„თეგეტა მოტორსმა“ საქართველოში კიდევ ერთი გლობალური ბრენდი - PETRONAS შემოიყვანა . ბრენდი მსოფლიოს 80-ზე მეტ ქვეყანას ავტომობილების უმაღლესი ხარისხის ზეთებს სთავაზობს. კომპანიის პრემიუმ ხაზი - პეტრონას სინტიუმი ავტორბოლებში გამოიყენება. მათ შორის, ფორმულა ერთის პილოტი და ჩემპიონი ლუის ჰამილტონიც არჩევანს სწორედ პეტრონას სინტიუმზე აჩერებს. „პეტრონასის“ ზეთების ასორტიმენტი „თეგეტა მოტორსის“ ფილიალებში უკვე ხელმისაწვდომია. #ახალიამბები #BusinessMediaGeorgia
კომპანია ელიტ ელექტრონქსი უკვე 26 წელზე მეტია, რაც სამომხმარებლო ტექნიკის ბაზარზე ლიდერი მოთამაშეა. ამ დროის განმავლობაში ბრენდმა არაერთხელ განიცადა ცვლილება და იქცა ისეთ ადგილად, სადაც მომხმარებელს საუკეთესო სამომხმარებლო გამოცდილება შეუძლია მიიღოს. გუშინ, 29 სექტემბერს ქავთარაძის N1-ში კომპანიამ ახალი კონცეფციის მაღაზია წარუდგინა მომხმარებელს. ღონისძიებას უცხოელი პარტნიორები და მათთან ერთად ქართველი მომხმარებლები ესწრებოდნენ. #ახალიამბები #BusinessMediaGeorgia
საქართველოში არსებობს საკალმახე მეურნეობები, სადაც თევზის ამ სახეობის მოშენება აქტიურად მიმდინარეობს და მათ პრეტენზია ხარისხზეც აქვთ. მაგრამ, მიუხედავად ამისა, “საქმიან დილასთან” ამ ბიზნესის წარმომადგენლები აღნიშნავენ, რომ ქართული ბაზარი თვითკმარი არ არის და ის იმპორტირებული პროდუქციითაა გაჯერებული. ამას ემატება ისიც, რომ ბოლო ერთ წელში ადგილობრივ კალმახზე, ფასებიც გაზრდილია. #ახალიამბები #BusinessMediaGeorgia
ბელარუსული ინვესტიციები საქართველოში #ახალიამბები #BusinessMediaGeorgia
„შეცვალე“ - ნუ დაკარგავ კავშირს ბუნებასთან, მოუფრთხილდი მას!- დაიწყე საკუთარი თავით - შენი ყოველი ნაბიჯი მნიშვნელოვანია. #ახალიამბები #BusinessMediaGeorgia
#საქმიანიდილა - 30 სექტემბერი - პროლოგი #ახალიამბები #BusinessMediaGeorgia
ნოემბერში, ნიუ-იორკში დაგეგმილ Christie’s-ის აუქციონზე ენერგეტიკული კორპორაცია AES Corporation-ის თანადამფუძნებლის, როჯერ სენტისა და მისი ცოლის ხელოვნების ნიმუშების კოლექცია გაიყიდება. აღნიშნულთან დაკავშირებით ინფორმაცია სააუქციონო სახლის ოფიციალურ ვებგვერდზე გამოქვეყნდა. როგორც ცნობილია, კოლექცია მოიცავს პოსტ-იმპრესიონიზმისა და მეორე მსოფლიო ომის შემდგომ პერიოდში შექმნილ ნამუშევრებს. ასევე ირკვევა, რომ ხელოვნების ნიმუშები ქველმოქმედების მიზნით იყიდება და შემოსული თანხა არაკომერციული ორგანიზაცია The Summit Foundation-ის ანგარიშზე გადაირიცხება. ორგანიზაცია, რომლის თანადამფუძნებელი და ხელმძღვანელი როჯერ სენტია, გენდერული თანასწორობის მიღწევისა და დედამიწის ბიომრავალფეროვნების შენარჩუნების კუთხით მუშაობს. კოლექციაში საერთო ჯამში 30 ნამუშევარია წარმოდგენილი, რომელთა საერთო ღირებულებასაც სააუქციონო სახლი სულ მცირე 50 მილიონ აშშ დოლარად აფასებს. აღსანიშნავია, რომ ნამუშევრებს შორის პოლ გოგენისა და ჯოან მიტჩელის ორი შედევრია. მათ შორის გამოსარჩევია გოგენის მიერ 1888 წელს შესრულებული ნამუშევარი „Pêcheur et baigneurs sur l’Aven“, რომლის გაყიდვას სააუქციონო სახლი 6-დან 8 მილიონ აშშ დოლარამდე იმედოვნებს. ასევე, საყურადღებოა მიტჩელის მიერ 1989 წელს შექმნილი უსათაურო აბსტრაქტული დიპტიქი, რომელსაც Christie’s-ი 10-დან 15 მილიონ აშშ დოლარამდე აფასებს. #ახალიამბები #BusinessMediaGeorgia
საქართველოში იმ მოქალაქეთა რაოდენობა, რომლებიც თვეში ხელფასს 9600 ლარზე მეტს იღებდნენ აგვისტოში წლიურად 34.8%-ით გაიზარდა. PMC კვლევითი ცენტრის მონაცემებით 2020 წლის იგივე პერიოდთან შედარებით ზრდა 77.3%-ია და ისიც გასათვალისწინებელია, რომ ამავე მონაცემებით, ანუ PMC-ის დასაქმების თრექერის მიხედვით აგვისტოში 9,600 ლარზე მაღალი ხელფასი მთლიანი დასაქმებულების მხოლოდ 1.8%-ს ჰქონდა. კვლევის მიხედვით, წინა თვეში დასაქმებულთა 23%-ის ხელფასი 600 ლარამდე იყო, რაც 2021 წლის აგვისტოსთან შედარებით, 3.9 პროცენტული პუნქტით, ხოლო 2020 წლის შესაბამის პერიოდთან შედარებით, 7.6 პროცენტული პუნქტით შემცირებული მაჩვენებელია. რაც შეეხება მოქალაქეებს, რომლების ხელფასიც 2,400 ლარს აღემატებოდა, აგვისტოში მათმა რაოდენობამ 19.5% შეადგინა. მაჩვენებელი 2021 წლის ანალოგიურ პერიოდთან შედარებით, 3.8 პროცენტული პუნქტით, 2020 წლის აგვისტოსთან შედარებით კი, 6.4 პროცენტული პუნქტითაა გაზრდილი. ადამიანების რაოდენობა, რომლებიც აგვისტოში ხელფასს იღებდნენ, წლიურად, 3.5%-ით, ხოლო 2020 წლის ანალოგიურ პერიოდთან შედარებით, 7.7%-ით გაიზარდა. PMC-ის კვლევითი ცენტრის ინფორმაციით, 2022 წლის მარტიდან აგვისტოს ჩათვლით jobs.ge-ზე 39 984 ვაკანსია გამოქვეყნდა, რაც გასული წლის შესაბამის პერიოდთან შედარებით 37%-ით გაზრდილი მაჩვენებელია.