BMG & BYD Georgia წარმოგიდგენთ #BMGDRIVE-ს:
საქართველოს ეროვნულმა ბანკმა სესხების მიმდინარე ტენდენციების შესახებ ინფორმაცია გამოაქვეყნა, რომლის მიხედვითაც, კომერციული ბანკების მიერ გაცემული სესხების მოცულობამ (ბანკთაშორისი სესხების გარდა), 2026 წლის იანვრის ბოლოსათვის 70.40 მილიარდი ლარი შეადგინა. რაც 531.81 მილიონი ლარით (0.75%-ით) ნაკლებია წინა თვის ბოლოს არსებულ მაჩვენებელზე (გაცვლითი კურსის ეფექტის გარეშე, 0.86%-ით ნაკლები). სესხების წლიურმა ზრდამ, გაცვლითი კურსის ეფექტის გამორიცხვით, 13.35% შეადგინა. ამავე პერიოდში, წინა თვესთან შედარებით ეროვნული ვალუტით გაცემული სესხების მოცულობა 331.60 მლნ ლარით (0.81%-ით),ხოლო უცხოური ვალუტით გაცემული სესხების მოცულობა 200.21 მლნ ლარით (0.67%-ით) შემცირდა. საბანკო სექტორში განთავსებული დეპოზიტების (ბანკთაშორისი დეპოზიტების გარდა) მოცულობამ 2026 წლის იანვრის ბოლოსათვის 66.83 მილიარდი ლარი შეადგინა, რაც 116.73 მილიონი ლარით, 0.17%-ით ნაკლებია წინა თვის ბოლოს არსებულ მაჩვენებელზე (გაცვლითი კურსის ეფექტის გარეშე 0.23%-ით ნაკლები). საინტერესო ზრდის დინამიკას აჩვენებს ლიბერთის პორტფელი. გასული წლის შედეგების მიხედვით ლიბერთის სხვადასხვა პროდუქტით მომხმარებლის თითქმის ყველა სეგმენტმა ისარგებლა. ამავე მონაცემებით, როგორც ბანკში განმარტავენ, განსაკუთრებული ნდობა ლიბერთის ერთ-ერთმა გამორჩეულმა პროდუქტმა ტოპ ქარდმა მოიპოვა, რომელიც უკვე ორი წლის გახდა. მაყურებლისთვის საინტერესო იქნება ბანკის სამომავლო გეგმები სასესხო პროდუქტების განვითარების მიმართულებით. სტუმარი: დავით სულუაშვილი - ლიბერთის სასესხო პროდუქტების დეპარტამენტის ხელმძღვანელი #ახალიამბები #BusinessMediaGeorgia
როგორ მუშაობს ლატარიის კომპანიების სისტემურ დონეზე მსოფლიოს სხვადასხვა ქვეყნებში, რა არის საუკეთესო პრაქტიკა და როგორ შეიძლება გახდეს ეროვნული ლატარია ისეთივე პოპულარული საქართველოში როგორც მსოფლიოს მრავალ ქვეყანაშია.ლატარიის ბაზარი გლობალური ეკონომიკის ერთ-ერთი ყველაზე მასშტაბური და სტაბილურად მზარდი ნაწილია. ამას rand View Research-ის კვლევაც ადასტურებს, რომლის მიხედვითაც ეს ინდუსტრია გლობალურად 483 მილიარდს გადააჭარბებს. ლატარიის ინდუსტრიას თან ახლავს უამრავი საინტერესო ტრადიცია და ცრურწმენა, რაც კარგად ხსნის ბევრ ქვეყანაში ჯიხურებთან დილიდანვე ატეხილ აჟიოტაჟსა და რიგებს. როგორ ვითარდება ეს ინდუსტრია და რომელ ქვეყნებში აწესებენ ყველაზე მაღალ საპრიზო ფონდებს? #ახალიამბები #BusinessMediaGeorgia
11 თებერვალს საქართველოს ეროვნულმა ლატარიამ, მომენტალურ ლატარია "ნახევარ ლიმონში" მაქსიმალური თანხა ნახევარი მილიონი ლარი, ნახევარი ლიმონი გაათამაშა. გამარჯვებული კი 75 წლის დოდო დეღელაძეა, რომელიც მისივე თქმით აღნიშნული თანხით აგარაკის შეძენას გეგმავს. გამარჯვებულს პრიზი საზეიმო ვითარებაში გადაეცა, რომელსაც ცნობილი იუთუბერები ჰანგრიმენებიც ესწრებოდნენ. როგორც კომპანიაში აცხადებენ, მომენტალურ ლატარია ნახევარი ლიმონის საპრიზო ფონდიდან რომელიც შეადგენს 13 800 000 ლარს, დარჩენილია 2 – 500 000 ლარიანი მოგება 6 - 100 000 ლარიანი და კიდევ ბევრი სხვადასხვა რაოდენობის ფულადი პრიზი. სტუმარი: ნინო პოტრჟებსკაია, საქართველოს ეროვნული ლატარიის საზოგადოებასთან ურთიერთობის სამსახურის ხელმძღვანელი #ახალიამბები #BusinessMediaGeorgia
სამშენებლო მასალების გამოცდა და ტესტირება - ამ პროფილით ქართულ ბაზარზე უკვე 13 წელია ქართულ-ავსტრიული კომპანია „კავკასიური ინფრასტრუქტურის ტექნოლოგია“ ოპერირებს. ლაბორატორია ქვეყანაში საერთაშორისო სტანდარტების დაცვით 2013 წელს გაიხსნა და აკრედიტებულია აკრედიტაციის ცენტრის მიერ ISO სერტიფიკატით. ლაბორატორიას ამ ეტაპზე 170-მდე მასალის კვლევის შესაძლებლობა აქვს. ასფალტბეტონის გარდა,კვლევები ტარდება ცემენტბეტონის, გრუნტების და ღორღოვანი საფუძვლების მიმართულებითაც. ახალი გაჩენილი მოთხოვნების შესაბამისად კი წლიდან-წლამდე ხდება ლაბორატორიის გადაიარაღება და ახალი ტესტირებების დამატება. რა სიახლეები აქვთ კომპანიაში, cit Georgia-ს ტექნოლოგიურ განვითარებასა და ახალ შესაძლებლობებზე? ინტერვიუ: ტიტე ჯიშიაშვილი - „კავკასიური ინფრასტრუქტურის ტექნოლოგიის“ ხელმძღვანელი #ახალიამბები #BusinessMediaGeorgia
