კლასებში ფასი 6 ათას ევრომდე იზრდება. UG School-ში წლიური გადასახადი 13 000 ლარია. გასული სასწავლო წლის ბოლოს, როდესაც საჯარო სკოლის პედაგოგებისთვის ხელფასების მატება დაანონსდა, კერძო სკოლების წარმომადგენლები აცხადებდნენ, რომ მასწავლებლებისთვის ხელფასის გაზრდა მათაც მოუწევდათ რაც ბაზარზე ფასების ზრდას გამოიწვევდა. რამდენით გაიზარდა ღირებულება და რა სიახლეებით ხვდება სექტორი ახალ სასწავლო წელს? სტუმარი: ავთანდილ აბდუშელიშვილი - კერძო სკოლა "შავნაბადას" დამფუძნებელი #ახალიამბები #BusinessMediaGeorgia
ბოლო სამ წელში საჯარო სექტორში დასაქმებულთა რიცხვი დამატებით კიდევ 20 ათასით გაიზარდა და როგორც საქსტატის ოფიციალური მონაცემები ამბობს, 2023 წელს მათი რაოდენობა უკვე 320 ათასს გადასცდა. ბიუროკრატიული აპარატის ზრდის ტენდენცია კი აჩენს საფუძვლიან ვარაუდს, რომ ხელისუფლება სწორედ ამ გზით ცდილობს სახელმწიფო დაფინანსებას უფრო მეტი ადამიანი „მიაბას“ და შესაბამისად მათზე გარკვეული პოლიტიკური გავლენაც მოახდინოს, მითუფრო მაშინ, როცა წინ არჩევნებია. ინფორმაციის თავისუფლების განვითარების ინსტიტუტის (IDFI) მონაცემებით, საჯარო სექტორში, შტატგარეშე თანამშრომელთა ანაზღაურების ხარჯები ყოველწლიურად საშუალოდ 20%-ით იზრდება. მაგალითად, თუ 2021 წელს მათ ხელფასებში თითქმის 360 მილიონი ლარი დაიხარჯა; 2023 წელს შტატგარეშე თანამშრომელთათვის გადახდილი ანაზღაურების ხარჯმა 500 მილიონს გადააჭარბა, მიმდინარე წლის პირველ 6 თვეში კი გადახდილი თანხა უკვე გადასცდა 260 მლნ-ს რაც იმას ნიშნავს, რომ წლის ბოლოსთვის ის ან გაუთანაბრდება, ან გადაუსწრებს გასული წლის მონაცემებს. IDFI-ის ინფორმაციითვე, 2023 წელს, სახელმწიფო ა(ა)იპ-ებსა და სსიპ-ებში დასაქმებულთა რაოდენობამ ბოლო ათი წლის რეკორდი მოხსნა - დასაქმებულთა რაოდენობა აქ უკვე 176 ათასს გადასცდა. სახელმწიფო ა(ა)იპ-ებში დაასაქმა ხელისუფლებამ სოციალურად დაუცველი მოქალაქეებიც, რომლის გაცხადებული მიზანიც მათთვის სამუშაო ადგილების გამონახვა იყო. დასაქმებულთა თვიური ხელფასი 300 ლარია, დასაქმებიდან ოთხი წლის განმავლობაში კი ისინი სოციალურ შემწეობასაც ინარჩუნებენ. რას ხმარდება გადასახადის გადამხდელების ფული და რისთვის იყენებს ხელისუფლება საჯარო სექტორში დასაქმებულებს? სტუმარი: გოგა თუშურაშვილი - IDFI-ის კვლევითი მიმართულების ხელმძღვანელი; #ახალიამბები #BusinessMediaGeorgia
ქისთოუნ ინვესთმენთსი ერთ-ერთი წამყვანი მრავალპროფილური საინვესტიციო ჰოლდინგი საქართველოს ბიზნეს ასოციაციის წევრი გახდა. კომპანია 2016 წლიდან ინვესტიციებს საქართველოს ეკონომიკის სწრაფად მზარდ სექტორებსა და ისეთ კომპანიებში ახორციელებს, რომლებსაც საინტერესო ბიზნეს მოდელი აქვთ, ჰყავთ ძლიერი მენეჯმენტი და ამავდროულად საჭიროებენ დამატებით კაპიტალს, ზრდის შემდეგი ეტაპისთვის. სტუმრები: ლევან ვეფხვაძე - საქართველოს ბიზნეს ასოციაციის აღმასრულებელი დირექტორი; ბაჩანა შენგელია - Keystone Investments-ის აღმასრულებელი დირექტორი #ახალიამბები #BusinessMediaGeorgia
