“ეფეს საქართველომ“ „სტარტაპ ბიუროსა“ და „იმპაქტ ჰაბ თბილისთან“ ერთად PechaKucha Night-ის ღონისძიებას უმასპინძლა, რომელიც 1300 ქალაქში ტარდება და არაფორმალური, სახალისო შეკრების კონცეფცია აქვს. ღონისძიებაზე „ეფეს საქართველომ“ ანტერპრენერული პროგრამა წარადგინა. ღონისძიების კონცეფცია იყო „Going Green“. შეხვედრაზე სხვადასხვა კომპანიების წარმომადგენლებმა საკუთარ გამოცდილებაზე ისაუბრეს, თუ როგორ ცდილობენ მათი ორგანიზაციები ქვეყანა, რეგიონი და მსოფლიო უკეთესობისკენ შეცვალონ. “ეფეს საქართველოსთვის“ მდგრადი განვითარება ერთ-ერთი პრიორიტეტული მიმართულებაა. კომპანია ამჟამად რამდენიმე პროექტზე მუშაობს, რომელიც გარემოსა და რესურსების დაცვას, ასევე, საქართველოს მომავალი თაობისთვის გარემოს გაუმჯობესებას ისახავს მიზნად. #ახალიამბები #BusinessMediaGeorgia
Motorola Solutions-ის და მისი პლატინიუმის პარტნიორის საქართველოში “შპს კომუნიკომის” ორგანიზებით, შეხვედრა გაიმართა. ღონისძიება ყოველწლიურ ხასიათს ატარებს და ამ ნაბიჯით კომპანია ქართულ ბაზარს მუდმივ სიახლეებს აცნობს. ამჯერადაც მოტოროლა სოლუშენსმა “შპს კომუნიკომის” საშუალებით, რადიოკავშირის და ვიდეოუსაფრთხოების მოწყობილობები წარადგინა. შეხვედრის ფარგლებში,ახალი თანამედროვე რადიოსადგურის რ7-ის პრეზენტაცია გაიმართა, რომელიც 2022 წელს გამოვიდა ხა ის მსოფლიო ბაზარზე ერთ-ერთი ყველაზე თანამედროვე რადიოსადგურია. #ახალიამბები #BusinessMediaGeorgia
აგროკომპანია „ბარაქამ“ სიმინდის მწარმოებელი ფერმერებისთვის აბაშაში ღია კარის დღე მოაწყო. შეხვედრაზე ბარაქას აგრონომებმა სიმინდის წარმოებასთან დაკავშირებულ გამოწვევებსა და მათი მოგვარების გზებზე ისაუბრეს. ღონისძიებაზე განხილული იყო ისეთი საკითხები, რომელიც სიმინდის მოსავლიანობაზე დიდ გავლენას ახდენს. მონაწილეებს შესაძლებლობა ჰქონდათ კითხვა-პასუხის რეჟიმში განეხილათ არსებული პრობლემები და ტენდენციები. #ახალიამბები #BusinessMediaGeorgia
„თეგეტა აკადემიაში“ სწავლის პროცესი განახლდა. ელექტრო და ელექტრონული სისტემების შეკეთების პროფესიულ საგანმანათლებლო პროგრამაზე მოსახვედრად აპლიკანტებმა ტესტირებისა და გასაუბრების ეტაპი გაიარეს. 116 მსურველიდან შერჩევის პროცესი წარმატებით 15-მა მათგანმა დაასრულა. კურსის დაწყებამდე „თეგეტა აკადემიამ“ ახალი ნაკადის სტუდენტებს გაცნობითი ხასიათის ღონისძიებაზე უმასპინძლა. ისინი აკადემიას, მენტორებს და სასწავლო გარემოს გაეცნენ. აღსანიშნავია რომ პროგრამის სტუდენტები 2 წლის განმავლობაში თეორიულ და პრაქტიკულ სწავლებას გაივლიან. პრაქტიკული ნაწილი „თეგეტა მოტორსის“ მხარდაჭერით ხორციელდება და მის ფარგლებში სტუდენტები ანაზღაურებად სტაჟირებას გაივლიან. სწავლების პროცესში სტუდენტების მიერ მიღებული ცოდნა შუალედური გამოცდის საშუალებით შემოწმდება, ხოლო კურსის დასრულებისას ისინი სავალდებულო საკვალიფიკაციო გამოცდას ჩააბარებენ. პროფესიული კოლეჯის კურსდამთავრებულებს შესაძლებლობა ექნებათ, საქმიანობა მსუბუქი ავტოტრანსპორტის ელექტრო და ელექტრონული სისტემების სერვისის მიმართულებით დაიწყონ. #ახალიამბები #BusinessMediaGeorgia
გუშინ, კომპანია გალფმა და პეტროკას ენერჯი გრუპმა, ნამდვიუვლი დღესასწაული მოუწყვეს ქართველ ახალგაზრდებს. განათლების და მეცნიერების სამინისტრისთან თანამშრომლობით, გალფმა 100 პირველკურსელი სტიპენდიანტი შეარჩია, მთელი საქართველოს მასშტაბით სტუდენტთა მხარდაჭერის მიზნით, "გალფის სასტიპენდიო პროგრამა" შეიქმნა, რომლის თანახმად ერთიანი ეროვნული გამოცდების შედეგების საფუძველზე, საუკეთესო 100 პირველკურსელი ყოველთვიურად 300-ლარიან სტიპენდიას მიიღებს. გარდა ამისა, კომპანია გალფის მხარდაჭერით და არველაძეების ფონდის ინიციატივით საქართველოს ყველა რეგიონიდან საუკეთესო ქულების მქონე 12 პირველკურსელი შეირჩა, რომლებიც ნეაპოლში ხვიჩა კვარაცხელიას თამაშზე უგულშემატკივრებენ. რომლებიც 10-13 ნოემბერს იტალიაში, ქალაქ ნეაპოლში გაემგზავრებიან, სადაც მარადონას სახელობის სტადიონზე ხვიჩა კვარაცხელიას ნაპოლი-უდინეზეს მატჩზე უგულშემატკივრებენ. #ახალიამბები #BusinessMediaGeorgia
#საქმიანიდილა - 8 ნოემბერი - პროლოგი #ახალიამბები #BusinessMediaGeorgia
გავრცელებული ინფორმაციით თანახმად, აქამდე აუქციონებზე გატანილი ერთ-ერთი უდიდესი ვარდისფერი ბრილიანტი, დღეს 8 ნოემბერს, Christie’s-ის აუქციონზე შესაძლოა, $35 მილიონად გაიყიდოს. ჟენევაში მდებარე სააუქციონო სახლის სამკაულების დეპარტამენტის ხელმძღვანელის განცხადებით, ძვირფასი ქვა, რომელსაც „Fortune Pink“-ს უწოდებენ, 18.18 კარატს იწონის. როგორც ირკვევა, ბრილიანტით დაინტერესება უკვე თითქმის მთელი მსოფლიოდან გამოითქვა. Christie’s-ის წარმომადგენლების განმარტებით, „Fortune Pink“-ის ღირებულებას მისი იშვიათი ფერი, ფორმა და წარმომავლობა განსაზღვრავს. სხვადასხვა პროგნოზით, ბრილიანტის გასაყიდმა ფასმა შესაძლოა 25-დან 35 მილიონ აშშ დოლარამდე შეადგინოს. #ახალიამბები #BusinessMediaGeorgia
