მაღალი ინფლაციისა და სამომხმარებლო პროდუქტებზე გაზრდილი ფასების ფონზე მოქალაქეების ქცევაში საინტერესო ტენდენცია იკვეთება. მიმდინარე წლის 10 თვის სტატისტიკა აჩვენებს,რომ გასულ წელთან შედარებით თითქმის გახუთმაგდა თურქული ონლაინ მაღაზიებიდან საქართველოს მოქალაქეების მიერ განხორციელებული შესყიდვები. იწერენ ყველაფერს, დაწყებული ტანსაცმლიდან , დამთავრებული პირადი ჰიგიენის საშუალებებით და საკვები პროდუქტებით. მიუხედავად იმისა, რომ რიგ კომპონენტებში თურქეთს აშშ და ჩინეთი კვლავ უსწრებს, ნეტგაზეთისთვის შემოსავლების სამსახურის მიერ მიწოდებული ოფიციალური სტატისტიკა მოწმობს,რომ ზრდის ტენდენცია მხოლოდ თურქული ონლაინ მაღაზიებიდან შესყიდვებს აქვს. შედარებისთვის, 2021 წლის 12 თვის განმავლობაში საქართველოში თურქეთიდან ონლაინ გამოწერებით ჯამში 55 354 ამანათი შემოვიდა, როცა 2022 წლის პირველ ათ თვეში ეს რიცხვი უკვე 260 864-მდეა გაზრდილი. ამრიგად, მცირე ღირებულების ამანათების რაოდენობით, წელს თურქეთი პირველ ადგილზეა და საგრძნობლად აჭარბებს გამოწერებს ჩინეთიდან და აშშ-დან, საიდანაც წინა წლებში საქართველოში ყველაზე დიდი რაოდენობით ნივთებს ყიდულობდნენ. ჯამურად 2022 წლის 10 თვეში აშშ-დან 300 ლარამდე ღირებულების ამანათების ფასმა 8 246 335 ლარი შეადგინა, თურქეთიდან გამოწერილი ნივთების ღირებულება კი 7 033 997 ლარი იყო. აღნიშნულ კომპონენტში მესამე ადგილს ჩინეთი იკავებს, სადაც დროის ამ მონაკვეთში 4 082 188 ლარის ნივთები გამოიწერეს. ეს სტატისტიკა სავარაუდოდ მიუთითებს იმაზე, რომ თურქეთიდან უფრო დაბალი ღირებულების ნივთებს იწერენ, ვიდრე აშშ-დან. თუმცა, მიუხედავად იმისა, რომ თურქეთი გამოწერილი ამანათების საერთო ღირებულებით მეორე ადგილზეა, TOP სამ ქვეყანას შორის ზრდის ტენდენცია ამ კომპონენტითაც მხოლოდ მას ახასიათებს. კერძოდ, 2021 წელს თურქეთიდან გამოწერილი განუბაჟებელი ამანათების საერთო ღირებულებამ 1 949 717 ლარი შეადგინა. შესაბამისად, 2022 წლის პირველ 10 თვეში ამგვარი ამანათების საერთო ღირებულებაც თითქმის ოთხჯერაა გაზრდილი. 2021 წელს თურქეთიდან 300 ლარზე მეტი ღირებულების 3 588 ამანათი გამოიწერეს, რომელთა ჯამური ღირებულება 289 490 ლარს შეადგენდა. 2022 წლის ათ #ახალიამბები #BusinessMediaGeorgia
2024 წლიდან სამშენებლო სექტორი ეტაპობრივად სრულიად ახალ სტანდარტზე უნდა გადაეწყოს. საუბარია ევროკავშირთან ასოცირების შეთანხმებით ნაკისრ ვალდებულებაზე, რომლის მიხედვითაც შენობა-ნაგებობების დაპროექტება და მშენებლობა სრულად ევროპული ნორმების შესაბამისად უნდა განხორციელდეს. ევროკოდები ევროპული სტანდარტია, რომელიც წარმოადგენს შენობა-ნაგებობების კონსტრუქციული (სტრუქტურული) გაანგარიშებისა და დაპროექტების წესებს ევროკავშირის წევრი სახელმწიფოებისთვის. ბიზნესიდან მიღებული ინფორმაციით, ევროკოდების თარგმნის პროცესი უკვე დაწყებულია, თუმცა ეკონომიკის სამინისტროს სამშენებლო ზედამხედველობის სააგენტოს წინ საკმაოდ ბევრი სამუშაო აქვს. რა იცის კერძო სექტორმა დაგეგმილი ცვლილებების შესახებ? სტუმარი: ანა საბახტარაშვილი - ინფრასტრუქტურის მშენებელთა ასოციაციის აღმასრულებელი დირექტორი; #ახალიამბები #BusinessMediaGeorgia
მიუხედავად იმისა, რომ ავტოსატრანსპორტო საშუალებების ტექნიკური ინსპექტირება ოთხი წელია ქვეყანაში სავალდებულოა, დღეს არც თუ ცოტა მძღოლი ქალაქში ისევ გაუმართავი ავტომობილით გადაადგილდება. არასათანადო ადმინისტრირებისა და დაბალი საჯარიმო სანქციების გამო, მოქალაქეების ნაწილი ინსპექტირების გავლას ჯარიმის გადახდას ამჯობინებს. რეფორმის მიმართ, არც თუ უსამართლოდ საკმაოდ ბევრი კრიტიკა ისმის. ინსპექტირების ცენტრების წარმომადგენლები განმარტავენ, რომ სისტემური ხარვეზების გამო დღეს ქვეყანაში რეგისტრირებული მილიონნახევარი ავტოსატრანსპორტო საშუალების მხოლოდ 48%-მდე აკმაყოფილებს ტექდათვალიერების მოთხოვნებს. რაზეც ტექინსპექტირების ორგანოების წარმომადგენლები საუბრობენ, კარგად ჩანს ოფიციალურ სტატისტიკაშიც. 