რამდენი Porsche, Lamborgini, Rolls Royce და Ferrari-ა საქართველოში? #ახალიამბები #BusinessMediaGeorgia
#საქმიანიდილა - 19 ივნისი - პროლოგი #ახალიამბები #BusinessMediaGeorgia
ახალი სტარტაპ ბიზნესი პარკი უნდა გაგაცნოთ, რომელიც ხელოვნურ ინტელექტზე დაფუძნებული ოპერატორი ქართულ ბაზარზე მომხმარებელთა მომსახურების ავტომატიზაციის ახალ შესაძლებლობებს ქმნის. AI აგენტი სატელეფონო ზარებს ავტომატურად ამუშავებს, მომხმარებლებს წამებში პასუხობს და მომსახურების ხარისხის გაუმჯობესებას უწყობს ხელს. სისტემას ერთდროულად 1000-ზე მეტი ზარის მიღება და დამუშავება შეუძლია, რაც კომპანიებს მაღალი დატვირთვის პირობებშიც უწყვეტი მომსახურების მიწოდების შესაძლებლობას აძლევს. AI ოპერატორი 24/7 რეჟიმში მუშაობს და მომხმარებლებთან ქართულ ენაზე კომუნიკაციას უზრუნველყოფს. პლატფორმის ერთ-ერთი მთავარი უპირატესობა მისი მოქნილობაა. კომპანიებს შეუძლიათ აგენტის ხმის, ფუნქციონალის, დავალებებისა და სისტემური წვდომების საკუთარი საჭიროებების შესაბამისად მორგება. ასევე, სისტემა ინტეგრირდება ორგანიზაციების არსებულ მონაცემთა ბაზებსა და შიდა სისტემებთან, რაც ბიზნესპროცესების ავტომატიზაციასა და მომხმარებელთა მომსახურების ეფექტიანობის ზრდას უწყობს ხელს. რა ტიპის კომპანიებისთვის შეიქმნა ხელოვნურ ინტელექტზე დაფუძნებული ოპერატორი? სტუმარი: გურამ მელიქიძე - „პერკი,“ თანადამფუძნებელი; #ახალიამბები #BusinessMediaGeorgia
საქართველოს საბანკო ასოციაცია მოქალაქეებს ახალი კიბერთაღლითური სქემების შესახებ აფრთხილებს და მოუწოდებს, განსაკუთრებული სიფრთხილე გამოიჩინონ პირადი და ფინანსური მონაცემების გაზიარებისას. ასოციაციის ინფორმაციით, ბოლო პერიოდში გავრცელდა რამდენიმე თაღლითური სქემა, რომელთა მიზანიც მომხმარებლების შეცდომაში შეყვანა და მათგან თანხის მოტყუებით მიღებაა. ერთ-ერთი სქემის ფარგლებში, მოქალაქეები WhatsApp-ში ან სხვა საკომუნიკაციო აპლიკაციებში ერთი შეხედვით ნაცნობი კონტაქტისგან იღებენ შეტყობინებებს, რომლებიც ყალბ ბმულებს შეიცავს. აღნიშნულ ბმულებზე გადასვლისა და საბარათე ან სხვა პირადი ინფორმაციის შეყვანის შემთხვევაში, თაღლითები მომხმარებლის მოწყობილობაზე წვდომის მოპოვებას ცდილობენ. ასევე, ხშირია შემთხვევები, როდესაც მომხმარებლები ახლობლის სახელით თანხის გადარიცხვის მოთხოვნას იღებენ. მეორე სქემის მიხედვით, მოქალაქეებს ფინანსური ინსტიტუტების სახელით ყალბი ელექტრონული წერილები ეგზავნებათ. შეტყობინებებში მითითებულია, თითქოს ახალი რეგულაციების საფუძველზე მომხმარებელმა საიდენტიფიკაციო მონაცემები უნდა განაახლოს. ამისთვის კი მათ პირადი ან საბარათე ინფორმაციის შეყვანას სთხოვენ. რა უნდა გავითვალისწინოთ ასეთ დროს და ზოგადად როგორია ეი აის პირობებში ფიშინგისგან თავის დაცვის გზები? სტუმარი: ინგა ქარჩავა - საქართველოს საბანკო ასოციაცია, კიბერუსაფრთხოების მიმართულების კოორდინატორი; #ახალიამბები #BusinessMediaGeorgia
დასვენება ევროპაში - რა უნდა გავითვალისწინოთ? ➡️ რუბრიკის ავტორი&წამყვანი: ანა კირკიტაძე - „ვინგლეთი“ დამფუძნებელი; ➡️ სტუმარი: დავით ქუთათელაძე - „კერა თრეველის“ დამფუძნებელი და დირექტორი; #ახალიამბები #BusinessMediaGeorgia
საქართველოს სასურსათო უსაფრთხოების ერთ-ერთ მთავარ გამოწვევად კვლავ დაბალი თვითუზრუნველყოფის მაჩვენებლები რჩება. საქსტატის „საქართველოს სოფლის მეურნეობა 2025“-ის მიხედვით, ქვეყანა რიგ ძირითად პროდუქტებში კვლავ მნიშვნელოვნადაა დამოკიდებული იმპორტზე, თუმცა რამდენიმე მიმართულებით ადგილობრივი წარმოება შიდა მოთხოვნას თითქმის სრულად ფარავს. დავიწყოთ რძისა და რძის პროდუქტებით, რომლის ადგილობრივი წარმოება 2022 წლის შემდეგ მცირდება და 2025 წელს 556 ათასი ტონა შეადგინა, მაშინ როცა მოხმარება 793 ათას ტონამდე გაიზარდა. დეფიციტის შევსება იმპორტის ზრდის ხარჯზე ხდება, რის შედეგადაც თვითუზრუნველყოფის მაჩვენებელი 77%-დან 68%-მდე შემცირდა. ერთ სულ მოსახლეზე რძის პროდუქტების წლიური მოხმარება 