გასული კვირის ბოლოს რუსთავის მერმა ნინო ლაცაბიძემ 2022 წელს შესრულებული სამუშაოების ანგარიში სამოქალაქო მრჩეველთა საბჭოს წინაშე წარადგინა. როგორც მერიის მიერ გავრცელებულ ინფორმაციაშია აღნიშნული, საბჭოს წევრების მხრიდან გამოითქვა მოსაზრებები რუსთავის შემდგომ განვითარებასა და მიმდინარე რეფორმებთან მიმართებით. გარდა ამისა შეხვედრაზე, 2023 წლის ბიუჯეტის პროექტის პრეზენტაციაც მოეწყო. რა გაკეთდა 1 წლის განმავლობაში რუსთავში და როგორ უყურებს ქალაქის მმართველობა რუსთავის ეკონომიკური განვითარების პოტენციალსა და ეკოლოგიის თვალსაზრისით უმწვავესს პრობლემებს? სტუმარი: ნინო ლაცაბიძე - რუსთავის მერი; #ახალიამბები #BusinessMediaGeorgia
ბათუმის ბიუჯეტში ბოლოს შესული ცვლილების თანახმად, 620 000 ლარი, რომელიც სივრცით-ტერიტორიული დაგეგმვის დოკუმენტის [გენგეგმის ნაწილი] შემუშავებისთვის იყო გათვალისწინებული, მომავალი წლის ბიუჯეტში გადაიტანეს. „ბათუმელების“ ინფორმაციით ბათუმის მერია და შემსრულებელი კომპანია სითი ინსტიტუტის სახით, სასამართლოში დავობენ – მიზეზი კი ვადების დარღვევის გამო დაკისრებული პირგასამტეხლოა. პირგასამტეხლოს დაკისრების აქტი მერიამ მიმწოდებელი კომპანიის – „სითი ინსტიტუტი საქართველოს“ წინააღმდეგ მეორე ეტაპის დოკუმენტების შეთანხმებულ ვადაში ჩაუბარებლობის გამო გამოსცა. კომპანიის დირექტორმა მამუკა სალუქვაძე კი განმარტავს, რომ დავა ეხება ხელშეკრულებაში კონკრეტული მუხლის ინტერპრეტაციას და ახლა სასამართლოში ცდილობენ იმის გარკვევას, რამდენად სწორად ესმით მისი შინაარსი მოდავე მხარეებს. ხელშეკრულების მიხედვით, მერია დოკუმენტის მომზადებაში ჯამში 2 მილიონ 495 700 ლარს გადაიხდის, თანხა კომპანიას, ეტაპობრივად, ჩაბარებული დოკუმენტების შესაბამისად ერიცხება. მერიას უკვე გადახდილი აქვს 898 452 ლარი, რაც საერთო ღირებულების 36 პროცენტია. სტუმარი: მამუკა სალუქვაძე - "სითი ინსტიტუტი საქართველოს" დირეტქორი; #ახალიამბები #BusinessMediaGeorgia
აჭარაში ნარინჯისფერი რთველი 15 ნოემბრიდან იწყება, თუმცა წელს გასულ წელთან შედარებით მანდარინის შემცირებულ მოსავალს ელოდებიან. შემცირებული მოსავლის მიზეზად კლიმატური პირობები სახელდება. სტუმარი: ვაჟა მკურნალიძე - “აგრო ინვესტ სერვისის” დირექტორი; #ახალიამბები #BusinessMediaGeorgia
2022 წლის მესამე კვარტლის მდგომარეობით, მიკროსაფინანსო ორგანიზაციებმა მეორე კვალტალთან შედარებით 32 065 183 მლნ ლარით მეტი წმინდა მოგება მიიღეს, რაც 81 232 218 ლარით განისაზღვრა. მეორე კვარტალში ეს თანხა 49 167 035 ლარი იყო. საქართველოს ეროვნული ბანკის მიერ გამოქვეყნებული კონსოლიდირებული ფინანსური ანგარიშგების მიხედვით, 2022 წლის მესამე კვარტალში მისო-ების მთლიანი აქტივები 1,795 მლრდ ლარს, მთლიანი კაპიტალი კი 640,7 მლნ ლარს შეადგენდა. სების მონაცემებით მიმდინარე წლის მესამე კვარტალში მისო-ების მთლიანმა საპროცენტო შემოსავალმა 271,029 მლნ ლარს გადააჭარბა, საიდანაც ფიზიკურ პირებზე გაცემული სესხებიდან სექტორმა 246,150 მლნ ლარი მიიღო, იურიდიულ პირებზე გაცემული სესხებიდან საპროცენტო შემოსავალმა კი 4,896 მლნ ლარი შეადგინა. სტუმარი: გია პეტრიაშვილი - "ემ ბი სის" გენერალური დირექტრი; #ახალიამბები #BusinessMediaGeorgia
თბილისში მაღალი მოდის კვირეული ტარდება სტუმარი: თინათინ მაღალაშვილი, "საქართველოს მაღალი მოდის კვირეული, დამფუძნებელი #ახალიამბები #BusinessMediaGeorgia
TBC PLC-ის აქციების ღირებულება ერთკვირიან ჭრილში 14.31%-ით გაიზარდა, შედეგად, ბანკის ერთი აქცია 21.65 გირვანქა სტერლინგი ღირს. კომპანიის საბაზრო კაპიტალიზაციამ ამ მატების შედეგად 1 მილიარდ 194 მილიონ გირვანქა სტერლინგს მიაღწია. ბოლო სამ თვეში "თიბისის" აქციების ფასი 61%-ით გაიზარდა, ერთთვიან ჭრილში ზრდა კი 24%-ს აღწევს. ზრდა მთელი კვირის განმავლობაში იყო და შედეგი დადო უზბეკეთში გამართულმა ინვესტორთა დღემაც, რომელიც 4 ნოემბერს უზბეკეთის ეკონომიკური ფორუმის ფარგლებში შედგა. თიბისის ინვესტორთა დღე წელიწადში ერთხელ ან ორჯერ ანალიტიკოსებისა და ინვესტორებისთვის ტარდება. ამ დღეს, თიბისის მენეჯმენტი საზოგადოებას კომპანიის სტრატეგიული პრიორიტეტების მიმოხილვას და ფინანსურ-საოპერაციო