საანგარიშო პერიოდში ყველაზე მეტი ვაკანსია ლოჯისტიკის/ტრანსპორტის/დისტრიბუციის დარგში გამოქვეყნდა. რა მდგომარეობაა შრომის ბაზარზე სექტემბრის ბოლოსთვის? სტუმარი: ინგა შახბაზიანი - HR.GE-ის რეგიონული მენეჯერი; #ახალიამბები #BusinessMediaGeorgia
რა პროექტებს ახორციელებს "აჭარა ჯგუფი"? სტუმარი: ოთო ბერიშვილი - "აჭარა ჯგუფის" აღმასრულებელი დირექტორი; #ახალიამბები #BusinessMediaGeorgia
2დღის წინ შსს-ს მიერ გამოქვეყნებული მონაცემების მიხედვით ნაწილობრივი მობილზიაციის გამოცხადების შემდეგ საქართველოში დამატებით 46 734 მოქალაქე შემოვიდა. დღიური შემოსვლის მაჩვენებელი მობილიზაციამდე შსს-ს მინიტრის ინფორმაციით იყო 5ათას ადამიანამდე, დღეს კი საშუალოდ 11 ათასს აღწევს. უკვე დიდი ხანია ვსაუბრობთ იმაზე, რომ ქვეყანაში 2015 წელს გაუქმებული საპოლიციო გამოსახლების ფონზე უძრავი ქონების მფლობელები რისკის წინაშე დგანან, რისკი კი იმისა, რომ ომში მყოფი ქვეყნის მოქალაქეებმა, რომელთა მდგომარეობა ყოველდღიურ რეჟიმში რთულდება, ქირის ფული ვერ გადაუხადონ, საკმაოდ დიდია. სტუმრები: ოთარ კაჭკაჭაშვილი - უძრავი ქონების ასოციაციის ბორდის წევრი, ადვოკატი; სანდრო რაქვიაშვილი - დეპუტატი, საპარლამენტო პოლიტიკური ჯგუფი „გირჩი“; #ახალიამბები #BusinessMediaGeorgia
მიმდინარე წლის აგვისტოში თბილისში საცხოვრებელი ბინების ტრანზაქციების რაოდენობამ 3,689 ერთეული შეადგინა და წინა წლის აგვისტოსთან შედარებით 26%-იანი ზრდა დაფიქსირდა. ბაზრის ზომა 44%-ით, 190 მილიონ აშშ დოლარამდე გაიზარდა. ივლისთან შედარებით აგვისტოში ტრანზაქციების რაოდენობა 47%-ით გაიზარდა ბათუმშიც, ბაზრის ზომა კი 48%-ით 66 მილიონ აშშ დოლარამდე გაიზარდა. რა ტენდენციებია უძრავი ქონების ბაზარზე? სტუმარი: ეთუნა მუნჯიშვილი - "ქოლიერსის" დეველოპმენტ კონსალტინგის ხელმძღვანელი; #ახალიამბები #BusinessMediaGeorgia
ოკუპირებული ტერიტორიების ახლოს მცხოვრები მეწარმეების ხელშეწყობის მიზნით IDFI, რითეილ ასოციაციის, კრეატიული სააგენტო „ლივინგსტონისა“ და გორის ადგილობრივი სამოქალაქო ორგანიზაციების მხარდაჭერით შიდა ქართლის რეგიონში „სოლიდარობის ბრენდინგის“ პროექტს ახორციელებს. პროექტი მიზნად ისახავს ჩამოაყალიბოს ახალი ბრენდის იდენტობა, რომელიც გამოხატავს სოლიდარობას ადმინისტრაციულ საზღვართან მცხოვრები მოსახლეობის მიმართ და ხელს შეუწყობს ტერიტორიის გასწვრივ შექმნილ წარმოებულ პროდუქციის პოპულარიზაციას. პროექტი, აშშ საერთაშორისო განვითარების სააგენტოსა (USAID) და Zinc Network-ის დახმარებით ხორციელდება. სტუმრები: მირანდა მანჯგალაძე - რითეილ ასოციაციის გამგეობის თავმჯდომარე; ანტონ ვაჭარაძე - IDFI-ს მეხსიერების და დეზინფორმაციის მიმართულების კვლევების ხელმძღვანელი. #ახალიამბები #BusinessMediaGeorgia
საქართველოს ბიზნეს ასოციაციამ „BAG ახალგაზრდების დასაქმების ფარგლებში“ უფროსკლასელებს უმასპინძლა. შეხვედრის მთავარ თემას პროფესიული არჩევანი წარმოადგენდა. ღონისძიებაზე ბიზნეს ასოციაციის წევრი კომპანიების წარმომადგენლებმა მოზარდებს პროფესიების საინტერესო ასპექტები გააცნეს და მათ მიერ დასმულ შეკითხვებს უპასუხეს. გარდა ამისა, ღონისძიების ორგანიზატორებმა ახალგაზრდებს იმ პროფესიების პერსპექტივებზე ესაუბრეს, რომელიც ამჟამად საქართველოში ნაკლებად პაპულარულია. პროექტი BAG ახალგაზრდების დასაქმებისთვის USAID ეკონომიკური მმართველობის პროგრამის ფინანსური მხარდაჭერით ხორციელდება. შეხვედრაის ორგანიზებაში ასევე ჩართული იყო USAID სამოქალაქო განათლების პროგრამა და მისი პარტნიორები. #ახალიამბები #BusinessMediaGeorgia