ინტერნეტ სივრცე ახალმა სევდიანმა, თუმცა იმედისმომცემმა ვიდეომ დაიპყრო. კადრებში, რომელიც სოციალურ ქსელებში მილიონობით ადამიანმა ნახა, 7 თვის მაკაკა, სახელად „პანჩი“ ჩანს. ის დედამ დაბადებისთანავე მიატოვა. იაპონიაში, იჩიკავას ზოოპარკში გადაღებული ეს ვიდეო ასახავს, თუ როგორ ებღაუჭება პატარა, მარტოსული მაიმუნი შვედური ბრენდის, IKEA-ს ორანგუტანის რბილ სათამაშოს. ეს ნივთი მისთვის ერთადერთი ემოციური საყრდენი გახდა. ვიდეო ზუსტად გამოხატავს იმ მარტოობას, სტრესსა და უსაფრთხოების ძიების ბუნებრივ ინსტინქტს, რაც ასე ნაცნობი და ემოციური აღმოჩნდა საზოგადოებისთვის. პანჩის ისტორია ცხოველთა სამყაროს საზღვრებს გასცდა - მან ადამიანებს საკუთარი ბავშვობა და ტრავმებთან გამკლავების გზები შეახსენა. თუ როგორ შეცვალა ერთმა პატარა მაიმუნმა გლობალური გაყიდვები და რა ხდება ახლა ზოოპარკში, სადაც ხალხის ნაკადს ვეღარ უმკლავდებიან? #ახალიამბები #BusinessMediaGeorgia
#საქმიანიდილა - 27 თებერვალი - პროლოგი #ახალიამბები #BusinessMediaGeorgia
გუშინ პარლამენტში სასურსათო პროდუქციის, მედიკამენტებისა და საწვავის ფასწარმოქმნის სტრუქტურის შემსწავლელი დროებითი საგამოძიებო კომისიის რიგით მეოთხე სამუშაო სხდომა გაიმართა. ამჯერად შეხვედრაში მონაწილეობას სადისტრიბუციო კომპანიების წარმომადგენლები იღებენ , რომელთა მონაწილეობით ბაზრის სტრუქტურის, ფასწარმოქმნის ჯაჭვის და სექტორის საოპერაციო პროცესების განხილვა მიმდინარეობდა.შეხვედრის ფარგლებში სექტორის წარმომადგენლებმა განაცხადეს, რომ ერთ-ერთი მთავარ გამოწვევად რითეილ სექტორთან ურთიერთობა და ქსელების მიერ დაწესებული გადასახადებია. მაგ. სადისტრიბუციო კომპანია "დაფნას" წარმომადგენელმა აღნიშნა, რომ ე.წ. ქეშბექი 20-დან 50%-ის ფარგლებში მერყეობს. მისი თქმით, სურსათის საბოლოო ფასზე ასევე მნიშვნელოვანი გავლენა აქვს ისეთ გარემოებს როგორიცაა მაგალითად პროდუქციის ნაშთების მართვა. მისი თქმით, თუკი მაგალითად პროდუქციას მისი ვადის 50%ზე ნაკლები აქვს დარჩენილი, მას სავაჭრო ქსელები უკვე აღარ იღებენ. სექტორის წარმომადგენლებმა განაცხადეს რომ თუ აღნიშნულ პროცესი გაციფრულდება ეს ფასებზე შემცირების მხრივ პოზიტიურ გავლენას მოახდენს. კიდევ ერთი თემა, რომელიც გუშინდელ შეხვედრაზე გაჟღერდა ეხებოდა სხვადასხვა ქსელში ერთი და იგივე პროდუქციაზე განსხვავებულ ფასს, დისტრიბუტორები აცხადებენ, რომ კონკრეტულ პროდუქციაზე ფასნამატის დადება სრულად ქსელის გადაწყვეტილებაა და ამაზე გავლენას დისტრიბუტორები ვერ ახდენენ. მაგ. კომპანია მზიურის დირექტორმა გუშინ განაცხადა, რომ „10-ლარიან პროდუქტზე 43%-იანი ფასნამატი გამოდის“. სტუმარი: ივა ჭყონია - დისტრიბუტორთა ბიზნეს ასოციაციის ყოფილი ხელმძღვანელი #ახალიამბები #BusinessMediaGeorgia
27-28 თებერვალს, დიზაინის ინსტიტუტში სოციალური დიზაინის დღეების რიგით მესამე სერია გაიმართება - ორდღიანი კონფერენცია, რომელიც ადამიანებზე ორიენტირებულ, ინკლუზიურ და ხელმისაწვდომ დიზაინს დაეთმობა. ღონისძიება 30-ზე მეტ მომხსენებელს საქართველოდან და სხვადასხვა ქვეყნიდან გააერთიანებს. ორი დღის განმავლობაში დაგეგმილი ლექციები, პანელური დისკუსიები, სამუშაო სესიები და კვლევითი პრეზენტაციები მოიცავს ისეთ თემებს, როგორიცაა ხელმისაწვდომი ციფრული პროდუქტები, დიზაინის სოციალური გავლენა, სასწავლო გარემოს დიზაინი, ტექნოლოგია, ეთიკა თუ ციფრული კეთილდღეობა. სტუმრები: ნინო ეგაძე - "დიზაინის ინსტიტუტი", ხელმძღვანელი; ერეკლე ინაშვილი - დიზაინის სტრატეგი #ახალიამბები #BusinessMediaGeorgia