2018 წლიდან მოყოლებული საგრძნობლად არის გაზრდილი ტექინსპექტირების გაუვლელობისთვის გამოვლენილი სამართალდარღვევების რაოდენობა. მხოლოდ მიმდინარე წლის პირველ სამ კვარტალში ჯამურად ნახევარ მილიონზე მეტი ჯარიმაა გამოწერილი. იმას, რომ ტექინსპექტირების რეფორმა იმ ფორმით, რა ფორმითაც დღეს ქვეყანაში მოქმედებს ხარვეზიანია, აცნობიერებს საკანონმდებლო ხელისუფლებაც. დეპუტატების მიერ მომზადებული პროექტით „საქართველოს ადმინისტრაციულ სამართალდარღვევათა კოდექსში ცვლილებები შევა და ატმოსფერული ჰაერის დაბინძურების შემცირების მიზნით ტექნიკურად გაუმართავი ავტოსატრანსპორტო საშუალებების გადაადგილებაზე სანქციები გამკაცრდება. ტექინსპექტირების გაუვლელობისთვის არსებული პირველადი ჯარიმა, რომელიც დღეს 50 ლარია, უცვლელად დარჩება, მაგრამ თუ სუბიექტი პირველი დაჯარიმების შემდეგ ტექდათვალიერებას მაინც არ გაივლის, მათ 150-დან 700 ლარამდე ჯარიმის გადახდა მოუწევთ. შეცვლის თუ არა ჯარიმები არსებულ სურათს, რატომ ვერ შედგა ტექინსპექტირების რეფორმა და რა სისტემური ცვლილებების გატარების აუცილებლობას ხედავენ ტექინსპექტირების ცენტრები? სტუმარი: გიორგი შიოლაშვილი - ტექინსპექტირების ცენტრების კავშირის აღმასრულებელი დირექტორი; #ახალიამბები #BusinessMediaGeorgia
დღეს კომპანიების ბედს მნიშვნელოვნად განსაზღვრავს ეფექტური მარკეტინგი. სწორედ ამ მიზნით, რამდენიმე თვის წინ ბაზარზე გამოჩნდა სტარტაპი, რომელიც ბიზნესებს ინოვაციურ, კერძოდ აუგმენტურ რეალობაზე დაფუძნებულ მარკეტინგს სთავაზობს. ვსაუბრობ კომპანია ქროსქრეატორზე, რომელიც ამ იდეით ცოტა ხნის წინ 500Georgia-ს აქსელერაციის პროგრამაშიც მოხვდა. რა არის აუგმენტურ რეალობაზე დაფუძნებული მარკეტინგი და კონკრეტულად რას სთავაზობს Crosscreators მომხმარებლებს? სტუმარი: ანი მანჯავიძე - "ქროსქრეათორსის" დამფუძნებელი; #ახალიამბები #BusinessMediaGeorgia
ჯანდაცვის სამინისტროს ინფორმაციით, საყოველთაო ჯანდაცვის სტაციონარული კომპონენტის ფარგლებში მომსახურების მიმწოდებლებს 2023 წლის 1-ელი იანვრიდან უჩნდებათ ვალდებულება, უზრუნველყონ სამედიცინო პერსონალის, პირველ რიგში ექიმებისა და ექთნების შრომის მინიმალური საათობრივი ანაზღაურება. შესაბამისად 2023 წლის პირველი იანვრიდან ექიმების მინიმალური ანაზღაურება საათში 7 ლარით, თვეში კი საშუალოდ 1260 ლარით, ხოლო ექთნების შემთხვევაში საათში 4,4 ლარით, თვეში კი საშუალოდ 792 ლარით განისაზღვრება. სტუმარი: რევაზ კარანაძე - "ჯანდაცვის და მომსახურების სფეროების პროფკავშირი - სოლადორობის ქსელის" გენერალური მდვიანი; გიორგი ამბროლიანი - "ევექსი კლინიკების" კლინიკების დეპარტამენტის ხელმძღვანელი; #ახალიამბები #BusinessMediaGeorgia
ფინალისტი კომპანიებს საუკეთესო ინოვაციური სტარტაპის კატეგორიიდან: 1. Artisio არის აუქციონების მართვის SaaS სისტემა, რომელიც ერთ ინტეგრირებული სოფტის ქვეშ აქცევს აუქციონების ბიზნესის სამართავად საჭირო ყველა მიმართულებას. სისტემა 100%-ით API-ზეა დაფუძნებულია, რაც საშუალებას გვაძლევს მივუერთდეთ და მონაცემები გავცვალოთ ყველა დამატებით მესამე მხარესთან, რომელსაც იყენებენ ჩვენი კლიენტები. 2. CALEN AI არის ჭკვიანი ხმოვანი და ჩათის AI ასისტენტი რომელიც სცემს პასუხს ხშირად დასმულ კითხვებზე და ჯავშნის შეხვედრებს ზუსტად ისევე როგორც მაღალანაზღაურებადი თანამშრომელი. CALEN AI არის პირველი ქართული ხმოვანი ასისტენტი ბიზნესებისთვის რომელიც მუშაობს მოწინავე სტანდარტების თანახმად - ანუ მას შეუძლია მართოს საუბარი წინასწარ გაწერილი სცენარის გარეშე. 3. Kernel - ფინანსური ხელსაწყოების პლატფორმა, რომელიც მცირე ბიზნესებს ეხმარება პროცესების გაციფრულებაში, ბუღალტერიისა ავტომატიზაციაში და საგადასახადო მოთხოვნებთან შესაბამისობაში. ეს პრობლემა განსაკუთრებით დიდია ინდოეთში, სადაც 63 მილიონზე მეტი ბიზნესია რეგისტრირებული - ამასთან ქვეყანაში არის ახალი საგადასახადო სისტემა და მოთხოვნები. სტუმრები: ირაკლი სვანიძე - Artisio-ს საოპრაციო დირექტორი და თანადამფუძნებელი; ირაკლი ბესელიძე - CALEN AI-ის დამფუძნებელი; ბექა დალაქიშვილი - "კერნელის" დამფუძნებელი; #ახალიამბები #BusinessMediaGeorgia
როგორი იყო ოქტომბერი საბანკო სექტორისთვის? სტუმარი: ალექსანდრე ძნელაძე - საქართველოს საბანკო ასოციაციის პრეზიდენტი #ახალიამბები #BusinessMediaGeorgia
"შავი პარასკევის" ტერმინის დამკვიდრებასთან დაკავშირებით, რამდენიმე ვერსია არსებობს. ზოგიერთი "შავ პარასკევს” პროდუქტებზე მაღალ მოთხოვნას და დაბალი ფასით მიწოდების გამო კომპანიების ზარალით დასრულებას უკავშირებს. ზოგიც - ამერიკაში ოქროს ფასის გაზრდის გამო, ბაზრის კრახს. თუმცა, იმის მიუხედავად, რომ შინაარსობრივად ეს მართლაც ასე გამოდის, ტერმინის წარმოშობის ისტორია სხვაგვარია. #ახალიამბები #BusinessMediaGeorgia