საქართველოს ეროვნული ბანკმა ქვეყანაში მოქმედი ბანკებისთვის კონტრციკლური ბუფერი უცვლელად, 0%-ზე დატოვა. ფინანსური სტაბილურობის კომიტეტი გადაწყვეტილებასთან ერთად გამოქვეყნებულ შეფასებაში მიუთითებს, რომ საბანკო სექტორს დამატებითი ფინანსური ბუფერების დაგროვება არ ესაჭიროება, თუმცა შესაბამისი ვითარების გამოკვეთის შემთხვევაში კონტრციკლური ბუფერის გაზრდას არ გამორიცხავენ. კომიტეტი მიუთითებს, რომ ფინანსური სექტორი მდგრადობას ინარჩუნებს და ეკონომიკის დაკრედიტებას შეუფერხებლად განაგრძობს. ბანკების უმრავლესობამ პანდემიის შოკის დროს გამოთავისუფლებული ბუფერები უკვე აღადგინა და რეგიონში გეოპოლიტიკურ დაძაბულობასთან დაკავშირებულ საფრთხეებს სოლიდური ბუფერებით შეხვდა. ფინანსური სექტორის მზაობას, ასევე, ხელი შეუწყო ბანკების აქტივების ხარისხის მდგრადობამ, რაშიც მნიშვნელოვანი წვლილი კრიზისამდელ პერიოდში შინამეურნეობების ჭარბვალიანობისა და სესხების დოლარიზაციის შემცირების მიზნით გატარებულმა მაკროპრუდენციულმა ზომებმა შეიტანა. გატარებული ღონისძიებების ფონზე გაუმჯობესებულია ფინანსური მაჩვენებლები, რაც ქვეყნის ფინანსური სისტემის სიჯანსაღეზე მიუთითებს. მდგრადია არასაბანკო სექტორიც, რომელსაც ასევე დაუწესდა პრუდენციული მოთხოვნები. სტუმარი: ლაშა ქავთარაძე - Galt&Taggart;-ის ეკონომისტი; #ახალიამბები #BusinessMediaGeorgia
#საქმიანები: "კაცი, რომელიც გვინახავს ხევსურეთს" - შოთა არაბული შოთა არაბული - ხელოვანი, მეწარმე ავტორები: მანანა მანჯგალაძე; ედგარ ყაზახაშვილი; ლადო ცხადაია. #საქმიანიდილა #ბიზნესმედია #BMG #ახალიამბები #BusinessMediaGeorgia
კვირის ბოლოს 30 სექტემბერს და პირველ ოქტომბერს ევროკავშირისა და პური მსოფლიოსთვის მხარდაჭერით, სოციალური საწარმოების რიგით მესამე B2B გამოფენა იმართება, რომლის მიზანიც 50-მდე წარმატებულ სოციალურ საწარმოსა და ბიზნეს კომპანიებს შორის პარტნიორობის ხელშეწყობა, პასუხისმგებლიანი შესყიდვების პრაქტიკის დანერგვა დამეტი სოციალური და გარემოსდაცვითი გავლენის უზრუნველსაყოფად განვითარებაა. გამოფენას წელს იტალიაში გავლენის საინვესტიციო ფონდების მმართველი კომპანიის Oltre Venture დამფუძნებელი ლუჩიანო ბალბოი ესწრება რომელსაც ჯერ საქმიანი დილას ეთერში ვუმასპინძლებთ. სტუმარი: ლუჩანო ბალბო - Oltre Venture-ს დამფუძნებელი; #ახალიამბები #BusinessMediaGeorgia
თიბისის პარტნიორობით, 15 ოქტომბერს ZEG Tbilisi Storytelling Festival-ი გაიმართება. ფესტივალი 20-მდე საერთაშორისო თუ ადგილობრივ მომხსენებელს უმასპინძლებს, რომლებიც უკრაინის ომს და მასთან დაკავშირებულ მოვლენებს აქტიურად აშუქებენ. ZEG Tbilisi Storytelling-ი Impact Hub Tbilisi-ს და Coda Story-ის მიერ დაფუძნებული, ამბის თხრობის პირველი საერთაშორისო ფესტივალია რეგიონში. წელს ფესტივალის ფოკუსშია უკრაინის ომი და მისი გავლენა მსოფლიოზე. ფესტივალის ფარგლებში დაგეგმილი დისკუსიები და შეხვედრები საერთაშორისო სტუმრებთან ერთად მიზნად ისახავს უკრაინის ომის შედეგების გაანალიზებას, გლობალური პერსპექტივით გააზრებას და ცვლილებებისთვის საჭირო იდეების ინსპირაციას. ღონისძიების მომხსენებლები იქნებიან მსოფლიოში წამყვანი მედიასაშუალებების გავლენიანი წარმომადგენლები, მათ შორის MOBY Group-ის თანადამფუძნებელი და თავმჯდომარე საად მოჰსენი, Audible-ის კრეატიული განვითარების უფროსი დირექტორი მართა ლიტლი, ITN-ის აღმასრულებელი დირექტორი რეიჩელ კორპი, Ukrainska Pravda-ს აღმასრულებელი დირექტორი ანდრეი ბობორიკინი, პულიცერის პრემიის ფინალისტი და WSJ კორესპოდენტი იაროსლავ ტროფიმოვი, უკრაინელი ფილოსოფოსი და UkraineWorld.org-ის მთავარი რედაქტორი ვოლოდიმირ ერმოლენკო, რადიო თავისუფლების გამომძიებელი ჟურნალისტი ნატალია სედლეცკა, ასევე, The New Yorker-ის, Financial Times-ის, The Wall Street Journal-ის ჟურნალისტები. #ახალიამბები #BusinessMediaGeorgia
BMG და Amboli წარმოგიდგენთ რუბრიკას - #AUTOSERVICE პოსტ-მოგზაურობა და ავტომობილის მოვლა - რუბრიკაში ნახავთ თუ რა უნდა შევუმოწმოთ ჩვენს ავტომობილს მოგზაურობის შემდეგ ზურაბ შალამბერიძე - „ამბოლი“-ს საცალო გაყიდვების დეპარტამენტის დირექტორი; #Amboli #BMG #ბიზნესმედია #საქმიანები #ახალიამბები