201 კილოგრამს შეადგენს. საპირისპირო ტენდენციაა კვერცხის სექტორში - წარმოება 693 მილიონ ცალამდე გაიზარდა, იმპორტი კი შემცირდა. შედეგად, ქვეყნის თვითუზრუნველყოფის კოეფიციენტმა 98%-ს მიაღწია და ადგილობრივი წარმოება შიდა მოთხოვნას თითქმის სრულად ფარავს. მემცენარეობაში კარტოფილის წარმოება 6.1%-ით შემცირდა და 207.9 ათასი ტონა შეადგინა, ხოლო ბოსტნეულის წარმოება 8.9%-ით გაიზარდა და 146.3 ათას ტონას მიაღწია. სტრატეგიულ კულტურებს შორის ხორბლის წარმოება 3.6%-ით, სიმინდის კი 5.3%-ით შემცირდა, მაშინ როცა ქერის წარმოება 24.8%-ით გაიზარდა. მრავალწლიან კულტურებში ყურძნის წარმოება 8.3%-ით გაიზარდა და 347.4 ათასი ტონა შეადგინა, ციტრუსის წარმოებამ 55 ათას ტონას მიაღწია, ხოლო სხვა ხილის წარმოება 15.6%-ით შემცირდა. საქსტატის 2025 წლის თვითუზრუნველყოფის კოეფიციენტები ასე გამოიყურება: ხორბალი 19%; სიმინდი 78%; კარტოფილი 139%; ბოსტნეული 48%; ყურძენი 158%; ხორცი (სულ) 47%; მსხვილფეხა რქოსანი პირუტყვის ხორცი 72%; ღორის ხორცი 52%; ცხვრისა და თხის ხორცი 98%; ფრინველის ხორცი 30%; რძე და რძის პროდუქტები 68%; კვერცხი კი 98%.; როგორ უნდა გავზარდოთ სოფლის მეურნეობის სექტორში თვითუზრუნველყოფის კოეფიციენტი? სტუმარი: გოჩა ცოფურაშვილი - ეკონომიკის დოქტორი, სოფლის მეურნეობის მინისტრის ყოფილი მოადგილე #ახალიამბები #BusinessMediaGeorgia
აუქციონები მხოლოდ ხელოვნებისა თუ ანტიკვარიატის სივრცე აღარ არის. დღეს აუქციონის სახლებში მნიშვნელოვანი ადგილი საკოლექციო სათამაშოებსაც უკავიათ. იშვიათობა, ისტორიული მნიშვნელობა, მდგომარეობა და მოთხოვნა ბაზარზე ხშირად განსაზღვრავს მათ ფასს და, ზოგიერთ შემთხვევაში, სათამაშო საინვესტიციო აქტივადაც იქცევა. რომელი სათამაშოები შეიძლება ღირდეს ათობით ათასი, ან სულაც მილიონობით დოლარი? #ახალიამბები #BusinessMediaGeorgia
მხოლოდ ქართულის რუბრიკის ობიექტივში სახლის დეკორის საკმაოდ ორიგინალური საწარმო - "ბამო" მოხვდა - ეს არის სახლის დეკორაციაში გადმოტანილი ემოცია, მოგონებები, ხშირად ნოსტალგიაც და რაც ყველაზე მთავარია, იდეა, რომელიც წლების წინ შეიქმნა და მიზნად დაისახა, ჯადოსნური სამყარო შეექმნა. ბამო ყოველდღიურად ერთმანეთისგან სრულიად განსხვავებულ სახლებს ქმნის, თითქოს ყველა მათგანი ერთმანეთს ჰგავს, მაგრამ კარგად თუ დავაკვირდებით, ვნახავთ, რომ ყველას თავისი ინდივიდუალური ხასიათი და განწყობა აქვს. სწორედ ამ ბრენდის საშუალებით, საქართველოში მოგზაურ ტურისტებს შანსი ეძლევათ, რომ ჩვენი ქვეყნიდან სუვენირად ძველი თბილისური სახლები წაიყოლონ. როგორ გამოიყურება ბამოს იდეა, კონცეფცია და სამომავლო გეგმები? თიკო ნატმელაძე - #მხოლოდქართული, ავტორი; სტუმარი: თეკა ჯამაკაშვილი - "ბამოს" დამფუძნებელი #ახალიამბები #BusinessMediaGeorgia
საფრანგეთში გამართული დიდი შვიდეულის სამიტი დასრულდა. მსოფლიო ლიდერებმა უკრაინის მხარდაჭერისა და მოსკოვის წინააღმდეგ ეკონომიკური შეზღუდვების სრულიად ახალი მოდელი დაამტკიცეს. დასავლეთი კიევისთვის სამხედრო დახმარების ფორმატს ცვლის, თუმცა შეხვედრის მთავარ მოვლენად გლობალური ენერგომარშრუტების უშუალოდ უკრაინის კრიზისთან დაკავშირება იქცა. კონკრეტულად რა მექანიზმებზე შეთანხმდა დასავლეთი და როგორ აპირებს გლობალური ენერგეტიკული ბაზრის ცვლილებების გამოყენებას საომარი დინამიკის შესაცვლელად? #ახალიამბები #BusinessMediaGeorgia
“მეწარმეთა შესახებ” კანონში ცვლილებების შეფასება სტუმარი: ვასილ ჟიჟიაშვილი - იურიდიული კომპანია GT consulting-ის პარტნიორი #ახალიამბები #BusinessMediaGeorgia