როგორც მოგეხსენებათ, მთავრობამ მუდმივი ბინადრობის არმქონე უცხო ქვეყნის მოქალაქეებს კურიერებად, ტაქსის მძღოლებად და გიდებად მუშაობა აუკრძალა.ირაკლი კობახიძის მიერ ხელმოწერილი დადგენილების თანახმად, საქართველოში მუდმივი ბინადრობის ნებართვის არმქონე ნებისმიერ უცხოელს, რომელსაც სურს იმუშაოს კურიერად, მძღოლად ან სხვა ტიპის მომსახურების სფეროში „შრომითი საქმიანობის უფლება“ ესაჭიროება.ამ უფლების გაცემაზე პასუხისმგებელია დასაქმების ხელშეწყობის სახელმწიფო სააგენტო. თუმცა, მთავრობამ გამოიყენა კვოტირების მექანიზმი და რამდენიმე პოპულარულ სფეროში კვოტა ნულოვანია. ეს არის საკურიერო მომსახურება, მგზავრების გადაყვანა და გიდების სერვისი, შესაბამისად ამ კატეგორიაში ნებართვის მოპოვება სამართლებრივად შეუძლებელი ხდება. კანონში არსებობს მე-5 მუხლის ზ პუნქტი, რომელიც მაღალკვალიფიციურ კადრებს (რომელთა ხელფასი 15 000 ლარს აღემატება) ბარიერების გარეშე მუშაობის საშუალებას აძლევს. მათთვის, ვინც უკვე მუშაობს საქართველოში, დაწესდა გარდამავალი პერიოდი თვითდასაქმებულები (კურიერები/მძღოლები): აღსრულების მექანიზმი მათზე 2026 წლის 1 მაისიდან გავრცელდება.რეგისტრირებული იმიგრანტები: მათ, ვინც უკვე ბაზაშია, სტატუსის მოსაწესრიგებლად ვადა 2027 წლის 1 იანვრამდე მიეცათ. რაც შეეხება მომსახურების საფასურს, იმ სფეროებში, სადაც კვოტა დაშვებულია (მაგალითად, სამთო გამყოლები - 200 კაცი), მომსახურება ფასიანია: სტანდარტული განხილვა რაც 30 დღეს მოიცავს - 200 ლარი; დაჩქარებული განხილვა 10დღიანი ვადით კი 400 ლარი ღირს. რამდენად აქტიურად ეძებდნენ ქართველი დამსაქმებლები მძღოლებს, კურიერებს და გიდებს და რას შეცვლის ოცნების მთავრობის გადაწყვეტილება შრომის ბაზარზე? სტუმრები: რატი წვერავა - “წიწილას” თანადამფუძნებელი; ნოდარ ლაცაბიძე - “რაშის” დამფუძნებელი; ინგა შახბაზიანი - hr.ge-ის ვებ განყოფილების გაყიდვების დირექტორი; #ახალიამბები #BusinessMediaGeorgia
2.1 ტრილიონი დოლარი 2032 წლისთვის - ივენთ მენეჯმენტის გლობალური ექსპანსია #ახალიამბები #BusinessMediaGeorgia
საქართველოს ბიზნეს ასოციაციის რიგებს კიდევ ერთი კომპანია შეუერთდა, ვანილა ივენთი, რომელიც ორი ათწლეულის გამოცდილებით და საერთაშორისო პროექტებით ღონისძიებების ინდუსტრიაში ერთ-ერთ გამორჩეულ მოთამაშედ მიიჩნევა. კი და ამას ადასტურებს საერთაშორისო რეიტინგებიც. თუ და ვინც არ იცოდით, გეტყვით, რომ ვანილა ივენთი მსოფლიოს საუკეთესო ასეულშია უმსხვილესი ღონისძიებების ორგანიზების მიმართულებით. კომპანია ფლობს სტრატეგიულ ლოკაციებს და ოპერირებს ისეთ გლობალურ ქალაქებში, როგორიცაა დუბაი, რომი და სამხრეთ საფრანგეთი. ბიზნეს ასოციაციასთან პარტნიორობა კი მნიშვნელოვანია როგორც თავად ასოციაციის გაძლიერებისთვის, ისე სექტორში ინოვაციური პრაქტიკების და საერთაშორისო გამოცდილების გაზიარების თვალსაზრისით. სტუმრები: ლევან ვეფხვაძე - საქართველოს ბიზნეს ასოციაცია, აღმასრულებელი დირექტორი; თინათინ ნიჟარაძე - "ვანილა ივენთის" დამფუძნებელი #ახალიამბები #BusinessMediaGeorgia
კოკა-კოლა ბოთლერს ჯორჯია და თიბისი ბანკი მომხმარებლებს უნიკალურ შანსს აძლევს, რომელიც ყოველდღიურ აქტივობას საინვესტიციო შესაძლებლობად გარდაქმნის. და ამას ავხსნით, თან აუცილებლად. პირველ რიგში აუცილებლად უნდა იქონიოთ ტელეფონში Coca-Cola Rewards Georgia-ს აპლიკაცია და ამ აპში ერთობლივი ლიდერბორდის ფარგლებში მონაწილეები ნაბიჯების დაგროვებით კონკურენციას გაუწევენ ერთმანეთს და The Coca-Cola Company-ს აქციების მფლობელები გახდებიან. ჩათვალეთ,რომ ეს არის კოკა-კოლას და თიბისის მობაილბანკის ინვესტიციების კატეგორიაში ახალ რეალობა, სადაც ყოველდღიური აქტივობა რეალურ კაპიტალად გარდაიქმნება. რაც ნიშნავს, რომ კომპანია კოკა-კოლას აქციების მოგება ნიშნავს ბევრად მეტს, ვიდრე პრიზის მიღებას - ეს არის შესაძლებლობა გახდეთ გლობალური წარმატების ისტორიის თანამონაწილე და ჩვენი ნაბიჯები ფინანსურ შესაძლებლობად გადავაქციოთ. სტუმრები: ლევან ბურჭულაძე - კომპანია "კოკა-კოლა ბოთლერს ჯორჯიას" ანალიტიკისა და დაგეგმარების მენეჯერი; თარაშ ბარამია - თიბისი, ინვესტიციების გუნდის ლიდერი, ინვესტიციების ბიზნესის განვითარება #ახალიამბები #BusinessMediaGeorgia