მუშაობის პრეზენტაციებს წარუდგენს, ამჯერად ეს უზბეკეთში იყო და ტრადიციულად თიბისის მენეჯმენტმა დამსწრე საზოგადოებას თიბისის საქმიანობა და სტრატეგიული პრიორიტეტები, საქართველოსა და უზბეკეთის ფინანსური და მაკროეკონომიკური მიმოხილვა, კომპანიის ტექნოლოგიური და ციფრული განვითარება, ციფრული ეკოსისტემა, თიბისის საერთაშორისო გაფართოება უზბეკეთში და თიბისის საცალო/MSME/კორპორაციული/საინვესტიციო ბანკინგის მიმართულება წარუდგინა. საშური შედეგები აქვს თიბისი უზ-სსაც. თიბისი უზბეკეთის ყოველთვიური მომხმარებლების საერთო რაოდენობამ მესამე კვარტალში 40% იანი წლიური ზრდა აჩვენა და 3.9 მილიონს მიაღწია, აქედან 80% ციფრული მომხმარებელია. მხოლოდ Payme-ს აქტიური ყოველთვიური მომხმარებლების რაოდენობამ სექტემბერში 2.1 მილიონს მიაღწია, როცა 2021 წლის სექტემბერში 1.3 მლნ იყო. TBC PLC-ის უზბეკეთის ოპერაციების ჯამურმა წმინდა შემოსავალმა მესამე კვარტალში 1.7 მლნ ლარი შეადგინა. სტუმარი: ნიკოლოზ ქურდიანი - თიბისის გენერალური დირექტორის მოადგილე, TBC UZ-ის სამეთვალყურეო საბჭოს თავმჯდომარე; #ახალიამბები #BusinessMediaGeorgia
"სოფტ მასტერ ტრეიდმა" ტექნოლოგიურ ღონისძიებას უმასპინძლა #ახალიამბები #BusinessMediaGeorgia
საქართველოში, ტურიზმის საერთაშორისო ბიზნესფორუმი გაიმართა, რომლის მიზანიც ქვეყანაში უცხოური ინვესტიციების მოზიდვა, ასევე ტურიზმის განვითარების პერსპექტივებისა და უძრავი ქონების ბაზრის შეფასებაა. ბიზნესფორუმის ფარგლებში საქართველოს 10-მდე საინვესტიციო კომპანია და 40-მდე ვლოგერი ეწვია, რომლებიც საქართველოში არსებულ ბიზნესგარემოს, ხელსაყრელ საინვესტიციო შესაძლებლობებსა და ტურისტულ პოტენციალს ადგილზე ეცნობიან; ასევე ეცნობიან სხვადასხვა მიმართულებით გატარებულ რეფორმებსა და დაგეგმილ ღონისძიებებს. აღსანიშნავია, რომ საერთაშორისო ტურიზმის ბიზნესფორუმს ყოველწლიური ხასიათი მიეცემა და აქცენტი საქართველოს რეგიონებზე გაკეთდება. #ახალიამბები #BusinessMediaGeorgia
"სქილსეთი" არის სტარტაპ აპლიკაცია, რომელიც 2022 წლის ივნისში ჩაეშვა და სხვადასხვა პროფესიის მქონე ადამიანს ერთ სივრცეში. სქილსეთის მეშვეობით მომხმარებლები მათთვის საჭირო პროფესიის ადამიანებთან დაკავშირების რესურსს იღებენ და ორი მხარე სერვისის მიმწოდებელიც და მომხმარებელიც ამ პლატფორმის საშუალებით იღებს სასურველს. სტუმარი: გიორგი ბიგვავა - ,,სქილსეთის'' თანადამფუძნებელი; #ახალიამბები #BusinessMediaGeorgia
სურსათის ფასები მსოფლიოში - რატომ არ აისახება ქართულ ბაზარზე გლობალური ტენდენცია? #ახალიამბები #BusinessMediaGeorgia
ყველაზე მოთხოვნადი მედიკამენტების ფასები #ახალიამბები #BusinessMediaGeorgia
საერთაშორისო სადაზღვევო საბროკერო კომპანია „მაი ჯორჯია“ 15 წლის გახდა. მაი ჯორჯია ევროპის ერთ-ერთი წამყვან სადაზღვევო საბროკერო ჯგუფს - MAI Central and Easter Europe-ს წარმოადგენს და მისი მომსახურებით ადგილობრივი და საერთაშორისო ორგანიზაციები სარგებლობენ. აღსანიშნავია ისიც, რომ კომპანიამ დაბადების დღის გარდა კიდევ ერთი მნიშვნელოვანი სიახლე აღნიშნა, MAI ჯგუფი ავსტრიულმა ჯგუფმა GrECo-მ შეიძინა და შესაბამისად ნოემბრიდან კომპანია ახალი სახელით განაგრძობს მოღვაწეობას. #ახალიამბები #BusinessMediaGeorgia
#საქმიანიდილა - 7 ნოემბერი - პროლოგი #ახალიამბები #BusinessMediaGeorgia
ახალქალაქის ჰიდროელექტროსადგურმა ოპერირება დაიწყო. ჰიდროელექტროსადგური კავკასიის განახლებადი ენერგიის ფონდმა ისლანდიური სახელმწიფო ენერგიის მწარმოებელ კომპანია LANSVIRKJUN-თან და ადგილობრივ კომპანია HYDRO ENERGY-სთან ერთად განავითარა. პროექტის ჯამური ინვესტიცია 26 მილიონ დოლარს შეადგენს. ახალქალაქის ჰიდროელექტროსადგური, 9.1 მეგავატი დადგმული სიმძლავრით, 2022 წელს საქართველოში ექსპლუატაციაში შესულ ჰესებს შორის ყველაზე დიდია, 40 %-იანი წილით დადგმული სიმძლავრის მიხედვით. 2021 წლის მონაცემებით, მისი წილი 50 მილიონი კილოვატსაათი გამომუშავებით მცირე ჰიდროელექტროსადგურების გენერაციაში 6%-ს შეადგენს, ჰიდროელექტროსადგურების სრულ გენერაციაში კი - 0.5%-ს. პროექტის განვითარება ინდუსტრიის საუკეთესო პრაქტიკის გათვალისწინებით წარიმართა და პროცესში განსაკუთრებული ყურადღება გარემოსდაცვით, სოციალურ და პოზიტიური გავლენის მიმართულებებზე გამახვილდა. ახალქალაქი ჰესის მთავარი ფინანსური მხარდამჭერი თიბისი ბანკია, რომლის თანამონაწილეობაც პროექტის ფარგლებში, 9 მილიონ აშშ დოლარს შეადგენს. თიბისისა და კავკასიის განახლებადი ენერგიის ჰოლდინგის 5 წლიანი თანამშრომლობა ჯამში 7 ჰესს აერთიანებს, 38 მეგავატი ჯამური დადგმული სიმძლავრით. აღსანიშნავია, რომ მიმდინარე წელს საქართველოში 6 ჰესი გაეშვა ოპერირებაში, საიდანაც 4 მათგანი, 23 მეგავატი ჯამური დადგმული სიმძლავრით სწორედ თიბისის მიერ არის დაფინანსებული. საერთო ჯამში, ქვეყნის მასშტაბით, თიბისის მიერ 31 ჰიდროელექტროსადგურია დაფინანსებული, საიდანაც 20 მათგანი უკვე ოპერირებს, 11 კი მშენებლობის პროცესშია. აღნიშნული მიმართულებით თიბისის ჯამური პორტფელი 650 მილიონ ლარს შეადგენს. #ახალიამბები #BusinessMediaGeorgia