კომპანია თეგეტას მორიგი სიახლე აქვს ბიზნესისთვის. საოპერაციო ლიზინგის ფარგლებში თეგეტა სადისტრიბუციო კომპანია ფუდსერვისს 10 ერთეულ Farizon-ს გადასცემს. ხელშეკრულებას ხელი უკვე მოეწერა და ელექტრიფიცირებულ კომერციულ ტექნიკას ფუდსერვისი ეტაპობრივად მიიღებს. დამკვეთი ყველა იმ უპირატესობით ისარგებლებს, რასაც თეგეტა მომხმარებელს საოპერაციო ლიზინგის ფარგლებში სთავაზობს. სრული ტექნიკური, საგარანტიო და არასაგარანტიო სერვისი, GPS მონიტორინგი და დეტალური რეპორტინგი, 24/7-ზე საგზაო დახმარება - ეს არის არასრული ჩამონათვალი იმ სერვისების, რომელიც ავტოპარკის მოქნილი და ეფექტიანი მართვის გარანტია. სტუმრები: ავთანდილ ლაბაძე - „თეგეტა ჰოლდინგის“ მსუბუქი ავტომობილების მიმართულების მთავარი ოფიცრის მოადგილე; ირაკლი გორგიაშვილი - „ფუდსერვისის“ აღმასრულებელი დირექტორის მოადგილე ლოგისტიკურ ოპერაციებში #ახალიამბები #BusinessMediaGeorgia
გუშინ, UG StartUp Factory DEMO DAY 2026 წარმატებით გაიმართა - მასშტაბურმა ღონისძიებამ ერთმანეთს ტექნოლოგიები, განათლება, კარიერული შესაძლებლობები და სტარტაპ ეკოსისტემა დაუკავშირა. ღონისძიების პირველი ნაწილი საგანმანათლებლო კონფერენციას დაეთმო, სადაც სფეროს წამყვანმა ექსპერტებმა თანამედროვე ტექნოლოგიურ ტრენდებზე, ხელოვნური ინტელექტისა და ციფრული ტრანსფორმაციის გავლენაზე, შრომითი ბაზრის ცვლილებებსა და მომავლის პროფესიებზე იმსჯელეს. ღონისძიებამ ერთ სივრცეში შეკრიბა ახალგაზრდა მეწარმეები, ინოვატორები, სტუდენტები, ბიზნესისა და ტექნოლოგიური სფეროს წარმომადგენლები, HR და განათლების ექსპერტები, ასევე ინვესტორები და მენტორები. დამსწრე აუდიტორიას შესაძლებლობა ჰქონდა, მოესმინა ინდუსტრიის ლიდერებისთვის, გაცნობოდა ინოვაციურ სტარტაპ იდეებს და ჩართულიყო აქტიურ ნეთვორქინგში...ღონისძიების კულმინაცია კი მისი დასკვნითი ნაწილი იყო, სადაც 12-მა ფინალისტმა სტარტაპ გუნდმა ჟიურისა და აუდიტორიის წინაშე საკუთარი იდეები წარადგინა. მონაწილეები საქართველოს უნივერსიტეტის 100,000-ლარიანი საინვესტიციო ფონდის დაფინანსებისთვის იბრძოდნენ. დემო დღის ფინალში 5 გამარჯვებული გუნდი გამოვლინდა, თითოეულმა მათგანმა იდეების შემდგომი განვითარებისთვის 10,000 ლარიანი დაფინანსება მოიპოვა. #ახალიამბები #BusinessMediaGeorgia
სტუდენტური ცხოვრების განვითარებისა და თანამედროვე სასწავლო გარემოს შექმნის მიმართულებით კიდევ ერთი მნიშვნელოვანი ნაბიჯი გადაიდგა. საქართველოს საზოგადოებრივ საქმეთა უნივერსიტეტში – GIPA-ში, კომპანია „კოკა-კოლა ბოთლერს ჯორჯიას“ მხარდაჭერით, ახალი სტუდენტური კაფე გაიხსნა. მრავალფუნქციური სივრცე ახალგაზრდებს კომუნიკაციის, დასვენებისა და სხვადასხვა აქტივობაში ჩართვის შესაძლებლობას მისცემს. გახსნის ღონისძიებას მუსიკა, გასართობი აქტივობები და FIFA-ს კიბერსპორტის ტურნირი ახლდა. როგორია ახალი სივრცე და რა მნიშვნელობა აქვს პროექტს სტუდენტებისთვის? #ახალიამბები #BusinessMediaGeorgia
“ამბასადორი აილენდ ბათუმის” პარტნიორობით, ქალაქ ბათუმში, სასტუმრო Courtyard by Marriott-ში, უძრავი ქონებისა და დეველოპერული სექტორის ღონისძიება GREMO 2026, „უძრავი ქონების პროსპექტისა” და „ბიემჯის” თანაორგანიზებით გაიმართა, რომელმაც დარგის ლიდერები, ინვესტორები, ექსპერტები და ბიზნესის წარმომადგენლები გააერთიანა. ფორუმის ფარგლებში, რომლის მთავარ თემას საქართველოში მაღალი კლასის კურორტებისა და თანამედროვე დეველოპერული პროექტების განვითარება წარმოადგენდა, საერთაშორისო საკონსულტაციო და საინჟინრო კომპანია ARUP-ის ურბანული დაგეგმარების უფროსმა სპეციალისტმა მუსტაფა აიმ, „ჭკვიანი ქალაქის“ კონცეფცია წარადგინა. ARUP-ის, უფროსმა ურბანისტმა, დამსწრე აუდიტორიას, ძირითადი მდგენელები გააცნო და ის მიდგომები გააზიარა, რომლებიც მსოფლიოს მასშტაბით თანამედროვე ქალაქებისა და ტურისტული მიმართულებების განვითარების პროცესში გამოიყენება. #ახალიამბები #BusinessMediaGeorgia
გლობალური ბირჟების მიმოხილვა / 18.06.2026 #ახალიამბები #BusinessMediaGeorgia
#საქმიანიდილა - 18 ივნისი - პროლოგი #ახალიამბები #BusinessMediaGeorgia
ილია თოფურიამ ვაშინგტონის საავადმყოფო დატოვა #ახალიამბები #BusinessMediaGeorgia