ქიმწმენდის ობიექტებისთვის დაწესებული შეზღუდვები აღარ ამოქმედდება. შემსუბუქებული რეგულაციის მიხედვით, გარკვეული პირობების დაკმაყოფილების შემთხვევაში, კანონი აღარ კრძალავს საცხოვრებელ კორპუსებში, ასევე სამედიცინო, საგანმანათლებლო და სააღმზრდელო დაწესებულების შენობებში ქიმწმენდის ობიექტის განთავსებას. 2024 წლის 1-ელ მარტს, საკანონმდებლო მაცნეზე გამოქვეყნებული დადგენილების თანახმად, დაუშვებელი ხდებოდა ქიმწმენდის საწარმოების განთავსება საცხოვრებელი, სამედიცინო, საგანმანათლებლო და სააღმზრდელო დაწესებულების შენობებში. ასევე, იზღუდებოდა აღნიშნული შენობების სიახლოვეს განთავსებაც. საქართველოს მთავრობის 286-ე დადგენილებით კი, რომელიც საკანონმდებლო მაცნეზე, 2 სექტემბერს გამოქვეყნდა, ქიმწმენდის საწარმოს ფუნქციონირების გაგრძელების უფლება აქვთ, თუკი ისინი გარკვეულ სტანდარტებს დააკმაყოფილებენ. სტუმარი: გიორგი მუმლაძე - საქართველოს ტექნიკური უნივერსიტეტის თანამშრომელი; #ახალიამბები #BusinessMediaGeorgia
საქართველოში პირველი ინდუსტრიული მზის ელექტროსადგური შენდება, პროექტს Green Energy ახორციელებს, რომლის პროექტში განსახორციელებელი ინვესტიცია დღგ-ს გარეშე, 850 ათას დოლარს შეადგენს. პროექტის ექსპლუატაციაში შესვლა მიმდინარე წლის ოქტომბრის ბოლოს იგეგმება. სტუმარი: დავით შვანგირაძე - Green Energy-ის დამფუძნებელი; #ახალიამბები #BusinessMediaGeorgia
ტექნოლოგიურ კონფერენცია - ტესტერების დღე 2024, რომელიც თიბისის მხარდაჭერით 8-9 სექტემბერს, თბილისში გაიმართება. კონფერენციას შერატონ გრანდ თბილისი მეტეხი პალასი უმასპინძლებს, სადაც საქართველოსა და ევროპის წამყვანი კომპანიები და საერთაშორისო სპიკერები მიიღებენ მონაწილეობას. წელს ტესტერთა დღე 5 წლის ხდება და შესაბამისად განსაკუთრებით გამორჩეულია. სტუმრები: ალეკო ისკონიანი - "თიბისის" ხარისხის უზრუნველყოფის და ტესტირების ავტომატიზაციის ლეგიონის ლიდი; ნათია სირბილაძე - GeoSTQB -ის პრეზიდენტი და თანადამფუძნებელი, Exactpro -ს თბილისის ოფისის აღმასრულებელი დირექტორი, ICT ასოციაციის ბორდის წევრი; #ახალიამბები #BusinessMediaGeorgia
ევროპის რომელ ქვეყანაშია ყველაზე ძვირი სასკოლო ნივთები? #ახალიამბები #BusinessMediaGeorgia
წინასასკოლო სამზადისი - როგორია აქტივობა და სასკოლო ნივთების ფასი? თიკო ნათმელაძე - #BMG-ის რეპორტიორი; #ახალიამბები #BusinessMediaGeorgia
#საქმიანიდილა - 5 სექტემბერი - პროლოგი #ახალიამბები #BusinessMediaGeorgia
ჭიათურის მუნიციპალიტეტის სოფელ შუქრუთში, კოროხნალის მაღაროსთან, ადგილობრივები 176 დღეა უწყვეტ პროტესტს აგრძელებენ და ღამეს კარვებში ათენებენ. რამდენიმე მოქალაქემ პროტესტის უკიდურეს ფორმას მიმართა - პირი ამოიკერა და შიმშილობა დაიწყო. მოსახლეობა დანგრეული სახლებისა და განადგურებული გარემოსთვის სამართლიან კომპენსაციას მოითხოვს. ამის საპასუხოდ, მაღაროების მმართველ "ჭიათურა მენეჯმენტ კომპანიაში" ამბობენ, რომ აქციის მონაწილეები, რომლებიც კომპენსაციას ითხოვენ, შესაბამისი თანხები უკვე აღებული აქვთ. შესაბამისად, მათთვის დღემდე გაუგებარია, თუ რატომ მიმართა მოსახლეობამ ასეთ კატეგორიულ ხერხს. რა დოკუმენტებით ამყარებს კომპანია ამ პასუხს და როგორია პროტესტანტების პასუხის პასუხი? #ახალიამბები #BusinessMediaGeorgia
