სურსათის ფასები მსოფლიოში - რატომ არ აისახება ქართულ ბაზარზე გლობალური ტენდენცია? #ახალიამბები #BusinessMediaGeorgia
ყველაზე მოთხოვნადი მედიკამენტების ფასები #ახალიამბები #BusinessMediaGeorgia
საერთაშორისო სადაზღვევო საბროკერო კომპანია „მაი ჯორჯია“ 15 წლის გახდა. მაი ჯორჯია ევროპის ერთ-ერთი წამყვან სადაზღვევო საბროკერო ჯგუფს - MAI Central and Easter Europe-ს წარმოადგენს და მისი მომსახურებით ადგილობრივი და საერთაშორისო ორგანიზაციები სარგებლობენ. აღსანიშნავია ისიც, რომ კომპანიამ დაბადების დღის გარდა კიდევ ერთი მნიშვნელოვანი სიახლე აღნიშნა, MAI ჯგუფი ავსტრიულმა ჯგუფმა GrECo-მ შეიძინა და შესაბამისად ნოემბრიდან კომპანია ახალი სახელით განაგრძობს მოღვაწეობას. #ახალიამბები #BusinessMediaGeorgia
#საქმიანიდილა - 7 ნოემბერი - პროლოგი #ახალიამბები #BusinessMediaGeorgia
ახალქალაქის ჰიდროელექტროსადგურმა ოპერირება დაიწყო. ჰიდროელექტროსადგური კავკასიის განახლებადი ენერგიის ფონდმა ისლანდიური სახელმწიფო ენერგიის მწარმოებელ კომპანია LANSVIRKJUN-თან და ადგილობრივ კომპანია HYDRO ENERGY-სთან ერთად განავითარა. პროექტის ჯამური ინვესტიცია 26 მილიონ დოლარს შეადგენს. ახალქალაქის ჰიდროელექტროსადგური, 9.1 მეგავატი დადგმული სიმძლავრით, 2022 წელს საქართველოში ექსპლუატაციაში შესულ ჰესებს შორის ყველაზე დიდია, 40 %-იანი წილით დადგმული სიმძლავრის მიხედვით. 2021 წლის მონაცემებით, მისი წილი 50 მილიონი კილოვატსაათი გამომუშავებით მცირე ჰიდროელექტროსადგურების გენერაციაში 6%-ს შეადგენს, ჰიდროელექტროსადგურების სრულ გენერაციაში კი - 0.5%-ს. პროექტის განვითარება ინდუსტრიის საუკეთესო პრაქტიკის გათვალისწინებით წარიმართა და პროცესში განსაკუთრებული ყურადღება გარემოსდაცვით, სოციალურ და პოზიტიური გავლენის მიმართულებებზე გამახვილდა. ახალქალაქი ჰესის მთავარი ფინანსური მხარდამჭერი თიბისი ბანკია, რომლის თანამონაწილეობაც პროექტის ფარგლებში, 9 მილიონ აშშ დოლარს შეადგენს. თიბისისა და კავკასიის განახლებადი ენერგიის ჰოლდინგის 5 წლიანი თანამშრომლობა ჯამში 7 ჰესს აერთიანებს, 38 მეგავატი ჯამური დადგმული სიმძლავრით. აღსანიშნავია, რომ მიმდინარე წელს საქართველოში 6 ჰესი გაეშვა ოპერირებაში, საიდანაც 4 მათგანი, 23 მეგავატი ჯამური დადგმული სიმძლავრით სწორედ თიბისის მიერ არის დაფინანსებული. საერთო ჯამში, ქვეყნის მასშტაბით, თიბისის მიერ 31 ჰიდროელექტროსადგურია დაფინანსებული, საიდანაც 20 მათგანი უკვე ოპერირებს, 11 კი მშენებლობის პროცესშია. აღნიშნული მიმართულებით თიბისის ჯამური პორტფელი 650 მილიონ ლარს შეადგენს. #ახალიამბები #BusinessMediaGeorgia
2022 წლის ოქტომბერში წლიური ინფლაციის დონე 10.6 პროცენტია. საქსტატის მიერ გამოქვეყნებული ანგარიშის მიხედვით, ინფლაციაზე ყველაზე დიდი გავლენა სურსათის გაძვირებამ იქონია. სურსათისა და უალკოჰოლო სასმელების ჯგუფში ფასები გაიზარდა 15.8 პროცენტით. ამ პერიოდში ყველაზე მეტად გაძვირდა პური და პურპროდუქტები, რძე, ყველი და კვერცხი და უალკოჰოლო სასმელები. ტრანსპორტის ჯგუფში ფასები გაიზარდა 11.6 პროცენტით. გაძვირებულია როგორც სატრანსპორტო მომსახურება, ისე პირადი სატრანსპორტო საშუალებების ექსპლუატაცია. საცხოვრებლის, წყლის, ელ.ენერგიისა და აირის ჯგუფში ფასები გაიზარდა 13.5 პროცენტით. საცხოვრებელზე ფაქტიური გადასახადი ყველაზე მეტად არის გაძვირებული, თუმცა მნიშვნელოვანი გაძვირება შეეხო საცხოვრებლის მოვლას და შეკეთებასაც. თებერვლიდან დაიწყება ინფლაციის შემცირება სხვა თანაბარ პირობებში და მიზნობრივ მაჩვენებელთან დაახლოება წლის მეორე ნახევარში უნდა მოხდეს, - ამის შესახებ ეროვნული ბანკის პრეზიდენტმა კობა გვენეტაძემ განაცხადა. სტუმარი: აკაკი ცომაია - საქართველოს უნივერსიტეტის პროფესორი, ეკონომიკური კვლევების ინსტიტუტის დირექტორი; #ახალიამბები #BusinessMediaGeorgia
2 ნოემბერს კვლევისა და მენეჯმენტის საკონსულტაციო კომპანია ACT-იმ „შრომის უფლებებისა და პირობების შესახებ შრომის კანონმდებლობაში შეტანილი ცვლილებებისთვის“ რეგულირების გავლენის შეფასების (RIA) დოკუმენტი გამოაქვეყნა. RIA-ს დოკუმენტი მოიცავს შრომის კოდექსში განხორციელებული რიგი ცვლილებების შეფასებას, რომლებიც 2020 წლის 29 სექტემბერს ამოქმედდა. პროექტის ფარგლებში შეფასდა ეკონომიკური და სოციალური გავლენის სხვადასხვა ასპექტი. სტუმრები: სოფო ჩაჩანიძე - "ეისითის" მმართველი პარტნიორი; ნესტან გაფრინდაშვილი - "ეისითის" უფროსი კონსულტანტი, ეკონომისტი, კვლევის ავტორი. #ახალიამბები #BusinessMediaGeorgia