2022 წლის ოქტომბერში წლიური ინფლაციის დონე 10.6 პროცენტია. საქსტატის მიერ გამოქვეყნებული ანგარიშის მიხედვით, ინფლაციაზე ყველაზე დიდი გავლენა სურსათის გაძვირებამ იქონია. სურსათისა და უალკოჰოლო სასმელების ჯგუფში ფასები გაიზარდა 15.8 პროცენტით. ამ პერიოდში ყველაზე მეტად გაძვირდა პური და პურპროდუქტები, რძე, ყველი და კვერცხი და უალკოჰოლო სასმელები. ტრანსპორტის ჯგუფში ფასები გაიზარდა 11.6 პროცენტით. გაძვირებულია როგორც სატრანსპორტო მომსახურება, ისე პირადი სატრანსპორტო საშუალებების ექსპლუატაცია. საცხოვრებლის, წყლის, ელ.ენერგიისა და აირის ჯგუფში ფასები გაიზარდა 13.5 პროცენტით. საცხოვრებელზე ფაქტიური გადასახადი ყველაზე მეტად არის გაძვირებული, თუმცა მნიშვნელოვანი გაძვირება შეეხო საცხოვრებლის მოვლას და შეკეთებასაც. თებერვლიდან დაიწყება ინფლაციის შემცირება სხვა თანაბარ პირობებში და მიზნობრივ მაჩვენებელთან დაახლოება წლის მეორე ნახევარში უნდა მოხდეს, - ამის შესახებ ეროვნული ბანკის პრეზიდენტმა კობა გვენეტაძემ განაცხადა. სტუმარი: აკაკი ცომაია - საქართველოს უნივერსიტეტის პროფესორი, ეკონომიკური კვლევების ინსტიტუტის დირექტორი; #ახალიამბები #BusinessMediaGeorgia
2 ნოემბერს კვლევისა და მენეჯმენტის საკონსულტაციო კომპანია ACT-იმ „შრომის უფლებებისა და პირობების შესახებ შრომის კანონმდებლობაში შეტანილი ცვლილებებისთვის“ რეგულირების გავლენის შეფასების (RIA) დოკუმენტი გამოაქვეყნა. RIA-ს დოკუმენტი მოიცავს შრომის კოდექსში განხორციელებული რიგი ცვლილებების შეფასებას, რომლებიც 2020 წლის 29 სექტემბერს ამოქმედდა. პროექტის ფარგლებში შეფასდა ეკონომიკური და სოციალური გავლენის სხვადასხვა ასპექტი. სტუმრები: სოფო ჩაჩანიძე - "ეისითის" მმართველი პარტნიორი; ნესტან გაფრინდაშვილი - "ეისითის" უფროსი კონსულტანტი, ეკონომისტი, კვლევის ავტორი. #ახალიამბები #BusinessMediaGeorgia
პარლამენტმა 80-ხმით 9-ის წინააღმდეგ, პირველი მოსმენით - “დეოლიგარქიზაციის შესახებ“ კანონის პროექტი მიიღო. კანონპროექტით განიმარტება “ოლიგარქის“ ცნება; განისაზღვრება პირის ოლიგარქად ცნობისა და შესაბამის რეესტრში შეყვანის, ოლიგარქის რეესტრიდან ამორიცხვისა და აღნიშნული რეესტრის წარმოების საკითხები; პირის ოლიგარქად ცნობის სამართლებრივი შედეგები; გარკვეული პირების მიერ ოლიგარქსა და მის წარმომადგენელთან კონტაქტის თაობაზე შესაბამისი დეკლარაციების შევსების საკითხები. პროექტის მიხედვით, საზოგადოებრივ ცხოვრებაში მნიშვნელოვანი ეკონომიკური და პოლიტიკური წონის მქონე პირად - ოლიგარქად მიიჩნევა ფიზიკური პირი, რომელიც შემდეგი კრიტერიუმებიდან სულ მცირე სამს ერთდროულად აკმაყოფილებს: ა) მონაწილეობს პოლიტიკურ ცხოვრებაში ; ბ) გავლენას ახდენს მასობრივი ინფორმაციის საშუალებებზე მნიშვნელოვან ; გ) არის იმ მეწარმე იურიდიული პირის საბოლოო ბენეფიციარი, რომელსაც ბაზარზე დომინანტური მდგომარეობა უკავია და რომელიც ამ მდგომარეობას 1 წლის განმავლობაში ინარჩუნებს ან აუმჯობესებს; დ) მისი და იმ მეწარმე იურიდიული პირების აქტივების დადასტურებული ოდენობა, სადაც ის ბენეფიციარია, შესაბამისი წლის 1 იანვრის მდგომარეობით 1000 000-ჯერ აღემატება შრომისუნარიანი პირებისთვის დადგენილ საარსებო მინიმუმს. პირის საზოგადოებრივ ცხოვრებაში მნიშვნელოვანი ეკონომიკური და პოლიტიკური წონის მქონე პირად (ოლიგარქად) ცნობის შესახებ გადაწყვეტილებას პარლამენტი იღებს. კანონპროექტით, ოლიგარქებს სპეციალურ რეესტრში შეიყვანენ. რეესტრთან დაკავშირებულ წესებს, მათ შორის მისი შექმნისა და წარმოების წესებს, პარლამენტი დაამტკიცებს. რეესტრის შექმნასა და წარმოებას პარლამენტის აპარატი უზრუნველყოფს. სტუმარი: გიორგი დავითური - IDFI-ის მთავარი იურისტი; #ახალიამბები #BusinessMediaGeorgia