სპარ საქართველო 10 წლის გახდა. საიუბილეო თარიღთან დაკავშირებით კომპანიამ თანამშრომლებისთვის ღონისძიება გამართა, სადაც მათ განწყობაზე განსაკუთრებულად იზრუნა. სპარ საქართველო 2014 წლიდან დღემდე, რითეილ სექტორში ერტ-ერთ მსხვილ კომპანიად, პარალელურად კი დამსაქმებლად იქცა. დაბადების დღის აღნიშვნასთან ერთად, ღონისძიებაზე ჰოლდინგმა ფუდმარტმა მაღაზიათა ქსელ დეილისთან შეთანხმებას მოაწერა ხელი. საქართველოს ბაზარზე სპარი შპს ფუდმარტის ჰოლდინგის ქვეშ ოპერირებს. თავის მხრივ ჰოლდინგი კი ქსელში არსებული მაღაზიების: სპარის, იოლის კალათასა და ახლა უკვე შპს დეილის საოპერაციო მართვას უზრუნველყოფს. ამ ტრანზაქციით, ჰოლდინგის ქვეშ 1200-მდე მაღაზია არის გაერთიანებული, ჯამური შემოსავალი 750 მლნ ლარზე მეტს შეადგენს, გადახდილი გადასახადებისა და ბიუჯეტში შეტანილი კონტრიბუციის მოცულობა კი 39 მლნ ლარს უტოლდება. კომპანიას ამჟამად 8500-ზე მეტ თანამშრომელს აერთიანებს. #ახალიამბები #BusinessMediaGeorgia
ბოტსვანაში მსოფლიოში სიდიდით მეორე ალმასი იპოვეს #ახალიამბები #BusinessMediaGeorgia
ყურძენი, ვაშლი, თხილი, მანდარინი - სოფლის მეურნეობის სექტორში ეს ის კულტურებია, რომელსაც სახელმწიფო ასუბსიდირებს. მაგალითად გასულ წელს სახელმწიფო ბიუჯეტს 100 მილიონ ლარამდე დაუჯდა ყურძნის დასუბსიდირება, 2,2 მილიონი ლარი დაიხარჯა არასტანდარტული ვაშლის რეალიზაციის ხელშეწყობის პროგრამის ფარგლებში. ფერმერთა დიდი ნაწილი ამბობს, რომ გრძელვადიან პერსპექტივაში სახელმწიფოს მხრიდან პირდაპირი სუბსიდია, ამ სექტორების განვითარებას არათუ ხელს უწყობს, პირიქით ხელს უშლის. რა არის მთავრობის სუბსიდირების პოლიტიკის დადებითი და უარყოფითი მხარეები, აქვს თუ არა სუბსიდიას მეტად სოციალური დატვირთვა და რეალურად რაში, რა ტიპის მხარდაჭერა სჭირდებათ ფერმერებს სახელმწიფოს მხრიდან? სტუმარი: რატი კოჭლამაზაშვილი - საქართველოს ფერმერთა ასოციაციის თავმჯდომარის მოადგილე; #ახალიამბები #BusinessMediaGeorgia
სავაჭრო ცენტრებში ბრუნვის მაჩვენებლები იზრდება. როგორც მოლებისა და რიტეილერების ნაწილი აცხადებს, ზრდა ზაფხულის განმავლობაში უმეტესად ადგილობრივი მომხმარებლების ხარჯზე ფიქსირდებოდა. რამდენად ხელშესახებია ეს ზრდა და რა მაჩვენებლებით დახურეს სავაჭრო ცენტრებმა ზაფხულის სეზონი? სტუმარი: ნიკოლოზ ცინცაძე - Galleria Tbilisi-ს გენერალური დირექტორი #ახალიამბები #BusinessMediaGeorgia