ინდუსტრიაში, რომელსაც საუკუნეებია შოტლანდია, ირლანდია და იაპონია ინაწილებენ, მთავარი პრიზი საქართველოში მოდის. პირველი ქართული ვისკი "ჯიმშერი" გლობალურ წარმატებას აგრძელებს. ბრენდის ერთ-ერთმა გამორჩეულმა სახეობამ, JIMSHER Trio-მ, მსოფლიოს ყველაზე პრესტიჟულ კონკურსზე, World Whiskies Awards 2026-ზე ოქროს მედალი მოიპოვა და საუკეთესოდ დასახელდა კატეგორიაში: Blended - 12 Years & Under. ეს არამხოლოდ მორიგი აღიარება, არამედ კრიტიკოსების მოსაზრებით, ვისკის ინდუსტრიის ნამდვილი ოსკარია, სადაც სადაც გამარჯვებულებს უმკაცრესი, ბრმა დეგუსტაციის პრინციპით ირჩევენ. წლებია ძალიან ვგულშემატკივრობ ამ ახალგაზრდა კაცს. ჯიმშერ ჩხაიძესთან პირადი და საქმიანი ურთიერთობა, ჯერ კიდევ ჩვენი ერთობლივად საჯარო სამსახურში ყოფნიდან მაქვს. უსაზღვროდ ნიჭიერი ადამიანია, რაც ამ ოჯახს პირველ რიგში მშობლებისგან მოჰყვება, მოკითხვები დედას საუკეთესო სურვილებით.დარწმუნებული ვარ, ძლიერი გენი ყოველთვის მძლავრობს ასეთ შემთხვევებში, რადგან მხოლოდ ჯიუტების და მიზანსწრაფულების არის ამ ცხოვრების საუკეთესო მიზნების ხელნაწიფი. ჯიმი ჩხაიძე ამ ჯიუტებს შორის ერთ-ერთია, გამორჩეული და მეც ამაყი ვარ, რომ ის ასეთ პიროვნებად, საქმიან ადამიანად ჩამოყალიბდა. მხოლოდ ურჩებს და ჯიუტ საქმიანებს შეუძლიათ ასეთი მიზანი დაისახონ და თუნდაც ისეთი გიჟური იდეა განახორციელონ, როგორც ქართული ვისკის წარმოება და პოპულარიზაციაა. როგორ გაარღვია პირველმა ქართულმა ბრენდმა გლობალური ბაზრის საზღვრები და როგორ აქცია ჯიმი ჩხაიძემ ღვინის კასრებში დავარგებული ვისკი მსოფლიო ინოვაციად? #ახალიამბები #BusinessMediaGeorgia
უნივერსალური ვაქცინის კონცეფციაზე, რომელიც, შესაძლოა, ინფექციური დაავადებების პრევენციის მიმართ არსებული მიდგომები ფუნდამენტურად შეცვალოს. ათწლეულების განმავლობაში მეცნიერებისთვის მიუღწეველ მიზნად რჩებოდა ისეთი ვაქცინის შექმნა, რომელიც მრავალფეროვანი პათოგენების წინააღმდეგ ერთდროულ დაცვას უზრუნველყოფდა. მედსკრიპტუმის გუნდმა, არსენ სებისკვერაძის ავტორობით, აღმოაჩინეს ეს ამბავი ერთ-ერთ ყველაზე გავლენიან ჟურნალში, საიენსში #ახალიამბები #BusinessMediaGeorgia
კოსმეტიკური მედიცინა განვითარების ახალ ეტაპებს გადადის. მას შემდეგ რაც ვიზუალური კორექცია დღეს სრულიად მისაღები გახდა და საზოგადოებამაც მისი ნორმალიზება დაიწყო სხვადასხვა პროცედურაზე მოთხოვნა მუდმივად იზრდება. პარალელურად იზრდება იმ მედიკამენტების მიმართ მოთხოვნაც, რომლებსაც კოსმეტიკურ მედიცინაში გამოიყენებენ. არჩევანის მრავალფეროვნების მიუხედავად გლობალურად სულ რამდენიმე მედიკამენტია, რომელთა ხარისხი და პოპულარობა მათ წამყვან მედიკამენტებად აქცევს. #ახალიამბები #BusinessMediaGeorgia
უნიკალური სიახლე ესთეტიკის მიმართულებით - Power Nature, რომელიც წარმოადგენს სამკომპონენტიან ბუნებრივ ანტიოქსიდანტს, რომელიც პირველად მსოფლიოში ერთ პრეპარატში აერთიანებს ყურძნის წიპწის, მწვანე ჩაის და სოკო შიტაკეს ექსტრაქტებს. ეს სამი ანტიოქსიდანტი სინერგიულად იცავს კანს დაბერების პროცესებისა და ქრონიკული ანთებითი რეაქციებისგან და როგორც პრეპარატის შემქმნელები ამბობენ, პრეპარატი წარმოადგენს სწორედ ამ ანტიოქსიდაციური დაცვის და შესაბამისად დაბერების ერთ-ერთ მთავარ ფაქტორთან ბრძოლის ყველაზე მძლავრ საშუალებას ბაზარზე. სტუმარი: ილია მესხი - დერმატოლოგი, ონკოქირურგი #ახალიამბები #BusinessMediaGeorgia
ბოლო პერიოდის ეკონომიკური სურათი ნათლად აჩვენებს, რომ ბიზნესისთვის ნედლეულისა და ენერგიის შესყიდვა რეკორდულად გაძვირდა. მოულოდნელად, ყველაზე მეტად გაძვირებული პროდუქტების სათავეში თურქული წარმოების ინდაურის ხორცი მოექცა, რასაც მეტალურგიულ ინდუსტრიაში, კერძოდ კი ალუმინისა და სპილენძის ბაზარზე არსებული ფასების მკვეთრი ნახტომიც ემატება. თუ როგორ უმკლავდებიან კომპანიები მერყევ ფასებს, რატომ ირჩევენ მსხვილი მაღაზიები ზარალიანი გაყიდვების სტრატეგიას და რა როლს ასრულებს ხელოვნური ინტელექტი თანამედროვე ბიზნესის გადარჩენაში? #ახალიამბები #BusinessMediaGeorgia