ორი ქართული კომპანიის IMERI-სა და GDB Agro-ს შორის თანამშრომლობა შედგა. ეს პარტნიორობა აერთიანებს სოფლის მეურნეობის თანამედროვე წარმოებასა და მომხმარებლამდე ხარისხიანი პროდუქტის ეფექტიან მიწოდებას, რაც ბაზარზე კიდევ უფრო მაღალი სტანდარტების დამკვიდრებას შეუწყობს ხელს. დღეს, როდესაც მომხმარებლისთვის განსაკუთრებულ მნიშვნელოვანია პროდუქტის ხარისხი, წარმომავლობა და სანდოობა, მსგავსი თანამშრომლობა ქმნის სრულ და გამჭვირვალე ჯაჭვს, მიწიდან საბოლოო მომხმარებლამდე. ლაგოდეხში, თანამედროვე აგროტექნოლოგიებისა და საერთაშორისო სტანდარტების დაცვით, GDB Agro აწარმოებს პროდუქტს, ხოლო IMERI უზრუნველყოფს, რომ ეს პროდუქტი მომხმარებლამდე უცვლელი ხარისხით და უსაფრთხოების ყველა მოთხოვნის დაცვით მივიდეს. რას ცვლის ქართულ ბაზარზე ეს პარტნიორობა და რა სტანდარტებზე შეიძლება გავიდეს სოფლის მეურნეობის პროდუქცია, მიწიდან დახლამდე? სტუმრები: ნიკა კიკნაძე - "იმერის" დამფუძნებელი; ივა ჭყონია - "ჯიდიბი აგროს" სამეთვალყურეო საბჭოს თავმჯდომარე #ახალიამბები #BusinessMediaGeorgia
ათწლეულების განმავლობაში შვეიცარია გლობალური კაპიტალის მთავარ და ხელშეუხებელ ნავსაყუდელად ითვლებოდა, თუმცა ფინანსურ სამყაროში ახლა ისტორიული გადაწყობა მიმდინარეობს. მსოფლიოს მთავარი სეიფის სტატუსი ევროპულმა ცენტრმა ოფიციალურად დაკარგა და ეს პოზიცია უკვე ჰონგ-კონგს ეკუთვნის. გეოპოლიტიკური რისკებისა და არასტაბილურობის ფონზე, მსხვილმა ინვესტორებმა აქტივების მასობრივად აზიისკენ გადატანა დაიწყეს. რატომ აგებს ტრადიციული ევროპული საბანკო სისტემა კონკურენციას აღმოსავლეთთან და სად მიედინება დღეს ტრანსსასაზღვრო მილიარდები უსაფრთხოების გარანტიების მისაღებად #ახალიამბები #BusinessMediaGeorgia
Sky Castle - აჭარაში მშენებარე სასტუმრო - European Village ახალი პროექტი ზღვისპირეთში ✔️ Wyndham Grand Batumi Gonio Sky Castle-ის პრეზენტაცია შედგა ✔️ All Inclusive კონცეფციის პირველი კომპლექსი საქართველოში - რით იქნება ის გამორჩეული? ✔️ რას შესთავაზებს პირველი All Inclusive სერვისი საქართველოში მომხმარებლებს? ✔️ რატომ შეირჩა საერთაშორისო ბრენდი Wyndham Grand? ✔️ ვინ იქნებიან სასტუმროს სტუმრები? ✔️ რატომ არის პროექტი ყველაზე ძვირადღირებული საქართველოში? ✔️ “პროექტი ინვესტორებს მშენებლობის ეტაპზევე გარანტირებულ შემოსავალს სთავაზობს” ✔️ რას უნდა ელოდონ ინვესტორები სასტუმროს ექსპლუატაციაში გაშვების შემდეგ? ინტერვიუ: არჩილ ფარტენაძე - European Village-ის გენერალური დირექტორი #ახალიამბები #BusinessMediaGeorgia
ტურიზმის ეროვნული ადმინისტრაცია რაჭაში ახალი კურორტების განვითარების კონცეპტუალურ დიზაინს გამარტივებული შესყიდვით ყიდულობს. შესყიდვის ღირებულება 335 134 აშშ დოლარია. თანდართული დოკუმენტაციის მიხედვით, გამარტივებული შესყიდვის შესახებ გადაწყვეტილებაში გარკვეული ცვლილებები განხორციელდა. კერძოდ, პროექტი თავდაპირველად კურორტების განვითარების სააგენტომ დაიწყო, თუმცა ინსტიტუციური რეორგანიზაციების შემდგომ, მისი ფუნქციები ტურიზმის ეროვნულ ადმინისტრაციას გადაეცა. ტურიზმის ეროვნული ადმინისტრაცია ხელშეკრულების პირობების შეცვლას და პროექტის დასრულების ვადების გადაწევას ითხოვს.როგორ აფასებენ გადაწყვეტილებას და რა მოლოდინები აქვთ რაჭაში მოქმედ ბიზნესებს და მათ მფლობელებს? სტუმარი: არჩილ გურგენიძე - "საყუდელას" დამფუძნებელი #ახალიამბები #BusinessMediaGeorgia
მსოფლიოში ეკონომიკური წნეხის ფონზე სულ უფრო მეტი ქვეყანა ეყრდნობა საერთაშორისო სავალუტო ფონდის დაფინანსებას - 2026 წლის აპრილის მონაცემებით, სესხების განაწილებაში აშკარა ლიდერია არგენტინა, რომლის დავალიანება სხვა ქვეყნებს მნიშვნელოვნად აღემატება, მაშინ როცა უკრაინა, ეგვიპტე და პაკისტანი მსხვილ მსესხებელთა რიგს ავსებენ; პარალელურად, მცირე ეკონომიკებისთვის, როგორიც სურინამია, ვალის ტვირთი კიდევ უფრო მძიმედ აისახება, ხოლო საქართველო რეიტინგში შედარებით დაბალ, 44-ე პოზიციას იკავებს. რატომ მიმართავენ ქვეყნები ფონდის დახმარებას, რა პირობებს უკავშირდება ეს სესხები და როგორ გავლენას ახდენს მსგავსი ფინანსური მხარდაჭერა ეკონომიკურ სტაბილურობაზე? #ახალიამბები #BusinessMediaGeorgia