პარლამენტმა 80-ხმით 9-ის წინააღმდეგ, პირველი მოსმენით - “დეოლიგარქიზაციის შესახებ“ კანონის პროექტი მიიღო. კანონპროექტით განიმარტება “ოლიგარქის“ ცნება; განისაზღვრება პირის ოლიგარქად ცნობისა და შესაბამის რეესტრში შეყვანის, ოლიგარქის რეესტრიდან ამორიცხვისა და აღნიშნული რეესტრის წარმოების საკითხები; პირის ოლიგარქად ცნობის სამართლებრივი შედეგები; გარკვეული პირების მიერ ოლიგარქსა და მის წარმომადგენელთან კონტაქტის თაობაზე შესაბამისი დეკლარაციების შევსების საკითხები. პროექტის მიხედვით, საზოგადოებრივ ცხოვრებაში მნიშვნელოვანი ეკონომიკური და პოლიტიკური წონის მქონე პირად - ოლიგარქად მიიჩნევა ფიზიკური პირი, რომელიც შემდეგი კრიტერიუმებიდან სულ მცირე სამს ერთდროულად აკმაყოფილებს: ა) მონაწილეობს პოლიტიკურ ცხოვრებაში ; ბ) გავლენას ახდენს მასობრივი ინფორმაციის საშუალებებზე მნიშვნელოვან ; გ) არის იმ მეწარმე იურიდიული პირის საბოლოო ბენეფიციარი, რომელსაც ბაზარზე დომინანტური მდგომარეობა უკავია და რომელიც ამ მდგომარეობას 1 წლის განმავლობაში ინარჩუნებს ან აუმჯობესებს; დ) მისი და იმ მეწარმე იურიდიული პირების აქტივების დადასტურებული ოდენობა, სადაც ის ბენეფიციარია, შესაბამისი წლის 1 იანვრის მდგომარეობით 1000 000-ჯერ აღემატება შრომისუნარიანი პირებისთვის დადგენილ საარსებო მინიმუმს. პირის საზოგადოებრივ ცხოვრებაში მნიშვნელოვანი ეკონომიკური და პოლიტიკური წონის მქონე პირად (ოლიგარქად) ცნობის შესახებ გადაწყვეტილებას პარლამენტი იღებს. კანონპროექტით, ოლიგარქებს სპეციალურ რეესტრში შეიყვანენ. რეესტრთან დაკავშირებულ წესებს, მათ შორის მისი შექმნისა და წარმოების წესებს, პარლამენტი დაამტკიცებს. რეესტრის შექმნასა და წარმოებას პარლამენტის აპარატი უზრუნველყოფს. სტუმარი: გიორგი დავითური - IDFI-ის მთავარი იურისტი; #ახალიამბები #BusinessMediaGeorgia
"საქართველოს ტურისტული პოტენციალის 30 % აქვს ათვისებული" - ასე ფიქრობს Hospitality Projects-ის დამფუძნებელი ვალერი ჩეხერია, რომელიც მაღალმხარჯველიანი ტურისტების მოსაზიდად ქვეყანაში, სამკურნალო ტურიზმის და გასტრონომიული ტურიზმის განვითარების აუცილებლობაზე საუბრობს. #bmgdrive-ის მგზავრი: ვალერი ჩეხერია - Hospitality Projects-ის დამფუძნებელი; მსოფლიოს ეკონომიკური ფორუმი Young Global Leaders-ის წევრი; SLOW GROUP-ის ბიზნესის განვითარების დირექტორი. ავტორები: ედგარ ყაზახაშვილი; რევაზ ნასიძე; ბექა ბაციკაძე. #ახალიამბები #BusinessMediaGeorgia
უცხოური ინვესტიციით შექმნილი მაი ჯორჯია 15 წლის გზადა. კომპანია, რომელიც საქართველოში 2007 წლიდან ოპერირებს, ევროპის ერთ-ერთი წამყვან სადაზღვევო საბროკერო ჯგუფს - MAI Central and Easter Europe-ს წარმოადგენს. ქართულ სადაზღვევო ბაზარზე მოღვაწეობის მანძილზე „მაი ჯორჯიას“ მიერ სადაზღვევო და გადამზღვევი კომპანიებისათვის მოზიდული სადაზღვევო პრემიის რაოდენობა 200 მილიონ ლარს აჭარბებს, ხოლო ქვეყნის ბიუჯეტში გადასახადების სახით ორ მილიონ ლარზე მეტია გადახდილი. სულ ცოტა ხნის წინ MAI ჯგუფი ავსტრიულმა ჯგუფმა GrECo-მ შეიძინა და შესაბამისად ნოემბრიდან კომპანია ახალი სახელით განაგრძობს მოღვაწეობას. სტუმრები: ლევან ჯიშკარიანი - სადაზღვევო ბროკერი, მაი ჯორჯიას გენერალური დირექტორი; ჯორჯ ვინტერი - GrECo International Holding AG-ის აღმასრულებელი დირექტორი; ტონი ბანოვაჩი - GrECo International Holding AG-ის ოპერაციული დირექტორი; ზვიად ვარდოსანიძე - GrECo Specialty GmbH-ის გენერალური დირექტორი. #ახალიამბები #BusinessMediaGeorgia
უძრავი ქონების პროექტების პირველ ეროვნულ დაჯილდოებაზე კრწანისი ვილა რეზიდენსი ნომინაციაში „დაბალი საცხოვრებელი შენობები“ ოქროს ჯილდოს მფლობელი გახდა. დაჯილდოვების ცერემონიამდე კომპანიამ ასევე მონაწილეობა მიიღო კონფერენციაში „მწვანე ჭკვიანი და სიცოცხლით სავსე ქალაქები“, სადაც მსოფლიოს სხვადასხვა ქვეყნიდან მოწვეულ უძრავი ქონების სექტორის წარმომადგენლებს საკუთარი პროექტები გააცნეს. ღონისძიება FIABCI Georgia-ს, Property Georgia-სა და Expo Georgia-ს ორგანიზებით, საქართველოსა და კავკასიის რეგიონში პირველად გაიმართა და მისი მიზანია, საქართველო საერთაშორისო რუკაზე პოზიციონირებდეს, როგორც მაღალი დონის, საინტერესო პროექტების განმავითარებელი ქვეყანა. სტუმრები: ბექა ფაშალიშვილი - "ვილა რეზიდენსის" გაყიდვების დეპარტამენტის ხელმძღვანელი; კესო კაციტაძე - "ვილა რეზიდენსის" საზოგადოებასთან ურთოერთობების მენეჯერი. #ახალიამბები #BusinessMediaGeorgia