#საქმიანიდილა - 29 სექტემბერი - პროლოგი #ახალიამბები #BusinessMediaGeorgia
თბილისის არქიტექტურის, დიზაინისა და შემოქმედებითი ინდუსტრიების ცენტრის ორგანიზებით, Domus Georgia-ს ახალი ქართული პლატფორმის მეორე გამოცემის პრეზენტაცია გაიმართა. ნომრის მთავარი თემა კულტურული მემკვიდრეობა და მახსოვრობაა. ნომერი რუსეთის უკრაინაში შეჭრას ეძღვნება. დღეს Domus-ი წარმოადგენს არა მარტო ჟურნალს არამედ მრავალფუნქციურ პლატფორმას ახალი ინიციატივებისათვის, პროექტებისათვის, ვორქშოფების, სემინარების, რეზიდენციების, ფორუმებისა და ფესტივალებისათვის. საქართველო აღმოსავლეთ ევროპის რეგიონში პირველი ქვეყანაა რომელმაც Domus-თან თანამშრომლობა და ჟურნალის გამოცემა დაიწყო. 39 #ახალიამბები #BusinessMediaGeorgia
სპორტული მედიცინის ასოციაციის პრეზიდენტ ზურაბ კახაბრიშვილის განცხადებით, ოლიმპიურ გუნდში მოქმედი ექიმების 50%-ს მინიმალური ხელფასი აქვს და მათი უმრავლესობა საკუთარი ვალდებულებების მომსახურებისთვის, შემოსავალს ტაქსით მომსახურებიდან გამოიმუშავებენ. ამის შესახებ მან პარლამენტში სპორტისა და ახალგაზრდულ საქმეთა კომიტეტის გუშინდელ სხდომაზე განაცხადა. მისი ინფორმაციით, ოლიმპიურ გუნდში 72 ექიმია და მათი 50% 100-დან 300 ლარამდე ხელფასს იღებს. მხოლოდ სახელფასო ანაზღაურება არ არის ერთადერთი პრობლემა, რაზეც ზურაბ კახაბრიშვილმა პარლამენტის ტრიბუნიდან ისაუბრა. რა გამოწვევები არსებობს ოლიმპიურ გუნდში? სტუმარი: ზურაბ კახაბრიშვილი - სპორტული მედიცინის ასოციაციის პრეზიდენტი;
ბოლო წლებში საქართველოში ქარისა და მზის ელექტროსადგურების მშენებლობისადმი ინტერესი განსაკუთრებულად გაიზარდა. საქართველოს გადამცემი ქსელის განვითარების ათწლიანი, 2022-2032 წლების გეგმის მიხედვით, 2025 წლისთვის ენერგოსისტემაში დაახლოებით 500 მგვტ ქარის და 250 მგვტ მზის სადგურების ინტეგრაცია გახდება შესაძლებელი, არსებული პოტენციალის 100%-ით ათვისების შემთხვევაში კი პროგნოზირებულია, რომ 2030 წლისთვის ქსელში 1332 მგვტ ქარის და 520 მგვტ მზის სადგურების ინტეგრირების პოტენციალი არსებობს. ამავე ანგარიშს თუ დავეყრდნობით, ამჟამად საქართველოს ენერგოსისტემის დადგმული სიმძლავრე 4564 მგვტ-ია, აქედან ქარის სადგურების სიმძლავრე მხოლოდ 21 მგვტ-ს შეადგენს. მთავრობას ჯამში პერსპექტიული ქარის სადგურებისთვის ქვეყნის მასშტაბით 20 ლოკაცია აქვს შერჩეული, სადაც უახლესი 10 წლის პერსპექტივაში 739 მეგავატზე მეტი ჯამური სიმძლავრის პროექტები შეიძლება განხრორციელდეს. ამ პროექტების განხორციელება მათ შორის დამოკიდებულია იმაზეც, რა მხარდამჭერ მექანიზმებს შესთავაზებს კერძო სექტორს მთავრობა, რაც დაანონსებულია, რომ უახლოეს ერთ თვეში უნდა გახდეს ცნობილი. რა სჭირდება ქვეყანაში ქარის ელექტროსადგურების განვითარებას? სტუმარი: თორნიკე ბახტურიძე - "უსასრულო ენერგია"-ს დამფუძნებელი #ახალიამბები #BusinessMediaGeorgia
რუსეთ-უკრაინის ომის ფონზე საქართველოში გაზრდილმა მიგრაციამ უძრავი ქონების ბაზარზე მნიშვნელოვანი ცვლილებები გამოიწვია. უძრავი ქონების სააგენტოების ინფორმაციით, რიგი კატეგორიის ფართების ქირავნობა თბილისში ფაქტობრივად შეუძლებელია. ფასი გაიზარდა უძრავი ქონების შეძენაზეც. კომპანიები არ გამორიცხავენ, რუსეთში გამოცხადებულმა მობილიზაციამ და საქართველოში მიგრანტების ახალმა ნაკადმა ფასები კიდევ უფრო გაზარდოს. თიბისი კაპიტალის უახლესი ანგარიშის თანახმად, აგვისტოს მდგომარეობით წლიურად თბილისში ბინის დაქირავება თითქმით 80%-ით არის გაძვირებული. რაც შეეხება გასაყიდი უძრავი ქონების ფასს, მისი ღირებულება წლიურად 26.5%-ით გაიზარდა. რა ეფექტი აქვს რუსეთიდან გაზრდილ მიგრაციას? სტუმარი: გიორგი მჟავანაძე - "თიბისი კაპიტალის" ასოცირებული მკვლევარი; #ახალიამბები #BusinessMediaGeorgia
უნდა დაწესდეს თუ არა სავიზო რეჟიმი რუსეთთან? სტუმარი: საბა ბუაძე - თბილისის საკრებულოს წევრი; #ახალიამბები #BusinessMediaGeorgia