4 თვეზე ნაკლები დრო რჩება იმისთვის, რომ კლინიკებმა ჯანდაცვის სამინისტროს დადგენილი რეგულაცია დააკმაყოფილონ და სახელმწიფო პროგრამაში მონაწილეობის გაგრძელების უფლება მიიღონ. საუბარია საერთაშორისო აკრედიტაციის პროცესზე, რომელიც რამდენიმე ათეულ კლინიკაში მიმდინარეობს. კლინიკების ნაწილმა შეფასების ეტაპი უკვე გაიარა და შესაბამისი სერტიფიკატიც მიიღო. BMG-ის ინფორმაციით, პროცესი ისეთივე წარმატებით ვერ მიდის სახელმწიფო კლინიკებში, როგორც ეს კერძო სამედიცინო დაწესებულებების შემთხვევაშია, ამიტომ აქტიურად დაიწყო საუბრები საერთაშორისო აკრედიტაციის ვადის შესაძლო გადადების შესახებ. რა პროცესს გადიან კლინიკები და რამდენად მოსწადებია აკრედიტაციის მიღება წლის ბოლომდე? სტუმარი: მარინა დარახველიძე - ჯანდაცვის ასოციაციის წევრი, საქართველოს უნივერსიტეტის ჯანდაცვის სკოლის დეკანი; #ახალიამბები #BusinessMediaGeorgia
ქვეყანაში პერსონალურ მონაცემთა დაცვის ახალი კანონი 1 მარტიდან მოქმედებს. ერთ-ერთი მთავარი სიახლე, რაც ახალმა კანონმა შემოგვთავაზა SMS მარკეტინგის შეზღუდვაა. 1 მარტიდან შეტყობინებების გასაგზავნად კომპანიებს მომხმარებელთა წინასწარი თანხმობა სჭირდებათ. რეგულაცია შეეხო მათ შორის იმ საშუამავლო კომპანიებსაც, რომლებიც დამკვეთის მოთხოვნით ამუშავებდნენ მოქალაქეთა პირად მონაცემებს და SMS მარკეტინგში იყვნენ ჩართულნი. „პერსონალურ მონაცემთა დაცვის შესახებ“ ახალმა კანონმა 1 ივნისიდან შემოიტანა პერსონალურ მონაცემთა დაცვის ოფიცრის პოზიციაც, რომლის მთავარი ფუნქციაა ორგანიზაციას პერსონალურ მონაცემთა დაცვის კანონმდებლობასთან შესაბამისობის უზრუნველყოფაში დაეხმაროს. მისი დანიშვნის ვალდებულება გაუჩნდათ, სადაზღვევო ორგანიზაციებს, ბანკებს, სამედიცინო დაწესებულებებს, საჯარო დაწესებულებებს და ყველა იმ პირს, რომელიც საქართველოს მოსახლეობის არანაკლებ 3 %-ის პერსონალურ მონაცემებს ამუშავებს. კანონით დადგენილი წესების დარღვევისთვის მნიშვნელოვნად გამკაცრდა პასუხისმგებლობაც. როგორ მიდის კანონის აღსრულება, ვინ არ ასრულებს დადგენილ ნორმებს და რამდენად ხშირად იყენებს პერსონალურ მონაცემთა დაცვის ინსპექტორის სამსახური სანქციებს? სტუმარი: ნიკოლოზ პოპიაშვილი - პერსონალურ მონაცემთა დაცვის სამსახურის უფროსის აპარატის ხელმძღვანელი; #ახალიამბები #BusinessMediaGeorgia
სტატისტიკის მიხედვით, საქართველოში ბოლო 12 თვის განმავლობაში ინტერნეტით პროდუქცია და მომსახურება მოსახლეობის თითქმის მესამედმა იყიდა. საქსტატის გამოკვლევის თანახმად, 15 წლის და უფროსი ასაკის, ბოლო 12 თვეში ინტერნეტის მომხმარებელი მოსახლეობის 31.3%-მა ინტერნეტის მეშვეობით შეიძინა ან შეუკვეთა საქონელი ან მომსახურება. ამასთანავე, ინტერნეტის მომხმარებელი ქალები უფრო ხშირად ახორციელებენ ონლაინ შენაძენს, ვიდრე კაცები. სქესის მიხედვით მაჩვენებლის მნიშვნელობები ქალებისათვის 32.4 პროცენტს, კაცებისათვის კი 29.9 პროცენტს შეადგენს. სტუმარი: თამარ გოგოლაშვილი - "ელექტრონული კომერციის ასოციაციის" თანადამფუძნებელი; #ახალიამბები #BusinessMediaGeorgia
ბუნდოვანება ამ კანონის სტრატეგიაა, - ასე უპასუხა იურისტმა გიორგი ბურჯანაძემ კითხვას, რა ნაწილში ეხება"რუსული კანონი" ბანკებს. როგორ იკითხება კანონი? სტუმარი: ლევან ნატროშვილი - ISFED-ის აღმასრულებელი დირექტორის მოადგილე; #ახალიამბები #BusinessMediaGeorgia