"საქართველოს ტურისტული პოტენციალის 30 % აქვს ათვისებული" - ასე ფიქრობს Hospitality Projects-ის დამფუძნებელი ვალერი ჩეხერია, რომელიც მაღალმხარჯველიანი ტურისტების მოსაზიდად ქვეყანაში, სამკურნალო ტურიზმის და გასტრონომიული ტურიზმის განვითარების აუცილებლობაზე საუბრობს. #bmgdrive-ის მგზავრი: ვალერი ჩეხერია - Hospitality Projects-ის დამფუძნებელი; მსოფლიოს ეკონომიკური ფორუმი Young Global Leaders-ის წევრი; SLOW GROUP-ის ბიზნესის განვითარების დირექტორი. ავტორები: ედგარ ყაზახაშვილი; რევაზ ნასიძე; ბექა ბაციკაძე. #ახალიამბები #BusinessMediaGeorgia
უცხოური ინვესტიციით შექმნილი მაი ჯორჯია 15 წლის გზადა. კომპანია, რომელიც საქართველოში 2007 წლიდან ოპერირებს, ევროპის ერთ-ერთი წამყვან სადაზღვევო საბროკერო ჯგუფს - MAI Central and Easter Europe-ს წარმოადგენს. ქართულ სადაზღვევო ბაზარზე მოღვაწეობის მანძილზე „მაი ჯორჯიას“ მიერ სადაზღვევო და გადამზღვევი კომპანიებისათვის მოზიდული სადაზღვევო პრემიის რაოდენობა 200 მილიონ ლარს აჭარბებს, ხოლო ქვეყნის ბიუჯეტში გადასახადების სახით ორ მილიონ ლარზე მეტია გადახდილი. სულ ცოტა ხნის წინ MAI ჯგუფი ავსტრიულმა ჯგუფმა GrECo-მ შეიძინა და შესაბამისად ნოემბრიდან კომპანია ახალი სახელით განაგრძობს მოღვაწეობას. სტუმრები: ლევან ჯიშკარიანი - სადაზღვევო ბროკერი, მაი ჯორჯიას გენერალური დირექტორი; ჯორჯ ვინტერი - GrECo International Holding AG-ის აღმასრულებელი დირექტორი; ტონი ბანოვაჩი - GrECo International Holding AG-ის ოპერაციული დირექტორი; ზვიად ვარდოსანიძე - GrECo Specialty GmbH-ის გენერალური დირექტორი. #ახალიამბები #BusinessMediaGeorgia
უძრავი ქონების პროექტების პირველ ეროვნულ დაჯილდოებაზე კრწანისი ვილა რეზიდენსი ნომინაციაში „დაბალი საცხოვრებელი შენობები“ ოქროს ჯილდოს მფლობელი გახდა. დაჯილდოვების ცერემონიამდე კომპანიამ ასევე მონაწილეობა მიიღო კონფერენციაში „მწვანე ჭკვიანი და სიცოცხლით სავსე ქალაქები“, სადაც მსოფლიოს სხვადასხვა ქვეყნიდან მოწვეულ უძრავი ქონების სექტორის წარმომადგენლებს საკუთარი პროექტები გააცნეს. ღონისძიება FIABCI Georgia-ს, Property Georgia-სა და Expo Georgia-ს ორგანიზებით, საქართველოსა და კავკასიის რეგიონში პირველად გაიმართა და მისი მიზანია, საქართველო საერთაშორისო რუკაზე პოზიციონირებდეს, როგორც მაღალი დონის, საინტერესო პროექტების განმავითარებელი ქვეყანა. სტუმრები: ბექა ფაშალიშვილი - "ვილა რეზიდენსის" გაყიდვების დეპარტამენტის ხელმძღვანელი; კესო კაციტაძე - "ვილა რეზიდენსის" საზოგადოებასთან ურთოერთობების მენეჯერი. #ახალიამბები #BusinessMediaGeorgia
საავტომობილო ბაზარი: აწმყო & მომავალი გიორგი თოლორდავა, BMG-ის ანალიტიკოსი გიორგი არონია, Forbes Georgia-ს ანალიტიკოსი სტუმარი: პეტრე წაქაძე - „პორშე ცენტრი თბილისის“ დირექტორი; #ახალიამბები #BusinessMediaGeorgia
Globalize მორიგ კონფერენციას ლონდონში მართავს. სან ფრანცისკოსა და პარიზის კონფერენციების წარმატებით დასრულების შემდეგ, ქართველი სტარტაპერები და ექსპორტიორები ლონდონში შეიკრიბებიან. კონფერენციაზე საქართველოდან ჩასულ სტარტაპერებს შესაძლებლობა ექნებათ ადგილზე შეხვდნენ, ბრიტანეთში მოღვაწე ქართული დიასპორის წარმომადგენლებს, ინვესტორებს, ადგილობრივ ტექ ქომუნითის, სავაჭრო ორგანიზაციებს და სხვა საჭირო პარტნიორებს, რაც ქართულ კომპანიებს მნიშვნელოვანი კავშირების დამყარებაში დაეხმარება და მომავალში მათ ევროპის ბაზარზე გაფართოებას შეუწყობს ხელს. Globalize-ის მორიგი კონფერენცია “GITA”-ს, USAID-ის ეკონომიკური უსაფრთხოების პროგრამის და “საქართველოს ბანკი ბიზნესის” მხარდაჭერით ხორციელდება. #ახალიამბები #BusinessMediaGeorgia
პოლიეთილენის პარკები ბაზარზე - რატომ არ მუშაობს კანონი? #ახალიამბები #BusinessMediaGeorgia
#საქმიანიდილა - 4 ნოემბერი - პროლოგი #ახალიამბები #BusinessMediaGeorgia
ესპანური ხომალდის ჩაძირვის შედეგად, ოთხი საუკუნის განმავლობაში დაკარგული ზურმუხტის ბეჭედი დეკემბერში აუქციონზე გამოჩნდება. Perdue Farms-ის ყოფილი აღმასრულებელი დირექტორის ქვრივი დაკარგული ბეჭდის გაყიდვასა და ჰუმანიტარული მიზნებისთვის თანხის სრულად უკრაინისთვის გადაცემას გეგმავს. ცნობილი ესპანური გალეონი “Nuestra Señora de Atocha” 1622 წელს, დღევანდელი ფლორიდის სანაპიროსთან, ქარიშხლის შედეგად ჩაიძირა, მასთან ერთად ზღვის ფსკერზე აღმოჩნდა 6.25-კარატიანი რვაკუთხა ფორმის ზურმუხტიც. 1985 წელს მყვინთავმა მელ ფიშერმა განაცხადა, რომ განძზე მონადირეთა გუნდმა, მისი ხელმძღვანელობით, Atocha-ს მთავარი კორპუსი აღმოაჩინა. Atocha-ს კორპუსზე ნაპოვნ ძვირფასეულობებს შორის იყო: 180,000 მონეტა, 24 ტონა ბოლივიური ვერცხლი, 125 ოქროს ზოდი და კოლუმბიაში მოპოვებული დაუმუშავებელი ზურმუხტის კოლექცია. Atocha-ს განძი 1985 წელს $400 მილიონად (დღევანდელი $1.1 მილიარდი) შეფასდა. Perdue Farms-ის ყოფილი აღმასრულებელი დირექტორი, ამერიკის იმ ერთ-ერთი უმდიდრესი ოჯახის წარმომადგენელია, რომელმაც ექსპედიცია დააფინანსა, მოპოვებული განძიდან მიღებული წილის უმეტესობა ქველმოქმედებისთვის გაიღო, თუმცა ზურმუხტი შეინახა და მოგვიანებით, 1988 წელს, ნიშნობის დღეს მეუღლეს გადასცა. #ახალიამბები #BusinessMediaGeorgia