საქართველოს შინაგან საქმეთა მინისტრ ვახტანგ გომელაურის განცხადებით, რუსეთში ნაწილობრივი მობილიზაციის შემდეგ რუსეთიდან საზღვრის კვეთის მაჩვენებელი 40-45%-ით გაიზარდა. ჟურნალისტებთან საუბრისას მინისტრმა უარყო ინფორმაცია ქვეყანაში 250 000 რუსეთის მოქალაქის შემოსვლის შესახებ თუმცა თქვა, რომ საზღვარზე გაზრდილი ნაკადის გამო, გამშვებ პუნქტებთან დამატებითი საპოლიციო ძალები გადაიყვანეს. ყოველდღიურად რამდენი რუსეთის მოქალაქე შემოდის ქვეყანაში და რამდენად მწვავედ დგას დღეს სავიზო რეჟიმის დაწების საკითხი? #ახალიამბები #BusinessMediaGeorgia
,,მეგრული Day Off-ები” თანამედროვე, რომანტიკული კომედიის ჟანრის, სრულმეტრაჟიანი ფილმის ამბები უნდა მოგიყვეთ. ფილმზე, რომელიც როგორც პროექტის ორგანიზატორები ამბობენ სამეგრელოს ისტორიაზე, კულტურაზე, ტრადიციებზე, გასტრონომიასა და სხარტ იუმორზეა. რამდენად ეტევა სამეგრელო ერთ ფილმში და ვისთვის შეიქმნა ის? სტუმარი: ლაშა კანკავა - მსახიობი; #ახალიამბები #BusinessMediaGeorgia
ორთაჭალაში 12 ჰექტარზე მშენებარე პროექტზე უნდა მოგიყვეთ, რომელსაც მონოლით ჯგუფი ახორციელებს. კომპანია, რომელიც ბაზარზე 2013 წელს შემოვიდა და სამშენებლო, სარეკონსტრუქციო, სარესტავრაციო და სარემონტო სამუშაოების სრულ პაკეტს ასრულებს. სტუმარი: თორნიკე მაისურაძე - "მონოლითი ჯგუფი"-ს გენერალური დირექტორი; #ახალიამბები #BusinessMediaGeorgia
“თიბისი სტარტაპერის” პარტნიორი - შპს "პლასტფორმ გრუპი" სტუმარი: მამუკა ვარდოშვილი - შპს "პლასტფორმ გრუპ"-ის დირექტორი; #ახალიამბები #BusinessMediaGeorgia
20 სექტემბერს სუამ-ის გაეროს გენერალური ასამბლეის 77-ე სესიის ფარგლებში, დემოკრატიისა და ეკონომიკური განვითარების ორგანიზაციის მინისტერიალზე ხელი მოეწერა ოქმს სუამ-ის ფარგლებში საქონლის წარმოშობის ქვეყნის განსაზღვრის წესის შესახებ. ოქმი სუამ-ის წევრ ქვეყნებს შორის კუმულაციური პრინციპის საფუძველზე თავისუფალ ვაჭრობას ითვალისწინებს. კერძოდ, ის საშუალებას აძლევს სუამ-ის წევრ ქვეყნებს, გამოიყენონ ერთმანეთის ნედლეული, რის შედეგადაც პროდუქტს მიენიჭება იმ ქვეყანაში წარმოშობის სტატუსი, სადაც საბოლოო სახე მიიღო. #ახალიამბები #BusinessMediaGeorgia
ეროვნული ბანკის ანგარიშის მიხედვით, საბანკო სექტორში განთავსებული არასაბანკო დეპოზიტების მოცულობამ 2022 წლის პირველი სექტემბრისათვის 41.76 მლრდ ლარი შეადგინა, რაც 3 მლრდ ლარით, ანუ 7.74%-ით მეტია პირველი აგვისტოსათვის არსებულ მაჩვენებელზე. აგვისტოში წინა თვესთან შედარებით ვადიანი დეპოზიტები 4.99%-ით არის გაზრდილი ხოლო მოთხოვნამდე დეპოზიტების შემთხვევაში ზრდა 9.58% შეადგინა. ეროვნული ბანკის ინფორმაციითვე, პირველი სექტემბრისთვის ლარიზაციის კოეფიციენტი 41.91 პროცენტი შეადგინა რაც იმას ნიშნავს, რომ თვის დასაწყისთან შედარებით, ლარიზაცია 1.18 პ.პ-ით შემცირდა. აგვისტოს შედეგები და სექტემბის ტენდენციები საბანკო სფეროდან. სტუმარი: ალექსანდრე ძნელაძე - "საქართველოს საბანკო ასოციაციის" პრეზიდენტი; #ახალიამბები #BusinessMediaGeorgia
სადღესასწაულო გაყიდვების სეზონი მოგვიახლოვდა, მსოფლიო უკვე ემზადება შავი პარასკევისთვის და სააახალწლო ფასდაკლებებისთვის. ბიზნესებს წლევანდელ გაყიდვებთან დაკავშირებით დადებითი მოლოდინები აქვთ. საცალო მოვაჭრეები ემზადებიან ცხელი დღეებისთვის, მაგრამ გამოკვეთილია ერთი მიმართულება, რომელსაც შესაძლოა სულაც არ შეეხოს ფასდაკლება, რადგან ექსპერტები თვლიან რომ მოთხოვნა მაინც დიდია. #ახალიამბები #BusinessMediaGeorgia
აშშ-დან საქართველოში ტვირთების ჩამოტანა ბოლო რამდენიმე თვის განმავლობაში უკვე გაძვირდა, ან გაძვირდება. გადამზიდავი კომპანიები, ამერიკის საწყობში შესულ ამანათებზე ტრანსპორტირების საფასურს ზრდიან. ფასების ზრდა საქართველოში წელს გაზაფხული-ზაფხულის პერიოდიდან ეტაპობრივად დაიწყო. კომპანიის წარმომადგენლები ჩვენთან საუბრისას აღნიშნავენ, რომ აშშ-ში საწვავის მნიშვნელოვანი გაძვირების გამო, ადგილზე გადაზიდვის ხარჯები მკვეთრად გაიზარდა, რაც საბოლოოდ საქართველოში ტვირთის ტრანსპორტირების ფასზეც აისახა. #ახალიამბები #BusinessMediaGeorgia
#საქმიანიდილა - 28 სექტემბერი - პროლოგი #ახალიამბები #BusinessMediaGeorgia
#მეცნიერებისსიახლეები: კიბოს მკურნალობის ახალი მეთოდი; კიბოს წამლის ეფექტიანობა ეჭვქვეშ დააყენეს; საუდის არაბეთი კოსმოსში 2 ასტრონავტს გაუშვებს; ჯეიმს ვების ტელესკოპმა ნეპტუნის ფოტო გადაიღო; თურქეთი კოსმოსში 2 ასტრონავტს გაუშვებს; პლანეტური თავდაცვის სისტემა გამოიცადა. #ახალიამბები #BusinessMediaGeorgia