ბანკები ვალდებულნი არიან, საქართველოს კონსტიტუციით იხელმძღვანელონ - ნათია თურნავა ეროვნული ბანკის პრეზიდენტის კომენტარი/საერთაშორისო სანქციებზე-საავტორო პროლოგი #ახალიამბები #BusinessMediaGeorgia
#საქმიანიდილა - 26 თებერვალი - პროლოგი #ახალიამბები #BusinessMediaGeorgia
რესტორანი „ბარბარესთან“, რომელმაც ბარბარე ჯორჯაძის მიერ XIX საუკუნეში შექმნილი კულინარიული მემკვიდრეობა თანამედროვე ფორმატში გააცოცხლა, La Liste-ის მსოფლიოს 1000 საუკეთესო რესტორნის ჩამონათვალში მოხვდა. ეს არის რეიტინგი, რომელიც საერთაშორისო კრიტიკოსების შეფასებებს, გიდებსა და მომხმარებელთა რეიტინგებს აერთიანებს და რესტორნებს კონცეფციის, ტექნიკის, სერვისისა და სტაბილურობის მიხედვით აფასებს. რესტორნის გენერალური მენეჯერი ანდრია ქურასბედიანი BM.GE-სთან ამბობს, რომ ეს შედეგი წლების თანმიმდევრული მუშაობის ლოგიკური გაგრძელებაა. მისი თქმით, კომპანიას თავიდანვე მკაფიო მისია ჰქონდა – მე-19 საუკუნის ქართული კულინარიული კულტურის გაცოცხლება თანამედროვე ფორმატში და ისეთი გამოცდილების შექმნა, რომელიც საერთაშორისო სტანდარტებს დააკმაყოფილებდა. #ახალიამბები #BusinessMediaGeorgia
როგორ უნდა დაიცვას სოცდაუცველმა საკუთარი უფლებები? სტუმარი: თეონა ჭალიძე - იურისტი, პოლიტიკოსი #ახალიამბები #BusinessMediaGeorgia
ჩაის გლობალურ ინდუსტრია გასული წლის მონაცემებით სტაბილურ ზრდას აჩვენებს. არსებული გამოწვევებისა და კრიზისების ფონზე, რაც ძირითადად კლიმატურ პირობებს უკავშირდება, ჩაის წარმოება და მოხმარება იზრდება. ცალკე აღნიშნავს მაჩა იმსახურებს, რომელიც ჩაის სახეობათა შორის ერთ-ერთი ყველაზე მოთხოვნად პროდუქტად ყალიბდება. რა ვითარებაა ჩაის წარმოებაში გლობალურად? #ახალიამბები #BusinessMediaGeorgia
ქართული ჩაის პერსპექტივა - რას წარმოადგენს “ჩაის რესპუბლიკა”? სტუმრები: ნათია ნადირაშვილი - ჩაის ექსპერტი, საერთაშორისო ასოციაციის წევრი და მწვრთნელი; ნიკა სიორიძე - ჩაის მწარმოებელი - კომპანია “გრინგოლდი”-ს დამფუძნებელი #ახალიამბები #BusinessMediaGeorgia
ლიბერთის კორპორაციული პასუხისმგებლობის პროექტები - შეჯამება 2025 სტუმარი: თამარ ზაქარიაძე - ლიბერთის კორპორაციული პასუხისმგებლობის მიმართულების ხელმძღვანელი #ახალიამბები #BusinessMediaGeorgia
TBC-მ ნიუ-იორკში Strategy Day 2026 გამართა ✔️ თიბისის საერთაშორისო პოზიციონირება & სტრატეგია 2026 ✔️ თიბისის ამბიციური გეგმები 2030 წლისთვის ✔️ ინვესტორების უკუკავშირი & უზბეკეთის ბაზარი ✔️ ტექნოლოგიური ლიდერობა & „თიბისი მობაილი“ ✔️ თიბისის მომავლის ხედვა & AI ტექნოლოგიები ➡️ ინტერვიუ: ვახტანგ ბუცხრიკიძე - "თიბისი ჯგუფი", გენერალური დირექტორი #ახალიამბები #BusinessMediaGeorgia
თიბისიმ ნიუ იორკში Strategy Day 2026 გამართა. ღონისძიებას ასობით ინვესტორი დაესწრო და ის ნიუ იორკ სითიში, სითიბანკის სათაო ოფისში ჩატარდა. თიბისის ლიდერშიპმა ინვესტორებს ჯგუფის სტრატეგიული გეგმები პრეზენტაციების და კითხვა-პასუხის რეჟიმში,დაახლოებით ოთხი საათის განმავლობაში გააცნო. მაღალი ინტერესის მაჩვენებელი იყო აქტიური დისკუსია და მრავალრიცხოვანი კითხვები, რაც ინვესტორების ჩართულობას ადასტურებდა. ჯგუფის მიზნები უკვე გასცდა საქართველოს ფარგლებს. ამის ერთ-ერთი ნათელი მაგალითია თიბისის წარმატებული გაფართოება უზბეკეთში, სადაც თიბისი უზი თითქმის 23 მილიონ მომხმარებელს ემსახურება. ნიუ-იორკში ვიზიტი სიმბოლურიც იყო, რადგან სწორედ შტატებშია კონცენტრირებული თიბისის ინვესტორთა დაახლოებით 25%. #ახალიამბები #BusinessMediaGeorgia
საზღვარგარეთ განათლების მიღების მსურველებისთვის თბილისში საერთაშორისო საგანმანათლებლო გამოფენა გაიმართება, სადაც დაინტერესებული პირები ამერიკული, ბრიტანული და ევროპული უნივერსიტეტების, კოლეჯებისა და საზაფხულო სკოლების წარმომადგენლებს შეხვდებიან, მიიღებენ დეტალურ ინფორმაციას პროგრამებზე, მიღების პირობებსა და სტიპენდიების შესაძლებლობებზე. როგორია 28 თებერვალს Radisson Blu Iveria Hotel Tbilisi-ში დაგეგმილი საერთაშორისო განათლების გამოფენის შესაძლებლობები და მონაწილეობის მნიშვნელობა? სტუმარი: მერაბ გაბუნია - საგანმანათლებლო სააგენტო ი ელ ელ-ის დამფუძნებელი #ახალიამბები #BusinessMediaGeorgia