საქართველოს საბანკო სექტორის მიმოხილვა (აპრილი/2026) სტუმარი: ალექსანდრე ძნელაძე - "საქართველოს საბანკო ასოციაცია", პრეზიდენტი #ახალიამბები #BusinessMediaGeorgia
„საქართველოს ბანკი“ მეწარმეობის მხარდაჭერას აქტიურად განაგრძობს. ამ მიზნით, ბათუმში „მეწარმე ქალთა განვითარების პროგრამის“ მე-18 ნაკადი გაიმართა. მის ფარგლებში, მონაწილე ქალ მეწარმეებს შესაძლებლობა მიეცათ, ჩართულიყვნენ ინტენსიურ ვორკშოპებში და ბიზნესის მართვისა თუ განვითარების კუთხით ცოდნა და პრაქტიკული უნარები გაეღრმავებინათ.„მეწარმე ქალთა განვითარების პროგრამა“ გაეროს განვითარების პროგრამის, შვედეთის მთავრობის, ევროპის რეკონსტრუქციისა და განვითარების ბანკისა და „საქართველოს ბანკი ბიზნესის“ ხელშეწყობით ხორციელდება. პროგრამა 360-გრადუსიან მხარდამჭერ პლატფორმას წარმოადგენს, რომელიც ქალ მეწარმეებს სრულფასოვან ეკოსისტემას სთავაზობს - იდეის ჩამოყალიბებიდან მის წარმატებულ განხორციელებამდე. #ახალიამბები #BusinessMediaGeorgia
თანამედროვე მოთხოვნებს სრულიად ახალი სტანდარტის პროექტი - „ახალი ატრიუმი“ პასუხობს. თიბისის ფინანსური მხარდაჭერით მიმდინარე 15-მილიონიანი მეგა-პროექტი კომპანიებს პრემიუმ-კლასის, დამოუკიდებელ ეკოსისტემას სთავაზობს. ბიზნესცენტრში გაყიდვები მხოლოდ რამდენიმე თვეა რაც დაიწყო და ბიზნესებს ახლა აქვთ საუკეთესო შესაძლებლობა, სრულად საკუთარ საჭიროებებზე მორგებული, სასურველი გეგმარებისა და კვადრატულობის ფართი შეიძინონ. რა ინფრასტრუქტურას აერთიანებს შენობა და როგორ იქცა ეს პროექტი გარანტირებულ საინვესტიციო წარმატებად? #ახალიამბები #BusinessMediaGeorgia
გლობალურ საავტომობილო ბაზარზე კომპაქტური SUV-ების სეგმენტის პიონერი და უცვლელი ლიდერი — Toyota RAV4 ევოლუციის ახალ ეტაპზე გადადის. მოდელმა, რომელიც მსოფლიოს 180 ქვეყანაში 15 მილიონზე მეტი ტირაჟით არის რეალიზებული, რეგიონული ბაზრებისთვის მეექვსე თაობის პრეზენტაცია გურიაში გამართა. კომპანია „ტოიოტა კავკასიამ“ შეკვეთილში, განახლებული ჰიბრიდული მოდელების დიზაინერული, ტექნოლოგიური და დინამიკური შესაძლებლობები წარადგინა. როგორ ართმევს თავს მე-6 თაობის RAV4 გურიის რთულ გეოგრაფიულ რელიეფს, რა საოპერაციო ეფექტიანობას აჩვენებს განახლებული ჰიბრიდული აგრეგატი და რა ციფრულ ეკოსისტემას სთავაზობს მწარმოებელი მომხმარებელს? #ახალიამბები #BusinessMediaGeorgia
მსოფლიოს ერთ-ერთი ყველაზე მასშტაბური საფეხბურთო კამპანიაც. ფიფასა და კოკა-კოლას მრავალწლიანი პარტნიორობის ფარგლებში, საქართველოც გლობალური საფეხბურთო ზეიმის ნაწილი გახდა. კომპანია „კოკა-კოლა ბოთლერს ჯორჯიამ“ FIFA World Cup 2026-ისადმი მიძღვნილი სპეციალური კამპანია დაიწყო, რომელიც ფეხბურთის გულშემატკივრებს მრავალფეროვან აქტივობებს, პრიზებსა და განსაკუთრებულ შესაძლებლობებს სთავაზობს. რა ელოდებათ მომხმარებლებს და როგორ შეუძლიათ მსოფლიოს ჩემპიონატის ემოციების გაზიარება? #ახალიამბები #BusinessMediaGeorgia
გლობალური ბირჟების მიმოხილვა / 17.06.2026 #ახალიამბები #BusinessMediaGeorgia
#საქმიანიდილა - 17 ივნისი - პროლოგი #ახალიამბები #BusinessMediaGeorgia
GREMO 2026 / როგორ ჩაიარა უძრავი ქონების კონფერენციამ ბათუმში? სტუმრები: თათია ჩაფიჩაძე - "უძრავი ქონების პროსპექტი", ავტორი&წამყვანი; გუგა კობახიძე - Prospect, CEO #ახალიამბები #BusinessMediaGeorgia
NEXT LEVEL: მაღალი კლასის კურორტები & დეველოპმენტი - GREMO 2026
ევროპაში პენსიონერების ფინანსური მდგომარეობა გაცილებით განსხვავებულია, ვიდრე ერთი შეხედვით შეიძლება ჩანდეს. მაშინ, როცა ლუქსემბურგში საპენსიო ასაკის მოქალაქეების მედიანური წმინდა ქონება მილიონ ევროს აჭარბებს, ბალტიის ქვეყნების ნაწილში ეს მაჩვენებელი ათჯერ და მეტჯერ ნაკლებია. რა განსაზღვრავს ამ განსხვავებას, რატომ არ ნიშნავს მაღალი პენსია ყოველთვის მაღალ სიმდიდრეს და რა როლს თამაშობს უძრავი ქონება, მემკვიდრეობა და სოციალური სისტემები მოქალაქეების ფინანსურ კეთილდღეობაში? #ახალიამბები #BusinessMediaGeorgia