ქართულ ოცნებაში აღიარებენ, რომ რუსული კანონი ბანკებსაც ეხება. როგორც არჩილ თალაკვაძე აღნიშნავს, კანონი სექტორს ინფორმაციის გაცემას აპრიორი არ ავალდებულებს, თუმცა თუ ამას იუსტიციის სამინისტრო მოითხოვს, ბანკს მისი გაცემა მოუწევს. რა სახის ინფორმაციის გაცემას ავალდებულებს რუსული კანონი ბანკებს და სად არის წითელი ხაზი, მმართველ გუნდში არ აკონკრეტებენ. ორი დღეა დუმს ეროვნული ბანკიც. #ახალიამბები #BusinessMediaGeorgia
თიბისი სტარტაპერის მიერ მხარდაჭერილი იდეა - itrade.ge ბიზნესებს ერთ სივრცეში აერთიანებს. საკმარისია ხედავდე იდეას - ეს გზავნილი თიბისიმ იმ ადამიანებს გაუგზავნა, ვისაც აქვთ ინოვაციური იდეები ახალი ბიზნესის შესაქმნელად და ფინანსურ მხარდაჭერას საჭიროებენ. პლატფორმა iTrade.ge -ს დამფუძნებელი გუჯა პარუნაშვილი თავიდან სკეპტიკურად განეწყო ამ შეთავაზების მიმართ, თუმცა მაინც სცადა და განაცხადი შეავსო. ჯერ მხოლოდ იდეა ჰქონდა პლატფორმის, რომელიც დღეს, ანუ 7 თვის თავზე, ქართულ ბაზარზე მოქმედ ყველა ბიზნესს ერთ სივრცეში აერთიანებს და მათ შორის ყიდვა-გაყიდვის და ტენდერების პროცესს აუმჯობესებს. საიდან დაიწყო, როგორ გაგრძელდა კომუნიკაცია და სადამდე მივიდა სტარტაპი, რომელიც 1 წლისაც არ არის? სტუმარი: გუჯა პარუნაშვილი - iTrade.ge, დამფუძნებელი; #ახალიამბები #BusinessMediaGeorgia
5 ყველაზე მაღალშემოსავლიანი საკონცერტო ტურნე მუსიკის ისტორიაში ირაკლი მოდებაძე - #BMG-ის რეპორტიორი; #ახალიამბები #BusinessMediaGeorgia
ProdAct Community-ს ორგანიზებით კონფერენცია - ProdAct Conference 2024 - Tomorrow Of Digital Products 8 სექტემბერს, რედისონში ჩატარდება. კონფერენცია ფოკუსირებული იქნება ციფრული პროდუქტებისა და მათი მენეჯმენტის როგორც ახლო, ასევე შორეული მომავლის ტენდენციებზე. კონფერენცია მთელი დღეს გასტანს და ამ დროის განმავლობაში450-მდე ვიზიტორს ექნება შესაძლებლობა, დაესწროს 30-მდე როგორც ქართველი, ასევე საერთაშორისო სპიკერის გამოსვლას. შემადგენლობა მოიცავს ინდუსტრიის ცნობილ ლიდერებს, რომლებმაც მნიშვნელოვანი როლი ითამაშეს ციფრულ ტრანსფორმაციაში. სტუმარი: გიორგი ლომიძე - ProdAct-ის თანადამფუძნებელი და აღმასრულებელი დირექტორი #ახალიამბები #BusinessMediaGeorgia
როგორია მდგომარეობა სურსათის ღირებულებასთან მიმართებით. საქსტატის მიერ გამოქვეყნებული მონაცემების მიხედვით, აგვისტოში წლიურმა ინფლაციამ 1% შეადგინა. საქონლისა და მომსახურების ღირებულებაზე კი ფასები უმნიშვნელოდა შეიცვალა. მონაცემები გასაგებია თუმცა რა ხდება ბაზარში და რა ღირს სურსათი ადგილზე? მარიამ იზორია - #BMG-ის რეპორტიორი; #ახალიამბები #BusinessMediaGeorgia
რა განაპირობებს საქართველოში ლუდის მოხმარების ზრდას? თიკო ნათმელაძე - BMG-ის რეპორტიორი; #ახალიამბები #BusinessMediaGeorgia
მსოფლიოს რომელ რეგიონში მოიხმარენ ყველაზე მეტ ლუდს? #ახალიამბები #BusinessMediaGeorgia