საავტომობილო ბაზარი: აწმყო & მომავალი გიორგი თოლორდავა, BMG-ის ანალიტიკოსი გიორგი არონია, Forbes Georgia-ს ანალიტიკოსი სტუმარი: პეტრე წაქაძე - „პორშე ცენტრი თბილისის“ დირექტორი; #ახალიამბები #BusinessMediaGeorgia
Globalize მორიგ კონფერენციას ლონდონში მართავს. სან ფრანცისკოსა და პარიზის კონფერენციების წარმატებით დასრულების შემდეგ, ქართველი სტარტაპერები და ექსპორტიორები ლონდონში შეიკრიბებიან. კონფერენციაზე საქართველოდან ჩასულ სტარტაპერებს შესაძლებლობა ექნებათ ადგილზე შეხვდნენ, ბრიტანეთში მოღვაწე ქართული დიასპორის წარმომადგენლებს, ინვესტორებს, ადგილობრივ ტექ ქომუნითის, სავაჭრო ორგანიზაციებს და სხვა საჭირო პარტნიორებს, რაც ქართულ კომპანიებს მნიშვნელოვანი კავშირების დამყარებაში დაეხმარება და მომავალში მათ ევროპის ბაზარზე გაფართოებას შეუწყობს ხელს. Globalize-ის მორიგი კონფერენცია “GITA”-ს, USAID-ის ეკონომიკური უსაფრთხოების პროგრამის და “საქართველოს ბანკი ბიზნესის” მხარდაჭერით ხორციელდება. #ახალიამბები #BusinessMediaGeorgia
პოლიეთილენის პარკები ბაზარზე - რატომ არ მუშაობს კანონი? #ახალიამბები #BusinessMediaGeorgia
#საქმიანიდილა - 4 ნოემბერი - პროლოგი #ახალიამბები #BusinessMediaGeorgia
ესპანური ხომალდის ჩაძირვის შედეგად, ოთხი საუკუნის განმავლობაში დაკარგული ზურმუხტის ბეჭედი დეკემბერში აუქციონზე გამოჩნდება. Perdue Farms-ის ყოფილი აღმასრულებელი დირექტორის ქვრივი დაკარგული ბეჭდის გაყიდვასა და ჰუმანიტარული მიზნებისთვის თანხის სრულად უკრაინისთვის გადაცემას გეგმავს. ცნობილი ესპანური გალეონი “Nuestra Señora de Atocha” 1622 წელს, დღევანდელი ფლორიდის სანაპიროსთან, ქარიშხლის შედეგად ჩაიძირა, მასთან ერთად ზღვის ფსკერზე აღმოჩნდა 6.25-კარატიანი რვაკუთხა ფორმის ზურმუხტიც. 1985 წელს მყვინთავმა მელ ფიშერმა განაცხადა, რომ განძზე მონადირეთა გუნდმა, მისი ხელმძღვანელობით, Atocha-ს მთავარი კორპუსი აღმოაჩინა. Atocha-ს კორპუსზე ნაპოვნ ძვირფასეულობებს შორის იყო: 180,000 მონეტა, 24 ტონა ბოლივიური ვერცხლი, 125 ოქროს ზოდი და კოლუმბიაში მოპოვებული დაუმუშავებელი ზურმუხტის კოლექცია. Atocha-ს განძი 1985 წელს $400 მილიონად (დღევანდელი $1.1 მილიარდი) შეფასდა. Perdue Farms-ის ყოფილი აღმასრულებელი დირექტორი, ამერიკის იმ ერთ-ერთი უმდიდრესი ოჯახის წარმომადგენელია, რომელმაც ექსპედიცია დააფინანსა, მოპოვებული განძიდან მიღებული წილის უმეტესობა ქველმოქმედებისთვის გაიღო, თუმცა ზურმუხტი შეინახა და მოგვიანებით, 1988 წელს, ნიშნობის დღეს მეუღლეს გადასცა. #ახალიამბები #BusinessMediaGeorgia
განსხვავებულად დაფინანსებული საერთაშორისო ფესტივალები ქეთი დოლიძე - რეჟისორი, ფესტივალი „საჩუქარის“ სამხატვრო ხელმძღვანელი; გაგა ჩხეიძე - თბილისის საერთაშორისო კინოფესტივალის დირექტორი #ახალიამბები #BusinessMediaGeorgia
ესპანური ხარისხი ქართულ ბაზარზე - “ინტერიორისიმო” - ნინჩო ჯიბლაძე ქალების ნარატივში სტუმარი: ნინჩო ჯიბლაძე - „ინტერიორისიმოს" თანადამფუძნებელი;
თბილისის მერიის ზედამხედველობის სამსახურმა მიმდინარე წელს, ბიოდეგრადირებადი და კომპოსტირებადი პარკების არ ქონის გამო 37 ობიექტი დააჯარიმა. მათ შორისაა, მსხვილი მაღაზიები, სავაჭრო ობიექტები და ქსელური სუპერმარკეტები. თავის მხრივ საწარმოების მონიტორინგს ახორციელებს გარემოს დაცვის ზედამხედველობის სამსახურიც სადაც აცხადებენ, რომ მხოლოდ გასულ თვეში თბილისსა და რეგიონებში 28 ობიექტი შემოწმდა, საიდანაც 9 საწარმოში პლასტიკისა და არაბიოდეგრადირებადი პარკების წარმოების ფაქტი გამოვლინდა. ნებისმიერი სისქის პლასტიკის პარკების წარმოება, იმპორტი და რეალიზაცია ქვეყანაში 2019 წლის ივლისიდან აკრძალულია. ამასთან, 2022 წლის 1-ლი სექტემბრიდან შეფუთვისთვის განკუთვნილი პარკის იმპორტისას, პარკის მწარმოებლის, სისქისა და შემადგენლობის მითითებასთან ერთად, პარკზე დატანილი უნდა იყოს პროდუქტის დასახელება, რის შესაფუთადაა პარკი განკუთვნილი. რა სიხშირით ხდება მონიტორინგი და როგორია შედეგები? სტუმარი: შოთა თუხარელი - თბილისის მუნიციპალური ინსპექციის განყოფილების უფროსი; #ახალიამბები #BusinessMediaGeorgia