ნიუ-იორკში როკფელერის ცენტრში ქართველი მხატვრის მანანა სურმანიძის გამოფენა გაიმართა. ის მეორე ქართველი მხატვარია, ვინც ამ სივრცეში მოხვდა და როკფელერების ცენტრის შესაბამისი მოთხოვნები დააკმაყოფილა. მისი ნამუშევრების ფასი $3000-დან იწყება და ის უკვე რამდენიმე ამერიკელი კოლექციონერის სახლშია განთავსებული #ახალიამბები #BusinessMediaGeorgia
ქართული საგანმანათლებლო ტექნოლოგიური სტარტაპი NODI არის პერსონალიზებული სწავლების პლატფორმა, რომელიც ხელოვნური ინტელექტისა და თანამედროვე ტექნოლოგიების გამოყენებით მოსწავლეებს მათ ინდივიდუალურ საჭიროებებზე მორგებულ სასწავლო გამოცდილებას სთავაზობს. პლატფორმა მოსწავლესთან ინტერაქციის საფუძველზე ადგენს მის საწყის ცოდნის დონეს, ავლენს ცოდნაში არსებულ ხარვეზებს და სწორედ ამ ანალიზზე დაყრდნობით სთავაზობს პერსონალიზებულ სასწავლო მასალებს, დავალებებსა და განმარტებებს. სტუმარი: ქეთი ბურდული - NODI, დამფუძნებელი და აღმასრულებელი დირექტორი #ახალიამბები #BusinessMediaGeorgia
გლობალური ბირჟები&ინდექსები - Galt & Taggart-ის მიმოხილვა / Global Markets Weekly Update სტუმარი: მარიამ ნატროშვილი - Galt & Taggart, კაპიტალის ბაზრების ანალიტიკოსი #ახალიამბები #BusinessMediaGeorgia
მსოფლიო ფინანსურმა ბაზარმა ახალი ეპოქის ათვლა დაიწყო - SpaceX-ის აქციების ისტორიულმა განთავსებამ უოლ-სტრიტის ყველა წინა რეკორდი მოხსნა და ილონ მასკი პლანეტის პირველ ტრილიონერად აქცია. მიუხედავად იმისა, რომ კომპანია მიმდინარე ანგარიშებით ჯერ კიდევ მილიარდობით დოლარს კარგავს, საფინანსო ელიტამ კოსმოსურ ხედვაში უპრეცედენტო კაპიტალი დააბანდა. რატომ ყიდულობენ ინვესტორები მარსის კოლონიზაციის იდეას და როგორ შეცვალა SpaceX-ის პირველადმა საჯარო შეთავაზებამ გლობალური ინვესტირების წესები? #ახალიამბები #BusinessMediaGeorgia
"ავერსის" რუბრიკა აკნეს შესახებ ცნობიერების ამაღლების თვეს ეძღვნება. აკნე მსოფლიოში ერთ-ერთი ყველაზე გავრცელებული ქრონიკული ანთებითი დერმატოლოგიური მდგომარეობაა, რომელიც განსაკუთრებით ხშირია მოზარდებსა და ახალგაზრდებში, თუმცა ის ნებისმიერ ასაკში შეიძლება განვითარდეს. თანამედროვე კვლევები აჩვენებს, რომ დაავადების გავრცელება კვლავ მზარდია და მის განვითარებაში არაერთი ფაქტორი მონაწილეობს, მათ შორის ცხიმოვანი ჯირკვლების მომატებული აქტივობა, ფოლიკულების დახშობა, ანთებითი პროცესები, კანის მიკრობიომის ცვლილებები, ჰორმონული გავლენები და გენეტიკური წინასწარგანწყობა. აკნე მხოლოდ ესთეტიკურ გამოწვევას არ წარმოადგენს. ის მნიშვნელოვან გავლენას ახდენს ცხოვრების ხარისხზე, ემოციურ მდგომარეობასა და სოციალურ აქტივობაზე, რაც დაავადებისადმი სწორი და კომპლექსური მიდგომის მნიშვნელობას კიდევ უფრო ზრდის. სწორედ ამიტომ, დღევანდელ ეთერში ვისაუბრებთ აკნეს თანამედროვე მართვის პრინციპებზე, კანის სწორ მოვლაზე, პრევენციის მნიშვნელობასა და იმ დერმოკოსმეტიკურ საშუალებებზე, რომლებიც ხელს უწყობს როგორც არსებული გამონაყარის შემცირებას, ისე ახალი დაზიანებების პრევენციას. სტუმარი: ზაზა თელია - დერმატოვენოროლოგი და მედიცინის დოქტორი #ახალიამბები #BusinessMediaGeorgia
ევოლუციური იდეიდან გლობალურ ინდუსტრიამდე - კომპანია, რომელმაც ავტომობილი მდიდრების ფუფუნებიდან მასობრივი მოხმარების პროდუქტად აქცია. როგორ შეძლო ჰენრი ფორდმა ერთი პატარა ავტოსახელოსნოდან მსოფლიოს ერთ-ერთი უდიდესი ავტოკომპანიის შექმნა, რატომ იქცა კონვეიერი მეოცე საუკუნის ინდუსტრიული ეპოქის სიმბოლოდ და როგორ გადალახა „ფორდმა“ ეკონომიკური კრიზისები, მსოფლიო ომები და ელექტრომობილების ეპოქის გამოწვევები - ამერიკული ავტოგიგანტის 123-წლიან ისტორია #ახალიამბები #BusinessMediaGeorgia
#საქმიანიდილა - 16 ივნისი - პროლოგი #ახალიამბები #BusinessMediaGeorgia