ევროპის ერთიან ბაზარზე სამუშაოს მაძიებელთა 17% უკვე ყოფილა საზღვარგარეთ დასაქმებული, რაც ადასტურებს, რომ საერთაშორისო გამოცდილება თანამშრომლებს აძლევს შესაძლებლობას გაზარდონ ადაპტაცია, თავდაჯერებულობა და კულტურული ინტელექტი. ლიდერები შვეიცარია და ირლანდია არიან, ხოლო გერმანია მესამე ადგილზეა. ამჟამად ევროპელები აქტიურად ეძებენ სამუშაოს არა მხოლოდ სხვა წევრ ქვეყნებში, არამედ ბლოკის ფარგლებს გარეთაც - განსაკუთრებით აშშ-ში და გაერთიანებულ სამეფოში, რაც გარე ინტერესის ზრდას ასახავს: 2025 წლის ოქტომბერში მისი წილი 7.2%-ს მიაღწია. #ახალიამბები #BusinessMediaGeorgia
როგორ უნდა დაიქირაონ 1-ელი მარტიდან უცხოელი საქართველოში? სტუმარი: ნატო ნათენაძე - IBL Law Office -ის შრომის სამართლის ექსპერტი #ახალიამბები #BusinessMediaGeorgia
საქართველოს ბანკისა და კომაროვის STEM სკოლაში გაზაფხულის სემესტრზე მიღება დაიწყო და 2 მარტამდე გაგრძელდება. საქართველოს ბანკი, როგორც განათლების მთავარი მხარდამჭერი, მოსწავლეებისთვის შესაძლებლობების შექმნას განაგრძობს. სწორედ ამ მიზნით, უკვე მეოთხე წელია STEM სკოლის პროექტს კომაროვის სკოლასთან თანამშრომლობით ახორციელებს. ინიციატივის ფარგლებში VII-XI კლასის მოსწავლეებს შესაძლებლობას აქვთ, გაიარონ STEM სკოლის ერთწლიანი სასწავლო კურსი ონლაინ და მიიღონ სერტიფიცირებული, აკადემიური, ხარისხიანი თეორიული და პრაქტიკული ცოდნა. #ახალიამბები #BusinessMediaGeorgia
თბილისის ცენტრში, ვაკისა და საბურთალოს კვეთაზე, სრულიად ახალი, პრემიუმ კლასის ურბანული ეკოსისტემა იქმნება. პროექტი, რომლის საინვესტიციო ღირებულება 300 მილიონი დოლარია დედაქალაქის არქიტექტურულ იერსახეს მნიშვნელოვნად ცვლის. „სითიზენ ცენტრალ პარკი“, მასშტაბური კომპლექსია, რომელიც ოთხ საცხოვრებელ ბლოკსა და ლეგენდარულ "ზაჰა ჰადიდ არქიტექტსთან" კოლაბორაციით შექმნილ მულტიფუნქციურ ბიზნეს თაუერს აერთიანებს. ის მაცხოვრებლებს სრულად თვითკმარ და ეკოლოგიურად სუფთა გარემოს სთავაზობს. როგორც პროექტის ავტორები ამბობენ, უმაღლესი ხარისხის სტანდარტებით მიმდინარე მშენებლობა, ქალაქის შუაგულში მოწყობილი უზარმაზარი სარეკრეაციო ზონა და მრავალფეროვანი ინფრასტრუქტურა ადამიანების ყოველდღიურობას სრულიად ახალ საერთაშორისო ნიშნულზე აიყვანს. როდის სრულდება საცხოვრებელი სივრცეების მშენებლობა და რატომ წარმოადგენს ეს პროექტი ერთ-ერთ საუკეთესო საინვესტიციო შესაძლებლობას? #ახალიამბები #BusinessMediaGeorgia
თბილისის საერთაშორისო აეროპორტი მორიგ წარმატებას აღნიშნავს. აეროპორტების საერთაშორისო საბჭომ შოთა რუსთაველის სახელობის თბილისის საერთაშორისო აეროპორტი ევროპის მასშტაბით 5 კატეგორიაში დააჯილდოვა. მომხმარებელთა გამოცდილების კვლევის მიხედვით, თბილისის აეროპორტი დასახელდა საუკეთესოდ მომხმარებელზე ორიენტირებული პერსონალის, მოგზაურობის სიმარტივის, მგზავრებისთვის სასიამოვნო გამოცილების, გამგზავრების სერვისების საუკეთესო შეთავაზებისა და სისუფთავის კატეგორიებში. ეს ჯილდოები თბილისის საერთაშორისო აეროპორტს 5 მილიონამდე მგზავრთნაკადის მქონე აეროპორტებს შორის მიენიჭა. აეროპორტების საერთაშორისო საბჭო მომხმარებელთა გამოცდილების ჯილდოებს ყოველწლიურად გასცემს. ეს არის შედარებითი ანალიზის ერთადერთი გლობალური პროგრამა, რომელიც მგზავრთა კმაყოფილებას ზომავს მაშინ, როდესაც ისინი უშუალოდ აეროპორტში იმყოფებიან. ეს მეთოდი უზრუნველყოფს ყველაზე ზუსტ სურათს მგზავრობის თითოეულ ეტაპზე. ყოველწლიურად მომხმარებლის გამოცდილების ჯილდოებს იღებენ მსოფლიოს ის აეროპორტები, რომლებსაც სხვადასხვა კომპონენტში მგზავრები ყველაზე დადებითად აფასებენ. 2025 წელს საბჭომ საუკეთესო შედეგის მქონე აეროპორტები 6 კატეგორიაში დაასახელა, თბილისის აეროპორტმა კი ამ 6-იდან 5-ში მოიპოვა აღიარება. ანალიზისთვის საჭირო ინფორმაციას ACI ორი წლის განმავლობაში აგროვებდა. #ახალიამბები #BusinessMediaGeorgia