რეფორმეტრის“ თანახმად, 2021 წელს საქართველოს წყალმომარაგების სისტემაში გაშვებული წყლის მოცულობიდან 73% (678 მლნ მ3) მიწოდებისას დაიკარგა. გასულ წელს, სისტემაში გაშვებული წყლის მოცულობიდან, მიწოდებისას დაკარგული წყალი 8 მლნ 484 ათასზე მეტ ადამიანს ეყოფოდა. აღსანიშნავია, რომ 2015-2020 წლებში საყოფაცხოვრებო სექტორში წყლის დანაკარგები მიწოდებისას კლებადი ტენდენციით ხასიათდებოდა, თუმცა 2021 წლის მდგომარეობით, მაჩვენებელი კვლავ მაღალ ნიშნულზეა. 2020 წელს წყალმომმარაგებელი საწარმოების მიერ აბონენტებისთვის მიწოდებული წყლის 65% (492 მლნ მ3) დაიკარგა. „რეფორმეტრის“ კვლევაში 2020 წლის დანაკარგებზე საუბრისას აღნიშნულია, რომ ინდიკატორი ასახავს წყლის აღების ადგილიდან მისი გამოყენების, ან გადაცემის ადგილამდე ფილტრაციის, აორთქლების, გაჟონვის, ავარიის, ან სხვა მიზეზის შედეგად დაკარგული წყლის მოცულობას. ინფორმაციისთვის, „რეფორმეტრი“ ISET-ის კვლევითი ინსტიტუტისა და USAID-ის ეკონომიკური მმართველობის პროგრამის ერთობლივი პროექტია, რომლის მიზანიც შერჩეული ეკონომიკური რეფორმების ანალიზი და რეფორმით დაინტერესებულ მხარეებს შორის დიალოგის ხელშეწყობაა. სტუმარი: გიორგი პაპავა - ISET-ის კვლევითი ინსტიტუტის წამყვანი ეკონომისტი #ახალიამბები #BusinessMediaGeorgia
1 ნოემბერს სასტუმრო „ვინდჰამ გრანდმა“ ბიზნესის ჩემპიონთა ლიგის 2022/23 წწ. სეზონის პრეზენტაციას უმასპინძლა. საიუბილეო სეზონში მონაწილეობას 28 გუნდი მიიღო. ლიგის რეიტინგის მიხედვით, რომელიც ჩემპიონატში გატარებული სეზონების და მიღწეული შედეგების გათვალისწინებით არის შედგენილი, გუნდები სხვადასხვა ჯგუფებში არიან განაწილებული. რეიტინგის მიხედვით პირველი 9 გუნდი A ჯგუფში იასპარეზებს. პლეი-ოფში საუკეთესო 8 გუნდი გადავა, სადაც გამარჯვებულები სუპერლიგის ნახევარფინალში კვალიფიცირდებიან, დამარცხებულები კი ოქროს ლიგის მოსაგებად იბრძოლებენ. სტუმარი: მალხაზ გედევანიშვილი - სპორტული სააგენტო SBM-ის გენერალური მენეჯერი; #ახალიამბები #BusinessMediaGeorgia
ღვინის ეროვნული სააგენტოს თავმჯდომარე, ლევან მეხუზლას განცხადებით, მომდევნო წელს ქვეყანაში ვენახების პასპორტიზაციის პროგრამა უნდა დასრულდეს, რის შემდეგაც დადგინდება ზუსტად რამდენი ვენახია ქვეყანაში და როგორ არის განაწილებული ჯიშების შემადგენლობა. არსებული კადასტრის მონაცემებით, კახეთსა და რაჭა-ლეჩხუმში სულ 34,443 მევენახეა, ინდივიდუალური ვენახების რაოდენობაა 109,351, ხოლო ამ ვენახების საერთო ფართობია 42,340 ჰექტარი. კადასტრის მიხედვით, წითელი ჯიშის ყურძნის ვენახების ფართობია 19,100 ჰექტარი, რომლის 91%-ც საფერავის ჯიშზე მოდის, ალექსანდროულზე წითელი ვენახების ფართობის 1.5% ნაწილდება. კახეთსა და რაჭა-ლეჩხუმში თეთრყურძნიანი ვენახების ფართობია 23,240 ჰექტარი, საიდანაც რქაწითლის ჯიშზე 87% მოდის, მწვანე კახურის ჯიშზე 4.6%, ქისზე 2.7%; ხიხვზე 1.1% ხოლო სხვა ჯიშებზე 4.4%. რა მნიშვნელობა აქვს ვენახების აღრიცხვას და რომელი ჯიშების განვითარება უნდა მოხდეს ქვეყანაში? სტუმარი: შალვა ხეცურიანი - სომელიეთა ასოციაციის თავმჯდომარე; #ახალიამბები #BusinessMediaGeorgia
საქართველოს ბიზნეს ასოციაციაში ფინური, ტრენერების პროფესიული ტრენინგების მეორე, პირისპირ სწავლების ფაზა დაიწყო. ფინური პროფესიული ტრენინგები, რომელსაც ბიზნეს ასოციაცია ფინურ ორგანიზაცია OMNIA Education Partners-თან თანამშრომლობით ახორციელებს, ორი მიმართულებით ტარდება: „მეწარმეობა: ბიზნესის ანალიზი და განვითარება“ და „პროდუქტის განვითარება: ინოვაციების ხელშეწყობა კომპანიაში“. საწყის ეტაპზე მონაწილეები ონლაინ სასწავლო ვებ-გვერდის მეშვეობით თვითსწავლების ეტაპს გადიოდნენ, ხოლო მიმდინარე კვირიდან მეორე, პირისპირ სწავლების ეტაპი დაიწყო, რომლის ფარგლებშიც მონაწილეებს ცოდნას უშუალოდ ფინელი ექსპერტები უზიარებენ. აღსანიშნავია, რომ ტრენინგში მონაწილეობას ბიზნეს ასოციაციის წევრი კომპანიების საშუალო და მაღალი რგოლის მენეჯერები იღებენ, რომლებიც კურსების წარმატებით დასრულების შემთხვევაში ფინურ სერტიფიკატებს მიიღებენ, ხოლო შეძენილ ცოდნას კოლეგებს გაუზიარებენ და საკუთარ კომპანიებში დანერგავენ. ტრენინგი USAID პროგრამის, „დამსაქმებლები პროფესიული განათლებისთვის“ ფინანსური მხარდაჭერით ხორციელდება. პროექტი მიმდინარე წლის აპრილში დაიწყო. სტუმარი: ლევან ვეფხვაძე - საქართველოს ბიზნეს ასოციაციის აღმასრულებელი დირექტორი; ნათია ტყეშელაშვილი - "ნუტრიმაქსის" ხარისხის მართვის დეპარტამენტის ხელმძღვანელი; #ახალიამბები #BusinessMediaGeorgia