განსხვავებულად დაფინანსებული საერთაშორისო ფესტივალები ქეთი დოლიძე - რეჟისორი, ფესტივალი „საჩუქარის“ სამხატვრო ხელმძღვანელი; გაგა ჩხეიძე - თბილისის საერთაშორისო კინოფესტივალის დირექტორი #ახალიამბები #BusinessMediaGeorgia
ესპანური ხარისხი ქართულ ბაზარზე - “ინტერიორისიმო” - ნინჩო ჯიბლაძე ქალების ნარატივში სტუმარი: ნინჩო ჯიბლაძე - „ინტერიორისიმოს" თანადამფუძნებელი;
თბილისის მერიის ზედამხედველობის სამსახურმა მიმდინარე წელს, ბიოდეგრადირებადი და კომპოსტირებადი პარკების არ ქონის გამო 37 ობიექტი დააჯარიმა. მათ შორისაა, მსხვილი მაღაზიები, სავაჭრო ობიექტები და ქსელური სუპერმარკეტები. თავის მხრივ საწარმოების მონიტორინგს ახორციელებს გარემოს დაცვის ზედამხედველობის სამსახურიც სადაც აცხადებენ, რომ მხოლოდ გასულ თვეში თბილისსა და რეგიონებში 28 ობიექტი შემოწმდა, საიდანაც 9 საწარმოში პლასტიკისა და არაბიოდეგრადირებადი პარკების წარმოების ფაქტი გამოვლინდა. ნებისმიერი სისქის პლასტიკის პარკების წარმოება, იმპორტი და რეალიზაცია ქვეყანაში 2019 წლის ივლისიდან აკრძალულია. ამასთან, 2022 წლის 1-ლი სექტემბრიდან შეფუთვისთვის განკუთვნილი პარკის იმპორტისას, პარკის მწარმოებლის, სისქისა და შემადგენლობის მითითებასთან ერთად, პარკზე დატანილი უნდა იყოს პროდუქტის დასახელება, რის შესაფუთადაა პარკი განკუთვნილი. რა სიხშირით ხდება მონიტორინგი და როგორია შედეგები? სტუმარი: შოთა თუხარელი - თბილისის მუნიციპალური ინსპექციის განყოფილების უფროსი; #ახალიამბები #BusinessMediaGeorgia
რეფორმეტრის“ თანახმად, 2021 წელს საქართველოს წყალმომარაგების სისტემაში გაშვებული წყლის მოცულობიდან 73% (678 მლნ მ3) მიწოდებისას დაიკარგა. გასულ წელს, სისტემაში გაშვებული წყლის მოცულობიდან, მიწოდებისას დაკარგული წყალი 8 მლნ 484 ათასზე მეტ ადამიანს ეყოფოდა. აღსანიშნავია, რომ 2015-2020 წლებში საყოფაცხოვრებო სექტორში წყლის დანაკარგები მიწოდებისას კლებადი ტენდენციით ხასიათდებოდა, თუმცა 2021 წლის მდგომარეობით, მაჩვენებელი კვლავ მაღალ ნიშნულზეა. 2020 წელს წყალმომმარაგებელი საწარმოების მიერ აბონენტებისთვის მიწოდებული წყლის 65% (492 მლნ მ3) დაიკარგა. „რეფორმეტრის“ კვლევაში 2020 წლის დანაკარგებზე საუბრისას აღნიშნულია, რომ ინდიკატორი ასახავს წყლის აღების ადგილიდან მისი გამოყენების, ან გადაცემის ადგილამდე ფილტრაციის, აორთქლების, გაჟონვის, ავარიის, ან სხვა მიზეზის შედეგად დაკარგული წყლის მოცულობას. ინფორმაციისთვის, „რეფორმეტრი“ ISET-ის კვლევითი ინსტიტუტისა და USAID-ის ეკონომიკური მმართველობის პროგრამის ერთობლივი პროექტია, რომლის მიზანიც შერჩეული ეკონომიკური რეფორმების ანალიზი და რეფორმით დაინტერესებულ მხარეებს შორის დიალოგის ხელშეწყობაა. სტუმარი: გიორგი პაპავა - ISET-ის კვლევითი ინსტიტუტის წამყვანი ეკონომისტი #ახალიამბები #BusinessMediaGeorgia
1 ნოემბერს სასტუმრო „ვინდჰამ გრანდმა“ ბიზნესის ჩემპიონთა ლიგის 2022/23 წწ. სეზონის პრეზენტაციას უმასპინძლა. საიუბილეო სეზონში მონაწილეობას 28 გუნდი მიიღო. ლიგის რეიტინგის მიხედვით, რომელიც ჩემპიონატში გატარებული სეზონების და მიღწეული შედეგების გათვალისწინებით არის შედგენილი, გუნდები სხვადასხვა ჯგუფებში არიან განაწილებული. რეიტინგის მიხედვით პირველი 9 გუნდი A ჯგუფში იასპარეზებს. პლეი-ოფში საუკეთესო 8 გუნდი გადავა, სადაც გამარჯვებულები სუპერლიგის ნახევარფინალში კვალიფიცირდებიან, დამარცხებულები კი ოქროს ლიგის მოსაგებად იბრძოლებენ. სტუმარი: მალხაზ გედევანიშვილი - სპორტული სააგენტო SBM-ის გენერალური მენეჯერი; #ახალიამბები #BusinessMediaGeorgia
ღვინის ეროვნული სააგენტოს თავმჯდომარე, ლევან მეხუზლას განცხადებით, მომდევნო წელს ქვეყანაში ვენახების პასპორტიზაციის პროგრამა უნდა დასრულდეს, რის შემდეგაც დადგინდება ზუსტად რამდენი ვენახია ქვეყანაში და როგორ არის განაწილებული ჯიშების შემადგენლობა. არსებული კადასტრის მონაცემებით, კახეთსა და რაჭა-ლეჩხუმში სულ 34,443 მევენახეა, ინდივიდუალური ვენახების რაოდენობაა 109,351, ხოლო ამ ვენახების საერთო ფართობია 42,340 ჰექტარი. კადასტრის მიხედვით, წითელი ჯიშის ყურძნის ვენახების ფართობია 19,100 ჰექტარი, რომლის 91%-ც საფერავის ჯიშზე მოდის, ალექსანდროულზე წითელი ვენახების ფართობის 1.5% ნაწილდება. კახეთსა და რაჭა-ლეჩხუმში თეთრყურძნიანი ვენახების ფართობია 23,240 ჰექტარი, საიდანაც რქაწითლის ჯიშზე 87% მოდის, მწვანე კახურის ჯიშზე 4.6%, ქისზე 2.7%; ხიხვზე 1.1% ხოლო სხვა ჯიშებზე 4.4%. რა მნიშვნელობა აქვს ვენახების აღრიცხვას და რომელი ჯიშების განვითარება უნდა მოხდეს ქვეყანაში? სტუმარი: შალვა ხეცურიანი - სომელიეთა ასოციაციის თავმჯდომარე; #ახალიამბები #BusinessMediaGeorgia