ქართული ნატურალური წვენების მწარმოებელ კომპანიებს, საექსპორტო ბაზრებზე გაყიდვები გაეზარდათ. გაყიდვების ზრდის მიზეზი კი რთული ორი წლის შემდგომ გახსნილი ბაზრები და წვენებზე მომხმარებლის მხრიდან გაზრდილი მოთხოვნაა. კომპანიებში დადებითი დინამიკის გარდა საუბრობენ სირთულეებზეც, რაც გაძვირებულ ლოგისტიკას უკავშირდება. #ახალიამბები #BusinessMediaGeorgia
#საქმიანიდილა - 23 ნოემბერი - პროლოგი #ახალიამბები #BusinessMediaGeorgia
სიახლეები მათთვის, ვისთვისაც Youtube-სთვის კონტენტის შექმნა დიდი ხანია, ბიზნესია, ამით არ სრულდება - 2023 წლიდან, კრეატორები, რომლებიც 90 დღეში YouTube-ის მოკლე ფორმატის ე.წ. Shorts-ვიდეოებზე 10 მილიონ ნახვას დააგროვებენ და თან მინიმუმ 1000 გამომწერი ეყოლებათ, შემოსავლის 45%-ით ზრდას შეძლებენ. თუმცა, მანამდე - რამდენს იხდის YouTube 1000 ნახვისთვის? #ახალიამბები #BusinessMediaGeorgia
ინგლისის სამხრეთ-დასავლეთში, ერთ-ერთ სოფელში, მეტალოდეტექტორმა „თითქმის იდეალურ მდგომარეობაში“ შუა საუკუნეების საქორწინო ბეჭედი აღმოაჩინა. ბრილიანტის ბეჭედი, რომელიც თვის ბოლოს აუქციონზე გამოჩნდება, $35,500-დან $47,300-მდეა შეფასებული. აუქციონის სახლ Noonans-ის ინფორმაციით, მეტალოდეტექტორის გამოყენებით ძვირფასეულობა 69 წლის დევიდ ბორდმა აღმოაჩინა. აღსანიშნავია, რომ ბორდმა ჯერ კიდევ 1970-იან წლებში სცადა მეტალოდეტექტორის დახმარებით წარმატების მიღწევა, თუმცა მაშინ ადგილობრივი პლაჟების დათვალიერება უშედეგო აღმოჩნდა. თავად ბორდმა ბეჭედს, რომელიც უნიკალური და ინდივიდუალურია მისი დამზადების თარიღიდან გამომდინარე, „ერთხელ სიცოცხლეში“ აღმოჩენა უწოდა. #ახალიამბები #BusinessMediaGeorgia
წარმატებული სპორტიდან წარმატებულ ბიზნესამდე - კომპანია “ბოისას” შექმნის ისტორია სტუმარი: ვიქტორია ბოისა - კომპანია "ბოისას" დირექტორი; #ახალიამბები #BusinessMediaGeorgia
აშშ-ის სავაჭრო პალატა - 24 წელი საქართველოში სტუმარი: ჯორჯ ველტონი - საქართველოში აშშ-ის სავაჭრო პალატის აღმასრულებელი დირექტორი; #ახალიამბები #BusinessMediaGeorgia
Forbes #30under30 - მარიკა აბულაძე 2021 წლის გამარჯვებული კატეგორიიდან - ანტრეპრენიორები და მეწარმეები სტუმარი: მარიკა აბულაძე - 2021 წლის #Forbes #30Under30-ის გამარჯვებული კატეგორიაში - ანტრეპრენიორები და მეწარმეები; UPWAY-ის თანადამფუძნებელი და აღმასრულებელი დირექტორი. #ახალიამბები #BusinessMediaGeorgia
2022 წლის იანვარ-ოქტომბერში ათი უმსხვილესი საიმპორტო პარტნიორი ქვეყნის წილმა საქართველოს მთლიან იმპორტში 67.4 პროცენტი შეადგინა. პირველ სამეულში შედის: თურქეთი (1 916.4 მლნ. აშშ დოლარი), რუსეთი (1 416.0 მლნ. აშშ დოლარი) და ჩინეთი (921.0 მლნ. აშშ დოლარი). უმსხვილესი საიმპორტო სასაქონლო ჯგუფი 2022 წლის იანვარ-ოქტომბერში წარმოდგენილი იყო მსუბუქი ავტომობილების სახით, რომლის იმპორტმა 1 222.9 მლნ. აშშ დოლარი და მთელი იმპორტის 11.4% შეადგინა. მეორე ადგილს იკავებდა ნავთობი და ნავთობპროდუქტები 1 136.0 მლნ. აშშ დოლარით (იმპორტის 10.6 პროცენტი), ხოლო მესამე ადგილზეა სპილენძის მადნები და კონცენტრატები 623.1 მლნ. აშშ დოლარით (იმპორტის 5.8 პროცენტი). სტუმარი: ბექა კიკნაძე - GD Alco-ს გაყიდვების და მარკეტინგის დირექტორი; #ახალიამბები #BusinessMediaGeorgia
“ავერსში” “შავი პარასკევის” კვირეული დაიწყო: მომხმარებლებს სხვადასხვა დასახელების მედიკამენტებსა და პროდუქციაზე უპრეცენდენტო 100%-მდე აქციები ელით. რა პროდუქტებზე გავრცელდება სპეციალური შეთავაზებები? #ახალიამბები #BusinessMediaGeorgia
„გალერია თბილისში“ საბავშვო ტანსაცმლისა და აქსესუარების ბრენდის „კარტერ’ს-ის“ პირველი ოფიციალური მაღაზია გაიხსნა. საუკუნე ნახევრის ბრენდის საქართველოში შემოსასვლელად კომპანია გეფამ 2 მლნ ლარის ინვესტიცია განახორციელა და ეს მისი ერთად ერთი მაღაზია არ იქნება. გაფართოვების გეგმები ამერიკული ბრენდის ქართულ წარმომადგენლობას 2023 ში უკვე აქვს და რამდენიმე ფილიალით გამოჩნდებიან მომავალი წლისთვის ბაზარზე. ამერიკული ბრენდი რომელიც 1865 წელს დაარსდა და უკვე 156-წლიან ისტორიას ითვლის ქართველი მომხმარებლებისთვისაც არ არის უცხო მიუხედავად იმისა რომ მისი პირველი მაღაზია სულ ახლახან გამოჩნდა ბაზარზე. ამერიკაში ბავშვის ტანსაცმლისა და აქსესუარების გაყიდვების მეოთხედი სწორედ „კარტერ’ს-ზე“ მოდის. ბრენდის პროდუქცია ხელმისაწვდომია როგორც „კარტერ’ს-ისა“ და „ოშკოშის“ მაღაზიებში, ასევე ონლაინ. სტუმრები: თამარ ცაგარეიშვილი - “კარტერსის” გენერალური მენეჯერი; ნანუკა ჭანტურია - "გეფას" ფრანჩაიზების მართვის განყოფილების ხელმძღვანელი; #ახალიამბები #BusinessMediaGeorgia