#საქმიანიდილა - 25 თებერვალი - პროლოგი #ახალიამბები #BusinessMediaGeorgia
გუშინ უკრაინაში რუსეთის სრულმასშტაბიანი შეჭრიდან ზუსტად 4 წელი შესრულდა - დრო, რომელმაც მთელ მსოფლიოს თავისუფლების უმძიმესი ფასი და რუსული ტერორის პირისპირ უკრაინელი ხალხის ზეადამიანური გამძლეობა ნათლად დაანახა. დანგრეული ქალაქების, მილიონობით დევნილისა და ყოველდღიური ტრაგედიების მიღმა, ეს არის უთანასწორო ბრძოლა, სადაც ახლა მთელი ცივილიზებული სამყაროს უსაფრთხოების მთავარი ფრონტი გადის. იმ ფონზე, როცა ევროპა საკუთარი მომავლის გადარჩენას ცდილობს, ხოლო მოლაპარაკებების მაგიდასთან თავსმოხვეული დათმობებისა და საეჭვო ზავის საფრთხეები ჩნდება, ერთი რამ უცვლელია - აგრესორის რეალური მიზნები და უკრაინის უფლება, თავად გადაწყვიტოს საკუთარი ბედი. #ახალიამბები #BusinessMediaGeorgia
გრიპი აღარ არის დომინანტური - მოიმატა რესპირატორულმა ვირუსმა - როგორია ეპიდემიოლოგიური სურათი ქვეყანაში? სტუმარი: ივანე ჩხაიძე - იაშვილის სახელობის ბავშვთა ცენტრალური საავადმყოფოს სამედიცინო დირექტორი, თსსუ-ს პროფესორი #ახალიამბები #BusinessMediaGeorgia
პროკრედიტ ბანკი საქართველო, მცირე და საშუალო ბიზნესზე ორიენტირებული ფინანსური ინსტიტუტია და ხშირად საუბრობს რეგიონულ შესაძლებლობებზე, როგორც ზრდის ერთ-ერთ მთავარ წყაროზე. რამდენად შეიძლება რეგიონი აღვიქვათ ერთიან ეკონომიკურ სივრცედ, სადაც ბიზნესები უკვე დაკავშირებულია ერთმანეთთან ვაჭრობით, ინვესტიციებით და მიწოდების ჯაჭვებით და როგორ შეიძლება ეს კავშირები პრაქტიკულ შესაძლებლობებად იქცეს კომპანიებისთვის. ამ პროცესში საინტერესოა ახალი პლატფორმებიც, მათ შორის ProConnect, რომელიც ბიზნესებს რეგიონში პარტნიორების პოვნასა და გაფართოებაში ეხმარება. სტუმრები: გიორგი ბაქრაძე - პროკრედიტ ბანკის დირექტორთა საბჭოს მრჩეველი ეკონომიკურ საკითხებში; ზურაბ მურაკაშვილი - საშუალო ბიზნესის განვითარების განყოფილების წარმომადგენელი, ProConnect-ის პროექტის მენეჯერი #ახალიამბები #BusinessMediaGeorgia
ჯანმრთელობის დაზღვევა, როგორც ბენეფიტი სტუმრები: ნინო ნოღაიდელი - სადაზღვევო კომპანია ბენეფიტსის სამედიცინო დირექტორი; ლიკა ჩიგოგიძე - სადაზღვევო კომპანია ბენეფიტსის კომერციული დირექტორის მოადგილე; მარიამ ჩოგოვაძე - “ეფეს საქართველოს” ადამიანური რესურსების მართვის დირექტორი #ახალიამბები #BusinessMediaGeorgia
2025 წელს დასაქმების ყველაზე მაღალი მაჩვენებელი ევროპაში და ოესიდის მასშტაბით ისლანდიაში ფიქსირდება - შრომისუნარიანი მოსახლეობის 86% დასაქმებულია, რასაც ტურიზმის ბუმი, მწვანე ენერგეტიკის განვითარება და მიგრაციული ზრდა განაპირობებს; მას მოსდევს ნიდერლანდები 82%-ით, სადაც მოქნილი შრომის ბაზარი და ევროპის „კარიბჭის“ ფუნქცია ათასობით სამუშაო ადგილს ქმნის. 81%-იანი მაჩვენებლით ერთ-ერთი ყველაზე სწრაფად მზარდი ბაზარია მალტა, ფინანსური და ციფრული სექტორების ხარჯზე; 79%-ს აჭარბებს დასაქმება შვეიცარიაში, სადაც მაღალტექნოლოგიური ინდუსტრიები და განათლება-ბიზნესის კავშირი უმუშევრობას ამცირებს; ხუთეულს კი 77%-ით კვიპროსი ასრულებს, სადაც ეკონომიკური აღდგენა, ტურიზმი და უცხოური ინვესტიციები შრომის ბაზარს ამყარებს. #ახალიამბები #BusinessMediaGeorgia
მსხვილი კაპიტალი ევროპისკენ მიედინება! გლობალური ინსტიტუციური ინვესტორების მოლოდინები ევროპული ეკონომიკის მიმართ ისტორიულ მაქსიმუმზეა. პარალელურად, უოლ-სტრიტზე შეერთებული შტატების ეკონომიკის მიმართ სკეპტიციზმი იზრდება, რის ფონზეც კაპიტალის მმართველები უპირატესობას ევროპულ აქტივებს ანიჭებენ.Bank of America-ს უახლესი კვლევა აჩვენებს, რომ გერმანიის მასშტაბური ფისკალური სტიმულირება და ევროპის თავდაცვის ბიუჯეტის უპრეცედენტო ზრდა ბაზარზე თამაშის წესებს ცვლის. თუ რომელ სექტორებს ირჩევს ახლა ე.წ. ჭკვიანი ფული და რატომ იქცა ბერლინი საინვესტიციო მიზიდულობის მთავარ ცენტრად? #ახალიამბები #BusinessMediaGeorgia