#საქმიანიდილა - 4 სექტემბერი - პროლოგი #ახალიამბები #BusinessMediaGeorgia
სპარ ჯორჯია 10 წლის გახდა! საიუბილეო თარიღთან დაკავშირებით საერთაშორისო ბრენდი ქართველ მომხმარებელს მრავალფეროვან აქციებსა და რაც მთავარია 1 თვის განმავლობაში რჩეულ პროდუქციაზე 10 წლის წინანდელ ფასებს სთავაზობს. გარდა ამისა, ბრენდმა საიუბილეო წლის დაწყება ახალი ფილიალის გახსნითაც აღნიშნა. როგორია ქსელის ქართულ ბაზარზე განვითარებისა და მისი მფლობელი კომპანია შპს "ფუდმარტის" წარმატებული ოპერირების შედეგები რიცხვებში? #ახალიამბები #BusinessMediaGeorgia
საქართველოში LPG საწვავის დეფიციტია. ამის შესახებ Bm.ge-ის ინფორმაცია "თხევადი გაზის ასოციაციის" ხელმძღვანელმა ნიკა ხოფერიამ დაუდასტურა. მისი თქმით, დეფიციტის მიზეზი რუსეთში არსებული ვითარებაა, სადაც ქარხნები შეფერხებით მუშაობს. საქართველოში კი აღნიშნული ტიპის საწვავის იმპორტი მხოლოდ რუსეთიდან ხდება. 2024 წლის პირველ ნახევარში რუსეთიდან საქართველოში იმპორტირებული LPG საწვავის მოცულობამ დაახლოებით 37 000 ტონა შეადგინა. რაც შეეხება მოხმარების კუთხით არსებულ ტენდეციას, წლიურ ჭრილში ადგილობრივი მოსახლეობის მიერ თხევად გაზზე გადასვლის შედეგად მატება 5-10%-ია. თუმცა თუ ბოლო რამდენიმეთვიან ჭრილში ვისაუბრებთ, ტურისტული სეზონიდან გამომდინარე, მოხმარება დაახლოებით 30%-იან ზრდას აჩვენებს. რა ფასად ივაჭრება 1 ტონა ლპგ ბირჟებზე და რა ხდება დღეს ადგილობრივ ბაზარზე? სტუმარი: ნიკა ხოფერია - საქართველოს თხევადი გაზის ასოციაციის თავმჯდომარე; #ახალიამბები #BusinessMediaGeorgia
2024 წლის ივლისში, თბილისის უძრავი ქონების ბაზარზე აქტივობა გაიზარდა. გაყიდული ბინების რაოდენობამ 3,435 შეადგინა, რაც 3%-ით აღემატება 2023 წლის ივლისის მაჩვენებელს და 18%-ით მეტია 2024 წლის ივნისის მაჩვენებელზე. როგორც თიბისი კაპიტალის მიერ მომზადებულ თბილისის საცხოვრებელი უძრავი ქონების მიმოხილვაში წერია, გასული ორი თვის განმავლობაში ტრანზაქციების რაოდენობის მიყოლებით კლების შემდეგ, ივლისის თვეში გაყიდული ბინების რაოდენობამ 2024 წლის მიმდინარე პერიოდში უმაღლეს ნიშნულს მიაღწია. სავარაუდოდ, ეს ზრდა წინა თვეებში გადავადებული მოთხოვნითაა განპირობებული. ივლისში გასაყიდი ფასი $1,207-ს გაუტოლდა, რაც წლიურად 3.3%-იან, ხოლო თვიურად 2.5%-იან ზრდას წარმოადგენს. ბაზრის მოცულობამ ივლისის თვეში $268 მილიონი შეადგინა და წლიურ ჭრილში 5%-იან ზრდას ნიშნავს. სტუმარი: სალომე დეისაძე - “თიბისი კაპიტალის" უფროსი ასოცირებული მკვლევარი; #ახალიამბები #BusinessMediaGeorgia