"ზოდში” "შავი პარასკევის" კვირეული იწყება. ტრადიციულად წლის ყველაზე მასშტაბური აქციის ფარგლებში მომხმარებლებს პროდუქციის სრულ ასორტიმენტზე 50%-მდე ფასდაკლება ელის. #ახალიამბები #BusinessMediaGeorgia
ამერიკულ საფონდო ბირჟაზე კომპანია Grindr-ის დებიუტი წარმატებით შედგა. პირველადი საჯარო შეთავაზების მოცულობამ 1.26 მილიარდი დოლარი შეადგინა. ბირჟაზე სავაჭრო სესიის გახსნამდე კომპანიის თითოეული აქცია 11.6 დოლარად იყო შეფასებული, თუმცა ბირჟის დახურვამდე აქციების ფასი 36.5 დოლარამდე გაიზარდა, რაც ზრდის თითქმის 210%-იანი მაჩვენებელია. Grindr-ი გაცნობის პლატფორმაა, Tinder-ისა და Bumble-ის ანალოგი, რომელიც განსაკუთრებული პოპულარობით LGBTQ+ თემში სარგებლობს. სტუმარი: ნიკა მაზანაშვილი - Galt&Taggart;-ის საბროკერო დეპარტამენტის უფროსი ანალიტიკოსი; #ახალიამბები #BusinessMediaGeorgia
იანვარ-ოქტომბერში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 15 228.4 მლნ. აშშ დოლარი შეადგინა, რაც წინა წლის შესაბამის პერიოდთან შედარებით 33.5 პროცენტით მეტია. ამის შესახებ ინფორმაციას სტატისტიკის ეროვნული სამსახური ავრცელებს. მათივე ცნობით, აქედან ექსპორტი 4 546.0 მლნ. აშშ დოლარს შეადგენს (34 პროცენტით გაიზარდა), ხოლო იმპორტი 10 682.4 მლნ. აშშ დოლარს (33.3 პროცენტით მეტია). საქართველოს უარყოფითმა სავაჭრო ბალანსმა, 2022 წლის იანვაროქტომბერში, 6 136.4 მლნ. აშშ დოლარი შეადგინა, რაც საგარეო სავაჭრო ბრუნვის 40.3 პროცენტია. სტუმარი: ლაშა ქავთარაძე - Galt&Taggart;-ის ეკონომისტი #ახალიამბები #BusinessMediaGeorgia
"თიბისისა" და "თიბისი ლიზინგის" მხარდაჭერით და "ექსპოჯორჯიას" ორგანიზებით, სოფლის მეურნეობისა და კვების მრეწველობის მე-20 საერთაშორისო გამოფენა Agro, Food, Drink, Tech Expo 2022 გაიმართა, რომელშიც 7 ქვეყნის 70 მდე კომპანია იღებდა მონაწილეობას. აგრო ბაზარში მონაწილეობას თიბისისა და თიბისი ლიზინგის პარტნიორი კომპანიები მთელი საქართველოდან იღებდნენ, რომლის დროსაც გარდა გამოფენისა ორი დღის განმავლობაში სოფლის მეურნეობის დარგის კონფერენცია გაიმართა, რომელზეც სოფლის მეურნეობის განვითარების გეგმები და შესაძლებლობები, დაფინანსების ხელმისაწვდომობა და შესაძლებლობები იყო განხილული, როგორც კერძო სექტორის, ისე დონორი ორგანიზაციების მხრიდან. სტუმრები: შოთა გონგლაძე - თიბისის სახელმწიფო პროექტების მართვის ხელმძღვანელი; ნოდარ ბარბაქაძე, თიბისი ლიზინგის საკრედიტო დეპარტამენტის უფროსი; #ახალიამბები #BusinessMediaGeorgia
Forbes Georgia & BMG და Tegeta წარმოგიდგენთ: #ForbesAuto-ს Rimac Nevera-მ Tesla-ს რეკორდი გააუმჯობესა; Lucid-მა მდიდრული ელექტროსედანის, ახალი, დაბალბიუჯეტური ვერსიები წარადგინა; #Toyota-მ ახალი #Prius-ი წარადგინა; #Volkswagen Golf-ის მე-9 თაობა ელექტროძრავით ბრუნდება; პოლონეთი #Volvo-ს მფლობელ Geely-ისთან პარტნიორობით პირველ ადგილობრივ EV-ს შექმნის; #BMW ჩინეთში ელექტრომობილების ელემენტების წარმოების გასაზრდელად $1.4 მილიარდს გამოყოფს.
ფონდი Kettari DataFest Tbilisi 2022-ის პარტნიორი გახდა. მონაცემთა საერთაშორისო ინგლისურენოვანი ფესტივალი DataFest Tbilisi 2022 17-19 ნოემბერს გაიმართა. ის მონაცემთა ყველაზე დიდი ფესტივალია აღმოსავლეთ ევროპასა და ცენტრალურ აზიაში. ღონისძიება სამ დღეს გაგრძელდა და გააერთიანა ადამიანები, რომელთა საქმიანობაც მონაცემებს, მონაცემთა მეცნიერებას და ვიზუალიზაციას უკავშირდება. #ახალიამბები #BusinessMediaGeorgia
"ტერაბანკის" მიერ მხარდაჭერილი კიდევ ერთი ბიზნეს ისტორიის დროა. კომპანია "აგროინვესტზე" უნდა მოგიყვეთ, რომელიც მარნეულის სოფელ ხაიშში მდებარეობს და ერთწლიანი კულტურების, მათ შორის ხორბლის, სიმინდის, ქერის, ხახვის წარმოებით არის დაკავებული. კომპანია ჯამში 200 ჰექტარ მიწას ფლობს. აღსანიშნავია რომ "აგროინვესტმა" სახელმწიფოს მიერ საგრანტო პროგრამის დახმარებით და "ტერაბანკის" დაფინანსებით საკუთარი სასოფლო-სამეურნეო ტექნიკა შეიძინა, ამასთან მან ბანკის ფინანსური მხარდაჭერით სარწყავად 6000 ტონიანი აუზი გააკეთა და სასაწყობო მეურნეობაც მოაწყო. კომპანიის პორტფელში "ტერაბანკის" დახმარებით კიდევ ერთი პროექტია მიმდინარე. აღსანიშნავია ისიც, რომ "აგროინვესტმა" სოფლის განვითარების სააგენტოს მხარდაჭერითაც ისარგებლა, კერძოდ, სააგენტოს საშუალებით ბიზნესმა პროცენტის სუბსიდირებით და გირაოში თანამონაწილეობით ისარგებლა. #ახალიამბები #BusinessMediaGeorgia