საქართველოს ბიზნეს ასოციაციაში ფინური, ტრენერების პროფესიული ტრენინგების მეორე, პირისპირ სწავლების ფაზა დაიწყო. ფინური პროფესიული ტრენინგები, რომელსაც ბიზნეს ასოციაცია ფინურ ორგანიზაცია OMNIA Education Partners-თან თანამშრომლობით ახორციელებს, ორი მიმართულებით ტარდება: „მეწარმეობა: ბიზნესის ანალიზი და განვითარება“ და „პროდუქტის განვითარება: ინოვაციების ხელშეწყობა კომპანიაში“. საწყის ეტაპზე მონაწილეები ონლაინ სასწავლო ვებ-გვერდის მეშვეობით თვითსწავლების ეტაპს გადიოდნენ, ხოლო მიმდინარე კვირიდან მეორე, პირისპირ სწავლების ეტაპი დაიწყო, რომლის ფარგლებშიც მონაწილეებს ცოდნას უშუალოდ ფინელი ექსპერტები უზიარებენ. აღსანიშნავია, რომ ტრენინგში მონაწილეობას ბიზნეს ასოციაციის წევრი კომპანიების საშუალო და მაღალი რგოლის მენეჯერები იღებენ, რომლებიც კურსების წარმატებით დასრულების შემთხვევაში ფინურ სერტიფიკატებს მიიღებენ, ხოლო შეძენილ ცოდნას კოლეგებს გაუზიარებენ და საკუთარ კომპანიებში დანერგავენ. ტრენინგი USAID პროგრამის, „დამსაქმებლები პროფესიული განათლებისთვის“ ფინანსური მხარდაჭერით ხორციელდება. პროექტი მიმდინარე წლის აპრილში დაიწყო. სტუმარი: ლევან ვეფხვაძე - საქართველოს ბიზნეს ასოციაციის აღმასრულებელი დირექტორი; ნათია ტყეშელაშვილი - "ნუტრიმაქსის" ხარისხის მართვის დეპარტამენტის ხელმძღვანელი; #ახალიამბები #BusinessMediaGeorgia
Covid-19-ისა და რეგიონში საომარი მდგომარეობის გავლენით საქართველო დისტანციურად დასაქმებულებისთვის კიდევ უფრო მიმზიდველი გახდა. პანდემიაში საქართველოდან მუშაობისთვის სახელმწიფომ სპეციალური პროგრამაც აამუშავა. ე.წ Remote- დასაქმებულების რაოდენობა აიტი სფეროდან განსაკუთრებით უკრაინაში ომის პირობებში გაიზარდა. მიგრანტებისა და ტურისტების განსხვავებაზე საუბარში გართულებს კიდევ ერთი თემა და საკითხი გახდა საინტერესო. რა რეჟიმი მოქმედებს საქართველოდან დასაქმებულებისათვის საგადასახადო კოდექსში და საჭიროა თუ არა ამ მხრივ საერთოდ ცვლილებები. ამ თემაზე გადავწყვიტეთ დღეს მსჯელობა ნათია ჩაგანავასთან, "გრანთ თორნთონის" საგადასახადო მენეჯერთან. სტუმარი: ნათია ჩაგანავა - "გრანთ თორნთონის" საგადასახადო მენეჯერი #ახალიამბები #BusinessMediaGeorgia
საქართველოს ბანკში არ ჩერდებიან.. იდეათეკების გახსნა გრძელდება სულ რამდენიმე დღის წინ მეცამეტე იდეათეკა საგარეჯოში გაიხსნა. უდაბნოს საჯარო სკოლის 125 მოსწავლეს ექნება შესაძლებლობა, ისარგებლოს მრავალფუნქციური და მრავალფეროვანი ბიბლიოთეკით, კომპიუტერებით, პროექტორებითა და სხვა საგანმანათლებლო და შემეცნებითი რესურსით. იქამდე იყო ზუსტად 12 და არც საგარეჯოა ბოლო. პროექტის მიზანია, ხელი შეუწყოს არაფორმალური და ფორმალური განათლების ხელმისაწვდომობას საზღვრისპირა, მაღალმთიან და ეთნიკური უმცირესობით დასახლებულ სოფლებში. ასევე, გაზარდოს საგანმანათლებლო რესურსებზე წვდომა და წიგნიერება, მოახდინოს კითხვის პოპულარიზაცია, ახალგაზრდების მოტივაცია და შექმნას ჯანსაღი, კომფორტული საგანმანათლებლო გარემო. საზღვრისპირა რეგიონები საქართველოს ბანკისთვის ცალკე ამოცანაა. ავტორები: მანანა მანჯგალაძე; ედგარ ყაზახაშვილი; ლადო ცხადაია. #ახალიამბები #BusinessMediaGeorgia
რეგიონებში საექთნო პრაქტიკის გაუმჯობესების ცენტრების დაფუძნების მიზნით, USAID-სა და ჯეო ჰოსპიტალსს შორის თანამშრომლობის საპარტნიორო ხელშეკრულება გაფორმდა. USAID-ის პროექტის დახმარებით, ჯეო ჰოსპიტალსი საექთნო პრაქტიკის გაუმჯობესების ცენტრებს ქვემო ქართლისა და კახეთის რეგიონებში, კერძოდ მარნეულისა და საგარეჯოს მუნიციპალიტეტებში დააფუძნებს. Პროგრამა საწყის ეტაპზე ქირურგიული, პედიატრიული და ინტენსიური განყოფილებების ექთნების გადამზადებაზე იქნება ორიენტირებული, გრძელვადიან პერსპექტივაში კი, ჯეო-ჰოსპიტალი მედიცინის სხვა დარგში მომუშავე ექთნების გადამზადებასაც უზრუნველყოფს. Პროექტი, რომლის ჯამური ბიუჯეტი 120 000 დოლარს შეადგენს, USAID-ის ხუთწლიანი პროექტის - “დამსაქმებლები პროფესიული განათლებისთვის” ფარგლებში ხორციელდება და მისი მიზანი, ადამიანური კაპიტალის განვითარებისა და დასაქმების შესაძლებლობებს შორის კავშირის გაძლიერება და უმუშევრობის დონის შემცირებაა. USAID-ის დაფინანსებით ჯეო ჰოსპიტალი პარტნიორობით, მარნეულის "ჯეო-ჰოსპიტალს"-ის ბაზაზე შექმნილ სასწავლო ცენტრებში ექთნებს კვალიფიკაციის ამაღლების საშუალება მიეცემათ. დეფიციტული სამუშაო ძალის შესავსებად რა წვლილის შეტანა შეუძლია პროექტს პრობლემის გადაჭრაში და მეორეა ის რომ კვალიფიკაციის გაზრდასთან ერთად, პროექტი ექთნების სახელფასო ანაზღაურების გაზრდის შესაძლებლობასაც იძლევა. სტუმარი: მაია ხომერიკი - "ჯეო ჰოსპიტალსის" საოპერაციო დირექტორი; #ახალიამბები #BusinessMediaGeorgia