ჭიათურის მუნიციპალიტეტის სოფელ შუქრუთში, კოროხნალის მაღაროსთან, ადგილობრივები 174-ე დღეა უწყვეტ პროტესტს აგრძელებენ და ღამეს კარვებში ათენებენ. სამმა ადგილობრივმა გუშინ პროტესტის უკიდურეს ფორმას მიმართა, დაიწყო შიმშილობა და პირი ამოიკერა, თუმცა მომხდარს არც კომპანიის, არც ადგილობრივი თვითმმართველობისა და არც სახელმწიფოს მხრიდან ამ დრომდე გამოხმაურება არ მოჰყოლია. მოსახლეობა „ჯორჯიან მანგანეზის“ საქმიანობის შედეგად გარემოსა და საცხოვრებელ სახლებზე მიყენებულ ზიანს აპროტესტებს. ადგილობრივები აღნიშნავენ, რომ კომპანიის მიერ მადნის ღია კარიერული მოპოვების შედეგად, მნიშვნელოვანი ზიანი მიადგა საცხოვრებელ სახლებს, ეკლესიას და სასაფლაოებს. რას ითხოვენ ადგილობრივები? სტუმარი: გიორგი ნეფარიძე - შუქრუთის მცხოვრები; #ახალიამბები #BusinessMediaGeorgia
კომპანია "აკ ეარ ჯორჯიას" შიდა ფრენების განხორციელებაზე ხელშეკრულება წლის ბოლომდე აქვს გაგრძელებული. ამასთან მიმდინარე სეზონზე 10%-ით გაიზარდა სუბსიდირებულ ფრენებში სახელმწიფოს დაფინანსება, მგზავრისთვის ფრენის ღირებულება კი უცვლელად შენარჩუნდა. ცვლილებების მიხედვით, კომპანიამ ცოტა ხნის წინ განაახლა ფრენები ბათუმის მიმართულებით, რომელზეც მოთხოვნა საკმაოდ მაღალი იყო. რა შედეგებით დაასრულა სანავიგაციო სექტორმა ზაფხული, ვინ დაფრინავს ქვეყნის შიგნით? სტუმარი: ირინა მღებრიშვილი - "აკ ეარ ჯორჯიას" ფინანსური და ადმინისტრაციული მენეჯერი #ახალიამბები #BusinessMediaGeorgia
ეკონომიკური პოლიტიკის კვლევის ცენტრი (EPRC) არიზონას სახელმწიფო უნივერსიტეტის მაკკეინის ინსტიტუტთან და ჯორჯ ბუშის ინსტიტუტთან ერთად უკვე მეორე დღეა თბილისის მე-8 საერთაშორისო კონფერენციას მასპინძლობს - სახელწოდებით "2024-გადამწყვეტი წელი". კონფერენციაში ცნობილი პოლიტიკოსები და ექსპერტები მონაწილეობენ როგორც ევროპიდან, ისე ამერიკის შეერთებული შტატებიდან და ცხადია საქართველოდან. ლიკა მეგუთნიშვილი - #BMG-ის რეპორტიორი #ახალიამბები #BusinessMediaGeorgia
ელექტროსადგურებზე პირდაპირი მოლაპარაკების გზით ხელშეკრულების გაფორმების შესაძლებლობა, გუშინდელი დღიდან, ანუ 2 სექტემბრიდან შევიდა ძალაში. დაინტერესებულმა პირებმა განაცხადები საქართველოს ეკონომიკისა და მდგრადი განვითარების სამინისტროში 2024 წლის 31 დეკემბრის ჩათვლით უნდა წარადგინონ. რას ითვალისწინებს ცვლილება და როგორ წაახალისებს დარგში ინვესტიციებს ახალი ინიციატივა. სტუმარი: გიორგი აბრამიშვილი - "საქართველოს განახლებადი ენერგიის განვითარების ასოციაციის" სამეთვალყურეო საბჭოს თავმჯდომარე; #ახალიამბები #BusinessMediaGeorgia
საქართველოში თხილის მოსავლის აღება უკვე დასასრულს უახლოვდება. როგორი იყო წლევანდელი სეზონი ამ ინდუსტრიისთვის - რა რაოდენობის მოსავალი მივიღეთ და როგორი იყო მისი ხარისხი? თიკო ნატმელაძე - BMG-ის რეპორტიორი; #ახალიამბები #BusinessMediaGeorgia
Galt & Taggart: გლობალური ბაზრების ყოველკვირეული მიმოხილვა / Global Markets Weekly Update სტუმარი: ანი სამხარაძე - Galt & Taggart-ის ასოცირებული ბროკერი; #ახალიამბები #BusinessMediaGeorgia
ყველაფერი პარიზის ოლიმპიადის შესახებ ირაკლი მოდებაძე - #BMG-ის რეპორტიორი; #ახალიამბები #BusinessMediaGeorgia