#საქმიანიდილა - 22 ნოემბერი - პროლოგი #ახალიამბები #BusinessMediaGeorgia
ირანის საფეხბურთო ნაკრების პროტესტი #ახალიამბები #BusinessMediaGeorgia
ფაქტობრივად სრულად აღდგენილი ტურიზმის სექტორი და პანდემიამდელ ვითარებასთან შედარებით გაზრდილი ტურისტული შემოსავლების ფონზე სამასპინძლო სექტორში სტატისტიკა ასეთივე პოზიტიური არ არის. ჰორეკა სექტორის დაკრედიტება თუ პანდემიამდე წლიურად 70%-ით იზრდებოდა. პოსტპანდემიაში, 25%-იანი კლებაა. მესამე კვარტალში ამ მიმართულებით ბანკებს მხოლოდ 1.5 მლრდ ლარის სესხი აქვთ გაცემული, მაშინ როცა ერთი წლით ადრე ნახევარი მილიარდით მეტი იყო იგივე პერიოდში. რა არის ამის მიზეზი ნაკლები საჭიროება, თუ სფეროში სიფრთხილე რის გამოც ბიზნესი ზრდა გაფართოების მიმართულებით შედარებით თავშეკავებულია სტუმარი: ირაკლი კახიძე - რესტორანი "სოფიკოს" თანადამფუძნებელი #ახალიამბები #BusinessMediaGeorgia
საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) ბუნებრივი გაზის გამანაწილებელი კომპანიების მიერ მომდევნო 5 წლის განმავლობაში განსახორციელებელი საინვესტიციო გეგმები შეითანხმა, რომლის მიხედვითაც 2023-2027 წლებში ჯამში კომპანიებმა 265 მილიონ ლარზე მეტი ინვესტიცია უნდა განახორციელონ. რა ტიპის ინვესტიციებია გათვლილი ამ ფასებში რა საჭიროებებია დღეს ინფრასტრუქტურის ნაწილში? სტუმარი: დავით ნარმანია - სემეკ-ის თავმჯდომარე #ახალიამბები #BusinessMediaGeorgia
ამომავალი მზის ქვეყანა თანამედროვე ტექნოლოგიებითა და ინჟინერიით დაინტერესებული ახალგაზრდებისთვის სულ უფრო მიმზიდველი ხდება. 33 სხვადასხვა ქვეყნის 300-მდე სტუდენტს შორის ლუკა კირთაძე ერთ-ერთია, ვინც კიოტოს უმაღლეს მეცნიერებათა უნივერსიტეტში ინჟინერიის სწავლა გადაწყვიტა. რით არის გამორჩეული ეს უნივერსიტეტი და როგორ შეუძლიათ სტუდენტებს იქ მოხვედრა? #ახალიამბები #BusinessMediaGeorgia
#ავიაციისსიახლეები: 2023 წლიდან საქართველოში SunExpress დაიწყებს ოპერირებას; საქართველოს აეროპორტებმა მგზავრთნაკადის 81%-ი დაიბრუნა TAV Georgia-მ 3 მლნ ლარის ახალი ტექნიკის იყიდა; ITA Airways-ი 39 ახალ Airbus-ს ყიდულობს; Airbus EC-135P2 აუქციონზე 1 მლნ აზერბაიჯანულ მანეთად გაიყიდა; 6 ავიაკომპანია ამერიკელ მგზავრებს ფრენის გაუქმებისთვის $622 მლნ-ს გადაუხდის; კვირის ყველაზე მნიშვნელოვანი და საინტერესო სიახლეები საავიაციო სექტორიდან - თათია კაკიაშვილი მიმოხილვით #ავიაცია #ავიამიმოსვლა #საქმიანიდილა #ბიზნესმედია #საქმიანები
2015 წლიდან საქართველოში ყოველი წლის 20 ნოემბერს “ფერმერის დღე” აღინიშნება. პანდემიისგან გამოწვეული სამწლიანი პაუზის შემდეგ კი, წელს საქართველოს გარემოს დაცვისა და სოფლის მეურნეობის სამინისტროსა და ფერმერთა ასოციაციის ერთობლივი ინიციატივით “ფერმერის დღე” კვლავ აღინიშნა.ამ დღის აღსანიშნავად საგამოფენო ცენტრ ექსპო ჯორჯიაში ფერმერების მიერ წარმოებული ნატურალური აგროპროდუქციის გამოფენა-გაყიდვა გაიმართა. აგრომარკეტის სტუმრებს შესაძლებლობა ჰქონდათ ისეთი ხარისხიანი ქართული პროდუქტები დაეგემოვნებინათ, როგორიცაა: ყველი, ხორცპროდუქტები, თაფლი, ღვინო, ჩაი, სანელებლები, ჯემები და მურაბები, ჩირი და ჩურჩხელა. ფერმერის დღისადმი მიძღვნილი ღონისძიებების დასკვნითი ნაწილი კი, სასტუმრო რუმსში გაგრძელდა, სადაც სხვადასხვა ნომინაციებში თერთმეტი წარმატებული ფერმერი დაჯილდოვდება და მათ სიმბოლური პრიზები გადაეცათ. სტუმრები: თამარ თორია - "ფერმერთა ასოციაციის" აღმასრულებელი დირექტორი; ილია თამარაშვილი - სოფლის განვითარების სააგენტოს თავმჯდომარე; #ახალიამბები #BusinessMediaGeorgia
ტურიზმის სექტორს სრულიად ახალი კანონი ექნება. დოკუმენტზე მუშაობა ბოლო ორი წლის განმავლობაში კერძო სექტორთან მიმდინარეობდა. წარმოდგენილი ცვლილებებით, ტურისტული საქმიანობის განმახორციელებელი სუბიექტისთვის ეკონომიკურ საქმიანობათა რეესტრში რეგისტრაცია სავალდებულო ხდება, აქ მოიაზრება როგორც ტუროპერატორები, ისე გიდები, ასევე მაღალი რისკის შემცველი ტურისტული საქმიანობები. ამ უკანასკნელის შემთხვევაში კი შემოდის ცალკე მარეგულირებელი ნორმები, კერძოდ სავალდებულო იქნება სამთო, სათხილამურო და ალპური გამყოლის სერტიფიცირება. ახალ კანონს შემოაქვს ასევე ტურისტული გიდებისთვის საკვალიფიკაციო მოთხოვნები. თუმცა მათთვის პროფესიული სერტიფიცირება ნებაყოფლობითი იქნება. გათვალისწინებულია გიდებისთვის ოფიციალური სამკერდე მოწმობის შემოღება, მუზეუმებსა და დაცულ ტერიტორიებზე შესვლა კი, უფასო იქნება. სტუმარი: ალექსანდრე გიორგიძე - BB Travel-ის ხელმძღვანელი; #ახალიამბები #BusinessMediaGeorgia