Transfermarkt-ზე ქართველი ფეხბურთელის, ხვიჩა კვარაცხელიას საბაზრო შეფასება 15 მილიონი ევროდან 35 მილიონ ევრომდე გაიზარდა. კვარაცხელიას შეფასების 133%-იანი ზრდა პირდაპირ კავშირშია იტალიურ „ნაპოლში“ მიღწეულ წარმატებასთან და გულშემატკივრებისა თუ სფეროს ექსპერტების მხრიდან უაღრესად მაღალი შეფასების დამსახურებასთან. ანალიტიკოსების შეფასებით, თუკი კვარაცხელია ამ ტემპით განაგრძობს განვითარებას, მაშინ ეს €20-მილიონიანი ზრდა მხოლოდ მცირე, უმნიშვნელო ნაბიჯად აღიბეჭდება მის გაცილებით უფრო შთამბეჭდავ საბაზრო შეფასებაში. #ახალიამბები #BusinessMediaGeorgia
მიმდინარე წლის ოქტომბერში „ღვინის ბიბლიოთეკა“ გერმანიაში, კერძოდ, დუსელდორფში ფილიალს გახსნის. „ღვინის ბიბლიოთეკის“ დამფუძნებელი ნაზი ხვთისიაშვილი BM.GE-სთან ამბობს, თავდაპირველად გერმანელ პარტნიორებთან მოლაპარაკებებს ექსპორტის მიმართულებით აწარმოებდნენ, თუმცა "ღვინის ბიბლიოთეკის" განსხვავებული კონცეფციიდან გამომდინარე, ობიექტის გახსნის გადაწყვეტილებაც მიიღეს. მისივე თქმით, ინვესტიცია გერმანელი პარტნიორის მიერ განხორციელდება და ადგილზე 10 ადამიანი დასაქმდება. აღსანიშნავია, რომ „ღვინის ბიბლიოთეკა“ თბილისში 3 ობიექტით არის წარმოდგენილი. კომპანიის კონცეფცია იშვიათი ჯიშებისა და მცირე მარნების ღვინოების პოპულარიზაციაა. სწორედ ამ მიზნით, „ღვინის ბიბლიოთეკაში“ ყოველ ხუთშაბათს მეღვინეების დღე იმართება, სადაც მცირე მარნები ფართო საზოგადოებას თავიანთ პროდუქტს წარუდგენენ. სტუმარი: ნაზი ღვთისიაშვილი - "ღვინის ბიბლიოთეკის" დამფუძნებელი და დირექტორი; #ახალიამბები #BusinessMediaGeorgia
საქართველოში სუფრის ყურძენი ძვირდება. EastFruit-ის ანალიტიკოსების კვლევით, თეთრ ყურძენზე საშუალო საბითუმო ფასი კილოგრამზე 1,70 ლარს, ხოლო წითელი ყურძნის შემთხვევაში 2,00 ლარს შეადგენს. ეს კი იმას ნიშნავს, რომ წლიური ფასის ზრდა 10-30%-ია. აქამდე, მაღალი ფასების რეკორდი 2021 წელს დაფიქსირდა. გარდა იმისა, რომ საქართველოში ხილის, თხილისა და ბოსტნეულის მწარმოებლები ხშირად აფიქსირებენ წარმოებისა და მოვლის ხარჯების ზრდას, ბაზრის კვლევამ სუფრის ყურძნის ბიზნესში გარკვეული სპეციფიკური განვითარება გამოავლინა. საცალო ქსელები ყოველწლიურად სულ უფრო მეტ სუფრის ყურძენს ითხოვენ, რადგან ეს სექტორი სწრაფად ვითარდება. სტუმარი: ლაშა ჯინჭარაძე -"Sartichala Vineyard Management"-ის პარტნიორი. #ახალიამბები #BusinessMediaGeorgia
საინტერესო ამბები და სიახლეებია როგორც ნუშის, ასევე კაკლის მიმართულებითაც საქართველოში. ამ სეტქორშიც შეგვიძლია მოვიკითხოთ ვაკანსიები. კადრების დეფიციტი დღეს თითქმის ყველა მიმართულებით არსებობს, შესაძლოა სოფლის მეურნეობაშიც სჭირდებათ შესაბამისი კვალიფიკაციის კადრები, თუმცა იქამდე, ვიდრე სტუმრებთან გავშლით თემას, ნუშის მოსავლის აღება აქტიურ ფაზაშია და საინტერესოა, როგორია მოლოდინები, როგორც ჩვენთვის ცნობილია, ფერმერები უკვე აქტიურად ცდილობენ, სარეალიზაციო ბაზრები მოიძიონ. ნუშისა და კაკლის ასოციაციაციაში აღნიშნავენ, რომ ყველაზე მაღალ მსყიდველუნარიანი ქვეყნები გერმანია, საფრანგეთი, იტალია და ბრიტანეთია. აქვე გეტყვით იმას, რომ 2022 წლის 5 თვეში ქვეყნიდან 119.43 ტონა ნუში გავიდა, საიდანაც ყველაზე დიდი რაოდენობა 79.49 ტონა სომხეთზე მოდის. ბოლო წლებში კაკლოვანი კულტურების ბაღები მნიშვნელოვნად გაიზარდა. მრავალწლოვანი მცენარეები წელს და განსაკუთრებით მომავალი წლიდან ის პერიოდია როცა რეალური მოსავლიანობის მატება ბაზარს უნდა დაეტყოს. როგორია მიმდინარე წლის მოსავლიანობა, საექსპორტე ბაზრების წინასწარი მოთხოვნები და რომელ ქვეყნებს განიხილავენ მთავარ ბაზრად ნუშის მწარმოებლები და ექსპორტიორები? სტუმრები: თორნიკე ლათათია - "კაკლის და ნუშის ასოციაციის" დამფუძნებელი; ლერი ტაბატაძე - "კაკლის და ნუშის ასოციაციის" დამფუძნებელი. #ახალიამბები #BusinessMediaGeorgia