AD BLACK SEA 2024 იწყება. კრეატიული ინდუსტრიის წარმომადგენლებისთვის ერთწლიანი ლოდინი დასასრულს უახლოვდება, რადგან 12-დან 14 სექტემბრის ჩათვლით, რეგიონის ყველაზე მასშტაბური, რიგით მერვე კრეატივის საერთაშორისო ფესტივალი Ad Back Sea 2024, ტრადიციულად ბათუმში გაიმართება. სხვათა შორის, ვიდრე სტუმრებთან გადავალთ კითხვებით, მინდა გითხრათ, რომ ფესტივალმა შარშან დელეგატების რეკორდულ რაოდენობას - 1300 სტუმარს უმასპინძლა. წელს ორგანიზატორები ამ რიცხვის გამეორებას გეგმავენ. დატვირთული სასემინარო პროგრამის პარალელურად, კონკურსანტები ერთმანეთს 13 ძირითად ნომინაციაში და 100-ზე მეტ ქვეკატეგორიაში შეეჯიბრებიან. მათ ნამუშევრებს 20 ქვეყნიდან მოწვეული 29 კომპეტენტური ჟიურის წევრი შეაფასებს და გამარჯვებულებს ფესტივალის კულმინაციურ ღონისძიებაზე - დაჯილდოების ცერემონიაზე გამოავლენს. სტუმრები: თამარ ცინცაძე - “ედ ბლექ სის” აღმასრულებელი მენეჯერი; სოფო კეჩხოშვილი - “ედ ბლექ სის” კონკურსის ხელმძღვანელი #ახალიამბები #BusinessMediaGeorgia
როგორ გამდიდრდა კატარი? ლიკა მეგუთნიშვილი - BMG--ის რეპორტიორი; #ახალიამბები #BusinessMediaGeorgia
როგორ შეიქმნა eBay? მარიამ იზორია - #BMG-ის რეპორტიორი; #ახალიამბები #BusinessMediaGeorgia
ქვეყნებში სიმდიდრის გადანაწილების შესაფასებლად ერთ-ერთი გავრცელებული პრაქტიკა ჯინის კოეფიციენტის გამოყენებაა. ამ ინდექსში, ნულთან მიახლოებული ქულა სიმდიდრის შედარებით თანაბარ გადანაწილებაზე მიუთითებს, ხოლო 100 ქულა ნიშნავს, რომ ქვეყანაში სიმდიდრის აბსოლუტური წილი ერთი პირის ხელშია. Visual Capitalist-ის მიერ გამოქვეყნებული უახლესი ანგარიშის თანახმად, რომელ ქვეყნებშია სიმდიდრის განაწილება ყველაზე უთანასწორო? #ახალიამბები #BusinessMediaGeorgia
სურსათის ნარჩენების ინდექსის მიხედვით ყოველწლიურად ნარჩენების მოცულობა იზრდება. ძირითადი წილი კი საკვებ და განთავსების ობიექტებზე მოდის. სასტუმრო ბიზნესი ნაწილობრივ ვალდებულია შეძლებისდაგვარად საკვები ნარჩენები შეამციროს, თუმცა მიუხედავად, ამისა, ეს საკმაოდ რთული პროცესია. სურსათის უვნებლობის კანონმდებლობა, სასტუმროებს მკაცრ რეგულაციებს უწესებს, რის გამოც, სასტუმრო ობიექტებს უამრავი საჭმლის გადაყრა უწევთ. რამდენად ცდილობენ ბიზნესები სურსათის ნარჩენების შემცირებას და როგორ პოზიციონირებენ სასტუმროები ამ მიმართულებით? #ახალიამბები #BusinessMediaGeorgia
#საქმიანიდილა - 3 სექტემბერი - პროლოგი #ახალიამბები #BusinessMediaGeorgia
„ქართული ბოსტნეული სათბურებიდან “ - ასე ეწოდება სახელმწიფო თანადაფინანსებით ახალ პროგრამას, რომელიც გარემოს დაცვისა და სოფლის მეურნეობის სამინისტროს ინიციირებით, სოფლის განვითარების სააგენტომ სასათბურე მეურნეობის შექმნით დაინტერესებული პირების ხელშეწყობის მიზნით დაიწყო. ახალი პროგრამის ბიუჯეტი 25 მილიონ ლარს შეადგენს. უწყებაში განმარტავენ, რომ პროგრამის მიზანს თანამედროვე კლიმატგონივრული ტექნოლოგიების დანერგვის გზით ქვეყნის მასშტაბით ერთწლოვანი სასოფლო-სამეურნეო კულტურების წარმოების ხელშეწყობა წარმოადგენს. სტუმარი: ზურაბ ჯანელიძე - კომპანია „ჰერბიას“ დამფუძნებელი; #ახალიამბები #BusinessMediaGeorgia