ფოთის ფიზიკა-მათემატიკის სკოლა ექვსი წლის განმავლობაში იჯარით აღებულ შენობაში იყო განთავსებული, მიმდინარე წელს კი ტერაბანკისგან აღებული სესხით, სკოლის დირექტორმა საკუთარი შენობა შეიძინა. ბანკის შუამავლობით სკოლა სააგენტოს „აწარმოე საქართველოში“ პროგრამაში ჩაერთო, რომლის ფარგლებშიც ის პროცენტის სუბსიდირებითა და გირაოს კუთხით სააგენტოსგან 60%-იანი მხარდაჭერით სარგებლობს. #ახალიამბები #BusinessMediaGeorgia
შავი პარასკევი, 2022 წელს მადლიერების დღის შემდეგ, 25 ნოემბერს უწევს. მიუხედავად იმისა, რომ ფასდაკლებების ყველაზე დიდ დღესასწაულამდე თითქმის 1 თვეა დარჩენილი, ბრენდებმა შავი პარასკევისთვის მზადება და შეთავაზებების გაკეთება მომხმარებლებისთვის უკვე დაიწყო. როგორი იქნება წელს შავი პარასკევი, რას უნდა ელოდონ მყიდველები ფასების ზრდის და ლოგისტიკურ ჯაჭვში შეფერხებების ფონზე? #ახალიამბები #BusinessMediaGeorgia
საკონფერენციო სივრცეების დატვირთულობა გაიზარდა. ზრდის მიზეზი კი პანდემიის ეფექტის შემსუბუქების პარალელურად, ბიზნეს თუ სხვა სახის ფორუმებისა და კონფერენციების მოწყობაა. “საქმიან დილასთან” სასტუმროები წარმომადგენლები, სადაც საკონფერენციო სივრცეებია განლაგებული განმარტავენ, რომ მიმდინარე წლის ივნისიდან დღემდე დამკვეთების მხრიდან მოთხოვნა ყველა სივრცეზე მაღალია. როგორც ისინი გვიყვებიან, ძირითადი მოთხოვნა ქართული კორპორაციული სეგმენტიდან მოდის, თუმცა ინტერესი საერთაშორისო კონფერენციების და ფორუმების ჩატარებაზეც არსებობს. #ახალიამბები #BusinessMediaGeorgia
ბათუმში, ლეონიძის 11 ნომერში, გალფის ახალი მულტიფუნქციური კომპლექსი გაიხსნა. ეს აჭარის რეგიონში "Gulf Express"-ის ფორმატის პირველი თვითმომსახურების სადგურია. გალფის მულტიფუნქციური კომპლექსის საზეიმო გახსნას გალფის მენეჯმენტი, გალფის გენერალური დირექტორი ქრეგ კრამერი და ბათუმის მერი არჩილ ჩიქოვანი ესწრებოდნენ. #ახალიამბები #BusinessMediaGeorgia
#საქმიანიდილა - 3 ნოემბერი - პროლოგი #ახალიამბები #BusinessMediaGeorgia
უმსხვილესი გერმანული საფინანსო ორგანიზაციის, Deutsche Bank-ის სპეციალურ მრჩეველთა საბჭოს ახალი წევრები ჰყავს, მათ შორისაა: Google-ის ყოფილი CEO ერიკ შმიდტი, დიპლომატი ჰენრი კისინჯერი და Deutsche-ს ყოფილი თავმჯდომარე პოლ ახლაიტნერი. ბანკის წარმომადგენლობის განმარტებით, მრჩეველთა საბჭო წელიწადში ორჯერ შეიკრიბება და ის Deutsche Bank-ის გრძელვადიან სტრატეგიას განსაზღვრავს, ზემოხსენებული პირების ექსპერტული მოსაზრება კი დირექტორთა საბჭოსა და კომპანიის მენეჯმენტს, მაკროეკონომიკური, გეოპოლიტიკური და სოციალური ფაქტორების ანალიზის საფუძველზე, ოპტიმალური გადაწყვეტილებების მიღებაში დაეხმარება. #ახალიამბები #BusinessMediaGeorgia
26 ოქტომბერს საქართველოს პარლამენტში იურიდიულ საკითხთა კომიტეტის მიერ დაინიცირდა კანონპროექტი, რომელიც ახალი სტრუქტურის – სსიპ „ანტიკორუფციული ბიუროს“ შექმნას ითვალისწინებს. კანონპროექტის ავტორების გაცხადებული მიზანია, შესრულდეს საქართველოსთვის ევროკავშირის წევრობის კანდიდატის სტატუსის მისანიჭებლად ევროკომისიის მიერ გაცემული 12 რეკომენდაციის მე-4 პუნქტი. კანონპროექტის მიხედვით, ახალი უწყების ფუნქცია იქნება კორუფციის წინააღმდეგ ბრძოლის ხელშეწყობა, მის ხელმძღვანელს კი საქართველოს პრემიერ-მინისტრი დანიშნავს. „საერთაშორისო გამჭვირვალობა - საქართველოს“ შეფასებით, შემოთავაზებული რეფორმა არ პასუხობს ევროკომისიის მიერ გაცემულ მე-4 რეკომენდაციას, რომელიც ქვეყანას სთხოვს:„გააძლიეროს ანტიკორუფციული სააგენტოს დამოუკიდებლობა, რომელიც თავს მოუყრის ყველა საკვანძო ანტიკორუფციულ ფუნქციას; რა შენიშვნები აქვს საერთაშორისო გამჭვირვალობა საქართველოს დაგეგმილ რეფორმასთან დაკავშირებით და რა შემთხვევაში ვერ ჩაითვლება რეკომენდაცია შესრულებულად? სტუმარი: სანდრო ქევხიშვილი - "საერთაშორისო გამჭვირვალობა - საქართველოს" ანტიკორუფციულო პროექტის მენეჯერი; #ახალიამბები #BusinessMediaGeorgia