რომელ ქვეყანას შეეძლო ჰქონოდა ყველაზე ძვირად ღირებული ორდენი? ყველაზე მდიდარს, იქნებოდა ლოგიკური პასუხი. ფაქტები კი ამბობენ რომ ერთ-ერთი ყველაზე ძვირადღირებული ორდენი პროლეტარების ქვეყანას ჰქონდა და დღემდე ასე რჩება. ვისი დიზაინით შეიქმნა? სტალინის. რამდენი? 22 ცალი. და რამდენ ხანს შეეძლო ჰქონოდა ის მფლობელს? პასუხს "1001 ამბავში" გაიგებთ მეორე მსოფლიო ომის დროს გამოშვებული გამარჯვების ორდენი დღემდე ყველაზე ძვირადღირებულ ორდენებს შორისაა. გარდა იმისა რომ ის ძვირფასი ოქროთი პლატინითა და ბრილიანტებითაა - ის შეზღუდული რაოდენობის იყო და ესეც განსაზღვრავდა და განსაზღვრავს მის ფასს რომელიც 10-დან 20 მილიონამდე მერყეობს. #ახალიამბები #BusinessMediaGeorgia
BMG-ის გადამღები ჯგუფი ამ უქმეებზე, რამდენიმე მიზეზით ვსტუმრობდით დასავლეთ საქართველოს და ერთ ვიზიტში რამდენიმე კუთხე და რეგიონიც ჩავატიეთ. აჭარიდან, გურიაში და კონკრეტულად ნაბეღლავში ჩვენ ვიზიტსაც თავის მიზეზი ჰქონდა. ვეწვიეთ წყალი მარგებელის საწარმოს, რომელიც უახლესი ტექნიკით სრულად განახლებულია და თან ბრენდების მრავალფეროვნებითაც გამოირჩევა, ამჯერად ჩვენი ვიზიტის და სიუჟეტის მომზადების მიზანს ავსტრიული რაუხი და მისი ფლაგმანი ბრენდი ჰეფი დეი წარმოადგენს, რომელსაც ქართველი მომხმარებელი კარგად იცნობს, თუმცა ცოტამ თუ იცის რომ ნატურალური წვენი ჰეფი დეი, საქართველოში, წყალი მარგებელის საწარმოში, კონკრეტულად სოფელ ნაბეღლავში იწარმოება. #ახალიამბები #BusinessMediaGeorgia
საქართველოს უნივერსიტეტში სკოლის მოსწავლეებისთვის შექმნილი ინოვაციური კონკურსის - „UG ინოვატორის“ ფინალური Demo Day გაიმართა, სადაც 10-მა ფინალისტმა გუნდმა საკუთარი პროექტები ჟიურის წინაშე წარადგინა. მრავალეტაპიანი კონკურსის შედეგად გამოვლინდნენ ის ახალგაზრდები და მასწავლებლები, რომლებმაც ყველაზე წარმატებით შეძლეს რეალური პრობლემების ინოვაციურ გადაწყვეტებად გარდაქმნა. გამარჯვებულ გუნდებს გადაეცათ ფულადი ჯილდოები - 5000, 3000 და 2000 ლარის ოდენობით. სპეციალური პრიზებით დაჯილდოვდნენ გამარჯვებული გუნდების მენტორ-მასწავლებლებიც, ხოლო გამარჯვებულ სკოლებს საპატიო სიგელები გადაეცათ. კონკურსის ყველა მონაწილემ მიიღო მონაწილეობის სერტიფიკატი. #ახალიამბები #BusinessMediaGeorgia
კინოპრემია „ელისო“ 2026 წლის გამარჯვებული კინემატოგრაფისტები, ტრადიციულად 14 ივნისს გურჯაანში, ნატო ვაჩნაძის სახლ-მუზეუმში გამოვლინდნენ. კინოდაჯილდოება „ელისო“ უკვე მესამედ გაიმართა. ღონისძიებაზე, რომლის მთავარი პარტნიორიც “კოკა-კოლა ბოთლერს ჯორჯიაა” 2025 წლის ქართულ მხატვრულ და დოკუმენტურ კინოში გამორჩეული ნამუშევრები გამოვლინდა. აღსანიშნავია, რომ „ელისო“, რომელიც 2024 წლიდან იმართება, საქართველოში ერთადერთი მოქმედი პროფესიული კინოდაჯილდოებაა და ქართული კინოს განვითარებასა და ახალი ავტორების მხარდაჭერას ემსახურება. წლევანდელ კონკურსზე 11 ფილმი იყო წარმოდგენილი, ხოლო ნამუშევრებს ქართველი და საერთაშორისო კინოპროფესიონალებისგან შემდგარი ჟიური აფასებდა. გამარჯვებულები 6 ნომინაციაში დაასახელა - საუკეთესო ფილმი, რეჟისორი, ოპერატორი, მსახიობი, მონტაჟი და წელს პირველად დამატებული კატეგორია - საუკეთესო კინომუსიკა. ცალკე გამოვლინდა ნატო ვაჩნაძის პრემიის ლაურეატი, რომელიც უკვე მეორე წელია კომპანია „კოკა-კოლა ბოთლერს ჯორჯიას“ მხარდაჭერით გაიცემა და ქალთა როლის გაძლიერებას ემსახურება. წლევანდელი ჯილდო ფოტოგრაფ ნათელა გრიგალაშვილს გადაეცა. გარდა ამისა, ღონისძიებაზე სტუმრებს ასევე Coca-Cola MIX ბარი და ბრენდირებული სივრცე დახვდათ, სპეციალური კოქტეილებითა და პროდუქციით. #ახალიამბები #BusinessMediaGeorgia
გლობალური ბირჟების მიმოხილვა / 16.06.2026 #ახალიამბები #BusinessMediaGeorgia
შვეიცარული მილიარდიანი საინვესტიციო ფონდი ქართული ფინტექ-კომპანიის პარტნიორი გახდა. ვალუტის ონლაინ კონვერტაციის პლატფორმა „კურსი.ჯი“-მ და შვეიცარულმა ფონდმა „სიმბიოტიკსმა“ სტრატეგიული თანამშრომლობა დაიწყეს. მოზიდული ევროპული კაპიტალი ქართულ კომპანიას საშუალებას აძლევს, გააფართოოს ოპერაციები და ბაზარს კიდევ უფრო მოქნილი, იაფი სერვისი შესთავაზოს. რა იცვლება მომხმარებლისთვის და რას ნიშნავს ეს გარიგება ადგილობრივი ფინანსური ბაზრისთვის? #ახალიამბები #BusinessMediaGeorgia