Covid-19-ისა და რეგიონში საომარი მდგომარეობის გავლენით საქართველო დისტანციურად დასაქმებულებისთვის კიდევ უფრო მიმზიდველი გახდა. პანდემიაში საქართველოდან მუშაობისთვის სახელმწიფომ სპეციალური პროგრამაც აამუშავა. ე.წ Remote- დასაქმებულების რაოდენობა აიტი სფეროდან განსაკუთრებით უკრაინაში ომის პირობებში გაიზარდა. მიგრანტებისა და ტურისტების განსხვავებაზე საუბარში გართულებს კიდევ ერთი თემა და საკითხი გახდა საინტერესო. რა რეჟიმი მოქმედებს საქართველოდან დასაქმებულებისათვის საგადასახადო კოდექსში და საჭიროა თუ არა ამ მხრივ საერთოდ ცვლილებები. ამ თემაზე გადავწყვიტეთ დღეს მსჯელობა ნათია ჩაგანავასთან, "გრანთ თორნთონის" საგადასახადო მენეჯერთან. სტუმარი: ნათია ჩაგანავა - "გრანთ თორნთონის" საგადასახადო მენეჯერი #ახალიამბები #BusinessMediaGeorgia
საქართველოს ბანკში არ ჩერდებიან.. იდეათეკების გახსნა გრძელდება სულ რამდენიმე დღის წინ მეცამეტე იდეათეკა საგარეჯოში გაიხსნა. უდაბნოს საჯარო სკოლის 125 მოსწავლეს ექნება შესაძლებლობა, ისარგებლოს მრავალფუნქციური და მრავალფეროვანი ბიბლიოთეკით, კომპიუტერებით, პროექტორებითა და სხვა საგანმანათლებლო და შემეცნებითი რესურსით. იქამდე იყო ზუსტად 12 და არც საგარეჯოა ბოლო. პროექტის მიზანია, ხელი შეუწყოს არაფორმალური და ფორმალური განათლების ხელმისაწვდომობას საზღვრისპირა, მაღალმთიან და ეთნიკური უმცირესობით დასახლებულ სოფლებში. ასევე, გაზარდოს საგანმანათლებლო რესურსებზე წვდომა და წიგნიერება, მოახდინოს კითხვის პოპულარიზაცია, ახალგაზრდების მოტივაცია და შექმნას ჯანსაღი, კომფორტული საგანმანათლებლო გარემო. საზღვრისპირა რეგიონები საქართველოს ბანკისთვის ცალკე ამოცანაა. ავტორები: მანანა მანჯგალაძე; ედგარ ყაზახაშვილი; ლადო ცხადაია. #ახალიამბები #BusinessMediaGeorgia
რეგიონებში საექთნო პრაქტიკის გაუმჯობესების ცენტრების დაფუძნების მიზნით, USAID-სა და ჯეო ჰოსპიტალსს შორის თანამშრომლობის საპარტნიორო ხელშეკრულება გაფორმდა. USAID-ის პროექტის დახმარებით, ჯეო ჰოსპიტალსი საექთნო პრაქტიკის გაუმჯობესების ცენტრებს ქვემო ქართლისა და კახეთის რეგიონებში, კერძოდ მარნეულისა და საგარეჯოს მუნიციპალიტეტებში დააფუძნებს. Პროგრამა საწყის ეტაპზე ქირურგიული, პედიატრიული და ინტენსიური განყოფილებების ექთნების გადამზადებაზე იქნება ორიენტირებული, გრძელვადიან პერსპექტივაში კი, ჯეო-ჰოსპიტალი მედიცინის სხვა დარგში მომუშავე ექთნების გადამზადებასაც უზრუნველყოფს. Პროექტი, რომლის ჯამური ბიუჯეტი 120 000 დოლარს შეადგენს, USAID-ის ხუთწლიანი პროექტის - “დამსაქმებლები პროფესიული განათლებისთვის” ფარგლებში ხორციელდება და მისი მიზანი, ადამიანური კაპიტალის განვითარებისა და დასაქმების შესაძლებლობებს შორის კავშირის გაძლიერება და უმუშევრობის დონის შემცირებაა. USAID-ის დაფინანსებით ჯეო ჰოსპიტალი პარტნიორობით, მარნეულის "ჯეო-ჰოსპიტალს"-ის ბაზაზე შექმნილ სასწავლო ცენტრებში ექთნებს კვალიფიკაციის ამაღლების საშუალება მიეცემათ. დეფიციტული სამუშაო ძალის შესავსებად რა წვლილის შეტანა შეუძლია პროექტს პრობლემის გადაჭრაში და მეორეა ის რომ კვალიფიკაციის გაზრდასთან ერთად, პროექტი ექთნების სახელფასო ანაზღაურების გაზრდის შესაძლებლობასაც იძლევა. სტუმარი: მაია ხომერიკი - "ჯეო ჰოსპიტალსის" საოპერაციო დირექტორი; #ახალიამბები #BusinessMediaGeorgia
ფოთის ფიზიკა-მათემატიკის სკოლა ექვსი წლის განმავლობაში იჯარით აღებულ შენობაში იყო განთავსებული, მიმდინარე წელს კი ტერაბანკისგან აღებული სესხით, სკოლის დირექტორმა საკუთარი შენობა შეიძინა. ბანკის შუამავლობით სკოლა სააგენტოს „აწარმოე საქართველოში“ პროგრამაში ჩაერთო, რომლის ფარგლებშიც ის პროცენტის სუბსიდირებითა და გირაოს კუთხით სააგენტოსგან 60%-იანი მხარდაჭერით სარგებლობს. #ახალიამბები #BusinessMediaGeorgia
შავი პარასკევი, 2022 წელს მადლიერების დღის შემდეგ, 25 ნოემბერს უწევს. მიუხედავად იმისა, რომ ფასდაკლებების ყველაზე დიდ დღესასწაულამდე თითქმის 1 თვეა დარჩენილი, ბრენდებმა შავი პარასკევისთვის მზადება და შეთავაზებების გაკეთება მომხმარებლებისთვის უკვე დაიწყო. როგორი იქნება წელს შავი პარასკევი, რას უნდა ელოდონ მყიდველები ფასების ზრდის და ლოგისტიკურ ჯაჭვში შეფერხებების ფონზე? #ახალიამბები #BusinessMediaGeorgia