5 ოქტომბერი სამსახურის მაძებლებისთვის მოსანიშნი თარიღია. ექსპო ჯორჯიას მესამე პავილიონი დასაქმების ფაესტივალს მასპინძლობს. საქსტატის ინფორმაციით, 2022 წლის II კვარტლის მონაცემებით, საქართველოში უმუშევრობის დონე ტრადიციულად მაღალია კაცებში, ქალებთან შედარებით. წინა წლის შესაბამის პერიოდთან შედარებით, აღნიშნული მაჩვენებელი ქალებში შემცირებულია 3.8 პროცენტული პუნქტით, ხოლო კაცებში - 4.0 პროცენტული პუნქტით. საქსტატის ინფორმაციითვე, სამუშაო ძალის მონაწილეობის დონე ქალებთან შედარებით მაღალია კაცებში. 2022 წლის II კვარტალში აღნიშნული მაჩვენებელი ქალებში 40.8 პროცენტს, ხოლო კაცებში 64.2 პროცენტს შეადგენდა. წინა წელთან შედარებით, დაქირავებულთა რიცხოვნობა 36.2 ათასი კაცით გაიზარდა (4.4%) და 867.9 ათასს გადააჭარბა, ხოლო თვითდასაქმებულთა რიცხოვნობა 19.4 ათასით გაიზარდა (5.1%) და 401.2 ათასი შეადგინა. ამავე პერიოდში უმუშევართა რაოდენობა 63.0 ათასით შემცირდა (18.3%) და 281.6 ათასი შეადგინა. დასაქმების დონე გაიზარდა როგორც ქალაქის ტიპის (0.9 პროცენტული პუნქტით), ისე სოფლის ტიპის (3.7 პროცენტული პუნქტით) დასახლებებში და შესაბამისად 42.8% და 41.4% შეადგინა. ახლა რაც შეეხება ფესტივალს, ვაკანსიები ძირითადად ჰორეკა სექტორშია გამოცხადებული, შესაბამისად, დასაქმების ფესტივალში მონაწილეობა შეუძლია ყველას, ვინც სამსახურს ეძებს და სასტუმრო ან სარესტორნო სფეროთია დაინტერესებული. მნიშვნელოვანი ინფორმაციაა, რომ ფესტივალზე 30-ზე მეტი კომპანია იღებს მონაწილეობას და ვაკანსიებს აცხადებენ, არამხოლოდ თბილისის მასშტაბით, რეგიონებშიც შესაძლებელია თქვენთვის სასურველი ვაკანსიის მონახვა. სტუმარი: კოტე გაბრიჩიძე - რესტორატორთა ასოციაციის დამფუძნებელი; #ახალიამბები #BusinessMediaGeorgia
"Forbes Georgia-ს მიერ საქართველოში წამოწყებული 30 UNDER 30 პლატფორმა საუკეთესო ასპარეზია, მათში მონაწილე ახალგაზრდებისთვის მიიღონ ცხოვრებაში პირველი აღიარება მსოფლიოში ყველაზე გავლენიანი ბიზნეს გამოცემისგან. ეს აღიარება და 30 წლამდელთა სიაში დასახელება სრულიად ახალი შესაძლებლობების დასაწყისია. ფორბსის და BMG-ის მედია პლატფორმების ხელშეწყობით UNDER 30 სიის წევრებს გაიცნობენ საზოგადოების სხვადასხვა ჯგუფები, რაც სამომავლოდ მათ საშუალებას მისცემს დაამყარონ ახალი საქმიანი კონტაქტები და ურთიერთობები. სწორედ UNDER 30 რუბრიკის ახალ სეზონს BMG-ს ეთერში ვიწყებთ კულტურა და სტილის კატეგორიაში გამარჯვებული, ნიჭიერი და გამორჩეული 30-წლამდელი ქართველი პიანისტით ანა ყიფიანით. ანამ ლონდონის მუსიკის სამეფო კოლეჯსა და პარიზის ალფრედ კორტოს სახელობის მუსიკალურ კოლეჯში სრული სასწავლო გრანტი მოიგო და რაც მთავარია წარჩინებულად დაასრულა სწავლა. ის კლასიკური მუსიკის სფეროში, ფრანგული სააგენტოს “Anteprima Production”-ის ერთადერთი ქართველი არტისტი იყო. სტუმრები: ლიზა ხაბაზაშვილი -"კონსიერჟ თბილისის" მმართველი პარტნიორი; ანა ყიფიანი - პიანისტი, 2021 წლის #Forbes #30Under30-ის გამარჯვებულია კატეგორიაში - კულტურა და სტილი; #ახალიამბები #BusinessMediaGeorgia
ფინანსებზე ხელმისაწვდომობის გაზრდის მიზნით, საქართველოს ეროვნულმა ბანკმა საკრედიტო საინფორმაციო ბიუროს რეგულირების წესში ცვლილებები შეიტანა. ცვლილებები როგორც მარეგულირებელი განმარტავს საკრედიტო საინფორმაციო ბიუროს რეგისტრაციისა და ფუნქციონირების საკითხების მოწესრიგება/დარეგულირების საჭიროებით არის განპირობებული. სები განმარტავს, რომ ეროვნული ბანკი დაინტერესებულ პირებს საკრედიტო საინფორმაციო ბიუროს პლატფორმის შესაძლებლობას სთავაზობს და მისი რეგისტრაციის მოთხოვნებს, რეგულირებისა და ზედამხედველობის პრინციპებს განსაზღვრავს. სტუმარი: ვარლამ ებანოიძე - სებ-ის ფინანსური და საზედამხედველო ტექნოლოგიების განვითარების დეპარტამენტის უფროსი; #ახალიამბები #BusinessMediaGeorgia
Galt&Taggart;: გლობალური ბაზრების ყოველკვირეული მიმოხილვით რატი მესხიშვილი სტუმარი: რატი მესხიშვილი - Galt&Taggart;-ის უფროსი ასოცირებული ბროკერი; #ახალიამბები #BusinessMediaGeorgia
Forbes Georgia & BMG• ბიემჯი და Tegeta Holding-ი წარმოგიდგენთ: #ForbesAuto-ს