2026 წლის მაისში თბილისში ახალ პროექტებში ტრანზაქციების რაოდენობა გასული წლის მაისთან შედარებით 15.3%-ით გაიზარდა. ზრდა დაფიქსირდა ახალაშენებული ბინების როგორც პირველად (11.4%), ისე მეორეულ ბაზრებზე (20.7%). მეორეულ ბაზარზე ზრდის 40% სამგორის უბანზე მოდის. ტრანზაქციების რაოდენობა 5.1%-ით გაიზარდა ძველ პროექტებშიც. თბილისში, როგორც ძველ ისე ახალ პროექტებში ტრანზაქციების უმეტესობა საქართველოს მოქალაქეებზე ნაწილდება, უცხოეთის მოქალაქეების წილი კი 2026 წლის მაისში მხოლოდ 11.4% იყო. რაც შეეხება ბათუმს, 2026 წლის მაისში ბათუმში საცხოვრებელი ბინების ტრანზაქციების რაოდენობა გასული წლის მაისთან შედარებით მცირედით 2.5%-ით გაიზარდა და 1,324 ერთული შეადგინა, ბაზრის ზომა კი 22.2%-ით 87 მილიონ აშშ დოლარამდე ზრდას აჩვენებდა. სტუმარი: ლეო ჩიქავა - Colliers Georgia-ს კვლევებისა და მონაცემთა სერვისების ხელმძღვანელი; #ახალიამბები #BusinessMediaGeorgia
წისქვილკომბინატები ფქვილის სავალდებულო მარკირების დაწყებას ითხოვენ. მიზანი ბაზარზე ჩრდილოვანი სეგმენტის და ხორბლის არალეგალური გადამუშავების შემცირებაა. სექტორში არსებული ვითარების მოწესრიგების გარდა მოლოდინია, რომ მოსახლეობა უფრო ხარისხიან პროდუქტს მიიღებს. რა ეტაპზეა სამინისტროსთან სავალდებულო მარკირების შემოღებასთან დაწყებული მოლაპარაკებები? სტუმარი: ლევან სილაგავა - ხორბლისა და ფქვილის მწარმოებელთა ასოციაციის აღმასრულებელი დირექტორი; #ახალიამბები #BusinessMediaGeorgia
საგზაო უსაფრთხოებისა და ადმინისტრაციული სანქციების სისტემის სრულყოფის მიზნით მომზადებულ საკანონმდებლო წინადადებას, რომელზეც ავტოიმპორტიორთა და ავტომფლობელთა ასოციაცია უკვე დიდი ხანია მუშაობს, პარლამენტს ვადაზე ადრე წარუდგენენ. როგორც ასოციაციის თავმჯდომარე ალექსი ნონიაძე აცხადებს, ინიციატივის ოფიციალური წარდგენა თავდაპირველად საშემოდგომო სესიისთვის იყო დაგეგმილი, თუმცა პრემიერ-მინისტრისა და პარლამენტის წევრების მიერ ბოლო პერიოდში გაკეთებული განცხადებების გათვალისწინებით, გადაწყვეტილება შეიცვალა. ნონიაძის შეფასებით, ადმინისტრაციული სანქციების ეფექტიანობა მხოლოდ მათი სიმკაცრით არ განისაზღვრება და მნიშვნელოვანი როლი ენიჭება სამართლიანობის, პროპორციულობისა და პრევენციული ფუნქციის პრინციპებს. მისი თქმით, მისასალმებელია მიდგომა, რომლის მიხედვითაც გარკვეული ტიპის სამართალდარღვევების შემთხვევაში, პირველ ეტაპზე პრიორიტეტი გაფრთხილებას ენიჭება და არა ფინანსურ სანქციას. რას ითხოვს ასოციაცია? სტუმარი: ალექსი ნონიაძე - ავტოიმპორტიორთა და ავტომფლობელთა ასოციაციის ხელმძღვანელი; #ახალიამბები #BusinessMediaGeorgia
შინაგან საქმეთა სამინისტრომ „მიგრაციული პროცესების მართვის მიზნით“ საკანონმდებლო ცვლილებათა ახალი პაკეტი მოამზადა, რაც უცხოელთა საქართველოში ყოფნისა და ბინადრობის წესებს მნიშვნელოვნად ამკაცრებს. აღნიშნული ცვლილებებით: სასწავლებლებს უცხოელი სტუდენტების მიღების მაქსიმალური კვოტები დაუწესდებათ, სტუდენტებს კი სასწავლებლებში მისასვლელად დამატებითი წინაპირობები. უნივერსიტეტებმა უცხოელი სტუდენტების შესახებ მთელი რიგი ინფორმაცია „ერთიან საინფორმაციო სისტემაში“ უნდა ასახონ. რამდენი იქნება ეს კვოტა ან რა პრინციპით განისაზღვრება, იქნება თუ არა განსხვავებული ფაკულტეტების მიხედვით, - კითხვებზე დადასტურებული პასუხები ჯერჯერობით უცნობია. უცხოელი სტუდენტების მიერ გადახდილი სწავლის გადასახადი არაერთი კერძო უნივერსიტეტისთვის, მნიშვნელოვან წყაროს წარმოადგენს. რიგ კერძო უნივერსიტეტებში ქართველი სტუდენტებისთვის განსაზღვრული დაბალი გადასახადს სწორედ უცხოელი სტუდენტები აბალანსებენ. რა გავლენას იქონიებს მომზადებული ცვლილებათა პაკეტი სასწავლო დაწესებულებებზე? სტუმარი: კოკა თოფურია - საქართველოს უნივერსიტეტის რექტორი #ახალიამბები #BusinessMediaGeorgia