საკონფერენციო სივრცეების დატვირთულობა გაიზარდა. ზრდის მიზეზი კი პანდემიის ეფექტის შემსუბუქების პარალელურად, ბიზნეს თუ სხვა სახის ფორუმებისა და კონფერენციების მოწყობაა. “საქმიან დილასთან” სასტუმროები წარმომადგენლები, სადაც საკონფერენციო სივრცეებია განლაგებული განმარტავენ, რომ მიმდინარე წლის ივნისიდან დღემდე დამკვეთების მხრიდან მოთხოვნა ყველა სივრცეზე მაღალია. როგორც ისინი გვიყვებიან, ძირითადი მოთხოვნა ქართული კორპორაციული სეგმენტიდან მოდის, თუმცა ინტერესი საერთაშორისო კონფერენციების და ფორუმების ჩატარებაზეც არსებობს. #ახალიამბები #BusinessMediaGeorgia
ბათუმში, ლეონიძის 11 ნომერში, გალფის ახალი მულტიფუნქციური კომპლექსი გაიხსნა. ეს აჭარის რეგიონში "Gulf Express"-ის ფორმატის პირველი თვითმომსახურების სადგურია. გალფის მულტიფუნქციური კომპლექსის საზეიმო გახსნას გალფის მენეჯმენტი, გალფის გენერალური დირექტორი ქრეგ კრამერი და ბათუმის მერი არჩილ ჩიქოვანი ესწრებოდნენ. #ახალიამბები #BusinessMediaGeorgia
#საქმიანიდილა - 3 ნოემბერი - პროლოგი #ახალიამბები #BusinessMediaGeorgia
უმსხვილესი გერმანული საფინანსო ორგანიზაციის, Deutsche Bank-ის სპეციალურ მრჩეველთა საბჭოს ახალი წევრები ჰყავს, მათ შორისაა: Google-ის ყოფილი CEO ერიკ შმიდტი, დიპლომატი ჰენრი კისინჯერი და Deutsche-ს ყოფილი თავმჯდომარე პოლ ახლაიტნერი. ბანკის წარმომადგენლობის განმარტებით, მრჩეველთა საბჭო წელიწადში ორჯერ შეიკრიბება და ის Deutsche Bank-ის გრძელვადიან სტრატეგიას განსაზღვრავს, ზემოხსენებული პირების ექსპერტული მოსაზრება კი დირექტორთა საბჭოსა და კომპანიის მენეჯმენტს, მაკროეკონომიკური, გეოპოლიტიკური და სოციალური ფაქტორების ანალიზის საფუძველზე, ოპტიმალური გადაწყვეტილებების მიღებაში დაეხმარება. #ახალიამბები #BusinessMediaGeorgia
26 ოქტომბერს საქართველოს პარლამენტში იურიდიულ საკითხთა კომიტეტის მიერ დაინიცირდა კანონპროექტი, რომელიც ახალი სტრუქტურის – სსიპ „ანტიკორუფციული ბიუროს“ შექმნას ითვალისწინებს. კანონპროექტის ავტორების გაცხადებული მიზანია, შესრულდეს საქართველოსთვის ევროკავშირის წევრობის კანდიდატის სტატუსის მისანიჭებლად ევროკომისიის მიერ გაცემული 12 რეკომენდაციის მე-4 პუნქტი. კანონპროექტის მიხედვით, ახალი უწყების ფუნქცია იქნება კორუფციის წინააღმდეგ ბრძოლის ხელშეწყობა, მის ხელმძღვანელს კი საქართველოს პრემიერ-მინისტრი დანიშნავს. „საერთაშორისო გამჭვირვალობა - საქართველოს“ შეფასებით, შემოთავაზებული რეფორმა არ პასუხობს ევროკომისიის მიერ გაცემულ მე-4 რეკომენდაციას, რომელიც ქვეყანას სთხოვს:„გააძლიეროს ანტიკორუფციული სააგენტოს დამოუკიდებლობა, რომელიც თავს მოუყრის ყველა საკვანძო ანტიკორუფციულ ფუნქციას; რა შენიშვნები აქვს საერთაშორისო გამჭვირვალობა საქართველოს დაგეგმილ რეფორმასთან დაკავშირებით და რა შემთხვევაში ვერ ჩაითვლება რეკომენდაცია შესრულებულად? სტუმარი: სანდრო ქევხიშვილი - "საერთაშორისო გამჭვირვალობა - საქართველოს" ანტიკორუფციულო პროექტის მენეჯერი; #ახალიამბები #BusinessMediaGeorgia
ჩაის პირველადი წარმოების ხელშეწყობის მიზნით, სახელმწიფო პროგრამებში ცვლილებები შევიდა. მეჩაიე ფერმერებს შესაძლებლობა ეძლევათ, 50%-იანი თანადაფინანსებით შეისყიდონ ჩაის საკრეფი ხელის ტექნიკა. ასევე პროგრამის „ქართული ჩაი“ ბენეფიციარს, გარდა სასოფლო-სამეურნეო კოოპერატივებისა სახელმწიფო ფაქტობრივად შესრულებული სარეაბილიტაციო სამუშაოების ღირებულების 70%-ს დაუფინანსებს. კოოპერატივების შემთხვევაში თანადაფინანსება 90%-ია. რამდენად ითვისებს კერძო სექტორი ჩაის პლანტაციების პოტენციალს, რა გამოწვევები აქვს დარგს და საკმარისია თუ არა ის სახელმწიფო პროგრამები, რაც დღეს მოქმედებს. სტუმარი: თენგიზ სვანიძე - საქართველოს ჩაის მწარმოებელთა ასოციაციის პრეზიდენტი; #ახალიამბები #BusinessMediaGeorgia
რთველის, ციტრუსისა და ვაშლის შემდეგ საქართველოს მთავრობამ ამჯერად თხილის სუბსიდირების გადაწყვეტილება მიიღო. როგორც ორშაბათის მთავრობის სხდომაზე გახდა ცნობილი, პროგრამისთვის პირველ ეტაპზე 20 მლნ ლარი გამოიყოფა. სოფლის მეურნეობის მინისტრმა ამ გადაწყვეტილების მიღება ორი გარემოებით ახსნა, პირველი - ქვეყნის შიგნით 2022 წელს არსებული კლიმატური პირობებით, თხილის მოსავლიანობისა და ხარისხის შემცირებით და მეორე - საერთაშორისო ბაზრებზე ევროსა და დოლარის გაუფასურების ფონზე, თხილზე მოთხოვნისა და ფასის შემცირებით. იყო თუ არა სახელმწიფოს ჩარევა თხილის ინდუსტრიის მოთხოვნა და რომ არა სუბსიდირება, რა გამოწვევების წინაშე დგას სექტორი. სტუმარი: მერაბ ჭითანავა - თხილის მწარმოებელთა ასოციაციის აღმასრულებელი საბჭოს თავმჯდომარე #ახალიამბები #BusinessMediaGeorgia