მცენარეთა მოვლა/დაცვის კომპანია “ბორან ჯგუფი” ექსპო ჯორჯიაში 18-20 ნოემბერს სოფლის მეურნეობის, კვების მრეწველობის, გადამამუშავებელი და შემფუთველი ტექნოლოგიების 20-ე საერთაშორისო გამოფენაზე სხვადასხვა პროდუქტით წარსდგა და იქ მისული პოტენციური მომხმარებლების ყურადღებაც დაიმსახურა. კომპანიაში აღნიშნავენ, რომ მათი მიზანია, დაეხმარონ საქართველოში მოქმედ ყველა ფერმერს რათა, ბიზნესი მარტივად და სწრაფად განავითარონ და სოფლის მეურნეობის პროდუქციას შესაბამისად მოუარონ. #ახალიამბები #BusinessMediaGeorgia
პოლონური დღეები საქართველოში 18 ნოემბერს შერატონ გრანდ თბილისი მეტეხი პალასში გაიხსნა და წელსაც დისტრიბუტორთა ბიზნეს ასოციაციის პარტნიორობით ტარდება, 3 დეკემბრამდე გაგრძელდება. ღონისძიებას პოლონური ბრენდების წარმომადგენლები ესწრებოდნენ, ისინი ვინც საქართველოს ბაზარზე პროდუქციის შემოტანით არიან დაინტერესებულები და ამისთვის პარტნიორს ეძებენ. შერატონში გამართულ ღონისძიებაზე სტუმრებს შორის დისტრიბუტორთა ბიზნეს ასოციაციის წევრი კომპანიებიც იყვნენ, ისინი პოლონური კომპანიების პროდუქტებს გაეცნენ რათა სურვილის შემთხვევაში მათთან სავაჭრო ურთიერთობები დაამყარონ. პოლონეთის დღეების მთავარი მიზანი და დანიშნულება ორი ქვეყნის ბიზნესებისთვის გამოცდილების გაზიარება და იმ შესაძლებლობების წარმოჩენაა, რომელიც საქართველო პოლონეთის მეგობრულმა და პარტნიორილმა ურთიერთობამ ორ ქვეყანას შეუძლია მოუტანოს. პოლონური დღეების კვირეული უკვე ტრადიციად იქცა - 2022 ში როგორია გზავნილი და რამდენი კომპანიაა ჩართული. სტუმრები: ივა ჭყონია - საქართველოს დისტრიბუტორთა ბიზნეს ასოციაცია, პრეზიდენტი; გვანცა გრიგალაშვილი - პოლონეთის ინვესტიციების და ვაჭრობის სააგენტოს თბილისის ოფისის ხელმძღვანელი; #ახალიამბები #BusinessMediaGeorgia
ქართული ბანკების ლოკალური სიახლეებიდან კამპანიის ,,გაზარდე შენი ბიზნესი“ ფარგლებში, ლიბერთი ბანკი აგროსექტორის და ბიზნესის წარმომადგენლებთან შეხვედრების სერიას აგრძელებს. ამჯერად, ლიბერთი პარტნიორებთან ერთად, გორის სახელმწიფო უნივერსიტეტში, შიდა ქართლის რეგიონის აგროსექტორის და ბიზნესის წარმომადგენლებს შეხვდა. ,,ბიზნეს დიალოგის” სპიკერებმა, ლიბერთის, სოფლის განვითარების სააგენტოს, სახელმწიფო პროგრამა ,,აწარმოე საქართველოში“, მერსი კორფსისა და ,,ნიუ ვიჟენ“ დაზღვევის წარმომადგენლებმა, ისაუბრეს სოფლის მეურნეობისა და მცირე ბიზნესის განვითარებისთვის არსებულ ყველა იმ შესაძლებლობებზე, რაც დღეს მოქმედ კომპანიებს ხელს შეუწყობს, საკუთარი ბიზნესი კიდევ უფრო გაზარდონ. შეხვედრისას ლიბერთიმ შესაძლებლობებთან ერთად პარტნიორებს და ბიზნეს წრეების წარმომადგენლებს მომავალში დაგეგმილი სამომავლო პროექტებიც გააცნო. ლიბერთიში აცხადებენ, რომ ამ მხრივ იდეების ურთიერთგაზიარება ახალი საბანკო შეთავაზებების შექმნას და მცირე და საშუალო ბიზნესთან მჭიდრო თანამშრომლობას უწყობს ხელს. ლიბერთი ბანკის ინიციატივა ,,ბიზნეს დიალოგი“ რეგიონული შეხვედრების სერიაა, რომლის ფარგლებშიც, პარტნიორებთან ერთად, საქართველოს ყველა რეგიონში ტარდება შეხვედრები აგრო, მცირე და საშუალო ბიზნესის წარმომადგენლებთან. #ახალიამბები #BusinessMediaGeorgia
ყველაზე მოთხოვნადი მედიკამენტების ფასები #ახალიამბები #BusinessMediaGeorgia
#საქმიანიდილა - 21 ნოემბერი - პროლოგი #ახალიამბები #BusinessMediaGeorgia
როგორ განვითარდა “ანტრე” ლონდონში? ნუცა ფიჩხაია - “ანტრე ლონდონის” ხელმძღვანელი; #ახალიამბები #BusinessMediaGeorgia
საქართველოს ბანკი ტექნოლოგიური ინოვაციების მიმართულებით სიახლეების დანერგვას და ახალი შესაძლებლობების შექმნას განაგრძობს. სწორედ ამ მიზნით, ბანკი მონაცემთა მიმართულებით ყველაზე მასშტაბურ პროექტს - Data Challenge-ის მეორე სერიას იწყებს. Data Challenge-ის კონკურსის ფარგლებში, მონაწილეებს შესაძლებლობა ეძლევათ მარტო, ან გუნდთან ერთად ჩაერთონ კონკურსში, შეასრულონ მოცემული დავალება და გამარჯვების შემთხვევაში მოიგონ ფულადი პრიზი. საპრიზო ფონდი შემდეგი პრინციპით გადანაწილდება: პირველ ადგილზე გასული გუნდი 30 000 ლარს მიიღებს; მეორე ადგილზე - 15 000 ლარს, ხოლო მესამე ადგილზე - 5 000 ლარს. გარდა ამისა, მონაწილეებს შესაძლებლობა მიეცემათ, დასაქმდნენ საქართველოს ბანკში. მონაწილეებს ამოცანის ამოსახსნელად და ვებ-გვერდზე პასუხის დასაფიქსირებლად ვადა 2022 წლის 22 ნოემბრიდან 2023 წლის 25 დეკემბრამდე ექნებათ. რაც შეეხება DataFest თბილისს, ის მონაცემთა ყველაზე დიდი ფესტივალია აღმოსავლეთ ევროპასა და ცენტრალურ აზიაში. ღონისძიება სამ დღეს გაგრძელდა და გააერთიანა ადამიანები, რომელთა საქმიანობაც მონაცემებს, მონაცემთა მეცნიერებას და ვიზუალიზაციას უკავშირდება. ფესტივალის ფარგლებში Rooms Hotel Tbilisi-ში ხუთი თემის გარშემო ასობით სტუმარი და 40-ზე მეტი სპიკერი შეიკრიბა. #ახალიამბები #BusinessMediaGeorgia