ლიბერთი ბანკსა და საქართველოს თხილის მწარმოებელთა ასოციაციას შორის მემორანდუმი გაფორმდა, რომელიც ინოვაციური საპილოტე პროგრამის დაწყებას, კერძოდ მეთხილე ფერმერებისთვის გამარტივებული პროცედურებით სესხის გაცემას ითვალისწინებს. პროგრამა აშშ-ის საერთაშორისო განვითარების სააგენტოს - USAID/Georgia-ს და CNFA-ს “საქართველოს თხილის სექტორის განვითარების პროექტის” მიერ არის ინიცირებული. საპილოტე პროგრამისთვის თხილის კულტურა შეირჩა, ხოლო პროგრამაში მონაწილე მხარეებად - ლიბერთი ბანკი და საქართველოს თხილის მწარმოებელთა ასოციაცია. ახალი აგროპროექტის ფარგლებში, ლიბერთი ბანკმა ფაქტორინგის ფორმა შეარჩია, რომელიც მეთხილე ფერმერების გამარტივებული ფორმითა და უმოკლეს ვადაში დაფინანსების საუკეთესო საშუალებას წარმოადგენს. სტუმარი: ვაჟა მენაბდე - ლიბერთის მცირე და საშუალო ბიზნესის მიმართულების დირექტორი; მერაბ ჭითანავა - საქართველოს თხილის მწარმოებელთა ასოციაციის აღმასრულებელი დირექტორი. #ახალიამბები #BusinessMediaGeorgia
უკრაინასთან ომის დაწყებიდან 7 თვის თავზე რუსეთის პრეზიდენტის ვლადიმერ პუტინის მიერ გამოცხადებულმა ნაწილობრივმა მობილიზაციამ საქართველოში შემოსული რუსი მოქალაქეების რაოდენობა მნიშვნელოვნად გაზარდა. რუსული ფორბსი წერს, რომ შედეგად საქართველოში საცხოვრებელზე რუსების მოთხოვნა 8-ჯერ გაიზარდა. რა გავლენა ექნება მიმდინარე პროცესებს საქართველოზე? #ახალიამბები #BusinessMediaGeorgia
26 და 27 სექტემბერს კავკასიის მედიცინის ცენტრი „ფარისებრი ჯირკვლის სიმსივნეების ციტოლოგიური და ჰისტოლოგიური დიაგნოსტირების“ შესახებ კონფერენციას მასპინძლობს. ღონისძიებას ქართველ სპეციალისტებთან ერთდ ნიდერლანდების ლაბორატორიის LABPON-ის ციტო-პათოლოგი, მარიშკა შრევენ-სტელარდი უძღვება. ორი დღის განმავლობაში გამართულ სემინარებში მონაწილეობას კავკასიის მედიცინის ცენტრის, ასევე ლაბორატორია „მეგალაბისა“ და ევექსის ქსელის ექიმები იღებენ. კონფერენციაზე ფარისებრი ჯირკვლის სიმსივნეების ციტოლოგიური და ჰისტოლოგიური საკითხები გაიხილება და ენდოკრინოლოგები, ციტოლოგები და პათოლოგ-ანატომები ერთმანეთს პრაქტიკულ გამოცდილებას უზიარებენ. აღნიშნული კონფერენცია ხელს უწყობს სიახლეების დანერგვას ფარისებრი ჯირკვლის სიმსივნეების დიაგნოსტირების კუთხით და საერთაშორისო სამედიცინო ცოდნისა და გამოცდილების გაზიარების შესაძლებლობას იძლევა. #ახალიამბები #BusinessMediaGeorgia
სადაზღვევო კომპანია ალდაგი აგროდაზღვევის საერთაშორისო კონფერენცია 2022-ის მხარდამჭერია. კონფერენცია სამ დღიანია და მასში მსოფლიოს სხვადასხვა ქვეყნის 30-ზე მეტი კომპანიის წარმომადგენელი და აგროდაზღვევის ბაზრის მთავარი მოთამაშეები მონაწილეობენ. აღსანიშნია, რომ აგროდაზღვევის მიმართულებით ალდაგი წლებია ბაზრის ერთ-ერთი ლიდერია, როგორც ანაზღაურების ოდენობით, ისე პროდუქტების მრავალფეროვნებითა და სერვისებით. #ახალიამბები #BusinessMediaGeorgia
#საქმიანიდილა - 27 სექტემბერი - პროლოგი #ახალიამბები #BusinessMediaGeorgia
გარემოს დაცვისა და სოფლის მეურნეობის მინისტრის მოადგილემ, სოლომონ პავლიაშვილმა მწარმოებლის გაფართოებულ ვალდებულებას დაქვემდებარებული ორგანიზაციების წარმომადგენლებთან სამუშაო შეხვედრა გამართა. შეხვედრაზე მწარმოებლის გაფართოებული ვალდებულების ელექტრონულ რეესტრში მგვ-ს დაქვემდებარებული ორგანიზაციების მიერ ავტორიზაციის გავლის პროცედურულ საკითხებზე იმსჯელეს. მიმდინარე წლის 1 ივნისიდან, მწარმოებლის გაფართოებულ ვალდებულებას დაქვემდებარებულ პროდუქციის მწარმოებლებს გარკვეული ვალდებულებები დაეკისრათ. მათ უნდა გაიარონ რეგისტრაცია მგვ-ის ელექტრონულ რეესტრში, იყვნენ მგვ ორგანიზაციის წევრები და აიღონ ვალდებულება შემოტანილი პროდუქციის ნარჩენების შემდგომი მართვის საკითხებზე. 2022 წლის 1 ივლისიდან, შესაბამისი მგვ ვალდებულებას დაქვემდებარებული პროდუქციის დისტრიბუტორები ვალდებულნი არიან, ბაზარზე არ განათავსონ იმ მწარმოებლების მიერ მოწოდებული პროდუქტები, რომლებიც არ არიან რეგისტრირებული მგვ რეესტრში და არ არიან მგვ ორგანიზაციის წევრები. რა საკითხები იქნა დაყენებული შეხვედრაზე და რა კითხვები რჩება ბიზნესს დღეს? სტუმარი: სოლომონ პავლიაშვილი - გარემოს დაცვისა და სოფლის მეურნეობის მინისტრის მოადგილე; #ახალიამბები #BusinessMediaGeorgia