თბილისი მდგრადი დაფინანსების ფორუმს მასპინძლობს. ეს არის ყოველწლიური ღონისძიება, რომელიც წარმოადგენს პლატფორმას, სადაც სხვადასხვა ქვეყნის წარმომადგენლები მდგრადი დაფინანსების საკითხებზე მსჯელობენ და ერთმანეთს გამოცდილებას უზიარებენ. ორდღიან ფორუმს საქართველოს ეროვნული ბანკი, მდგრად საბანკო და საფინანსო ქსელთან, საერთაშორისო საფინანსო კორპორაციასთან და შვეიცარიის ეკონომიკურ საქმეთა სახელმწიფო სამდივნოსთან თანამშრომლობით მართავს. ღონისძიებაში მსოფლიოს სხვადასხვა ცენტრალური ბანკები, ადგილობრივი ფინანსური ინსტიტუტები, საერთაშორისო ორგანიზაციები, კერძო და საჯარო სექტორის წარმომადგენლები და სხვა დაინტერესებული მხარეები იღებენ მონაწილეობას. რა ტენდენციებია განვითარებად ბაზრებზე და როგორია კერძო სექტორის როლი მდგრადი დაფინანსების ხელშეწყობაში? სტუმარი: დავით უტიაშვილი - სებ-ის ფინანსური სტაბილურობის დეპარტამენტის უფროსი; #ახალიამბები #BusinessMediaGeorgia
რამდენიმე თვის წინ ტექნოლოგიების დღეზე დაანონსებული ამბავი შესრულებულ პირობად იქცა. საქართველოს ბანკმა BOG sCoolApp არის პირველი აპლიკაცია მოსწავლეებისთვის შექმნა. საწყის ეტაპზე პლატფორმას ექნება ანგარიშის მართვის პანელი, რომლის საშუალებითაც მოსწავლეები შეძლებენ sCool Card-ზე ციფრულად გააკონტროლონ ნაშთები და საკუთარი ჯიბის ფული. ასევე, დამოუკიდებლად შეივსონ მობილური ბალანსი და ახლობლებთან თანხის გადარიცხვა განსხვავებული, სახალისო გზით განახორციელონ. ამასთანავე, მხოლოდ აპლიკაციის მეშვეობით მიიღებენ სპეციალურ შეთავაზებებს მათთვის საყვარელი ობიექტებისგან. სტუმარი: გიორგი ვახტანგიშვილი - "საქართველოს ბანკის" ციფრული საბანკო მომსახურების დეპარტამენტის დირექტორის მოადგილე; #ახალიამბები #BusinessMediaGeorgia
კომუნიკაციების კომისიამ ევროპელ ექსპერტებთან ერთად საქართველოს სატელეკომუნიკაციო ბაზრის სრულფასოვანი კვლევის პროექტზე მუშაობა დაიწყო. პროექტი ევროკავშირის დაფინანსებით, ევროკავშირსა და საქართველოს შორის ასოცირების შესახებ შეთანხმების ფარგლებში ხორციელდება, რომლის ფარგლებშიც ერთკვირიანი სამუშაო ვიზიტით ხორვატი, ბელგიელი, სლოვენიელი და ბრიტანელი ექსპერტების ჯგუფი ეწვია, რომლებიც კომისიის გუნდთან ერთად ევროკომისიის მიერ დადგენილი ბაზრის ანალიზის მეთოდოლოგიური წესების მიხედვით მობილური და ფიქსირებული მომსახურებების საცალო და საბითუმო სეგმენტებზე, ეკონომიკური, სამართლებრივი და ტექნიკური მიმართულებით ანალიზს ჩაატარებენ. კვლევის ფარგლებში, უნდა შეფასდეს ტელეკომ ბაზარზე არსებული კონკურენცია, დადგინდეს შესაბამისი ბაზრები და საჭიროების შემთხვევაში კომპანიებისთვის სპეციფიკური ვალდებულებები განისაზღვრება. თავის მხრივ კვლევის მიზანია, ფიქსირებული და მობილური მომსახურების ბაზრებზე შესვლის ბარიერები მოიხსნას და გაიზარდოს კონკურენცია. ტელეკომ ბაზარზე არსებული მდგომარეობის, გამოწვევებისა და სამომავლო გეგმების შესახებ ინფორმაციის შესწავლის მიზნით, კვლევის ფარგლებში ექსპერტები ტელეკომ ოპერატორებს შეხვდნენ, მათ შორის სამუშაო შეხვედრები გაიმართა „ბილაინის“, „სქაიტელის“, „მაგთიკომის“, „სილქნეტის“, „ახალი ქსელების“, „კავკასუს ონლაინის“, „ოუფენ ნეტის“, მცირე და საშუალო ტელეკომ ოპერატორების ასოციაციისა, MVNO ასოციაციის წარმომადგენლებთან და მომხმარებელთა უფლებების დამცველთან. #ახალიამბები #BusinessMediaGeorgia
თიბისი სტარტაპერის პარტნიორი - რესტორანი “არქივი” სტუმრები: ლევან კობიაშვილი - რესტორანი "არქივი", დამფუძნებელი; ჯაბა ძიმისტარიშვილი - სომელიე, საქართველოს ჩემპიონი #ახალიამბები #BusinessMediaGeorgia
საქართველოს საბანკო ასოციაციამ და ifc-მ ურთიერთშეთანხმების მემორანდუმს მოაწერეს ხელი. შეთანხმების ფარგლებში ისინი საქართველოს საბანკო სექტორში მდგრადი ფინანსების, გარემოსდაცვითი, სოციალური და მმართველობის საუკეთესო პრაქტიკების დანერგვის მიმართულებით ითანამშრომლებენ. აღსანიშნავია, რომ საბანკო ასოციაცია აიეფსის მხარდაჭერით შექმნილი მდგრადი საბანკო და საფინანსო ქსელის წევრიც გახდა. სტუმრები: ალექსანდრე ძნელაძე - საქართველოს საბანკო ასოციაციის პრეზიდენტი; ლევან გოგოლაძე - საქართველოს საბანკო ასოციაციის მდგრადი განვითარების მიმართულების კოორდინატორი.