როგორ მივაღწიოთ მეტ ინოვაციურობას ეკონომიკაში? - მარიამ გაგუა ანალიტკაში სტუმარი: მარიამ გაგუა - Klarna-ს პროდუქტის მენეჯერი #ახალიამბები #BusinessMediaGeorgia
ციფრული ეკონომიკა 21–ე საუკუნის ბაზვორდი – ე.წ. საკვანძო სიტყვაა. ძალიან საინტერესოა ამ მიმართებით გლობალური ინოვაციების ინდექსის მიდგომა – როგორ შეუძლია ბიზნესს გამოიყენოს ICT - ინფორმაციული და საკომუნიკაციო ტექნოლოგიები იმისთვის, რომ ციფრული განვითარება დააჩქაროს. პირველი ეს არის ICT–ის გამოყენება კვლევისთვის – ამ კუთხით წამყვან დარგებად შეიძლება გამოვყოთ ამ ეტაპზე ბიო და ნანო ტექნოლოგიების განვითარება, ფარმაციის სექტორშია ფართოდ გამოყენებული ICT ტექნოლოგიები კვლევისთვის, ასევე – ბიო– ინფორმატიკა. მეორე ეს არის კარგად განვითარებული ICT როგორც ზოგადი დანიშნულების მქონე ტექნოლოგია – მაგალითად: ხელოვნური ინტელექტი, 3D-ბეჭდვა, რობოტიკა. ინდექსის შეფასებით, განათლება, ჯანდაცვა, ტრანსპორტის სექტორი ჯერ კიდევ ღიაა ასეთი ტიპის ტექნოლოგიებისთვის. ახლა საინტერესო გრაფიკა გამოჩნდება თქვენს ეკრანებზე – საიდანაც ჩანს, რომ ვენჩურული კაპიტალის გარიგებები არის ძირითადად მნიშვნელოვანი წარმმართველი მეცნიერებისა და ინოვაციების კუთხით. ასევე კარგად ჩანს, რომ ტექნოლოგიების განვითარებასთან ერთად მცირდება ბევრი ისეთი ხარჯი, რომელიც ადრე ძალიან მაღალი იყო – ეს განსაკუთრებით შესამჩნევია განახლებადი ენერგიების მიმართულებით – განსაკუთრებით, ქარის და მზის შემთხვევაში. ასევე კარგად ჩანს, რომ რობოტები და ავტომატიზაცია – ეს პროცესი მხოლოდ გაგრძელდება და ამ მიმართულებით ტექნოლოგიების ათვისების დიდი მოლოდინი უნდა გვქონდეს. ამავე გრაფიკაზე ჩანს, რომ ელექტრომობილებზე მოთხოვნა და მათი ტექნოლოგიურად კიდევ უფრო მეტად დახვეწაც გაგრძელდება. ამ ყველაფრის სოციოეკონომიკურ ეფექტს რაც შეეხება, გრაფიკაზე იმასაც ნათლად ვხედავთ, რომ მოკლე ვადაში შესაძლოა არ იყოს ეს ეფექტები ასე უცებ საგრძნობი, თუმცა გრძელ ვადაში, აუცილებლად შედეგის მომტანია. სტუმარი: გეგა წურწუმია - PAYZE -ის თანადამფუძნებელი; #ახალიამბები #BusinessMediaGeorgia
ციფრული ეკონომიკა 21–ე საუკუნის ბაზვორდი – ე.წ. საკვანძო სიტყვაა. ძალიან საინტერესოა ამ მიმართებით გლობალური ინოვაციების ინდექსის მიდგომა – როგორ შეუძლია ბიზნესს გამოიყენოს ICT - ინფორმაციული და საკომუნიკაციო ტექნოლოგიები იმისთვის, რომ ციფრული განვითარება დააჩქაროს. პირველი ეს არის ICT–ის გამოყენება კვლევისთვის – ამ კუთხით წამყვან დარგებად შეიძლება გამოვყოთ ამ ეტაპზე ბიო და ნანო ტექნოლოგიების განვითარება, ფარმაციის სექტორშია ფართოდ გამოყენებული ICT ტექნოლოგიები კვლევისთვის, ასევე – ბიო– ინფორმატიკა. მეორე ეს არის კარგად განვითარებული ICT როგორც ზოგადი დანიშნულების მქონე ტექნოლოგია – მაგალითად: ხელოვნური ინტელექტი, 3D-ბეჭდვა, რობოტიკა. ინდექსის შეფასებით, განათლება, ჯანდაცვა, ტრანსპორტის სექტორი ჯერ კიდევ ღიაა ასეთი ტიპის ტექნოლოგიებისთვის. ახლა საინტერესო გრაფიკა გამოჩნდება თქვენს ეკრანებზე – საიდანაც ჩანს, რომ ვენჩურული კაპიტალის გარიგებები არის ძირითადად მნიშვნელოვანი წარმმართველი მეცნიერებისა და ინოვაციების კუთხით. ასევე კარგად ჩანს, რომ ტექნოლოგიების განვითარებასთან ერთად მცირდება ბევრი ისეთი ხარჯი, რომელიც ადრე ძალიან მაღალი იყო – ეს განსაკუთრებით შესამჩნევია განახლებადი ენერგიების მიმართულებით – განსაკუთრებით, ქარის და მზის შემთხვევაში. ასევე კარგად ჩანს, რომ რობოტები და ავტომატიზაცია – ეს პროცესი მხოლოდ გაგრძელდება და ამ მიმართულებით ტექნოლოგიების ათვისების დიდი მოლოდინი უნდა გვქონდეს. ამავე გრაფიკაზე ჩანს, რომ ელექტრომობილებზე მოთხოვნა და მათი ტექნოლოგიურად კიდევ უფრო მეტად დახვეწაც გაგრძელდება. ამ ყველაფრის სოციოეკონომიკურ ეფექტს რაც შეეხება, გრაფიკაზე იმასაც ნათლად ვხედავთ, რომ მოკლე ვადაში შესაძლოა არ იყოს ეს ეფექტები ასე უცებ საგრძნობი, თუმცა გრძელ ვადაში, აუცილებლად შედეგის მომტანია. სტუმარი: გაბრიელ მელივა - Kvalifika-ს აღმასრულებელი დირექტორი #ახალიამბები #BusinessMediaGeorgia