გლობალური ბაზრები - Galt & Taggart-ის ყოველკვირეული მიმოხილვა სტუმარი: ნიკა მაზანაშვილი - Galt & Taggart-ის საბროკერო მიმართულების გაყიდვების დეპარტამენტის ხელმძღვანელი #ახალიამბები #BusinessMediaGeorgia
საქართველოს ეკონომიკა - Galt & Taggart-ის ყოველკვირეული მიმოხილვა სტუმარი: ლაშა ქავთარაძე - Galt & Taggart-ის ეკონომისტი #ახალიამბები #BusinessMediaGeorgia
2026 წლის თებერვალში მსოფლიოში რესპირატორული ვირუსების პიკური მაჩვენებლები ფიქსირდება. World Health Organization-ის მონაცემებით, დომინირებს გრიპის AH3N2 ქვეტიპი - განსაკუთრებით მისი ახალი, აგრესიული ვარიანტი, რომელიც გართულებების გაზრდილ რისკს ქმნის. ინფიცირების მაღალი მაჩვენებლები ევროპაში, აღმოსავლეთ აზიასა და ჩრდილოეთ აფრიკაში ფიქსირდება, რაც ჰოსპიტალურ სექტორზე მნიშვნელოვან ზეწოლას ზრდის. სეზონური გრიპის დინამიკა და რისკები - რა გამოწვევების წინაშეა ჯანდაცვის სისტემა პიკური სეზონის პირობებში? #ახალიამბები #BusinessMediaGeorgia
გაციება & სეზონური ვირუსები - როგორ ვუმკურნალოთ? რუბრიკის წამყვანი: ლალი ბრეგვაძე - "ავერსის" საზოგადოებასთან ურთიერთობის სამსახურის ხელმძღვანელი; სტუმარი: ნინო ლობჟანიძე - "ავერსის კლინიკის" თერაპევტი, ოჯახის ექიმი #ახალიამბები #BusinessMediaGeorgia
საერთაშორისო ფარმაცევტულმა კომპანია GM PHARMA-მ კიდევ ერთი სამეცნიერო კონფერენცია გამართა, რომელიც ანტიკოაგულაციური თერაპიის თანამედროვე ტენდენციებსა და ინოვაციური, ახალი თაობის პრეპარატების მნიშვნელობას მიეძღვნა, თრომბოემბოლიური დაავადებების მართვაში. კონფერენციის მთავარ მიზანს კი სამედიცინო სფეროს წარმომადგენლებისთვის ახალი თაობის პერორალური ანტიკოაგულანტის გაცნობა წარმოადგენდა. #ახალიამბები #BusinessMediaGeorgia
თანამედროვე გლობალურ ეკონომიკაში შრომითი მიგრაცია ერთ-ერთი მნიშვნელოვანი ფაქტორია, რომელიც პირდაპირ გავლენას ახდენს ქვეყნის განვითარებაზე. სახელმწიფოები ამ საკითხს განსხვავებული სტრატეგიებით უდგებიან: ნაწილი უცხოელი მუშახელის მოზიდვას ეკონომიკური ზრდის სტიმულად მიიჩნევს და რეგულაციებს ამარტივებს, ნაწილი კი შიდა შრომითი ბაზრის დასაცავად მკაცრ შეზღუდვებს აწესებს. რა ეკონომიკური შედეგები მოაქვს თითოეულ მიდგომას და როგორ აისახება ეს ბიზნესზე, ფასებზე და დასაქმებაზე? #ახალიამბები #BusinessMediaGeorgia
რამდენიმე დღის წინ დაასრულა მუშაობა დონალდ ტრამპის მიერ შექმნილმა სპეციალურმა მშვიდობის საბჭომ, ბოარდ ოფ ფის, რომელმაც მსოფლიოს ერთდროულად რამდენიმე ქვეყანა, ორგანიზაცია და ბიზნესმენი გააერთიანა. რაში მდგომარეობს ტრამპის მშვიდობის საბჭოს თუ ბორდის იდეა, ვინ შეუერთდა, და რა კაპიტალს მოუყარა თავის ამ საბჭომ, და საბოლოოდ, თუ ეს მილიარდები რეალურად დაიდება, რა პროექტების დაფინანსებას მოხმარდება? #ახალიამბები #BusinessMediaGeorgia
ლათინურ ამერიკაში, სადაც მექსიკის შეიარაღებულმა ძალებმა ქვეყნის ყველაზე გავლენიანი კრიმინალური სინდიკატის, CJNG-ს ლიდერი ნემესიო ოსეგერა სერვანტესი, იგივე „ელ მენჩო“ მოკლეს. საუბარია ადამიანზე, რომლის ორგანიზაციაც ამერიკის შეერთებულ შტატებში ფენტანილის მიწოდების მთავარ მონოპოლისტად მიიჩნეოდა. სწორედ ვაშინგტონიდან მომდინარე მზარდ გეოპოლიტიკურ წნეხს უკავშირდება სინდიკატის ლიდერის ლიკვიდაცია. CJNG-ს ლიდერის მკვლელობას კარტელის შეიარაღებული ფრთის მხრიდან საპასუხო იერიშები მოჰყვა. კერძოდ, არეულობა დაიწყო მექსიკის 8 შტატში. კრიმინალური სინდიკატის წევრებმა გადაკეტეს გზები და ცეცხლი წაუკიდეს მანქანებს, ასევე შეიჭრნენ აეროპორტში და გახსნეს ცეცხლი. რაც შეეხება მოკლულ „ელ მენჩოს“, მის თავზე შტატებს 15 მილიონი დოლარის ჯილდო ჰქონდა დაწესებული. რა ვითარება შეიქმნა მექსიკაში ბოლო 2 დღის მანძილზე? #ახალიამბები #BusinessMediaGeorgia
ინოვაცია, რისკი, მარცხი და ტრიუმფი - ვინ იყო სტივ ჯობსი? #ახალიამბები #BusinessMediaGeorgia
#საქმიანიდილა - 24 თებერვალი - პროლოგი #ახალიამბები #BusinessMediaGeorgia