მთავრობა თხილის სუბსიდირების პროგრამას იწყებს. სოფლის მეურნეობის მინისტრის თქმით, პროგრამის დაწყების გადაწყვეტილება შემცირებული მოსავლიანობისა და ხარისხის გამო მიიღეს. შემცირებული მოსავალი და ცუდი ხარისხი ფერმერებისთვის წელს ნამდვილად იყო პრობლემა. თხილის გადამმუშავებელთა და ექსპორტიორთა ასოციაციის ინფორმაციით წლევანდელი მოსავალი დაახლოებით 40 000 ტონა გაუტეხავი თხილია რაც გასული წლის რაოდენობაზე ნაკლებია. #ახალიამბები #BusinessMediaGeorgia
ავტოიმპორტიორთა ასოციაცია ახალი რეგულაციის ამოქმედებას ითხოვს. საუბარია დაშლისთვის განკუთვნილი მანქანის წონის მიხედვით განბაჟებაზე. შესაბამისი საკანონმდებლო ინიციატივა უკვე მზადაა და უახლოეს დღეებში დოკუმენტს ავტოიმპორტიორთა ასოციაცია პარლამენტში წარადგენს. „ავტოიმპორტიორთა ასოციაციის“ დამფუძნებელი განმარტავს, რომ ეს ინიციატივა ავტოიმპორტიორებს იმპორტს გაუიაფებს და ბაზარზე ავტონაწილების ფასის კორექტირებასაც მოახდენს და მისი დეფიციტიც შემცირდება. #ახალიამბები #BusinessMediaGeorgia
სამშენებლო და სარემონტო მასალების კომპანია ნოვა ხაშურში ჩავიდა. რამდენიმე დღის წინ ფორბს კვირას ეთერში ზვიად აბულაძემ დაგვიანონსა რომ შემდეგი ფილიალი სწორედ ხაშურში იქნებოდა და ასეც არის. სამშენებლო და სარემონტო მასალების ერთ-ერთი ყველაზე დიდი მწარმოებელი და იმპორტიორია საქართველოში, წელს 16 წლის ხდება და ეჭვი მაქვს მათ წლევანდელ გეგმებში ეს ბოლო სიახლე ნამდვილად არ იქნება. თუმცა იქამდე ახალი ფილიალის გახსნისთვის ნოვამ დამატებით 500 000 ლარის ინვესტიცია განახორციელა. #ახალიამბები #BusinessMediaGeorgia
საქართველოში პირველად, კომპანია ,,აგრომოტორსმა’’, ,,ჯონ დირი’’-ს დღე ფერმერებთან ერთად აღნიშნა. ფერმერებთან ერთად ღონისძიებას ადგილობრივი მუნიციპალიტეტის წარმომადგენლები და ლაგოდეხის მერი დაესწრო. „აგრო მოტორსი“ გახლავთ მსოფლიოს პრემიუმ ბრენდის “John Deere”-ის ოფიციალური წარმომადგენელი საქართველოში 2013 წლიდან და ახორციელებს “John Deere”-ის სასოფლო-სამეურნეო ტექნიკის იმპორტს, რეალიზაციას და მის მაღალკვალიფიციურ სერვისს საქართველოს ტერიტორიაზე. #ახალიამბები #BusinessMediaGeorgia
#საქმიანიდილა - 2 ნოემბერი - პროლოგი #ახალიამბები #BusinessMediaGeorgia
ალცჰაიმერისა და დემენციის რისკი - კვლევის შედეგები #ახალიამბები #BusinessMediaGeorgia
Მძიმე ტექნიკის ოპერატორებისთვის, მომზადება-გადამზადების პროგრამის შექმნაზე USAID-სა და თეგეტა აკადაემიას შორის თანამშრომლობის საგრანტო ხელშეკრულება გაფორმდა. პროგრამის დახმარებით, “თეგეტა აკადემია” პარტნიორ კომპანიებთან - ინფრასტრუქტურის მშენებელთა ასოციაციასთან და Tegeta Construction Equipment-თან ერთად მძიმე ტექნიკის ოპერატორებისთვის მომზადება-გადამზადების სამ-სამ პროგრამას შეიმუშავებს. Თეორიული სწავლების პროცესში კი, მსმენელები აღჭურვილობის საბაზისო სტრუქტურას, ექსპლუატაციის წესებსა და უსაფრთხოების სტანდარტებს დაეუფლებიან. Პროექტი, რომლის ჯამური ბიუჯეტი 385 000 დოლარს შეადგენს, USAID-ის ხუთწლიანი პროექტის ფარგლებში ხორციელდება და მისი მიზანი ადამიანური კაპიტალის განვითარება, უმუშევრობის შემცირება და კომპანიების კონკურენტუნარიანობის ზრდაა. „თეგეტა ჰოლდინგის“ შვილობილი კომპანია „თეგეტა აკადემია“ ავტორიზებული კოლეჯი და მულტიფუნქციური ტრენინგცენტრია, რომელიც 2013 წლიდან აქტიურად ეწევა საგანმანათლებლო და საკონსულტაციო საქმიანობას ტექნიკური და ბიზნესის მიმართულებებით. „თეგეტა აკადემია“ კომპანიებს ეხმარება, გააუმჯობესონ სერვისები, ხელი შეუწყონ თანამშრომლების პროფესიულ განვითარებას, წვლილი შეიტანონ სამუშაო ძალის განვითარებაში და გაუზიარონ ახალი ცოდნა და საუკეთესო საერთაშორისო პრაქტიკა. სტუმარი: ოთარ სიხარულიძე - „თეგეტა აკადემიის“ დირექტორი; #ახალიამბები #BusinessMediaGeorgia
Forbes Georgia #30Under30 - სალომე ონიანი 2021 წლის გამარჯვებული კატეგორიიდან - მეცნიერება სტუმრები: ლიზა ხაბაზაშვილი - "კონსიერჟ თბილისის" მმართველი პარტნიორი; სალომე ონიანი - 2021 წლის #Forbes #30Under30-ის გამარჯვებული კატეგორიაში - მეცნიერება; "ალტე უნივერსიტეტის" ასოცირებულ პროფესორი, ტექნოლოგიური პროგრამების განვითარების კოორდინატორი;
მომავლის პროფესიებს არ ვცდებით და მორიგი თემა უკვე რობოტექნიკის დღეს და დიჯითალ ბასის ჩართლობას ეხება. გასულ კვირას Digital Bus-ის ორგანიზებით და ტექნოპარკის პარტნიორობით ჩატარდა დიდი ღონისძიება - უფასო მასტერკლასი რობოტექნიკაში. Digital Bus-ის გუნდი მაქსიმალურად შეეცადა, რომ რობოტექნიკის დღე შთამბეჭდავი, საინტერესო და სახალისო ვორქშოფებით დატვირთული ყოფილიყო. ღონისძიებას 100-ზე მეტი მოზარდი ესწრებოდა რატომ უნდა ისწავლონ ბავშვებმა რობოტექნიკა და რა მიმართულებების ათვისებაში ეხმარება დიჯითალ ბასი მოზარდებს? სტუმრები: დიანა ველენგურსკაია - "დიჯითალ ბასის" დირექტორი; აჩო სვანიძე - "დიჯითალ ბასის" დამფუძნებელი; #ახალიამბები #BusinessMediaGeorgia