სად არის საქართველო ინოვაციების კუთხით? ეს კითხვა bmg-სთვის მას შემდეგ უფრო აქტუალურია, რაც სახელმწიფომ გადაწყვიტა, რომ უშუალოდ უნდა ჩაერთოს – სააგენტოს ფორმით – და წაახალისოს და მხარი დაუჭიროს ინოვაციური ეკონომიკის განვითარებას. ეს იმას ნიშნავს, რომ ჩვენ – გადასახადების გადამხდელები ჩვენი თანხის ნაწილს ვაინვესტირებთ საკმაოდ მაღალრისკიან ბიზნესებში, რომლებმაც შემდგომ წარმატებას უნდა მიაღწიონ და გადასახადების სახით, დოვლათი უკან დაგვიბრუნონ და რაც მთავარია, ჩვენს მიერ მათთვის მინდობილ ფულზე მეტად შეძლონ სამომავლოდ მთლიანი ეკონომიკის მხარდაჭერა და ზრდა. იმდენად, არაფრიდან დავიწყეთ, რომ დღეს შესაძლოა იმითაც ვაფასებდეთ წარმატებას, რომ მაგალითად, საქართველოს სტარტაპ ბაზარზე უკვე გამოჩნდა ერთი იუნიქორნი – პულსარ ეიაი; ტენეომ სულ ცოტა ხნის წინ გზამკვლევი გამარჯვება მოიპოვა სხვა სტარტაპებისთვის – ეს ძალიან კარგია, რადგან ჩვენ უკვე ქართული მაგალითები გვიჩანს, როლური მოდელები, რომლებთან თავის გაიგივება გაცილებით უფრო მარტივია, რადგან ისინიც ჩვენი საერთო კონტექსტის ნაწილი არიან – ამიტომ თუ მათ შეძლეს, სხვაც შეძლებს, თუ სწორად მოინდომებს და დაგეგმავს. სტუმარი: ირაკლი ქაშიბაძე - Future Laboratory-ის დამფუძნებელი; #ახალიამბები #BusinessMediaGeorgia
15 ნოემბრიდან თიბისიმ და შესაბამისად თიბისის მომხმარებლებმა Google-ის გადახდების სისტემის გამოყენება დაიწყეს, რაც იმას ნიშნავს, რომ თიბისის მომხმარებლებს საშუალება მიეცემათ, ისარგებლონ Google-ის მარტივი და უსაფრთხო უკონტაქტო გადახდებით Android-ისა და WearOS- ის მოწყობილობებზე. ანუ, მომხმარებლებს თიბისის ბარათების შენახვა Google Wallet-ში შეეძლებათ. #BMGDRIVE-ის მგზავრი: მაკო გოგია - TBC-ის გადახდების ლიგის ლიდერი; #ახალიამბები #BusinessMediaGeorgia
Kettari, DATAFest-ის მთავარი პარტნიორი გახდა; ფილმი ოკუპაციაზე; Kettari-ს სტარტაპის, AETIS-ის პრეზენტაცია სტუმრები: სერგი გვარჯალაძე - საინვესტიციო ფონდი “კეტარის” განვითარების დირექტორი; დათი ჯაფარიძე - რეჟისორი და სცენარის ავტორი; #ახალიამბები #BusinessMediaGeorgia
ტრანსპორტირება & ლოჯისტიკა - “თიბისი კაპიტალის” სექტორული ანგარიში სტუმარი: ირინა კვახაძე - "თიბისი კაპიტალის" კვლევების სამსახურის უფროსი; #ახალიამბები #BusinessMediaGeorgia
ლოგისტიკა: მსოფლიო & საქართველო გიორგი თოლორდავა - BMG-ის ანალიტიკოსი; გიორგი არონია - BMG/Forbes Georgia-ს ანალიტიკოსი; სტუმარი: გივი ჩაჩანიძე - "კოსკო შიპინგის" კომერციული დირექტორი; #ახალიამბები #BusinessMediaGeorgia
ესთეტიკური მედიცინა 21-ე საუკუნეში ერთ-ერთი ყველაზე მოთხოვნადი მედიცინის დარგია, რომელიც როგორც ქირურგიულ, ისე - არაქირურგიულ პროცედურებს მოიცავს. განსაკუთრებული პოპულარობით კი, ინექციური მეთოდები სარგებლობს. თეორიულად ბევრმა იცის, რომ ინექციური მეთოდების გამოყენებისას სიფრთხილე და ჰიგიენური ნორმების ზედმიწევნით დაცვაა საჭირო, თუმცა ფაქტი უცვლელია - პაციენტების ნაწილი მაინც ხდება არასწორი ინტერპრეტაციებისა თუ არაპროფესიონალიზმის მსხვერპლი. ესთეტიკური მედიცინის მიმართულებით „კარაპს მედლაინის“ უკვე 25-წლიანი გამოცდილება იძლევა იმის შესაძლებლობას, რომ თავის მოვლის პროცედურების ჩატარებამდე პროფესიონალებისგან საჭირო და მნიშვნელოვანი რჩევები მიიღოთ. არასწორი მიდგომით ან შეუსაბამო პრეპარატებით განხორციელებული პროცედურების შედეგად გამოწვეული გართულებები, კარაპს მედლაინში კომპლექსურად განიხილება და მკურნალობის საუკეთესო მეთოდები ირჩევა.კლინიკაში პროცედურის ჩატარებამდე, პაციენტები ჯერ სახის კანის სრულ დიაგნოსტიკურ პროცედურებს გადიან, შემდეგ კი ექიმები, თითოეული კანის ტიპიდან და სტრუქტურიდან გამომდინარე, პაციენტს ინდივიდუალურად ურჩევენ, თუ რა სახის პროცედურა ესაჭიროებათ. კარაპს მედლაინი 2014 წლიდან სამედიცინო კორპორაცია ევექსის ჯგუფის წევრია.კორპორაცია დღეისთვის საქართველოში ფართო ჰოსპიტალურ ქსელს ფლობს და კლინიკებს ქვეყნის 6 რეგიონში მართავს. ნინო გოგიბერიძე - „კარაპს მედლაინის“ ექიმი დერმატოლოგ-კოსმეტოლოგი; #ახალიამბები #BusinessMediaGeorgia